इति श्रीभविष्ये महापुराणे प्रतिसर्गपर्वणि चतुर्युगखण्डापरपर्याये नाम प्रथमोऽध्यायः
iti śrībhaviṣye mahāpurāṇe pratisargaparvaṇi caturyugakhaṇḍāparaparyāye nāma prathamo'dhyāyaḥ
Sanskrit only: no published translation is held for this verse.
Library·Bhaviṣya Purāṇa (part)·3·3.2·3.2.1
Bhaviṣya Purāṇa (part) 3.2.1
।। सूत उवाच इत्युक्तस्स तु वैतालो महाकालेश्वरस्थितः ।। शिवं मनसि संस्थाप्य राज्ञानमिदमब्रवीत्।। विक्रमादित्यभूपाल शृणु गाथां मनोरमाम् ।। वाराणसी पुरी रम्या महेशो यत्र तिष्ठति
|| sūta uvāca ityuktassa tu vaitālo mahākāleśvarasthitaḥ || śivaṃ manasi saṃsthāpya rājñānamidamabravīt|| vikramādityabhūpāla śṛṇu gāthāṃ manoramām || vārāṇasī purī ramyā maheśo yatra tiṣṭhati
Sanskrit only: no published translation is held for this verse.
चातुर्वर्ण्यप्रजा यत्र प्रतापमुकुटो नृपः ।। महादेवी च महिषी धर्मज्ञस्य महीपतेः
cāturvarṇyaprajā yatra pratāpamukuṭo nṛpaḥ || mahādevī ca mahiṣī dharmajñasya mahīpateḥ
Sanskrit only: no published translation is held for this verse.
तत्पुत्रो वज्रमुकुटो मंत्रिणः सुतवल्लभाः ।। षोडशाब्देऽथ संप्राप्ते हयारूढो वनं गतः
tatputro vajramukuṭo maṃtriṇaḥ sutavallabhāḥ || ṣoḍaśābde'tha saṃprāpte hayārūḍho vanaṃ gataḥ
Sanskrit only: no published translation is held for this verse.
अमात्यतनयश्चैव बुद्धिदक्ष इति श्रुतः ।। हयारूढो गतः सार्धं समानवयसा वने
amātyatanayaścaiva buddhidakṣa iti śrutaḥ || hayārūḍho gataḥ sārdhaṃ samānavayasā vane
Sanskrit only: no published translation is held for this verse.
स दृष्ट्वा विपिनं रम्यं मृगपक्षिसमन्वितम् ।। मुमोद वजमुकुटः कामाशयवशं गतः
sa dṛṣṭvā vipinaṃ ramyaṃ mṛgapakṣisamanvitam || mumoda vajamukuṭaḥ kāmāśayavaśaṃ gataḥ
Sanskrit only: no published translation is held for this verse.
तत्र दिव्यं सरो रम्यं नानापक्षिनिनादितम् ।। तस्य कूले शिवस्थानं मुनिवृंदैः प्रपूजितम्
tatra divyaṃ saro ramyaṃ nānāpakṣinināditam || tasya kūle śivasthānaṃ munivṛṃdaiḥ prapūjitam
Sanskrit only: no published translation is held for this verse.
दृष्ट्वा तत्र गतौ वीरौ परमानंदमापतुः ।। एतस्मिन्नंतरे भूप करणाटकभूपतेः
dṛṣṭvā tatra gatau vīrau paramānaṃdamāpatuḥ || etasminnaṃtare bhūpa karaṇāṭakabhūpateḥ
Sanskrit only: no published translation is held for this verse.
दंतवक्त्रस्य तनया नाम्ना पद्मावती मता ।। कामदेवं नमस्कृत्य कामिनी कामरूपिणी
daṃtavaktrasya tanayā nāmnā padmāvatī matā || kāmadevaṃ namaskṛtya kāminī kāmarūpiṇī
Sanskrit only: no published translation is held for this verse.
चिक्रीड सखिभिः क्रीडां सरोमध्ये मनोहरा ।। तदा तु वज्रमुकुटो मन्दिरादागतो बहिः
cikrīḍa sakhibhiḥ krīḍāṃ saromadhye manoharā || tadā tu vajramukuṭo mandirādāgato bahiḥ
Sanskrit only: no published translation is held for this verse.
