Library·Vāgbhaṭa: Aṣṭāṅga-saṅgraha·6·6.49
कञ्चुकीकन्दचूर्णं वा स्वेन क्षीरेण भावितम्। गोक्षीरकुडवे न्यतं कर्षं खण्डपलान्वितम्। पीतं सर्वाभयान् हन्ति नखकेशस्थितानपि॥
kañcukīkandacūrṇaṃ vā svena kṣīreṇa bhāvitam| gokṣīrakuḍave nyataṃ karṣaṃ khaṇḍapalānvitam| pītaṃ sarvābhayān hanti nakhakeśasthitānapi||
Sanskrit only: no published translation is held for this verse.
पीततत्स्वरसं चूर्णं तस्या मधुघृतान्वितम्। खादन्हिताशी सप्ताहं त्वग्दोषांस्तिमिरं जयेत्॥
pītatatsvarasaṃ cūrṇaṃ tasyā madhughṛtānvitam| khādanhitāśī saptāhaṃ tvagdoṣāṃstimiraṃ jayet||
Sanskrit only: no published translation is held for this verse.
विडङ्गताप्यत्रिफलालोहकञ्चुकिजं रजः। सप्तरात्रत्रयं लिह्यान्मधुना संयतेन्द्रियः॥
viḍaṅgatāpyatriphalālohakañcukijaṃ rajaḥ| saptarātratrayaṃ lihyānmadhunā saṃyatendriyaḥ||
Sanskrit only: no published translation is held for this verse.
क्षीरेण भोजनं जीर्णे शालेर्लाबरसेन वा। तथास्य काचत्यिमिरे सुकृच्छ्राः शिरसो गदाः॥
kṣīreṇa bhojanaṃ jīrṇe śālerlābarasena vā| tathāsya kācatyimire sukṛcchrāḥ śiraso gadāḥ||
Sanskrit only: no published translation is held for this verse.
मेधाविनः प्रणश्यन्ति गात्रं सुप्तं च बुध्यते। एष सप्तामृतश्चूर्णः सर्वव्याधिषु पूजितः॥
medhāvinaḥ praṇaśyanti gātraṃ suptaṃ ca budhyate| eṣa saptāmṛtaścūrṇaḥ sarvavyādhiṣu pūjitaḥ||
Sanskrit only: no published translation is held for this verse.
पलं चूर्णस्य कञ्चुक्याः क्षीरप्रस्थे समावपेत्। स्नेहं दध्नस्ततो लिह्याज्जितात्मा ससितामधु॥
palaṃ cūrṇasya kañcukyāḥ kṣīraprasthe samāvapet| snehaṃ dadhnastato lihyājjitātmā sasitāmadhu||
Sanskrit only: no published translation is held for this verse.
शालेरन्नं पयः पानं मासमेवं प्रयोजयेत्। चतुर्गुणः परीहारः शोषशाब्दसमद्युतिः। शतानि पञ्च वर्षाणां जीवेद्देव इवोर्जितः॥
śālerannaṃ payaḥ pānaṃ māsamevaṃ prayojayet| caturguṇaḥ parīhāraḥ śoṣaśābdasamadyutiḥ| śatāni pañca varṣāṇāṃ jīveddeva ivorjitaḥ||
Sanskrit only: no published translation is held for this verse.
पचेत् पलानि द्रोणेपां कञ्चुक्याः पञ्चविंशतिः। अष्टांशशिष्टे तु घृतात् प्रस्थं क्षीरसमं पचेत्॥
pacet palāni droṇepāṃ kañcukyāḥ pañcaviṃśatiḥ| aṣṭāṃśaśiṣṭe tu ghṛtāt prasthaṃ kṣīrasamaṃ pacet||
Sanskrit only: no published translation is held for this verse.
शङ्खपुष्पीवचाकुष्ठत्रिवृतामरदारुभिः। वरायष्टीसिताद्राक्षामहिषाक्षैः पलांशिकैः॥
śaṅkhapuṣpīvacākuṣṭhatrivṛtāmaradārubhiḥ| varāyaṣṭīsitādrākṣāmahiṣākṣaiḥ palāṃśikaiḥ||
Sanskrit only: no published translation is held for this verse.
युक्तैः कमलकिञ्जल्कत्रिपलेन हिमेऽत्र च। क्षौद्राच्चतुष्पलं दद्यादेतन्मर्त्यामृताह्वयम्। चक्षुष्यं बृंहणं मेध्यं वर्ण्यं वर्षशतप्रदम्॥
yuktaiḥ kamalakiñjalkatripalena hime'tra ca| kṣaudrāccatuṣpalaṃ dadyādetanmartyāmṛtāhvayam| cakṣuṣyaṃ bṛṃhaṇaṃ medhyaṃ varṇyaṃ varṣaśatapradam||
Sanskrit only: no published translation is held for this verse.
पचेत्पलानि कञ्चुक्यास्त्रीणि लोहात्सुचूर्णितात्। पलाशबीजाच्चत्वारि दश द्वे च फलत्रयात्॥
pacetpalāni kañcukyāstrīṇi lohātsucūrṇitāt| palāśabījāccatvāri daśa dve ca phalatrayāt||
Sanskrit only: no published translation is held for this verse.
अष्टादश शतावर्या बीजकस्यैकाविंशतिः। जीवन्त्याः षोडशैकध्यं पौर्णमास्यां विपाचयेत्॥
aṣṭādaśa śatāvaryā bījakasyaikāviṃśatiḥ| jīvantyāḥ ṣoḍaśaikadhyaṃ paurṇamāsyāṃ vipācayet||
Sanskrit only: no published translation is held for this verse.
वहेऽपां पादशेषे च पृथगर्द्धाढकेन च। पचेत् काञ्जिकमस्तुभ्यां घृतप्रस्थं पिचून्मितैः॥
vahe'pāṃ pādaśeṣe ca pṛthagarddhāḍhakena ca| pacet kāñjikamastubhyāṃ ghṛtaprasthaṃ picūnmitaiḥ||
Sanskrit only: no published translation is held for this verse.
शताह्वारुष्करवचाकुष्ठैलाबिडहिङ्गुभिः। सौवर्चलान्वितैः पद्मकेसराच्च त्रिभिः पलैः॥
śatāhvāruṣkaravacākuṣṭhailābiḍahiṅgubhiḥ| sauvarcalānvitaiḥ padmakesarācca tribhiḥ palaiḥ||
Sanskrit only: no published translation is held for this verse.
पञ्चभिः पद्मबीजानां पद्मद्वादशकेन च। एतत् सोमामृतं पीत्वा यस्सोमोऽद्यापि राजते॥
pañcabhiḥ padmabījānāṃ padmadvādaśakena ca| etat somāmṛtaṃ pītvā yassomo'dyāpi rājate||
Sanskrit only: no published translation is held for this verse.
