अथातो वाजीकरणविधिं नामाध्यायं व्याख्यास्यामः। इति ह स्माहु रात्रेयादयो महर्षयः॥
athāto vājīkaraṇavidhiṃ nāmādhyāyaṃ vyākhyāsyāmaḥ| iti ha smāhu rātreyādayo maharṣayaḥ||
Sanskrit only: no published translation is held for this verse.
Library·Vāgbhaṭa: Aṣṭāṅga-saṅgraha·6·6.50
Vāgbhaṭa: Aṣṭāṅga-saṅgraha 6.50
वाजीकरणमन्विच्छेत् सततं विषयी पुमान्। तुष्टिः पुष्टिरपत्यं च गुणवत्तत्र संश्रितम्। अपत्यसन्तानकरं यत्सद्यः सम्प्रहर्षणम्॥
vājīkaraṇamanvicchet satataṃ viṣayī pumān| tuṣṭiḥ puṣṭirapatyaṃ ca guṇavattatra saṃśritam| apatyasantānakaraṃ yatsadyaḥ sampraharṣaṇam||
Sanskrit only: no published translation is held for this verse.
वाजीवातिबलो येन यात्यप्रतिहतोऽङ्गनाः। भवत्यतिप्रियः स्त्रीणां येन येनोपचीयते। तद्वाजीकरणं तद्धि देहस्यौजस्करं परम्॥
vājīvātibalo yena yātyapratihato'ṅganāḥ| bhavatyatipriyaḥ strīṇāṃ yena yenopacīyate| tadvājīkaraṇaṃ taddhi dehasyaujaskaraṃ param||
Sanskrit only: no published translation is held for this verse.
सारो हि जीवलोकस्य स्त्री स्त्रीगुणसमन्विता। स्त्रियः साद्ध्व्यः प्रसुवते नरान् गुणमयानिव॥
sāro hi jīvalokasya strī strīguṇasamanvitā| striyaḥ sāddhvyaḥ prasuvate narān guṇamayāniva||
Sanskrit only: no published translation is held for this verse.
गोत्रवृद्धिकराह्येता गृहिण्यो गृहदेवताः। गृहं हि जीनमेताभिर्न श्रीमदपि शोभते॥
gotravṛddhikarāhyetā gṛhiṇyo gṛhadevatāḥ| gṛhaṃ hi jīnametābhirna śrīmadapi śobhate||
Sanskrit only: no published translation is held for this verse.
न तु ता अपि शोभन्ते जरसानुगता इव। पुंयोगेन विना स्त्रीणां स हि संवननं परम्॥
na tu tā api śobhante jarasānugatā iva| puṃyogena vinā strīṇāṃ sa hi saṃvananaṃ param||
Sanskrit only: no published translation is held for this verse.
वाजीकरणनित्यस्य कामं कामं सिषेविषोः। न शरीरमवाप्नोति न वा रतिरतिः क्षयम्॥
vājīkaraṇanityasya kāmaṃ kāmaṃ siṣeviṣoḥ| na śarīramavāpnoti na vā ratiratiḥ kṣayam||
Sanskrit only: no published translation is held for this verse.
अच्छायः पूतिकुसुमः फलेन रहितो द्रुमः। यथैकश्चैकशाखश्च निरपत्यस्तथा नरः॥
acchāyaḥ pūtikusumaḥ phalena rahito drumaḥ| yathaikaścaikaśākhaśca nirapatyastathā naraḥ||
Sanskrit only: no published translation is held for this verse.
अदृष्टपुत्रपौत्रस्य कुलतन्त्वन्तवर्त्तिनः। संसारसुखबाह्यस्य कीदृशं नाम जीवितम्॥
adṛṣṭaputrapautrasya kulatantvantavarttinaḥ| saṃsārasukhabāhyasya kīdṛśaṃ nāma jīvitam||
Sanskrit only: no published translation is held for this verse.
असम्बन्धोह्यपुत्रस्य नित्यमेव परः परः। सीदत्यस्यावसाने च गृहं सुस्थेप्यनायकम्। अतो वाजीकरा योगा निषेव्याः शुक्रवर्द्धनाः॥
asambandhohyaputrasya nityameva paraḥ paraḥ| sīdatyasyāvasāne ca gṛhaṃ susthepyanāyakam| ato vājīkarā yogā niṣevyāḥ śukravarddhanāḥ||
Sanskrit only: no published translation is held for this verse.
कल्यस्योदग्रवयसो वाजीकरणसेविनः। सर्वेष्वृतुष्वहरहर्व्यवायो न निवार्यते॥
kalyasyodagravayaso vājīkaraṇasevinaḥ| sarveṣvṛtuṣvaharaharvyavāyo na nivāryate||
Sanskrit only: no published translation is held for this verse.
चिन्ताजराभ्यां शुक्रं तु व्याधिभिः कर्मकर्शनात्। क्षयं गच्छत्यनशनात् स्त्रीणां चातिनिषेवणात्॥
cintājarābhyāṃ śukraṃ tu vyādhibhiḥ karmakarśanāt| kṣayaṃ gacchatyanaśanāt strīṇāṃ cātiniṣevaṇāt||
Sanskrit only: no published translation is held for this verse.
शुक्रक्षयात् भयाच्छोकादविस्रम्भादसेवनात्। अतिहर्षादतिस्थौल्यान्मलोपचयतः श्रमात्॥
śukrakṣayāt bhayācchokādavisrambhādasevanāt| atiharṣādatisthaulyānmalopacayataḥ śramāt||
Sanskrit only: no published translation is held for this verse.
स्त्रीणामकौशलाद्दोषदर्शनादभिचारतः। मेढ्रामयात् सुमहतः क्रोधतोऽधर्मकीर्त्तनात्। तृप्तस्यापि स्त्रियो गन्तुं न शक्तिरुपजायते॥
strīṇāmakauśalāddoṣadarśanādabhicārataḥ| meḍhrāmayāt sumahataḥ krodhato'dharmakīrttanāt| tṛptasyāpi striyo gantuṃ na śaktirupajāyate||
Sanskrit only: no published translation is held for this verse.
नहि जातबलाः सर्वे नराश्चापत्यभागिनः। बृहच्छरीरा बलिनः केचिन्नारीषु दुर्बलाः॥
nahi jātabalāḥ sarve narāścāpatyabhāginaḥ| bṛhaccharīrā balinaḥ kecinnārīṣu durbalāḥ||
Sanskrit only: no published translation is held for this verse.
