Brahmāṇḍa Purāṇa 2.74

अरिञ्जयस्तु वर्षाणां पञ्चाशत्प्राप्यते महीम् । द्वाविंशच्च नृपा ह्येते भवितारो बृहद्रथाः

ariñjayastu varṣāṇāṃ pañcāśatprāpyate mahīm / dvāviṃśacca nṛpā hyete bhavitāro bṛhadrathāḥ

Sanskrit only: no published translation is held for this verse.

पूर्मं वर्षसहस्रं वै तेषां राज्यं भविष्यति । बृहद्रथेष्वतीतेषु वीरहन्तृष्ववर्त्तिषु

pūrmaṃ varṣasahasraṃ vai teṣāṃ rājyaṃ bhaviṣyati / bṛhadratheṣvatīteṣu vīrahantṛṣvavarttiṣu

Sanskrit only: no published translation is held for this verse.

शुनकः स्वामिनं हत्वा पुत्रं समभिषेक्ष्यति । मिषतां क्षत्रियाणां हि प्रद्योतिं नृपतिं बलात्

śunakaḥ svāminaṃ hatvā putraṃ samabhiṣekṣyati / miṣatāṃ kṣatriyāṇāṃ hi pradyotiṃ nṛpatiṃ balāt

Sanskrit only: no published translation is held for this verse.

स वै प्रणतसामन्तो भविष्येण प्रवर्त्तितः । त्रयोविंशत्समा राजा भविता स नरोत्तमः

sa vai praṇatasāmanto bhaviṣyeṇa pravarttitaḥ / trayoviṃśatsamā rājā bhavitā sa narottamaḥ

Sanskrit only: no published translation is held for this verse.

चतुर्विंशत्समा राजा पालको भविता ततः । विशाखयूपो भविता नृपः पञ्चाशतं समाः

caturviṃśatsamā rājā pālako bhavitā tataḥ / viśākhayūpo bhavitā nṛpaḥ pañcāśataṃ samāḥ

Sanskrit only: no published translation is held for this verse.

एकविंशत्समा राज्य मजकस्य भविष्यति । भविष्यति समा विंशत्तत्सुतो नन्दिवर्द्धनः

ekaviṃśatsamā rājya majakasya bhaviṣyati / bhaviṣyati samā viṃśattatsuto nandivarddhanaḥ

Sanskrit only: no published translation is held for this verse.

अष्टत्रिंशच्छतं भाव्याः प्राद्योताः पञ्च ते नृपाः । हत्वा तेषां यशः कृत्स्नं शिशुनागो भविष्यति

aṣṭatriṃśacchataṃ bhāvyāḥ prādyotāḥ pañca te nṛpāḥ / hatvā teṣāṃ yaśaḥ kṛtsnaṃ śiśunāgo bhaviṣyati

Sanskrit only: no published translation is held for this verse.

वाराणस्यां सुतस्तस्य संयास्यति गिरिव्रजम् । शिशुनागश्च वर्षाणि चत्वारिंशद्भविष्यति

vārāṇasyāṃ sutastasya saṃyāsyati girivrajam / śiśunāgaśca varṣāṇi catvāriṃśadbhaviṣyati

Sanskrit only: no published translation is held for this verse.

काकवर्णः सुतस्तस्य पट्त्रिंशच्च भविष्यति । ततस्तु विंशतिं राजा क्षेमधर्मा भवष्यति

kākavarṇaḥ sutastasya paṭtriṃśacca bhaviṣyati / tatastu viṃśatiṃ rājā kṣemadharmā bhavaṣyati

Sanskrit only: no published translation is held for this verse.

चत्वारिंशत्समा राष्ट्रं क्षत्रौजाः प्राप्स्यते ततः । अष्टत्रिंशत्समा राजाविधिसारो भविष्यति

catvāriṃśatsamā rāṣṭraṃ kṣatraujāḥ prāpsyate tataḥ / aṣṭatriṃśatsamā rājāvidhisāro bhaviṣyati

Sanskrit only: no published translation is held for this verse.

अजातशत्रुर्भविता पञ्चविंशत्समा नृपः । पञ्चत्रिंशत्समा राजा दर्भकस्तु भविष्यति

ajātaśatrurbhavitā pañcaviṃśatsamā nṛpaḥ / pañcatriṃśatsamā rājā darbhakastu bhaviṣyati

Sanskrit only: no published translation is held for this verse.

उदयी भविता तस्मात्त्रयस्त्रिंशत्समा नृपः । स वै पुरवरं राजा वृथिव्यां कुसुमाह्वयम्

udayī bhavitā tasmāttrayastriṃśatsamā nṛpaḥ / sa vai puravaraṃ rājā vṛthivyāṃ kusumāhvayam

Sanskrit only: no published translation is held for this verse.

गगाया दक्षिणे कूले चतुर्थे ऽह्नि कारिष्यति । चत्वारिशत्समा भाव्यो राजा वै नन्दिवर्द्धनः

gagāyā dakṣiṇe kūle caturthe 'hni kāriṣyati / catvāriśatsamā bhāvyo rājā vai nandivarddhanaḥ

Sanskrit only: no published translation is held for this verse.

चत्वारिशत्त्रयश्चैव सहानन्दिर्भविष्यति । भविष्यन्ति च वर्षाणि षष्ट्युत्तरशतत्रयम्

catvāriśattrayaścaiva sahānandirbhaviṣyati / bhaviṣyanti ca varṣāṇi ṣaṣṭyuttaraśatatrayam

Sanskrit only: no published translation is held for this verse.

शिशुनागा दशैवैते राजानः क्षत्रबन्धवः । एतैः सार्द्धं भविष्यन्ति तावत्कालं नृपाः परे

śiśunāgā daśaivaite rājānaḥ kṣatrabandhavaḥ / etaiḥ sārddhaṃ bhaviṣyanti tāvatkālaṃ nṛpāḥ pare

Sanskrit only: no published translation is held for this verse.