इदमुपयुज्य सर्पिरतिवीर्यमुदारगुणं भवति सुवाक्सुधीः सुदृढसुबलः सुभगः। ग्रहमरकोपसर्गविषभीतिभिरधृष्यवपुर्विजितजराज्वरो नयति वर्षशतद्वितयम्॥
idamupayujya sarpirativīryamudāraguṇaṃ bhavati suvāksudhīḥ sudṛḍhasubalaḥ subhagaḥ| grahamarakopasargaviṣabhītibhiradhṛṣyavapurvijitajarājvaro nayati varṣaśatadvitayam||
Sanskrit only: no published translation is held for this verse.
दानवेन्द्र विजितान् पुरा सुरान् भ्रष्टकान्तिधृतिधर्यतेजसः। वीक्ष्य विष्णुरमृतं किलासृजत् गुग्गुलुं बलवपुर्जयप्रदम्॥
dānavendra vijitān purā surān bhraṣṭakāntidhṛtidharyatejasaḥ| vīkṣya viṣṇuramṛtaṃ kilāsṛjat gugguluṃ balavapurjayapradam||
Sanskrit only: no published translation is held for this verse.
अद्याप्यतः सुरगणाः किल धूपमुख्यान् हित्वा वरागरुतुरुष्कहिमेन्दुदर्पान्। निर्दह्यमानवपुष्षोऽपि शिखां पिबन्तो गन्धेन यस्य मुदिता दधति प्रसादम्॥
adyāpyataḥ suragaṇāḥ kila dhūpamukhyān hitvā varāgaruturuṣkahimendudarpān| nirdahyamānavapuṣṣo'pi śikhāṃ pibanto gandhena yasya muditā dadhati prasādam||
Sanskrit only: no published translation is held for this verse.
स योगवाही स शिवः स सार्वः सर्वर्तुसेव्यः सुखशीलनीयः। हन्ता जरापाप्ममलामयानां कर्ताग्निमेधास्मृतिपाटवानाम्॥
sa yogavāhī sa śivaḥ sa sārvaḥ sarvartusevyaḥ sukhaśīlanīyaḥ| hantā jarāpāpmamalāmayānāṃ kartāgnimedhāsmṛtipāṭavānām||
Sanskrit only: no published translation is held for this verse.
गन्धोत्कटः स दाहे स्निग्धद्रवपिच्छिलो विगतशल्यः। महिषाक्षः पुष्पराग स्फटिकासितनीरदच्छायः॥
gandhotkaṭaḥ sa dāhe snigdhadravapicchilo vigataśalyaḥ| mahiṣākṣaḥ puṣparāga sphaṭikāsitanīradacchāyaḥ||
Sanskrit only: no published translation is held for this verse.
यः पद्मरागरागो यः कनकच्छेदपाटलो यो वा। जयतीन्द्रनीलममलं भग्नोप्यन्तिकान्तिमत्वेन॥
yaḥ padmarāgarāgo yaḥ kanakacchedapāṭalo yo vā| jayatīndranīlamamalaṃ bhagnopyantikāntimatvena||
Sanskrit only: no published translation is held for this verse.
आत्रेयमुनिगीतश्च मन्त्रोयं कर्मसिद्धिकृत्। भगवान् पुण्डरीकाक्षो देवाश्च सपुरन्दराः॥
ātreyamunigītaśca mantroyaṃ karmasiddhikṛt| bhagavān puṇḍarīkākṣo devāśca sapurandarāḥ||
Sanskrit only: no published translation is held for this verse.
जरामरणदुःखेभ्यो यथा तेग्युत्थिताः सुराः। उपयोक्तुस्तथैवास्य भव त्वं हि महाबल॥
jarāmaraṇaduḥkhebhyo yathā tegyutthitāḥ surāḥ| upayoktustathaivāsya bhava tvaṃ hi mahābala||
Sanskrit only: no published translation is held for this verse.
पञ्चमूलस्य महतः क्वाथेन हितभोजिना। गुग्गुलुः शीलितो हन्ति सर्वान् वातकफामयान्॥
pañcamūlasya mahataḥ kvāthena hitabhojinā| gugguluḥ śīlito hanti sarvān vātakaphāmayān||
Sanskrit only: no published translation is held for this verse.
लघीयसोपि तद्वच्च सुखोष्णेन जलेन वा। मस्तुधान्याम्लमद्यैर्वा वचादेः सलिलेन वा॥
laghīyasopi tadvacca sukhoṣṇena jalena vā| mastudhānyāmlamadyairvā vacādeḥ salilena vā||
Sanskrit only: no published translation is held for this verse.
वरणादेस्तु बाधिर्यदन्तकर्णशिरोरुजः। स्वरभेदोदरश्वासवर्ध्मान्तर्गुल्मविद्रधीन्॥
varaṇādestu bādhiryadantakarṇaśirorujaḥ| svarabhedodaraśvāsavardhmāntargulmavidradhīn||
Sanskrit only: no published translation is held for this verse.
वातपित्तास्ररोगेषु बृंहणार्थिनि चेष्यते। क्वाथेन वाजिगन्धाया जीवनीयगणस्य वा॥
vātapittāsrarogeṣu bṛṃhaṇārthini ceṣyate| kvāthena vājigandhāyā jīvanīyagaṇasya vā||
Sanskrit only: no published translation is held for this verse.
क्वाथेनोत्पलमृद्वीकारक्तचन्दनजन्मना। वातपित्तं निहन्त्येष पद्मकादिगणस्य वा॥
kvāthenotpalamṛdvīkāraktacandanajanmanā| vātapittaṃ nihantyeṣa padmakādigaṇasya vā||
Sanskrit only: no published translation is held for this verse.
चव्यकुष्ठविडङ्गानां यान्या नागरस्य वा। प्रसारिण्याश्च तोयेन गुग्गुलुः कफवातजित्॥
cavyakuṣṭhaviḍaṅgānāṃ yānyā nāgarasya vā| prasāriṇyāśca toyena gugguluḥ kaphavātajit||
Sanskrit only: no published translation is held for this verse.
त्र्यूषणाग्निघनवेल्लवराभिर्भक्षयन् समघृतं महिषाक्षम्। आशु हन्ति कफमारुतमेदोदोषजान् बलवतोपि विकारान्॥
tryūṣaṇāgnighanavellavarābhirbhakṣayan samaghṛtaṃ mahiṣākṣam| āśu hanti kaphamārutamedodoṣajān balavatopi vikārān||
Sanskrit only: no published translation is held for this verse.
