प्रातः सर्वप्रमेहेषु हरिद्रां मधुना युक्तामामलकरसेन पिबेत्। अथवा सालसप्तपर्णकुटजकपित्थकम्पिल्लकबिभीतकरोहितककुसुमानि तच्चूर्णं वा क्षौद्रेण लिह्यात्। हरीतकीचूर्णं वा। पिबेद्वा त्रिफलामुस्तादेवदारुहरिद्राक्वाथम्। असनचित्रकत्रिफलादार्वीकलिङ्गकानां वा सक्षौद्रम्। तद्वद् गुडूच्या वा स्वरसमामलकानां वा॥
prātaḥ sarvaprameheṣu haridrāṃ madhunā yuktāmāmalakarasena pibet| athavā sālasaptaparṇakuṭajakapitthakampillakabibhītakarohitakakusumāni taccūrṇaṃ vā kṣaudreṇa lihyāt| harītakīcūrṇaṃ vā| pibedvā triphalāmustādevadāruharidrākvātham| asanacitrakatriphalādārvīkaliṅgakānāṃ vā sakṣaudram| tadvad guḍūcyā vā svarasamāmalakānāṃ vā||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.