Brahmāṇḍa Purāṇa 2.74

यस्मिन्कृष्णो दिव्यं यातस्त स्मिन्नेव तदा दिने । प्रतिपन्नः कलियुगस्तस्य संख्यां निबोधत

yasminkṛṣṇo divyaṃ yātasta sminneva tadā dine / pratipannaḥ kaliyugastasya saṃkhyāṃ nibodhata

Sanskrit only: no published translation is held for this verse.

सहस्राणां शतानीह त्रीणि मानुषसंख्यया । षष्टिं चैव सहस्राणि वर्षाणां तूच्यते कलिः

sahasrāṇāṃ śatānīha trīṇi mānuṣasaṃkhyayā / ṣaṣṭiṃ caiva sahasrāṇi varṣāṇāṃ tūcyate kaliḥ

Sanskrit only: no published translation is held for this verse.

दिव्यं वर्षसहस्रं तु तत्संध्यांशे हि कीर्तिते । निःशेषे च तदा तस्मिन्कृतं वै प्रतिपत्स्यते

divyaṃ varṣasahasraṃ tu tatsaṃdhyāṃśe hi kīrtite / niḥśeṣe ca tadā tasminkṛtaṃ vai pratipatsyate

Sanskrit only: no published translation is held for this verse.

एलश्चेक्ष्वाकुवंशश्च सह भेदैः प्रकीर्तितौ । इक्ष्वाकोस्तु समृतं क्षत्त्रं सुमित्रान्तं विवस्वतः

elaścekṣvākuvaṃśaśca saha bhedaiḥ prakīrtitau / ikṣvākostu samṛtaṃ kṣattraṃ sumitrāntaṃ vivasvataḥ

Sanskrit only: no published translation is held for this verse.

ऐलं क्षत्त्रं क्षेमकान्तं सोम वंशविदो विदुः । एते विवस्वतः पुत्राः कीर्तिताः कीर्त्तिवर्द्धनाः

ailaṃ kṣattraṃ kṣemakāntaṃ soma vaṃśavido viduḥ / ete vivasvataḥ putrāḥ kīrtitāḥ kīrttivarddhanāḥ

Sanskrit only: no published translation is held for this verse.

अतीता वर्तमानाश्च तथैवानागताश्च ये । ब्राह्मणाः क्षत्त्रिया वैश्यः शूद्राश्चैवात्र ये स्मृताः

atītā vartamānāśca tathaivānāgatāśca ye / brāhmaṇāḥ kṣattriyā vaiśyaḥ śūdrāścaivātra ye smṛtāḥ

Sanskrit only: no published translation is held for this verse.

युगेयुगे महात्मानः समतीताः सहस्रशः । बहुत्वान्नामधेयानां परिसंख्या कुलेकुले

yugeyuge mahātmānaḥ samatītāḥ sahasraśaḥ / bahutvānnāmadheyānāṃ parisaṃkhyā kulekule

Sanskrit only: no published translation is held for this verse.

पुनरुक्तिबहुत्वाच्च न मया परिकीर्त्तिता । वैवस्वतंऽतरे ह्यस्मिन्न निमिवंशः समाप्यते

punaruktibahutvācca na mayā parikīrttitā / vaivasvataṃ'tare hyasminna nimivaṃśaḥ samāpyate

Sanskrit only: no published translation is held for this verse.

एतस्यां तु युगाख्यायां यतः क्षत्त्रं प्रपत्स्यते । तथा हि कथयिष्यामि गदतो मे निबोधत

etasyāṃ tu yugākhyāyāṃ yataḥ kṣattraṃ prapatsyate / tathā hi kathayiṣyāmi gadato me nibodhata

Sanskrit only: no published translation is held for this verse.

देवापिः पौरवो राजा ऐक्ष्वाकुश्चैव यो मरुः । माहायोगबलोपेतौ कलापग्राममास्थितौ

devāpiḥ pauravo rājā aikṣvākuścaiva yo maruḥ / māhāyogabalopetau kalāpagrāmamāsthitau

Sanskrit only: no published translation is held for this verse.

एतौ क्षत्त्रप्रणेतारौ चतुर्विंशे चतुर्युगे । सुवर्चा नाम पुत्रस्तु इक्ष्वाकोस्तु भविष्यति

etau kṣattrapraṇetārau caturviṃśe caturyuge / suvarcā nāma putrastu ikṣvākostu bhaviṣyati

Sanskrit only: no published translation is held for this verse.

नवविंशे युगे सो ऽथ वंशस्यादिर्भविष्यति । देवापेश्च सपौलस्तु एलादिर्भविता नृपः

navaviṃśe yuge so 'tha vaṃśasyādirbhaviṣyati / devāpeśca sapaulastu elādirbhavitā nṛpaḥ

Sanskrit only: no published translation is held for this verse.

क्षत्रप्रवर्त्तकौ ह्येतौ भविष्येते चतुर्युगे । एवं सर्वत्र विज्ञेयं संतानार्थे तु लत्रणम्

kṣatrapravarttakau hyetau bhaviṣyete caturyuge / evaṃ sarvatra vijñeyaṃ saṃtānārthe tu latraṇam

Sanskrit only: no published translation is held for this verse.