पटोलनिम्बत्रिफलागुडूची गायत्रिरात्रिद्वयबीजकानाम्। क्वाथैः पृथक्पथ्यपरस्य हन्ति मासेन घोरान् कफपित्तरोगान्॥
paṭolanimbatriphalāguḍūcī gāyatrirātridvayabījakānām| kvāthaiḥ pṛthakpathyaparasya hanti māsena ghorān kaphapittarogān||
Sanskrit only: no published translation is held for this verse.
विशेषाच्छोफवीसर्पदुष्टव्रणभगन्दरान्। शुक्रार्तवमनोदोषप्रमेहश्वित्रपाण्डुताः॥
viśeṣācchophavīsarpaduṣṭavraṇabhagandarān| śukrārtavamanodoṣapramehaśvitrapāṇḍutāḥ||
Sanskrit only: no published translation is held for this verse.
पटोलारिष्टीर्नयूहपिष्टस्तुल्यरसाञ्जनः। गलगोगापचीव्यङ्गग्रन्थिस्थौल्यकृमिप्रणुत्॥
paṭolāriṣṭīrnayūhapiṣṭastulyarasāñjanaḥ| galagogāpacīvyaṅgagranthisthaulyakṛmipraṇut||
Sanskrit only: no published translation is held for this verse.
शिलाजतुसमःपीतः पयसा वातशोणितम्। निवर्तयत्यतिबलं क्षीरमांसघृताशिनः॥
śilājatusamaḥpītaḥ payasā vātaśoṇitam| nivartayatyatibalaṃ kṣīramāṃsaghṛtāśinaḥ||
Sanskrit only: no published translation is held for this verse.
रसेन पयसा मूत्रैर्वातपित्तकफापहः। ब्राह्मीमण्डूकशङ्खानां पृथङ्मेधादिकृद्रसैः॥
rasena payasā mūtrairvātapittakaphāpahaḥ| brāhmīmaṇḍūkaśaṅkhānāṃ pṛthaṅmedhādikṛdrasaiḥ||
Sanskrit only: no published translation is held for this verse.
मागधिकाग्निकलिङ्गबिडगैर्बिल्वधृतैः सवरापलषट्कैः। गुग्गुलुना सदृशेन समेतैः क्षौद्रयुतैः सकलामयनाशः॥
māgadhikāgnikaliṅgabiḍagairbilvadhṛtaiḥ savarāpalaṣaṭkaiḥ| guggulunā sadṛśena sametaiḥ kṣaudrayutaiḥ sakalāmayanāśaḥ||
Sanskrit only: no published translation is held for this verse.
पिबेत् पलशतं योस्य विधिना नियतो यतिः। नाकालमृत्योर्न व्याधेर्न तस्य जरसो भयम्॥
pibet palaśataṃ yosya vidhinā niyato yatiḥ| nākālamṛtyorna vyādherna tasya jaraso bhayam||
Sanskrit only: no published translation is held for this verse.
कल्पयेदौषधैः स्वै स्वैर्व्याधिषु व्याधिनाशनैः॥
kalpayedauṣadhaiḥ svai svairvyādhiṣu vyādhināśanaiḥ||
Sanskrit only: no published translation is held for this verse.
शिलाजतुविधानं च गुग्गुलोः सर्वमिष्यते॥
śilājatuvidhānaṃ ca gugguloḥ sarvamiṣyate||
Sanskrit only: no published translation is held for this verse.
गुणनिधिरपिकुर्यात् सोतिमात्रोपयुक्तस्तिमिरवदनशोषक्लबिताकार्श्यमोहान्। शमलशिथिलभावं देहरौक्ष्यं च तस्माद्रजनिचरनिषेवीस्य्यान्न रोगेष्वमीषु॥
guṇanidhirapikuryāt sotimātropayuktastimiravadanaśoṣaklabitākārśyamohān| śamalaśithilabhāvaṃ deharaukṣyaṃ ca tasmādrajanicaraniṣevīsyyānna rogeṣvamīṣu||
Sanskrit only: no published translation is held for this verse.
ग्रीष्मेर्कतप्ता गिरयो जतुतुल्यं वमन्ति यत्। हेमादिषट्धातुरसं प्रोच्यते तच्छिलाजतु॥
grīṣmerkataptā girayo jatutulyaṃ vamanti yat| hemādiṣaṭdhāturasaṃ procyate tacchilājatu||
Sanskrit only: no published translation is held for this verse.
सर्वदोषप्रशमनं सर्वरोगविनाशनम्। शिलाभ्यो यस्य यज्जातं धातोस्तत्तद्गुणं वदेत्॥
sarvadoṣapraśamanaṃ sarvarogavināśanam| śilābhyo yasya yajjātaṃ dhātostattadguṇaṃ vadet||
Sanskrit only: no published translation is held for this verse.
सर्वं च तिक्तकटुकं नात्युष्णं कटु पाकतः। छेदनं च विशेषेण लौहं तत्र प्रशस्यते॥
sarvaṃ ca tiktakaṭukaṃ nātyuṣṇaṃ kaṭu pākataḥ| chedanaṃ ca viśeṣeṇa lauhaṃ tatra praśasyate||
Sanskrit only: no published translation is held for this verse.
गोमूत्रगन्धि कृष्णं गुग्गुल्वाभं विशर्करं मृत्स्नम्। स्निग्धमनम्लकषायं म्दृउ गुरु च शिलाजतु श्रेष्ठम्॥
gomūtragandhi kṛṣṇaṃ guggulvābhaṃ viśarkaraṃ mṛtsnam| snigdhamanamlakaṣāyaṃ mdṛu guru ca śilājatu śreṣṭham||
Sanskrit only: no published translation is held for this verse.
रास्नादशमूलबला पुनर्नवैरण्डशुण्ठिमधुकानाम्। क्वाथेन भावितं तद्विशेषतो वातरोगघ्नम्॥
rāsnādaśamūlabalā punarnavairaṇḍaśuṇṭhimadhukānām| kvāthena bhāvitaṃ tadviśeṣato vātarogaghnam||
Sanskrit only: no published translation is held for this verse.
द्राक्षाभीरुपटोलत्रायन्तिगुडूचिजीवनीयानाम्। निर्यूहेण सुभिन्नं शस्तं पित्तामये सुतराम्॥
drākṣābhīrupaṭolatrāyantiguḍūcijīvanīyānām| niryūheṇa subhinnaṃ śastaṃ pittāmaye sutarām||
Sanskrit only: no published translation is held for this verse.
