मासादुद्धृत्य तं लेहं यो वर्षमुपयोजयेत्। सहस्रायुः स जरसा सहसा नाभिभूयते॥
māsāduddhṛtya taṃ lehaṃ yo varṣamupayojayet| sahasrāyuḥ sa jarasā sahasā nābhibhūyate||
Sanskrit only: no published translation is held for this verse.
Library·Vāgbhaṭa: Aṣṭāṅga-saṅgraha·6·6.49
Vāgbhaṭa: Aṣṭāṅga-saṅgraha 6.49
कुष्ठचूर्णतुलां क्षौद्रघृतस्य द्वितुलान्विताम्। धान्यराशौ दिनशतं निहितामुपयोजयेत्॥
kuṣṭhacūrṇatulāṃ kṣaudraghṛtasya dvitulānvitām| dhānyarāśau dinaśataṃ nihitāmupayojayet||
Sanskrit only: no published translation is held for this verse.
सुगन्धिकायो दृक्श्रोत्रस्वरवर्णेष्वतीन्द्रियः। गतव्याधिजरो जीवेत् सप्तवर्षशतानि ना॥
sugandhikāyo dṛkśrotrasvaravarṇeṣvatīndriyaḥ| gatavyādhijaro jīvet saptavarṣaśatāni nā||
Sanskrit only: no published translation is held for this verse.
कुटीप्रवेशः क्षणिनां परिच्छदवतां हितः। अतोन्यथा तु ये तेषां सौर्यमारुतिको विधिः॥
kuṭīpraveśaḥ kṣaṇināṃ paricchadavatāṃ hitaḥ| atonyathā tu ye teṣāṃ sauryamārutiko vidhiḥ||
Sanskrit only: no published translation is held for this verse.
वातातपसहा योगा वक्ष्यन्तेऽतो विशेषतः। सुखोपचारा भ्रंशेऽपि ये न देहस्य बाधकाः॥
vātātapasahā yogā vakṣyante'to viśeṣataḥ| sukhopacārā bhraṃśe'pi ye na dehasya bādhakāḥ||
Sanskrit only: no published translation is held for this verse.
शीतोदकं पयः क्षौद्रं घृतमेकैकशो द्विशः। त्रिशः समस्तमथवा प्राक्पीतं स्थापयेद्वयः॥
śītodakaṃ payaḥ kṣaudraṃ ghṛtamekaikaśo dviśaḥ| triśaḥ samastamathavā prākpītaṃ sthāpayedvayaḥ||
Sanskrit only: no published translation is held for this verse.
हरीतकीमागधिकाक्षधात्रीश्चूर्णीकृता लोहरजोविमिश्राः। सर्पिर्मधुभ्यामदतः शरीरं कालाग्रदूती न जरा दुनोति॥
harītakīmāgadhikākṣadhātrīścūrṇīkṛtā loharajovimiśrāḥ| sarpirmadhubhyāmadataḥ śarīraṃ kālāgradūtī na jarā dunoti||
Sanskrit only: no published translation is held for this verse.
हरीतकीमागधिकाविडङ्गशशाङ्कलेखामलकच्छवीनाम्। सितोपलौतपघृतान्वितानां रोगा न लेढारमभिद्रवन्ति॥
harītakīmāgadhikāviḍaṅgaśaśāṅkalekhāmalakacchavīnām| sitopalautapaghṛtānvitānāṃ rogā na leḍhāramabhidravanti||
Sanskrit only: no published translation is held for this verse.
त्रिफलामसनोदकेन पिष्टां रजनीं पर्युषितामयः कपाले। मधुना मधुरां लिहन् हिनस्ति स्थविमानं जरसं गदांश्च सर्वान्॥
triphalāmasanodakena piṣṭāṃ rajanīṃ paryuṣitāmayaḥ kapāle| madhunā madhurāṃ lihan hinasti sthavimānaṃ jarasaṃ gadāṃśca sarvān||
Sanskrit only: no published translation is held for this verse.
