Library·Vagbhata: Astangahrdayasutra·55
केवलानिल-जं कासं स्नेहैर् आदाव् उपाचरेत् । वात-घ्न-सिद्धैः स्निग्धैश् च पेया-यूष-रसादिभिः
kevalānila-jaṃ kāsaṃ snehair ādāv upācaret | vāta-ghna-siddhaiḥ snigdhaiś ca peyā-yūṣa-rasādibhiḥ
Sanskrit only: no published translation is held for this verse.
लेहैर् धूमैस् तथाभ्यङ्ग-स्वेद-सेकावगाहनैः । वस्तिभिर् बद्ध-विड्-वातं स-पित्तं तूर्ध्व-भक्तिकैः
lehair dhūmais tathābhyaṅga-sveda-sekāvagāhanaiḥ | vastibhir baddha-viḍ-vātaṃ sa-pittaṃ tūrdhva-bhaktikaiḥ
Sanskrit only: no published translation is held for this verse.
घृतैः क्षीरैश् च स-कफं जयेत् स्नेह-विरेचनैः । गुडूची-कण्टकारीभ्यां पृथक् त्रिंशत्-पलाद् रसे
ghṛtaiḥ kṣīraiś ca sa-kaphaṃ jayet sneha-virecanaiḥ | guḍūcī-kaṇṭakārībhyāṃ pṛthak triṃśat-palād rase
Sanskrit only: no published translation is held for this verse.
प्रस्थः सिद्धो घृताद् वात-कास-नुद् वह्नि-दीपनः । क्षार-रास्ना-वचा-हिङ्गु-पाठा-यष्ट्य्-आह्व-धान्यकैः
prasthaḥ siddho ghṛtād vāta-kāsa-nud vahni-dīpanaḥ | kṣāra-rāsnā-vacā-hiṅgu-pāṭhā-yaṣṭy-āhva-dhānyakaiḥ
Sanskrit only: no published translation is held for this verse.
द्वि-शाणैः सर्पिषः प्रस्थं पञ्च-कोल-युतैः पचेत् । दश-मूलस्य निर्यूहे पीतो मण्डानुपायिना
dvi-śāṇaiḥ sarpiṣaḥ prasthaṃ pañca-kola-yutaiḥ pacet | daśa-mūlasya niryūhe pīto maṇḍānupāyinā
Sanskrit only: no published translation is held for this verse.
स कास-श्वास-हृत्-पार्श्व-ग्रहणी-रोग-गुल्म-नुत् । द्रोणे ऽपां साधयेद् रास्ना-दश-मूल-शतावरीः
sa kāsa-śvāsa-hṛt-pārśva-grahaṇī-roga-gulma-nut | droṇe 'pāṃ sādhayed rāsnā-daśa-mūla-śatāvarīḥ
Sanskrit only: no published translation is held for this verse.
पलोन्मिता द्वि-कुडवं कुलत्थं बदरं यवं । तुलार्धं चाज-मांसस्य तेन साध्यं घृताढकम्
palonmitā dvi-kuḍavaṃ kulatthaṃ badaraṃ yavaṃ | tulārdhaṃ cāja-māṃsasya tena sādhyaṃ ghṛtāḍhakam
Sanskrit only: no published translation is held for this verse.
सम-क्षीरं पलांशैश् च जीवनीयैः समीक्ष्य तत् । प्रयुक्तं वात-रोगेषु पान-नावन-वस्तिभिः
sama-kṣīraṃ palāṃśaiś ca jīvanīyaiḥ samīkṣya tat | prayuktaṃ vāta-rogeṣu pāna-nāvana-vastibhiḥ
Sanskrit only: no published translation is held for this verse.
पञ्च-कासाञ् छिरः-कम्पं योनि-वङ्क्षण-वेदनाम् । सर्वाङ्गैकाङ्ग-रोगांश् च स-प्लीहोर्ध्वानिलाञ् जयेत्
pañca-kāsāñ chiraḥ-kampaṃ yoni-vaṅkṣaṇa-vedanām | sarvāṅgaikāṅga-rogāṃś ca sa-plīhordhvānilāñ jayet
Sanskrit only: no published translation is held for this verse.
विदार्य्-आदि-गण-क्वाथ-कल्क-सिद्धं च कास-जित् । अशोक-बीज-क्षवक-जन्तुघ्नाञ्जन-पद्मकैः
vidāry-ādi-gaṇa-kvātha-kalka-siddhaṃ ca kāsa-jit | aśoka-bīja-kṣavaka-jantughnāñjana-padmakaiḥ
Sanskrit only: no published translation is held for this verse.
स-विडैश् च घृतं सिद्धं तच्-चूर्णं वा घृत-प्लुतम् । लिह्यात् पयश् चानुपिबेद् आजं कासाति-पीडितः
sa-viḍaiś ca ghṛtaṃ siddhaṃ tac-cūrṇaṃ vā ghṛta-plutam | lihyāt payaś cānupibed ājaṃ kāsāti-pīḍitaḥ
Sanskrit only: no published translation is held for this verse.
विडङ्गं नागरं रास्ना पिप्पली हिङ्गु सैन्धवम् । भार्गी क्षारश् च तच् चूर्णं पिबेद् वा घृत-मात्रया
viḍaṅgaṃ nāgaraṃ rāsnā pippalī hiṅgu saindhavam | bhārgī kṣāraś ca tac cūrṇaṃ pibed vā ghṛta-mātrayā
Sanskrit only: no published translation is held for this verse.
स-कफे ऽनिल-जे कासे श्वास-हिध्मा-हताग्निषु । दुरालभां शृङ्गवेरं शठीं द्राक्षां सितोपलाम्
sa-kaphe 'nila-je kāse śvāsa-hidhmā-hatāgniṣu | durālabhāṃ śṛṅgaveraṃ śaṭhīṃ drākṣāṃ sitopalām
Sanskrit only: no published translation is held for this verse.
लिह्यात् कर्कटशृङ्गीं च कासे तैलेन वात-जे । दुःस्पर्शां पिप्पलीं मुस्तां भार्गीं कर्कटकीं शठीम्
lihyāt karkaṭaśṛṅgīṃ ca kāse tailena vāta-je | duḥsparśāṃ pippalīṃ mustāṃ bhārgīṃ karkaṭakīṃ śaṭhīm
Sanskrit only: no published translation is held for this verse.
पुराण-गुड-तैलाभ्यां चूर्णितान्य् अवलेहयेत् । तद्-वत् स-कृष्णां शुण्ठीं च स-भार्गीं तद्-वद् एव च
purāṇa-guḍa-tailābhyāṃ cūrṇitāny avalehayet | tad-vat sa-kṛṣṇāṃ śuṇṭhīṃ ca sa-bhārgīṃ tad-vad eva ca
Sanskrit only: no published translation is held for this verse.