क्रिमिजिद्वचाफलत्रय करञ्जघनमुख्यपञ्चमूलानाम्। सहपञ्चकोलकानां क्वाथेन कफामये भाव्यम्॥
krimijidvacāphalatraya karañjaghanamukhyapañcamūlānām| sahapañcakolakānāṃ kvāthena kaphāmaye bhāvyam||
Sanskrit only: no published translation is held for this verse.
लघुपञ्चमूलशुण्ठी द्राक्षाकाश्मर्यवाजिगन्धानाम्। सगुडूचिशरबलानां रसेन पित्तानिलगदेषु॥
laghupañcamūlaśuṇṭhī drākṣākāśmaryavājigandhānām| saguḍūciśarabalānāṃ rasena pittānilagadeṣu||
Sanskrit only: no published translation is held for this verse.
घनकुष्ठवचात्रिफला सुरदारुविडङ्गपञ्चकोलानाम्। रजनीमरिचातिविषा युक्तानां वातकफजेषु॥
ghanakuṣṭhavacātriphalā suradāruviḍaṅgapañcakolānām| rajanīmaricātiviṣā yuktānāṃ vātakaphajeṣu||
Sanskrit only: no published translation is held for this verse.
पाठापटोलनिम्बत्रिफलाघनकुटजसप्तपर्णानाम्। त्रायन्त्यमृतातिविषासहितानां पित्तकफजेषु॥
pāṭhāpaṭolanimbatriphalāghanakuṭajasaptaparṇānām| trāyantyamṛtātiviṣāsahitānāṃ pittakaphajeṣu||
Sanskrit only: no published translation is held for this verse.
निचयेऽपिदोषबलतो योगानेतान् विकल्प्य युज्जीत। विविधगणसङ्ग्रहोक्तैस्तैस्तैश्च गणैर्गिरेस्सारम्॥
nicaye'pidoṣabalato yogānetān vikalpya yujjīta| vividhagaṇasaṅgrahoktaistaistaiśca gaṇairgiressāram||
Sanskrit only: no published translation is held for this verse.
व्याधिव्याधितसात्म्यं समनुसरन् भावयेदयः पात्रे। प्राक्केवलजलधौतं शुष्कं क्वाथैस्ततो भाव्यम्॥
vyādhivyādhitasātmyaṃ samanusaran bhāvayedayaḥ pātre| prākkevalajaladhautaṃ śuṣkaṃ kvāthaistato bhāvyam||
Sanskrit only: no published translation is held for this verse.
समगिरिजमष्टगुणिते निष्क्काथ्यं भावनौषधं तोये। तन्निर्यूहेऽष्टांशे पूतोष्णे प्रक्षिपेत् गिरिजम्॥
samagirijamaṣṭaguṇite niṣkkāthyaṃ bhāvanauṣadhaṃ toye| tanniryūhe'ṣṭāṃśe pūtoṣṇe prakṣipet girijam||
Sanskrit only: no published translation is held for this verse.
तत् समरसतां यातं संशुष्कं प्रक्षिपेद्रसे भूयः। स्वैस्वैरेवं क्वाथैर्भाव्यं वारान् भवेत् सप्त॥
tat samarasatāṃ yātaṃ saṃśuṣkaṃ prakṣipedrase bhūyaḥ| svaisvairevaṃ kvāthairbhāvyaṃ vārān bhavet sapta||
Sanskrit only: no published translation is held for this verse.
अथ स्निग्धस्य शुद्धस्य घृतं तिक्तकसाधितम्। त्र्यहं युञ्जीत गिरिजमेकैकेन तथा त्र्यहम्॥
atha snigdhasya śuddhasya ghṛtaṃ tiktakasādhitam| tryahaṃ yuñjīta girijamekaikena tathā tryaham||
Sanskrit only: no published translation is held for this verse.
फलत्रयस्य यूषेण पटोल्या मधुकस्य च। योगयोग्यं ततस्तस्य कालापेक्षं प्रयोजयेत्॥
phalatrayasya yūṣeṇa paṭolyā madhukasya ca| yogayogyaṃ tatastasya kālāpekṣaṃ prayojayet||
Sanskrit only: no published translation is held for this verse.
शिलाजमेवं देहस्य भवत्यत्युपकारकम्। गुणान् समग्रान् कुरुते सहसा व्यापदश्च न॥
śilājamevaṃ dehasya bhavatyatyupakārakam| guṇān samagrān kurute sahasā vyāpadaśca na||
Sanskrit only: no published translation is held for this verse.
एकत्रिसप्तसप्ताहं कर्षमर्द्धपलं पलम्। हीनमध्योत्तमो योगः शिलाजस्य क्रमान्मतः॥
ekatrisaptasaptāhaṃ karṣamarddhapalaṃ palam| hīnamadhyottamo yogaḥ śilājasya kramānmataḥ||
Sanskrit only: no published translation is held for this verse.
संस्कृतं संस्कृते देहे प्रयुक्तं गिरिजाह्वयम्। युक्तं व्यस्तैः समस्तैर्वा ताम्रायोरूप्यहेमभिः॥
saṃskṛtaṃ saṃskṛte dehe prayuktaṃ girijāhvayam| yuktaṃ vyastaiḥ samastairvā tāmrāyorūpyahemabhiḥ||
Sanskrit only: no published translation is held for this verse.
क्षीरेणालोडितं कुर्याच्छीघ्रं रासायनं फलम्। हन्याद्रोगानशेषांश्च जीर्णे हितमिताशिनः॥
kṣīreṇāloḍitaṃ kuryācchīghraṃ rāsāyanaṃ phalam| hanyādrogānaśeṣāṃśca jīrṇe hitamitāśinaḥ||
Sanskrit only: no published translation is held for this verse.
व्यायामातपमारुतचेतःसन्तापगुरुविदाह्यादि। उपयोगादपि परतो द्विगुणं परिवर्जयेत् कालम्॥
vyāyāmātapamārutacetaḥsantāpaguruvidāhyādi| upayogādapi parato dviguṇaṃ parivarjayet kālam||
Sanskrit only: no published translation is held for this verse.
कुलत्थान् काकमाचीं च कपोतांश्च सदा त्यजेत्। पिबेन्माहेन्द्रमुदकं कौपं प्रास्रवणाम्बु वा॥
kulatthān kākamācīṃ ca kapotāṃśca sadā tyajet| pibenmāhendramudakaṃ kaupaṃ prāsravaṇāmbu vā||
Sanskrit only: no published translation is held for this verse.
ज्वरी ज्वरघ्नाम्बुदपर्पटादेः क्वाथेन रक्ती मधुयष्टिकायाः। शोषी सरैः क्रव्यभुगामिषोत्थैर्मायुरमांसैः पयसा च कार्श्ये॥
jvarī jvaraghnāmbudaparpaṭādeḥ kvāthena raktī madhuyaṣṭikāyāḥ| śoṣī saraiḥ kravyabhugāmiṣotthairmāyuramāṃsaiḥ payasā ca kārśye||
Sanskrit only: no published translation is held for this verse.
