यद् एव ते कश्चिद् अब्रवीत् तच् छृणवामेति । अब्रवीन् मे गर्दभीविपीतो भारद्वाजः । श्रोत्रं वै ब्रह्मेति । यथा मातृमान् पितृमान् आचार्यवान् ब्रूयात् तथा तद् भारद्वाजो ऽब्रवीच् छ्रोत्रं वै ब्रह्मेति । अशृण्वतो हि किं स्याद् इति । अब्रवीत् तु ते तस्यायतनं प्रतिष्ठाम् । न मे ऽब्रवीद् इति । एकपाद् वा एतत् सम्राड् इति । स वै नो ब्रूहि याज्ञवल्क्य । श्रोत्रम् एवायतनम् आकाशः प्रतिष्ठानन्तम् इत्य् एनद् उपासीत । कानन्तता याज्ञवल्क्य । दिश एव सम्राड् इति होवाच । तस्माद् वै सम्राड् अपि यां काञ्च दिशं गच्छति नैवास्या अन्तं गच्छति । अनन्ता हि दिशः । दिशो वै सम्राट् श्रोत्रम् । श्रोत्रं वै सम्राट् परमं ब्रह्म । नैनं श्रोत्रं जहाति । सर्वाण्य् एनं भूतान्य् अभिक्षरन्ति । देवो भूत्वा देवान् अप्येति । य एवं विद्वान् एतद् उपास्ते । हस्त्यृषभं सहस्रं ददामीति होवाच जनको वैदेहः । स होवाच याज्ञवल्क्यः -- पिता मे ऽमन्यत नाननुशिष्य हरेतेति
yad eva te kaścid abravīt tac chṛṇavāmeti | abravīn me gardabhīvipīto bhāradvājaḥ | śrotraṃ vai brahmeti | yathā mātṛmān pitṛmān ācāryavān brūyāt tathā tad bhāradvājo 'bravīc chrotraṃ vai brahmeti | aśṛṇvato hi kiṃ syād iti | abravīt tu te tasyāyatanaṃ pratiṣṭhām | na me 'bravīd iti | ekapād vā etat samrāḍ iti | sa vai no brūhi yājñavalkya | śrotram evāyatanam ākāśaḥ pratiṣṭhānantam ity enad upāsīta | kānantatā yājñavalkya | diśa eva samrāḍ iti hovāca | tasmād vai samrāḍ api yāṃ kāñca diśaṃ gacchati naivāsyā antaṃ gacchati | anantā hi diśaḥ | diśo vai samrāṭ śrotram | śrotraṃ vai samrāṭ paramaṃ brahma | nainaṃ śrotraṃ jahāti | sarvāṇy enaṃ bhūtāny abhikṣaranti | devo bhūtvā devān apyeti | ya evaṃ vidvān etad upāste | hastyṛṣabhaṃ sahasraṃ dadāmīti hovāca janako vaidehaḥ | sa hovāca yājñavalkyaḥ -- pitā me 'manyata nānanuśiṣya hareteti
Devanagari rendered by HREEM from the edition's roman (IAST) text; the IAST is the edition's own.
Ya^avalkya said: ‘Let us hear what anybody may have told you.’ Ganaka Vaideha replied: ‘ Gardabhivibhita Bha- radva^a told me that hearing (^rotra) is Brahman.’ Y a^Vzavalkya said: ‘As one who had (the benefit of a good) father, mother, and teacher might tell, so did Gardabhivibhita Bh&radva^a tell you that hearing is Brahman; for what is the use of a person who cannot hear? But did he tell you the body and the resting-place of that Brahman?’ Ganaka Vaideha said: ‘ He did not tell me.’ Y&£%avalkya said: ‘ Your Majesty, this (Brahman) stands on one leg only.’ Ganaka Vaideha said: ‘Then tell me, Yapa- valkya.’ Yaf^avalkya said; ‘The ear is its body, ether its place, and we should worship it as what is endless.’ Ganaka Vaideha said: ‘What is the nature of that which is endless?’ Y a£%avalkya replied: ‘Your Majesty, space (disa^) itself (is that which is endless), and therefore to whatever space (quarter) he goes, he never comes to the end of it. For space is endless. Space indeed, O King, is hearing x, and hearing indeed, O King, is the Highest Brahman. Hearing does not desert him who worships that (Brahman) with such knowledge, all creatures approach him, and having become a god, he goes to the gods.’ Ganaka Vaideha said: ‘I shall give you (for this) a thousand cows with a bull as big as an elephant.’ Ya^avalkya said: ‘My father was of opinion that one should not accept a reward without having fully instructed a pupil.’
Translated by F. Max MüllerFrom an unproofread scan of the printed edition; spelling and line breaks may carry OCR errors.