पिबेच् च कृष्णां कोष्णेन सलिलेन स-सैन्धवाम् । मस्तुना स-सितां शुण्ठीं दध्ना वा कण-रेणुकाम्
pibec ca kṛṣṇāṃ koṣṇena salilena sa-saindhavām | mastunā sa-sitāṃ śuṇṭhīṃ dadhnā vā kaṇa-reṇukām
Sanskrit only: no published translation is held for this verse.
पिबेद् बदर-मज्ज्ञो वा मदिरा-दधि-मस्तुभिः । अथ-वा पिप्पली-कल्कं घृत-भृष्टं स-सैन्धवम्
pibed badara-majjño vā madirā-dadhi-mastubhiḥ | atha-vā pippalī-kalkaṃ ghṛta-bhṛṣṭaṃ sa-saindhavam
Sanskrit only: no published translation is held for this verse.
कासी स-पीनसो धूमं स्नैहिकं विधिना पिबेत् । हिध्मा-श्वासोक्त-धूमांश् च क्षीर-मांस-रसाशनः
kāsī sa-pīnaso dhūmaṃ snaihikaṃ vidhinā pibet | hidhmā-śvāsokta-dhūmāṃś ca kṣīra-māṃsa-rasāśanaḥ
Sanskrit only: no published translation is held for this verse.
ग्राम्यानूपौदकैः शालि-यव-गोधूम-षष्टिकान् । रसैर् माषात्मगुप्तानां यूषैर् वा भोजयेद् धितान्
grāmyānūpaudakaiḥ śāli-yava-godhūma-ṣaṣṭikān | rasair māṣātmaguptānāṃ yūṣair vā bhojayed dhitān
Sanskrit only: no published translation is held for this verse.
यवानी-पिप्पली-बिल्व-मध्य-नागर-चित्रकैः । रास्नाजाजी-पृथक्पर्णी-पलाश-शठि-पौष्करैः
yavānī-pippalī-bilva-madhya-nāgara-citrakaiḥ | rāsnājājī-pṛthakparṇī-palāśa-śaṭhi-pauṣkaraiḥ
Sanskrit only: no published translation is held for this verse.
सिद्धां स्निग्धाम्ल-लवणां पेयाम् अनिल-जे पिबेत् । कटी-हृत्-पार्श्व-कोष्ठार्ति-श्वास-हिध्मा-प्रणाशनीम्
siddhāṃ snigdhāmla-lavaṇāṃ peyām anila-je pibet | kaṭī-hṛt-pārśva-koṣṭhārti-śvāsa-hidhmā-praṇāśanīm
Sanskrit only: no published translation is held for this verse.
दश-मूल-रसे तद्-वत् पञ्च-कोल-गुडान्विताम् । पिबेत् पेयां सम-तिलां क्षैरेयीं वा स-सैन्धवाम्
daśa-mūla-rase tad-vat pañca-kola-guḍānvitām | pibet peyāṃ sama-tilāṃ kṣaireyīṃ vā sa-saindhavām
Sanskrit only: no published translation is held for this verse.
मात्स्य-कौक्कुट-वाराहैर् मांसैर् वा साज्य-सैन्धवाम् । वास्तुको वायसी-शाकं कासघ्नः सुनिषण्णकः
mātsya-kaukkuṭa-vārāhair māṃsair vā sājya-saindhavām | vāstuko vāyasī-śākaṃ kāsaghnaḥ suniṣaṇṇakaḥ
Sanskrit only: no published translation is held for this verse.
कण्टकार्याः फलं पत्त्रं बालं शुष्कं च मूलकम् । स्नेहास् तैलादयो भक्ष्याः क्षीरेक्षु-रस-गौडिकाः
kaṇṭakāryāḥ phalaṃ pattraṃ bālaṃ śuṣkaṃ ca mūlakam | snehās tailādayo bhakṣyāḥ kṣīrekṣu-rasa-gauḍikāḥ
Sanskrit only: no published translation is held for this verse.
दधि-मस्त्व्-आरनालाम्ल-फलाम्बु-मदिराः पिबेत् । पित्त-कासे तु स-कफे वमनं सर्पिषा हितम्
dadhi-mastv-āranālāmla-phalāmbu-madirāḥ pibet | pitta-kāse tu sa-kaphe vamanaṃ sarpiṣā hitam
Sanskrit only: no published translation is held for this verse.
तथा मदन-काश्मर्य-मधुक-क्वथितैर् जलैः । फल-यष्ट्य्-आह्व-कल्कैर् वा विदारीक्षु-रसाप्लुतैः
tathā madana-kāśmarya-madhuka-kvathitair jalaiḥ | phala-yaṣṭy-āhva-kalkair vā vidārīkṣu-rasāplutaiḥ
Sanskrit only: no published translation is held for this verse.
पित्त-कासे तनु-कफे त्रिवृतां मधुरैर् युताम् । युञ्ज्याद् विरेकाय युतां घन-श्लेष्मणि तिक्तकैः
pitta-kāse tanu-kaphe trivṛtāṃ madhurair yutām | yuñjyād virekāya yutāṃ ghana-śleṣmaṇi tiktakaiḥ
Sanskrit only: no published translation is held for this verse.
हृत-दोषो हिमं स्वादु स्निग्धं संसर्जनं भजेत् । घने कफे तु शिशिरं रूक्षं तिक्तोपसंहितम्
hṛta-doṣo himaṃ svādu snigdhaṃ saṃsarjanaṃ bhajet | ghane kaphe tu śiśiraṃ rūkṣaṃ tiktopasaṃhitam
Sanskrit only: no published translation is held for this verse.
लेहः पैत्ते सिता-धात्री-क्षौद्र-द्राक्षा-हिमोत्पलैः । स-घृतः सानिले हितः स-कफे साब्द-मरिचः
lehaḥ paitte sitā-dhātrī-kṣaudra-drākṣā-himotpalaiḥ | sa-ghṛtaḥ sānile hitaḥ sa-kaphe sābda-maricaḥ
Sanskrit only: no published translation is held for this verse.
मृद्वीकार्ध-शतं त्रिंशत् पिप्पलीः शर्करा-पलम् । लेहयेन् मधुना गोर् वा क्षीर-पस्य शकृद्-रसम्
mṛdvīkārdha-śataṃ triṃśat pippalīḥ śarkarā-palam | lehayen madhunā gor vā kṣīra-pasya śakṛd-rasam
Sanskrit only: no published translation is held for this verse.
