श्वयथुषु दोषजेषु सर्वेषु सर्वसरेष्वामानुबद्धेषु लङ्घन पाचनशोधनान्यादौ योजयेत्। स्नेहजेषु विरूक्षणान्यौषधानि विरूक्षणोत्थेषु स्नेहनानि। तत्रामजेषु लङ्घितवतो लघ्वन्नमशितस्य भद्रदारुनागरमरिचप्रतिविषाविडङ्गेन्द्रयवानुष्णाम्बुना। नागरदेवदारुपथ्यावर्षाभ्वो वा। पञ्चकोलकाजाजीनिदिग्धिकामुस्तपाठारजनीर्वा। मूत्रवर्तिं वा नवायसं वा। गुरुभिन्नपुरीषस्तु तक्रं सव्योषसौवर्चलक्षौद्रम्। गुडहरीतकीं वा शीलयेत्॥
śvayathuṣu doṣajeṣu sarveṣu sarvasareṣvāmānubaddheṣu laṅghana pācanaśodhanānyādau yojayet| snehajeṣu virūkṣaṇānyauṣadhāni virūkṣaṇottheṣu snehanāni| tatrāmajeṣu laṅghitavato laghvannamaśitasya bhadradārunāgaramaricaprativiṣāviḍaṅgendrayavānuṣṇāmbunā| nāgaradevadārupathyāvarṣābhvo vā| pañcakolakājājīnidigdhikāmustapāṭhārajanīrvā| mūtravartiṃ vā navāyasaṃ vā| gurubhinnapurīṣastu takraṃ savyoṣasauvarcalakṣaudram| guḍaharītakīṃ vā śīlayet||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.