ततो जातबलं मुस्तामरदारुनागरप्रतिवापेन सुरसादिकषायेणास्थापयेत्। पित्तोत्तरं तु न्यग्रोधादिकषायेण। ततश्च जाङ्गलरसैः क्रमेण सन्तर्पयेत्। अत्यपतर्पणेन हि प्रमेहिणो विशेषेण मूत्रकृच्छ्रबस्तिमेढ्रशूलगुल्मातिकार्श्यभ्रमादीनां सम्भवः। ततोऽनुबन्धरक्षणार्थं शमनार्हस्य च शमनान्यवचारयेत्॥
tato jātabalaṃ mustāmaradārunāgaraprativāpena surasādikaṣāyeṇāsthāpayet| pittottaraṃ tu nyagrodhādikaṣāyeṇa| tataśca jāṅgalarasaiḥ krameṇa santarpayet| atyapatarpaṇena hi pramehiṇo viśeṣeṇa mūtrakṛcchrabastimeḍhraśūlagulmātikārśyabhramādīnāṃ sambhavaḥ| tato'nubandharakṣaṇārthaṃ śamanārhasya ca śamanānyavacārayet||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.