Bhrgu-Samhita 27

देवतावाहनं कृत्वा तथैवोत्सव माचरेत् । देवादीनां बलं यस्माद्वर्धते स बलिस्स्मृतः

devatāvāhanaṃ kṛtvā tathaivotsava mācaret / devādīnāṃ balaṃ yasmādvardhate sa balissmṛtaḥ

Sanskrit only: no published translation is held for this verse.

श्वसूकरादिभिर्दुष्टैर्नभक्ष्यो बलिरुच्यते । बलिभुग्वायसः प्रोक्तो गोमुख्या मेध्यजन्तवः

śvasūkarādibhirduṣṭairnabhakṣyo balirucyate / balibhugvāyasaḥ prokto gomukhyā medhyajantavaḥ

Sanskrit only: no published translation is held for this verse.

विपरीते महान् दोषस्तन्मन्त्रैर्हावयेच्छतम् । बलिशेषं न शूद्रो ऽद्यादर्चको बलिशेषभाक्

viparīte mahān doṣastanmantrairhāvayecchatam / baliśeṣaṃ na śūdro 'dyādarcako baliśeṣabhāk

Sanskrit only: no published translation is held for this verse.

बलावमन्त्रकं क्षिप्ते संक्षिप्ते विधिवर्जिते । भक्षिते चानुलोमाद्यैःपूर्वोक्तां निष्कृतिं चरेत्

balāvamantrakaṃ kṣipte saṃkṣipte vidhivarjite / bhakṣite cānulomādyaiḥpūrvoktāṃ niṣkṛtiṃ caret

Sanskrit only: no published translation is held for this verse.

बलौ पर्युषिते ऽत्युष्णे तथा चैवानिवेदिते । निवेदनात्प्रागर्वाग्वादृष्टे शूद्रादिभिर्बलौ

balau paryuṣite 'tyuṣṇe tathā caivānivedite / nivedanātprāgarvāgvādṛṣṭe śūdrādibhirbalau

Sanskrit only: no published translation is held for this verse.

पूर्वोक्तां निष्कृतिं कृत्वा सर्वत्र द्विगुणं बलिः । देवतावाहनं यत्र देशेप्राक् क्रियते ततः

pūrvoktāṃ niṣkṛtiṃ kṛtvā sarvatra dviguṇaṃ baliḥ / devatāvāhanaṃ yatra deśeprāk kriyate tataḥ

Sanskrit only: no published translation is held for this verse.

तत्रैव बलिदानं स्याद्यावदुद्वासनं भवेत् । मण्डलं च जलं कूर्चमाह्वानाधार उच्यते

tatraiva balidānaṃ syādyāvadudvāsanaṃ bhavet / maṇḍalaṃ ca jalaṃ kūrcamāhvānādhāra ucyate

Sanskrit only: no published translation is held for this verse.

रथ्यासु बलिदानाय पीठं शैलादिभिर्भवेत् । बलिदानं तु गुप्तं स्यान्न तत्बश्यन्त्यवैदिकाः

rathyāsu balidānāya pīṭhaṃ śailādibhirbhavet / balidānaṃ tu guptaṃ syānna tatbaśyantyavaidikāḥ

Sanskrit only: no published translation is held for this verse.

तत्थ्सावं तु तिरस्कुर्यात्काले यवनिकादिभिः । बलिप्रदानहीने तु वैष्णवं बलिरक्षकम्

tatthsāvaṃ tu tiraskuryātkāle yavanikādibhiḥ / balipradānahīne tu vaiṣṇavaṃ balirakṣakam

Sanskrit only: no published translation is held for this verse.

हुत्वा तु निष्कृतिं कुर्याद्बलिदानं पुनस्तदा । बलिद्रव्ये ऽथ वा पात्रे पतिते भूतले तथा

hutvā tu niṣkṛtiṃ kuryādbalidānaṃ punastadā / balidravye 'tha vā pātre patite bhūtale tathā

Sanskrit only: no published translation is held for this verse.

भिन्ने नष्टे च पूर्वोक्तं हुत्वान्यं बलिमाहरेत् । बलिदानं तु कृत्वैव भुतपीठे क्षिपेत्ततः

bhinne naṣṭe ca pūrvoktaṃ hutvānyaṃ balimāharet / balidānaṃ tu kṛtvaiva bhutapīṭhe kṣipettataḥ

Sanskrit only: no published translation is held for this verse.

