तस्याथ पुत्रमिथुनं बभूवाभिजितः किल । आहुकश्चाहुकी चैव ख्यातौ मतिमतां वरौ
tasyātha putramithunaṃ babhūvābhijitaḥ kila / āhukaścāhukī caiva khyātau matimatāṃ varau
Sanskrit only: no published translation is held for this verse.
Library·Brahmāṇḍa Purāṇa·2·2.71
Brahmāṇḍa Purāṇa 2.71
इमांश्चोदा हरन्त्यत्र श्लोकान्प्रति तमाहुकम् । सोपासांगानुकर्षाणां सध्वजानां वरूथिनाम्
imāṃścodā harantyatra ślokānprati tamāhukam / sopāsāṃgānukarṣāṇāṃ sadhvajānāṃ varūthinām
Sanskrit only: no published translation is held for this verse.
रथानां मेघघोषाणां महस्राणि दशैव तु । नासत्यवादी चासीत्तु नायज्ञो नासहस्रदः
rathānāṃ meghaghoṣāṇāṃ mahasrāṇi daśaiva tu / nāsatyavādī cāsīttu nāyajño nāsahasradaḥ
Sanskrit only: no published translation is held for this verse.
नाशुचिर्नाप्यधर्मात्मा नाविद्वान्न कृशो ऽभवत् । आर्द्रकस्य धृतिः पुत्र इत्येवमनुशुश्रुम्
nāśucirnāpyadharmātmā nāvidvānna kṛśo 'bhavat / ārdrakasya dhṛtiḥ putra ityevamanuśuśrum
Sanskrit only: no published translation is held for this verse.
स तेन परिवारेण किशोरप्रतिमान्हयान् । अशीतिमश्वनियुतान्याहुको ऽप्रतिमो व्रजन्
sa tena parivāreṇa kiśorapratimānhayān / aśītimaśvaniyutānyāhuko 'pratimo vrajan
Sanskrit only: no published translation is held for this verse.
पूर्वस्यां दिशि नागानां भोजस्य त्वतिभावयन् । रूप्यकाञ्चनकक्षाणां स्रहस्राण्येकविंशतिः
pūrvasyāṃ diśi nāgānāṃ bhojasya tvatibhāvayan / rūpyakāñcanakakṣāṇāṃ srahasrāṇyekaviṃśatiḥ
Sanskrit only: no published translation is held for this verse.
तावन्त्येव सहस्राणि उत्तरस्यां तथादिशि । भूमिपालस्य भोजस्य उत्तिष्टेत्किङ्कणी किल
tāvantyeva sahasrāṇi uttarasyāṃ tathādiśi / bhūmipālasya bhojasya uttiṣṭetkiṅkaṇī kila
Sanskrit only: no published translation is held for this verse.
आहुकश्चाप्यवन्तीषु स्वसारं त्वाहुकीं ददौ । आहुकात्काश्यदुहितुर्द्वै पुत्रौ संबभूवतुः
āhukaścāpyavantīṣu svasāraṃ tvāhukīṃ dadau / āhukātkāśyaduhiturdvai putrau saṃbabhūvatuḥ
Sanskrit only: no published translation is held for this verse.
देवकश्चोग्रसेनश्च देवगर्भसमावुभौ । देवकस्य सुता वीरा जज्ञिरे त्रिदशोपमाः
devakaścograsenaśca devagarbhasamāvubhau / devakasya sutā vīrā jajñire tridaśopamāḥ
Sanskrit only: no published translation is held for this verse.
देववानुपदेवश्च सुदेवो देवरक्षितः । तेषां स्वसारः सप्तासन्वसुदेवाय ता ददौ
devavānupadevaśca sudevo devarakṣitaḥ / teṣāṃ svasāraḥ saptāsanvasudevāya tā dadau
Sanskrit only: no published translation is held for this verse.
धृतदेवोपदेवा च तथान्या देवरक्षिता । श्रीदेवा शान्तिदेवा च सहदेवा तथापरा
dhṛtadevopadevā ca tathānyā devarakṣitā / śrīdevā śāntidevā ca sahadevā tathāparā
Sanskrit only: no published translation is held for this verse.
सप्तमी देवकी तासां सानुजा चारुदर्शना । नवोग्रसेनस्य सुताः कंसस्तेषां तु पूर्वजः
saptamī devakī tāsāṃ sānujā cārudarśanā / navograsenasya sutāḥ kaṃsasteṣāṃ tu pūrvajaḥ
Sanskrit only: no published translation is held for this verse.
न्यग्रो दश्च सुनामा च कङ्कशङ्कुसुभूमयः । सुतनू राष्ट्रपालश्च युद्धतुष्टश्च तुष्टिमान्
nyagro daśca sunāmā ca kaṅkaśaṅkusubhūmayaḥ / sutanū rāṣṭrapālaśca yuddhatuṣṭaśca tuṣṭimān
Sanskrit only: no published translation is held for this verse.
तेषां स्वसारः पञ्चैव कंसा कंसवती तथा । सुतनू राष्ट्रपाली च कङ्का चैव वराङ्गना
teṣāṃ svasāraḥ pañcaiva kaṃsā kaṃsavatī tathā / sutanū rāṣṭrapālī ca kaṅkā caiva varāṅganā
Sanskrit only: no published translation is held for this verse.
उग्रसेनो महापत्यो व्याख्यातः कुकुरोद्भवः । कुकुराणामिमं वंशं धारयन्नमितौजसाम्
ugraseno mahāpatyo vyākhyātaḥ kukurodbhavaḥ / kukurāṇāmimaṃ vaṃśaṃ dhārayannamitaujasām
Sanskrit only: no published translation is held for this verse.
