Ksemendra: Bharatamanjari 7

पुत्रं तु निहतं श्रुत्वा ध्रुवमेष न योत्स्यते । तस्माद्युक्तिमुपाश्रित्य जये नीतिर्विधीयताम्

putraṃ tu nihataṃ śrutvā dhruvameṣa na yotsyate / tasmādyuktimupāśritya jaye nītirvidhīyatām

Sanskrit only: no published translation is held for this verse.

श्रुत्वैतदर्जुने कर्णौ पिधायाधोमुखस्थिते । कथंचिदभ्युपगमान्मूके पाण्डवभूपतौ

śrutvaitadarjune karṇau pidhāyādhomukhasthite / kathaṃcidabhyupagamānmūke pāṇḍavabhūpatau

Sanskrit only: no published translation is held for this verse.

अश्वत्थामाभिधं हत्वा गदया मदकुञ्जरम् । उच्चैः पुत्रवधं भीमो द्रोणमश्रावयत्पुरः

aśvatthāmābhidhaṃ hatvā gadayā madakuñjaram / uccaiḥ putravadhaṃ bhīmo droṇamaśrāvayatpuraḥ

Sanskrit only: no published translation is held for this verse.

लज्जमानेन भीमेन व्याहृतं भृशमप्रियम् । दुर्जयं तनयं मत्वा द्रोणो मेने न तत्तथा

lajjamānena bhīmena vyāhṛtaṃ bhṛśamapriyam / durjayaṃ tanayaṃ matvā droṇo mene na tattathā

Sanskrit only: no published translation is held for this verse.

स प्रविश्याथ पाञ्चालान्धृष्टद्युम्नजिघांसया । जघान वीरयोधानां रथानामयुतानि षट्

sa praviśyātha pāñcālāndhṛṣṭadyumnajighāṃsayā / jaghāna vīrayodhānāṃ rathānāmayutāni ṣaṭ

Sanskrit only: no published translation is held for this verse.

चेदिपाञ्चालमत्स्यानां ब्रह्मस्त्रेणोग्रविक्रमः । प्रयुतान्यदहत्क्रुद्धो द्रोणो रुद्र इवापरः

cedipāñcālamatsyānāṃ brahmastreṇogravikramaḥ / prayutānyadahatkruddho droṇo rudra ivāparaḥ

Sanskrit only: no published translation is held for this verse.

निघ्नन्प्रभद्रकान्वीरान्सोमकाश्च प्रहारिणः । चतुर्वर्षशतो दर्पाद्युवेव विचचार सः

nighnanprabhadrakānvīrānsomakāśca prahāriṇaḥ / caturvarṣaśato darpādyuveva vicacāra saḥ

Sanskrit only: no published translation is held for this verse.

ऋषयो ऽथ समभ्येत्य तं क्रूरतरकारिणम् । तस्मादवारयन्घोराल्लोकसंहारवैशसात्

ṛṣayo 'tha samabhyetya taṃ krūratarakāriṇam / tasmādavārayanghorāllokasaṃhāravaiśasāt

Sanskrit only: no published translation is held for this verse.

मुनिसंघे गते व्योम्ना द्रोणो भीमवचः स्मरन् । युधिष्ठिरं शङ्कितधीरपृच्छत्सत्यविक्रमम्

munisaṃghe gate vyomnā droṇo bhīmavacaḥ smaran / yudhiṣṭhiraṃ śaṅkitadhīrapṛcchatsatyavikramam

Sanskrit only: no published translation is held for this verse.

गोविन्देनार्थितो यत्नाल्लोकसंहारशान्तये । युधिष्ठिरस्तदेवोक्त्वा स्वैरं हस्तीत्यभाषत

govindenārthito yatnāllokasaṃhāraśāntaye / yudhiṣṭhirastadevoktvā svairaṃ hastītyabhāṣata

Sanskrit only: no published translation is held for this verse.

अस्पृशन्तो हया भूमिमवहन्ये युधिष्ठिरम् । ते नीचगामिनस्तूर्णमसत्यगुरवो ऽभवन्

aspṛśanto hayā bhūmimavahanye yudhiṣṭhiram / te nīcagāminastūrṇamasatyaguravo 'bhavan

Sanskrit only: no published translation is held for this verse.