बलिशेषमनुक्ते तु स्थाने बुद्ध्या तु निर्वपेत् । वैष्णवं चाक्षहमनुं वैष्वक्चेनं च गारुडम्

baliśeṣamanukte tu sthāne buddhyā tu nirvapet / vaiṣṇavaṃ cākṣahamanuṃ vaiṣvakcenaṃ ca gāruḍam

Sanskrit only: no published translation is held for this verse.

सौदर्शनं च हुत्वैव भूतपीठे बलि क्षिपेत् । हविर्निवेदने हीनेहीने च द्विगुणार्चने

saudarśanaṃ ca hutvaiva bhūtapīṭhe bali kṣipet / havirnivedane hīnehīne ca dviguṇārcane

Sanskrit only: no published translation is held for this verse.

शान्तिं च वैष्णवं हुत्वा तथाभ्यर्च्य निवेदयेत् । यथोक्तहोमे हीने तु वैष्णवं विष्णुसूक्तकम्

śāntiṃ ca vaiṣṇavaṃ hutvā tathābhyarcya nivedayet / yathoktahome hīne tu vaiṣṇavaṃ viṣṇusūktakam

Sanskrit only: no published translation is held for this verse.

नृसूक्तं च त्रयस्त्रिंशत्कृत्वो हुत्वा हुनेत्पुनः । चक्रवीशामितानां च कुंभस्थानामथापिवा

nṛsūktaṃ ca trayastriṃśatkṛtvo hutvā hunetpunaḥ / cakravīśāmitānāṃ ca kuṃbhasthānāmathāpivā

Sanskrit only: no published translation is held for this verse.

देवानामर्चने हीने वैष्णवं विष्णुसूक्तकम् । नृसूक्तं सान्तमन्त्रौ च गारुडं चाक्रमेव च

devānāmarcane hīne vaiṣṇavaṃ viṣṇusūktakam / nṛsūktaṃ sāntamantrau ca gāruḍaṃ cākrameva ca

Sanskrit only: no published translation is held for this verse.

हुत्वा पुनस्समभ्यर्च्य विशेषेण निवेदयेत् । देवालङ्करणे हीने श्रीदैवत्यं च वैष्णवम्

hutvā punassamabhyarcya viśeṣeṇa nivedayet / devālaṅkaraṇe hīne śrīdaivatyaṃ ca vaiṣṇavam

Sanskrit only: no published translation is held for this verse.

हुद्वालङ्कारमासाद्य विधीना भूषयेद्गुरुः । अलङ्कारेषु द्रव्येषु निर्यासं चन्दनं सुमम्

hudvālaṅkāramāsādya vidhīnā bhūṣayedguruḥ / alaṅkāreṣu dravyeṣu niryāsaṃ candanaṃ sumam

Sanskrit only: no published translation is held for this verse.

तद्धित्वान्यत्समादाय द्रव्यं प्रक्षाल्यमन्त्रतः । पञ्चगव्यैस्समभ्युक्ष्य तेनालङ्कार उच्यते

taddhitvānyatsamādāya dravyaṃ prakṣālyamantrataḥ / pañcagavyaissamabhyukṣya tenālaṅkāra ucyate

Sanskrit only: no published translation is held for this verse.

नृत्ते गेये ऽथ वा हीने वैष्णवं रुद्रदैवतम् । स्तोत्रहीने तथा ब्राह्मं हुत्वा सारस्वतं ततः

nṛtte geye 'tha vā hīne vaiṣṇavaṃ rudradaivatam / stotrahīne tathā brāhmaṃ hutvā sārasvataṃ tataḥ

Sanskrit only: no published translation is held for this verse.

भक्तबृन्दैः परिवृतौ हीनायां वारुणं तथा । वैष्णवं शान्तदैवत्यं हीने पिच्छादिके तथा

bhaktabṛndaiḥ parivṛtau hīnāyāṃ vāruṇaṃ tathā / vaiṣṇavaṃ śāntadaivatyaṃ hīne picchādike tathā

Sanskrit only: no published translation is held for this verse.