त्वग्-एला-व्योष-मृद्वीका-पिप्पली-मूल-पौष्करैः । लाज-मुस्ता-शठी-रास्ना-धात्री-फल-विभीतकैः
tvag-elā-vyoṣa-mṛdvīkā-pippalī-mūla-pauṣkaraiḥ | lāja-mustā-śaṭhī-rāsnā-dhātrī-phala-vibhītakaiḥ
Sanskrit only: no published translation is held for this verse.
शर्करा-क्षौद्र-सर्पिर्भिर् लेहो हृद्-रोग-कास-हा । मधुरैर् जाङ्गल-रसैर् यव-श्यामाक-कोद्रवाः
śarkarā-kṣaudra-sarpirbhir leho hṛd-roga-kāsa-hā | madhurair jāṅgala-rasair yava-śyāmāka-kodravāḥ
Sanskrit only: no published translation is held for this verse.
मुद्गादि-यूषैः शाकैश् च तिक्तकैर् मात्रया हिताः । घन-श्लेष्मणि लेहाश् च तिक्तका मधु-संयुताः
mudgādi-yūṣaiḥ śākaiś ca tiktakair mātrayā hitāḥ | ghana-śleṣmaṇi lehāś ca tiktakā madhu-saṃyutāḥ
Sanskrit only: no published translation is held for this verse.
शालयः स्युस् तनु-कफे षष्टिकाश् च रसादिभिः । शर्कराम्भो ऽनु-पानार्थं द्राक्षेक्षु-स्व-रसाः पयः
śālayaḥ syus tanu-kaphe ṣaṣṭikāś ca rasādibhiḥ | śarkarāmbho 'nu-pānārthaṃ drākṣekṣu-sva-rasāḥ payaḥ
Sanskrit only: no published translation is held for this verse.
काकोली-बृहती-मेदा-द्वयैः स-वृष-नागरैः । पित्त-कासे रस-क्षीर-पेया-यूषान् प्रकल्पयेत्
kākolī-bṛhatī-medā-dvayaiḥ sa-vṛṣa-nāgaraiḥ | pitta-kāse rasa-kṣīra-peyā-yūṣān prakalpayet
Sanskrit only: no published translation is held for this verse.
द्राक्षां कणां पञ्च-मूलं तृणाख्यं च पचेज् जले । तेन क्षीरं शृतं शीतं पिबेत् स-मधु-शर्करम्
drākṣāṃ kaṇāṃ pañca-mūlaṃ tṛṇākhyaṃ ca pacej jale | tena kṣīraṃ śṛtaṃ śītaṃ pibet sa-madhu-śarkaram
Sanskrit only: no published translation is held for this verse.
साधितां तेन पेयां वा सु-शीतां मधुनान्विताम् । शठी-ह्रीवेर-बृहती-शर्करा-विश्व-भेषजम्
sādhitāṃ tena peyāṃ vā su-śītāṃ madhunānvitām | śaṭhī-hrīvera-bṛhatī-śarkarā-viśva-bheṣajam
Sanskrit only: no published translation is held for this verse.
पिष्ट्वा रसं पिबेत् पूतं वस्त्रेण घृत-मूर्छितम् । मेदां विदारीं काकोलीं स्वयङ्गुप्ता-फलं बलाम्
piṣṭvā rasaṃ pibet pūtaṃ vastreṇa ghṛta-mūrchitam | medāṃ vidārīṃ kākolīṃ svayaṅguptā-phalaṃ balām
Sanskrit only: no published translation is held for this verse.
शर्करां जीवकं मुद्ग-माषपर्ण्यौ दुरालभाम् । कल्की-कृत्य पचेत् सर्पिः क्षीरेणाष्ट-गुणेन तत्
śarkarāṃ jīvakaṃ mudga-māṣaparṇyau durālabhām | kalkī-kṛtya pacet sarpiḥ kṣīreṇāṣṭa-guṇena tat
Sanskrit only: no published translation is held for this verse.
पान-भोजन-लेहेषु प्रयुक्तं पित्त-कास-जित् । लिह्याद् वा चूर्णम् एतेषां कषायम् अथ-वा पिबेत्
pāna-bhojana-leheṣu prayuktaṃ pitta-kāsa-jit | lihyād vā cūrṇam eteṣāṃ kaṣāyam atha-vā pibet
Sanskrit only: no published translation is held for this verse.
कफ-कासी पिबेद् आदौ सुरकाष्ठात् प्रदीपितात् । स्नेहं परिस्रुतं व्योष-यव-क्षारावचूर्णितम्
kapha-kāsī pibed ādau surakāṣṭhāt pradīpitāt | snehaṃ parisrutaṃ vyoṣa-yava-kṣārāvacūrṇitam
Sanskrit only: no published translation is held for this verse.
स्निग्धं विरेचयेद् ऊर्ध्वम् अधो मूर्ध्नि च युक्तितः । तीक्ष्णैर् विरेकैर् बलिनं संसर्गीं चास्य योजयेत्
snigdhaṃ virecayed ūrdhvam adho mūrdhni ca yuktitaḥ | tīkṣṇair virekair balinaṃ saṃsargīṃ cāsya yojayet
Sanskrit only: no published translation is held for this verse.
यव-मुद्ग-कुलत्थान्नैर् उष्ण-रूक्षैः कटूत्कटैः । कासमर्दक-वार्ताक-व्याघ्री-क्षार-कणान्वितैः
yava-mudga-kulatthānnair uṣṇa-rūkṣaiḥ kaṭūtkaṭaiḥ | kāsamardaka-vārtāka-vyāghrī-kṣāra-kaṇānvitaiḥ
Sanskrit only: no published translation is held for this verse.
धान्व-बैल-रसैः स्नेहैस् तिल-सर्षप-निम्ब-जैः । दश-मूलाम्बु घर्माम्बु मद्यं मध्व्-अम्बु वा पिबेत्
dhānva-baila-rasaiḥ snehais tila-sarṣapa-nimba-jaiḥ | daśa-mūlāmbu gharmāmbu madyaṃ madhv-ambu vā pibet
Sanskrit only: no published translation is held for this verse.
मूलैः पौष्कर-शम्याक-पटोलैः संस्थितं निशाम् । पिबेद् वारि सह-क्षौद्रं कालेष्व् अन्नस्य वा त्रिषु
mūlaiḥ pauṣkara-śamyāka-paṭolaiḥ saṃsthitaṃ niśām | pibed vāri saha-kṣaudraṃ kāleṣv annasya vā triṣu
Sanskrit only: no published translation is held for this verse.
