कृते ऽथ पातञ्जलिना गुरुणा तीर्थदर्शिना । सर्वेसं न्यायबीजानां महाभाष्ये निबन्धने
kṛte 'tha pātañjalinā guruṇā tīrthadarśinā / sarvesaṃ nyāyabījānāṃ mahābhāṣye nibandhane
Sanskrit only: no published translation is held for this verse.
Library·Bhartrhari: Vakyapadiya·2
Bhartrhari: Vakyapadiya 2
अलब्धगाधे गाम्भीर्याद् उत्तान इव सौष्ठवात् । तस्मिन्न् अकृतबुद्धीनाम् नैवावास्थित निश्चयः
alabdhagādhe gāmbhīryād uttāna iva sauṣṭhavāt / tasminn akṛtabuddhīnām naivāvāsthita niścayaḥ
Sanskrit only: no published translation is held for this verse.
वैजिसौभवहर्यक्षैः शुष्कतर्कानुसारिभिः । आर्षे विप्लाविते ग्रन्थे संग्रहप्रतिकञ्चुके
vaijisaubhavaharyakṣaiḥ śuṣkatarkānusāribhiḥ / ārṣe viplāvite granthe saṃgrahapratikañcuke
Sanskrit only: no published translation is held for this verse.
यः पातञ्जलिशिष्येभ्यो भ्रष्टो व्याकरणागमः । कालेन दाक्षिणात्येषु ग्रन्थमात्रो व्यवस्थितः
yaḥ pātañjaliśiṣyebhyo bhraṣṭo vyākaraṇāgamaḥ / kālena dākṣiṇātyeṣu granthamātro vyavasthitaḥ
Sanskrit only: no published translation is held for this verse.
पर्वताद् आगमं लब्ध्वा भाष्यबीजानुसारिभिः । स नीतो बहुशाखत्वं चान्द्राचार्यादिभिः पुनः
parvatād āgamaṃ labdhvā bhāṣyabījānusāribhiḥ / sa nīto bahuśākhatvaṃ cāndrācāryādibhiḥ punaḥ
Sanskrit only: no published translation is held for this verse.
न्यायप्रस्थानमार्गांस् तान् अभ्यस्य स्वम् च दर्शनम् । प्रणीतो गुरुणास्माकम् अयम् आगमसंग्रहः
nyāyaprasthānamārgāṃs tān abhyasya svam ca darśanam / praṇīto guruṇāsmākam ayam āgamasaṃgrahaḥ
Sanskrit only: no published translation is held for this verse.
वर्त्मनाम् अत्र केषाम् चिद् वस्तुमात्रम् उदाहृतम् । काण्डे तृतीये न्यक्षेन भविष्यति विचारणा
vartmanām atra keṣām cid vastumātram udāhṛtam / kāṇḍe tṛtīye nyakṣena bhaviṣyati vicāraṇā
Sanskrit only: no published translation is held for this verse.
प्रज्ञा विवेकं लभते भिन्नैर् आगमदर्शनैः । कियद् वा शक्यम् उन्नेतुं स्वतर्कम् अनुधावता
prajñā vivekaṃ labhate bhinnair āgamadarśanaiḥ / kiyad vā śakyam unnetuṃ svatarkam anudhāvatā
Sanskrit only: no published translation is held for this verse.
तत् तद् उत्प्रेक्षमाणानां पुराणैर् आगमैर् विना । अनुपासितवृद्धानां विद्या नातिप्रसीदति
tat tad utprekṣamāṇānāṃ purāṇair āgamair vinā / anupāsitavṛddhānāṃ vidyā nātiprasīdati
Sanskrit only: no published translation is held for this verse.