वैष्णवं जुहुयात्तद्वद्धविरक्षमनुं ततः । यानात्काले यागशालां देवे न प्रतिगच्छति

vaiṣṇavaṃ juhuyāttadvaddhavirakṣamanuṃ tataḥ / yānātkāle yāgaśālāṃ deve na pratigacchati

Sanskrit only: no published translation is held for this verse.

भवेन्नित्यार्चनं तत्र यत्रदेवो ऽधिवासितः । ध्रुवार्चनं यथा पूर्वं न तत्रास्ति व्यतिक्रमः

bhavennityārcanaṃ tatra yatradevo 'dhivāsitaḥ / dhruvārcanaṃ yathā pūrvaṃ na tatrāsti vyatikramaḥ

Sanskrit only: no published translation is held for this verse.

देवं प्रत्यागतं दृष्ट्या पुनरन्योत्सवं चरेत् । दिनव्यपाये कुर्याच्च तत्कालनियतोत्सवम्

devaṃ pratyāgataṃ dṛṣṭyā punaranyotsavaṃ caret / dinavyapāye kuryācca tatkālaniyatotsavam

Sanskrit only: no published translation is held for this verse.

अतीतमुत्सवं चापि तन्त्रेणात्र समाचरेत् । तद्दिनेप्यप्रमादाच्चेद्भूयात्कालस्य यापनम्

atītamutsavaṃ cāpi tantreṇātra samācaret / taddinepyapramādāccedbhūyātkālasya yāpanam

Sanskrit only: no published translation is held for this verse.

न जह्या देवकुर्याच्च तत्कालोचितमुत्सवम् । अत्र प्रमादेतु भवेत्पूर्वोक्तैव हि निष्कृतिः

na jahyā devakuryācca tatkālocitamutsavam / atra pramādetu bhavetpūrvoktaiva hi niṣkṛtiḥ

Sanskrit only: no published translation is held for this verse.

दीक्षितो वस्त्रमाल्याद्यैः पञ्चागार्पितभूषणैः । चरेन्नित्यं विशुद्धात्मा विपरीते तु दोषकृत्

dīkṣito vastramālyādyaiḥ pañcāgārpitabhūṣaṇaiḥ / carennityaṃ viśuddhātmā viparīte tu doṣakṛt

Sanskrit only: no published translation is held for this verse.

दीक्षाङ्गस्य तु वस्त्रस्य तथा प्रतिसरस्य वा । नाशे तत्र महान् दोषस्तदान्यत्पुनराहरेत्

dīkṣāṅgasya tu vastrasya tathā pratisarasya vā / nāśe tatra mahān doṣastadānyatpunarāharet

Sanskrit only: no published translation is held for this verse.

सहस्रं विष्णुगायत्रीं हुत्वा शान्तिमथाचरेत् । यावद्दीक्षाभवेत्तावद्दीक्षाङ्गस्य परिग्रहः

sahasraṃ viṣṇugāyatrīṃ hutvā śāntimathācaret / yāvaddīkṣābhavettāvaddīkṣāṅgasya parigrahaḥ

Sanskrit only: no published translation is held for this verse.

अन्तेतु तद्गताशक्तिस्स्वयमेवावहीयते । अथ वा मोचनं कुर्यादिते के चिद्वदन्तिहि

antetu tadgatāśaktissvayamevāvahīyate / atha vā mocanaṃ kuryādite ke cidvadantihi

Sanskrit only: no published translation is held for this verse.

तत्र पूर्णाहुतिं कालं प्रवदन्ति विपश्चितः । प्रतिष्ठान्ते तु सा दीक्षा भवेदुत्सवसंगता

tatra pūrṇāhutiṃ kālaṃ pravadanti vipaścitaḥ / pratiṣṭhānte tu sā dīkṣā bhavedutsavasaṃgatā

Sanskrit only: no published translation is held for this verse.

न तत्र दीक्षासांकर्यं द्वयमेकत्र चेद्यदि । अन्योन्यं कलहायन्ते यद्याचार्यादयःक्रतौ

na tatra dīkṣāsāṃkaryaṃ dvayamekatra cedyadi / anyonyaṃ kalahāyante yadyācāryādayaḥkratau

Sanskrit only: no published translation is held for this verse.