एक्ष्वाकवश्चतुर्विंशत्पञ्चालाः पञ्चविंशतिः । कालकास्तु चतुर्विंशच्चतुर्विंशत्तु हैहयाः

ekṣvākavaścaturviṃśatpañcālāḥ pañcaviṃśatiḥ / kālakāstu caturviṃśaccaturviṃśattu haihayāḥ

Sanskrit only: no published translation is held for this verse.

द्वात्रिंशदेकलिङ्गास्तु पञ्चविंशत्तथा शकाः । कुरवश्चापि षट्त्रिंशदष्टाविंशति मैथिलाः

dvātriṃśadekaliṅgāstu pañcaviṃśattathā śakāḥ / kuravaścāpi ṣaṭtriṃśadaṣṭāviṃśati maithilāḥ

Sanskrit only: no published translation is held for this verse.

शूरसेनास्त्रयोविंशद्वीतिहोत्राश्च विंशतिः । तुल्यकालं भविष्यन्ति सर्वं एव महीक्षितः

śūrasenāstrayoviṃśadvītihotrāśca viṃśatiḥ / tulyakālaṃ bhaviṣyanti sarvaṃ eva mahīkṣitaḥ

Sanskrit only: no published translation is held for this verse.

महानन्दिसुतश्चापि शूद्रायाः कालसंवृतः । उत्पत्स्यते महा पद्मः सर्वक्षत्रान्तकृन्नृपः

mahānandisutaścāpi śūdrāyāḥ kālasaṃvṛtaḥ / utpatsyate mahā padmaḥ sarvakṣatrāntakṛnnṛpaḥ

Sanskrit only: no published translation is held for this verse.

ततः प्रभृति राजानो भविष्यः शूद्रयोनयः । एकराट् स महापद्म एकच्चत्रो भविष्यति

tataḥ prabhṛti rājāno bhaviṣyaḥ śūdrayonayaḥ / ekarāṭ sa mahāpadma ekaccatro bhaviṣyati

Sanskrit only: no published translation is held for this verse.

अष्टाशीति तु वर्षाणि पृथिवीं पालयिष्यति । सर्वक्षत्रं समुद्धृत्य भाविनोर्ऽथस्य वै बलात्

aṣṭāśīti tu varṣāṇi pṛthivīṃ pālayiṣyati / sarvakṣatraṃ samuddhṛtya bhāvinor'thasya vai balāt

Sanskrit only: no published translation is held for this verse.

तत्पश्चात्तत्सुता ह्यष्टौ समाद्वादश ते नृपाः । महापद्मस्य पर्याये भविष्यन्ति नृपाः क्रमात्

tatpaścāttatsutā hyaṣṭau samādvādaśa te nṛpāḥ / mahāpadmasya paryāye bhaviṣyanti nṛpāḥ kramāt

Sanskrit only: no published translation is held for this verse.

उद्धरिष्यति तान्सर्वान्कौटिल्यो वै द्विजर्षभः । भुक्त्वा महीं वर्षशतं नरेद्रः स भविष्यति

uddhariṣyati tānsarvānkauṭilyo vai dvijarṣabhaḥ / bhuktvā mahīṃ varṣaśataṃ naredraḥ sa bhaviṣyati

Sanskrit only: no published translation is held for this verse.

चन्द्रगुप्तं नृपं राज्ये कौटिल्यः स्थापयिष्यति । चतुर्विंशत्समा राजा चन्द्रगुप्तो भविष्यति

candraguptaṃ nṛpaṃ rājye kauṭilyaḥ sthāpayiṣyati / caturviṃśatsamā rājā candragupto bhaviṣyati

Sanskrit only: no published translation is held for this verse.

भविता भद्रसारस्तु पञ्चविंशत्समा नृपः । षट्त्रिंशत्तु समा राजा अशोकानां च तृप्तिदः

bhavitā bhadrasārastu pañcaviṃśatsamā nṛpaḥ / ṣaṭtriṃśattu samā rājā aśokānāṃ ca tṛptidaḥ

Sanskrit only: no published translation is held for this verse.

तस्य पुत्रः कुलालस्तु वर्षाण्यष्टौ भविष्यति । कुशालसूनुरष्टौ च भोक्ता वै बन्धुपालितः

tasya putraḥ kulālastu varṣāṇyaṣṭau bhaviṣyati / kuśālasūnuraṣṭau ca bhoktā vai bandhupālitaḥ

Sanskrit only: no published translation is held for this verse.

बन्धुपालितदायादो भविता चेन्द्रपालितः । भविता सप्त वर्षाणि देववर्मा नराधिपः

bandhupālitadāyādo bhavitā cendrapālitaḥ / bhavitā sapta varṣāṇi devavarmā narādhipaḥ

Sanskrit only: no published translation is held for this verse.

राजा शतधनुश्चापि तस्य पुत्रो भविष्यति । बृहद्रथश्च वर्षाणि सप्त वै भविता नृपः

rājā śatadhanuścāpi tasya putro bhaviṣyati / bṛhadrathaśca varṣāṇi sapta vai bhavitā nṛpaḥ

Sanskrit only: no published translation is held for this verse.

इत्येते नव मौर्या वै भोक्ष्यन्ति च वसुंधराम् । सप्तत्रिंशच्छतं पूर्णं तेभ्यः शुङ्गो गमिष्यति

ityete nava mauryā vai bhokṣyanti ca vasuṃdharām / saptatriṃśacchataṃ pūrṇaṃ tebhyaḥ śuṅgo gamiṣyati

Sanskrit only: no published translation is held for this verse.

पुष्पमित्रस्तु सेनानीरुद्धृत्यतु बृहद्रथम् । कारयिष्यति वै राज्यं समाः षष्टिं स चैव तु

puṣpamitrastu senānīruddhṛtyatu bṛhadratham / kārayiṣyati vai rājyaṃ samāḥ ṣaṣṭiṃ sa caiva tu

Sanskrit only: no published translation is held for this verse.