सन्ति चाल्पाश्रयाः स्त्रीषु बलवन्तो बहुप्रजाः। नराश्चटकवत्केचिद्व्रजन्ति बहुशः स्त्रियः॥
santi cālpāśrayāḥ strīṣu balavanto bahuprajāḥ| narāścaṭakavatkecidvrajanti bahuśaḥ striyaḥ||
Sanskrit only: no published translation is held for this verse.
गजवच्चप्रसिञ्चन्ति केचिन्न बहुगामिनः। केचित्प्रयत्नैर्वाह्यन्ते वृषाः केचित्स्वभावतः॥
gajavaccaprasiñcanti kecinna bahugāminaḥ| kecitprayatnairvāhyante vṛṣāḥ kecitsvabhāvataḥ||
Sanskrit only: no published translation is held for this verse.
तस्मात्प्रयोगान् वक्ष्यामि दुर्बलानां बलप्रदान्। सुखोपभोगान् बलिनां भूयश्च बलवर्द्धनान्॥
tasmātprayogān vakṣyāmi durbalānāṃ balapradān| sukhopabhogān balināṃ bhūyaśca balavarddhanān||
Sanskrit only: no published translation is held for this verse.
अथ स्निग्धविशुद्धानां निरूहान् सानुवासनान्। घृततैलरसक्षीरशर्कराक्षौद्रसंयुतान्॥
atha snigdhaviśuddhānāṃ nirūhān sānuvāsanān| ghṛtatailarasakṣīraśarkarākṣaudrasaṃyutān||
Sanskrit only: no published translation is held for this verse.
योगविद्योजयेत् पूर्वं क्षीरमांसरसाशिनाम्। ततो वाजीकरान्योगान् शुक्रापत्यबलप्रदान्॥
yogavidyojayet pūrvaṃ kṣīramāṃsarasāśinām| tato vājīkarānyogān śukrāpatyabalapradān||
Sanskrit only: no published translation is held for this verse.
शरेक्षुकुशकाशानां विदार्या वीरणस्य च। मूलानि कण्टकार्याश्च जीवकर्षभकौ बलाम्॥
śarekṣukuśakāśānāṃ vidāryā vīraṇasya ca| mūlāni kaṇṭakāryāśca jīvakarṣabhakau balām||
Sanskrit only: no published translation is held for this verse.
मेदे द्वे द्वे च काकोल्यौ सूप्यपर्ण्यौ शतावरीम्। अश्वगन्धामतिबलामात्मगुप्तां पुनर्नवाम्॥
mede dve dve ca kākolyau sūpyaparṇyau śatāvarīm| aśvagandhāmatibalāmātmaguptāṃ punarnavām||
Sanskrit only: no published translation is held for this verse.
वीरां पयस्यां जीवन्तीमृद्धिं रास्नां त्रिकण्टकम्। मधुकं शालिपर्णीं च भागांस्त्रिपलिकान् पृथक्॥
vīrāṃ payasyāṃ jīvantīmṛddhiṃ rāsnāṃ trikaṇṭakam| madhukaṃ śāliparṇīṃ ca bhāgāṃstripalikān pṛthak||
Sanskrit only: no published translation is held for this verse.
माषाणामाढकं चैतत् द्विद्रोणे साधयेदपाम्। रसेनाढकशेषेण पचेत्तेन घृताढकम्॥
māṣāṇāmāḍhakaṃ caitat dvidroṇe sādhayedapām| rasenāḍhakaśeṣeṇa pacettena ghṛtāḍhakam||
Sanskrit only: no published translation is held for this verse.
दत्वा विदारीधात्रीक्षुरसानामाढकाढकम्। घृताच्चतुर्गुणं क्षीरं पेष्याणीमानि चावपेत्॥
datvā vidārīdhātrīkṣurasānāmāḍhakāḍhakam| ghṛtāccaturguṇaṃ kṣīraṃ peṣyāṇīmāni cāvapet||
Sanskrit only: no published translation is held for this verse.
वीरां स्वगुप्तां काकोल्यौ यष्टीं फल्गु द्विपिप्पलीम्। द्राक्षां विदारीं खर्जूरं मधुकानि शतावरीम्॥
vīrāṃ svaguptāṃ kākolyau yaṣṭīṃ phalgu dvipippalīm| drākṣāṃ vidārīṃ kharjūraṃ madhukāni śatāvarīm||
Sanskrit only: no published translation is held for this verse.
तत्सिद्धपूतं चूर्णस्य पृथक्प्रस्थेन योजयेत्। शर्करायास्तुगायाश्च पिप्पल्याः कुडवेन च॥
tatsiddhapūtaṃ cūrṇasya pṛthakprasthena yojayet| śarkarāyāstugāyāśca pippalyāḥ kuḍavena ca||
Sanskrit only: no published translation is held for this verse.
मरिचस्य प्रकुञ्चेन पृथगर्द्धपलोन्मितैः। त्वगेलाकेसरैः श्लक्ष्णैः क्षौद्रद्विकुडवेन च॥
maricasya prakuñcena pṛthagarddhapalonmitaiḥ| tvagelākesaraiḥ ślakṣṇaiḥ kṣaudradvikuḍavena ca||
Sanskrit only: no published translation is held for this verse.
पलमात्रं ततः खादेत् प्रत्यहं रसदुग्धमुक्। तेनारोहति वाजीव कुलिङ्गैव हृष्यति॥
palamātraṃ tataḥ khādet pratyahaṃ rasadugdhamuk| tenārohati vājīva kuliṅgaiva hṛṣyati||
Sanskrit only: no published translation is held for this verse.
माषात्मगुप्ताबीजानामाढकं प्रसृतोन्मितम्। मेदाश्वगन्धर्द्धिवरी वीरा यष्टी द्विजीवकम्॥
māṣātmaguptābījānāmāḍhakaṃ prasṛtonmitam| medāśvagandharddhivarī vīrā yaṣṭī dvijīvakam||
Sanskrit only: no published translation is held for this verse.
शूर्पेऽपां विपचेत्तेन पादशेषेण पाचयेत्। विदारीक्षुरसप्रस्थद्वयेन सदृशेन च॥
śūrpe'pāṃ vipacettena pādaśeṣeṇa pācayet| vidārīkṣurasaprasthadvayena sadṛśena ca||
Sanskrit only: no published translation is held for this verse.