महाननर्थस्तत्र स्यात्प्रतिभूर्गुरुरत्र हि । गुरुवाक्यं च राजाज्ञां सममाहुर्महर्षयः

mahānanarthastatra syātpratibhūrgururatra hi / guruvākyaṃ ca rājājñāṃ samamāhurmaharṣayaḥ

Sanskrit only: no published translation is held for this verse.

दीक्षिते वर्तमाने तु नान्यं तत्र प्रवेशयेत् । नह्येकस्मिन् भवेत्कार्य आचार्यद्वय संगतिः

dīkṣite vartamāne tu nānyaṃ tatra praveśayet / nahyekasmin bhavetkārya ācāryadvaya saṃgatiḥ

Sanskrit only: no published translation is held for this verse.

प्रमादाद्बुद्धिपूर्वं वा कलहे क्षतजस्रुतिः । क्षतानि वा भवेयुस्तं विसृज्यान्येन कारयेत्

pramādādbuddhipūrvaṃ vā kalahe kṣatajasrutiḥ / kṣatāni vā bhaveyustaṃ visṛjyānyena kārayet

Sanskrit only: no published translation is held for this verse.

न तस्य तु भवेद्दीक्षा महाशान्तिं तु कारयेत् । स दीक्षितो भवेदेव पूर्वस्य प्कणिधिस्स हि

na tasya tu bhaveddīkṣā mahāśāntiṃ tu kārayet / sa dīkṣito bhavedeva pūrvasya pkaṇidhissa hi

Sanskrit only: no published translation is held for this verse.

यावदाशौचसंक्रान्ति राशौचेत्वशुचिर्भवेत् । पुनरन्यं समादाय शेषं पूर्ववदायरेत्

yāvadāśaucasaṃkrānti rāśaucetvaśucirbhavet / punaranyaṃ samādāya śeṣaṃ pūrvavadāyaret

Sanskrit only: no published translation is held for this verse.

आदौ मध्ये तधान्ते च हीने ब्राह्मणभोजने । त्रिवाकं तु महाशान्तिं हुत्वा ब्राह्मणभोजनम्,

ādau madhye tadhānte ca hīne brāhmaṇabhojane / trivākaṃ tu mahāśāntiṃ hutvā brāhmaṇabhojanam,

Sanskrit only: no published translation is held for this verse.

द्विगुणं कारयेच्चैव वैष्णवानां तु पूजनम् । पुनाति पूजितस्सद्यः पाप्मभ्यो वैष्णपस्सकृत्

dviguṇaṃ kārayeccaiva vaiṣṇavānāṃ tu pūjanam / punāti pūjitassadyaḥ pāpmabhyo vaiṣṇapassakṛt

Sanskrit only: no published translation is held for this verse.

अवैष्णवैश्च पाषण्डैरूढे देवे द्वनर्थकृत् । तद्दोषशान्तये कुर्यात्सहस्रकलशाप्लवम्

avaiṣṇavaiśca pāṣaṇḍairūḍhe deve dvanarthakṛt / taddoṣaśāntaye kuryātsahasrakalaśāplavam

Sanskrit only: no published translation is held for this verse.

अवैष्णवकृतापूजा हन्ति पुण्यं पुरातनम् । यानात्तु पतिते देवे शीघ्रमुद्धृत्य सादरम्

avaiṣṇavakṛtāpūjā hanti puṇyaṃ purātanam / yānāttu patite deve śīghramuddhṛtya sādaram

Sanskrit only: no published translation is held for this verse.

"क्षमऽस्वेत्यनुमान्यैव शुद्धोदैरभिषिच्यच । वैष्णवं विष्णुसूक्तं च नृसूक्तं सहितं क्रमात्

"kṣama'svetyanumānyaiva śuddhodairabhiṣicyaca / vaiṣṇavaṃ viṣṇusūktaṃ ca nṛsūktaṃ sahitaṃ kramāt

Sanskrit only: no published translation is held for this verse.

दिनाधिपस्य दैवत्यं हुत्वा चोत्सवमाचरेत् । चक्रवीशाखमितादीनां बिंबाभावे पृथक् पृथक्

dinādhipasya daivatyaṃ hutvā cotsavamācaret / cakravīśākhamitādīnāṃ biṃbābhāve pṛthak pṛthak

Sanskrit only: no published translation is held for this verse.