ततः सविषनाराचैर्निर्भिन्न इव मर्मसु । निश्चित्यात्मवधं द्रोणश्चित्रार्पित इवाभवत्

tataḥ saviṣanārācairnirbhinna iva marmasu / niścityātmavadhaṃ droṇaścitrārpita ivābhavat

Sanskrit only: no published translation is held for this verse.

तं जिह्वादीप्तविशिखो धृष्टद्युम्नो ऽवदद्द्रुतम् । अहो तनु ब्राह्मणो भूत्वा पिशिताशीव निष्कृपः । करोषि कलुषं कर्म निहते ऽपि प्रिये सुते

taṃ jihvādīptaviśikho dhṛṣṭadyumno 'vadaddrutam / aho tanu brāhmaṇo bhūtvā piśitāśīva niṣkṛpaḥ / karoṣi kaluṣaṃ karma nihate 'pi priye sute

Sanskrit only: no published translation is held for this verse.

तच्छ्रुत्वा सहसा द्रोणस्त्यक्त्वा चापं सह क्रुधा । दत्त्वा सर्वाभयं मौनी ददर्श ज्योतिरान्तरम्

tacchrutvā sahasā droṇastyaktvā cāpaṃ saha krudhā / dattvā sarvābhayaṃ maunī dadarśa jyotirāntaram

Sanskrit only: no published translation is held for this verse.

तस्य षट्कोशसंघस्य संपुटत्रयपातनात् । ब्रह्मरन्ध्रविनिष्क्रान्तं ज्योतिर्व्योम समाविशत्

tasya ṣaṭkośasaṃghasya saṃpuṭatrayapātanāt / brahmarandhraviniṣkrāntaṃ jyotirvyoma samāviśat

Sanskrit only: no published translation is held for this verse.

अत्रान्तरे समाकृष्य धृष्टद्युम्नः शिरोरुहैः । क्रोधान्धः पाण्डुतनयैर्वार्यमाणो ऽपि संभ्रमम्

atrāntare samākṛṣya dhṛṣṭadyumnaḥ śiroruhaiḥ / krodhāndhaḥ pāṇḍutanayairvāryamāṇo 'pi saṃbhramam

Sanskrit only: no published translation is held for this verse.

गुरोरकृष्टशस्त्रस्य धाम्नि संक्रान्ततेजसः । शिरो जहार खड्गेन धिक्कृतः स्रवराजभिः

gurorakṛṣṭaśastrasya dhāmni saṃkrāntatejasaḥ / śiro jahāra khaḍgena dhikkṛtaḥ sravarājabhiḥ

Sanskrit only: no published translation is held for this verse.

हते रुक्मरथे वीरे गुरौ सर्वधनुष्मताम् । संभ्रान्ता दुद्रुवुः सर्वे कौरवाणां महारथाः

hate rukmarathe vīre gurau sarvadhanuṣmatām / saṃbhrāntā dudruvuḥ sarve kauravāṇāṃ mahārathāḥ

Sanskrit only: no published translation is held for this verse.

भग्नं कुरुबलं दृष्ट्वा शङ्कितो द्रोणनन्दनः । किमेतदिति पप्रच्छ साश्रुनेत्रं सुयोधनम्

bhagnaṃ kurubalaṃ dṛṣṭvā śaṅkito droṇanandanaḥ / kimetaditi papraccha sāśrunetraṃ suyodhanam

Sanskrit only: no published translation is held for this verse.

तस्मिन्नधोमुखे दुःखाद्धोरं वक्तुमनीश्वरे । तत्प्रेरितः पितृवधं गौतमो ऽस्मौ न्यवेदयत्

tasminnadhomukhe duḥkhāddhoraṃ vaktumanīśvare / tatpreritaḥ pitṛvadhaṃ gautamo 'smau nyavedayat

Sanskrit only: no published translation is held for this verse.

श्रुत्वा स वैशसं घोरं छद्मना विहितं गुरौ । पाञ्चाल्येन नृशंसेन जज्वाल क्रोधवह्निना

śrutvā sa vaiśasaṃ ghoraṃ chadmanā vihitaṃ gurau / pāñcālyena nṛśaṃsena jajvāla krodhavahninā

Sanskrit only: no published translation is held for this verse.