दृष्ट्वा पद्मावतीं बालां तुल्यरूपगुणान्विताम्।। मूर्च्छितः पतितो भूमौ सा दृष्ट्वा तु मुमोह वै
dṛṣṭvā padmāvatīṃ bālāṃ tulyarūpaguṇānvitām|| mūrcchitaḥ patito bhūmau sā dṛṣṭvā tu mumoha vai
Sanskrit only: no published translation is held for this verse.
प्रबुद्धो वज्रमुकुटो मां पाहि शिवशंकर ।। इत्युक्त्वा भूपतनयः पुनर्बालां ददर्श ह
prabuddho vajramukuṭo māṃ pāhi śivaśaṃkara || ityuktvā bhūpatanayaḥ punarbālāṃ dadarśa ha
Sanskrit only: no published translation is held for this verse.
शिरसः पद्मकुसुमं सा गृहीत्वा तु कर्णयोः ।। कृत्वा चखान दशनैः पादयोर्दधती पुनः
śirasaḥ padmakusumaṃ sā gṛhītvā tu karṇayoḥ || kṛtvā cakhāna daśanaiḥ pādayordadhatī punaḥ
Sanskrit only: no published translation is held for this verse.
पुनर्गृहीत्वा तत्पुष्पं हृदये संप्रवेशितम् ।। इति भावं च सा कृत्वाऽऽलिभिः सार्धं ययौ गृहम्
punargṛhītvā tatpuṣpaṃ hṛdaye saṃpraveśitam || iti bhāvaṃ ca sā kṛtvā''libhiḥ sārdhaṃ yayau gṛham
Sanskrit only: no published translation is held for this verse.
तीर्थार्थं च समं पित्रा संप्राप्ता गिरिजावने ।। तस्यां गतायां स नृपो मारबाणेन पीडितः
tīrthārthaṃ ca samaṃ pitrā saṃprāptā girijāvane || tasyāṃ gatāyāṃ sa nṛpo mārabāṇena pīḍitaḥ
Sanskrit only: no published translation is held for this verse.
महतीं मानसीं पीडां प्राप्तवान्मोहमागतः ।। उन्मादीव ततो भूत्वा खाद्यपानविवर्जितः
mahatīṃ mānasīṃ pīḍāṃ prāptavānmohamāgataḥ || unmādīva tato bhūtvā khādyapānavivarjitaḥ
Sanskrit only: no published translation is held for this verse.
ध्यात्वा पद्मावतीं बालां मौनव्रतमचीकरत् ।। तदा कोलाहलो जातः प्रतापमुकुटांतिके
dhyātvā padmāvatīṃ bālāṃ maunavratamacīkarat || tadā kolāhalo jātaḥ pratāpamukuṭāṃtike
Sanskrit only: no published translation is held for this verse.
कुमारः कां दशां प्राप्त इति हाहेति सर्वतः ।। त्रिदिनांते मंत्रिसुतो बुद्धि दक्षो विशारदः
kumāraḥ kāṃ daśāṃ prāpta iti hāheti sarvataḥ || tridināṃte maṃtrisuto buddhi dakṣo viśāradaḥ
Sanskrit only: no published translation is held for this verse.
अब्रवीद्वज्रमुकुटं सत्यं कथय भूपते ।। स आह कारणं सर्वं यथा जातं सरोवरे
abravīdvajramukuṭaṃ satyaṃ kathaya bhūpate || sa āha kāraṇaṃ sarvaṃ yathā jātaṃ sarovare
Sanskrit only: no published translation is held for this verse.
तच्छ्रुत्वा बुद्धिदक्षश्च विहस्याह महीपतिम् ।। महाकष्टेन सा देवी मित्रत्वं हि गमिष्यति
tacchrutvā buddhidakṣaśca vihasyāha mahīpatim || mahākaṣṭena sā devī mitratvaṃ hi gamiṣyati
Sanskrit only: no published translation is held for this verse.
करणाटकभूपस्य दंतवक्त्रस्य सा सुता ।। पद्मावतीति विख्याता दधती त्वां स्वमानसे
karaṇāṭakabhūpasya daṃtavaktrasya sā sutā || padmāvatīti vikhyātā dadhatī tvāṃ svamānase
Sanskrit only: no published translation is held for this verse.
पुष्पभावेन ज्ञात्वाहं त्वां नयामि तदंतिके ।। इत्युक्त्वा तस्य पितरं प्रतापमुकुटं प्रति
puṣpabhāvena jñātvāhaṃ tvāṃ nayāmi tadaṃtike || ityuktvā tasya pitaraṃ pratāpamukuṭaṃ prati
Sanskrit only: no published translation is held for this verse.
