AsS 4.15.3
आभ्यन्तरे तु विद्रधौ वरणादिक्वाथमूषकादिप्रतीवापं पिबेत्। आभ्यामेव च वर्गाभ्यां विरेचनद्रव्यैश्च पानाय् सर्पिः प्रकल्पयेत्। आस्थापनमनुवासनं च। मधुशिग्रुम् च पानभोजनलेपनेषु। शिलाह्वयं वा कल्पविधानेनोपयुञ्जीत। गुग्गुलुं वा यथादोषं च सर्वशो गुल्मवदुपक्रमेत्॥
ābhyantare tu vidradhau varaṇādikvāthamūṣakādipratīvāpaṃ pibet| ābhyāmeva ca vargābhyāṃ virecanadravyaiśca pānāy sarpiḥ prakalpayet| āsthāpanamanuvāsanaṃ ca| madhuśigrum ca pānabhojanalepaneṣu| śilāhvayaṃ vā kalpavidhānenopayuñjīta| gugguluṃ vā yathādoṣaṃ ca sarvaśo gulmavadupakramet||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.