Angirasasmrti 2.5

इत्याङ्गिरसधर्मशास्त्रे परिषल्लक्षणं नाम चतुर्थो ऽध्यायः पञ्चमो ऽध्यायः चातुर्वेद्यो विकल्पी चे अङ्गविद्धर्मपाठकः । त्रयश्चाश्रमिणो मुख्या पर्षदेषा दशावरा

ityāṅgirasadharmaśāstre pariṣallakṣaṇaṃ nāma caturtho 'dhyāyaḥ pañcamo 'dhyāyaḥ cāturvedyo vikalpī ce aṅgaviddharmapāṭhakaḥ / trayaścāśramiṇo mukhyā parṣadeṣā daśāvarā

Sanskrit only: no published translation is held for this verse.

चतुर्णामपि वेदानां पारगा ये द्विजोत्तमाः । स्वैः स्वैरङ्गैर्विनाप्येते चातुर्वेद्या इति स्मृताः

caturṇāmapi vedānāṃ pāragā ye dvijottamāḥ / svaiḥ svairaṅgairvināpyete cāturvedyā iti smṛtāḥ

Sanskrit only: no published translation is held for this verse.

धर्मम्य पर्षदश्चैव प्रायश्चित्तक्रमस्य च । त्रयाणां यः प्रमाणज्ञः स विकल्पी भवेद्द्विजः

dharmamya parṣadaścaiva prāyaścittakramasya ca / trayāṇāṃ yaḥ pramāṇajñaḥ sa vikalpī bhaveddvijaḥ

Sanskrit only: no published translation is held for this verse.

शब्दे छन्दसि कल्पे च शिक्षायां चैव निश्चयः । ज्योतिषामयने चैव सनिरुक्ते ऽङ्गविद्भवेत्

śabde chandasi kalpe ca śikṣāyāṃ caiva niścayaḥ / jyotiṣāmayane caiva sanirukte 'ṅgavidbhavet

Sanskrit only: no published translation is held for this verse.

वेदविद्याव्रतस्नातः कुलशीलसमन्वितः । अनेकधर्मशास्त्रज्ञः पठ्यते धर्मपाठकः

vedavidyāvratasnātaḥ kulaśīlasamanvitaḥ / anekadharmaśāstrajñaḥ paṭhyate dharmapāṭhakaḥ

Sanskrit only: no published translation is held for this verse.

ब्रह्मचर्याश्रमादूर्ध्वम् आश्रमाद्वृद्ध उच्यते । एषामेव तु वृद्धानां य एते संप्रकीर्तिताः

brahmacaryāśramādūrdhvam āśramādvṛddha ucyate / eṣāmeva tu vṛddhānāṃ ya ete saṃprakīrtitāḥ

Sanskrit only: no published translation is held for this verse.

परिषद्ब्राह्मणानां च राज्ञां सा द्विगुणा स्मृता । वैश्यानां त्रिगुणा चैव पर्षद्वच्च व्रतं स्मृतम्

pariṣadbrāhmaṇānāṃ ca rājñāṃ sā dviguṇā smṛtā / vaiśyānāṃ triguṇā caiva parṣadvacca vrataṃ smṛtam

Sanskrit only: no published translation is held for this verse.

ब्राह्मणो ब्राह्मणानां तु क्षत्रियाणां तु पाठकः । वैश्यानां चैव यो प्रष्टा त एव व्रतदाः स्मृताः

brāhmaṇo brāhmaṇānāṃ tu kṣatriyāṇāṃ tu pāṭhakaḥ / vaiśyānāṃ caiva yo praṣṭā ta eva vratadāḥ smṛtāḥ

Sanskrit only: no published translation is held for this verse.

अगुरुः क्षत्रियाणां तु वैश्यानां चाप्ययाजकः । प्रायश्चित्तं समादिश्य तप्तकृच्छ्रं समाचरेत्

aguruḥ kṣatriyāṇāṃ tu vaiśyānāṃ cāpyayājakaḥ / prāyaścittaṃ samādiśya taptakṛcchraṃ samācaret

Sanskrit only: no published translation is held for this verse.

एवमुद्दिश्य वर्णेषु क्षत्रियादिषु दर्शनम् । प्रवृत्तानां तु वक्ष्यामि प्रायश्चित्तमनुत्तमम्

evamuddiśya varṇeṣu kṣatriyādiṣu darśanam / pravṛttānāṃ tu vakṣyāmi prāyaścittamanuttamam

Sanskrit only: no published translation is held for this verse.

शूद्रः कालेन शुध्येत गोब्राह्मणहिते रतः । दानैर्वाप्युपवासैर्वा द्विजशुश्रूषणे रतः

śūdraḥ kālena śudhyeta gobrāhmaṇahite rataḥ / dānairvāpyupavāsairvā dvijaśuśrūṣaṇe rataḥ

Sanskrit only: no published translation is held for this verse.

अपि वा मार्गमालम्ब्य क्षत्रधर्मेषु तिष्ठतः । अन्तरा ब्राह्मणं कृत्वा ततो ऽस्य व्रतमादिशेत्

api vā mārgamālambya kṣatradharmeṣu tiṣṭhataḥ / antarā brāhmaṇaṃ kṛtvā tato 'sya vratamādiśet

Sanskrit only: no published translation is held for this verse.

तस्माच्छूद्रं समासाद्य तथा धर्मपथे स्थितः । प्रायश्चित्तं प्रदातव्यं धर्मवेदविवर्जितम्

tasmācchūdraṃ samāsādya tathā dharmapathe sthitaḥ / prāyaścittaṃ pradātavyaṃ dharmavedavivarjitam

Sanskrit only: no published translation is held for this verse.

आपन्नो येन वा धर्मो व्रतं वा येन तुष्यति । ब्राह्मणानां प्रसादेन संतार्यः सर्व एव हि

āpanno yena vā dharmo vrataṃ vā yena tuṣyati / brāhmaṇānāṃ prasādena saṃtāryaḥ sarva eva hi

Sanskrit only: no published translation is held for this verse.