आहाज्ञां देहि भूपाल यास्येहं कारणाटके ।। त्वत्सुतस्य चिकित्सार्थं स वज्रमुकुटोऽचिरम्
āhājñāṃ dehi bhūpāla yāsyehaṃ kāraṇāṭake || tvatsutasya cikitsārthaṃ sa vajramukuṭo'ciram
Sanskrit only: no published translation is held for this verse.
आयामि नाऽत्र सन्देहो यदि जीवयसे सुतम् ।। तथेति मत्वा स नृपः प्रादात्पुत्रं च मन्त्रिणे
āyāmi nā'tra sandeho yadi jīvayase sutam || tatheti matvā sa nṛpaḥ prādātputraṃ ca mantriṇe
Sanskrit only: no published translation is held for this verse.
हयारूढौ गतौ शीघ्रं दंतवक्त्रस्य पत्तने ।। काचिद्वृद्धा स्थिता तत्र तस्या गेहं च तौ गतौ
hayārūḍhau gatau śīghraṃ daṃtavaktrasya pattane || kācidvṛddhā sthitā tatra tasyā gehaṃ ca tau gatau
Sanskrit only: no published translation is held for this verse.
बहुद्रव्यं ददौ तस्यै बुद्धिदक्षो विशारदः ।। ऊषतुर्मंदिरे तस्मिन्रात्रिं घोरतमोवृताम्
bahudravyaṃ dadau tasyai buddhidakṣo viśāradaḥ || ūṣaturmaṃdire tasminrātriṃ ghoratamovṛtām
Sanskrit only: no published translation is held for this verse.
प्रातःकाले तु सा वृद्धा गच्छती राजमन्दिरम् ।। तामाह मन्त्रितनयः शृणु मातर्वचो मम
prātaḥkāle tu sā vṛddhā gacchatī rājamandiram || tāmāha mantritanayaḥ śṛṇu mātarvaco mama
Sanskrit only: no published translation is held for this verse.
पद्मावतीं च संप्राप्यैकांते मद्वचनं वद ।। ज्येष्ठशुक्लस्य पञ्चम्यामिंदुवारे सरोवरे
padmāvatīṃ ca saṃprāpyaikāṃte madvacanaṃ vada || jyeṣṭhaśuklasya pañcamyāmiṃduvāre sarovare
Sanskrit only: no published translation is held for this verse.
यो दृष्टः पुरुषो रम्यस्त्वदर्थे समुपागतः।। इति श्रुत्वा ययौ वृद्धा पद्मं तस्यै न्यवेदयत्
yo dṛṣṭaḥ puruṣo ramyastvadarthe samupāgataḥ|| iti śrutvā yayau vṛddhā padmaṃ tasyai nyavedayat
Sanskrit only: no published translation is held for this verse.
रुष्टा पद्मावती प्राह चंदनार्द्रांगुलीयिका ।। गच्छ गच्छ महादुष्टे तलेनोरस्यताडयत्
ruṣṭā padmāvatī prāha caṃdanārdrāṃgulīyikā || gaccha gaccha mahāduṣṭe talenorasyatāḍayat
Sanskrit only: no published translation is held for this verse.
अंगुलीभिः कपोलौ च तस्याः स्पृष्ट्वा ययौ गृहम् ।। सा तु वृद्धा बुद्धिदक्षं सर्वं भावं न्यवेदयत् ।।
aṃgulībhiḥ kapolau ca tasyāḥ spṛṣṭvā yayau gṛham || sā tu vṛddhā buddhidakṣaṃ sarvaṃ bhāvaṃ nyavedayat ||
Sanskrit only: no published translation is held for this verse.
स मित्रं दुःखितं प्राह शृणु मित्र शुचं त्यज ।। त्वामाह भूपतेः कन्या प्राणप्रिय वचः शृणु
sa mitraṃ duḥkhitaṃ prāha śṛṇu mitra śucaṃ tyaja || tvāmāha bhūpateḥ kanyā prāṇapriya vacaḥ śṛṇu
Sanskrit only: no published translation is held for this verse.
त्वदर्थे ताडितं वक्षः कदा मित्रं भविष्यसि।। श्रुत्वा तन्मधुरं वाक्यं रजो देहे समागतम्
tvadarthe tāḍitaṃ vakṣaḥ kadā mitraṃ bhaviṣyasi|| śrutvā tanmadhuraṃ vākyaṃ rajo dehe samāgatam
Sanskrit only: no published translation is held for this verse.