अग्निमित्रो नृपश्चाष्टौ भविष्यति समा नृपः । भविता चापि सुज्येष्टः सप्त वर्षाणि वै ततः

agnimitro nṛpaścāṣṭau bhaviṣyati samā nṛpaḥ / bhavitā cāpi sujyeṣṭaḥ sapta varṣāṇi vai tataḥ

Sanskrit only: no published translation is held for this verse.

वसुमित्रस्ततो भाव्यो दशवर्षाणि पार्थिवः । ततो भद्रः समे द्वे तु भविष्यति नृपश्च वै

vasumitrastato bhāvyo daśavarṣāṇi pārthivaḥ / tato bhadraḥ same dve tu bhaviṣyati nṛpaśca vai

Sanskrit only: no published translation is held for this verse.

भविष्यति समास्तस्मात्तिस्र एव पुलिन्दकः । राजा घोषस्ततश्चापि वर्षाणि भविता त्रयः

bhaviṣyati samāstasmāttisra eva pulindakaḥ / rājā ghoṣastataścāpi varṣāṇi bhavitā trayaḥ

Sanskrit only: no published translation is held for this verse.

सप्त वै वज्र मित्रंस्तु समा राजा ततः पुनः । द्वात्रिंशद्भविता वापि समा भागवतो नृपः

sapta vai vajra mitraṃstu samā rājā tataḥ punaḥ / dvātriṃśadbhavitā vāpi samā bhāgavato nṛpaḥ

Sanskrit only: no published translation is held for this verse.

भविष्यति सुतस्तस्य देवभूमिः समा दश । दशैते शुङ्गराजानो भोक्ष्यन्तीमां वसुंधराम्

bhaviṣyati sutastasya devabhūmiḥ samā daśa / daśaite śuṅgarājāno bhokṣyantīmāṃ vasuṃdharām

Sanskrit only: no published translation is held for this verse.

शतं पूर्मं दश द्वे च तेभ्यः कण्वं गमिष्यति । अमात्यो वसुदेवस्तु बाल्याद्व्यसनिनं नृपम्

śataṃ pūrmaṃ daśa dve ca tebhyaḥ kaṇvaṃ gamiṣyati / amātyo vasudevastu bālyādvyasaninaṃ nṛpam

Sanskrit only: no published translation is held for this verse.

देवभूमिं ततो हत्वा शुङ्गेषु भविता नृपः । भविष्यति समा राजा पञ्च कण्वायनस्तु सः

devabhūmiṃ tato hatvā śuṅgeṣu bhavitā nṛpaḥ / bhaviṣyati samā rājā pañca kaṇvāyanastu saḥ

Sanskrit only: no published translation is held for this verse.

भूमिमित्रः सुतस्तस्य चतुर्विंशद्भविष्यति । भविता द्वादश समास्तस्मान्नारायणो नृपः

bhūmimitraḥ sutastasya caturviṃśadbhaviṣyati / bhavitā dvādaśa samāstasmānnārāyaṇo nṛpaḥ

Sanskrit only: no published translation is held for this verse.

सुशर्मा तत्सुतश्चापि भविष्यति चतुःसमाः । कण्वायनास्तु चत्वारश्चत्वारिंशच्च पञ्च च

suśarmā tatsutaścāpi bhaviṣyati catuḥsamāḥ / kaṇvāyanāstu catvāraścatvāriṃśacca pañca ca

Sanskrit only: no published translation is held for this verse.

समा भोक्ष्यन्ति वृथिवीं पुनरन्ध्रान्गमिष्यति । कण्वायनमथोद्धृत्य सुशर्माणं प्रसह्य तम्

samā bhokṣyanti vṛthivīṃ punarandhrāngamiṣyati / kaṇvāyanamathoddhṛtya suśarmāṇaṃ prasahya tam

Sanskrit only: no published translation is held for this verse.

सिंधुको ह्यन्ध्रजातीयः प्राप्स्यतीमां वसुंधराम् । त्रयोविंशत्समा राजा सिंधुको भविता त्वथ

siṃdhuko hyandhrajātīyaḥ prāpsyatīmāṃ vasuṃdharām / trayoviṃśatsamā rājā siṃdhuko bhavitā tvatha

Sanskrit only: no published translation is held for this verse.

कृष्णो भ्रातास्य वर्षाणि सो ऽस्माद्दश भविष्यति । श्रीशान्तकर्णिर्भविता तस्य पुत्रस्तु वै महान्

kṛṣṇo bhrātāsya varṣāṇi so 'smāddaśa bhaviṣyati / śrīśāntakarṇirbhavitā tasya putrastu vai mahān

Sanskrit only: no published translation is held for this verse.

पञ्चाशत्तु समाः षट् च शान्तकर्णिर् भविष्यति । आपोलवोद्वादश वै तस्य पुत्रो भविष्यति

pañcāśattu samāḥ ṣaṭ ca śāntakarṇir bhaviṣyati / āpolavodvādaśa vai tasya putro bhaviṣyati

Sanskrit only: no published translation is held for this verse.

चतुर्विंशत्तु वर्षाणि पटुमांश्च भविष्यति । भवितानिष्टकर्मा तु वर्षाणां पञ्चविंशतिम्

caturviṃśattu varṣāṇi paṭumāṃśca bhaviṣyati / bhavitāniṣṭakarmā tu varṣāṇāṃ pañcaviṃśatim

Sanskrit only: no published translation is held for this verse.

ततः संवत्सरं पूर्णं हालो राजा भविष्यति । पञ्चपत्तल्लको नाम भविष्यति महाबलः

tataḥ saṃvatsaraṃ pūrṇaṃ hālo rājā bhaviṣyati / pañcapattallako nāma bhaviṣyati mahābalaḥ

Sanskrit only: no published translation is held for this verse.

