BharSt 1.55
लोभश् चेद् अगुणेन किं पिशुनता यद्य् अस्ति किं पातकैः सत्यं चेत् तपसा च किं शुचि मनो यद्य् अस्ति तीर्थेन किम् । सौजन्यं यदि किं गुणैः सुमहिमा यद्य् अस्ति किं मण्डनैः सद्-विद्या यदि किं धनैर् अपयशो यद्य् अस्ति किं मृत्युना
lobhaś ced aguṇena kiṃ piśunatā yady asti kiṃ pātakaiḥ satyaṃ cet tapasā ca kiṃ śuci mano yady asti tīrthena kim | saujanyaṃ yadi kiṃ guṇaiḥ sumahimā yady asti kiṃ maṇḍanaiḥ sad-vidyā yadi kiṃ dhanair apayaśo yady asti kiṃ mṛtyunā
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.