तण्डुलोपरिपात्रेषु कूर्चेष्वावाह्य मन्त्रतः । तत्तद्रूपं तु संस्मृत्य समभ्यर्च्य विधानतः

taṇḍuloparipātreṣu kūrceṣvāvāhya mantrataḥ / tattadrūpaṃ tu saṃsmṛtya samabhyarcya vidhānataḥ

Sanskrit only: no published translation is held for this verse.

हुत्वा च तत्तद्दैवत्यं पश्चादुत्सवमाचरेत् । पतने तु तथैतेषामुद्धृत्यैव च पूर्ववत्

hutvā ca tattaddaivatyaṃ paścādutsavamācaret / patane tu tathaiteṣāmuddhṛtyaiva ca pūrvavat

Sanskrit only: no published translation is held for this verse.

स्नापयित्वा हुनेत्तत्तद्दैवत्यं वैष्णवं तथा । यानात्तु पतिते बिंबे हीनाङ्गे दोषगौरवे

snāpayitvā hunettattaddaivatyaṃ vaiṣṇavaṃ tathā / yānāttu patite biṃbe hīnāṅge doṣagaurave

Sanskrit only: no published translation is held for this verse.

पद्मानले महाशान्तिं हुत्वा तद्दोषशान्तये । ध्रुवबेरे समारोप्य तच्चक्तिं विधिना ततः

padmānale mahāśāntiṃ hutvā taddoṣaśāntaye / dhruvabere samāropya taccaktiṃ vidhinā tataḥ

Sanskrit only: no published translation is held for this verse.

कौतुकं स्नापनं वाथ बलिबेरमथापि वा । यथार्हं समलङ्कृत्य समावाह्य यथाविधि

kautukaṃ snāpanaṃ vātha baliberamathāpi vā / yathārhaṃ samalaṅkṛtya samāvāhya yathāvidhi

Sanskrit only: no published translation is held for this verse.

समभ्यर्च्योत्सवं कुर्यान्न तत्रस्याद्व्यतिक्रमः । बेरान्तरस्यालाभे तु रत्नं वा काञ्चनं तथा

samabhyarcyotsavaṃ kuryānna tatrasyādvyatikramaḥ / berāntarasyālābhe tu ratnaṃ vā kāñcanaṃ tathā

Sanskrit only: no published translation is held for this verse.

न्यस्य पात्रे समावाह्य समभ्यर्च्य दिने दिने । महाशान्तिं च हुत्वैव पुनरुत्सवमाचरेत्

nyasya pātre samāvāhya samabhyarcya dine dine / mahāśāntiṃ ca hutvaiva punarutsavamācaret

Sanskrit only: no published translation is held for this verse.

हीनाङ्गं च पुनर्बेरं संधानविधिना पुनः । संधाय चात्वरेणैव प्रतिष्ठां पुनराचरेत्

hīnāṅgaṃ ca punarberaṃ saṃdhānavidhinā punaḥ / saṃdhāya cātvareṇaiva pratiṣṭhāṃ punarācaret

Sanskrit only: no published translation is held for this verse.

पतने गायगादीनां श्रीदैवत्यं च वैष्णवम् । वादकानां तु पतनै ब्राह्मं रौद्रं तथैव च

patane gāyagādīnāṃ śrīdaivatyaṃ ca vaiṣṇavam / vādakānāṃ tu patanai brāhmaṃ raudraṃ tathaiva ca

Sanskrit only: no published translation is held for this verse.

आचार्यादीनां तु पतने संक्षोभे च तथाकृते । आर्षभं वैष्णवं तद्वद्ध्वजादीनां च पातने

ācāryādīnāṃ tu patane saṃkṣobhe ca tathākṛte / ārṣabhaṃ vaiṣṇavaṃ tadvaddhvajādīnāṃ ca pātane

Sanskrit only: no published translation is held for this verse.

ध्वाजं च वारुणं चैव वायव्यं च हुनेद्विधिः । वर्षधारासु वात्यायां विद्युद्व्रजसमाहतौ

dhvājaṃ ca vāruṇaṃ caiva vāyavyaṃ ca hunedvidhiḥ / varṣadhārāsu vātyāyāṃ vidyudvrajasamāhatau

Sanskrit only: no published translation is held for this verse.

