पित्तप्रबले द्राक्षारेवतफलपयस्यामधुकचन्दनकाश्मर्यकषायं शर्करामधुमधुरं पाययेत्। शतावरीपटोलत्रिफलागुडूचीकटुकाकषायं वा। स्वादुतिक्तवर्गसिद्धं च सर्पिः क्षीरं च। रास्नाभीरुदशमूलबलासिद्धं वा। धारोष्णं वा। विरेकार्थे त्रिवृच्चूर्णयुक्तं वा। क्षीराहारो वा क्षीरेणैरण्डतैलं बहुशः पिबेत्। अमृतारग्वधाटरूषककषायेण वा। क्षीरबस्तीन् वा सघृतान् दद्यात्॥
pittaprabale drākṣārevataphalapayasyāmadhukacandanakāśmaryakaṣāyaṃ śarkarāmadhumadhuraṃ pāyayet| śatāvarīpaṭolatriphalāguḍūcīkaṭukākaṣāyaṃ vā| svādutiktavargasiddhaṃ ca sarpiḥ kṣīraṃ ca| rāsnābhīrudaśamūlabalāsiddhaṃ vā| dhāroṣṇaṃ vā| virekārthe trivṛccūrṇayuktaṃ vā| kṣīrāhāro vā kṣīreṇairaṇḍatailaṃ bahuśaḥ pibet| amṛtāragvadhāṭarūṣakakaṣāyeṇa vā| kṣīrabastīn vā saghṛtān dadyāt||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.