सर्वैः क्षीरेण हविषो नवात् प्रस्थं शृतेऽत्र च। सिताक्षौद्रसिताख्यानां पृथग्दद्याच्चतुष्पलम्॥
sarvaiḥ kṣīreṇa haviṣo navāt prasthaṃ śṛte'tra ca| sitākṣaudrasitākhyānāṃ pṛthagdadyāccatuṣpalam||
Sanskrit only: no published translation is held for this verse.
पलं कणात् पुरोभक्तं लिहंस्तत्पलपूर्वकम्। तरुणीष्ववतृप्तासु प्रसभं रासभायते॥
palaṃ kaṇāt purobhaktaṃ lihaṃstatpalapūrvakam| taruṇīṣvavatṛptāsu prasabhaṃ rāsabhāyate||
Sanskrit only: no published translation is held for this verse.
मेदादिभिश्च कर्षांशैः शृतं बाष्कयणं पयः। सशर्कराक्षौद्रघृतं शुक्रवृद्धिकरं परम्॥
medādibhiśca karṣāṃśaiḥ śṛtaṃ bāṣkayaṇaṃ payaḥ| saśarkarākṣaudraghṛtaṃ śukravṛddhikaraṃ param||
Sanskrit only: no published translation is held for this verse.
पयसा पायसस्तेन माषकण्डूकरीफलैः। वृष्यो वेगकरः सिद्धः सघृतक्षौद्रशर्करः॥
payasā pāyasastena māṣakaṇḍūkarīphalaiḥ| vṛṣyo vegakaraḥ siddhaḥ saghṛtakṣaudraśarkaraḥ||
Sanskrit only: no published translation is held for this verse.
श्वदंष्ट्राया विदार्याश्च रसे क्षीरचतुर्गुणे। घृताढ्यः साधितो वृष्यो माषषष्टिकपायसः॥
śvadaṃṣṭrāyā vidāryāśca rase kṣīracaturguṇe| ghṛtāḍhyaḥ sādhito vṛṣyo māṣaṣaṣṭikapāyasaḥ||
Sanskrit only: no published translation is held for this verse.
मधूलिका माषपर्णी सिता शृङ्गाटकं यवाः। स्वगुप्तामूलयष्ट्याह्वविदारीक्षुरकाः समाः॥
madhūlikā māṣaparṇī sitā śṛṅgāṭakaṃ yavāḥ| svaguptāmūlayaṣṭyāhvavidārīkṣurakāḥ samāḥ||
Sanskrit only: no published translation is held for this verse.
सप्रियालाः कृतं चूर्णं पृथङ्मध्वाज्यषड्गुणम्। पादाभ्यामस्पृशन्भूमिं लिहन्काल्यमतः पिचुम्। लभते वलमुत्साहं स्त्रीश्च याति कुलिङ्गवत्॥
sapriyālāḥ kṛtaṃ cūrṇaṃ pṛthaṅmadhvājyaṣaḍguṇam| pādābhyāmaspṛśanbhūmiṃ lihankālyamataḥ picum| labhate valamutsāhaṃ strīśca yāti kuliṅgavat||
Sanskrit only: no published translation is held for this verse.
स्वगुप्ता क्षीरकाकोली विदारी जीवकद्वयम्। तिलाः सलुञ्चिता भृष्टाः शर्कराज्यमधुप्लुतम्। तच्चूर्णं प्रसृतं लीढ्वा गच्छति प्रमदाशतम्॥
svaguptā kṣīrakākolī vidārī jīvakadvayam| tilāḥ saluñcitā bhṛṣṭāḥ śarkarājyamadhuplutam| taccūrṇaṃ prasṛtaṃ līḍhvā gacchati pramadāśatam||
Sanskrit only: no published translation is held for this verse.
प्रसृतं माषचूर्णस्य धात्रीस्वरसभावितम्। विदारीरजसो वापि लिहन् मधुघृतद्रुतम्। क्षीरानुपश्चटकवद्दशकृत्वो व्रजेत् स्त्रियः॥
prasṛtaṃ māṣacūrṇasya dhātrīsvarasabhāvitam| vidārīrajaso vāpi lihan madhughṛtadrutam| kṣīrānupaścaṭakavaddaśakṛtvo vrajet striyaḥ||
Sanskrit only: no published translation is held for this verse.
चूर्ण विदार्या बहुशः स्वरसेनैव भावितम्। क्षौद्रसर्पिर्युतं लीढ्वा प्रमदा दश गच्छति॥
cūrṇa vidāryā bahuśaḥ svarasenaiva bhāvitam| kṣaudrasarpiryutaṃ līḍhvā pramadā daśa gacchati||
Sanskrit only: no published translation is held for this verse.
कृष्णा धात्रीफलरजः स्वरसेनैवभावितम्। शर्करामधुसर्पिर्भिर्लीढ्वा योऽनु पयः पिबेत्। स नरोऽशीतिवर्षोपि युवेव परिहृष्यति॥
kṛṣṇā dhātrīphalarajaḥ svarasenaivabhāvitam| śarkarāmadhusarpirbhirlīḍhvā yo'nu payaḥ pibet| sa naro'śītivarṣopi yuveva parihṛṣyati||
Sanskrit only: no published translation is held for this verse.
कर्षं मधुकचूर्णस्य घृतक्षौद्रसमन्वितम्। पयोनुपानं यो लिह्यान्नित्यवेगः स ना भवेत्॥
karṣaṃ madhukacūrṇasya ghṛtakṣaudrasamanvitam| payonupānaṃ yo lihyānnityavegaḥ sa nā bhavet||
Sanskrit only: no published translation is held for this verse.
कुलीरशृङ्ग्या यः कल्कमालोड्य पयसा पिबेत्। सिताघृतपयोन्नाशी स नारीषु वृषायते॥
kulīraśṛṅgyā yaḥ kalkamāloḍya payasā pibet| sitāghṛtapayonnāśī sa nārīṣu vṛṣāyate||
Sanskrit only: no published translation is held for this verse.
धान्यमाषरसः क्षीरं क्षौद्रमिक्षुरसो घृतम्। द्विमेदाजीवकयुगक्वाथश्चैकत्र योजितः। पीतः करोति पुरुषं प्रमदाशतगामिनम्॥
dhānyamāṣarasaḥ kṣīraṃ kṣaudramikṣuraso ghṛtam| dvimedājīvakayugakvāthaścaikatra yojitaḥ| pītaḥ karoti puruṣaṃ pramadāśatagāminam||
Sanskrit only: no published translation is held for this verse.