तस्य निःश्वसतः कोपात्कालस्येव दिधक्षतः । संरम्भः सर्वभूतानां बभूवातिभयंकरः

tasya niḥśvasataḥ kopātkālasyeva didhakṣataḥ / saṃrambhaḥ sarvabhūtānāṃ babhūvātibhayaṃkaraḥ

Sanskrit only: no published translation is held for this verse.

निष्पिष्यपाणिना पाणिं सो ऽब्रवीत्साश्रुलोचनः । अहो ममापि जनकः केशग्रहणमाप्तवान्

niṣpiṣyapāṇinā pāṇiṃ so 'bravītsāśrulocanaḥ / aho mamāpi janakaḥ keśagrahaṇamāptavān

Sanskrit only: no published translation is held for this verse.

घातयित्वा मृषावादी गुरुं राजा बकव्रतः । मयि जीवति कौन्तेयः कथं प्राप्स्यति मेदिनीम्

ghātayitvā mṛṣāvādī guruṃ rājā bakavrataḥ / mayi jīvati kaunteyaḥ kathaṃ prāpsyati medinīm

Sanskrit only: no published translation is held for this verse.

अद्य मत्कोपनिर्दग्धे पाण्डुपुत्रे सराजके । भार्गवस्य स्मरिष्यन्ति वीराः क्षत्त्रकुलच्छिदः

adya matkopanirdagdhe pāṇḍuputre sarājake / bhārgavasya smariṣyanti vīrāḥ kṣattrakulacchidaḥ

Sanskrit only: no published translation is held for this verse.

कृत्वाद्य पार्षतपशुं क्रोधाग्नेरुपहारताम् । अकृष्णपार्थां पृथिवीमेषो ऽहं कर्तुमुद्यतः

kṛtvādya pārṣatapaśuṃ krodhāgnerupahāratām / akṛṣṇapārthāṃ pṛthivīmeṣo 'haṃ kartumudyataḥ

Sanskrit only: no published translation is held for this verse.

पुरा मह्यं पिता प्रादादस्त्रं नारायणोदितम् । तेनाद्य संहृतांल्लोकान्मया पश्यन्तु खेचराः

purā mahyaṃ pitā prādādastraṃ nārāyaṇoditam / tenādya saṃhṛtāṃllokānmayā paśyantu khecarāḥ

Sanskrit only: no published translation is held for this verse.

इत्युक्त्वा संदधे धीप्तं तदस्त्रं नियतः शुचिः । येनाश्वत्थदलालोला विचचालजगत्त्रयी

ityuktvā saṃdadhe dhīptaṃ tadastraṃ niyataḥ śuciḥ / yenāśvatthadalālolā vicacālajagattrayī

Sanskrit only: no published translation is held for this verse.

ततो ननाद मन्थाद्रिक्षुभिताम्भोधिनिःस्वनम् । द्रौणिर्येन दिशः सर्वा ययुः शकलतामिव

tato nanāda manthādrikṣubhitāmbhodhiniḥsvanam / drauṇiryena diśaḥ sarvā yayuḥ śakalatāmiva

Sanskrit only: no published translation is held for this verse.

ततो व्यथितमालोक्य स्वसैन्यं श्वेतवाहनः । जगाद धर्मतनयं श्वसन्ननुशयाकुलः । व्याजाद्विभवलुब्धेन शिष्येण निहतो गुरुः

tato vyathitamālokya svasainyaṃ śvetavāhanaḥ / jagāda dharmatanayaṃ śvasannanuśayākulaḥ / vyājādvibhavalubdhena śiṣyeṇa nihato guruḥ

Sanskrit only: no published translation is held for this verse.

इति प्रलापमुखरे सुरराजसुते गुरोः । कोपादाताम्रनयनः प्रोवाच पवनात्मजः

iti pralāpamukhare surarājasute guroḥ / kopādātāmranayanaḥ provāca pavanātmajaḥ

Sanskrit only: no published translation is held for this verse.

न नाम मुनिवत्पार्थ क्षत्त्रियो वक्तुमर्हसि । घोरापकारे कः शत्रौ रणे न्यायमुपेक्षते

na nāma munivatpārtha kṣattriyo vaktumarhasi / ghorāpakāre kaḥ śatrau raṇe nyāyamupekṣate

Sanskrit only: no published translation is held for this verse.