आत्मनोविपुलं वंशं प्रजावांश्च भवेन्नरः । भजमानस्य पुत्रस्तु रथिमुख्यो विदूरथः
ātmanovipulaṃ vaṃśaṃ prajāvāṃśca bhavennaraḥ / bhajamānasya putrastu rathimukhyo vidūrathaḥ
Sanskrit only: no published translation is held for this verse.
राजाधिदेवः शूरश्च विदूरथसुतो ऽभवत् । तस्य शूरस्य तु सुता जज्ञिरे बलवत्तराः
rājādhidevaḥ śūraśca vidūrathasuto 'bhavat / tasya śūrasya tu sutā jajñire balavattarāḥ
Sanskrit only: no published translation is held for this verse.
वातश्चैव निवातश्च शोणितः श्वेतवाहनः । शमी च गदवर्मा च निदान्तः खलु शत्रुजित्
vātaścaiva nivātaśca śoṇitaḥ śvetavāhanaḥ / śamī ca gadavarmā ca nidāntaḥ khalu śatrujit
Sanskrit only: no published translation is held for this verse.
शमीपुत्रः प्रतिक्षत्रः प्रतिक्षत्रस्य चात्मजः । स्वयंभोजः स्वयंभोजाद्धृदिकः संबभूव ह
śamīputraḥ pratikṣatraḥ pratikṣatrasya cātmajaḥ / svayaṃbhojaḥ svayaṃbhojāddhṛdikaḥ saṃbabhūva ha
Sanskrit only: no published translation is held for this verse.
हृदिकस्य सुतास्त्वासन्दश भीमपराक्रमाः । कृतवर्माग्रजस्तेषां शतधन्वा तु मध्यमः
hṛdikasya sutāstvāsandaśa bhīmaparākramāḥ / kṛtavarmāgrajasteṣāṃ śatadhanvā tu madhyamaḥ
Sanskrit only: no published translation is held for this verse.
देवबाहुस्सुबाहुश्च भिषक्श्वेतरथश्च यः । सुदान्तश्चाधिदान्तश्च कनकः कनकोद्भवः
devabāhussubāhuśca bhiṣakśvetarathaśca yaḥ / sudāntaścādhidāntaśca kanakaḥ kanakodbhavaḥ
Sanskrit only: no published translation is held for this verse.
देवबाहोस्सुतो विद्वाञ्जज्ञे कंबलबर्हिषः । असमौजाः सुतस्तस्य सुसमौजाश्च विश्रुतः
devabāhossuto vidvāñjajñe kaṃbalabarhiṣaḥ / asamaujāḥ sutastasya susamaujāśca viśrutaḥ
Sanskrit only: no published translation is held for this verse.
अजातपुत्राय ततः प्रददावसमौजसे । सुचन्द्रं वसुरूपं च कृष्ण इत्यन्धकाः स्मृताः
ajātaputrāya tataḥ pradadāvasamaujase / sucandraṃ vasurūpaṃ ca kṛṣṇa ityandhakāḥ smṛtāḥ
Sanskrit only: no published translation is held for this verse.
अन्धकानामिमं वंशं कीर्त्तयेद्यस्तु नित्यशः । आत्मनो विपुलं वंशं लभते नात्र संशयः
andhakānāmimaṃ vaṃśaṃ kīrttayedyastu nityaśaḥ / ātmano vipulaṃ vaṃśaṃ labhate nātra saṃśayaḥ
Sanskrit only: no published translation is held for this verse.
अश्मक्यां जनयामास शूरं वै देव मीढुषम् । मारिष्यां जज्ञिरे शूराद्भोजायां पुरुषा दश
aśmakyāṃ janayāmāsa śūraṃ vai deva mīḍhuṣam / māriṣyāṃ jajñire śūrādbhojāyāṃ puruṣā daśa
Sanskrit only: no published translation is held for this verse.
वसुदेवो महाबाहुः पूर्वमानकदुन्दुभिः । जज्ञे तस्य प्रसूतस्य दुन्दुभिः प्राणदद्दिवि
vasudevo mahābāhuḥ pūrvamānakadundubhiḥ / jajñe tasya prasūtasya dundubhiḥ prāṇadaddivi
Sanskrit only: no published translation is held for this verse.
आनकानां च संह्नादः सुमहानभवद्दिवि । पपात पुष्पवर्षं च शरस्य भवने महत्
ānakānāṃ ca saṃhnādaḥ sumahānabhavaddivi / papāta puṣpavarṣaṃ ca śarasya bhavane mahat
Sanskrit only: no published translation is held for this verse.
मनुष्यलोके कृत्स्ने ऽपि रूपे नास्ति समो भुवि । यस्यासीत्पुरुषाग्र्यस्य कान्तिश्चन्द्रमसो यथा
manuṣyaloke kṛtsne 'pi rūpe nāsti samo bhuvi / yasyāsītpuruṣāgryasya kāntiścandramaso yathā
Sanskrit only: no published translation is held for this verse.
देवभागस्ततो जज्ञे ततो देवश्रवाः पुनः । अनाधृष्टिवृकश्चैव नन्दनश्चैव सृंजयः
devabhāgastato jajñe tato devaśravāḥ punaḥ / anādhṛṣṭivṛkaścaiva nandanaścaiva sṛṃjayaḥ
Sanskrit only: no published translation is held for this verse.
श्यामः शमीको गण्डूषः स्वसारस्तु वरागनाः । पृथा च श्रुतदेवा च श्रुतकीर्तिः श्रुत श्रवाः
śyāmaḥ śamīko gaṇḍūṣaḥ svasārastu varāganāḥ / pṛthā ca śrutadevā ca śrutakīrtiḥ śruta śravāḥ
Sanskrit only: no published translation is held for this verse.