काले न चोत्सवं कुर्यात्कुर्याच्चेद्वैष्णवं तथा । विष्णुसूक्तं नृसूक्तं च श्रीभूदैवत्यमेव च

kāle na cotsavaṃ kuryātkuryāccedvaiṣṇavaṃ tathā / viṣṇusūktaṃ nṛsūktaṃ ca śrībhūdaivatyameva ca

Sanskrit only: no published translation is held for this verse.

हुत्वोत्सवं प्रकुर्वीत विपरीते तु दोषकृत् । वीथ्यन्तरे वर्षधाराप्रवेशे ऽशनिगर्जिते

hutvotsavaṃ prakurvīta viparīte tu doṣakṛt / vīthyantare varṣadhārāpraveśe 'śanigarjite

Sanskrit only: no published translation is held for this verse.

तृणपांसु समायुक्तवातस्पर्शे विशेषतः । कलहध्वनिसंयुक्ते देवं संस्नाप्य मन्त्रवित्

tṛṇapāṃsu samāyuktavātasparśe viśeṣataḥ / kalahadhvanisaṃyukte devaṃ saṃsnāpya mantravit

Sanskrit only: no published translation is held for this verse.

वैष्णवं दिग्दैवत्यं च वारुणं वायुदैवतम् । यद्देवादींश्च हुत्वैव पुनरुत्सवमाचरेत्

vaiṣṇavaṃ digdaivatyaṃ ca vāruṇaṃ vāyudaivatam / yaddevādīṃśca hutvaiva punarutsavamācaret

Sanskrit only: no published translation is held for this verse.

कलहे रुधिरस्रावे दाहे चाप्युत्सवे ततः । वैष्णपं चाग्निदैवत्यं ब्राह्मं रौद्रं तथैव च

kalahe rudhirasrāve dāhe cāpyutsave tataḥ / vaiṣṇapaṃ cāgnidaivatyaṃ brāhmaṃ raudraṃ tathaiva ca

Sanskrit only: no published translation is held for this verse.

तद्दिनाधिपदैवत्यं जुहुयात्प्रार्थयेद्धरिम् । आलयाभ्यन्तरे चैव शस्त्राद्यैर्मरणे सति

taddinādhipadaivatyaṃ juhuyātprārthayeddharim / ālayābhyantare caiva śastrādyairmaraṇe sati

Sanskrit only: no published translation is held for this verse.

तच्छीघ्रमपहायैव पद्माग्नौ जुहुयात्तथा । महाशान्तिं तद्दिनाधिदैवत्यं च विशेषतः

tacchīghramapahāyaiva padmāgnau juhuyāttathā / mahāśāntiṃ taddinādhidaivatyaṃ ca viśeṣataḥ

Sanskrit only: no published translation is held for this verse.

वीथ्यां चेन्मरहणादौतु तच्छीघ्रं तु व्यपोह्य च । शान्तिहोमं च हुत्वैव पुनरुत्सवमाचरेत्

vīthyāṃ cenmarahaṇādautu tacchīghraṃ tu vyapohya ca / śāntihomaṃ ca hutvaiva punarutsavamācaret

Sanskrit only: no published translation is held for this verse.

नाडिकाया अथार्याक्चेत्पुनरुत्सवमाचरेत् । आलयस्याशीतिदण्डाभ्यन्तरे तु शवे सति

nāḍikāyā athāryākcetpunarutsavamācaret / ālayasyāśītidaṇḍābhyantare tu śave sati

Sanskrit only: no published translation is held for this verse.

तत्रोत्सवं न कुर्यात्तु कुर्याच्चेत्स विनश्यति । तच्छीघ्रमपहायेव प्रायश्चित्तं यथोदितम्

tatrotsavaṃ na kuryāttu kuryāccetsa vinaśyati / tacchīghramapahāyeva prāyaścittaṃ yathoditam

Sanskrit only: no published translation is held for this verse.

महाशान्तिं पार्षदं च चहुत्वा चोत्सवमाचरेत् । लगरे विधिरेषस्स्याद्ग्रामेनैष विकल्प्यते

mahāśāntiṃ pārṣadaṃ ca cahutvā cotsavamācaret / lagare vidhireṣassyādgrāmenaiṣa vikalpyate

Sanskrit only: no published translation is held for this verse.