रजस्वलांते भो मित्र तवास्यं चुंबितास्म्यहम् ।। इति श्रुत्वा भूपसुतः परमानन्दमाययौ
rajasvalāṃte bho mitra tavāsyaṃ cuṃbitāsmyaham || iti śrutvā bhūpasutaḥ paramānandamāyayau
Sanskrit only: no published translation is held for this verse.
त्रिदिनांते तु सा वृद्धा पद्मावत्यै न्यवेदयेत् ।। त्वामुत्सुकः स भूपालस्तव दर्शनलालसः
tridināṃte tu sā vṛddhā padmāvatyai nyavedayet || tvāmutsukaḥ sa bhūpālastava darśanalālasaḥ
Sanskrit only: no published translation is held for this verse.
तं भजस्वाद्य सुश्रोणि सफलं जीवनं कुरु ।। इति श्रुत्वा महाहृष्टा सा मस्यार्द्रांगुलीयकम्
taṃ bhajasvādya suśroṇi saphalaṃ jīvanaṃ kuru || iti śrutvā mahāhṛṣṭā sā masyārdrāṃgulīyakam
Sanskrit only: no published translation is held for this verse.
गवाक्षद्वारि निष्कास्य तले पृष्ठे च ताडिता ।। तथैव वृद्धा तं प्राप्य मन्त्रिणं चाब्रवीद्वचः
gavākṣadvāri niṣkāsya tale pṛṣṭhe ca tāḍitā || tathaiva vṛddhā taṃ prāpya mantriṇaṃ cābravīdvacaḥ
Sanskrit only: no published translation is held for this verse.
प्रसन्नो बुद्धिदक्षश्च मित्रं प्राह शृणुष्व भोः ।। पश्चिमे दिशि भोः स्वामिन्गवाक्षं तव निर्मितम्
prasanno buddhidakṣaśca mitraṃ prāha śṛṇuṣva bhoḥ || paścime diśi bhoḥ svāmingavākṣaṃ tava nirmitam
Sanskrit only: no published translation is held for this verse.
अर्द्धरात्रे तु संप्राप्य भज मां कामविह्वलाम् ।। श्रुत्वा तद्वज्रमुकुटः प्रियादर्शनलालसः
arddharātre tu saṃprāpya bhaja māṃ kāmavihvalām || śrutvā tadvajramukuṭaḥ priyādarśanalālasaḥ
Sanskrit only: no published translation is held for this verse.
ययौ शीघ्रं महाकामी रमणीं तामरामयत् ।। मासांते कामशिथिलो मित्रदर्शनलालसः
yayau śīghraṃ mahākāmī ramaṇīṃ tāmarāmayat || māsāṃte kāmaśithilo mitradarśanalālasaḥ
Sanskrit only: no published translation is held for this verse.
पद्मावतीं प्रियां प्राह शृणु वाक्यं वरानने ।। येन प्राप्तवती मह्यं त्वं सुभ्रूः सुरदुर्लभा
padmāvatīṃ priyāṃ prāha śṛṇu vākyaṃ varānane || yena prāptavatī mahyaṃ tvaṃ subhrūḥ suradurlabhā
Sanskrit only: no published translation is held for this verse.
तन्मित्रं बुद्धिदक्षश्च किं नु तिष्ठति सांप्रतम् ।। आज्ञां देहि प्रिये मह्यं दृष्ट्वायास्यामि तेंऽतिकम्
tanmitraṃ buddhidakṣaśca kiṃ nu tiṣṭhati sāṃpratam || ājñāṃ dehi priye mahyaṃ dṛṣṭvāyāsyāmi teṃ'tikam
Sanskrit only: no published translation is held for this verse.
इति श्रुत्वा वचस्तस्य निष्ठुरं कुलिशोपमम् ।। मिष्टान्नं सविषं कृत्वा मंत्रिणे सा न्यवेदयत्
iti śrutvā vacastasya niṣṭhuraṃ kuliśopamam || miṣṭānnaṃ saviṣaṃ kṛtvā maṃtriṇe sā nyavedayat
Sanskrit only: no published translation is held for this verse.