राजाधिदेवी च तथा पञ्चैता वीरमातरः । पृथां दुहितरं शूरः कुन्तिभोजाय वै ददौ
rājādhidevī ca tathā pañcaitā vīramātaraḥ / pṛthāṃ duhitaraṃ śūraḥ kuntibhojāya vai dadau
Sanskrit only: no published translation is held for this verse.
तस्मात्सा तु स्मृता कुन्ती कुन्तिभोजात्मजा पृथा । कुरुवीरः पाण्डुमुख्यस्तस्माद्भार्यामविन्दत
tasmātsā tu smṛtā kuntī kuntibhojātmajā pṛthā / kuruvīraḥ pāṇḍumukhyastasmādbhāryāmavindata
Sanskrit only: no published translation is held for this verse.
पुथा जज्ञे ततः पुत्रांस्त्रीनग्निसमतेजसः । लोके प्रतिरथान्वीराञ्छक्रतुल्यपराक्रमान्
puthā jajñe tataḥ putrāṃstrīnagnisamatejasaḥ / loke pratirathānvīrāñchakratulyaparākramān
Sanskrit only: no published translation is held for this verse.
धर्माद्युधिष्टिरं पुत्रं मारुताच्च वृकोदरम् । इन्द्राद्धनञ्जयं चैव पृथा पुत्रानजीचनत्
dharmādyudhiṣṭiraṃ putraṃ mārutācca vṛkodaram / indrāddhanañjayaṃ caiva pṛthā putrānajīcanat
Sanskrit only: no published translation is held for this verse.
माद्रवत्या तु जनितावश्विनाविति विश्रुतम् । नकुलः सहदेवश्च रुपसत्त्वगुणान्वितौ
mādravatyā tu janitāvaśvināviti viśrutam / nakulaḥ sahadevaśca rupasattvaguṇānvitau
Sanskrit only: no published translation is held for this verse.
जज्ञे तु श्रुतदेवायां तनयो वृद्धशर्मणः । करूषाधिपतेर्ंवीरो दन्तवक्रो महाबलः
jajñe tu śrutadevāyāṃ tanayo vṛddhaśarmaṇaḥ / karūṣādhipaterṃvīro dantavakro mahābalaḥ
Sanskrit only: no published translation is held for this verse.
कैकयाच्छ्रुतिकीर्त्यं तु जज्ञे संतर्दनो बली । चेकितानबृहत्क्षत्रौ तथैवान्यौ महाबलौ
kaikayācchrutikīrtyaṃ tu jajñe saṃtardano balī / cekitānabṛhatkṣatrau tathaivānyau mahābalau
Sanskrit only: no published translation is held for this verse.
विन्दानुविन्दावावन्त्यौ भ्रातरौ सुमहाबलौ । श्रुतश्रवायां चैद्यस्तु शिशुपालो बभूव ह
vindānuvindāvāvantyau bhrātarau sumahābalau / śrutaśravāyāṃ caidyastu śiśupālo babhūva ha
Sanskrit only: no published translation is held for this verse.
दमघोषस्य राजर्षेः पुत्रो विख्यातपौरुषः । यः पुरा सदशग्रीवः संबभूवारिमर्दनः
damaghoṣasya rājarṣeḥ putro vikhyātapauruṣaḥ / yaḥ purā sadaśagrīvaḥ saṃbabhūvārimardanaḥ
Sanskrit only: no published translation is held for this verse.
वैश्रवाणानुजस्तस्य कुंभकर्णो ऽनुजस्तथा पत्न्यस्तु वसुदेवस्य त्रयोदश वराङ्गनाः
vaiśravāṇānujastasya kuṃbhakarṇo 'nujastathā patnyastu vasudevasya trayodaśa varāṅganāḥ
Sanskrit only: no published translation is held for this verse.
पौरवी रोहिणी चैव मदिरा चापरा तथा । तथैव भद्रवैशाखी सुनाम्नी पञ्चमी तथा
pauravī rohiṇī caiva madirā cāparā tathā / tathaiva bhadravaiśākhī sunāmnī pañcamī tathā
Sanskrit only: no published translation is held for this verse.
सहदेवा शान्तिदेवा श्रीदेवा देवरक्षिता । धृतदेवोपदेवा च देवकी सप्तमी तथा
sahadevā śāntidevā śrīdevā devarakṣitā / dhṛtadevopadevā ca devakī saptamī tathā
Sanskrit only: no published translation is held for this verse.
सुगन्धा वनराजी च द्वेचान्ये परिचारिके । रोहिणी पौरवी चैव बाह्लीकस्यानुजाभवत्
sugandhā vanarājī ca dvecānye paricārike / rohiṇī pauravī caiva bāhlīkasyānujābhavat
Sanskrit only: no published translation is held for this verse.
ज्येष्ठा पत्नी महाभागदयिताऽनकदुन्दुभेः । ज्येष्ठे लेभे सुतं रामं सारणं हि शठं तथा
jyeṣṭhā patnī mahābhāgadayitā'nakadundubheḥ / jyeṣṭhe lebhe sutaṃ rāmaṃ sāraṇaṃ hi śaṭhaṃ tathā
Sanskrit only: no published translation is held for this verse.
दुर्दमं दमनं शुभ्रं पिण्डारककुशीतकौ । चित्रां नाम कुमारीं च रोहिण्यष्टौ व्यजायत
durdamaṃ damanaṃ śubhraṃ piṇḍārakakuśītakau / citrāṃ nāma kumārīṃ ca rohiṇyaṣṭau vyajāyata
Sanskrit only: no published translation is held for this verse.
पुत्रौ रामस्य जज्ञाते विज्ञातौ निशठोल्मुकौ । पार्श्वी च पार्श्वमर्दी च शिशुः सत्यधृतिस्तथा
putrau rāmasya jajñāte vijñātau niśaṭholmukau / pārśvī ca pārśvamardī ca śiśuḥ satyadhṛtistathā
Sanskrit only: no published translation is held for this verse.