खदिरासनयूषभावितायास्त्रिफलाया घृतमाक्षिकप्लुतायाः। नियमेन नरा निषेवितारो यदि जीवन्त्यजराः किमत्र चित्रम्॥
khadirāsanayūṣabhāvitāyāstriphalāyā ghṛtamākṣikaplutāyāḥ| niyamena narā niṣevitāro yadi jīvantyajarāḥ kimatra citram||
Sanskrit only: no published translation is held for this verse.
असनस्वरसेन भावितानामभयानां सविडङ्गतण्डुलानाम्। मधुलोहरजोघृताप्लुतानां न हि लेढारमभिद्रवन्ति रोगाः॥
asanasvarasena bhāvitānāmabhayānāṃ saviḍaṅgataṇḍulānām| madhuloharajoghṛtāplutānāṃ na hi leḍhāramabhidravanti rogāḥ||
Sanskrit only: no published translation is held for this verse.
बीजकम्य रसमङ्गुलिहार्यं शर्करामधुघृतं त्रिफलां च। शीलयत्सु पुरुषेषु जरत्तास्वागतापि विनिवर्त्तत एव॥
bījakamya rasamaṅgulihāryaṃ śarkarāmadhughṛtaṃ triphalāṃ ca| śīlayatsu puruṣeṣu jarattāsvāgatāpi vinivarttata eva||
Sanskrit only: no published translation is held for this verse.
दर्वीप्रलेपास्रिफलाकषायः सितोपला तैलमधुप्रगाढः। सपिप्पलीनागरलोहरेणुस्तनोः सपत्नीं जरसं निहन्ति॥
darvīpralepāsriphalākaṣāyaḥ sitopalā tailamadhupragāḍhaḥ| sapippalīnāgaralohareṇustanoḥ sapatnīṃ jarasaṃ nihanti||
Sanskrit only: no published translation is held for this verse.
फलत्रयत्र्यूषणचूर्णयुक्तां द्राक्षां ससर्पिर्मधुशर्करां च। क्षीरानुपानं पुरुषा लिहन्तो जीवन्ति निर्धूतजराविकाराः॥
phalatrayatryūṣaṇacūrṇayuktāṃ drākṣāṃ sasarpirmadhuśarkarāṃ ca| kṣīrānupānaṃ puruṣā lihanto jīvanti nirdhūtajarāvikārāḥ||
Sanskrit only: no published translation is held for this verse.
हरीतकीं सर्पिषि सम्प्रताप्य समश्नतस्तत् पिबतो घृतं च। भवेच्चिरस्थायि बलं शरीरे सक्द्त्कृतं साधु यथा कृतज्ञे॥
harītakīṃ sarpiṣi sampratāpya samaśnatastat pibato ghṛtaṃ ca| bhaveccirasthāyi balaṃ śarīre sakdtkṛtaṃ sādhu yathā kṛtajñe||
Sanskrit only: no published translation is held for this verse.
आराच्चितानां कलशं पुराणं धात्रीफलानां मधुनश्च पूर्णम्। संवत्सरार्द्धं निहितं यवेषु निषेवमाणो जरसं निहन्ति॥
ārāccitānāṃ kalaśaṃ purāṇaṃ dhātrīphalānāṃ madhunaśca pūrṇam| saṃvatsarārddhaṃ nihitaṃ yaveṣu niṣevamāṇo jarasaṃ nihanti||
Sanskrit only: no published translation is held for this verse.
धात्रीकृमिघ्नासनसारचूर्णं सतैलसर्पिर्मधुलोहरेणु। निषेवमाणस्य भवेन्नरस्य तारुण्यलावण्यमपि प्रणष्टम्॥
dhātrīkṛmighnāsanasāracūrṇaṃ satailasarpirmadhulohareṇu| niṣevamāṇasya bhavennarasya tāruṇyalāvaṇyamapi praṇaṣṭam||
Sanskrit only: no published translation is held for this verse.
नवामलकशुक्तयो मधु घृतं रजश्चायसं चतुष्टयमयोघटस्थमिति चूर्णितं वत्सरम्॥
navāmalakaśuktayo madhu ghṛtaṃ rajaścāyasaṃ catuṣṭayamayoghaṭasthamiti cūrṇitaṃ vatsaram||
Sanskrit only: no published translation is held for this verse.
