Brahmāṇḍa Purāṇa 2.71

नष्टे धर्मे तदा जज्ञे विष्णुर्वृष्णिकुले स्वयम् । कर्त्तुं धर्मव्यवस्थानमसुराणां प्रणाशनम्

naṣṭe dharme tadā jajñe viṣṇurvṛṣṇikule svayam / karttuṃ dharmavyavasthānamasurāṇāṃ praṇāśanam

Sanskrit only: no published translation is held for this verse.

वैदर्भी रुक्मिणी कन्या सत्या नग्नजितस्तदा । सत्राजितः सत्यभामा जांबवत्यपि रोहिणी

vaidarbhī rukmiṇī kanyā satyā nagnajitastadā / satrājitaḥ satyabhāmā jāṃbavatyapi rohiṇī

Sanskrit only: no published translation is held for this verse.

शैब्या धन्यानि देवीनां सहस्राणि च षोडश । चतुर्दश तु ये प्रोक्ता गणास्त्वप्सरसां दिवि

śaibyā dhanyāni devīnāṃ sahasrāṇi ca ṣoḍaśa / caturdaśa tu ye proktā gaṇāstvapsarasāṃ divi

Sanskrit only: no published translation is held for this verse.

विचार्य देवैः शक्रेण विशिष्टास्त्विह प्रेषिताः । पत्न्यर्थं वासुदेवस्य उत्पन्ना राजवेश्मसु

vicārya devaiḥ śakreṇa viśiṣṭāstviha preṣitāḥ / patnyarthaṃ vāsudevasya utpannā rājaveśmasu

Sanskrit only: no published translation is held for this verse.

एताः पत्न्यो महाभागा विष्वक्सेनस्य विश्रुताः । प्रद्युम्नश्चारुदेष्णश्च सुदेवः शरभस्तथा

etāḥ patnyo mahābhāgā viṣvaksenasya viśrutāḥ / pradyumnaścārudeṣṇaśca sudevaḥ śarabhastathā

Sanskrit only: no published translation is held for this verse.

चारुश्च चारुभद्रश्च भद्रचारुस्तथापरः । चारुविद्यश्च रुक्मिण्यां कन्या चारुमती तथा

cāruśca cārubhadraśca bhadracārustathāparaḥ / cāruvidyaśca rukmiṇyāṃ kanyā cārumatī tathā

Sanskrit only: no published translation is held for this verse.

सानुर्भानुस्तथाक्षश्च रोहितो मन्त्रवित्तथा । जरो ऽधकस्ताम्रचक्रौ सौभरिश्च जरेधरः

sānurbhānustathākṣaśca rohito mantravittathā / jaro 'dhakastāmracakrau saubhariśca jaredharaḥ

Sanskrit only: no published translation is held for this verse.

चतस्रो जज्ञिरे तेषां स्वसारो गरुडध्वजात् । भानुः सौभरिका चैव ताम्रपर्णी जरन्धरः

catasro jajñire teṣāṃ svasāro garuḍadhvajāt / bhānuḥ saubharikā caiva tāmraparṇī jarandharaḥ

Sanskrit only: no published translation is held for this verse.

सत्यभामासुता एते जांबवत्याः प्रजाः श्रुणु । भद्रश्च भद्रगुप्तश्च भद्रचित्रस्तथैव च

satyabhāmāsutā ete jāṃbavatyāḥ prajāḥ śruṇu / bhadraśca bhadraguptaśca bhadracitrastathaiva ca

Sanskrit only: no published translation is held for this verse.

बध्रबाहुश्च विख्यातः कन्या भद्रवती तथा । संबोधनी च विख्याता ज्ञेया जांबवतीसुताः

badhrabāhuśca vikhyātaḥ kanyā bhadravatī tathā / saṃbodhanī ca vikhyātā jñeyā jāṃbavatīsutāḥ

Sanskrit only: no published translation is held for this verse.

संग्रामजिच्च शतजित्तथैव च सहस्र जित् । एते पुत्राः सुदेव्यां च विष्वक्सेनस्य कीर्त्तिताः

saṃgrāmajicca śatajittathaiva ca sahasra jit / ete putrāḥ sudevyāṃ ca viṣvaksenasya kīrttitāḥ

Sanskrit only: no published translation is held for this verse.

वृको वृकाश्वो वृकजिद्वृजिनी च वराङ्गना । मित्रबाहुः सुनीथश्च नाग्नजित्या प्रजास्त्विह

vṛko vṛkāśvo vṛkajidvṛjinī ca varāṅganā / mitrabāhuḥ sunīthaśca nāgnajityā prajāstviha

Sanskrit only: no published translation is held for this verse.

