Ksemendra: Bharatamanjari 6

दिव्यं भेजे निजं भावमलुप्तात्मा पितामहः । आकम्पमाने भुवने वागुवाचाशरीरिणी

divyaṃ bheje nijaṃ bhāvamaluptātmā pitāmahaḥ / ākampamāne bhuvane vāguvācāśarīriṇī

Sanskrit only: no published translation is held for this verse.

भीष्म कालं प्रतीक्षस्व योगवानुत्तरायणम् । सर्वज्ञ धारय प्राणान्स्वच्छन्दनिधनो हृदि

bhīṣma kālaṃ pratīkṣasva yogavānuttarāyaṇam / sarvajña dhāraya prāṇānsvacchandanidhano hṛdi

Sanskrit only: no published translation is held for this verse.

श्रुत्वैतत्परमं योगमाससाद सुरव्रतः । ततस्त्रिदशवाहिन्या विसृष्ट हंसरूपिणः

śrutvaitatparamaṃ yogamāsasāda suravrataḥ / tatastridaśavāhinyā visṛṣṭa haṃsarūpiṇaḥ

Sanskrit only: no published translation is held for this verse.

तमेवार्थं समभ्येत्य मुनयो भीष्ममब्रुवन् । स्थितो ऽस्मीति च गाङ्गेयो निगद्य यशसां निधिः

tamevārthaṃ samabhyetya munayo bhīṣmamabruvan / sthito 'smīti ca gāṅgeyo nigadya yaśasāṃ nidhiḥ

Sanskrit only: no published translation is held for this verse.

इरतल्पे गतः सर्वान्कुरून्भीतानसान्त्वयत् । प्रणतानथ संप्राप्तान्पुनः कौरवपाण्डवान्

iratalpe gataḥ sarvānkurūnbhītānasāntvayat / praṇatānatha saṃprāptānpunaḥ kauravapāṇḍavān

Sanskrit only: no published translation is held for this verse.

अश्रुपूर्णेक्षणानूचे संभाव्य कुरुपुंगवः । धारणं लम्बमानस्य शिरसो मे विधीयताम्

aśrupūrṇekṣaṇānūce saṃbhāvya kurupuṃgavaḥ / dhāraṇaṃ lambamānasya śiraso me vidhīyatām

Sanskrit only: no published translation is held for this verse.

श्रुत्वैतदुपधानेषु समानीतेषु राजभिः । जग्राह शासनात्तस्य त्रिभिः पार्थः शरैः शिरः

śrutvaitadupadhāneṣu samānīteṣu rājabhiḥ / jagrāha śāsanāttasya tribhiḥ pārthaḥ śaraiḥ śiraḥ

Sanskrit only: no published translation is held for this verse.

भीष्मस्तत्कर्मतुष्टो ऽथ प्रशशंस धनंजयम् । पाण्डवैः क्रियतां संधिरित्युवाच च कौरवम्

bhīṣmastatkarmatuṣṭo 'tha praśaśaṃsa dhanaṃjayam / pāṇḍavaiḥ kriyatāṃ saṃdhirityuvāca ca kauravam

Sanskrit only: no published translation is held for this verse.

ततो रजन्यां यातायामुपाविष्टेषु राजसु । सेव्यमानो मुनिजनैर्भीष्मो जलमयाचत

tato rajanyāṃ yātāyāmupāviṣṭeṣu rājasu / sevyamāno munijanairbhīṣmo jalamayācata

Sanskrit only: no published translation is held for this verse.

मणिकाञ्चनचित्रेषु कलशेष्वमलाम्भसः । समानीतेषु भूपालैर्व्यधान्मेघास्त्रमर्जुनः

maṇikāñcanacitreṣu kalaśeṣvamalāmbhasaḥ / samānīteṣu bhūpālairvyadhānmeghāstramarjunaḥ

Sanskrit only: no published translation is held for this verse.

तदुद्भूतेन पयसा गाङ्गेयस्तेन तर्पितः । नरावतारं प्रीतात्मा सादरं तमपूजयत्

tadudbhūtena payasā gāṅgeyastena tarpitaḥ / narāvatāraṃ prītātmā sādaraṃ tamapūjayat

Sanskrit only: no published translation is held for this verse.

महारथेषु यातेषु समामन्त्र्यापगासुतम् । कर्णः प्रसादयामास तदभ्यर्च्य कृताञ्जलिः

mahāratheṣu yāteṣu samāmantryāpagāsutam / karṇaḥ prasādayāmāsa tadabhyarcya kṛtāñjaliḥ

Sanskrit only: no published translation is held for this verse.

तमुवाच प्रसन्नात्मा वीतमन्युः पितामहः । भजस्व पार्थेषु शमं वीरास्ते भ्रातरस्तव

tamuvāca prasannātmā vītamanyuḥ pitāmahaḥ / bhajasva pārtheṣu śamaṃ vīrāste bhrātarastava

Sanskrit only: no published translation is held for this verse.

वैकर्तनस्तदाकर्ण्य जगाद विनताननः । जाने सर्वमवश्यं तु भवितव्यमिदं प्रभो

vaikartanastadākarṇya jagāda vinatānanaḥ / jāne sarvamavaśyaṃ tu bhavitavyamidaṃ prabho

Sanskrit only: no published translation is held for this verse.

किंतु दुर्योधनस्यार्थे सुहृदो मानकारिणः । अनुजानीहि मां तात समराय समुद्यतम्

kiṃtu duryodhanasyārthe suhṛdo mānakāriṇaḥ / anujānīhi māṃ tāta samarāya samudyatam

Sanskrit only: no published translation is held for this verse.

इति ब्रुवाणो भीष्मेण सो ऽनुज्ञातो वरूथिनीम् । प्रययौ कुरुपुत्राणां रथेन घननादिना

iti bruvāṇo bhīṣmeṇa so 'nujñāto varūthinīm / prayayau kuruputrāṇāṃ rathena ghananādinā

Sanskrit only: no published translation is held for this verse.

अथ कुरुवृषबाणामङ्गराजोत्सुकानां परपरिभवदीक्षाभग्नमानादराणाम् । पतिहितमनीकं साम्यमाप द्रुतानां सरयपवनपानीकम्पितानां वनानाम्

atha kuruvṛṣabāṇāmaṅgarājotsukānāṃ paraparibhavadīkṣābhagnamānādarāṇām / patihitamanīkaṃ sāmyamāpa drutānāṃ sarayapavanapānīkampitānāṃ vanānām

Sanskrit only: no published translation is held for this verse.