भल्लातकैश्चतुर्भिस्तु दुग्धस्यार्द्धाढकं पचेत्। पीतं करोति वृषतां सुजीर्णस्यापि देहिनः॥
bhallātakaiścaturbhistu dugdhasyārddhāḍhakaṃ pacet| pītaṃ karoti vṛṣatāṃ sujīrṇasyāpi dehinaḥ||
Sanskrit only: no published translation is held for this verse.
स्वयङ्गुप्तेक्षुरकयोर्बीजचूर्णं सशर्करम्। धारोष्णेन नरः पीत्वा पयसा रासभायते। उच्चटाचूर्णमप्येवं शतावर्याश्च योजयेत्॥
svayaṅguptekṣurakayorbījacūrṇaṃ saśarkaram| dhāroṣṇena naraḥ pītvā payasā rāsabhāyate| uccaṭācūrṇamapyevaṃ śatāvaryāśca yojayet||
Sanskrit only: no published translation is held for this verse.
सूप्यपर्णी द्विकाकोली जीवकर्षभकैः शृतम्। लघुना पञ्चमूलेन द्विकाकोलीयुतेन वा। पयोऽतिवृष्यमभ्यस्य वृद्धोऽपि तरुणायते॥
sūpyaparṇī dvikākolī jīvakarṣabhakaiḥ śṛtam| laghunā pañcamūlena dvikākolīyutena vā| payo'tivṛṣyamabhyasya vṛddho'pi taruṇāyate||
Sanskrit only: no published translation is held for this verse.
क्षीरिणी च श्वदंष्ट्रा च फाणितं शर्करा मधु। गृष्टिक्षीरं नवं सर्पिरेतत् पुंसवनं परम्॥
kṣīriṇī ca śvadaṃṣṭrā ca phāṇitaṃ śarkarā madhu| gṛṣṭikṣīraṃ navaṃ sarpiretat puṃsavanaṃ param||
Sanskrit only: no published translation is held for this verse.
अश्वत्थफलमूलत्वक्शृङ्गसिद्धं पयो नरः। पीत्वा सशर्करं शीतं कुलिङ्ग इव हृष्यति॥
aśvatthaphalamūlatvakśṛṅgasiddhaṃ payo naraḥ| pītvā saśarkaraṃ śītaṃ kuliṅga iva hṛṣyati||
Sanskrit only: no published translation is held for this verse.
पयः पयस्यया सिद्धं शुक्रकृत्साज्यमाक्षिकम्॥
payaḥ payasyayā siddhaṃ śukrakṛtsājyamākṣikam||
Sanskrit only: no published translation is held for this verse.
शतावरीकत्करसे पयो दशगुणं घृतम्। शृतं सपिप्पलीक्षौद्रशर्करं वृष्यमुत्तमम्॥
śatāvarīkatkarase payo daśaguṇaṃ ghṛtam| śṛtaṃ sapippalīkṣaudraśarkaraṃ vṛṣyamuttamam||
Sanskrit only: no published translation is held for this verse.
शतावरीरसप्रस्थं क्षीरप्रस्थचतुष्टयम्। प्रस्थं घृतस्य शुक्त्यंशं द्राक्षामांसीपरूषकम्॥
śatāvarīrasaprasthaṃ kṣīraprasthacatuṣṭayam| prasthaṃ ghṛtasya śuktyaṃśaṃ drākṣāmāṃsīparūṣakam||
Sanskrit only: no published translation is held for this verse.
जीवकर्षभयष्ट्याह्वबलामेदाकशेरुकम्। प्रियालबीजं काकोलीयुग्मं चैकत्र पाचयेत्॥
jīvakarṣabhayaṣṭyāhvabalāmedākaśerukam| priyālabījaṃ kākolīyugmaṃ caikatra pācayet||
Sanskrit only: no published translation is held for this verse.
पक्वपूते क्षिपेच्चास्मिन् कुडवांशां सितोपलाम्। गृष्टिक्षीरानुपः प्राश्य तन्नारीषु वृषायते। विजयेत च वातास्रं पित्तास्रोरःक्षतक्षयान्॥
pakvapūte kṣipeccāsmin kuḍavāṃśāṃ sitopalām| gṛṣṭikṣīrānupaḥ prāśya tannārīṣu vṛṣāyate| vijayeta ca vātāsraṃ pittāsroraḥkṣatakṣayān||
Sanskrit only: no published translation is held for this verse.
जीवकक्षीरकाकोलीस्थिराहंसपदीघनः। शठीक्षुगण्डिकायष्टीमृणालैः कर्षिकैः पचेत्॥
jīvakakṣīrakākolīsthirāhaṃsapadīghanaḥ| śaṭhīkṣugaṇḍikāyaṣṭīmṛṇālaiḥ karṣikaiḥ pacet||
Sanskrit only: no published translation is held for this verse.
घृतप्रस्थं दशगुणे क्षीरे तत् बलपुष्टिकृत्। वन्ध्यानां पुत्रजननं शुक्रवर्द्धनशोधनम्॥
ghṛtaprasthaṃ daśaguṇe kṣīre tat balapuṣṭikṛt| vandhyānāṃ putrajananaṃ śukravarddhanaśodhanam||
Sanskrit only: no published translation is held for this verse.
जलाढके स्वयंगुप्तामूलात् पञ्चपलं पचेत्। पादशेषे च संचूर्ण्य कुडवांशाः पृथक् क्षिपेत्॥
jalāḍhake svayaṃguptāmūlāt pañcapalaṃ pacet| pādaśeṣe ca saṃcūrṇya kuḍavāṃśāḥ pṛthak kṣipet||
Sanskrit only: no published translation is held for this verse.
स्वगुप्तामूलगोधूममाषेक्षुरकपिप्पलीः। सप्रियालफलक्षौद्राः प्रस्थार्द्धं नवसर्पिषः॥
svaguptāmūlagodhūmamāṣekṣurakapippalīḥ| sapriyālaphalakṣaudrāḥ prasthārddhaṃ navasarpiṣaḥ||
Sanskrit only: no published translation is held for this verse.
सितोपलातुलापादं कुर्यात्तान् मोदकांस्ततः। मोदकं भक्षयित्वैकं षष्टिं व्रजति योषिताम्॥
sitopalātulāpādaṃ kuryāttān modakāṃstataḥ| modakaṃ bhakṣayitvaikaṃ ṣaṣṭiṃ vrajati yoṣitām||
Sanskrit only: no published translation is held for this verse.