भाव्यःपुरीषभीरुस्तु समाः सो ऽप्येकविंशतिम् । शातकर्णिर्वर्षमेकं भविष्यति नराधिपः

bhāvyaḥpurīṣabhīrustu samāḥ so 'pyekaviṃśatim / śātakarṇirvarṣamekaṃ bhaviṣyati narādhipaḥ

Sanskrit only: no published translation is held for this verse.

अष्टविंशतिवर्षाणि शिवस्वातिर्भविष्यति । राजा च गौतमी पुत्र एकविंशत्समा नृपः

aṣṭaviṃśativarṣāṇi śivasvātirbhaviṣyati / rājā ca gautamī putra ekaviṃśatsamā nṛpaḥ

Sanskrit only: no published translation is held for this verse.

एकोनविंशति राजा यज्ञः श्रीशातकर्ण्यथ । षडेव भविता त्समाद्विजयस्तु समानृपः

ekonaviṃśati rājā yajñaḥ śrīśātakarṇyatha / ṣaḍeva bhavitā tsamādvijayastu samānṛpaḥ

Sanskrit only: no published translation is held for this verse.

देडश्रीशातकर्णी च तस्य पुत्रः समास्त्रयः । पुलोमारिः समाः सप्त ततश्चैषां भविष्यति

deḍaśrīśātakarṇī ca tasya putraḥ samāstrayaḥ / pulomāriḥ samāḥ sapta tataścaiṣāṃ bhaviṣyati

Sanskrit only: no published translation is held for this verse.

इत्येते वै नृपास्त्रिंशदन्ध्रा भोक्ष्यन्ति वै महीम् । समाः शतानि चत्वारि पञ्चाशत्षट् तथैव च

ityete vai nṛpāstriṃśadandhrā bhokṣyanti vai mahīm / samāḥ śatāni catvāri pañcāśatṣaṭ tathaiva ca

Sanskrit only: no published translation is held for this verse.

अन्ध्राणां संस्थिताः पञ्च तेषां वंश्याश्च ये पुनः । सप्तैव तु भविष्यन्ति दशाभीरास्ततो नृपाः

andhrāṇāṃ saṃsthitāḥ pañca teṣāṃ vaṃśyāśca ye punaḥ / saptaiva tu bhaviṣyanti daśābhīrāstato nṛpāḥ

Sanskrit only: no published translation is held for this verse.

सप्त गर्दभिनश्चापि ततो ऽथ दश वै शकाः । यवनाष्टौ भविष्यन्ति तुषारास्तु चतुर्दश

sapta gardabhinaścāpi tato 'tha daśa vai śakāḥ / yavanāṣṭau bhaviṣyanti tuṣārāstu caturdaśa

Sanskrit only: no published translation is held for this verse.

त्रयोदश गुरुण्डाश्च मौना ह्येकादशैव तु । अन्ध्रा भोक्ष्यन्ति वसुधां शते द्वे च शतञ्च वै

trayodaśa guruṇḍāśca maunā hyekādaśaiva tu / andhrā bhokṣyanti vasudhāṃ śate dve ca śatañca vai

Sanskrit only: no published translation is held for this verse.

सप्तषष्टिं च वर्षाणि दशाभीरास्ततो नृपाः । सप्त गर्दभिनश्चैव भोक्ष्यन्तीमां द्विसप्ततिम्

saptaṣaṣṭiṃ ca varṣāṇi daśābhīrāstato nṛpāḥ / sapta gardabhinaścaiva bhokṣyantīmāṃ dvisaptatim

Sanskrit only: no published translation is held for this verse.

शतानि त्रीण्यशीतिं च भोक्ष्यन्ति वसुधां शकाः । आशीती द्वे च वर्षाणि भोक्तारो यवना महीम्

śatāni trīṇyaśītiṃ ca bhokṣyanti vasudhāṃ śakāḥ / āśītī dve ca varṣāṇi bhoktāro yavanā mahīm

Sanskrit only: no published translation is held for this verse.

पञ्चवर्षशतानीह तुषाराणां मही स्मृता । शतान्यर्द्धचतुर्थानि भवितारस्त्रयोदश

pañcavarṣaśatānīha tuṣārāṇāṃ mahī smṛtā / śatānyarddhacaturthāni bhavitārastrayodaśa

Sanskrit only: no published translation is held for this verse.

गुरुण्डा वृषलैः सार्द्धं भोक्ष्यन्ते म्लेच्छजातयः । शतानि त्रीणि भोक्ष्यन्ते मौना एकादशैव तु

guruṇḍā vṛṣalaiḥ sārddhaṃ bhokṣyante mlecchajātayaḥ / śatāni trīṇi bhokṣyante maunā ekādaśaiva tu

Sanskrit only: no published translation is held for this verse.

तेषु च्छिन्नेषु कालेन ततः किलकिलो नृपः । ततः किलकिलेभ्यश्च विन्ध्यशक्तिर्भविष्यति

teṣu cchinneṣu kālena tataḥ kilakilo nṛpaḥ / tataḥ kilakilebhyaśca vindhyaśaktirbhaviṣyati

Sanskrit only: no published translation is held for this verse.

समाः षण्णवतिं चैव पृथिवीं तु समेष्यति । नृपान्वैदिशकांश्चाथ भविष्यांस्तु निबोधत

samāḥ ṣaṇṇavatiṃ caiva pṛthivīṃ tu sameṣyati / nṛpānvaidiśakāṃścātha bhaviṣyāṃstu nibodhata

Sanskrit only: no published translation is held for this verse.

शेषस्य नागराजस्य पुत्रः सुर पुरञ्जयः । भोगी भविष्यते राजा नृपो नागकुलोद्वहः

śeṣasya nāgarājasya putraḥ sura purañjayaḥ / bhogī bhaviṣyate rājā nṛpo nāgakulodvahaḥ

Sanskrit only: no published translation is held for this verse.

