Library·Bhāgavata Purāṇa·11·11.26
श्री-भगवान् उवाच मल्-लक्षणम् इमं कायं लब्ध्वा मद्-धर्म आस्थितः आनन्दं परमात्मानम् आत्म-स्थं समुपैति माम्
śrī-bhagavān uvāca mal-lakṣaṇam imaṃ kāyaṃ labdhvā mad-dharma āsthitaḥ ānandaṃ paramātmānam ātma-sthaṃ samupaiti mām
Sanskrit only: no published translation is held for this verse.
गुण-मय्या जीव-योन्या विमुक्तो ज्ञान-निष्ठया गुणेषु माया-मात्रेषु दृश्यमानेष्व् अवस्तुतः वर्तमानो ऽपि न पुमान् युज्यते ऽवस्तुभिर् गुणैः
guṇa-mayyā jīva-yonyā vimukto jñāna-niṣṭhayā guṇeṣu māyā-mātreṣu dṛśyamāneṣv avastutaḥ vartamāno 'pi na pumān yujyate 'vastubhir guṇaiḥ
Sanskrit only: no published translation is held for this verse.
सङ्गं न कुर्याद् असतां शिश्नोदर-तृपां क्वचित् तस्यानुगस् तमस्य् अन्धे पतत्य् अन्धानुगान्ध-वत्
saṅgaṃ na kuryād asatāṃ śiśnodara-tṛpāṃ kvacit tasyānugas tamasy andhe pataty andhānugāndha-vat
Sanskrit only: no published translation is held for this verse.
ऐलः सम्राड् इमां गाथाम् अगायत बृहच्-छ्रवाः उर्वशी-विरहान् मुह्यन् निर्विण्णः शोक-संयमे
ailaḥ samrāḍ imāṃ gāthām agāyata bṛhac-chravāḥ urvaśī-virahān muhyan nirviṇṇaḥ śoka-saṃyame
Sanskrit only: no published translation is held for this verse.
त्यक्त्वात्मानं व्रयन्तीं तां नग्न उन्मत्त-वन् नृपः विलपन्न् अन्वगाज् जाये घोरे तिष्ठेति विक्लवः
tyaktvātmānaṃ vrayantīṃ tāṃ nagna unmatta-van nṛpaḥ vilapann anvagāj jāye ghore tiṣṭheti viklavaḥ
Sanskrit only: no published translation is held for this verse.
कामान् अतृप्तो ऽनुजुषन् क्षुल्लकान् वर्ष-यामिनीः न वेद यान्तीर् नायान्तीर् उर्वश्य्-आकृष्ट-चेतनः
kāmān atṛpto 'nujuṣan kṣullakān varṣa-yāminīḥ na veda yāntīr nāyāntīr urvaśy-ākṛṣṭa-cetanaḥ
Sanskrit only: no published translation is held for this verse.
ऐल उवाच अहो मे मोह-विस्तारः काम-कश्मल-चेतसः देव्या गृहीत-कण्ठस्य नायुः-खण्डा इमे स्मृताः
aila uvāca aho me moha-vistāraḥ kāma-kaśmala-cetasaḥ devyā gṛhīta-kaṇṭhasya nāyuḥ-khaṇḍā ime smṛtāḥ
Sanskrit only: no published translation is held for this verse.
नाहं वेदाभिनिर्मुक्तः सूर्यो वाभ्युदितो ऽमुया मूषितो वर्ष-पूगानां बताहानि गतान्य् उत
nāhaṃ vedābhinirmuktaḥ sūryo vābhyudito 'muyā mūṣito varṣa-pūgānāṃ batāhāni gatāny uta
Sanskrit only: no published translation is held for this verse.
अहो मे आत्म-सम्मोहो येनात्मा योषितां कृतः क्रीडा-मृगश् चक्रवर्ती नरदेव-शिखामणिः
aho me ātma-sammoho yenātmā yoṣitāṃ kṛtaḥ krīḍā-mṛgaś cakravartī naradeva-śikhāmaṇiḥ
Sanskrit only: no published translation is held for this verse.
स-परिच्छदम् आत्मानं हित्वा तृणम् इवेश्वरम् यान्तीं स्त्रियं चान्वगमं नग्न उन्मत्त-वद् रुदन्
sa-paricchadam ātmānaṃ hitvā tṛṇam iveśvaram yāntīṃ striyaṃ cānvagamaṃ nagna unmatta-vad rudan
Sanskrit only: no published translation is held for this verse.
कुतस् तस्यानुभावः स्यात् तेज ईशत्वम् एव वा यो ऽन्वगच्छं स्त्रियं यान्तीं खर-वत् पाद-ताडितः
kutas tasyānubhāvaḥ syāt teja īśatvam eva vā yo 'nvagacchaṃ striyaṃ yāntīṃ khara-vat pāda-tāḍitaḥ
Sanskrit only: no published translation is held for this verse.