मध्वम्बुना मेदसि सम्प्रवृद्धे क्षीरेण पयाकुलबुद्धिसत्वः। पाण्ड्वामयार्त्तावुदरे सशोफे पिबेच्छिलाजं महिषीजलेन॥
madhvambunā medasi sampravṛddhe kṣīreṇa payākulabuddhisatvaḥ| pāṇḍvāmayārttāvudare saśophe pibecchilājaṃ mahiṣījalena||
Sanskrit only: no published translation is held for this verse.
अश्म वीरतराद्येन कुष्ठं खदिरवारिणा। विषं विषघ्नैरगदैर्हन्त्येवं तद्यथामयम्॥
aśma vīratarādyena kuṣṭhaṃ khadiravāriṇā| viṣaṃ viṣaghnairagadairhantyevaṃ tadyathāmayam||
Sanskrit only: no published translation is held for this verse.
शैलजत्रिकटुक्षौद्रक्षौद्रधातून् निषेवते। क्षीरौदनाशी यो जीर्णे यक्ष्मणा न स बाध्यते॥ अस49.307। सुभावितात्सारगणैस्तुलां पीत्वा शिलोद्भवात्। सारांबुनैव भुञ्जानः शालिं जाङ्गलजै रसैः॥
śailajatrikaṭukṣaudrakṣaudradhātūn niṣevate| kṣīraudanāśī yo jīrṇe yakṣmaṇā na sa bādhyate|| asa49.307| subhāvitātsāragaṇaistulāṃ pītvā śilodbhavāt| sārāṃbunaiva bhuñjānaḥ śāliṃ jāṅgalajai rasaiḥ||
Sanskrit only: no published translation is held for this verse.
व्यपोह्य मधुमेहाख्यमन्तकं रोगसङ्करम्। वपुर्वर्णबलोपेतः शतं जीवत्यनामयः॥
vyapohya madhumehākhyamantakaṃ rogasaṅkaram| vapurvarṇabalopetaḥ śataṃ jīvatyanāmayaḥ||
Sanskrit only: no published translation is held for this verse.
शिलाह्वात् षोडशपलं त्रिस्त्रिरेकत्र भावयेत्। वराया दशमूलस्य गुडूच्याः कर्कशस्य च॥
śilāhvāt ṣoḍaśapalaṃ tristrirekatra bhāvayet| varāyā daśamūlasya guḍūcyāḥ karkaśasya ca||
Sanskrit only: no published translation is held for this verse.
बलाया मधुयष्ट्याश्च रसे गव्ये च वारिणि। क्षीरे सकृत्क्रमेणैवं सप्तकृत्वस्तथा पुनः॥
balāyā madhuyaṣṭyāśca rase gavye ca vāriṇi| kṣīre sakṛtkrameṇaivaṃ saptakṛtvastathā punaḥ||
Sanskrit only: no published translation is held for this verse.
काकोलियुग्मघनपुष्करवह्निरास्ना मेदायुगर्द्धिचविकागजपिप्पलीनाम्। पाठाद्विजीवकनिकुम्भविदारियुग्म वीरावरीमधुफलांशुमतीद्वयानाम्॥
kākoliyugmaghanapuṣkaravahnirāsnā medāyugarddhicavikāgajapippalīnām| pāṭhādvijīvakanikumbhavidāriyugma vīrāvarīmadhuphalāṃśumatīdvayānām||
Sanskrit only: no published translation is held for this verse.
पलिकानामब्द्रोणे सिद्धानां पादशेषिते क्वाथे। भावितमित्थं गिरिजं द्विपलैश्चूर्णीकृतैर्युञ्ज्यात्॥
palikānāmabdroṇe siddhānāṃ pādaśeṣite kvāthe| bhāvitamitthaṃ girijaṃ dvipalaiścūrṇīkṛtairyuñjyāt||
Sanskrit only: no published translation is held for this verse.
कर्कटशृङ्गीधात्रीव्योषैस्तालीसपत्रकुडबेन। चूर्णपलेन विदार्यास्त्वक्षीर्याः कर्षयुग्मेन॥
karkaṭaśṛṅgīdhātrīvyoṣaistālīsapatrakuḍabena| cūrṇapalena vidāryāstvakṣīryāḥ karṣayugmena||
Sanskrit only: no published translation is held for this verse.
द्विपलेन चतुर्जातात्तैल घृतक्षौद्रशर्कराभिश्च। द्विपलाद्द्विगुणाभिः कार्या गुटिकास्ततोक्षसमाः॥
dvipalena caturjātāttaila ghṛtakṣaudraśarkarābhiśca| dvipalāddviguṇābhiḥ kāryā guṭikāstatokṣasamāḥ||
Sanskrit only: no published translation is held for this verse.
ताः शुष्का नवकुम्भे जातीपुष्पाधिवासिते स्थाप्याः। तासामेकां खादेत् प्रतिदिनमनुपानमत्रेष्टम्॥
tāḥ śuṣkā navakumbhe jātīpuṣpādhivāsite sthāpyāḥ| tāsāmekāṃ khādet pratidinamanupānamatreṣṭam||
Sanskrit only: no published translation is held for this verse.
क्षीररसदाडिमाम्भो मार्द्वीकसुरासवान्यतमम्। जीर्णेन्नं लघु भोज्यं यूषपयःपिशितनिर्यूहैः॥
kṣīrarasadāḍimāmbho mārdvīkasurāsavānyatamam| jīrṇennaṃ laghu bhojyaṃ yūṣapayaḥpiśitaniryūhaiḥ||
Sanskrit only: no published translation is held for this verse.
सप्ताहमात्रमेवं सर्वान्नीनः क्रमात् भवेत् परतः। भक्तस्यान्ते प्राग्वा गुटिका न विरुध्यते सैषा॥
saptāhamātramevaṃ sarvānnīnaḥ kramāt bhavet parataḥ| bhaktasyānte prāgvā guṭikā na virudhyate saiṣā||
Sanskrit only: no published translation is held for this verse.
निरपाया भूरिफला परिहारसुखोपयोजिता जयति। प्रबलमपि वातशोणितमूरुस्तम्भं ज्वरं दीर्घम्॥
nirapāyā bhūriphalā parihārasukhopayojitā jayati| prabalamapi vātaśoṇitamūrustambhaṃ jvaraṃ dīrgham||
Sanskrit only: no published translation is held for this verse.