सदाचन्द्रस्तु चन्द्राशुर्द्वितीयो नखवांस्तथा । धनधर्मा ततश्चापि चतुर्थो वंशजः स्मृतः

sadācandrastu candrāśurdvitīyo nakhavāṃstathā / dhanadharmā tataścāpi caturtho vaṃśajaḥ smṛtaḥ

Sanskrit only: no published translation is held for this verse.

भूतिनन्दस्ततश्चापि वैदिशे तु भविष्यति । तस्य भ्राता यवीयांस्तु नाम्ना नन्दियशाः किल

bhūtinandastataścāpi vaidiśe tu bhaviṣyati / tasya bhrātā yavīyāṃstu nāmnā nandiyaśāḥ kila

Sanskrit only: no published translation is held for this verse.

तस्यान्वयो भविष्यन्ति राजानस्ते त्रयस्तु वै । दैहित्रः शिशिको नाम पूरिकायां नृपो ऽभवत्

tasyānvayo bhaviṣyanti rājānaste trayastu vai / daihitraḥ śiśiko nāma pūrikāyāṃ nṛpo 'bhavat

Sanskrit only: no published translation is held for this verse.

विन्ध्यशक्तिसुतश्चापि प्रवीरो नाम वीर्यवान् । भोक्ष्यते च समाः षष्टिं पुरीं काञ्चनकां च वै

vindhyaśaktisutaścāpi pravīro nāma vīryavān / bhokṣyate ca samāḥ ṣaṣṭiṃ purīṃ kāñcanakāṃ ca vai

Sanskrit only: no published translation is held for this verse.

यक्ष्यते वाजपेयैश्च समाप्तवरदक्षिणैः । तस्य पुत्रास्तु चत्वारो भविष्यन्ति नराधिपाः

yakṣyate vājapeyaiśca samāptavaradakṣiṇaiḥ / tasya putrāstu catvāro bhaviṣyanti narādhipāḥ

Sanskrit only: no published translation is held for this verse.

विन्ध्यकानां कुलानां ते नृपा वैवाहिकास्त्रयः । सुप्रतीको गभीरश्च समा भोक्ष्यति विंशतिम्

vindhyakānāṃ kulānāṃ te nṛpā vaivāhikāstrayaḥ / supratīko gabhīraśca samā bhokṣyati viṃśatim

Sanskrit only: no published translation is held for this verse.

शङ्कमानो ऽभवद्राजा महिषीणां महीपतिः । पुष्पमित्रा भविष्यन्ति षट् स्त्रिमित्रास्त्रयोदश

śaṅkamāno 'bhavadrājā mahiṣīṇāṃ mahīpatiḥ / puṣpamitrā bhaviṣyanti ṣaṭ strimitrāstrayodaśa

Sanskrit only: no published translation is held for this verse.

मेकलायां नृपाः सप्त भविष्यन्ति च सप्ततिः । कोमलायां तु राजानो भविष्यन्ति महाबलाः

mekalāyāṃ nṛpāḥ sapta bhaviṣyanti ca saptatiḥ / komalāyāṃ tu rājāno bhaviṣyanti mahābalāḥ

Sanskrit only: no published translation is held for this verse.

मेघा इति समाख्याता बुद्धिमन्तो नवैव तु । नैषधाः पार्थिवाः सर्वे भविष्यन्त्यामनुक्षयात्

meghā iti samākhyātā buddhimanto navaiva tu / naiṣadhāḥ pārthivāḥ sarve bhaviṣyantyāmanukṣayāt

Sanskrit only: no published translation is held for this verse.

नलवंशप्रसूतास्ते वीर्यवन्तो महाबलाः । मगधानां महावीर्यो विश्वस्फाणिर्भविष्यति

nalavaṃśaprasūtāste vīryavanto mahābalāḥ / magadhānāṃ mahāvīryo viśvasphāṇirbhaviṣyati

Sanskrit only: no published translation is held for this verse.

उत्साद्य पार्थिवान्सर्वान्सो ऽन्यान्वर्णान्करिष्यति । कैवर्त्तान्मद्रकांश्चेव पुलिन्दान्ब्राह्मणांस्तथा

utsādya pārthivānsarvānso 'nyānvarṇānkariṣyati / kaivarttānmadrakāṃśceva pulindānbrāhmaṇāṃstathā

Sanskrit only: no published translation is held for this verse.

स्थापयिष्यन्ति गजानो नानादेशेषु ते जनान् । विश्वस्फाणिर्महासत्त्वो युद्धे विष्णुसमप्रभः

sthāpayiṣyanti gajāno nānādeśeṣu te janān / viśvasphāṇirmahāsattvo yuddhe viṣṇusamaprabhaḥ

Sanskrit only: no published translation is held for this verse.

विश्वस्फाणिर्नरपतिः क्लीबाकृतिरिवोच्यते । उत्सादयित्वा क्षत्रं तु क्षत्रमन्यत्करिष्यति

viśvasphāṇirnarapatiḥ klībākṛtirivocyate / utsādayitvā kṣatraṃ tu kṣatramanyatkariṣyati

Sanskrit only: no published translation is held for this verse.

नव नागास्तु भोक्ष्यति पुरीं चंपावतीं नृपाः । मथुरां च पुरा रम्यां नागा भोक्ष्यन्ति सप्त वै

nava nāgāstu bhokṣyati purīṃ caṃpāvatīṃ nṛpāḥ / mathurāṃ ca purā ramyāṃ nāgā bhokṣyanti sapta vai

Sanskrit only: no published translation is held for this verse.

अनुगङ्गाप्रयागं च साकेतं मगधांस्तथा । एताञ्जनपदान्सर्वान्भोक्ष्यन्ते सप्तवंशजाः

anugaṅgāprayāgaṃ ca sāketaṃ magadhāṃstathā / etāñjanapadānsarvānbhokṣyante saptavaṃśajāḥ

Sanskrit only: no published translation is held for this verse.