अस्मिन्मम भुजे वीरे गदाप्रणयिनि स्थिते । त्वयि कृष्णे च किं नाम द्रौणिश्लाघाभिनन्द्यते

asminmama bhuje vīre gadāpraṇayini sthite / tvayi kṛṣṇe ca kiṃ nāma drauṇiślāghābhinandyate

Sanskrit only: no published translation is held for this verse.

इत्युक्ते भीमसेनेन पार्षतोर्ऽजुनमब्रवीत् । लोकान्तको विकर्मस्थो ब्रह्मबन्धुर्हतो मया

ityukte bhīmasenena pārṣator'junamabravīt / lokāntako vikarmastho brahmabandhurhato mayā

Sanskrit only: no published translation is held for this verse.

ब्रह्मास्त्रेण हतो येन मुक्तवर्मा पृथग्जनः । सर्वोपायैः स हन्तव्यो ऽसुरवद्विश्वकण्टकः

brahmāstreṇa hato yena muktavarmā pṛthagjanaḥ / sarvopāyaiḥ sa hantavyo 'suravadviśvakaṇṭakaḥ

Sanskrit only: no published translation is held for this verse.

त्वया हतः कथं भीष्मः स च प्राग्ज्योतिषेश्वरः । पितुः सखा किमेतेन गहना वीरवृत्तयः

tvayā hataḥ kathaṃ bhīṣmaḥ sa ca prāgjyotiṣeśvaraḥ / pituḥ sakhā kimetena gahanā vīravṛttayaḥ

Sanskrit only: no published translation is held for this verse.

धृष्टद्युम्नवचः श्रुत्वा तिर्यग्जिह्मीकृतेक्षणः । निःश्वस्य कोपसंतप्तो धिग्धिगित्यर्जुनो ऽब्रवीत्

dhṛṣṭadyumnavacaḥ śrutvā tiryagjihmīkṛtekṣaṇaḥ / niḥśvasya kopasaṃtapto dhigdhigityarjuno 'bravīt

Sanskrit only: no published translation is held for this verse.

लज्जानते धर्मसुते मूकीभूतेषु राजसु । सात्यकिः कोपसंतप्तो धृष्टद्युम्नमभाषत

lajjānate dharmasute mūkībhūteṣu rājasu / sātyakiḥ kopasaṃtapto dhṛṣṭadyumnamabhāṣata

Sanskrit only: no published translation is held for this verse.

बत पाप वयं सर्वे ये गुरुघ्नं पुरः स्थितम् । स्वस्तिवत्प्रतिभाषन्ते हन्तव्यं त्वां प्रयत्नतः

bata pāpa vayaṃ sarve ye gurughnaṃ puraḥ sthitam / svastivatpratibhāṣante hantavyaṃ tvāṃ prayatnataḥ

Sanskrit only: no published translation is held for this verse.

इत्युक्तवति शैनेये जगाद द्रुपदात्मजः । अहो नु परदोषज्ञो निर्देष इव भाषसे

ityuktavati śaineye jagāda drupadātmajaḥ / aho nu paradoṣajño nirdeṣa iva bhāṣase

Sanskrit only: no published translation is held for this verse.

भूरिश्रवाः प्रायगतः कृत्तबाहुः किरीटिना । नृशंस पतिताचार केनान्येन निपातितः

bhūriśravāḥ prāyagataḥ kṛttabāhuḥ kirīṭinā / nṛśaṃsa patitācāra kenānyena nipātitaḥ

Sanskrit only: no published translation is held for this verse.

नैतद्वाच्यं त्वया भूपो बाणैस्त्वामन्यथा शितैः । करोमि शिक्षागुरुभिर्विनयावनिवर्तिनम्

naitadvācyaṃ tvayā bhūpo bāṇaistvāmanyathā śitaiḥ / karomi śikṣāgurubhirvinayāvanivartinam

Sanskrit only: no published translation is held for this verse.

इति ब्रुवाणौ संरम्भात्तौ मिथो हन्तुमुद्यतौ । नि(न्य)वारयत्कृष्णगिरा भीमसेनः सहानुजैः

iti bruvāṇau saṃrambhāttau mitho hantumudyatau / ni(nya)vārayatkṛṣṇagirā bhīmasenaḥ sahānujaiḥ

Sanskrit only: no published translation is held for this verse.