मन्दबाह्यो ऽथ रामणाङ्गिरिको गिरिरेव च । शुल्कगुल्मो ऽतिगुल्मश्च दरिद्रान्तक एव च
mandabāhyo 'tha rāmaṇāṅgiriko girireva ca / śulkagulmo 'tigulmaśca daridrāntaka eva ca
Sanskrit only: no published translation is held for this verse.
कुमार्यश्चापि पञ्जान्या नामतस्ता निबोधत । अर्चिष्मती सुनन्दा च सुरसा सुवचास्तथा
kumāryaścāpi pañjānyā nāmatastā nibodhata / arciṣmatī sunandā ca surasā suvacāstathā
Sanskrit only: no published translation is held for this verse.
तथा शतबला चैव सारणस्य सुतास्त्विमाः । भद्राश्वो भद्रगुप्तिश्च भद्रविष्टस्तथैव च
tathā śatabalā caiva sāraṇasya sutāstvimāḥ / bhadrāśvo bhadraguptiśca bhadraviṣṭastathaiva ca
Sanskrit only: no published translation is held for this verse.
भद्रबाहुर्भद्ररथो भद्रकल्पस्तथैव च । सुपार्श्वकः कीर्त्तिमांश्च रोहिताश्वः शठात्मजाः
bhadrabāhurbhadraratho bhadrakalpastathaiva ca / supārśvakaḥ kīrttimāṃśca rohitāśvaḥ śaṭhātmajāḥ
Sanskrit only: no published translation is held for this verse.
दुर्मदस्याभिभूतश्च रोहिण्याः कुलजाः स्मृताः । नन्दोपनन्दौ मित्रश्च कुक्षिमित्रस्तथा बलः
durmadasyābhibhūtaśca rohiṇyāḥ kulajāḥ smṛtāḥ / nandopanandau mitraśca kukṣimitrastathā balaḥ
Sanskrit only: no published translation is held for this verse.
चित्रोपचित्रौ कृतकस्तुष्टिः पुष्टिरथापरः । मदिरायाः सुता एते वसुदेवाद्धिजज्ञिरे
citropacitrau kṛtakastuṣṭiḥ puṣṭirathāparaḥ / madirāyāḥ sutā ete vasudevāddhijajñire
Sanskrit only: no published translation is held for this verse.
उपबिंबो ऽथ बिंबश्च सत्त्वदन्तमहौजसौ । चत्वार एते विख्याता भद्रापुत्रा महाबलाः
upabiṃbo 'tha biṃbaśca sattvadantamahaujasau / catvāra ete vikhyātā bhadrāputrā mahābalāḥ
Sanskrit only: no published translation is held for this verse.
वैशाल्यामदधाच्छौरिः पुत्रं कौशिकमुत्तमम् । देवक्यां जज्ञिरे सौरेः सुषेणः कीर्त्तिमानपि
vaiśālyāmadadhācchauriḥ putraṃ kauśikamuttamam / devakyāṃ jajñire saureḥ suṣeṇaḥ kīrttimānapi
Sanskrit only: no published translation is held for this verse.
उदर्षिर्भद्रसेनश्च ऋजुदायश्च पञ्चमः । षष्ठो हि भद्रदेवश्च कंसः सर्वाञ्जघान तान्
udarṣirbhadrasenaśca ṛjudāyaśca pañcamaḥ / ṣaṣṭho hi bhadradevaśca kaṃsaḥ sarvāñjaghāna tān
Sanskrit only: no published translation is held for this verse.
अथ तस्या मवस्थाया आयुष्मान्संबभूव ह । लोकनाथः पुनर्विष्णुः पूर्वं कृष्णः प्रजापतिः
atha tasyā mavasthāyā āyuṣmānsaṃbabhūva ha / lokanāthaḥ punarviṣṇuḥ pūrvaṃ kṛṣṇaḥ prajāpatiḥ
Sanskrit only: no published translation is held for this verse.
अनुजाताभवकृष्णात्सुभद्रा भद्रभाषिणी । कृष्णा सुभद्रेति पुनर्व्याख्याता वृष्णिनन्दिनी
anujātābhavakṛṣṇātsubhadrā bhadrabhāṣiṇī / kṛṣṇā subhadreti punarvyākhyātā vṛṣṇinandinī
Sanskrit only: no published translation is held for this verse.
सुभद्रायां रथी पार्थादभिमन्युरजायत । वसुदेवस्य भार्यासु महाभागासु सप्तसु
subhadrāyāṃ rathī pārthādabhimanyurajāyata / vasudevasya bhāryāsu mahābhāgāsu saptasu
Sanskrit only: no published translation is held for this verse.
ये पुत्रा जज्ञिरे शुरा नामतस्तान्निबोधत । पूर्वाद्याः सहदेवायां शूराद्वै जज्ञिरे सुताः
ye putrā jajñire śurā nāmatastānnibodhata / pūrvādyāḥ sahadevāyāṃ śūrādvai jajñire sutāḥ
Sanskrit only: no published translation is held for this verse.
शान्तिदेवा जनस्तम्बं शौरेर्जज्ञे कुलोद्वहम् । आगावहो महात्मा च वृकदेव्या मजायत
śāntidevā janastambaṃ śaurerjajñe kulodvaham / āgāvaho mahātmā ca vṛkadevyā majāyata
Sanskrit only: no published translation is held for this verse.
श्रीदेवायां स्वयं जज्ञे मन्दको नाम नामतः । उपासंगं वसुं चापि तनयौ देवरक्षिता
śrīdevāyāṃ svayaṃ jajñe mandako nāma nāmataḥ / upāsaṃgaṃ vasuṃ cāpi tanayau devarakṣitā
Sanskrit only: no published translation is held for this verse.