क्रमेण लिहतः पयोनुपिबतश्च पथ्याशिनश्चिरं भवति जीवितं क्षयमुपैति पृथवीजरा॥
krameṇa lihataḥ payonupibataśca pathyāśinaściraṃ bhavati jīvitaṃ kṣayamupaiti pṛthavījarā||
Sanskrit only: no published translation is held for this verse.
चूर्णं श्वदंष्ट्रामलकामृतानां लिहन् ससर्पिर्मधुभागयुक्तम्। वृषस्थिरःशान्तविकारदुःखः समाः शतं जीवति कृष्णकेशः॥
cūrṇaṃ śvadaṃṣṭrāmalakāmṛtānāṃ lihan sasarpirmadhubhāgayuktam| vṛṣasthiraḥśāntavikāraduḥkhaḥ samāḥ śataṃ jīvati kṛṣṇakeśaḥ||
Sanskrit only: no published translation is held for this verse.
विडङ्गसारं मधुकं च पिष्टं भल्लातकक्वाथमधुप्रगाढम्। अर्शांसि जन्तूंश्च जयत्युदीर्णान् वह्निं च सन्धुक्षयति क्षणेन॥
viḍaṅgasāraṃ madhukaṃ ca piṣṭaṃ bhallātakakvāthamadhupragāḍham| arśāṃsi jantūṃśca jayatyudīrṇān vahniṃ ca sandhukṣayati kṣaṇena||
Sanskrit only: no published translation is held for this verse.
विडङ्गभल्लातकचित्रकाणां गुडोत्तराणामभयान्वितानाम्। तैलेन चूर्णानि निषेवमाणान् शरीरिणो नोपतपन्ति रोगाः॥
viḍaṅgabhallātakacitrakāṇāṃ guḍottarāṇāmabhayānvitānām| tailena cūrṇāni niṣevamāṇān śarīriṇo nopatapanti rogāḥ||
Sanskrit only: no published translation is held for this verse.
विडङ्गभल्लातकनागराणि येऽश्नन्ति सर्पिर्मधुसंयुतानि। जरानदीं रोगतरङ्गिणीं ते लावण्ययुक्ताः पुरुषास्तरन्ति॥
viḍaṅgabhallātakanāgarāṇi ye'śnanti sarpirmadhusaṃyutāni| jarānadīṃ rogataraṅgiṇīṃ te lāvaṇyayuktāḥ puruṣāstaranti||
Sanskrit only: no published translation is held for this verse.
विडङ्गकल्कं स्वरसेन धात्र्याः क्षौद्रेण युक्तं च पिबेन्नरो यः। द्राक्षारसक्षौद्रपरिप्लुतं वा विजित्य रोगान् स भवेच्छतायुः॥
viḍaṅgakalkaṃ svarasena dhātryāḥ kṣaudreṇa yuktaṃ ca pibennaro yaḥ| drākṣārasakṣaudrapariplutaṃ vā vijitya rogān sa bhavecchatāyuḥ||
Sanskrit only: no published translation is held for this verse.
चूर्णं समं मागधिकाकणानां विडङ्गचूर्णेन सचित्रकेण। निषेवमाणो मधुतैलमिश्रं वयःपरीणामजले न मज्जेत्॥
cūrṇaṃ samaṃ māgadhikākaṇānāṃ viḍaṅgacūrṇena sacitrakeṇa| niṣevamāṇo madhutailamiśraṃ vayaḥparīṇāmajale na majjet||
Sanskrit only: no published translation is held for this verse.
पुनर्नवस्यार्द्धपलं पलं वा पिष्टं पिबेद्यः पयसार्द्धामासम्। मासद्वयं तत्त्रिगुणं समां वा जीर्णोपि भूयः सपुनर्नवः स्यात्॥
punarnavasyārddhapalaṃ palaṃ vā piṣṭaṃ pibedyaḥ payasārddhāmāsam| māsadvayaṃ tattriguṇaṃ samāṃ vā jīrṇopi bhūyaḥ sapunarnavaḥ syāt||
Sanskrit only: no published translation is held for this verse.