तदा तु बुद्धिदक्षश्च चित्रगुप्तप्रपूजकः ।। ज्ञात्वा तत्कारणं सर्वं न तु भक्षितवान्स्वयम्
tadā tu buddhidakṣaśca citraguptaprapūjakaḥ || jñātvā tatkāraṇaṃ sarvaṃ na tu bhakṣitavānsvayam
Sanskrit only: no published translation is held for this verse.
एतस्मिन्नन्तरे प्राप्तो भूपतिस्त्वरयान्वितः ।। विवेकवन्तं मित्रं तं दृष्ट्वा प्राह रुषान्वितः
etasminnantare prāpto bhūpatistvarayānvitaḥ || vivekavantaṃ mitraṃ taṃ dṛṣṭvā prāha ruṣānvitaḥ
Sanskrit only: no published translation is held for this verse.
कस्मान्न खादितं मित्र भोजनं मत्प्रियाकृतम् ।। विहस्य बुद्धिदक्षस्तु सारमेये ददौ हि तत्
kasmānna khāditaṃ mitra bhojanaṃ matpriyākṛtam || vihasya buddhidakṣastu sārameye dadau hi tat
Sanskrit only: no published translation is held for this verse.
भुक्त्वा स मरणं प्राप्तः स दृष्ट्वा विस्मितो नृपः ।। स्त्रीचरित्रं च विज्ञाय स्नेहं त्यक्त्वाऽब्रवीत्तु तम्
bhuktvā sa maraṇaṃ prāptaḥ sa dṛṣṭvā vismito nṛpaḥ || strīcaritraṃ ca vijñāya snehaṃ tyaktvā'bravīttu tam
Sanskrit only: no published translation is held for this verse.
मित्र गच्छ गृहं शीघ्रं मया त्यक्ता च पापिनी ।। स आह शृणु भूपाल गच्छ शीघ्रं प्रियांतिकम्
mitra gaccha gṛhaṃ śīghraṃ mayā tyaktā ca pāpinī || sa āha śṛṇu bhūpāla gaccha śīghraṃ priyāṃtikam
Sanskrit only: no published translation is held for this verse.
तदलंकारमाहृत्य त्रिशूलं कुरु जानुनि ।। प्रसुप्तां त्यज भो मित्र याहि त्वं मा विचारय
tadalaṃkāramāhṛtya triśūlaṃ kuru jānuni || prasuptāṃ tyaja bho mitra yāhi tvaṃ mā vicāraya
Sanskrit only: no published translation is held for this verse.
इति श्रुत्वा ययौ भूपस्तथा कृत्वा समागतः ।। स्वमित्रेण ययौ सार्धं स्मशाने रुद्रमण्डपे
iti śrutvā yayau bhūpastathā kṛtvā samāgataḥ || svamitreṇa yayau sārdhaṃ smaśāne rudramaṇḍape
Sanskrit only: no published translation is held for this verse.
शिष्यं कृत्वा नृपं तं स योगिरूपो हि भूषणम् ।। विक्रयार्थं ददौ तस्मै स्वमित्राय स बुद्धिमान्
śiṣyaṃ kṛtvā nṛpaṃ taṃ sa yogirūpo hi bhūṣaṇam || vikrayārthaṃ dadau tasmai svamitrāya sa buddhimān
Sanskrit only: no published translation is held for this verse.
स वज्रमुकुटो मत्वा तदाज्ञां नगरं गतः ।। चोरोयमिति तं मत्वा बद्ध्वा राज्ञो हि रक्षिणः
sa vajramukuṭo matvā tadājñāṃ nagaraṃ gataḥ || coroyamiti taṃ matvā baddhvā rājño hi rakṣiṇaḥ
Sanskrit only: no published translation is held for this verse.
शीघ्रं निवेदयामासुर्दन्तवक्त्रस्तमब्रवीत् ।। क्व प्राप्तं भूषणं रम्यं सर्वं कथय पूरुष
śīghraṃ nivedayāmāsurdantavaktrastamabravīt || kva prāptaṃ bhūṣaṇaṃ ramyaṃ sarvaṃ kathaya pūruṣa
Sanskrit only: no published translation is held for this verse.
जटिलः प्राह भो राजन्श्मशाने मद्गुरुः स्थितः ।। तेन दत्तं विक्रयार्थं भूषणं स्वर्णगुंठितम्
jaṭilaḥ prāha bho rājanśmaśāne madguruḥ sthitaḥ || tena dattaṃ vikrayārthaṃ bhūṣaṇaṃ svarṇaguṃṭhitam
Sanskrit only: no published translation is held for this verse.
