Anna 38.29
आम्रं पाकस्य काले मधुरम् इह रसेनेषद् अम्लं च हृद्यं रेतोवृद्धिं विधत्ते शमयति पवनं पाचनं दीपनं च । आनन्दं संदधाति प्रतिदिशति बलं वीर्यतः सुश्रुताद्याः विख्याताः सर्वलोके ह्य् अतिजनितकफं दुर्जरं कीर्तयन्ति
āmraṃ pākasya kāle madhuram iha raseneṣad amlaṃ ca hṛdyaṃ retovṛddhiṃ vidhatte śamayati pavanaṃ pācanaṃ dīpanaṃ ca / ānandaṃ saṃdadhāti pratidiśati balaṃ vīryataḥ suśrutādyāḥ vikhyātāḥ sarvaloke hy atijanitakaphaṃ durjaraṃ kīrtayanti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.