पलांशान् बृहतीव्याघ्रीपृश्निपर्णीत्रिकण्टकान्। द्व्याढकेनाम्भसा पक्त्वा पादशेषे रसे स्थिते॥
palāṃśān bṛhatīvyāghrīpṛśniparṇītrikaṇṭakān| dvyāḍhakenāmbhasā paktvā pādaśeṣe rase sthite||
Sanskrit only: no published translation is held for this verse.
पलानि क्षीरकाकोल्याः पञ्च मागधिकापलम्। स्वगुप्ताफलमूलानां माषाणामिक्षुरस्य च॥
palāni kṣīrakākolyāḥ pañca māgadhikāpalam| svaguptāphalamūlānāṃ māṣāṇāmikṣurasya ca||
Sanskrit only: no published translation is held for this verse.
विदार्या मधुनश्चात्र कुडवं कुडवं क्षिपेत्। पृथक् द्वौ मुद्गतिलयोर्घृते शष्कुलिकास्ततः। पचेदेकां ततः प्राश्य शतं व्रजति योषिताम्॥
vidāryā madhunaścātra kuḍavaṃ kuḍavaṃ kṣipet| pṛthak dvau mudgatilayorghṛte śaṣkulikāstataḥ| pacedekāṃ tataḥ prāśya śataṃ vrajati yoṣitām||
Sanskrit only: no published translation is held for this verse.
स्वगुप्तामूलचूर्णेन द्रुतेन पयसा कृताः। घृते सशर्कराक्षौद्रा भक्ष्या वेगशतप्रदाः॥
svaguptāmūlacūrṇena drutena payasā kṛtāḥ| ghṛte saśarkarākṣaudrā bhakṣyā vegaśatapradāḥ||
Sanskrit only: no published translation is held for this verse.
माषात्मगुप्तागोधूमशालिषष्टिकपैष्टिकान्। शर्कराया विदार्याश्च चूर्णानीक्षुरकस्य च॥
māṣātmaguptāgodhūmaśāliṣaṣṭikapaiṣṭikān| śarkarāyā vidāryāśca cūrṇānīkṣurakasya ca||
Sanskrit only: no published translation is held for this verse.
संयोज्य क्षीरसर्पिर्भ्यां घृते पूपलिकाः पचेत्। पयोनुपानास्ताः शीघ्रं कुर्वन्ति वृषतां परम्॥
saṃyojya kṣīrasarpirbhyāṃ ghṛte pūpalikāḥ pacet| payonupānāstāḥ śīghraṃ kurvanti vṛṣatāṃ param||
Sanskrit only: no published translation is held for this verse.
चूर्णं माषात्तिलाच्छालेर्विदार्याश्च ससैन्धवम्। रसेन पुण्ड्रकस्येक्षोः प्लुतं वाराहमेदसि। पक्त्वा शष्कुलिक्राः खादन्नारोहेत् षष्टिमङ्गनाः॥
cūrṇaṃ māṣāttilācchālervidāryāśca sasaindhavam| rasena puṇḍrakasyekṣoḥ plutaṃ vārāhamedasi| paktvā śaṣkulikrāḥ khādannārohet ṣaṣṭimaṅganāḥ||
Sanskrit only: no published translation is held for this verse.
मुखप्रियाणां स्निग्धानां फलानां मधुरात्मनाम्। फलानामात्मगुप्तायाः शालेर्माषात्तिलात् घृतात्॥
mukhapriyāṇāṃ snigdhānāṃ phalānāṃ madhurātmanām| phalānāmātmaguptāyāḥ śālermāṣāttilāt ghṛtāt||
Sanskrit only: no published translation is held for this verse.
मुद्गात् गोधूमतश्चापि कुडवं कुडवं पृथक्। चूर्णितैर्निस्तुषैस्तैस्तु क्षीरेणालोड्य मर्दितैः। पक्वां पूपलिकां खादन् स्त्रीषु हृष्यति वाजिवत्॥
mudgāt godhūmataścāpi kuḍavaṃ kuḍavaṃ pṛthak| cūrṇitairnistuṣaistaistu kṣīreṇāloḍya marditaiḥ| pakvāṃ pūpalikāṃ khādan strīṣu hṛṣyati vājivat||
Sanskrit only: no published translation is held for this verse.
शर्करामाषगोधूमतुगाक्षीरीपयोघृतैः। पक्वामुत्कारिकां खादेत् कृकवाकुरसानुपः॥
śarkarāmāṣagodhūmatugākṣīrīpayoghṛtaiḥ| pakvāmutkārikāṃ khādet kṛkavākurasānupaḥ||
Sanskrit only: no published translation is held for this verse.
मायुरं तैत्तिरं हांसमेवमेव रसं पिबेत्। अनेनाश्व इवोदीर्णो बली लिङ्गं समर्पयेत्॥
māyuraṃ taittiraṃ hāṃsamevameva rasaṃ pibet| anenāśva ivodīrṇo balī liṅgaṃ samarpayet||
Sanskrit only: no published translation is held for this verse.
पिष्ट्वा वराहमांसानि दत्वा मरिचसैन्धवे। कोलवद्गुटिकाः कृत्वा तप्ते सर्पिषि वर्त्तयेत्॥
piṣṭvā varāhamāṃsāni datvā maricasaindhave| kolavadguṭikāḥ kṛtvā tapte sarpiṣi varttayet||
Sanskrit only: no published translation is held for this verse.
वर्त्तनस्तम्भितास्ताश्च प्रक्षेप्याः कौक्कुटे रसे। घृताढ्ये गन्धपिशुने दधिदाडिमसारिके॥
varttanastambhitāstāśca prakṣepyāḥ kaukkuṭe rase| ghṛtāḍhye gandhapiśune dadhidāḍimasārike||
Sanskrit only: no published translation is held for this verse.
यथा न भिन्द्याद्गुटिकास्तथा तं साधयेद्रसम्। तं पिबन्भक्षयंस्ताश्च बली बालेयवद्व्रजेत्। मांसानि बलयुक्तानि तथान्यान्यपि कल्पयेत्॥
yathā na bhindyādguṭikāstathā taṃ sādhayedrasam| taṃ pibanbhakṣayaṃstāśca balī bāleyavadvrajet| māṃsāni balayuktāni tathānyānyapi kalpayet||
Sanskrit only: no published translation is held for this verse.
माषानंकुरितान्शुद्धान् निस्तुषान्साजहाफलान्। घृताढ्ये माहिषरसे दधिदाडिमसारिके॥
māṣānaṃkuritānśuddhān nistuṣānsājahāphalān| ghṛtāḍhye māhiṣarase dadhidāḍimasārike||
Sanskrit only: no published translation is held for this verse.
