BU 1.5.12
अथैतस्य मनसो द्यौः शरीरम् । ज्योतीरूपम् असाव् आदित्यः । तद् यावद् एव मनस् तावती द्यौस् तावान् असाव् आदित्यः । तौ मिथुनं समैताम् । ततः प्राणो ऽजायत । स इन्द्रः । स एषो ऽसपत्नः । द्वितीयो वै सपत्नः । नास्य सपत्नो भवति य एवं वेद
athaitasya manaso dyauḥ śarīram | jyotīrūpam asāv ādityaḥ | tad yāvad eva manas tāvatī dyaus tāvān asāv ādityaḥ | tau mithunaṃ samaitām | tataḥ prāṇo 'jāyata | sa indraḥ | sa eṣo 'sapatnaḥ | dvitīyo vai sapatnaḥ | nāsya sapatno bhavati ya evaṃ veda
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.