पिप्पली पिप्पली-मूलं शृङ्गवेरं विभीतकम् । शिखि-कुक्कुट-पिच्छानां मषी क्षारो यवोद्भवः
pippalī pippalī-mūlaṃ śṛṅgaveraṃ vibhītakam | śikhi-kukkuṭa-picchānāṃ maṣī kṣāro yavodbhavaḥ
Sanskrit only: no published translation is held for this verse.
विशाला पिप्पली-मूलं त्रिवृता च मधु-द्रवाः । कफ-कास-हरा लेहास् त्रयः श्लोकार्ध-योजिताः
viśālā pippalī-mūlaṃ trivṛtā ca madhu-dravāḥ | kapha-kāsa-harā lehās trayaḥ ślokārdha-yojitāḥ
Sanskrit only: no published translation is held for this verse.
मधुना मरिचं लिह्यान् मधुनैव च जोङ्गकम् । पृथग् रसांश् च मधुना व्याघ्री-वार्ताक-भृङ्ग-जान्
madhunā maricaṃ lihyān madhunaiva ca joṅgakam | pṛthag rasāṃś ca madhunā vyāghrī-vārtāka-bhṛṅga-jān
Sanskrit only: no published translation is held for this verse.
कासघ्नस्याश्व-शकृतः सुरसस्यासितस्य च । देवदारु-शठी-रास्ना-कर्कटाख्या-दुरालभाः
kāsaghnasyāśva-śakṛtaḥ surasasyāsitasya ca | devadāru-śaṭhī-rāsnā-karkaṭākhyā-durālabhāḥ
Sanskrit only: no published translation is held for this verse.
पिप्पली नागरं मुस्तं पथ्या धात्री सितोपला । लाजाः सितोपला सर्पिः शृङ्गी धात्री-फलोद्भवा
pippalī nāgaraṃ mustaṃ pathyā dhātrī sitopalā | lājāḥ sitopalā sarpiḥ śṛṅgī dhātrī-phalodbhavā
Sanskrit only: no published translation is held for this verse.
मधु-तैल-युता लेहास् त्रयो वातानुगे कफे । द्वे पले दाडिमाद् अष्टौ गुडाद् व्योषात् पल-त्रयम्
madhu-taila-yutā lehās trayo vātānuge kaphe | dve pale dāḍimād aṣṭau guḍād vyoṣāt pala-trayam
Sanskrit only: no published translation is held for this verse.
रोचनं दीपनं स्वर्यं पीनस-श्वास-कास-जित् । गुड-क्षारोषण-कणा-दाडिमं श्वास-कास-जित्
rocanaṃ dīpanaṃ svaryaṃ pīnasa-śvāsa-kāsa-jit | guḍa-kṣāroṣaṇa-kaṇā-dāḍimaṃ śvāsa-kāsa-jit
Sanskrit only: no published translation is held for this verse.
क्रमात् पल-द्वयार्धाक्ष-कर्षार्धाक्ष-पलोन्मितम् । पिबेज् ज्वरोक्तं पथ्यादि स-शृङ्गीकं च पाचनम्
kramāt pala-dvayārdhākṣa-karṣārdhākṣa-palonmitam | pibej jvaroktaṃ pathyādi sa-śṛṅgīkaṃ ca pācanam
Sanskrit only: no published translation is held for this verse.
अथ-वा दीप्यक-त्रिवृद्-विशाला-घन-पौष्करम् । स-कणं क्वथितं मूत्रे कफ-कासी जले ऽपि वा
atha-vā dīpyaka-trivṛd-viśālā-ghana-pauṣkaram | sa-kaṇaṃ kvathitaṃ mūtre kapha-kāsī jale 'pi vā
Sanskrit only: no published translation is held for this verse.
तैल-भृष्टं च वैदेही-कल्काक्षं स-सितोपलम् । पाययेत् कफ-कास-घ्नं कुलत्थ-सलिलाप्लुतम्
taila-bhṛṣṭaṃ ca vaidehī-kalkākṣaṃ sa-sitopalam | pāyayet kapha-kāsa-ghnaṃ kulattha-salilāplutam
Sanskrit only: no published translation is held for this verse.
दश-मूलाढके प्रस्थं घृतस्याक्ष-समैः पचेत् । पुष्कराह्व-शठी-बिल्व-सुरसा-व्योष-हिङ्गुभिः
daśa-mūlāḍhake prasthaṃ ghṛtasyākṣa-samaiḥ pacet | puṣkarāhva-śaṭhī-bilva-surasā-vyoṣa-hiṅgubhiḥ
Sanskrit only: no published translation is held for this verse.
पेयानु-पानं तत् सर्व-वात-श्लेष्मामयापहम् । निर्गुण्डी-पत्त्र-निर्यास-साधितं कास-जिद् घृतम्
peyānu-pānaṃ tat sarva-vāta-śleṣmāmayāpaham | nirguṇḍī-pattra-niryāsa-sādhitaṃ kāsa-jid ghṛtam
Sanskrit only: no published translation is held for this verse.
घृत-प्रस्थं बला-व्योष-विडङ्ग-शठि-दाडिमैः । सौवर्चल-यव-क्षार-मूलामलक-पौष्करैः
ghṛta-prasthaṃ balā-vyoṣa-viḍaṅga-śaṭhi-dāḍimaiḥ | sauvarcala-yava-kṣāra-mūlāmalaka-pauṣkaraiḥ
Sanskrit only: no published translation is held for this verse.
वृश्चीव-बृहती-पथ्या-यवानी-चित्रकर्द्धिभिः । मृद्वीका-चव्य-वर्षाभू-दुरालभाम्ल-वेतसैः
vṛścīva-bṛhatī-pathyā-yavānī-citrakarddhibhiḥ | mṛdvīkā-cavya-varṣābhū-durālabhāmla-vetasaiḥ
Sanskrit only: no published translation is held for this verse.
शृङ्गी-तामलकी-भार्गी-रास्ना-गोक्षुरकैः पचेत् । कल्कैस् तत् सर्व-कासेषु श्वास-हिध्मासु चेष्यते
śṛṅgī-tāmalakī-bhārgī-rāsnā-gokṣurakaiḥ pacet | kalkais tat sarva-kāseṣu śvāsa-hidhmāsu ceṣyate
Sanskrit only: no published translation is held for this verse.