प्रक्षिप्य साधयेद्युक्त्या धान्यजीरकनागरैः। पीतो भुक्तश्च स रसः कुरुते शुक्रमक्षयम्॥
prakṣipya sādhayedyuktyā dhānyajīrakanāgaraiḥ| pīto bhuktaśca sa rasaḥ kurute śukramakṣayam||
Sanskrit only: no published translation is held for this verse.
हंसबर्हिणदक्षाण्डान् भृष्टांस्तप्तेन सर्पिषा। सुरानुपानान् यः खादेत् स तृप्तस्तर्प्पयेत्स्त्रियः॥
haṃsabarhiṇadakṣāṇḍān bhṛṣṭāṃstaptena sarpiṣā| surānupānān yaḥ khādet sa tṛptastarppayetstriyaḥ||
Sanskrit only: no published translation is held for this verse.
आर्द्राणि मत्स्यमांसानिशफरीर्वा सुभर्जिताः। तप्ते सर्पिषि यः खादेत् स गच्छेत् स्त्रीषु न क्षयम्॥
ārdrāṇi matsyamāṃsāniśapharīrvā subharjitāḥ| tapte sarpiṣi yaḥ khādet sa gacchet strīṣu na kṣayam||
Sanskrit only: no published translation is held for this verse.
घृतभृष्टान् रसे छागे रोहितान् फलसारिके। अनुपीतरसान् सिद्धानपत्यार्थी प्रयोजयेत्॥
ghṛtabhṛṣṭān rase chāge rohitān phalasārike| anupītarasān siddhānapatyārthī prayojayet||
Sanskrit only: no published translation is held for this verse.
घृतं माषान् सबस्ताण्डान् फलाम्ले माहिषे रसे। स्वादौ वा साधयेत् पूतं तद्रसं भर्जयेत् घृते॥
ghṛtaṃ māṣān sabastāṇḍān phalāmle māhiṣe rase| svādau vā sādhayet pūtaṃ tadrasaṃ bharjayet ghṛte||
Sanskrit only: no published translation is held for this verse.
ईषल्लवणितं युक्तं धान्यजीरकनागरैः। पीतः स वृष्यो बल्यश्च बृंहणश्च परं रसः॥
īṣallavaṇitaṃ yuktaṃ dhānyajīrakanāgaraiḥ| pītaḥ sa vṛṣyo balyaśca bṛṃhaṇaśca paraṃ rasaḥ||
Sanskrit only: no published translation is held for this verse.
चटकांस्तैत्तिरे तद्वत्तित्तिरीन् कौक्कुटे रसे। कल्पयेच्छिखिनो हांसे हंसान् वा शिखिजे रसे॥
caṭakāṃstaittire tadvattittirīn kaukkuṭe rase| kalpayecchikhino hāṃse haṃsān vā śikhije rase||
Sanskrit only: no published translation is held for this verse.
तृप्तिं चटकमांसानां गत्वा योनु पयः पिबेत्। प्रभूतकालसंरुद्धाः सन्तर्पयति योषितः॥
tṛptiṃ caṭakamāṃsānāṃ gatvā yonu payaḥ pibet| prabhūtakālasaṃruddhāḥ santarpayati yoṣitaḥ||
Sanskrit only: no published translation is held for this verse.
घृताढ्यं कुक्वुटं शूल्यं शीतं खादेत् समाक्षिकम्। पिबेच्चानन्तरं क्षीरं य इच्छेच्छुक्रमक्षयम्॥
ghṛtāḍhyaṃ kukvuṭaṃ śūlyaṃ śītaṃ khādet samākṣikam| pibeccānantaraṃ kṣīraṃ ya icchecchukramakṣayam||
Sanskrit only: no published translation is held for this verse.
पिप्पलीलवणैर्युक्तौ बस्ताण्डौ क्षीरसर्पिषा। साधितौ भक्षयेद्यस्तु स गच्छेत् प्रमदाशतम्॥
pippalīlavaṇairyuktau bastāṇḍau kṣīrasarpiṣā| sādhitau bhakṣayedyastu sa gacchet pramadāśatam||
Sanskrit only: no published translation is held for this verse.
बस्ताण्डसिद्धे गोदुग्धे भावितानसकृत्तिलान्। यः खादेत्ससितान् गच्छेत् स स्त्राशतमपूववत्॥
bastāṇḍasiddhe godugdhe bhāvitānasakṛttilān| yaḥ khādetsasitān gacchet sa strāśatamapūvavat||
Sanskrit only: no published translation is held for this verse.
भुक्त्वा यो माषसूपेन घृताड्यं षष्टिकौदनम्। पयः पिबति जागर्ति कृत्स्नां रात्रिं स वेगवान्॥
bhuktvā yo māṣasūpena ghṛtāḍyaṃ ṣaṣṭikaudanam| payaḥ pibati jāgarti kṛtsnāṃ rātriṃ sa vegavān||
Sanskrit only: no published translation is held for this verse.
आत्मगुप्ताफलं माषान् खर्जूराणि शतावरीम्। शृङ्गाटकानि मृद्वीका पचेत्तत् प्रसृतोन्मितम्॥
ātmaguptāphalaṃ māṣān kharjūrāṇi śatāvarīm| śṛṅgāṭakāni mṛdvīkā pacettat prasṛtonmitam||
Sanskrit only: no published translation is held for this verse.
क्षीरप्रस्थं जलप्रस्थमेतत् क्षीरावशेषितम्। शुचिना वाससा पूतं योजयेत् प्रसृतैस्त्रिभिः॥
kṣīraprasthaṃ jalaprasthametat kṣīrāvaśeṣitam| śucinā vāsasā pūtaṃ yojayet prasṛtaistribhiḥ||
Sanskrit only: no published translation is held for this verse.
शर्करायास्तुगाक्षीर्याः सर्पिषोऽभिनवस्य च। तत्पिबेत् क्षौद्रसंयुक्तं भुञ्जानः षष्टिकौदनम्। तथा जरापरीतोपि पुत्रैः स परिवार्यते॥
śarkarāyāstugākṣīryāḥ sarpiṣo'bhinavasya ca| tatpibet kṣaudrasaṃyuktaṃ bhuñjānaḥ ṣaṣṭikaudanam| tathā jarāparītopi putraiḥ sa parivāryate||
Sanskrit only: no published translation is held for this verse.