एवं दश सुतास्तस्य कंसस्तानप्यघातयत् । विजयं रोचनं चैव वर्द्धमानं च देवलम्
evaṃ daśa sutāstasya kaṃsastānapyaghātayat / vijayaṃ rocanaṃ caiva varddhamānaṃ ca devalam
Sanskrit only: no published translation is held for this verse.
एतान्महात्मनः पुत्रान्सुषाव शिशिरावती । सप्तमी देवकी पुत्रं सुनामानमसूयत
etānmahātmanaḥ putrānsuṣāva śiśirāvatī / saptamī devakī putraṃ sunāmānamasūyata
Sanskrit only: no published translation is held for this verse.
गवेषणं महाभागं संग्रामे चित्रयोधिनम् । श्राद्धदेव्यां पुरोद्याने वने तु विचरन्द्विजाः
gaveṣaṇaṃ mahābhāgaṃ saṃgrāme citrayodhinam / śrāddhadevyāṃ purodyāne vane tu vicarandvijāḥ
Sanskrit only: no published translation is held for this verse.
वैश्यायामदधाच्छौरिः पुत्रं कौशिकमव्ययम् । सुगन्धी वनराजी च शौरेरास्तां परिग्रहौ
vaiśyāyāmadadhācchauriḥ putraṃ kauśikamavyayam / sugandhī vanarājī ca śaurerāstāṃ parigrahau
Sanskrit only: no published translation is held for this verse.
पुण्डश्च कपिलश्चैव सुगन्ध्याश्चात्मजौ तु तौ । तयो राजाभवत्पुण्ड्रः कपिलस्तु वनं ययौ
puṇḍaśca kapilaścaiva sugandhyāścātmajau tu tau / tayo rājābhavatpuṇḍraḥ kapilastu vanaṃ yayau
Sanskrit only: no published translation is held for this verse.
अन्यस्यामभवद्वीरो वसुदेवात्मजो बली । जरा नाम निषादो ऽसौ प्रथमः स धनुर्द्धरः
anyasyāmabhavadvīro vasudevātmajo balī / jarā nāma niṣādo 'sau prathamaḥ sa dhanurddharaḥ
Sanskrit only: no published translation is held for this verse.
विख्यातो देवभाग्यस्य महाभागः सुतो ऽभवत् । पण्डितानां मतं प्राहुर्देवश्रवसमुद्भवम्
vikhyāto devabhāgyasya mahābhāgaḥ suto 'bhavat / paṇḍitānāṃ mataṃ prāhurdevaśravasamudbhavam
Sanskrit only: no published translation is held for this verse.
अश्मक्यां लभते पुत्रमनाधृष्टिर्यशास्विनम् । निवृत्तशत्रुं शत्रुघ्नं श्राद्धदेवं महाबलम्
aśmakyāṃ labhate putramanādhṛṣṭiryaśāsvinam / nivṛttaśatruṃ śatrughnaṃ śrāddhadevaṃ mahābalam
Sanskrit only: no published translation is held for this verse.
व्यजायत श्राद्धदेवो नैषादिर्यः पारिश्रुतः । एकलव्यो महाभागो निषादैः परिवर्द्धितः
vyajāyata śrāddhadevo naiṣādiryaḥ pāriśrutaḥ / ekalavyo mahābhāgo niṣādaiḥ parivarddhitaḥ
Sanskrit only: no published translation is held for this verse.
गण्डूषायानपत्याय कृष्णस्तुष्टो ऽददात्सुतौ । चारुदेष्णं च सांबं च कृतास्त्रौ शस्तलक्षणौ
gaṇḍūṣāyānapatyāya kṛṣṇastuṣṭo 'dadātsutau / cārudeṣṇaṃ ca sāṃbaṃ ca kṛtāstrau śastalakṣaṇau
Sanskrit only: no published translation is held for this verse.
रन्तिश्च रन्तिपालश्च द्वौ पुत्रौ नन्दनस्य च । वृकाय वै त्वपुत्राय वसुदेवः प्रतापवान्
rantiśca rantipālaśca dvau putrau nandanasya ca / vṛkāya vai tvaputrāya vasudevaḥ pratāpavān
Sanskrit only: no published translation is held for this verse.
सौमिं ददौ सुत वीरं शौरिः कौशिकमेव च । सृंजयस्य धनुश्चैव विरजाश्च सुताविमौ
saumiṃ dadau suta vīraṃ śauriḥ kauśikameva ca / sṛṃjayasya dhanuścaiva virajāśca sutāvimau
Sanskrit only: no published translation is held for this verse.
अनपत्यो ऽभवच्छ्यामः शमीकस्तु वनं ययौ । जुगुप्समानो भोजत्वं राजर्षित्वमवाप्तवान्
anapatyo 'bhavacchyāmaḥ śamīkastu vanaṃ yayau / jugupsamāno bhojatvaṃ rājarṣitvamavāptavān
Sanskrit only: no published translation is held for this verse.
य इदं जन्म कृष्णस्य पठते नियतव्रतः । श्रावयेद्ब्राह्मणंवापि स महात्सुखमवाप्नुयात्
ya idaṃ janma kṛṣṇasya paṭhate niyatavrataḥ / śrāvayedbrāhmaṇaṃvāpi sa mahātsukhamavāpnuyāt
Sanskrit only: no published translation is held for this verse.
देवदेवो महातेजाः पूर्वं कृष्णः प्रजापतिः । विहारार्थं मनुष्येषु जज्ञे नारायणः प्रभुः
devadevo mahātejāḥ pūrvaṃ kṛṣṇaḥ prajāpatiḥ / vihārārthaṃ manuṣyeṣu jajñe nārāyaṇaḥ prabhuḥ
Sanskrit only: no published translation is held for this verse.
