Varāhamihira: Bṛhatsaṃhitā 35

सूर्यस्य विविधवर्णाः पवनेन विघट्टिताः कराः स^अभ्रे। वियति धनुः^संस्थाना ये दृश्यन्ते तद् इन्द्रधनुः॥

sūryasya vividhavarṇāḥ pavanena vighaṭṭitāḥ karāḥ sa^abhre/ viyati dhanuḥ^saṃsthānā ye dṛśyante tad indradhanuḥ//

Sanskrit only: no published translation is held for this verse.

के चिद् अनन्तकुल^उरग^निःश्वास^उद्भूतम् आहुर् आचार्याः। तद् यायिनां नृपाणाम् अभिमुखम् अजय^आवहं भवति॥

ke cid anantakula^uraga^niḥśvāsa^udbhūtam āhur ācāryāḥ/ tad yāyināṃ nṛpāṇām abhimukham ajaya^āvahaṃ bhavati//

Sanskrit only: no published translation is held for this verse.

अच्छिन्नम् अवनि^गाढं द्युतिमत् स्निग्धं घनं विविधवर्णम्। द्विर् उदितम् अनुलोमं च प्रशस्तम् अम्भः प्रयच्छति च॥

acchinnam avani^gāḍhaṃ dyutimat snigdhaṃ ghanaṃ vividhavarṇam/ dvir uditam anulomaṃ ca praśastam ambhaḥ prayacchati ca//

Sanskrit only: no published translation is held for this verse.

विदिग्^उद्भूतं दिक्^स्वामि^नाशनं व्यभ्रजं मरक^कारि। पाटल^पीतक^नीलैः शस्त्र^अग्नि^क्षुत्^कृता दोषाः॥

vidig^udbhūtaṃ dik^svāmi^nāśanaṃ vyabhrajaṃ maraka^kāri/ pāṭala^pītaka^nīlaiḥ śastra^agni^kṣut^kṛtā doṣāḥ//

Sanskrit only: no published translation is held for this verse.

जलमध्ये +अनावृष्टिर् भुवि सस्य^वधस् तरौ स्थिते व्याधिः। *वाल्मीके[क्वल्मीके] शस्त्र^भयं निशि सचिव^वधाय धनुर् ऐन्द्रम्॥

jalamadhye +anāvṛṣṭir bhuvi sasya^vadhas tarau sthite vyādhiḥ/ *vālmīke[K.valmīke] śastra^bhayaṃ niśi saciva^vadhāya dhanur aindram//

Sanskrit only: no published translation is held for this verse.

वृष्टिं करोत्य् अवृष्ट्यां वृष्टिं वृष्ट्यां निवारयत्य् ऐन्द्र्याम्। पश्चात् सदैव वृष्टिं कुलिशभृतश् चापम् आचष्टे॥

vṛṣṭiṃ karoty avṛṣṭyāṃ vṛṣṭiṃ vṛṣṭyāṃ nivārayaty aindryām/ paścāt sadaiva vṛṣṭiṃ kuliśabhṛtaś cāpam ācaṣṭe//

Sanskrit only: no published translation is held for this verse.

निशि सुरचापं सित^वर्णाद्यं जनयति पीडां द्विज^पूर्वाणाम्। भवति च यस्यां दिशि तद् देश्यं नरपति^मुख्यं नचिराद् धन्यात्॥

niśi suracāpaṃ sita^varṇādyaṃ janayati pīḍāṃ dvija^pūrvāṇām/ bhavati ca yasyāṃ diśi tad deśyaṃ narapati^mukhyaṃ nacirād dhanyāt//

Sanskrit only: no published translation is held for this verse.