भगमूत्रशुक्रदोषप्लीहयकृद्रक्तपाण्डुहृद्रोगान्। वर्ध्मवमिगुल्मपीनसहिध्माकासारुचिश्वासान्॥
bhagamūtraśukradoṣaplīhayakṛdraktapāṇḍuhṛdrogān| vardhmavamigulmapīnasahidhmākāsāruciśvāsān||
Sanskrit only: no published translation is held for this verse.
विद्रधिमुदरं कुष्ठं श्वित्रं जाड्यं क्षयं मदं मूर्च्छाम्। उन्मादमपस्मारं मुखनेत्रशिरोगदांस्तांतान्॥
vidradhimudaraṃ kuṣṭhaṃ śvitraṃ jāḍyaṃ kṣayaṃ madaṃ mūrcchām| unmādamapasmāraṃ mukhanetraśirogadāṃstāṃtān||
Sanskrit only: no published translation is held for this verse.
आनाहमतीसारं हलीमकं कामलाग्रहणिरोगान्। ग्रन्थ्यर्बुदान् सपिटकान् भगन्दरं गण्डमालां च॥
ānāhamatīsāraṃ halīmakaṃ kāmalāgrahaṇirogān| granthyarbudān sapiṭakān bhagandaraṃ gaṇḍamālāṃ ca||
Sanskrit only: no published translation is held for this verse.
अतिकार्श्यमतिस्थौल्यं स्वेदमथश्लीपदं गुदे कीलान्। दंष्ट्राविषं समूलं गरप्रयोगान् सुघोरांश्च॥
atikārśyamatisthaulyaṃ svedamathaślīpadaṃ gude kīlān| daṃṣṭrāviṣaṃ samūlaṃ garaprayogān sughorāṃśca||
Sanskrit only: no published translation is held for this verse.
अभिचारमरातिकृतं दुःस्वप्नं भौतिकीं तथा बाधाम्। पाप्मालक्ष्मीं चेयं गुटिका शमयेच्छिवा नाम्ना॥
abhicāramarātikṛtaṃ duḥsvapnaṃ bhautikīṃ tathā bādhām| pāpmālakṣmīṃ ceyaṃ guṭikā śamayecchivā nāmnā||
Sanskrit only: no published translation is held for this verse.
वृष्यायुष्या धन्या कान्तियशःश्रीविबोधिनी मेध्या। कुरुते नृपवल्लभतां जयं विवादे च वक्त्रस्था॥
vṛṣyāyuṣyā dhanyā kāntiyaśaḥśrīvibodhinī medhyā| kurute nṛpavallabhatāṃ jayaṃ vivāde ca vaktrasthā||
Sanskrit only: no published translation is held for this verse.
जितखलतिवलीपलिता जीवयति सुखं शतद्वयं शरदाम्। वर्षद्वयप्रयोगाद्वर्षशतचतुष्टयं जीवेत्॥
jitakhalativalīpalitā jīvayati sukhaṃ śatadvayaṃ śaradām| varṣadvayaprayogādvarṣaśatacatuṣṭayaṃ jīvet||
Sanskrit only: no published translation is held for this verse.
न सोस्तिरोगो भुवि साध्यरूपो जत्वश्मजं यं न जयेत् प्रसह्य। तत्कालयोगैर्विधिवत्प्रयुक्तैः स्वस्थस्य चोर्जां विपुलां दधाति॥
na sostirogo bhuvi sādhyarūpo jatvaśmajaṃ yaṃ na jayet prasahya| tatkālayogairvidhivatprayuktaiḥ svasthasya corjāṃ vipulāṃ dadhāti||
Sanskrit only: no published translation is held for this verse.
अमरमन्दिरमन्दरसम्भवाच्छतपलं गिरिजादुपयोजय। यदि जरामयदुःखविवर्जितां सुचिरमिच्छसि जीवितसन्ततिम्॥
amaramandiramandarasambhavācchatapalaṃ girijādupayojaya| yadi jarāmayaduḥkhavivarjitāṃ suciramicchasi jīvitasantatim||
Sanskrit only: no published translation is held for this verse.
दशगुणमुपयुङ्क्ते यः शतं शैलजाताल्लघुहितमितभोजी वर्जयन् वर्जनीयान्। सततसमनुषक्तान् वर्जितान् वैद्यवृन्दैर्विधमति सगदौघान् नेक्षते चायुषोन्तम्॥
daśaguṇamupayuṅkte yaḥ śataṃ śailajātāllaghuhitamitabhojī varjayan varjanīyān| satatasamanuṣaktān varjitān vaidyavṛndairvidhamati sagadaughān nekṣate cāyuṣontam||
Sanskrit only: no published translation is held for this verse.
समुद्वभूवामृतमन्थनोत्थः स्वेदः शिलाभ्योऽमृतवान् गिरेः प्राक्। यो मन्दरस्यात्मभुवा हिताय न्यस्तः स शैलेषु शिलाजरूपी॥
samudvabhūvāmṛtamanthanotthaḥ svedaḥ śilābhyo'mṛtavān gireḥ prāk| yo mandarasyātmabhuvā hitāya nyastaḥ sa śaileṣu śilājarūpī||
Sanskrit only: no published translation is held for this verse.
सुवर्णशैलप्रभवो विष्णुना काञ्चनो रसः। तापी किरातचीनेषु यवनेषु च निर्मितः॥
suvarṇaśailaprabhavo viṣṇunā kāñcano rasaḥ| tāpī kirātacīneṣu yavaneṣu ca nirmitaḥ||
Sanskrit only: no published translation is held for this verse.
ताप्यां सूर्यांशुसन्तप्तो माधवे मासि दृश्यते। मधुरः काञ्चनाभासः साम्लो रजतसन्निभः॥
tāpyāṃ sūryāṃśusantapto mādhave māsi dṛśyate| madhuraḥ kāñcanābhāsaḥ sāmlo rajatasannibhaḥ||
Sanskrit only: no published translation is held for this verse.
किंचित् कषाय उभयः शीतः पाके कटुर्लघुः। शिलानिर्यासवच्चात्र कुलत्थादीन् परित्यजेत्॥
kiṃcit kaṣāya ubhayaḥ śītaḥ pāke kaṭurlaghuḥ| śilāniryāsavaccātra kulatthādīn parityajet||
Sanskrit only: no published translation is held for this verse.
न तन्निषेवी जरसाभिभृयते न पन्नगैर्नापि गरैर्न वृश्चिकैः। न पाण्डुमेहज्वरशोफयक्ष्मभिर्न कण्ठनेत्रश्रवणत्वगामयैः॥
na tanniṣevī jarasābhibhṛyate na pannagairnāpi garairna vṛścikaiḥ| na pāṇḍumehajvaraśophayakṣmabhirna kaṇṭhanetraśravaṇatvagāmayaiḥ||
Sanskrit only: no published translation is held for this verse.