कण्टकारी-घृतं चैतत् कफ-व्याधि-विनाशनम् । पचेद् व्याघ्री-तुलां क्षुण्णां वहे ऽपाम् आढक-स्थिते
kaṇṭakārī-ghṛtaṃ caitat kapha-vyādhi-vināśanam | paced vyāghrī-tulāṃ kṣuṇṇāṃ vahe 'pām āḍhaka-sthite
Sanskrit only: no published translation is held for this verse.
क्षिपेत् पूते तु संचूर्ण्य व्योष-रास्नामृताग्निकान् । शृङ्गी-भार्गी-घन-ग्रन्थि-धन्वयासान् पलार्धकान्
kṣipet pūte tu saṃcūrṇya vyoṣa-rāsnāmṛtāgnikān | śṛṅgī-bhārgī-ghana-granthi-dhanvayāsān palārdhakān
Sanskrit only: no published translation is held for this verse.
सर्पिषः षो-डश-पलं चत्वारिंशत् पलानि च । मत्स्यण्डिकायाः शुद्धायाः पुनश् च तद् अधिश्रयेत्
sarpiṣaḥ ṣo-ḍaśa-palaṃ catvāriṃśat palāni ca | matsyaṇḍikāyāḥ śuddhāyāḥ punaś ca tad adhiśrayet
Sanskrit only: no published translation is held for this verse.
दर्वी-लेपिनि शीते च पृथग् द्वि-कुडवं क्षिपेत् । पिप्पलीनां तवक्षीर्या माक्षिकस्या-नवस्य च
darvī-lepini śīte ca pṛthag dvi-kuḍavaṃ kṣipet | pippalīnāṃ tavakṣīryā mākṣikasyā-navasya ca
Sanskrit only: no published translation is held for this verse.
लेहो ऽयं गुल्म-हृद्-रोग-दुर्-नाम-श्वास-कास-जित् । शमनं च पिबेद् धूमं शोधनं बहले कफे
leho 'yaṃ gulma-hṛd-roga-dur-nāma-śvāsa-kāsa-jit | śamanaṃ ca pibed dhūmaṃ śodhanaṃ bahale kaphe
Sanskrit only: no published translation is held for this verse.
मनःशिलाल-मधुक-मांसी-मुस्तेङ्गुदी-त्वचः । धूमं कास-घ्न-विधिना पीत्वा क्षीरं पिबेद् अनु
manaḥśilāla-madhuka-māṃsī-musteṅgudī-tvacaḥ | dhūmaṃ kāsa-ghna-vidhinā pītvā kṣīraṃ pibed anu
Sanskrit only: no published translation is held for this verse.
निष्ठ्यूतान्ते गुड-युतं कोष्णं धूमो निहन्ति सः । वात-श्लेष्मोत्तरान् कासान् अ-चिरेण चिरन्-तनान्
niṣṭhyūtānte guḍa-yutaṃ koṣṇaṃ dhūmo nihanti saḥ | vāta-śleṣmottarān kāsān a-cireṇa ciran-tanān
Sanskrit only: no published translation is held for this verse.
तमकः कफ-कासे तु स्याच् चेत् पित्तानुबन्ध-जः । पित्त-कास-क्रियां तत्र यथावस्थं प्रयोजयेत्
tamakaḥ kapha-kāse tu syāc cet pittānubandha-jaḥ | pitta-kāsa-kriyāṃ tatra yathāvasthaṃ prayojayet
Sanskrit only: no published translation is held for this verse.
कफानुबन्धे पवने कुर्यात् कफ-हरां क्रियाम् । पित्तानुबन्धयोर् वात-कफयोः पित्त-नाशिनीम्
kaphānubandhe pavane kuryāt kapha-harāṃ kriyām | pittānubandhayor vāta-kaphayoḥ pitta-nāśinīm
Sanskrit only: no published translation is held for this verse.
वात-श्लेष्मात्मके शुष्के स्निग्धम् आर्द्रे विरूक्षणम् । कासे कर्म स-पित्ते तु कफ-जे तिक्त-संयुतम्
vāta-śleṣmātmake śuṣke snigdham ārdre virūkṣaṇam | kāse karma sa-pitte tu kapha-je tikta-saṃyutam
Sanskrit only: no published translation is held for this verse.
उरस्य् अन्तः-क्षते सद्यो लाक्षां क्षौद्र-युतां पिबेत् । क्षीरेण शालीन् जीर्णे ऽद्यात् क्षीरेणैव स-शर्करान्
urasy antaḥ-kṣate sadyo lākṣāṃ kṣaudra-yutāṃ pibet | kṣīreṇa śālīn jīrṇe 'dyāt kṣīreṇaiva sa-śarkarān
Sanskrit only: no published translation is held for this verse.
पार्श्व-वस्ति-स-रुक् चाल्प-पित्ताग्निस् तां सुरा-युताम् । भिन्न-विट्कः स-मुस्तातिविषा-पाठां स-वत्सकाम्
pārśva-vasti-sa-ruk cālpa-pittāgnis tāṃ surā-yutām | bhinna-viṭkaḥ sa-mustātiviṣā-pāṭhāṃ sa-vatsakām
Sanskrit only: no published translation is held for this verse.
लाक्षां सर्पिर् मधूच्छिष्टं जीवनीयं गणं सिताम् । त्वक्क्षीरीं समितं क्षीरे पक्त्वा दीप्तानलः पिबेत्
lākṣāṃ sarpir madhūcchiṣṭaṃ jīvanīyaṃ gaṇaṃ sitām | tvakkṣīrīṃ samitaṃ kṣīre paktvā dīptānalaḥ pibet
Sanskrit only: no published translation is held for this verse.
इक्ष्वारिका-बिस-ग्रन्थि-पद्म-केसर-चन्दनैः । शृतं पयो मधु-युतं संधानार्थं पिबेत् क्षती
ikṣvārikā-bisa-granthi-padma-kesara-candanaiḥ | śṛtaṃ payo madhu-yutaṃ saṃdhānārthaṃ pibet kṣatī
Sanskrit only: no published translation is held for this verse.
यवानां चूर्णम् आमानां क्षीरे सिद्धं घृतान्वितम् । ज्वर-दाहे सिता-क्षौद्र-सक्तून् वा पयसा पिबेत्
yavānāṃ cūrṇam āmānāṃ kṣīre siddhaṃ ghṛtānvitam | jvara-dāhe sitā-kṣaudra-saktūn vā payasā pibet
Sanskrit only: no published translation is held for this verse.
कास-वांस् तु पिबेत् सर्पिर् मधुरौषध-साधितम् । गुडोदकं वा क्वथितं स-क्षौद्र-मरिचं हितम्
kāsa-vāṃs tu pibet sarpir madhurauṣadha-sādhitam | guḍodakaṃ vā kvathitaṃ sa-kṣaudra-maricaṃ hitam
Sanskrit only: no published translation is held for this verse.