इति श्रुत्वा स नृपतिस्तूर्णमाहूय तद्गुरुम् ।। भूषणं पृष्टवान्राजा योगी प्राह शृणुष्व भोः
iti śrutvā sa nṛpatistūrṇamāhūya tadgurum || bhūṣaṇaṃ pṛṣṭavānrājā yogī prāha śṛṇuṣva bhoḥ
Sanskrit only: no published translation is held for this verse.
स्मशाने संधितं मंत्रं मया योगिस्वरूपिणा ।। पिशाची प्रापिता काचित्तस्याश्चिह्नं मया कृतम्
smaśāne saṃdhitaṃ maṃtraṃ mayā yogisvarūpiṇā || piśācī prāpitā kācittasyāścihnaṃ mayā kṛtam
Sanskrit only: no published translation is held for this verse.
वामजानुनि शूलेन तया दत्तं हि भूषणम् ।। ज्ञात्वा तत्कारणं राजा सुता निष्कासिता गृहात्
vāmajānuni śūlena tayā dattaṃ hi bhūṣaṇam || jñātvā tatkāraṇaṃ rājā sutā niṣkāsitā gṛhāt
Sanskrit only: no published translation is held for this verse.
स वज्रमुकुटस्तां तु गृहीत्वा गृहमाययौ ।। विहस्य प्राह वैतालः शृणु विक्रमभूपते
sa vajramukuṭastāṃ tu gṛhītvā gṛhamāyayau || vihasya prāha vaitālaḥ śṛṇu vikramabhūpate
Sanskrit only: no published translation is held for this verse.
कस्मै पापं महत्प्राप्तं चतुर्णा मे वदाधुना ।। ।। सूत उवाच इति श्रुत्वा वचस्तस्य विक्रमो नाम भूपतिः
kasmai pāpaṃ mahatprāptaṃ caturṇā me vadādhunā || || sūta uvāca iti śrutvā vacastasya vikramo nāma bhūpatiḥ
Sanskrit only: no published translation is held for this verse.
विहस्य भार्गवं प्राह प्राप्तं पापं हि भूपतेः ।। मित्रकार्यममात्येन स्वामिकार्यं च रक्षिभिः
vihasya bhārgavaṃ prāha prāptaṃ pāpaṃ hi bhūpateḥ || mitrakāryamamātyena svāmikāryaṃ ca rakṣibhiḥ
Sanskrit only: no published translation is held for this verse.
भूप पुत्रेणार्थसिद्धं कृतं तस्माच्च भूपतेः ।। महत्पापं च संप्राप्तं तेनासौ नरकं गतः
bhūpa putreṇārthasiddhaṃ kṛtaṃ tasmācca bhūpateḥ || mahatpāpaṃ ca saṃprāptaṃ tenāsau narakaṃ gataḥ
Sanskrit only: no published translation is held for this verse.
रजोवतीं सुतां दृष्ट्वा न विवाहेत यो नरः ।। स पापी नरकं याति षष्टिवर्षसहस्रकम्
rajovatīṃ sutāṃ dṛṣṭvā na vivāheta yo naraḥ || sa pāpī narakaṃ yāti ṣaṣṭivarṣasahasrakam
Sanskrit only: no published translation is held for this verse.
गांधर्वं च विवाहं वै कामिन्या च कृतं यया ।। तस्या विघ्नकरो यो वै स पापी यमपीडितः
gāṃdharvaṃ ca vivāhaṃ vai kāminyā ca kṛtaṃ yayā || tasyā vighnakaro yo vai sa pāpī yamapīḍitaḥ
Sanskrit only: no published translation is held for this verse.
अदृष्टदोषां यः कन्यां विवेकेन विना त्यजेत् ।। स पापी नरकं याति लक्षवर्षप्रमाणकम्
adṛṣṭadoṣāṃ yaḥ kanyāṃ vivekena vinā tyajet || sa pāpī narakaṃ yāti lakṣavarṣapramāṇakam
Sanskrit only: no published translation is held for this verse.
इति श्रुत्वा? स वैतालो धर्मगाथां नृपेरिताम् ।। प्रसन्नहृदयः प्राह भूपतिं धर्मतत्परम्
iti śrutvā? sa vaitālo dharmagāthāṃ nṛperitām || prasannahṛdayaḥ prāha bhūpatiṃ dharmatatparam
Sanskrit only: no published translation is held for this verse.