ततः क्षणात्समावृत्ते कुरुराजबलार्णवे । द्रोणात्मजास्त्रपिहिता नालक्ष्यन्त दिशो दश

tataḥ kṣaṇātsamāvṛtte kururājabalārṇave / droṇātmajāstrapihitā nālakṣyanta diśo daśa

Sanskrit only: no published translation is held for this verse.

नारायणास्त्रनिःसृतैः प्रदीप्तायुधमण्डलैः । बध्यमानाल्पशेषाभूत्पाण्डवानामनीकिनी

nārāyaṇāstraniḥsṛtaiḥ pradīptāyudhamaṇḍalaiḥ / badhyamānālpaśeṣābhūtpāṇḍavānāmanīkinī

Sanskrit only: no published translation is held for this verse.

तस्मिन्नायुधसंघर्षजातज्वालाशताकुले । घोरे सुभटसंहारे त्रस्तो राजा युधिष्ठिरः

tasminnāyudhasaṃgharṣajātajvālāśatākule / ghore subhaṭasaṃhāre trasto rājā yudhiṣṭhiraḥ

Sanskrit only: no published translation is held for this verse.

उवाच पार्षतमुखान्वीक्षमाणः किरीटिनम् । पलायन्तामितः सर्वे महद्भयमुपस्थितम्

uvāca pārṣatamukhānvīkṣamāṇaḥ kirīṭinam / palāyantāmitaḥ sarve mahadbhayamupasthitam

Sanskrit only: no published translation is held for this verse.

माध्यस्थ्यमास्थितो जिष्णुः कोपितो निधनाद्गुरोः । येनाभिमन्युर्वृद्धेन व्याजाद्बालो निपातितः

mādhyasthyamāsthito jiṣṇuḥ kopito nidhanādguroḥ / yenābhimanyurvṛddhena vyājādbālo nipātitaḥ

Sanskrit only: no published translation is held for this verse.

सत्यजित्प्रमुखा येन हतास्ते ते महारथाः । दुर्भेद्यं कवचं प्रादाद्दिव्यं दुर्योधनाय यः

satyajitpramukhā yena hatāste te mahārathāḥ / durbhedyaṃ kavacaṃ prādāddivyaṃ duryodhanāya yaḥ

Sanskrit only: no published translation is held for this verse.

क्रियतां नाधुना युद्धं स्वस्ति पार्थाय धीमते । एवं वह्निं प्रवेक्ष्यामि द्रौणिं कालं सहेत कः

kriyatāṃ nādhunā yuddhaṃ svasti pārthāya dhīmate / evaṃ vahniṃ pravekṣyāmi drauṇiṃ kālaṃ saheta kaḥ

Sanskrit only: no published translation is held for this verse.

इत्युक्ते धर्मराजेन भुजावुत्क्षिप्य केशवः । उच्चैरुवाच भूपालाञ्ज्वलितान्स्त्रतेजसा

ityukte dharmarājena bhujāvutkṣipya keśavaḥ / uccairuvāca bhūpālāñjvalitānstratejasā

Sanskrit only: no published translation is held for this verse.

भो भोः शस्त्रं परित्यज्य रथेभ्यो व्रजत क्षितिम् । अस्त्रेणानेन हन्यन्ते न विशस्त्रा भुवि स्थिताः

bho bhoḥ śastraṃ parityajya rathebhyo vrajata kṣitim / astreṇānena hanyante na viśastrā bhuvi sthitāḥ

Sanskrit only: no published translation is held for this verse.

इति ब्रुवाणे संरम्भात्सावेगं कैटभद्विषि । भीमो बभाषे भूपालानभयं कर्तुमर्हथ

iti bruvāṇe saṃrambhātsāvegaṃ kaiṭabhadviṣi / bhīmo babhāṣe bhūpālānabhayaṃ kartumarhatha

Sanskrit only: no published translation is held for this verse.

एषो ऽहं समयप्रख्यां गदामादाय दंशितः । द्रौणिमभ्युद्यतो हन्तुं पश्यन्तु कुरुपाण्डवाः

eṣo 'haṃ samayaprakhyāṃ gadāmādāya daṃśitaḥ / drauṇimabhyudyato hantuṃ paśyantu kurupāṇḍavāḥ

Sanskrit only: no published translation is held for this verse.