चूर्णम् आमलकानां वा क्षीरे पक्वं घृतान्वितम् । रसायन-विधानेन पिप्पलीर् वा प्रयोजयेत्
cūrṇam āmalakānāṃ vā kṣīre pakvaṃ ghṛtānvitam | rasāyana-vidhānena pippalīr vā prayojayet
Sanskrit only: no published translation is held for this verse.
कासी पर्वास्थि-शूली च लिह्यात् स-घृत-माक्षिकाः । मधूक-मधुक-द्राक्षा-त्वक्क्षीरी-पिप्पली-बलाः
kāsī parvāsthi-śūlī ca lihyāt sa-ghṛta-mākṣikāḥ | madhūka-madhuka-drākṣā-tvakkṣīrī-pippalī-balāḥ
Sanskrit only: no published translation is held for this verse.
त्रि-जातम् अर्ध-कर्षांशं पिप्पल्य्-अर्ध-पलं सिता । द्राक्षा मधूकं खर्जूरं पलाशं श्लक्ष्ण-चूर्णितम्
tri-jātam ardha-karṣāṃśaṃ pippaly-ardha-palaṃ sitā | drākṣā madhūkaṃ kharjūraṃ palāśaṃ ślakṣṇa-cūrṇitam
Sanskrit only: no published translation is held for this verse.
मधुना गुटिका घ्नन्ति ता वृष्याः पित्त-शोणितम् । कास-श्वासा-रुचि-च्छर्दि-मूर्छा-हिध्मा-मद-भ्रमान्
madhunā guṭikā ghnanti tā vṛṣyāḥ pitta-śoṇitam | kāsa-śvāsā-ruci-cchardi-mūrchā-hidhmā-mada-bhramān
Sanskrit only: no published translation is held for this verse.
क्षत-क्षय-स्वर-भ्रंश-प्लीह-शोषाढ्य-मारुतान् । रक्त-निष्ठीव-हृत्-पार्श्व-रुक्-पिपासा-ज्वरान् अपि
kṣata-kṣaya-svara-bhraṃśa-plīha-śoṣāḍhya-mārutān | rakta-niṣṭhīva-hṛt-pārśva-ruk-pipāsā-jvarān api
Sanskrit only: no published translation is held for this verse.
वर्षाभू-शर्करा-रक्त-शालि-तण्डुल-जं रजः । रक्त-ष्ठीवी पिबेत् सिद्धं द्राक्षा-रस-पयो-घृतैः
varṣābhū-śarkarā-rakta-śāli-taṇḍula-jaṃ rajaḥ | rakta-ṣṭhīvī pibet siddhaṃ drākṣā-rasa-payo-ghṛtaiḥ
Sanskrit only: no published translation is held for this verse.
मधूक-मधुक-क्षीर-सिद्धं वा तण्डुलीयकम् । यथा-स्वं मार्ग-विसृते रक्ते कुर्याच् च भेषजम्
madhūka-madhuka-kṣīra-siddhaṃ vā taṇḍulīyakam | yathā-svaṃ mārga-visṛte rakte kuryāc ca bheṣajam
Sanskrit only: no published translation is held for this verse.
मूढ-वातस् त्व् अजा-मेदः सुरा-भृष्टं स-सैन्धवम् । क्षामः क्षीणः क्षतोरस्को मन्द-निद्रो ऽग्नि-दीप्ति-मान्
mūḍha-vātas tv ajā-medaḥ surā-bhṛṣṭaṃ sa-saindhavam | kṣāmaḥ kṣīṇaḥ kṣatorasko manda-nidro 'gni-dīpti-mān
Sanskrit only: no published translation is held for this verse.
शृत-क्षीर-सरेणाद्यात् स-घृत-क्षौद्र-शर्करम् । शर्करा-यव-गोधूमं जीवकर्षभकौ मधु
śṛta-kṣīra-sareṇādyāt sa-ghṛta-kṣaudra-śarkaram | śarkarā-yava-godhūmaṃ jīvakarṣabhakau madhu
Sanskrit only: no published translation is held for this verse.
शृत-क्षीरानु-पानं वा लिह्यात् क्षीणः क्षतः कृशः । क्रव्यात्-पिशित-निर्यूहं घृत-भृष्टं पिबेच् च सः
śṛta-kṣīrānu-pānaṃ vā lihyāt kṣīṇaḥ kṣataḥ kṛśaḥ | kravyāt-piśita-niryūhaṃ ghṛta-bhṛṣṭaṃ pibec ca saḥ
Sanskrit only: no published translation is held for this verse.
पिप्पली-क्षौद्र-संयुक्तं मांस-शोणित-वर्धनम् । न्यग्रोधोदुम्बराश्वत्थ-प्लक्ष-शाल-प्रियङ्गुभिः
pippalī-kṣaudra-saṃyuktaṃ māṃsa-śoṇita-vardhanam | nyagrodhodumbarāśvattha-plakṣa-śāla-priyaṅgubhiḥ
Sanskrit only: no published translation is held for this verse.
ताल-मस्तक-जम्बू-त्वक्-प्रियालैश् च स-पद्मकैः । साश्वकर्णैः शृतात् क्षीराद् अद्याज् जातेन सर्पिषा
tāla-mastaka-jambū-tvak-priyālaiś ca sa-padmakaiḥ | sāśvakarṇaiḥ śṛtāt kṣīrād adyāj jātena sarpiṣā
Sanskrit only: no published translation is held for this verse.
शाल्य्-ओदनं क्षतोरस्कः क्षीण-शुक्र-बलेन्द्रियः । वात-पित्तार्दिते ऽभ्यङ्गो गात्र-भेदे घृतैर् मतः
śāly-odanaṃ kṣatoraskaḥ kṣīṇa-śukra-balendriyaḥ | vāta-pittārdite 'bhyaṅgo gātra-bhede ghṛtair mataḥ
Sanskrit only: no published translation is held for this verse.
तैलैश् चानिल-रोग-घ्नैः पीडिते मातरिश्वना । हृत्-पार्श्वार्तिषु पानं स्याज् जीवनीयस्य सर्पिषः
tailaiś cānila-roga-ghnaiḥ pīḍite mātariśvanā | hṛt-pārśvārtiṣu pānaṃ syāj jīvanīyasya sarpiṣaḥ
Sanskrit only: no published translation is held for this verse.