मूर्वाबृहत्यंशुमतीबलानामुशीरपाठासनसारिवाणाम्। कालानुसार्यागरुचन्दनानां वदन्ति पौनर्नवमेव कल्पम्॥
mūrvābṛhatyaṃśumatībalānāmuśīrapāṭhāsanasārivāṇām| kālānusāryāgarucandanānāṃ vadanti paunarnavameva kalpam||
Sanskrit only: no published translation is held for this verse.
शतवरीकल्ककषायसिद्धं ये सर्पिरश्नन्ति सिताद्वितीयम्। तान् जीविताध्वानमभिप्रपन्नान् न विप्रलुम्पन्ति विकारचोराः॥
śatavarīkalkakaṣāyasiddhaṃ ye sarpiraśnanti sitādvitīyam| tān jīvitādhvānamabhiprapannān na vipralumpanti vikāracorāḥ||
Sanskrit only: no published translation is held for this verse.
पीताश्वगन्धा पयसार्द्धमासं घृतेन तैलेन सुखाम्बुना वा। कृशस्य पुष्टिं वपुषो विधत्ते बालस्य सस्यस्य यथा सुवृष्टिः॥
pītāśvagandhā payasārddhamāsaṃ ghṛtena tailena sukhāmbunā vā| kṛśasya puṣṭiṃ vapuṣo vidhatte bālasya sasyasya yathā suvṛṣṭiḥ||
Sanskrit only: no published translation is held for this verse.
दिने दिने कृष्णतिलप्रकुञ्चं समश्नतः शीतजलानुपानम्। पोषः शरीरस्य भवत्यनल्पो दृढीभवन्त्यामरणाच्च दन्ताः॥
dine dine kṛṣṇatilaprakuñcaṃ samaśnataḥ śītajalānupānam| poṣaḥ śarīrasya bhavatyanalpo dṛḍhībhavantyāmaraṇācca dantāḥ||
Sanskrit only: no published translation is held for this verse.
शिलाजतुक्षौद्रविडङ्गसर्पिर्लोहाभयापारदताप्यभक्षः। आपूर्यते दुर्बलदेहधातुस्त्रिपञ्चरात्रेण यथा शशाङ्कः॥
śilājatukṣaudraviḍaṅgasarpirlohābhayāpāradatāpyabhakṣaḥ| āpūryate durbaladehadhātustripañcarātreṇa yathā śaśāṅkaḥ||
Sanskrit only: no published translation is held for this verse.
मधु मधुरसा लाजा भार्ङ्गी मधूकशतावरी। कमलकुसुमत्वक्षीरीभिः समं जतु पार्वतम्। प्रचुरहविषा लेहं लीढ्वा समृद्धसितोपलं। शिथिलजरसो मन्दातका भवन्ति चिरायुषः॥
madhu madhurasā lājā bhārṅgī madhūkaśatāvarī| kamalakusumatvakṣīrībhiḥ samaṃ jatu pārvatam| pracurahaviṣā lehaṃ līḍhvā samṛddhasitopalaṃ| śithilajaraso mandātakā bhavanti cirāyuṣaḥ||
Sanskrit only: no published translation is held for this verse.
गायत्रीशिखिशिंशपासनशिवा वेल्लाक्षकारुष्करान् पिष्ट्वाष्टौ दशषट्गुणेम्भसि दृतान् खण्डैः सहायोमयैः। पात्रे लोहकृते त्र्यहं रविकरैरालोडयन् पाचयेदग्नौ चानु मृदौ सलोहशकलं पादस्थितं तत् पचेत्॥
gāyatrīśikhiśiṃśapāsanaśivā vellākṣakāruṣkarān piṣṭvāṣṭau daśaṣaṭguṇembhasi dṛtān khaṇḍaiḥ sahāyomayaiḥ| pātre lohakṛte tryahaṃ ravikarairāloḍayan pācayedagnau cānu mṛdau salohaśakalaṃ pādasthitaṃ tat pacet||
Sanskrit only: no published translation is held for this verse.