इति गर्जन्तमायान्तं पावनिं द्रोणनन्दनः । हसन्मूढो ऽयमित्युक्त्वा शरजालैरपूरयत्

iti garjantamāyāntaṃ pāvaniṃ droṇanandanaḥ / hasanmūḍho 'yamityuktvā śarajālairapūrayat

Sanskrit only: no published translation is held for this verse.

ततो नारायणास्त्रेण दह्यमानाः समन्ततः । अवातरन्वाहनेभ्य शस्त्राण्युत्सृज्य भूमिपाः

tato nārāyaṇāstreṇa dahyamānāḥ samantataḥ / avātaranvāhanebhya śastrāṇyutsṛjya bhūmipāḥ

Sanskrit only: no published translation is held for this verse.

रथे स्थितं युध्यमानं भीमसेनमसंभ्रमात् । अस्त्रज्वालावलीचक्रमेकीभूतं समापतत्

rathe sthitaṃ yudhyamānaṃ bhīmasenamasaṃbhramāt / astrajvālāvalīcakramekībhūtaṃ samāpatat

Sanskrit only: no published translation is held for this verse.

प्रजवाग्निशिखाकूटसंघट्टन्तरितं क्षणात् । अर्जुनो भीममालोक्य वरुणास्त्रमवासॄजत्

prajavāgniśikhākūṭasaṃghaṭṭantaritaṃ kṣaṇāt / arjuno bhīmamālokya varuṇāstramavāsṝjat

Sanskrit only: no published translation is held for this verse.

नारायणास्त्रदहनैस्तदस्त्रमभितो हतम् । मोधीकृतं क्षणेनाभूदप्रयुक्तमिवाम्बरे

nārāyaṇāstradahanaistadastramabhito hatam / modhīkṛtaṃ kṣaṇenābhūdaprayuktamivāmbare

Sanskrit only: no published translation is held for this verse.

महास्त्रसंकटे घोरे वर्तमानं वृकोदरम् । अवरुह्य रथात्कृष्णौ द्राग्भुजाभ्यां विकृष्य तम्

mahāstrasaṃkaṭe ghore vartamānaṃ vṛkodaram / avaruhya rathātkṛṣṇau drāgbhujābhyāṃ vikṛṣya tam

Sanskrit only: no published translation is held for this verse.

शस्त्रं हृत्वा बलाद्वीरं नीत्वाशु स्यन्दनाद्भुवम् । वीरौ चित्रोज्ज्वलौ हृष्टौ तस्थातुः कृष्णपाण्डवौ

śastraṃ hṛtvā balādvīraṃ nītvāśu syandanādbhuvam / vīrau citrojjvalau hṛṣṭau tasthātuḥ kṛṣṇapāṇḍavau

Sanskrit only: no published translation is held for this verse.

अस्त्रे ततः स्वयं शान्ते प्रसन्ने भुवनत्रये । ऊचे दुर्योधनो द्रौणिं पुनरस्त्रं प्रयुज्यताम्

astre tataḥ svayaṃ śānte prasanne bhuvanatraye / ūce duryodhano drauṇiṃ punarastraṃ prayujyatām

Sanskrit only: no published translation is held for this verse.

द्विष्प्रयोज्यं न दिव्यास्त्रमित्युक्त्वा द्रौणिराकुलः । शरैश्वकार पाञ्चालमत्स्यकेकयसंक्षयम्

dviṣprayojyaṃ na divyāstramityuktvā drauṇirākulaḥ / śaraiśvakāra pāñcālamatsyakekayasaṃkṣayam

Sanskrit only: no published translation is held for this verse.

स सात्यकिं पार्षतं च जित्वा विद्राव्य वाहिनीम् । जघान पौरवं वीरं राजानं च सुदर्शनम्

sa sātyakiṃ pārṣataṃ ca jitvā vidrāvya vāhinīm / jaghāna pauravaṃ vīraṃ rājānaṃ ca sudarśanam

Sanskrit only: no published translation is held for this verse.

पाण्डुसैन्येषु भग्नेषु द्रौणिं पश्चादभिद्रुतम् । अवारयत्स्वयं क्रुद्धो बाणवर्षैर्धनंजयः

pāṇḍusainyeṣu bhagneṣu drauṇiṃ paścādabhidrutam / avārayatsvayaṃ kruddho bāṇavarṣairdhanaṃjayaḥ

Sanskrit only: no published translation is held for this verse.