कुर्याद् वा वात-रोग-घ्नं पित्त-रक्ता-विरोधि यत् । यष्ट्य्-आह्व-नागबलयोः क्वाथे क्षीर-समे घृतम्
kuryād vā vāta-roga-ghnaṃ pitta-raktā-virodhi yat | yaṣṭy-āhva-nāgabalayoḥ kvāthe kṣīra-same ghṛtam
Sanskrit only: no published translation is held for this verse.
पयस्या-पिप्पली-वांशी-कल्कैः सिद्धं क्षते हितम् । जीवनीयो गणः शुण्ठी वरी वीरा पुनर्नवा
payasyā-pippalī-vāṃśī-kalkaiḥ siddhaṃ kṣate hitam | jīvanīyo gaṇaḥ śuṇṭhī varī vīrā punarnavā
Sanskrit only: no published translation is held for this verse.
बला-भार्गी-स्वगुप्तर्द्धि-शठी-तामलकी-कणाः । शृङ्गाटकं पयस्या च पञ्च-मूलं च यल् लघु
balā-bhārgī-svaguptarddhi-śaṭhī-tāmalakī-kaṇāḥ | śṛṅgāṭakaṃ payasyā ca pañca-mūlaṃ ca yal laghu
Sanskrit only: no published translation is held for this verse.
द्राक्षाक्षोटादि च फलं मधुर-स्निग्ध-बृंहणम् । तैः पचेत् सर्पिषः प्रस्थं कर्षांशैः श्लक्ष्ण-कल्कितैः
drākṣākṣoṭādi ca phalaṃ madhura-snigdha-bṛṃhaṇam | taiḥ pacet sarpiṣaḥ prasthaṃ karṣāṃśaiḥ ślakṣṇa-kalkitaiḥ
Sanskrit only: no published translation is held for this verse.
क्षीर-धात्री-विदारीक्षु-च्छाग-मांस-रसान्वितम् । प्रस्थार्धं मधुनः शीते शर्करार्ध-तुला-रजः
kṣīra-dhātrī-vidārīkṣu-cchāga-māṃsa-rasānvitam | prasthārdhaṃ madhunaḥ śīte śarkarārdha-tulā-rajaḥ
Sanskrit only: no published translation is held for this verse.
पलार्धकं च मरिच-त्वग्-एला-पत्त्र-केसरम् । विनीय प्रसृतं तस्माल् लिह्यान् मात्रां यथा-बलम्
palārdhakaṃ ca marica-tvag-elā-pattra-kesaram | vinīya prasṛtaṃ tasmāl lihyān mātrāṃ yathā-balam
Sanskrit only: no published translation is held for this verse.
अमृत-प्राशम् इत्य् एतन् नराणाम् अमृतं घृतम् । सुधामृत-रसं प्राश्यं क्षीर-मांस-रसाशिना
amṛta-prāśam ity etan narāṇām amṛtaṃ ghṛtam | sudhāmṛta-rasaṃ prāśyaṃ kṣīra-māṃsa-rasāśinā
Sanskrit only: no published translation is held for this verse.
नष्ट-शुक्र-क्षत-क्षीण-दुर्-बल-व्याधि-कर्शितान् । स्त्री-प्रसक्तान् कृशान् वर्ण-स्वर-हीनांश् च बृंहयेत्
naṣṭa-śukra-kṣata-kṣīṇa-dur-bala-vyādhi-karśitān | strī-prasaktān kṛśān varṇa-svara-hīnāṃś ca bṛṃhayet
Sanskrit only: no published translation is held for this verse.
कास-हिध्मा-ज्वर-श्वास-दाह-तृष्णास्र-पित्त-नुत् । पुत्र-दं छर्दि-मूर्छा-हृद्-योनि-मूत्रामयापहम्
kāsa-hidhmā-jvara-śvāsa-dāha-tṛṣṇāsra-pitta-nut | putra-daṃ chardi-mūrchā-hṛd-yoni-mūtrāmayāpaham
Sanskrit only: no published translation is held for this verse.
श्वदंष्ट्रोशीर-मञ्जिष्ठा-बला-काश्मर्य-कट्तृणम् । दर्भ-मूलं पृथक्पर्णीं पलाशर्षभकौ स्थिराम्
śvadaṃṣṭrośīra-mañjiṣṭhā-balā-kāśmarya-kaṭtṛṇam | darbha-mūlaṃ pṛthakparṇīṃ palāśarṣabhakau sthirām
Sanskrit only: no published translation is held for this verse.
पालिकानि पचेत् तेषां रसे क्षीर-चतुर्-गुणे । कल्कैः स्वगुप्ता-जीवन्ती-मेदर्षभक-जीवकैः
pālikāni pacet teṣāṃ rase kṣīra-catur-guṇe | kalkaiḥ svaguptā-jīvantī-medarṣabhaka-jīvakaiḥ
Sanskrit only: no published translation is held for this verse.
शतावर्य्-ऋद्धि-मृद्वीका-शर्करा-श्रावणी-बिसैः । प्रस्थः सिद्धो घृताद् वात-पित्त-हृद्-रोग-शूल-नुत्
śatāvary-ṛddhi-mṛdvīkā-śarkarā-śrāvaṇī-bisaiḥ | prasthaḥ siddho ghṛtād vāta-pitta-hṛd-roga-śūla-nut
Sanskrit only: no published translation is held for this verse.
मूत्र-कृच्छ्र-प्रमेहार्शः-कास-शोष-क्षयापहः । धनुः-स्त्री-मद्य-भाराध्व-खिन्नानां बल-मांस-दः
mūtra-kṛcchra-pramehārśaḥ-kāsa-śoṣa-kṣayāpahaḥ | dhanuḥ-strī-madya-bhārādhva-khinnānāṃ bala-māṃsa-daḥ
Sanskrit only: no published translation is held for this verse.
मधुकाष्ट-पल-द्राक्षा-प्रस्थ-क्वाथे पचेद् घृतम् । पिप्पल्य्-अष्ट-पले कल्के प्रस्थं सिद्धे च शीतले
madhukāṣṭa-pala-drākṣā-prastha-kvāthe paced ghṛtam | pippaly-aṣṭa-pale kalke prasthaṃ siddhe ca śītale
Sanskrit only: no published translation is held for this verse.
पृथग् अष्ट-पलं क्षौद्र-शर्कराभ्यां विमिश्रयेत् । सम-सक्तु क्षत-क्षीण-रक्त-गुल्मेषु तद् धितम्
pṛthag aṣṭa-palaṃ kṣaudra-śarkarābhyāṃ vimiśrayet | sama-saktu kṣata-kṣīṇa-rakta-gulmeṣu tad dhitam
Sanskrit only: no published translation is held for this verse.