पूतस्यांशः क्षीरतोंशस्तथांशौ भार्ङ्गान्निर्यासात् पिबर्यास्त्रयोंशाः। अंशाश्चत्वारस्तत्र हय्यङ्गवीनादेकीकृत्यैतत् साधयेत् कृष्णलौहे॥
pūtasyāṃśaḥ kṣīratoṃśastathāṃśau bhārṅgānniryāsāt pibaryāstrayoṃśāḥ| aṃśāścatvārastatra hayyaṅgavīnādekīkṛtyaitat sādhayet kṛṣṇalauhe||
Sanskrit only: no published translation is held for this verse.
विमलया सितया मधुनाथवा युतमयुक्तमिदं यदि वा घृतम्। स्वरुचिभोजनपानविचेष्टितो भवति ना पलशः परिशीलयन्॥
vimalayā sitayā madhunāthavā yutamayuktamidaṃ yadi vā ghṛtam| svarucibhojanapānaviceṣṭito bhavati nā palaśaḥ pariśīlayan||
Sanskrit only: no published translation is held for this verse.
श्रीमान् निर्धूतपाप्मा वनमहिषबलो वाजिवेगः स्थिराङ्गो केशैर्भृङ्गाङ्गनीलैर्मधुसुरभिमुखो नैकयोषिन्निषेवी। वाङ्मेधाधीसमृद्धः सुपटुहुतवहो मासमात्रोपयोगाद्धत्तेसौ नारसिंहं वपुरनलशिखातप्तचामीकराभम्॥
śrīmān nirdhūtapāpmā vanamahiṣabalo vājivegaḥ sthirāṅgo keśairbhṛṅgāṅganīlairmadhusurabhimukho naikayoṣinniṣevī| vāṅmedhādhīsamṛddhaḥ supaṭuhutavaho māsamātropayogāddhattesau nārasiṃhaṃ vapuranalaśikhātaptacāmīkarābham||
Sanskrit only: no published translation is held for this verse.
हविरिदमतिप्रभावं स्वमिव वपुर्निर्मितं नृसिंहेन। नश्यन्ति यतो भीता व्याध्याधिजरासुरा दूरात्॥
haviridamatiprabhāvaṃ svamiva vapurnirmitaṃ nṛsiṃhena| naśyanti yato bhītā vyādhyādhijarāsurā dūrāt||
Sanskrit only: no published translation is held for this verse.
भृङ्गप्रवालानमुनैवभृष्टान् घृतेन यः खादति यन्त्रितात्मा। विशुद्धकोष्ठोऽसनसारासिद्धदुग्धानुपस्तत्कृतभोजनार्थः॥
bhṛṅgapravālānamunaivabhṛṣṭān ghṛtena yaḥ khādati yantritātmā| viśuddhakoṣṭho'sanasārāsiddhadugdhānupastatkṛtabhojanārthaḥ||
Sanskrit only: no published translation is held for this verse.
मासोपयोगात् स सुखी जीवत्यब्दशत त्रयम्। गृह्णाति सकृदप्युक्तमविलुप्तस्मृतीन्दिर्यः॥
māsopayogāt sa sukhī jīvatyabdaśata trayam| gṛhṇāti sakṛdapyuktamaviluptasmṛtīndiryaḥ||
Sanskrit only: no published translation is held for this verse.
अनेनैव च कल्पेन यस्तैलमुपयोजयेत्। तानेवाप्नोति स गुणान् कृष्णकेशश्च जायते॥
anenaiva ca kalpena yastailamupayojayet| tānevāpnoti sa guṇān kṛṣṇakeśaśca jāyate||
Sanskrit only: no published translation is held for this verse.
काश्मर्याणां तुलां मासं स्थितां मधुघृतोक्षिताम्। उपयुज्य पयोन्नाशी चिरं जीवति कान्तिमान्॥
kāśmaryāṇāṃ tulāṃ māsaṃ sthitāṃ madhughṛtokṣitām| upayujya payonnāśī ciraṃ jīvati kāntimān||
Sanskrit only: no published translation is held for this verse.