किं विद्यया किं तपसा किं त्यागेन श्रुतेन वा किं विविक्तेन मौनेन स्त्रीभिर् यस्य मनो हृतम्
kiṃ vidyayā kiṃ tapasā kiṃ tyāgena śrutena vā kiṃ viviktena maunena strībhir yasya mano hṛtam
Sanskrit only: no published translation is held for this verse.
स्वार्थस्याकोविदं धिङ् मां मूर्खं पण्डित-मानिनम् यो ऽहम् ईश्वरतां प्राप्य स्त्रीभिर् गो-खर-वज् जितः
svārthasyākovidaṃ dhiṅ māṃ mūrkhaṃ paṇḍita-māninam yo 'ham īśvaratāṃ prāpya strībhir go-khara-vaj jitaḥ
Sanskrit only: no published translation is held for this verse.
सेवतो वर्ष-पूगान् मे उर्वश्या अधरासवम् न तृप्यत्य् आत्म-भूः कामो वह्निर् आहुतिभिर् यथा
sevato varṣa-pūgān me urvaśyā adharāsavam na tṛpyaty ātma-bhūḥ kāmo vahnir āhutibhir yathā
Sanskrit only: no published translation is held for this verse.
पुंश्चल्यापहृतं चित्तं को न्व् अन्यो मोचितुं प्रभुः आत्मारामेश्वरम् ऋते भगवन्तम् अधोक्षजम्
puṃścalyāpahṛtaṃ cittaṃ ko nv anyo mocituṃ prabhuḥ ātmārāmeśvaram ṛte bhagavantam adhokṣajam
Sanskrit only: no published translation is held for this verse.
बोधितस्यापि देव्या मे सूक्त-वाक्येन दुर्मतेः मनो-गतो महा-मोहो नापयात्य् अजितात्मनः
bodhitasyāpi devyā me sūkta-vākyena durmateḥ mano-gato mahā-moho nāpayāty ajitātmanaḥ
Sanskrit only: no published translation is held for this verse.
किम् एतया नो ऽपकृतं रज्ज्वा वा सर्प-चेतसः द्रष्टुः स्वरूपाविदुषो यो ऽहं यद् अजितेन्द्रियः
kim etayā no 'pakṛtaṃ rajjvā vā sarpa-cetasaḥ draṣṭuḥ svarūpāviduṣo yo 'haṃ yad ajitendriyaḥ
Sanskrit only: no published translation is held for this verse.
क्वायं मलीमसः कायो दौर्गन्ध्याद्य्-आत्मको ऽशुचिः क्व गुणाः सौमनस्याद्या ह्य् अध्यासो ऽविद्यया कृतः
kvāyaṃ malīmasaḥ kāyo daurgandhyādy-ātmako 'śuciḥ kva guṇāḥ saumanasyādyā hy adhyāso 'vidyayā kṛtaḥ
Sanskrit only: no published translation is held for this verse.
पित्रोः किं स्वं नु भार्यायाः स्वामिनो ऽग्नेः श्व-गृध्रयोः किम् आत्मनः किं सुहृदाम् इति यो नावसीयते
pitroḥ kiṃ svaṃ nu bhāryāyāḥ svāmino 'gneḥ śva-gṛdhrayoḥ kim ātmanaḥ kiṃ suhṛdām iti yo nāvasīyate
Sanskrit only: no published translation is held for this verse.
तस्मिन् कलेवरे ऽमेध्ये तुच्छ-निष्ठे विषज्जते अहो सु-भद्रं सु-नसं सु-स्मितं च मुखं स्त्रियः
tasmin kalevare 'medhye tuccha-niṣṭhe viṣajjate aho su-bhadraṃ su-nasaṃ su-smitaṃ ca mukhaṃ striyaḥ
Sanskrit only: no published translation is held for this verse.
त्वङ्-मांस-रुधिर-स्नायु- मेदो-मज्जास्थि-संहतौ विण्-मूत्र-पूये रमतां कृमीणां कियद् अन्तरम्
tvaṅ-māṃsa-rudhira-snāyu- medo-majjāsthi-saṃhatau viṇ-mūtra-pūye ramatāṃ kṛmīṇāṃ kiyad antaram
Sanskrit only: no published translation is held for this verse.
अथापि नोपसज्जेत स्त्रीषु स्त्रैणेषु चार्थ-वित् विषयेन्द्रिय-संयोगान् मनः क्षुभ्यति नान्यथा
athāpi nopasajjeta strīṣu straiṇeṣu cārtha-vit viṣayendriya-saṃyogān manaḥ kṣubhyati nānyathā
Sanskrit only: no published translation is held for this verse.
अदृष्टाद् अश्रुताद् भावान् न भाव उपजायते असम्प्रयुञ्जतः प्राणान् शाम्यति स्तिमितं मनः
adṛṣṭād aśrutād bhāvān na bhāva upajāyate asamprayuñjataḥ prāṇān śāmyati stimitaṃ manaḥ
Sanskrit only: no published translation is held for this verse.