क्षीणे कलियुगे तस्मिन्भविष्ये त कृते युगे । सप्तर्षिभिस्तु तैः सार्द्धमाद्ये त्रेतायुगे पुनः

kṣīṇe kaliyuge tasminbhaviṣye ta kṛte yuge / saptarṣibhistu taiḥ sārddhamādye tretāyuge punaḥ

Sanskrit only: no published translation is held for this verse.

गोत्राणां क्षत्रियाणां च भविष्येते प्रवर्त्तकौ । द्वापरांशेन तिष्ठन्ति क्षत्रिया ऋषिभिः सह

gotrāṇāṃ kṣatriyāṇāṃ ca bhaviṣyete pravarttakau / dvāparāṃśena tiṣṭhanti kṣatriyā ṛṣibhiḥ saha

Sanskrit only: no published translation is held for this verse.

भविष्ये तु ततः सर्गे काले कृतयुगे पुनः । बीजार्थं ते भविष्यन्ति ब्रह्मक्षत्रस्य वै पुनः

bhaviṣye tu tataḥ sarge kāle kṛtayuge punaḥ / bījārthaṃ te bhaviṣyanti brahmakṣatrasya vai punaḥ

Sanskrit only: no published translation is held for this verse.

एवमेव तु सर्वेषु तिष्ठन्तीहासुरेषु वै । सप्तर्षयो नृपैः सार्द्धं संतानार्थं युगेयुगे

evameva tu sarveṣu tiṣṭhantīhāsureṣu vai / saptarṣayo nṛpaiḥ sārddhaṃ saṃtānārthaṃ yugeyuge

Sanskrit only: no published translation is held for this verse.

क्षत्रस्यैव समुच्छेदसंबन्धो वै द्विजैः स्मृतः । मन्वन्तराणां सप्तानां संतानश्च श्रुतश्च ते

kṣatrasyaiva samucchedasaṃbandho vai dvijaiḥ smṛtaḥ / manvantarāṇāṃ saptānāṃ saṃtānaśca śrutaśca te

Sanskrit only: no published translation is held for this verse.

परस्पराद्युगानां च ब्रह्मक्षत्रस्य चोद्भवः । यथा प्रवृत्तिस्तेषां वै प्रवृत्तानां तथा क्षयः

parasparādyugānāṃ ca brahmakṣatrasya codbhavaḥ / yathā pravṛttisteṣāṃ vai pravṛttānāṃ tathā kṣayaḥ

Sanskrit only: no published translation is held for this verse.

सप्तर्षयो विदुस्तेषां दीर्घायुष्ट्वाद्भवाभवौ । एतेन क्रमयोगेन ऐलेक्ष्वाक्वन्वया द्विजाः

saptarṣayo vidusteṣāṃ dīrghāyuṣṭvādbhavābhavau / etena kramayogena ailekṣvākvanvayā dvijāḥ

Sanskrit only: no published translation is held for this verse.

उत्पद्यमानास्त्रेतायां क्षीयमाणाः कलौ पुनः । अनुयान्ति युगाख्यां तु यावन्मन्वन्तरक्षयः

utpadyamānāstretāyāṃ kṣīyamāṇāḥ kalau punaḥ / anuyānti yugākhyāṃ tu yāvanmanvantarakṣayaḥ

Sanskrit only: no published translation is held for this verse.

जामदग्न्येन रामेण क्षत्रे निरवशेषिते । कृतेयं संकुला सर्वा क्षत्रियैर्वसुधाधिपैः

jāmadagnyena rāmeṇa kṣatre niravaśeṣite / kṛteyaṃ saṃkulā sarvā kṣatriyairvasudhādhipaiḥ

Sanskrit only: no published translation is held for this verse.

द्विपंशकारणञ्चैव कीर्तयिष्ये निबोधत । ऐलस्येक्ष्वाकुनन्दस्य प्रकृतिः परिवर्त्तते

dvipaṃśakāraṇañcaiva kīrtayiṣye nibodhata / ailasyekṣvākunandasya prakṛtiḥ parivarttate

Sanskrit only: no published translation is held for this verse.

राजानः श्रेणिबद्धास्तु तथान्ये क्षत्रिया नृपाः । एलवंशस्य ये ख्यातास्तथैवेक्ष्वाकवो नृपाः

rājānaḥ śreṇibaddhāstu tathānye kṣatriyā nṛpāḥ / elavaṃśasya ye khyātāstathaivekṣvākavo nṛpāḥ

Sanskrit only: no published translation is held for this verse.

तेषामेकशतं पूर्णं कुलानामभिषेकितम् । तावदेव तु भोजानां विस्तरो द्विगुणः स्मृतः

teṣāmekaśataṃ pūrṇaṃ kulānāmabhiṣekitam / tāvadeva tu bhojānāṃ vistaro dviguṇaḥ smṛtaḥ

Sanskrit only: no published translation is held for this verse.