सोदश्वित्को माक्षिकधातुः सघृतो वा सक्षौद्रो वा क्षौद्रघृताभ्यां सहितो वा। साम्भस्को वा तैलयुतो वा विनिहन्ता त्वग्दोषाणां सर्वविषाणां सगराणाम्॥
sodaśvitko mākṣikadhātuḥ saghṛto vā sakṣaudro vā kṣaudraghṛtābhyāṃ sahito vā| sāmbhasko vā tailayuto vā vinihantā tvagdoṣāṇāṃ sarvaviṣāṇāṃ sagarāṇām||
Sanskrit only: no published translation is held for this verse.
अक्षद्राक्षायोमलमुस्तामलकानां सव्योषाणां पर्वतनिर्यासयुतानाम्। दत्वा तुल्यं माक्षिकधातुं मधुमिश्रं लिह्यात्पाण्डुव्याध्यभिभूतः शिवमिच्छन्॥
akṣadrākṣāyomalamustāmalakānāṃ savyoṣāṇāṃ parvataniryāsayutānām| datvā tulyaṃ mākṣikadhātuṃ madhumiśraṃ lihyātpāṇḍuvyādhyabhibhūtaḥ śivamicchan||
Sanskrit only: no published translation is held for this verse.
अंशः शुण्ठ्या लोहमलांशो बदरांशः पिप्पल्यंशो माक्षिकधातुर्द्विगुणांशः। क्षौद्रं कामं कृष्णतिलानामपि चांशः श्रेष्ठा पिण्डी पाण्डुविकारश्वयथुघ्नी॥
aṃśaḥ śuṇṭhyā lohamalāṃśo badarāṃśaḥ pippalyaṃśo mākṣikadhāturdviguṇāṃśaḥ| kṣaudraṃ kāmaṃ kṛṣṇatilānāmapi cāṃśaḥ śreṣṭhā piṇḍī pāṇḍuvikāraśvayathughnī||
Sanskrit only: no published translation is held for this verse.
सायश्चूर्णं माक्षिकधातुं मधुमिश्रं व्योषोपेतं पर्वतनिर्याससमेतम्। क्षीराहारो योऽवलिहानः प्रयतात्मा कृत्युद्वारं शोषमपोहत्यचिरेण॥
sāyaścūrṇaṃ mākṣikadhātuṃ madhumiśraṃ vyoṣopetaṃ parvataniryāsasametam| kṣīrāhāro yo'valihānaḥ prayatātmā kṛtyudvāraṃ śoṣamapohatyacireṇa||
Sanskrit only: no published translation is held for this verse.
लोहं सर्पिर्माक्षिकधातुर्मधुमात्रा धात्रीचूर्णं के सरमम्बुप्रभवानाम्। योगः कुर्यादेष सिताभागविमिश्रश्चक्षुर्घ्राणश्रोत्ररसज्ञानविबोधम्॥
lohaṃ sarpirmākṣikadhāturmadhumātrā dhātrīcūrṇaṃ ke saramambuprabhavānām| yogaḥ kuryādeṣa sitābhāgavimiśraścakṣurghrāṇaśrotrarasajñānavibodham||
Sanskrit only: no published translation is held for this verse.
कृत्यैकस्थं माक्षिकधातुं त्रिफलां च भ्राष्ट्रे पक्त्वा ये सहविष्कं विलिहन्ति। पथ्यादास्तान् वार्धकदोषा न भजन्ते मातुर्दोषाः स्तन्यनिवृत्तानिव वालान्॥
kṛtyaikasthaṃ mākṣikadhātuṃ triphalāṃ ca bhrāṣṭre paktvā ye sahaviṣkaṃ vilihanti| pathyādāstān vārdhakadoṣā na bhajante māturdoṣāḥ stanyanivṛttāniva vālān||
Sanskrit only: no published translation is held for this verse.
समश्नतो माक्षिकधातुचूर्णं सर्पिर्मधुभ्यां त्रिफलारजश्च। शनैः शनैर्याति जरा विनाशं प्रत्यन्तवासादिव लोकयात्रा॥
samaśnato mākṣikadhātucūrṇaṃ sarpirmadhubhyāṃ triphalārajaśca| śanaiḥ śanairyāti jarā vināśaṃ pratyantavāsādiva lokayātrā||
Sanskrit only: no published translation is held for this verse.
त्रिकोणकाण्डा सुबहुप्रताना फलेषु पीता कुसुमेषु रक्ता। पत्रैःसदुग्धैर्मृदुरोमवद्भिस्ताम्बूलतुल्यैर्घनकन्दमूला॥
trikoṇakāṇḍā subahupratānā phaleṣu pītā kusumeṣu raktā| patraiḥsadugdhairmṛduromavadbhistāmbūlatulyairghanakandamūlā||
Sanskrit only: no published translation is held for this verse.
पवनविवस्वदंशुवनितादिषुकामचरा विविधमनःशरीरगदवृन्दनिवृत्तिकरी। भुवि परमौषधिर्महिषवल्लरीति प्रथिता क्वचिदपि वृद्धदारक इयत्वपि वेल्लरिका॥
pavanavivasvadaṃśuvanitādiṣukāmacarā vividhamanaḥśarīragadavṛndanivṛttikarī| bhuvi paramauṣadhirmahiṣavallarīti prathitā kvacidapi vṛddhadāraka iyatvapi vellarikā||
Sanskrit only: no published translation is held for this verse.
वसन्ते सङ्गृहीतानां शोषितानामनातपे। वृद्धदारकमूलानां तुलां संचूर्ण्यं सर्पिषा॥
vasante saṅgṛhītānāṃ śoṣitānāmanātape| vṛddhadārakamūlānāṃ tulāṃ saṃcūrṇyaṃ sarpiṣā||
Sanskrit only: no published translation is held for this verse.
आप्लाव्य घृतपात्रस्थां धान्ये पक्षमुपेक्षिताम्। लिह्यादनु पिवेत्क्षीरं जीर्णे क्षीरघृताशनः॥
āplāvya ghṛtapātrasthāṃ dhānye pakṣamupekṣitām| lihyādanu pivetkṣīraṃ jīrṇe kṣīraghṛtāśanaḥ||
Sanskrit only: no published translation is held for this verse.
तत्प्रयोगाज्जराजीणा वृद्धा दारकतामियात्। भग्नास्थिर्गद्गदः पङ्गुः कृशो ह्रस्वोन्यरूपताम्॥
tatprayogājjarājīṇā vṛddhā dārakatāmiyāt| bhagnāsthirgadgadaḥ paṅguḥ kṛśo hrasvonyarūpatām||
Sanskrit only: no published translation is held for this verse.
