Bhasa: Svapnavasavadatta 5

निष्क्रान्तौ (भ्स्व् ५।०:३४) प्रवेशकः ततः प्रविशति राजा (भ्स्व् ५।०:३५) * राजा * - श्लाघ्याम् अवन्तिनृपतेः सदृशीं तनूजां कालक्रमेण पुनर् आगतदारभारः & लावाणके हुतवहेन हृताङ्गयष्टिं तां पद्मिनीं हिमहताम् इव चिन्तयामि

niṣkrāntau (BhSv 5.0:34) praveśakaḥ tataḥ praviśati rājā (BhSv 5.0:35) * rājā * - ślāghyām avantinṛpateḥ sadṛśīṃ tanūjāṃ kālakrameṇa punar āgatadārabhāraḥ & lāvāṇake hutavahena hṛtāṅgayaṣṭiṃ tāṃ padminīṃ himahatām iva cintayāmi

Sanskrit only: no published translation is held for this verse.

* राजा * - भोः कष्टं रूपश्रिया समुदितां गुणतश् च युक्तां लब्ध्वा प्रियां मम तु मन्द इवाद्य शोकः & पूर्वाभिघातसरुजो ऽप्य् अनुभूतदुःखः पद्मावतीम् अपि तथैव समर्थयामि

* rājā * - bhoḥ kaṣṭaṃ rūpaśriyā samuditāṃ guṇataś ca yuktāṃ labdhvā priyāṃ mama tu manda ivādya śokaḥ & pūrvābhighātasarujo 'py anubhūtaduḥkhaḥ padmāvatīm api tathaiva samarthayāmi

Sanskrit only: no published translation is held for this verse.

* राजा * - प्रविश्यावलोक्य सस्मितम् (भ्स्व् ५।२:१३) अहो सर्पव्यक्तिर् वैधेयस्य (भ्स्व् ५।२:१४) ऋज्वायतां हि मुखतोरणलोलमालां भ्रष्टां क्षितौ त्वम् अवगच्छसि मूर्ख सर्पम् & मन्दानिलेन निशि या परिवर्तमाना किञ्चित् करोति भुजगस्य विचेष्टितानि

* rājā * - praviśyāvalokya sasmitam (BhSv 5.2:13) aho sarpavyaktir vaidheyasya (BhSv 5.2:14) ṛjvāyatāṃ hi mukhatoraṇalolamālāṃ bhraṣṭāṃ kṣitau tvam avagacchasi mūrkha sarpam & mandānilena niśi yā parivartamānā kiñcit karoti bhujagasya viceṣṭitāni

Sanskrit only: no published translation is held for this verse.

* राजा * - किम् अत्र ज्ञेयम् (भ्स्व् ५।३:८) पश्य शय्या नावनता तथास्तृतसमा न व्याकुलप्रच्छदा न क्लिष्टं हि शिरोपधानम् अमलं शीर्षाभिघातौषधैः & रोगे दृष्टिविलोभनं जनयितुं शोभा न काचित् कृता प्राणी प्राप्य रुजा पुनर् न शयनं शीघ्रं स्वयं मुञ्चति

* rājā * - kim atra jñeyam (BhSv 5.3:8) paśya śayyā nāvanatā tathāstṛtasamā na vyākulapracchadā na kliṣṭaṃ hi śiropadhānam amalaṃ śīrṣābhighātauṣadhaiḥ & roge dṛṣṭivilobhanaṃ janayituṃ śobhā na kācit kṛtā prāṇī prāpya rujā punar na śayanaṃ śīghraṃ svayaṃ muñcati

Sanskrit only: no published translation is held for this verse.

* राजा * - वयस्य न खलु नाभिप्रेतैषा कथा (भ्स्व् ५।४:१३) किन्तु स्मराम्य् अवन्त्याधिपतेः सुतायाः प्रस्थानकाले स्वजनं स्मरन्त्याः & बाष्पं प्रवृत्तं नयनान्तलग्नं स्नेहान् ममैवोरसि पातयन्त्याः

* rājā * - vayasya na khalu nābhipretaiṣā kathā (BhSv 5.4:13) kintu smarāmy avantyādhipateḥ sutāyāḥ prasthānakāle svajanaṃ smarantyāḥ & bāṣpaṃ pravṛttaṃ nayanāntalagnaṃ snehān mamaivorasi pātayantyāḥ

Sanskrit only: no published translation is held for this verse.

अपिच बहुशो ऽप्य् उपदेशेषु यया माम् ईक्षमाणया & हस्तेन स्रस्तकोणेन कृतम् आकाशवादितम्

apica bahuśo 'py upadeśeṣu yayā mām īkṣamāṇayā & hastena srastakoṇena kṛtam ākāśavāditam

Sanskrit only: no published translation is held for this verse.

* राजा * - सहसोत्थाय (भ्स्व् ५।६:६९) वासवदत्ते तिष्ठ तिष्ठ (भ्स्व् ५।६:७०) हा धिक् (भ्स्व् ५।६:७१) निष्क्रामन् सम्भ्रमेणाहं द्वारपक्षेण ताडितः & ततो व्यक्तं न जानामि भूतार्थो ऽयं मनोरथः

* rājā * - sahasotthāya (BhSv 5.6:69) vāsavadatte tiṣṭha tiṣṭha (BhSv 5.6:70) hā dhik (BhSv 5.6:71) niṣkrāman sambhrameṇāhaṃ dvārapakṣeṇa tāḍitaḥ & tato vyaktaṃ na jānāmi bhūtārtho 'yaṃ manorathaḥ

Sanskrit only: no published translation is held for this verse.