अन्तश्सवेनैव कुर्यादुत्सवं ग्रामवृद्धये । ध्वजस्वारोहणादुर्ध्वं यावत्तीर्थदिनं भवेत्

antaśsavenaiva kuryādutsavaṃ grāmavṛddhaye / dhvajasvārohaṇādurdhvaṃ yāvattīrthadinaṃ bhavet

Sanskrit only: no published translation is held for this verse.

अन्यात्सवं शुभं कर्म कुर्याच्चेदाभिचारिकम् । तद्दोषशमनायैव वैष्णवं विष्णुसूक्तकम्

anyātsavaṃ śubhaṃ karma kuryāccedābhicārikam / taddoṣaśamanāyaiva vaiṣṇavaṃ viṣṇusūktakam

Sanskrit only: no published translation is held for this verse.

नृसूक्तं पार्षदं चैव हुत्वा विप्रांस्तु भोजयेत् । तीर्थाहात्पूर्वरात्रौ तु हीने कौतुक बन्धने

nṛsūktaṃ pārṣadaṃ caiva hutvā viprāṃstu bhojayet / tīrthāhātpūrvarātrau tu hīne kautuka bandhane

Sanskrit only: no published translation is held for this verse.

शयने वा वैष्णवं च श्रीभूदैवत्यमेव च । सौदर्शनं च हुत्वान्ते यथोक्तं तु समाचरेत्

śayane vā vaiṣṇavaṃ ca śrībhūdaivatyameva ca / saudarśanaṃ ca hutvānte yathoktaṃ tu samācaret

Sanskrit only: no published translation is held for this verse.

तीर्थस्नाने तु कालस्यातीते हीने च वैष्मवम् । वारुणं स्कन्ददैवत्यं हुत्वा चौक्तं समाचरेत्

tīrthasnāne tu kālasyātīte hīne ca vaiṣmavam / vāruṇaṃ skandadaivatyaṃ hutvā cauktaṃ samācaret

Sanskrit only: no published translation is held for this verse.

ध्वजावरोहणे हीने तद्रात्रौ ध्वाजमेव च । गारुडं वैष्णवं हुत्वा देवेशं प्रार्थयेद्गुरुः

dhvajāvarohaṇe hīne tadrātrau dhvājameva ca / gāruḍaṃ vaiṣṇavaṃ hutvā deveśaṃ prārthayedguruḥ

Sanskrit only: no published translation is held for this verse.

अवरोहणकारे तु बलौ हीने विशेषतः । ध्वजदेवं सुसंपूज्य वैष्णवं विष्णुसूक्तकम्

avarohaṇakāre tu balau hīne viśeṣataḥ / dhvajadevaṃ susaṃpūjya vaiṣṇavaṃ viṣṇusūktakam

Sanskrit only: no published translation is held for this verse.

तदालयस्थदेवानां मन्त्रांश्चैव विशेषतः । हुत्वा देवेशमभ्यर्छ्य ध्वजं समवरोहयेत्

tadālayasthadevānāṃ mantrāṃścaiva viśeṣataḥ / hutvā deveśamabhyarchya dhvajaṃ samavarohayet

Sanskrit only: no published translation is held for this verse.

उत्सवान्ताप्लवेहीने वैष्णवं विष्णुसूक्तकम् । पुरुषसूक्तं जयादीनश्च मूर्तिमन्त्राश्च हावयेत्

utsavāntāplavehīne vaiṣṇavaṃ viṣṇusūktakam / puruṣasūktaṃ jayādīnaśca mūrtimantrāśca hāvayet

Sanskrit only: no published translation is held for this verse.

अत्रानुक्तेषु दोषेषु प्रायश्चित्तं भवेदिदम् । वैष्णवं विष्णुसूक्तं च नृसूक्तं च तथैव च

atrānukteṣu doṣeṣu prāyaścittaṃ bhavedidam / vaiṣṇavaṃ viṣṇusūktaṃ ca nṛsūktaṃ ca tathaiva ca

Sanskrit only: no published translation is held for this verse.

हूयते विष्णुगायत्री सर्वपापप्राणाशिनि । एवमष्टाविंशतिर्वा शक्तावष्टोत्तरं शतम्

hūyate viṣṇugāyatrī sarvapāpaprāṇāśini / evamaṣṭāviṃśatirvā śaktāvaṣṭottaraṃ śatam

Sanskrit only: no published translation is held for this verse.