उक्तानि शक्यानि फलान्वितानि युगानुरूपाणि रसायनानि। महानुशंसान्यपि चापराणि प्राप्त्यादिकष्टानि न कीर्त्तितानि॥
uktāni śakyāni phalānvitāni yugānurūpāṇi rasāyanāni| mahānuśaṃsānyapi cāparāṇi prāptyādikaṣṭāni na kīrttitāni||
Sanskrit only: no published translation is held for this verse.
अमानुषाणामतिविस्मयानां सत्कर्मणां यद्यपि तानि हेतुः। समूलकाषं तु कषन्ति देहं भ्रंशाद्विधेस्तेन विवर्जितानि॥
amānuṣāṇāmativismayānāṃ satkarmaṇāṃ yadyapi tāni hetuḥ| samūlakāṣaṃ tu kaṣanti dehaṃ bhraṃśādvidhestena vivarjitāni||
Sanskrit only: no published translation is held for this verse.
युगस्वभावाद्यदि चौषधीनां क्रियासु शक्तिः परिकल्प्यतेऽल्पा। आयुर्बलादिष्वपि सा तथेति यत्नान्निषेव्याणि रसायनानि॥
yugasvabhāvādyadi cauṣadhīnāṃ kriyāsu śaktiḥ parikalpyate'lpā| āyurbalādiṣvapi sā tatheti yatnānniṣevyāṇi rasāyanāni||
Sanskrit only: no published translation is held for this verse.
न चौषधीनामपि सर्वथैव प्रभावहानिः परिकल्पनीया। फलं प्रयात्यूर्ध्वमधस्त्रिवृत्तु प्रत्यक्षतः कस्य न सिद्धमेतत्॥
na cauṣadhīnāmapi sarvathaiva prabhāvahāniḥ parikalpanīyā| phalaṃ prayātyūrdhvamadhastrivṛttu pratyakṣataḥ kasya na siddhametat||
Sanskrit only: no published translation is held for this verse.
अदेशकालोपहितान्यसात्म्यान्यत्युष्णतीक्ष्णानि यथौषधानि। नाशं नयन्ते सहसैव देहं सम्यक्प्रयुक्तानि तथैव वृद्धिम्॥
adeśakālopahitānyasātmyānyatyuṣṇatīkṣṇāni yathauṣadhāni| nāśaṃ nayante sahasaiva dehaṃ samyakprayuktāni tathaiva vṛddhim||
Sanskrit only: no published translation is held for this verse.
जित्वा तस्मादिन्द्रियादीन् सुदुष्टान् कालोपेतः श्वद्दधानो यथावत्। आयुःप्रज्ञातेजसां यद्विवृध्यै वीर्योपेतं शीलयेदौषधं तत्॥
jitvā tasmādindriyādīn suduṣṭān kālopetaḥ śvaddadhāno yathāvat| āyuḥprajñātejasāṃ yadvivṛdhyai vīryopetaṃ śīlayedauṣadhaṃ tat||
Sanskrit only: no published translation is held for this verse.
उत्साहवीरैरपि सर्वकालं नरैरगम्यानि तपोदरिद्रैः। महार्णवानामिव दुस्तराणां पाराण्यपाराणि रसायनानाम्॥
utsāhavīrairapi sarvakālaṃ narairagamyāni tapodaridraiḥ| mahārṇavānāmiva dustarāṇāṃ pārāṇyapārāṇi rasāyanānām||
Sanskrit only: no published translation is held for this verse.
रसायनानामुपयोगसम्पदा कृतप्रसादैर्मलदोषधातुभिः। स्थिरं शरीरं क्रियते शरीरिणां कुलं यथा सत्पुरुषैरधिष्ठितम्॥
rasāyanānāmupayogasampadā kṛtaprasādairmaladoṣadhātubhiḥ| sthiraṃ śarīraṃ kriyate śarīriṇāṃ kulaṃ yathā satpuruṣairadhiṣṭhitam||
Sanskrit only: no published translation is held for this verse.
दान्तेन्द्रियेण शास्त्रार्थं यथावदनुतिष्ठाता। कियद्वा दीर्घदर्शित्वं नेन्द्रत्वमपि दुर्लभम्॥
dāntendriyeṇa śāstrārthaṃ yathāvadanutiṣṭhātā| kiyadvā dīrghadarśitvaṃ nendratvamapi durlabham||
Sanskrit only: no published translation is held for this verse.