देवक्यां वसुदेवेन तपसा पुष्करेक्षणः । चतुर्बाहुस्तु संजज्ञे दिव्यरूपश्रियान्वितः
devakyāṃ vasudevena tapasā puṣkarekṣaṇaḥ / caturbāhustu saṃjajñe divyarūpaśriyānvitaḥ
Sanskrit only: no published translation is held for this verse.
प्रकाश्यो भगवान्योगी कृष्णो मानुषतां गतः । अव्यक्तो व्यक्तलिङ्गश्च स एव भगवान्प्रभुः
prakāśyo bhagavānyogī kṛṣṇo mānuṣatāṃ gataḥ / avyakto vyaktaliṅgaśca sa eva bhagavānprabhuḥ
Sanskrit only: no published translation is held for this verse.
नारायणो यतश्चक्रे व्ययं चैवाव्ययं हि यत् । देवो नारायणो भूत्वा हरिरासीत्सनातनः
nārāyaṇo yataścakre vyayaṃ caivāvyayaṃ hi yat / devo nārāyaṇo bhūtvā harirāsītsanātanaḥ
Sanskrit only: no published translation is held for this verse.
यो ऽबुञ्जाच्चादिपुरुषं पुरा चक्रे प्रजापतिम् । अदितेरपि पुत्रत्वमेत्य यादवनन्दनः
yo 'buñjāccādipuruṣaṃ purā cakre prajāpatim / aditerapi putratvametya yādavanandanaḥ
Sanskrit only: no published translation is held for this verse.
देवो विष्णुरिति ख्यातः शक्रादवरजो ऽभवत् । प्रासादयन्यं च विभुं ह्यदित्याः पुत्रकारणे
devo viṣṇuriti khyātaḥ śakrādavarajo 'bhavat / prāsādayanyaṃ ca vibhuṃ hyadityāḥ putrakāraṇe
Sanskrit only: no published translation is held for this verse.
वधार्थं सुरशत्रूणां दैत्यदानवरक्षसाम् । ययातिवंशजस्याथ वसुदेवस्य धीमतः
vadhārthaṃ suraśatrūṇāṃ daityadānavarakṣasām / yayātivaṃśajasyātha vasudevasya dhīmataḥ
Sanskrit only: no published translation is held for this verse.
कुलं पुण्यं यतो जन्म भेजे नारायमः प्रभुः । सागराः समकंपत चेलुश्च धरणीधराः
kulaṃ puṇyaṃ yato janma bheje nārāyamaḥ prabhuḥ / sāgarāḥ samakaṃpata celuśca dharaṇīdharāḥ
Sanskrit only: no published translation is held for this verse.
जज्वलुस्त्वग्निहोत्राणि जायमाने जनार्द्दने । शिवाश्च प्रववुर्वाताः प्रशान्तमभवद्रजः
jajvalustvagnihotrāṇi jāyamāne janārddane / śivāśca pravavurvātāḥ praśāntamabhavadrajaḥ
Sanskrit only: no published translation is held for this verse.
ज्योतींष्यभ्यधिकं रेजुर्जायमाने जनार्द्दने । अभिजिन्नाम नक्षत्रं जयन्ती नाम शर्वरी
jyotīṃṣyabhyadhikaṃ rejurjāyamāne janārddane / abhijinnāma nakṣatraṃ jayantī nāma śarvarī
Sanskrit only: no published translation is held for this verse.
मुहूर्त्तो विजयो नाम यत्र जातो जनार्द्दनः । अव्यक्तः शाश्वतः कृष्णो हरिर्नारायणः प्रभुः
muhūrtto vijayo nāma yatra jāto janārddanaḥ / avyaktaḥ śāśvataḥ kṛṣṇo harirnārāyaṇaḥ prabhuḥ
Sanskrit only: no published translation is held for this verse.
जज्ञे तथैव भगवान्मायया मोहयन्प्रजाः । आकाशात्पुष्पवृष्टिं च ववर्ष त्रिदशेश्वरः
jajñe tathaiva bhagavānmāyayā mohayanprajāḥ / ākāśātpuṣpavṛṣṭiṃ ca vavarṣa tridaśeśvaraḥ
Sanskrit only: no published translation is held for this verse.
गीर्भिर्मङ्गलयुक्ताभिस्तुवन्तो मधुसूदनम् । महर्षयः सगन्धर्वा उपतस्थुः सहस्रशः
gīrbhirmaṅgalayuktābhistuvanto madhusūdanam / maharṣayaḥ sagandharvā upatasthuḥ sahasraśaḥ
Sanskrit only: no published translation is held for this verse.
वसुदेवस्तु तं रात्रौ जातं पुत्रमधोक्षजम् । श्रीवत्सलक्षणं दृष्ट्वा हृदि दिव्यैः स्वलक्षणैः
vasudevastu taṃ rātrau jātaṃ putramadhokṣajam / śrīvatsalakṣaṇaṃ dṛṣṭvā hṛdi divyaiḥ svalakṣaṇaiḥ
Sanskrit only: no published translation is held for this verse.
उवाच वसुदेवस्तं रूपं संहर वै प्रभो । भीतो ऽहं कंसतस्तात तस्मादेवं ब्रवीम्यहम्
uvāca vasudevastaṃ rūpaṃ saṃhara vai prabho / bhīto 'haṃ kaṃsatastāta tasmādevaṃ bravīmyaham
Sanskrit only: no published translation is held for this verse.
मम पुत्रा हतास्तेन ज्येष्ठास्ते ऽद्भुतदर्शनाः । वसुदेववचःश्रुत्वा रूपं संहृतवान्प्रभुः
mama putrā hatāstena jyeṣṭhāste 'dbhutadarśanāḥ / vasudevavacaḥśrutvā rūpaṃ saṃhṛtavānprabhuḥ
Sanskrit only: no published translation is held for this verse.