एवमादीनि पुत्राणां सहस्राणि निबोधत । प्रयुतं तु समाख्यातं वासुदेवस्य ये सुताः

evamādīni putrāṇāṃ sahasrāṇi nibodhata / prayutaṃ tu samākhyātaṃ vāsudevasya ye sutāḥ

Sanskrit only: no published translation is held for this verse.

अयु तानि यथाष्टौ च शूरा रणविशारदाः । जनार्दनस्य वंशो वः कीर्तितो ऽयं यथातथम्

ayu tāni yathāṣṭau ca śūrā raṇaviśāradāḥ / janārdanasya vaṃśo vaḥ kīrtito 'yaṃ yathātatham

Sanskrit only: no published translation is held for this verse.

बृहती पुरुभार्यासीत्सुमध्या सुगतिस्तथा । कन्या सा बृहदुक्थस्य शैनेयस्य महात्मनः

bṛhatī purubhāryāsītsumadhyā sugatistathā / kanyā sā bṛhadukthasya śaineyasya mahātmanaḥ

Sanskrit only: no published translation is held for this verse.

तस्याः पुत्रास्तु विख्यातास्त्रयः समितिशोभनाः । आनन्दः कनकः श्वेतः कन्या श्वेता तथैव च

tasyāḥ putrāstu vikhyātāstrayaḥ samitiśobhanāḥ / ānandaḥ kanakaḥ śvetaḥ kanyā śvetā tathaiva ca

Sanskrit only: no published translation is held for this verse.

अगावहस्य चित्रश्च शूरश्चित्ररथश्च यः । चित्रसेनः स्मृतश्चास्य कन्या चित्रवती तथा

agāvahasya citraśca śūraścitrarathaśca yaḥ / citrasenaḥ smṛtaścāsya kanyā citravatī tathā

Sanskrit only: no published translation is held for this verse.

तुम्बश्च तुम्बंवर्चाश्च जातौ तुम्बस्य तावुभौ । उपासंगसुतौ द्वौ तु वज्रारः क्षिप्र एव च

tumbaśca tumbaṃvarcāśca jātau tumbasya tāvubhau / upāsaṃgasutau dvau tu vajrāraḥ kṣipra eva ca

Sanskrit only: no published translation is held for this verse.

भूरीन्द्रसेनो भूरिश्च गवेषणसुतापुभौ । युधिष्टिरस्य कन्यायां सुधनुस्तस्य चात्मजः

bhūrīndraseno bhūriśca gaveṣaṇasutāpubhau / yudhiṣṭirasya kanyāyāṃ sudhanustasya cātmajaḥ

Sanskrit only: no published translation is held for this verse.

काश्यां तु पञ्च तनयांल्लेभे सांबात्तरस्विनः । सत्यप्रकृतयो देवाः पञ्च वीराः प्रकीर्त्तिताः

kāśyāṃ tu pañca tanayāṃllebhe sāṃbāttarasvinaḥ / satyaprakṛtayo devāḥ pañca vīrāḥ prakīrttitāḥ

Sanskrit only: no published translation is held for this verse.

तिस्रः कोट्यस्तु पौत्राणां यादवानां महात्मनाम् । सर्वमेव कुलं यच्च वर्त्तन्ते चैव ये कुले

tisraḥ koṭyastu pautrāṇāṃ yādavānāṃ mahātmanām / sarvameva kulaṃ yacca varttante caiva ye kule

Sanskrit only: no published translation is held for this verse.

विष्णुस्तेषां प्रमाणे च प्रभुत्वे च व्यवस्थितः । निदेशस्थायिभिस्तस्य बध्यन्ते सुरमानुषाः

viṣṇusteṣāṃ pramāṇe ca prabhutve ca vyavasthitaḥ / nideśasthāyibhistasya badhyante suramānuṣāḥ

Sanskrit only: no published translation is held for this verse.

देवासुराहवहता असुरा ये महाबलाः । इहोत्पन्ना मनुष्येषु बाधन्ते ते तु मानवान्

devāsurāhavahatā asurā ye mahābalāḥ / ihotpannā manuṣyeṣu bādhante te tu mānavān

Sanskrit only: no published translation is held for this verse.

तेषामुत्सादनार्थाय उत्पन्ना यादवे कुले । समुत्पन्नं कुलशतं यादवानां महात्मनाम्

teṣāmutsādanārthāya utpannā yādave kule / samutpannaṃ kulaśataṃ yādavānāṃ mahātmanām

Sanskrit only: no published translation is held for this verse.

इति प्रसूतिर्वृष्णीनां समासव्यासयोगतः । कीर्त्तिता कीर्त्तनीया स कीर्त्तिसिद्धिमभीप्सता

iti prasūtirvṛṣṇīnāṃ samāsavyāsayogataḥ / kīrttitā kīrttanīyā sa kīrttisiddhimabhīpsatā

Sanskrit only: no published translation is held for this verse.