Baudhāyana Gṛhya-sūtra 4.5

अथ पाकयज्ञानां प्रायश्चित्तिः

atha pākayajñānāṃ prāyaścittiḥ

Sanskrit only: no published translation is held for this verse.

तद् यथा द्रव्यहविर्मन्त्रकर्मादीनाम् अतिपन्नस्कन्नभिन्नभग्ननष्टदुष्टविपरीतदग्धाशृत्यनिकृतानाम् अनाम्नातेषु जुहुयात् मनो ज्योतिः अयाश् चाग्ने यद् अस्मिन् कर्मणि स्वस्ति न इन्द्रो वृद्धश्रवाः इति व्याहृतिभिश् च

tad yathā dravyahavirmantrakarmādīnām atipannaskannabhinnabhagnanaṣṭaduṣṭaviparītadagdhāśṛtyanikṛtānām anāmnāteṣu juhuyāt mano jyotiḥ ayāś cāgne yad asmin karmaṇi svasti na indro vṛddhaśravāḥ iti vyāhṛtibhiś ca

Sanskrit only: no published translation is held for this verse.

BaudhGS 4.5.3

व्याहृतीनां प्रयोगे यथाकृतं यथावद् भवतीत्य् आचार्या ब्रुवते

vyāhṛtīnāṃ prayoge yathākṛtaṃ yathāvad bhavatīty ācāryā bruvate

Sanskrit only: no published translation is held for this verse.

BaudhGS 4.5.4

तत्रोदाहरन्ति भूर् इत्य् ऋचो भुव इति यजूंषि सुवर् इति सामानि

tatrodāharanti bhūr ity ṛco bhuva iti yajūṃṣi suvar iti sāmāni

Sanskrit only: no published translation is held for this verse.

BaudhGS 4.5.5

प्रवृत्ते कर्मणि प्रधानादौ जुहुयाद् इति बोधायनः

pravṛtte karmaṇi pradhānādau juhuyād iti bodhāyanaḥ