॥ अथेदानीं शिखरिणी कथ्यते ॥ अर्धाढकं सुचिरपर्युषितस्य दध्नः खण्डस्य षोडश पलानि शशिप्रभस्य । सर्पिः पलं मधु पलं मरिचं द्विकर्षं शुण्ठ्याः पलार्धम् अपि चार्धपलं चतुर्णाम् (चतुर्जातकस्य) ॥ श्लक्ष्णे पटे ललनया मृदुपाणिघृष्टा कर्पूरचूर्णसुरभीकृतचारुसंस्था । एषा वृकोदरकृता मु (सु)रसा रसाला चास्वादिता भगवता मधुसूदनेन
// athedānīṃ śikhariṇī kathyate // ardhāḍhakaṃ suciraparyuṣitasya dadhnaḥ khaṇḍasya ṣoḍaśa palāni śaśiprabhasya / sarpiḥ palaṃ madhu palaṃ maricaṃ dvikarṣaṃ śuṇṭhyāḥ palārdham api cārdhapalaṃ caturṇām (caturjātakasya) // ślakṣṇe paṭe lalanayā mṛdupāṇighṛṣṭā karpūracūrṇasurabhīkṛtacārusaṃsthā / eṣā vṛkodarakṛtā mu (su)rasā rasālā cāsvāditā bhagavatā madhusūdanena
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.