धात्री-फल-विदारीक्षु-जीवनीय-रसाद् घृतात् । गव्याजयोश् च पयसोः प्रस्थं प्रस्थं विपाचयेत्
dhātrī-phala-vidārīkṣu-jīvanīya-rasād ghṛtāt | gavyājayoś ca payasoḥ prasthaṃ prasthaṃ vipācayet
Sanskrit only: no published translation is held for this verse.
सिद्ध-शीते सिता-क्षौद्रं द्वि-प्रस्थं विनयेत् ततः । यक्ष्मापस्मार-पित्तासृक्-कास-मेह-क्षयापहम्
siddha-śīte sitā-kṣaudraṃ dvi-prasthaṃ vinayet tataḥ | yakṣmāpasmāra-pittāsṛk-kāsa-meha-kṣayāpaham
Sanskrit only: no published translation is held for this verse.
वयः-स्थापनम् आयुष्यं मांस-शुक्र-बल-प्रदम् । घृतं तु पित्ते ऽभ्यधिके लिह्याद् वाते ऽधिके पिबेत्
vayaḥ-sthāpanam āyuṣyaṃ māṃsa-śukra-bala-pradam | ghṛtaṃ tu pitte 'bhyadhike lihyād vāte 'dhike pibet
Sanskrit only: no published translation is held for this verse.
लीढं निर्वापयेत् पित्तम् अल्प-त्वाद् धन्ति नानलम् । आक्रामत्य् अनिलं पीतम् ऊष्माणं निरुणद्धि च
līḍhaṃ nirvāpayet pittam alpa-tvād dhanti nānalam | ākrāmaty anilaṃ pītam ūṣmāṇaṃ niruṇaddhi ca
Sanskrit only: no published translation is held for this verse.
क्षाम-क्षीण-कृशाङ्गानाम् एतान्य् एव घृतानि तु । त्वक्क्षीरी-शर्करा-लाज-चूर्णैः स्त्यानानि योजयेत्
kṣāma-kṣīṇa-kṛśāṅgānām etāny eva ghṛtāni tu | tvakkṣīrī-śarkarā-lāja-cūrṇaiḥ styānāni yojayet
Sanskrit only: no published translation is held for this verse.
सर्पिर्-गुडान् स-मध्व्-अंशान् कृत्वा दद्यात् पयो ऽनु च । रेतो वीर्यं बलं पुष्टिं तैर् आशु-तरम् आप्नुयात्
sarpir-guḍān sa-madhv-aṃśān kṛtvā dadyāt payo 'nu ca | reto vīryaṃ balaṃ puṣṭiṃ tair āśu-taram āpnuyāt
Sanskrit only: no published translation is held for this verse.
वीत-त्वग्-अस्थि-कूष्माण्ड-तुलां स्विन्नां पुनः पचेत् । घट्टयन् सर्पिषः प्रस्थे क्षौद्र-वर्णे ऽत्र च क्षिपेत्
vīta-tvag-asthi-kūṣmāṇḍa-tulāṃ svinnāṃ punaḥ pacet | ghaṭṭayan sarpiṣaḥ prasthe kṣaudra-varṇe 'tra ca kṣipet
Sanskrit only: no published translation is held for this verse.
खण्डाच् छतं कणा-शुण्ठ्योर् द्वि-पलं जीरकाद् अपि । त्रि-जात-धान्य-मरिचं पृथग् अर्ध-पलांशकम्
khaṇḍāc chataṃ kaṇā-śuṇṭhyor dvi-palaṃ jīrakād api | tri-jāta-dhānya-maricaṃ pṛthag ardha-palāṃśakam
Sanskrit only: no published translation is held for this verse.
अवतारित-शीते च दत्त्वा क्षौद्रं घृतार्धकम् । खजेनामथ्य च स्थाप्यं तन् निहन्त्य् उपयोजितम्
avatārita-śīte ca dattvā kṣaudraṃ ghṛtārdhakam | khajenāmathya ca sthāpyaṃ tan nihanty upayojitam
Sanskrit only: no published translation is held for this verse.
कास-हिध्मा-ज्वर-श्वास-रक्त-पित्त-क्षत-क्षयान् । उरः-संधान-जननं मेधा-स्मृति-बल-प्रदम्
kāsa-hidhmā-jvara-śvāsa-rakta-pitta-kṣata-kṣayān | uraḥ-saṃdhāna-jananaṃ medhā-smṛti-bala-pradam
Sanskrit only: no published translation is held for this verse.
अश्विभ्यां विहितं हृद्यं कूष्माण्डक-रसायनम् । पिबेन् नागबला-मूलस्यार्ध-कर्षाभिवर्धितम्
aśvibhyāṃ vihitaṃ hṛdyaṃ kūṣmāṇḍaka-rasāyanam | piben nāgabalā-mūlasyārdha-karṣābhivardhitam
Sanskrit only: no published translation is held for this verse.
पलं क्षीर-युतं मासं क्षीर-वृत्तिर् अन्-अन्न-भुक् । एष प्रयोगः पुष्ट्य्-आयुर्-बल-वर्ण-करः परम्
palaṃ kṣīra-yutaṃ māsaṃ kṣīra-vṛttir an-anna-bhuk | eṣa prayogaḥ puṣṭy-āyur-bala-varṇa-karaḥ param
Sanskrit only: no published translation is held for this verse.
मण्डूकपर्ण्याः कल्पो ऽयं यष्ट्या विश्वौषधस्य च । पाद-शेषं जल-द्रोणे पचेन् नागबला-तुलाम्
maṇḍūkaparṇyāḥ kalpo 'yaṃ yaṣṭyā viśvauṣadhasya ca | pāda-śeṣaṃ jala-droṇe pacen nāgabalā-tulām
Sanskrit only: no published translation is held for this verse.
तेन क्वाथेन तुल्यांशं घृतं क्षीरं च साधयेत् । पलार्धिकैश् चातिबला-बला-यष्टी-पुनर्नवैः
tena kvāthena tulyāṃśaṃ ghṛtaṃ kṣīraṃ ca sādhayet | palārdhikaiś cātibalā-balā-yaṣṭī-punarnavaiḥ
Sanskrit only: no published translation is held for this verse.
प्रपौण्डरीक-काश्मर्य-प्रियाल-कपिकच्छुभिः । अश्वगन्धा-सिताभीरु-मेदा-युग्म-त्रिकण्टकैः
prapauṇḍarīka-kāśmarya-priyāla-kapikacchubhiḥ | aśvagandhā-sitābhīru-medā-yugma-trikaṇṭakaiḥ
Sanskrit only: no published translation is held for this verse.