नैष धान्य दुकांश्चैव शैशीतान् कालतोयकान् । एताञ्जनपदान्सर्वान्भोक्ष्यन्ते मणिधान्यजान्

naiṣa dhānya dukāṃścaiva śaiśītān kālatoyakān / etāñjanapadānsarvānbhokṣyante maṇidhānyajān

Sanskrit only: no published translation is held for this verse.

कोशलांश्चान्ध्रपैण्ड्रांश्च ताम्रलिप्तान्ससागरान् । चंपां चैव पुरीं रम्यां भोक्ष्यन्ते देवरक्षिताः

kośalāṃścāndhrapaiṇḍrāṃśca tāmraliptānsasāgarān / caṃpāṃ caiva purīṃ ramyāṃ bhokṣyante devarakṣitāḥ

Sanskrit only: no published translation is held for this verse.

कलिङ्गा महिषाश्चैव महेन्द्रनिलयाश्च ये । एताञ्जनपदान्सर्वान् पालयिष्यति वै गुहः

kaliṅgā mahiṣāścaiva mahendranilayāśca ye / etāñjanapadānsarvān pālayiṣyati vai guhaḥ

Sanskrit only: no published translation is held for this verse.

स्त्रीराष्ट्रभोजकांश्चैव भोक्ष्यते कनकाह्वयः । तुल्यकालं भविष्यन्ति सर्वे ह्यते महीक्षितः

strīrāṣṭrabhojakāṃścaiva bhokṣyate kanakāhvayaḥ / tulyakālaṃ bhaviṣyanti sarve hyate mahīkṣitaḥ

Sanskrit only: no published translation is held for this verse.

अल्पप्रसादा ह्यनृता महाक्रोधा ह्यधार्मिकाः । भविष्यन्तीह यवना धर्मतः कामतोर्ऽथतः

alpaprasādā hyanṛtā mahākrodhā hyadhārmikāḥ / bhaviṣyantīha yavanā dharmataḥ kāmator'thataḥ

Sanskrit only: no published translation is held for this verse.

नैव मूर्द्धाभिषिक्तास्ते भविष्यन्ति नराधिपाः । युगदोषदुराचारा भविष्यन्ति नृपास्तु ते

naiva mūrddhābhiṣiktāste bhaviṣyanti narādhipāḥ / yugadoṣadurācārā bhaviṣyanti nṛpāstu te

Sanskrit only: no published translation is held for this verse.

भविष्यन्तीह पयाये कालेन वृथिवीक्षितः । विहीनास्तु भविष्यन्ति धर्मतः काम तोर्ऽथतः

bhaviṣyantīha payāye kālena vṛthivīkṣitaḥ / vihīnāstu bhaviṣyanti dharmataḥ kāma tor'thataḥ

Sanskrit only: no published translation is held for this verse.

तैर्विमिश्रा जनपदा म्लेच्छाचाराश्च सर्वशः । विपर्ययेण वर्तन्ते नाशायिष्यन्ति वै प्रजाः

tairvimiśrā janapadā mlecchācārāśca sarvaśaḥ / viparyayeṇa vartante nāśāyiṣyanti vai prajāḥ

Sanskrit only: no published translation is held for this verse.

लुब्धा अनृतवाचश्च भवितारस्तदा नृपाः । तेषां वर्त्तति पर्याये बहुस्त्रीके युगे तदा

lubdhā anṛtavācaśca bhavitārastadā nṛpāḥ / teṣāṃ varttati paryāye bahustrīke yuge tadā

Sanskrit only: no published translation is held for this verse.

लवाल्लवं भ्रश्यमाना आयुरूपबलश्रुतैः । तथा गतासु वै काष्ठं प्रजासु जगतीश्वराः

lavāllavaṃ bhraśyamānā āyurūpabalaśrutaiḥ / tathā gatāsu vai kāṣṭhaṃ prajāsu jagatīśvarāḥ

Sanskrit only: no published translation is held for this verse.

राजानः संप्रणश्यति कालेनोपहतास्तदा । कल्किना व्याहताः सर्वे म्लेच्छा यास्यन्ति संक्षयम्

rājānaḥ saṃpraṇaśyati kālenopahatāstadā / kalkinā vyāhatāḥ sarve mlecchā yāsyanti saṃkṣayam

Sanskrit only: no published translation is held for this verse.

अधार्मिकाश्च ये ऽत्यर्थं पाखण्डाश्चैव सर्वशः । प्रनष्टे नृपशब्दे च संध्याशिष्टे कलौ युगे

adhārmikāśca ye 'tyarthaṃ pākhaṇḍāścaiva sarvaśaḥ / pranaṣṭe nṛpaśabde ca saṃdhyāśiṣṭe kalau yuge

Sanskrit only: no published translation is held for this verse.

किञ्चिच्छिष्टाः प्रजास्ता वै धर्मे नष्टे परिग्रहाः । असाधना हतस्वाश्च व्याधिशोकनिपीडिताः

kiñcicchiṣṭāḥ prajāstā vai dharme naṣṭe parigrahāḥ / asādhanā hatasvāśca vyādhiśokanipīḍitāḥ

Sanskrit only: no published translation is held for this verse.

अनावृष्टिहताश्चैव परस्परवधेन च

anāvṛṣṭihatāścaiva parasparavadhena ca

Sanskrit only: no published translation is held for this verse.

अनाधाराः परित्रस्ता वार्तामुत्सृज्य दुःखिताः । त्यक्त्वा पुराणि ग्रामांश्च भविष्यन्ति वनौकसः

anādhārāḥ paritrastā vārtāmutsṛjya duḥkhitāḥ / tyaktvā purāṇi grāmāṃśca bhaviṣyanti vanaukasaḥ

Sanskrit only: no published translation is held for this verse.

एवंरूपेषु नष्टेषु प्रजास्त्यक्त्वा गृहाणि तु । नष्टे स्नेहे दुरापन्ना भ्रष्टस्नेहाः सुहृज्जनः

evaṃrūpeṣu naṣṭeṣu prajāstyaktvā gṛhāṇi tu / naṣṭe snehe durāpannā bhraṣṭasnehāḥ suhṛjjanaḥ

Sanskrit only: no published translation is held for this verse.