* राजा * - वयस्य मा मैवं शय्यायाम् अवसुप्तं मां बोधयित्वा सखे गता & दग्धेति ब्रुवता पूर्वं वञ्चितो ऽस्मि रुमण्वता

* rājā * - vayasya mā maivaṃ śayyāyām avasuptaṃ māṃ bodhayitvā sakhe gatā & dagdheti bruvatā pūrvaṃ vañcito 'smi rumaṇvatā

Sanskrit only: no published translation is held for this verse.

* राजा * - एवं मया स्वप्नो दृष्टः (भ्स्व् ५।८:३) यदि तावद् अयं स्वप्नो धन्यम् अप्रतिबोधनम् & अथायं विभ्रमो वा स्याद् विभ्रमो ह्य् अस्तु मे चिरम्

* rājā * - evaṃ mayā svapno dṛṣṭaḥ (BhSv 5.8:3) yadi tāvad ayaṃ svapno dhanyam apratibodhanam & athāyaṃ vibhramo vā syād vibhramo hy astu me ciram

Sanskrit only: no published translation is held for this verse.

* राजा * - न न स्वप्नस्यान्ते विबुद्धेन नेत्रविप्रोषिताञ्जनम् & चारित्रम् अपि रक्षन्त्या दृष्टं दीर्घालकं मुखम्

* rājā * - na na svapnasyānte vibuddhena netraviproṣitāñjanam & cāritram api rakṣantyā dṛṣṭaṃ dīrghālakaṃ mukham

Sanskrit only: no published translation is held for this verse.

अपिच वयस्य पश्य पश्य यो ऽयं सन्त्रस्तया देव्या तया बाहुर् निपीडितः & स्वप्ने ऽप्य् उत्पन्नसंस्पर्शो रोमहर्षं न मुञ्चति

apica vayasya paśya paśya yo 'yaṃ santrastayā devyā tayā bāhur nipīḍitaḥ & svapne 'py utpannasaṃsparśo romaharṣaṃ na muñcati

Sanskrit only: no published translation is held for this verse.

प्रविश्य (भ्स्व् ५।११:५) * काञ्चुकीयः * - जयत्व् आर्यपुत्रः (भ्स्व् ५।११:६) अस्माकं महाराजो दर्शको बवन्तम् आह एष खलु भवतो ऽमात्यो रुमण्वान् महता बलसमुदयेनोपयातः खल्व् आरुणिम् अभिघातयितुम् (भ्स्व् ५।११:७) तथा हस्त्यश्वरथपदातीनि मामकानि विजयाङ्गानि सन्नद्धानि (भ्स्व् ५।११:८) तद् उत्तिष्ठतु भवान् (भ्स्व् ५।११:९) अपिच भिन्नास् ते रिपवो भवद्गुणरताः पौराः समाश्वासिताः पार्ष्णी यापि भवत्प्रयाणसमये तस्या विधानं कृतम् & यद् यत् साध्यम् अरिप्रमाथजननं तत् तन् मयानुष्ठितं तीर्णा चापि बलैर् नदी त्रिपथगा वत्साश् च हस्ते तव

praviśya (BhSv 5.11:5) * kāñcukīyaḥ * - jayatv āryaputraḥ (BhSv 5.11:6) asmākaṃ mahārājo darśako bavantam āha eṣa khalu bhavato 'mātyo rumaṇvān mahatā balasamudayenopayātaḥ khalv āruṇim abhighātayitum (BhSv 5.11:7) tathā hastyaśvarathapadātīni māmakāni vijayāṅgāni sannaddhāni (BhSv 5.11:8) tad uttiṣṭhatu bhavān (BhSv 5.11:9) apica bhinnās te ripavo bhavadguṇaratāḥ paurāḥ samāśvāsitāḥ pārṣṇī yāpi bhavatprayāṇasamaye tasyā vidhānaṃ kṛtam & yad yat sādhyam aripramāthajananaṃ tat tan mayānuṣṭhitaṃ tīrṇā cāpi balair nadī tripathagā vatsāś ca haste tava

Sanskrit only: no published translation is held for this verse.

* राजा * - उत्थाय (भ्स्व् ५।१२:१) बाढम् (भ्स्व् ५।१२:२) अयम् इदानीम् उपेत्य नागेन्द्रतुरङ्गतीर्णे तम् आरुणिं दारुणकर्मदक्षम् & विकीर्णबाणोग्रतरङ्गभङ्गे महार्णवाभे युधि नाशयामि

* rājā * - utthāya (BhSv 5.12:1) bāḍham (BhSv 5.12:2) ayam idānīm upetya nāgendraturaṅgatīrṇe tam āruṇiṃ dāruṇakarmadakṣam & vikīrṇabāṇogrataraṅgabhaṅge mahārṇavābhe yudhi nāśayāmi

Sanskrit only: no published translation is held for this verse.