भजते त्र्यंशकं क्षत्त्रं चतुर्थात्त द्यथा दिशम् । तेष्वतीताः समाना ये ब्रुवतस्तान्निबोधत

bhajate tryaṃśakaṃ kṣattraṃ caturthātta dyathā diśam / teṣvatītāḥ samānā ye bruvatastānnibodhata

Sanskrit only: no published translation is held for this verse.

शतं वै प्रतिविन्ध्यानां शतं नागाः सहैहयाः । धृत राष्ट्रश्चैकशतमशीतिर्जनमेजयाः

śataṃ vai prativindhyānāṃ śataṃ nāgāḥ sahaihayāḥ / dhṛta rāṣṭraścaikaśatamaśītirjanamejayāḥ

Sanskrit only: no published translation is held for this verse.

शतं च ब्रह्मदत्तानां शारिणां विरिणां शतम् । ततः शतं तु पौलानां श्वेतकाश्य कुशादयः

śataṃ ca brahmadattānāṃ śāriṇāṃ viriṇāṃ śatam / tataḥ śataṃ tu paulānāṃ śvetakāśya kuśādayaḥ

Sanskrit only: no published translation is held for this verse.

ततो ऽपरे सहस्रं वै ये ऽतीताः शशविन्दवः । ईजिरे चाश्वमेधैस्ते सर्वे नियुतदक्षिणैः

tato 'pare sahasraṃ vai ye 'tītāḥ śaśavindavaḥ / ījire cāśvamedhaiste sarve niyutadakṣiṇaiḥ

Sanskrit only: no published translation is held for this verse.

एवं राजर्षयो ऽतीता शतशो ऽथ सहस्रशः । मनोर्वैवस्वतस्यास्मिन्वर्त्तमानेंऽतरे तु ये

evaṃ rājarṣayo 'tītā śataśo 'tha sahasraśaḥ / manorvaivasvatasyāsminvarttamāneṃ'tare tu ye

Sanskrit only: no published translation is held for this verse.

तेषां निबोधतोत्पन्ना लोके संततयः स्मृताः ॥ न शक्येविस्तरस्तासां संततीनां परस्परम्

teṣāṃ nibodhatotpannā loke saṃtatayaḥ smṛtāḥ // na śakyevistarastāsāṃ saṃtatīnāṃ parasparam

Sanskrit only: no published translation is held for this verse.

तत्पूर्वापरयोगेन वक्तुं वर्षशतैरपि । अष्टाविंशद्युगाख्यास्तु गता वैवस्वतेन्तरे

tatpūrvāparayogena vaktuṃ varṣaśatairapi / aṣṭāviṃśadyugākhyāstu gatā vaivasvatentare

Sanskrit only: no published translation is held for this verse.

एतै राजर्षिभिः सार्द्धं शष्टायास्ता निबोधत । चत्वारिंशत्त्रयश्चैव भविष्याः सह राजभिः

etai rājarṣibhiḥ sārddhaṃ śaṣṭāyāstā nibodhata / catvāriṃśattrayaścaiva bhaviṣyāḥ saha rājabhiḥ

Sanskrit only: no published translation is held for this verse.

युगाख्यानाव शिष्टास्तु ततो वैवस्वतक्षयः । एतद्वः कथितं सर्वे समासव्यासयोगतः

yugākhyānāva śiṣṭāstu tato vaivasvatakṣayaḥ / etadvaḥ kathitaṃ sarve samāsavyāsayogataḥ

Sanskrit only: no published translation is held for this verse.

पुनरुक्तिबहुत्वाच्च न शक्य तु युगैः सह । एते ययातिपुत्राणां पञ्च वंशा विशां हिताः

punaruktibahutvācca na śakya tu yugaiḥ saha / ete yayātiputrāṇāṃ pañca vaṃśā viśāṃ hitāḥ

Sanskrit only: no published translation is held for this verse.

कीर्त्तिताश्च व्यतीता ये ये लोकान्धारयन्त्युत । लभते च वरान्पञ्च दुर्लभा निह लौकिकान्

kīrttitāśca vyatītā ye ye lokāndhārayantyuta / labhate ca varānpañca durlabhā niha laukikān

Sanskrit only: no published translation is held for this verse.

आयुः कीर्त्तिं धनं पुत्रान्स्वर्गं चानन्त्यमश्नुते । धारणाच्छ्रवणाच्चैव पञ्चवंशस्य धीमतः

āyuḥ kīrttiṃ dhanaṃ putrānsvargaṃ cānantyamaśnute / dhāraṇācchravaṇāccaiva pañcavaṃśasya dhīmataḥ

Sanskrit only: no published translation is held for this verse.

इत्येष वो मया पादस्तृतीयः कथितो द्विजाः । विस्तरेणानुपूर्व्या च किं भूयो वर्णयाम्यहम्

ityeṣa vo mayā pādastṛtīyaḥ kathito dvijāḥ / vistareṇānupūrvyā ca kiṃ bhūyo varṇayāmyaham

Sanskrit only: no published translation is held for this verse.