वर्णाश्रमपरिभ्रष्टाः संकरं घोरमास्थिताः । सरित्पर्वतसेविन्यो भविष्यन्ति प्रजास्तदा

varṇāśramaparibhraṣṭāḥ saṃkaraṃ ghoramāsthitāḥ / saritparvatasevinyo bhaviṣyanti prajāstadā

Sanskrit only: no published translation is held for this verse.

सरितः सागरानूपान्सेवन्ते पर्वतानथ । अङ्गान्कलिङ्गान्वङ्गांश्च काश्मीरान्काशिकोशलान्

saritaḥ sāgarānūpānsevante parvatānatha / aṅgānkaliṅgānvaṅgāṃśca kāśmīrānkāśikośalān

Sanskrit only: no published translation is held for this verse.

ऋषिकान्तागिरिद्रोणीः संश्रयिष्यन्ति मानवाः । कृत्स्नं हिमवतः पृष्ठं कूलं च लवणांभसः

ṛṣikāntāgiridroṇīḥ saṃśrayiṣyanti mānavāḥ / kṛtsnaṃ himavataḥ pṛṣṭhaṃ kūlaṃ ca lavaṇāṃbhasaḥ

Sanskrit only: no published translation is held for this verse.

अरण्यमभिपत्स्यन्ते आर्या म्लेच्छजनैः सह । मृगैर्मीनैर्विहङ्गैश्च श्वापदैश्चेक्षुभिस्तथा

araṇyamabhipatsyante āryā mlecchajanaiḥ saha / mṛgairmīnairvihaṅgaiśca śvāpadaiścekṣubhistathā

Sanskrit only: no published translation is held for this verse.

मधुशाकफलैर्मूलैर्वर्तयिष्यन्ति मानवाः । चीरं पर्णं च विविधं वल्कलान्यजिनानि च

madhuśākaphalairmūlairvartayiṣyanti mānavāḥ / cīraṃ parṇaṃ ca vividhaṃ valkalānyajināni ca

Sanskrit only: no published translation is held for this verse.

स्वयं कृत्वा पिधास्यन्ति यथा मुनिजनस्तथा । बीजान्नानि तथा निम्नेष्वी हन्तः काष्ठशङ्कुभिः

svayaṃ kṛtvā pidhāsyanti yathā munijanastathā / bījānnāni tathā nimneṣvī hantaḥ kāṣṭhaśaṅkubhiḥ

Sanskrit only: no published translation is held for this verse.

अजैडकं खरोष्ट्रं च पालयिष्यन्ति यत्नतः । नदीर्वत्स्यन्ति तोयार्थे नूनमाश्रित्य मानवाः

ajaiḍakaṃ kharoṣṭraṃ ca pālayiṣyanti yatnataḥ / nadīrvatsyanti toyārthe nūnamāśritya mānavāḥ

Sanskrit only: no published translation is held for this verse.

पार्थिवा व्यवहारेण विबाधन्ते परस्परम् । बहुमन्याः प्रजाहीनाः शौचाचारविवर्जिताः

pārthivā vyavahāreṇa vibādhante parasparam / bahumanyāḥ prajāhīnāḥ śaucācāravivarjitāḥ

Sanskrit only: no published translation is held for this verse.

एवं भविष्यन्ति नरास्तदाधर्म व्यवस्थिताः । हीनान्दीनांस्तथाधर्मान्प्रजा समनुवर्त्स्यति

evaṃ bhaviṣyanti narāstadādharma vyavasthitāḥ / hīnāndīnāṃstathādharmānprajā samanuvartsyati

Sanskrit only: no published translation is held for this verse.

आयुस्तदा त्रयोविंशन्न कश्चिदतिवर्तते । दुर्बला विषयग्लाना जराया संपरिप्लुताः

āyustadā trayoviṃśanna kaścidativartate / durbalā viṣayaglānā jarāyā saṃpariplutāḥ

Sanskrit only: no published translation is held for this verse.

पत्रमूलफलाहाराश्चीरकृष्णाजिनांबराः । वृत्त्यर्थमभिलिप्स्यन्तश्चरिष्यन्ति वसुंधराम्

patramūlaphalāhārāścīrakṛṣṇājināṃbarāḥ / vṛttyarthamabhilipsyantaścariṣyanti vasuṃdharām

Sanskrit only: no published translation is held for this verse.

एतत्कालमनुप्राप्ताः प्रजाः कलियुगान्तके । क्षीणे कलियुगे तस्मिन्दिव्ये वर्षसहस्रके

etatkālamanuprāptāḥ prajāḥ kaliyugāntake / kṣīṇe kaliyuge tasmindivye varṣasahasrake

Sanskrit only: no published translation is held for this verse.

निःशेषास्तु भविष्यन्ति सार्द्धं कलियुगेन तु । स संध्यांशे तु निःशेषे कृतं वै प्रतिपत्स्यते

niḥśeṣāstu bhaviṣyanti sārddhaṃ kaliyugena tu / sa saṃdhyāṃśe tu niḥśeṣe kṛtaṃ vai pratipatsyate

Sanskrit only: no published translation is held for this verse.

यदा यन्द्रश्च सूर्यश्च तथा तिष्यबृहस्पती । एकराशौ भविष्यन्ति तदा कृतयुगं भवेत्

yadā yandraśca sūryaśca tathā tiṣyabṛhaspatī / ekarāśau bhaviṣyanti tadā kṛtayugaṃ bhavet

Sanskrit only: no published translation is held for this verse.

एष वंशक्रमः कृत्स्नः कीर्तितो वो यथाक्रमम् । अतीता वर्तमानाश्च तथैवानागताश्च ये

eṣa vaṃśakramaḥ kṛtsnaḥ kīrtito vo yathākramam / atītā vartamānāśca tathaivānāgatāśca ye

Sanskrit only: no published translation is held for this verse.