प्रादुश्चक्रे ततो घोरं ज्वालावलयिताम्बरम् । आग्नेयमस्त्रं लोकानां क्षयाय द्रौणिरुद्यतः

prāduścakre tato ghoraṃ jvālāvalayitāmbaram / āgneyamastraṃ lokānāṃ kṣayāya drauṇirudyataḥ

Sanskrit only: no published translation is held for this verse.

अथ काञ्चनसंनाहौरिव सर्वे समावृताः । महास्त्रतेजसा व्याप्ताः पेतुर्भूमिभृतां वराः

atha kāñcanasaṃnāhauriva sarve samāvṛtāḥ / mahāstratejasā vyāptāḥ peturbhūmibhṛtāṃ varāḥ

Sanskrit only: no published translation is held for this verse.

अस्त्रेणाक्षौहिणीं दग्धां वह्निव्याप्तो धनंजयः । दृष्ट्वा प्रादुश्चकारोग्रं ब्रह्मास्त्रं तत्प्रशान्तये

astreṇākṣauhiṇīṃ dagdhāṃ vahnivyāpto dhanaṃjayaḥ / dṛṣṭvā prāduścakārograṃ brahmāstraṃ tatpraśāntaye

Sanskrit only: no published translation is held for this verse.

अस्त्रे तिरोहिते तस्मिन्विमुक्तौ केशवार्जुनौ । दृष्ट्वा द्रोणसुतः क्रुद्धो धिगस्त्राणीत्यभाषत

astre tirohite tasminvimuktau keśavārjunau / dṛṣṭvā droṇasutaḥ kruddho dhigastrāṇītyabhāṣata

Sanskrit only: no published translation is held for this verse.

अत्रान्तरे ज्ञानसहस्ररश्मिरपारवेदामृतसिन्धुसेतुः । सरस्वतीमानसराजहंसः कृष्णो ऽप्यकृष्णो मुनिराजगाम

atrāntare jñānasahasraraśmirapāravedāmṛtasindhusetuḥ / sarasvatīmānasarājahaṃsaḥ kṛṣṇo 'pyakṛṣṇo munirājagāma

Sanskrit only: no published translation is held for this verse.

रथं समुत्सृज्य तमुग्रकर्मा प्रणम्य पप्रच्छ गुरोस्तनूजः । अस्त्राणि दिव्यान्यफलानि कस्मात्पार्थे सकृष्णे भगवन्गतानि

rathaṃ samutsṛjya tamugrakarmā praṇamya papraccha gurostanūjaḥ / astrāṇi divyānyaphalāni kasmātpārthe sakṛṣṇe bhagavangatāni

Sanskrit only: no published translation is held for this verse.

पृष्टः कोपाकुलेनेति तमुवाच मुनीश्वरः । वीरौ कृष्णार्जुनावेतौ नरनारायणावृषी

pṛṣṭaḥ kopākuleneti tamuvāca munīśvaraḥ / vīrau kṛṣṇārjunāvetau naranārāyaṇāvṛṣī

Sanskrit only: no published translation is held for this verse.

षष्टिं वर्षसहस्राणि तपः कृत्वा पिनाकिनम् । नारायणस्तोषयित्वा लेभे तत्तुल्यतां पुरा

ṣaṣṭiṃ varṣasahasrāṇi tapaḥ kṛtvā pinākinam / nārāyaṇastoṣayitvā lebhe tattulyatāṃ purā

Sanskrit only: no published translation is held for this verse.

स एष दुर्जयः कृष्णः स्वयं लिङ्गार्चनव्रतः । द्रौणे त्वमपि रुद्रांशस्तस्मान्मा विक्रियां गमः

sa eṣa durjayaḥ kṛṣṇaḥ svayaṃ liṅgārcanavrataḥ / drauṇe tvamapi rudrāṃśastasmānmā vikriyāṃ gamaḥ

Sanskrit only: no published translation is held for this verse.

एतद्व्यासवचः श्रुत्वा शान्तमन्युर्गुरोः सुतः । धिया रुद्रं नमस्कृत्य देवौ कृष्णावमन्यत

etadvyāsavacaḥ śrutvā śāntamanyurguroḥ sutaḥ / dhiyā rudraṃ namaskṛtya devau kṛṣṇāvamanyata

Sanskrit only: no published translation is held for this verse.

