Angirasasmrti 2.7

इत्याङ्गिरसधर्मशास्त्रे प्रायश्चित्ताचारकथनं नाम षष्ठो ऽध्यायः सप्तमो ऽध्यायः आर्तानां मार्गमाणानां प्रायश्चितानि ये द्विजाः । जानन्तो न प्रयच्छन्ति ते च यान्ति समं तु तैः

ityāṅgirasadharmaśāstre prāyaścittācārakathanaṃ nāma ṣaṣṭho 'dhyāyaḥ saptamo 'dhyāyaḥ ārtānāṃ mārgamāṇānāṃ prāyaścitāni ye dvijāḥ / jānanto na prayacchanti te ca yānti samaṃ tu taiḥ

Sanskrit only: no published translation is held for this verse.

तस्मादार्तं समासाद्य ब्राह्मणं तु विशेषतः । जानद्भिः पर्षदः पन्था न हातव्यः पराङ्मुखैः

tasmādārtaṃ samāsādya brāhmaṇaṃ tu viśeṣataḥ / jānadbhiḥ parṣadaḥ panthā na hātavyaḥ parāṅmukhaiḥ

Sanskrit only: no published translation is held for this verse.

प्रायश्चित्तं वक्तव्यम् तस्य कार्ये व्रतादेशः प्रमाणार्थं हि दातृभिः । अज्ञानादुपदेष्टव्यः क्रमशः सर्व एव वा

prāyaścittaṃ vaktavyam tasya kārye vratādeśaḥ pramāṇārthaṃ hi dātṛbhiḥ / ajñānādupadeṣṭavyaḥ kramaśaḥ sarva eva vā

Sanskrit only: no published translation is held for this verse.

भयादभ्युत्तरेत्कश्चिद् भयार्तं ब्राह्मणं क्वचित् । एवं पापात्समुद्धृत्य तेन तुल्यफलो भवेत्

bhayādabhyuttaretkaścid bhayārtaṃ brāhmaṇaṃ kvacit / evaṃ pāpātsamuddhṛtya tena tulyaphalo bhavet

Sanskrit only: no published translation is held for this verse.

प्रायश्चित्तं न दातव्यं जानद्भिरपि च द्विजैः

prāyaścittaṃ na dātavyaṃ jānadbhirapi ca dvijaiḥ

Sanskrit only: no published translation is held for this verse.

तस्माज्जनैः प्रदातव्यम् अनुज्ञाप्य च पर्षदम् । न चान्येषु प्रजल्पत्सु चैवं धर्मो न हीयते

tasmājjanaiḥ pradātavyam anujñāpya ca parṣadam / na cānyeṣu prajalpatsu caivaṃ dharmo na hīyate

Sanskrit only: no published translation is held for this verse.

पातकेषु शतं पर्षत् सहस्रं महदादिषु । उपपापेषु पञ्चाशत् स्वल्पं स्वल्पेषु निश्चयः

pātakeṣu śataṃ parṣat sahasraṃ mahadādiṣu / upapāpeṣu pañcāśat svalpaṃ svalpeṣu niścayaḥ

Sanskrit only: no published translation is held for this verse.

पञ्चमहापातकिनः ब्रह्महा स्वर्णहारी च सुरापो गुरुतल्पगः । एतैः संयुज्यते यो ऽन्यः पतितैः सह पञ्चमः

pañcamahāpātakinaḥ brahmahā svarṇahārī ca surāpo gurutalpagaḥ / etaiḥ saṃyujyate yo 'nyaḥ patitaiḥ saha pañcamaḥ

Sanskrit only: no published translation is held for this verse.

पतिताः नारीपुरुषहन्ता च कन्यादूषी गवां च हा । चत्वारः पतिता प्रोक्ता यथा वै ब्रह्महादयः । उपपातकास्त्वसंख्यातास् ते च गोघ्नादयस्तथा

patitāḥ nārīpuruṣahantā ca kanyādūṣī gavāṃ ca hā / catvāraḥ patitā proktā yathā vai brahmahādayaḥ / upapātakāstvasaṃkhyātās te ca goghnādayastathā

Sanskrit only: no published translation is held for this verse.