द्राक्षाखर्जरखर्जूरीमस्तकान्यजहाफलम्। पयस्याभीरुमाषांश्च मधुकानि च साधयेत्॥
drākṣākharjarakharjūrīmastakānyajahāphalam| payasyābhīrumāṣāṃśca madhukāni ca sādhayet||
Sanskrit only: no published translation is held for this verse.
तोयाढके पलांशानि पादशेषेण तेन च। क्षीरप्रस्थं पचेत् क्षीरशेषेणाद्यात् घृतान्वितम्। षष्टिकान्नं सिताज्येन योगोऽयं शुक्रकृत् परम्॥
toyāḍhake palāṃśāni pādaśeṣeṇa tena ca| kṣīraprasthaṃ pacet kṣīraśeṣeṇādyāt ghṛtānvitam| ṣaṣṭikānnaṃ sitājyena yogo'yaṃ śukrakṛt param||
Sanskrit only: no published translation is held for this verse.
जीवकर्षभकौ मेदा जीवन्ती श्रावणीद्वयम्। खर्जूरं मधुकं द्राक्षां विदारीं विश्वभेषजम्॥
jīvakarṣabhakau medā jīvantī śrāvaṇīdvayam| kharjūraṃ madhukaṃ drākṣāṃ vidārīṃ viśvabheṣajam||
Sanskrit only: no published translation is held for this verse.
शृङ्गाटकानि चपला नवं सर्पिःपयो जलम्। घृतावशेषितं सिद्धं शर्करामाक्षिकान्वितम्॥
śṛṅgāṭakāni capalā navaṃ sarpiḥpayo jalam| ghṛtāvaśeṣitaṃ siddhaṃ śarkarāmākṣikānvitam||
Sanskrit only: no published translation is held for this verse.
षष्टिकौदनसंयुक्तमुपयोज्यं यथाबलम्। तद्वृष्यं बलकृद्वर्ण्यं कण्ठ्यं देहस्य बृंहणम्॥
ṣaṣṭikaudanasaṃyuktamupayojyaṃ yathābalam| tadvṛṣyaṃ balakṛdvarṇyaṃ kaṇṭhyaṃ dehasya bṛṃhaṇam||
Sanskrit only: no published translation is held for this verse.
गृष्टिर्बष्कयणी नीरुगूर्ध्वशृङ्गी चतुःस्तनी। सान्द्रस्वादुबहुक्षीरा रूपशीलसमन्विता॥
gṛṣṭirbaṣkayaṇī nīrugūrdhvaśṛṅgī catuḥstanī| sāndrasvādubahukṣīrā rūpaśīlasamanvitā||
Sanskrit only: no published translation is held for this verse.
इक्षुभिर्माषपर्णेन या सुपुष्टार्जुनेन वा। तत्क्षीरं ससिताक्षौद्रघृतं पुत्र्यं रतिप्रदम्॥
ikṣubhirmāṣaparṇena yā supuṣṭārjunena vā| tatkṣīraṃ sasitākṣaudraghṛtaṃ putryaṃ ratipradam||
Sanskrit only: no published translation is held for this verse.
शुक्रलैर्जीवनीयाख्यैर्बृंहणैर्बलवर्द्धनैः। वयसः स्थापनैश्चेतत् पयः सिद्धं पृथक्पृथक्॥
śukralairjīvanīyākhyairbṛṃhaṇairbalavarddhanaiḥ| vayasaḥ sthāpanaiścetat payaḥ siddhaṃ pṛthakpṛthak||
Sanskrit only: no published translation is held for this verse.
युक्तं गोधूमचूर्णेन सघृतक्षौद्रशर्करम्। पर्यायेणोपयोक्तव्यमिच्छता शुक्रमक्षयम्॥
yuktaṃ godhūmacūrṇena saghṛtakṣaudraśarkaram| paryāyeṇopayoktavyamicchatā śukramakṣayam||
Sanskrit only: no published translation is held for this verse.
मेदां पयस्यां जीवन्तीं विदारीं कण्टकारिकाम्। माषान् श्वदंष्ट्रां क्षीरीकां गोधूमान् शालिषष्टिकान्॥
medāṃ payasyāṃ jīvantīṃ vidārīṃ kaṇṭakārikām| māṣān śvadaṃṣṭrāṃ kṣīrīkāṃ godhūmān śāliṣaṣṭikān||
Sanskrit only: no published translation is held for this verse.
तत्क्षीरेर्द्धोदके सिद्धान् कार्षिकानाढकोन्मिते। विसर्जयेत्पयश्शेषं तत्पूतं क्षौद्रसर्पिषा। सितया च युतं पीत्वा वृद्धोपि तरुणायते॥
tatkṣīrerddhodake siddhān kārṣikānāḍhakonmite| visarjayetpayaśśeṣaṃ tatpūtaṃ kṣaudrasarpiṣā| sitayā ca yutaṃ pītvā vṛddhopi taruṇāyate||
Sanskrit only: no published translation is held for this verse.
मण्डलैर्जातरूपस्य सुतप्तैस्तत्पयः शृतम्। सिद्धं पुंसवनं वृष्यं ससिताघृतमाक्षिकम्। रूप्यायस्ताम्नसीसानामयमेव पृथग्विधिः॥
maṇḍalairjātarūpasya sutaptaistatpayaḥ śṛtam| siddhaṃ puṃsavanaṃ vṛṣyaṃ sasitāghṛtamākṣikam| rūpyāyastāmnasīsānāmayameva pṛthagvidhiḥ||
Sanskrit only: no published translation is held for this verse.
चूर्णिताः पिप्पलीस्त्रिंशत् प्रकुञ्चे तैलसर्पिषोः। भृष्टाः सशर्कराक्षौद्राः क्षीरेणालोडिताः पिबेत्। अश्नंश्च षष्टिकं क्षीरसर्पिर्भ्यां वाजिवद्भवेत्॥
cūrṇitāḥ pippalīstriṃśat prakuñce tailasarpiṣoḥ| bhṛṣṭāḥ saśarkarākṣaudrāḥ kṣīreṇāloḍitāḥ pibet| aśnaṃśca ṣaṣṭikaṃ kṣīrasarpirbhyāṃ vājivadbhavet||
Sanskrit only: no published translation is held for this verse.
चन्द्रांशुशुभ्रं पयसा घृताढ्यं षष्टिकौदनम्। शर्करामधुसंयुक्तं भुञ्जानो ना वृषायते॥
candrāṃśuśubhraṃ payasā ghṛtāḍhyaṃ ṣaṣṭikaudanam| śarkarāmadhusaṃyuktaṃ bhuñjāno nā vṛṣāyate||
Sanskrit only: no published translation is held for this verse.