निरस्ताशेषदोषोत्थनखभेदाद्युपद्रवः। अपस्मारग्रहोन्मादपाप्मालक्ष्मीविवर्जितः। दीप्ताग्निर्बलवान् वाग्मी जीवेद्वर्षशतानि षट्॥
nirastāśeṣadoṣotthanakhabhedādyupadravaḥ| apasmāragrahonmādapāpmālakṣmīvivarjitaḥ| dīptāgnirbalavān vāgmī jīvedvarṣaśatāni ṣaṭ||
Sanskrit only: no published translation is held for this verse.
चूर्णितैरश्वगन्धायाः संयुतं त्रिंशता पलैः। तत्तुल्यं दारकं प्राश्य पयसा सर्पिषाथवा॥
cūrṇitairaśvagandhāyāḥ saṃyutaṃ triṃśatā palaiḥ| tattulyaṃ dārakaṃ prāśya payasā sarpiṣāthavā||
Sanskrit only: no published translation is held for this verse.
जीर्णो पूर्ववदश्नीयाद्यो जीवेत् स समाः शतम्। वाजिवेगो गजप्राणः सुरूपो भास्करद्युतिः॥
jīrṇo pūrvavadaśnīyādyo jīvet sa samāḥ śatam| vājivego gajaprāṇaḥ surūpo bhāskaradyutiḥ||
Sanskrit only: no published translation is held for this verse.
अश्वगन्धेन संयोज्यौ वरीगोक्षुरकौ पृथक्॥
aśvagandhena saṃyojyau varīgokṣurakau pṛthak||
Sanskrit only: no published translation is held for this verse.
यो लिह्यात् सर्पिषा चूर्णं वृद्धदारकमूलजम्। सप्ताहं यूषभक्ताशी स्यात् स किन्नरतुल्यवाक्॥
yo lihyāt sarpiṣā cūrṇaṃ vṛddhadārakamūlajam| saptāhaṃ yūṣabhaktāśī syāt sa kinnaratulyavāk||
Sanskrit only: no published translation is held for this verse.
स्वरसेन शतावर्या सप्ताहं भावितं च तत्। लिहानः पूर्ववन्मासं शतं जीवेन्महामतिः॥
svarasena śatāvaryā saptāhaṃ bhāvitaṃ ca tat| lihānaḥ pūrvavanmāsaṃ śataṃ jīvenmahāmatiḥ||
Sanskrit only: no published translation is held for this verse.
लिह्याद्वा मधुसर्पिर्भ्यां धात्रीस्वरसभावितम्। क्षीरेण वा पिबन्मासं शतं जीवेदरुक्सुधीः॥
lihyādvā madhusarpirbhyāṃ dhātrīsvarasabhāvitam| kṣīreṇa vā pibanmāsaṃ śataṃ jīvedaruksudhīḥ||
Sanskrit only: no published translation is held for this verse.
वृद्धदारकमूलानां रसं क्षीरेण यः पिबेत्। तत्कल्कसिद्धं सर्पिर्वा सजीवेन्नीरुजः शतम्॥
vṛddhadārakamūlānāṃ rasaṃ kṣīreṇa yaḥ pibet| tatkalkasiddhaṃ sarpirvā sajīvennīrujaḥ śatam||
Sanskrit only: no published translation is held for this verse.
पीतं वेल्लरिकामूलं गोमूत्रेण सहोषितम्। कुष्ठगुल्मोदरगरश्लीपदार्शोपचीर्जयेत्॥
pītaṃ vellarikāmūlaṃ gomūtreṇa sahoṣitam| kuṣṭhagulmodaragaraślīpadārśopacīrjayet||
Sanskrit only: no published translation is held for this verse.
पिप्पली त्रिफला दार्वी महौषधपुनर्नवाः। पृथग्दशपलाः सर्वैस्तुल्यांशो वृद्धदारकः॥
pippalī triphalā dārvī mahauṣadhapunarnavāḥ| pṛthagdaśapalāḥ sarvaistulyāṃśo vṛddhadārakaḥ||
Sanskrit only: no published translation is held for this verse.
धान्याम्लपीतस्तच्चूर्णो जीर्णे स्वच्छन्दभोजनः। श्लीपदाममरुद्वर्ध्मगुल्मोदरगरान् हरेत्॥
dhānyāmlapītastaccūrṇo jīrṇe svacchandabhojanaḥ| ślīpadāmamarudvardhmagulmodaragarān haret||
Sanskrit only: no published translation is held for this verse.
शौण्डी विश्ववराद्वीपिवेल्लमुस्ताः समांशकाः। तुल्यवेल्लरिकामूलाः साज्यक्षौद्रास्तथागुणाः॥
śauṇḍī viśvavarādvīpivellamustāḥ samāṃśakāḥ| tulyavellarikāmūlāḥ sājyakṣaudrāstathāguṇāḥ||
Sanskrit only: no published translation is held for this verse.
तत्फलात् स्वरसं कर्षं लिहंस्तुल्याज्यमाक्षिकम्। गव्यं पिबेदनु पयो माहिषं वा यथेष्टभुक्॥
tatphalāt svarasaṃ karṣaṃ lihaṃstulyājyamākṣikam| gavyaṃ pibedanu payo māhiṣaṃ vā yatheṣṭabhuk||
Sanskrit only: no published translation is held for this verse.
पञ्चाहेन जयेत् कासान् सप्ताहेन त्वगामयान्। महाकुष्ठानि मासेन भवेन्मासद्वयेन तु। पञ्चवर्षशतायुष्को धीमेधाबलरूपवान्॥
pañcāhena jayet kāsān saptāhena tvagāmayān| mahākuṣṭhāni māsena bhavenmāsadvayena tu| pañcavarṣaśatāyuṣko dhīmedhābalarūpavān||
Sanskrit only: no published translation is held for this verse.
वेल्लरीफलमूलानां पिप्पल्याश्च समं रजः। वेल्लरीफलमूलोत्थस्वरसेनैव भावयेत्॥
vellarīphalamūlānāṃ pippalyāśca samaṃ rajaḥ| vellarīphalamūlotthasvarasenaiva bhāvayet||
Sanskrit only: no published translation is held for this verse.
अमृताया रसेनानु ततः शुष्कं घृताप्लुतम्। निखनेत् घृतकुम्भस्थं करीषे बहुसञ्चये॥
amṛtāyā rasenānu tataḥ śuṣkaṃ ghṛtāplutam| nikhanet ghṛtakumbhasthaṃ karīṣe bahusañcaye||
Sanskrit only: no published translation is held for this verse.