अनुज्ञातः पिता त्वेनं नन्दगोपगृहं नयत् । उग्रसेनगृहे ऽतिष्ठद्यशोदायै तदा ददौ
anujñātaḥ pitā tvenaṃ nandagopagṛhaṃ nayat / ugrasenagṛhe 'tiṣṭhadyaśodāyai tadā dadau
Sanskrit only: no published translation is held for this verse.
तुल्यकालं तु गर्भिण्यौ यशोदा देवकी तथा । यशोदा नन्दगोपस्य पत्नी सा नन्दगोपतेः
tulyakālaṃ tu garbhiṇyau yaśodā devakī tathā / yaśodā nandagopasya patnī sā nandagopateḥ
Sanskrit only: no published translation is held for this verse.
यामेव रजनीं कृष्णो जज्ञे वृष्णिकुले प्रभुः । तामेव रजनीं कन्या यशोदायां व्यजायत
yāmeva rajanīṃ kṛṣṇo jajñe vṛṣṇikule prabhuḥ / tāmeva rajanīṃ kanyā yaśodāyāṃ vyajāyata
Sanskrit only: no published translation is held for this verse.
तं जात रक्षमाणस्तु वसुदेवो महायशाः । प्रादात्पुत्रं यशोदायै कन्यां तु जगृहे स्वयम्
taṃ jāta rakṣamāṇastu vasudevo mahāyaśāḥ / prādātputraṃ yaśodāyai kanyāṃ tu jagṛhe svayam
Sanskrit only: no published translation is held for this verse.
दत्त्वेमं नन्दगोपस्य रक्षेममिति चाब्रवीत् । सुतस्ते सर्वकल्याणो यादवानां भविष्यति
dattvemaṃ nandagopasya rakṣemamiti cābravīt / sutaste sarvakalyāṇo yādavānāṃ bhaviṣyati
Sanskrit only: no published translation is held for this verse.
अयं स गर्भा देवक्या मम क्लेशान्हरिष्यति । उग्रसेनात्मजायाथ कन्यामानकदुन्दुभिः
ayaṃ sa garbhā devakyā mama kleśānhariṣyati / ugrasenātmajāyātha kanyāmānakadundubhiḥ
Sanskrit only: no published translation is held for this verse.
निवेदयामास तदा कन्येति शुभलक्षणा । स्वसुस्तु तनयं कंसो जातं नैवावधारयत्
nivedayāmāsa tadā kanyeti śubhalakṣaṇā / svasustu tanayaṃ kaṃso jātaṃ naivāvadhārayat
Sanskrit only: no published translation is held for this verse.
अथ तामपि दुष्टात्मा ह्युत्ससर्ज मुदान्वितः । तवैषा हि यथा कन्या तथा मम न संशयः । न हन्मीमां महाबाहो व्रजत्वेषा यथारुचि
atha tāmapi duṣṭātmā hyutsasarja mudānvitaḥ / tavaiṣā hi yathā kanyā tathā mama na saṃśayaḥ / na hanmīmāṃ mahābāho vrajatveṣā yathāruci
Sanskrit only: no published translation is held for this verse.
कन्या सा ववृधे तत्र वृष्मिसद्मनि पूजिता । पुत्रवत्पालयामास देवी देवीं मुदा तदा
kanyā sā vavṛdhe tatra vṛṣmisadmani pūjitā / putravatpālayāmāsa devī devīṃ mudā tadā
Sanskrit only: no published translation is held for this verse.
तमेवं विधिनोत्पन्नमाहुः कृष्णं प्रजापतिम् । एकादशा तु जज्ञे वै रक्षार्थं केशवस्य ह
tamevaṃ vidhinotpannamāhuḥ kṛṣṇaṃ prajāpatim / ekādaśā tu jajñe vai rakṣārthaṃ keśavasya ha
Sanskrit only: no published translation is held for this verse.
एतां चैकाग्रमनसः पूजयिष्यन्ति यादवाः । देवदेवो दिव्यवपुः कृष्णः संरक्षितो ऽनया
etāṃ caikāgramanasaḥ pūjayiṣyanti yādavāḥ / devadevo divyavapuḥ kṛṣṇaḥ saṃrakṣito 'nayā
Sanskrit only: no published translation is held for this verse.
ऋषय ऊचुः किमर्थं वसुदेवस्य भोजः कंसो नराधिपः । जघान पुत्रान्बालान्वै तन्नो व्याख्यातुमर्हसि
ṛṣaya ūcuḥ kimarthaṃ vasudevasya bhojaḥ kaṃso narādhipaḥ / jaghāna putrānbālānvai tanno vyākhyātumarhasi
Sanskrit only: no published translation is held for this verse.
सूत उवाच शृणुध्वं वै यथा कंसः पुत्रानानकदुन्दुभेः । जाताञ्जातास्तु तान्सर्वान्निष्पिपेष वृथामतिः
sūta uvāca śṛṇudhvaṃ vai yathā kaṃsaḥ putrānānakadundubheḥ / jātāñjātāstu tānsarvānniṣpipeṣa vṛthāmatiḥ
Sanskrit only: no published translation is held for this verse.
भयाद्यथा महाबाहो जातः कृष्णो विवासितः । यथा च गोषु गोविन्दः संवृद्धः पुरुषोत्तमः
bhayādyathā mahābāho jātaḥ kṛṣṇo vivāsitaḥ / yathā ca goṣu govindaḥ saṃvṛddhaḥ puruṣottamaḥ
Sanskrit only: no published translation is held for this verse.