ततो ऽवहारे सैन्यानां विहिते कुरुपाण्डवैः । निवृत्तः समरात्पार्थः पथि व्यासं व्यलोकयत्

tato 'vahāre sainyānāṃ vihite kurupāṇḍavaiḥ / nivṛttaḥ samarātpārthaḥ pathi vyāsaṃ vyalokayat

Sanskrit only: no published translation is held for this verse.

तं नमस्कृत्य पप्रच्छ भगवन्समरे पुरः । दृष्टो मया शूलहस्तः पुरुषो दहनद्युतिः

taṃ namaskṛtya papraccha bhagavansamare puraḥ / dṛṣṭo mayā śūlahastaḥ puruṣo dahanadyutiḥ

Sanskrit only: no published translation is held for this verse.

तच्छूलिनःसृतैर्दीप्तैरसंख्यैः शूलमण्डलैः । कुरुसेना मया दृष्टा दह्यमाना समन्ततः

tacchūlinaḥsṛtairdīptairasaṃkhyaiḥ śūlamaṇḍalaiḥ / kurusenā mayā dṛṣṭā dahyamānā samantataḥ

Sanskrit only: no published translation is held for this verse.

क्रोशार्धस्पृष्टवसुधो रौद्रो रुद्र इवापरः । पृष्टो धनंजयेनेति हृष्ये द्वैपायनो ऽब्रवीत्

krośārdhaspṛṣṭavasudho raudro rudra ivāparaḥ / pṛṣṭo dhanaṃjayeneti hṛṣye dvaipāyano 'bravīt

Sanskrit only: no published translation is held for this verse.

स देवस्त्रिपुरारातिर्गजासुरविमर्दनः । रुद्रः कृतान्तदहनस्त्रिजगत्प्रलयक्षमः

sa devastripurārātirgajāsuravimardanaḥ / rudraḥ kṛtāntadahanastrijagatpralayakṣamaḥ

Sanskrit only: no published translation is held for this verse.

यं नमस्कृत्य वरदं राजन्ते दिवि देवताः । अस्तम्भयद्बुजस्तम्भं जम्भारातेः स्मिताननः

yaṃ namaskṛtya varadaṃ rājante divi devatāḥ / astambhayadbujastambhaṃ jambhārāteḥ smitānanaḥ

Sanskrit only: no published translation is held for this verse.

स्मरहरमसुरारिं तं स्मर स्मेरकान्तिं हरमजरमजय्यं शाश्वतं विश्वरूपम् । विषमदृशमनीशं शान्तमीसानमीशं तरुणतरणिमालास्फारतेजःप्रकारम्

smaraharamasurāriṃ taṃ smara smerakāntiṃ haramajaramajayyaṃ śāśvataṃ viśvarūpam / viṣamadṛśamanīśaṃ śāntamīsānamīśaṃ taruṇataraṇimālāsphāratejaḥprakāram

Sanskrit only: no published translation is held for this verse.

क्षपितदिनकराक्षं दक्षदीक्षाविघातं भवमभवमभेदं स्वच्छभावोपलभ्यम् । शिवमचलमचिन्त्यं बालचन्द्रावतंसं गिरिपरिवृढपुत्रीद्यूतगोष्ठीगरिष्ठम्

kṣapitadinakarākṣaṃ dakṣadīkṣāvighātaṃ bhavamabhavamabhedaṃ svacchabhāvopalabhyam / śivamacalamacintyaṃ bālacandrāvataṃsaṃ giriparivṛḍhaputrīdyūtagoṣṭhīgariṣṭham

Sanskrit only: no published translation is held for this verse.

हत्याग्रहात्परममाग्रहमिन्द्रसूनोः प्रीत्या विधाय मुनिमौलिमणौ प्रयाते । भूपाः प्रविश्य शिबिराणि दिनावसाने चक्रुः कथाः प्रवरवीरकथानुबद्धाः

hatyāgrahātparamamāgrahamindrasūnoḥ prītyā vidhāya munimaulimaṇau prayāte / bhūpāḥ praviśya śibirāṇi dināvasāne cakruḥ kathāḥ pravaravīrakathānubaddhāḥ

Sanskrit only: no published translation is held for this verse.