महानन्दाभिषेकान्त जन्म यावत्परीक्षितः । एतद्वर्षसहस्रं तु ज्ञेयं पञ्चाशदुत्तरम्

mahānandābhiṣekānta janma yāvatparīkṣitaḥ / etadvarṣasahasraṃ tu jñeyaṃ pañcāśaduttaram

Sanskrit only: no published translation is held for this verse.

प्रमाणं वै तथा वक्तुं महापद्मोत्तरं च यत् । अन्तरं च शतान्यष्टौ षट्त्रिंशच्च समाः स्मृताः

pramāṇaṃ vai tathā vaktuṃ mahāpadmottaraṃ ca yat / antaraṃ ca śatānyaṣṭau ṣaṭtriṃśacca samāḥ smṛtāḥ

Sanskrit only: no published translation is held for this verse.

एतत्कालान्तर भाव्यमन्ध्रान्ताद्याः प्रकीर्त्तिताः । भविष्यैस्तत्र संख्याताः पुराणज्ञैः श्रुतार्षिभिः

etatkālāntara bhāvyamandhrāntādyāḥ prakīrttitāḥ / bhaviṣyaistatra saṃkhyātāḥ purāṇajñaiḥ śrutārṣibhiḥ

Sanskrit only: no published translation is held for this verse.

सप्तर्षयस्तदा प्राप्ताः पित्र्ये पारीक्षिते शतम् । सप्तविंशैः शतैर्भाव्या अन्ध्राणां ते ऽन्वयाः पुनः

saptarṣayastadā prāptāḥ pitrye pārīkṣite śatam / saptaviṃśaiḥ śatairbhāvyā andhrāṇāṃ te 'nvayāḥ punaḥ

Sanskrit only: no published translation is held for this verse.

सप्तविंशतिपर्यन्ते कृत्स्ने नक्षत्रमण्डले । सप्तर्षयस्तु तिष्ठन्ति पर्यायेण शतंशतम्

saptaviṃśatiparyante kṛtsne nakṣatramaṇḍale / saptarṣayastu tiṣṭhanti paryāyeṇa śataṃśatam

Sanskrit only: no published translation is held for this verse.

सप्तर्षीणां युगं त्वेतद्दिव्यया संख्यया स्मृतम् । मासा दिव्याः स्मृताः षट्च दिव्याब्दाश्चैव सप्त हि

saptarṣīṇāṃ yugaṃ tvetaddivyayā saṃkhyayā smṛtam / māsā divyāḥ smṛtāḥ ṣaṭca divyābdāścaiva sapta hi

Sanskrit only: no published translation is held for this verse.

तेभ्यः प्रवर्तते कालो दिव्यः सप्तर्षिभिस्तु तैः । सप्तर्षीणां तु यौ पूर्वौ दृश्येते उत्तरादिशि

tebhyaḥ pravartate kālo divyaḥ saptarṣibhistu taiḥ / saptarṣīṇāṃ tu yau pūrvau dṛśyete uttarādiśi

Sanskrit only: no published translation is held for this verse.

तयोर्मध्ये च नक्षत्रं दृश्यते यत्समं दिवि । तेन सप्तर्षयो युक्ता ज्ञेया व्योम्नि शतं समाः

tayormadhye ca nakṣatraṃ dṛśyate yatsamaṃ divi / tena saptarṣayo yuktā jñeyā vyomni śataṃ samāḥ

Sanskrit only: no published translation is held for this verse.

नक्षत्राणामृषीणां च भोगस्यैतन्निदर्शनम् । सप्तर्षयो ह्यथायुक्ताः काले परीक्षिते शतम्

nakṣatrāṇāmṛṣīṇāṃ ca bhogasyaitannidarśanam / saptarṣayo hyathāyuktāḥ kāle parīkṣite śatam

Sanskrit only: no published translation is held for this verse.

अन्ध्रांशे सचतुर्विंशे भविष्यन्ति शतं समाः । इमास्तदा तु प्रकृतीर्व्यापत्स्यन्ते प्रजा भृशम्

andhrāṃśe sacaturviṃśe bhaviṣyanti śataṃ samāḥ / imāstadā tu prakṛtīrvyāpatsyante prajā bhṛśam

Sanskrit only: no published translation is held for this verse.

अनृतोपहताः सर्वा धर्मतः कामतोर्ऽथतः । श्रौतस्मार्त्ते प्रशिथिले धर्मे वर्णाश्रमे तदा

anṛtopahatāḥ sarvā dharmataḥ kāmator'thataḥ / śrautasmārtte praśithile dharme varṇāśrame tadā

Sanskrit only: no published translation is held for this verse.

संकरं दुर्बलात्मानः प्रतियास्यन्ति मोहिताः । संसक्ताश्च भविष्यन्ति शूद्राः सार्द्धं द्विजातिभिः

saṃkaraṃ durbalātmānaḥ pratiyāsyanti mohitāḥ / saṃsaktāśca bhaviṣyanti śūdrāḥ sārddhaṃ dvijātibhiḥ

Sanskrit only: no published translation is held for this verse.

ब्राह्मणाः शूद्रयष्टारः शूद्रा वै मन्त्रयोनयः । उपस्थास्यन्ति तान्विप्रांस्तदा दौर्वृत्त्यलिप्सवः

brāhmaṇāḥ śūdrayaṣṭāraḥ śūdrā vai mantrayonayaḥ / upasthāsyanti tānviprāṃstadā daurvṛttyalipsavaḥ

Sanskrit only: no published translation is held for this verse.

लवाल्लवं भ्रश्यमानाः प्रजाः सर्वाः क्रमेण तु । क्षयमेव गमिष्यन्ति क्षीणशेषा युगक्षये

lavāllavaṃ bhraśyamānāḥ prajāḥ sarvāḥ krameṇa tu / kṣayameva gamiṣyanti kṣīṇaśeṣā yugakṣaye

Sanskrit only: no published translation is held for this verse.