तस्मात् सङ्गो न कर्तव्यः स्त्रीषु स्त्रैणेषु चेन्द्रियैः विदुषां चाप्य् अविस्रब्धः षड्-वर्गः किम् उ मादृशाम्
tasmāt saṅgo na kartavyaḥ strīṣu straiṇeṣu cendriyaiḥ viduṣāṃ cāpy avisrabdhaḥ ṣaḍ-vargaḥ kim u mādṛśām
Sanskrit only: no published translation is held for this verse.
श्री-भगवान् उवाच एवं प्रगायन् नृप-देव-देवः स उर्वशी-लोकम् अथो विहाय आत्मानम् आत्मन्य् अवगम्य मां वै उपारमज् ज्ञाअन-विधूत-मोहः
śrī-bhagavān uvāca evaṃ pragāyan nṛpa-deva-devaḥ sa urvaśī-lokam atho vihāya ātmānam ātmany avagamya māṃ vai upāramaj jñāana-vidhūta-mohaḥ
Sanskrit only: no published translation is held for this verse.
ततो दुःसङ्गम् उत्सृज्य सत्सु सज्जेत बुद्धिमान् सन्त एवास्य छिन्दन्ति मनो-व्यासङ्गम् उक्तिभिः
tato duḥsaṅgam utsṛjya satsu sajjeta buddhimān santa evāsya chindanti mano-vyāsaṅgam uktibhiḥ
Sanskrit only: no published translation is held for this verse.
सन्तो ऽनपेक्षा मच्-चित्ताः प्रशान्ताः सम-दर्शिनः निर्ममा निरहङ्कारा निर्द्वन्द्वा निष्परिग्रहाः
santo 'napekṣā mac-cittāḥ praśāntāḥ sama-darśinaḥ nirmamā nirahaṅkārā nirdvandvā niṣparigrahāḥ
Sanskrit only: no published translation is held for this verse.
तेषु नित्यं महा-भाग महा-भागेषु मत्-कथाः सम्भवन्ति हि ता नॄणां जुषतां प्रपुनन्त्य् अघम्
teṣu nityaṃ mahā-bhāga mahā-bhāgeṣu mat-kathāḥ sambhavanti hi tā nṝṇāṃ juṣatāṃ prapunanty agham
Sanskrit only: no published translation is held for this verse.
ता ये शृण्वन्ति गायन्ति ह्य् अनुमोदन्ति चादृताः मत्-पराः श्रद्दधानाश् च भक्तिं विन्दन्ति ते मयि
tā ye śṛṇvanti gāyanti hy anumodanti cādṛtāḥ mat-parāḥ śraddadhānāś ca bhaktiṃ vindanti te mayi
Sanskrit only: no published translation is held for this verse.
भक्तिं लब्धवतः साधोः किम् अन्यद् अवशिष्यते मय्य् अनन्त-गुणे ब्रह्मण्य् आनन्दानुभवात्मनि
bhaktiṃ labdhavataḥ sādhoḥ kim anyad avaśiṣyate mayy ananta-guṇe brahmaṇy ānandānubhavātmani
Sanskrit only: no published translation is held for this verse.
यथोपश्रयमाणस्य भगवन्तं विभावसुम् शीतं भयं तमो ऽप्येति साधून् संसेवतस् तथा
yathopaśrayamāṇasya bhagavantaṃ vibhāvasum śītaṃ bhayaṃ tamo 'pyeti sādhūn saṃsevatas tathā
Sanskrit only: no published translation is held for this verse.
निमज्ज्योन्मज्जतां घोरे भवाब्धौ परमायणम् सन्तो ब्रह्म-विदः शान्ता नौर् दृढेवाप्सु मज्जताम्
nimajjyonmajjatāṃ ghore bhavābdhau paramāyaṇam santo brahma-vidaḥ śāntā naur dṛḍhevāpsu majjatām
Sanskrit only: no published translation is held for this verse.
अन्नं हि प्राणिनां प्राण आर्तानां शरणं त्व् अहम् धर्मो वित्तं नृणां प्रेत्य सन्तो ऽर्वाग् बिभ्यतो ऽरणम्
annaṃ hi prāṇināṃ prāṇa ārtānāṃ śaraṇaṃ tv aham dharmo vittaṃ nṛṇāṃ pretya santo 'rvāg bibhyato 'raṇam
Sanskrit only: no published translation is held for this verse.
सन्तो दिशन्ति चक्षूंसि बहिर् अर्कः समुत्थितः देवता बान्धवाः सन्तः सन्त आत्माहम् एव च
santo diśanti cakṣūṃsi bahir arkaḥ samutthitaḥ devatā bāndhavāḥ santaḥ santa ātmāham eva ca
Sanskrit only: no published translation is held for this verse.
वैतसेनस् ततो ऽप्य् एवम् उर्वश्या लोक-निष्पृहः मुक्त-सङ्गो महीम् एताम् आत्मारामश् चचार ह
vaitasenas tato 'py evam urvaśyā loka-niṣpṛhaḥ mukta-saṅgo mahīm etām ātmārāmaś cacāra ha
Sanskrit only: no published translation is held for this verse.