उद्वाहे किल देवक्या वसुदेवस्य धीमतः । सारथ्यं कृतवान्कंसो युवराजस्तदाभवत्
udvāhe kila devakyā vasudevasya dhīmataḥ / sārathyaṃ kṛtavānkaṃso yuvarājastadābhavat
Sanskrit only: no published translation is held for this verse.
तत्ॐऽतरिक्षे वागासीद्दिव्याभूद्यस्य कस्यचित् । कंसस्य नाममात्रेण पुष्कला लोकसाक्षिणी
tatoṃ'tarikṣe vāgāsīddivyābhūdyasya kasyacit / kaṃsasya nāmamātreṇa puṣkalā lokasākṣiṇī
Sanskrit only: no published translation is held for this verse.
यामेतं वहसे कंस रथेन प्रियकारणात् । तस्या यश्चाष्टमो गर्भः स ते मृत्युर्भबिष्यति
yāmetaṃ vahase kaṃsa rathena priyakāraṇāt / tasyā yaścāṣṭamo garbhaḥ sa te mṛtyurbhabiṣyati
Sanskrit only: no published translation is held for this verse.
तां श्रुत्वा व्यथितो वाणीं तदा कंसो वृथामतिः । निष्कृष्य खड्गं तां कन्यां हन्तुकामो ऽभवत्तदा
tāṃ śrutvā vyathito vāṇīṃ tadā kaṃso vṛthāmatiḥ / niṣkṛṣya khaḍgaṃ tāṃ kanyāṃ hantukāmo 'bhavattadā
Sanskrit only: no published translation is held for this verse.
तमुवाच महाबाहुर्वसुदेवः प्रतापवान् । उग्रसेनात्मजं कसं सौत्दृदात्प्रणयेन वा
tamuvāca mahābāhurvasudevaḥ pratāpavān / ugrasenātmajaṃ kasaṃ sautdṛdātpraṇayena vā
Sanskrit only: no published translation is held for this verse.
न स्त्रियं क्षत्रियो जातु हन्तुमर्हसि कश्चन । उपायः परिदृष्टो ऽत्र मया यादवनन्दन
na striyaṃ kṣatriyo jātu hantumarhasi kaścana / upāyaḥ paridṛṣṭo 'tra mayā yādavanandana
Sanskrit only: no published translation is held for this verse.
यो ऽस्याः संजायते गर्भो ह्यष्टमः पृथिवीपते । तमहं ते प्रयच्छामि तत्र कुर्या यथाक्रमम्
yo 'syāḥ saṃjāyate garbho hyaṣṭamaḥ pṛthivīpate / tamahaṃ te prayacchāmi tatra kuryā yathākramam
Sanskrit only: no published translation is held for this verse.
न त्विदानीं यथेष्टं त्वं वर्त्तेथा भूरिदक्षिण । सर्वानप्यथ वा गर्भान्पृथङ्नेष्यामि ते वशम्
na tvidānīṃ yatheṣṭaṃ tvaṃ varttethā bhūridakṣiṇa / sarvānapyatha vā garbhānpṛthaṅneṣyāmi te vaśam
Sanskrit only: no published translation is held for this verse.
एवं मिथ्या नरश्रेष्ठ वागेषा न भविष्यति । एवमुक्तो ऽनुनीतः स जग्राह वचनं तदा
evaṃ mithyā naraśreṣṭha vāgeṣā na bhaviṣyati / evamukto 'nunītaḥ sa jagrāha vacanaṃ tadā
Sanskrit only: no published translation is held for this verse.
वसुदेवश्च तां भार्यामवाप्य मुदितो ऽभवत् । कंसस्तस्यावधीत्पुत्रान्पापकर्मा वृथामतिः
vasudevaśca tāṃ bhāryāmavāpya mudito 'bhavat / kaṃsastasyāvadhītputrānpāpakarmā vṛthāmatiḥ
Sanskrit only: no published translation is held for this verse.
ऋषय ऊचुः क एष वसुदेवस्तु देवकी च यशस्विनी । नन्दगोपस्तु कस्त्वेष यशोदा य महायशाः
ṛṣaya ūcuḥ ka eṣa vasudevastu devakī ca yaśasvinī / nandagopastu kastveṣa yaśodā ya mahāyaśāḥ
Sanskrit only: no published translation is held for this verse.
यो विष्णुं जनयामास यं च तातेत्यभाषत । या गर्भं जनयामास या वैनं याभ्यवर्द्धयत्
yo viṣṇuṃ janayāmāsa yaṃ ca tātetyabhāṣata / yā garbhaṃ janayāmāsa yā vainaṃ yābhyavarddhayat
Sanskrit only: no published translation is held for this verse.
सूत उवाच पुरुषः कश्यपस्त्वासी ददितिस्तत्प्रिया तथा । कश्यपो ब्रह्मण्ॐऽशश्च पृथिव्या आदितिस्तथा
sūta uvāca puruṣaḥ kaśyapastvāsī daditistatpriyā tathā / kaśyapo brahmaṇoṃ'śaśca pṛthivyā āditistathā
Sanskrit only: no published translation is held for this verse.
नन्दो द्रोणः समाख्यातो यशोदा च धराभवत् । अथ कामान्महाबाहुर्देवक्याः संप्रवर्द्धयन्
nando droṇaḥ samākhyāto yaśodā ca dharābhavat / atha kāmānmahābāhurdevakyāḥ saṃpravarddhayan
Sanskrit only: no published translation is held for this verse.
अचरत्स महीं देवः प्रविष्टो मानुषीं तनुम् । मोहयन्सर्वभूतानि योगात्मा योगमायया
acaratsa mahīṃ devaḥ praviṣṭo mānuṣīṃ tanum / mohayansarvabhūtāni yogātmā yogamāyayā
Sanskrit only: no published translation is held for this verse.