रसायनविधिभ्रंशाज्जायेरन् व्याधयो यदि। यथास्वमौषधं तेषां कार्यं मुक्त्वा रसायनम्॥
rasāyanavidhibhraṃśājjāyeran vyādhayo yadi| yathāsvamauṣadhaṃ teṣāṃ kāryaṃ muktvā rasāyanam||
Sanskrit only: no published translation is held for this verse.
अध्याक्रान्ता येऽम्लपटुक्षारकटूष्णैर्द्रव्यैस्तीक्ष्णैः सन्निहिता तेषु जरत्ता। सन्धुक्ष्योग्निस्तैरुपजाते च विवर्ज्या योगास्तेग्नौ धातुसमृद्धेः स हि मूलम्॥
adhyākrāntā ye'mlapaṭukṣārakaṭūṣṇairdravyaistīkṣṇaiḥ sannihitā teṣu jarattā| sandhukṣyognistairupajāte ca vivarjyā yogāstegnau dhātusamṛddheḥ sa hi mūlam||
Sanskrit only: no published translation is held for this verse.
आयुर्योगाः साध्वपि युक्ता मृदुवह्नौ नैरर्थक्यं यान्ति कृतघ्नेऽप्युपकाराः। दीप्ते वह्नौ ते तु गुणौघैरपि तुच्छा विस्तीर्यन्ते पात्रनिसृष्टा इव भोगाः॥
āyuryogāḥ sādhvapi yuktā mṛduvahnau nairarthakyaṃ yānti kṛtaghne'pyupakārāḥ| dīpte vahnau te tu guṇaughairapi tucchā vistīryante pātranisṛṣṭā iva bhogāḥ||
Sanskrit only: no published translation is held for this verse.
सत्यवादिनमक्रोधमध्यात्मप्रवणेन्द्रियम्। शान्तं सद्वृत्तनिरतं विद्यान्नित्यरसायनम्॥
satyavādinamakrodhamadhyātmapravaṇendriyam| śāntaṃ sadvṛttanirataṃ vidyānnityarasāyanam||
Sanskrit only: no published translation is held for this verse.
गुणैरोभिः समुदितः सेवते यो रसायनम्। सनिर्वृतात्मा दीर्घायुः परत्रेह च मोदते॥
guṇairobhiḥ samuditaḥ sevate yo rasāyanam| sanirvṛtātmā dīrghāyuḥ paratreha ca modate||
Sanskrit only: no published translation is held for this verse.
शास्त्रानुसारिणी चर्या चित्तज्ञाः पार्श्ववर्त्तिनः। बुद्धिरस्खलितार्थेषु परिपूर्णं रसायनम्॥
śāstrānusāriṇī caryā cittajñāḥ pārśvavarttinaḥ| buddhiraskhalitārtheṣu paripūrṇaṃ rasāyanam||
Sanskrit only: no published translation is held for this verse.
गवामृजुत्वेन कृतानुकारैरनन्यवागाशयदेहचेष्टैः। स्थिरेन्द्रियायुर्ज्वलनैः सुशीलैः सुवृद्ध गोपैः समधिष्ठितेषु॥
gavāmṛjutvena kṛtānukārairananyavāgāśayadehaceṣṭaiḥ| sthirendriyāyurjvalanaiḥ suśīlaiḥ suvṛddha gopaiḥ samadhiṣṭhiteṣu||
Sanskrit only: no published translation is held for this verse.
प्राज्याज्यदुग्धौषधिपादपेषु हुम्भारवैर्वल्गितवत्सकेषु। मठप्रवेशेन विनापि सिद्धिं व्रजन्ति गोष्ठेषु रसायनानि॥
prājyājyadugdhauṣadhipādapeṣu humbhāravairvalgitavatsakeṣu| maṭhapraveśena vināpi siddhiṃ vrajanti goṣṭheṣu rasāyanāni||
Sanskrit only: no published translation is held for this verse.