दध्नः सरेण सघृतो भक्षितः षष्टिकौदनः। सैलातुगोषणक्षौद्रः शर्कराढ्येन शुक्रकृत्॥
dadhnaḥ sareṇa saghṛto bhakṣitaḥ ṣaṣṭikaudanaḥ| sailātugoṣaṇakṣaudraḥ śarkarāḍhyena śukrakṛt||
Sanskrit only: no published translation is held for this verse.
अध्यण्डामार्षभींचैव स्वयड्गुप्ताफलानि च। पादलेपं नरः कृत्वा निशि वेगैर्न हीयते॥
adhyaṇḍāmārṣabhīṃcaiva svayaḍguptāphalāni ca| pādalepaṃ naraḥ kṛtvā niśi vegairna hīyate||
Sanskrit only: no published translation is held for this verse.
वर्षाभूमूलमृद्वीकास्वयङ्गुप्ताफलानि च। सिद्धश्चरणलेपोयं भुवं पद्भ्यां तु न स्पृशेत्॥
varṣābhūmūlamṛdvīkāsvayaṅguptāphalāni ca| siddhaścaraṇalepoyaṃ bhuvaṃ padbhyāṃ tu na spṛśet||
Sanskrit only: no published translation is held for this verse.
घृतक्षीराशनो नित्यं निर्व्याधिर्नित्यगो युवा। सङ्कल्पप्रवणो इत्यं नरः स्त्रीषु वृषायते॥
ghṛtakṣīrāśano nityaṃ nirvyādhirnityago yuvā| saṅkalpapravaṇo ityaṃ naraḥ strīṣu vṛṣāyate||
Sanskrit only: no published translation is held for this verse.
आत्मगुप्ताफलं माषा गोधूमः शालिषष्टिकम्। इक्षुरिक्षुरकः क्षीरं क्षौद्रं द्राक्षा सितोपला॥
ātmaguptāphalaṃ māṣā godhūmaḥ śāliṣaṣṭikam| ikṣurikṣurakaḥ kṣīraṃ kṣaudraṃ drākṣā sitopalā||
Sanskrit only: no published translation is held for this verse.
उच्चटा शरमूलानि विदारी सशतावरी। जीवनीयानि स्वर्जूरं मोचचोचफलानि च॥
uccaṭā śaramūlāni vidārī saśatāvarī| jīvanīyāni svarjūraṃ mocacocaphalāni ca||
Sanskrit only: no published translation is held for this verse.
एभिर्भक्ष्याणि पेयानि लेह्यानि च घृतानि च। नित्यमासेवमानस्य स्त्रीषु हर्षो विवर्द्धते॥
ebhirbhakṣyāṇi peyāni lehyāni ca ghṛtāni ca| nityamāsevamānasya strīṣu harṣo vivarddhate||
Sanskrit only: no published translation is held for this verse.
जीवनीयघृतक्षीरमधुतैलसितारसैः। रसक्षीराशिनः क्षिप्रं वृषं कुर्वन्ति बस्तयः॥
jīvanīyaghṛtakṣīramadhutailasitārasaiḥ| rasakṣīrāśinaḥ kṣipraṃ vṛṣaṃ kurvanti bastayaḥ||
Sanskrit only: no published translation is held for this verse.
सिद्धबस्तिविकल्पोक्तान् बलशुक्रसुतप्रदान्। युञ्जीत बस्तीन् पुत्रार्थी पुत्रकामोदितं च यत्॥
siddhabastivikalpoktān balaśukrasutapradān| yuñjīta bastīn putrārthī putrakāmoditaṃ ca yat||
Sanskrit only: no published translation is held for this verse.
यत्किञ्चिन्मधुरं स्निग्धं बृंहणं बलवर्द्धनम्। मनसो हर्षणं यच्च तत्सव वृष्यमुच्यते॥
yatkiñcinmadhuraṃ snigdhaṃ bṛṃhaṇaṃ balavarddhanam| manaso harṣaṇaṃ yacca tatsava vṛṣyamucyate||
Sanskrit only: no published translation is held for this verse.
द्रव्यैरेवंविधैस्तस्मात् भावितः प्रमदां व्रजेत्। आत्मवेगेन चोदीर्णः स्रीगुणैश्च प्रहर्षितः॥
dravyairevaṃvidhaistasmāt bhāvitaḥ pramadāṃ vrajet| ātmavegena codīrṇaḥ srīguṇaiśca praharṣitaḥ||
Sanskrit only: no published translation is held for this verse.
इष्टाह्येकैकशोप्यर्था हर्षप्रीतिकराः परम्। किं पुनः स्त्रीशरीरे ये सङ्घघातेन प्रतिष्ठिताः॥
iṣṭāhyekaikaśopyarthā harṣaprītikarāḥ param| kiṃ punaḥ strīśarīre ye saṅghaghātena pratiṣṭhitāḥ||
Sanskrit only: no published translation is held for this verse.
रुचिभेदेन लोकस्य दैवयोगाञ्च योषिताम्। तं तं प्राप्य विवर्द्धन्ते नरं रूपादयो गुणाः॥
rucibhedena lokasya daivayogāñca yoṣitām| taṃ taṃ prāpya vivarddhante naraṃ rūpādayo guṇāḥ||
Sanskrit only: no published translation is held for this verse.
तस्माद्या यस्य हृदयं विशतीव वराङ्गना। तुल्यस्वभावा या हारिमृजारूपगुणान्विता॥
tasmādyā yasya hṛdayaṃ viśatīva varāṅganā| tulyasvabhāvā yā hārimṛjārūpaguṇānvitā||
Sanskrit only: no published translation is held for this verse.
पाशभूतैर्वहन्त्यङ्गैर्लावण्यमिव मूर्तिमत्। आलपन्त्यमृतेनेव या गात्राणि निषिञ्चति॥
pāśabhūtairvahantyaṅgairlāvaṇyamiva mūrtimat| ālapantyamṛteneva yā gātrāṇi niṣiñcati||
Sanskrit only: no published translation is held for this verse.
पिबन्तीव च पश्यन्ती स्पृशन्ती लिम्पतीव या। नित्यमुत्सवभूता या या समानमनःशया॥
pibantīva ca paśyantī spṛśantī limpatīva yā| nityamutsavabhūtā yā yā samānamanaḥśayā||
Sanskrit only: no published translation is held for this verse.