तयोः पत्न्यौ भगिन्यौ च क्रतुस्थस्यात्मजे शुभे । नाम्ना पुण्यजनी चैव तथा देवजनी च या
tayoḥ patnyau bhaginyau ca kratusthasyātmaje śubhe / nāmnā puṇyajanī caiva tathā devajanī ca yā
Sanskrit only: no published translation is held for this verse.
Library·Brahmāṇḍa Purāṇa·2·2.7
Brahmāṇḍa Purāṇa 2.7
विजज्ञे पणिभद्रातु पुत्रान्पुण्यजनी शुभा । सिद्धार्थं सूर्यतेजश्च सुमनं नन्दनं तथा
vijajñe paṇibhadrātu putrānpuṇyajanī śubhā / siddhārthaṃ sūryatejaśca sumanaṃ nandanaṃ tathā
Sanskrit only: no published translation is held for this verse.
मण्डूकं रुचकं चैव मणिमन्तं वसुं तथा । सर्वानुभूतं शङ्खं च पिङ्गाक्षं भीरुमेव च
maṇḍūkaṃ rucakaṃ caiva maṇimantaṃ vasuṃ tathā / sarvānubhūtaṃ śaṅkhaṃ ca piṅgākṣaṃ bhīrumeva ca
Sanskrit only: no published translation is held for this verse.
असोमं दूरसोमं च पद्मं चन्द्रप्रभं तथा । मेघवर्णं सुभद्रं च प्रद्योतं च महाद्युतिम्
asomaṃ dūrasomaṃ ca padmaṃ candraprabhaṃ tathā / meghavarṇaṃ subhadraṃ ca pradyotaṃ ca mahādyutim
Sanskrit only: no published translation is held for this verse.
द्युति मन्तं केतुमन्तं दर्शनीयं सुदर्शनम् । चत्वारो विंशतिश्चैव पुत्राः पुण्यजनीभवाः
dyuti mantaṃ ketumantaṃ darśanīyaṃ sudarśanam / catvāro viṃśatiścaiva putrāḥ puṇyajanībhavāḥ
Sanskrit only: no published translation is held for this verse.
जज्ञिरे मणिभद्रस्य सर्वे ते पुण्यलक्षणाः । तेषां पुत्राश्च पौत्राश्च यक्षाः पुण्यजनाः शुभाः
jajñire maṇibhadrasya sarve te puṇyalakṣaṇāḥ / teṣāṃ putrāśca pautrāśca yakṣāḥ puṇyajanāḥ śubhāḥ
Sanskrit only: no published translation is held for this verse.
विजज्ञे वै देवजनी पुत्रान्मणिवराञ्छुभा । पूर्णभद्रं हैमवन्तं मणिमन्त्रविवर्द्धनौ
vijajñe vai devajanī putrānmaṇivarāñchubhā / pūrṇabhadraṃ haimavantaṃ maṇimantravivarddhanau
Sanskrit only: no published translation is held for this verse.
कुसुं चरं पिशङ्गं च स्थूलकर्णं महामुदम् । स्वेतं च विमलं चैव पुष्पदन्तं चयावहम्
kusuṃ caraṃ piśaṅgaṃ ca sthūlakarṇaṃ mahāmudam / svetaṃ ca vimalaṃ caiva puṣpadantaṃ cayāvaham
Sanskrit only: no published translation is held for this verse.
पद्मवर्णं सुचन्द्रं च पक्षञ्च बलकं तथा । कुमुदाक्षं सुकमलं वर्द्धमानं तथा हितम्
padmavarṇaṃ sucandraṃ ca pakṣañca balakaṃ tathā / kumudākṣaṃ sukamalaṃ varddhamānaṃ tathā hitam
Sanskrit only: no published translation is held for this verse.
पद्मनाभं सुगन्धं च सुवीरं विजयं कृतम् । पूर्ममासं हिरण्याक्षं सारणं चैव मानसम्
padmanābhaṃ sugandhaṃ ca suvīraṃ vijayaṃ kṛtam / pūrmamāsaṃ hiraṇyākṣaṃ sāraṇaṃ caiva mānasam
Sanskrit only: no published translation is held for this verse.
पुत्रा मणिवरस्यैते यक्षा वै गुह्यकाः स्मृताः । सुरुपाश्च सुवेषाश्च स्रग्विणः प्रियदर्शनाः
putrā maṇivarasyaite yakṣā vai guhyakāḥ smṛtāḥ / surupāśca suveṣāśca sragviṇaḥ priyadarśanāḥ
Sanskrit only: no published translation is held for this verse.
तेषां पुत्राश्च पौत्राश्च शतशो ऽथ सहस्रशः । खशायास्त्वपरे पुत्रा राक्षसाः कामरूपिणः
teṣāṃ putrāśca pautrāśca śataśo 'tha sahasraśaḥ / khaśāyāstvapare putrā rākṣasāḥ kāmarūpiṇaḥ
Sanskrit only: no published translation is held for this verse.
तेषां यथा प्रधानान्वै वर्ण्यमा नान्निबोधत । लालाविः क्रथनो भीमः सुमाली मधुरेव च
teṣāṃ yathā pradhānānvai varṇyamā nānnibodhata / lālāviḥ krathano bhīmaḥ sumālī madhureva ca
Sanskrit only: no published translation is held for this verse.
विस्फूर्जनो बृहज्जिह्वो मातङ्गो धूम्रितस्तथा । चन्द्रार्कभीकरो बुध्नः कपिलोमा प्रहासकः
visphūrjano bṛhajjihvo mātaṅgo dhūmritastathā / candrārkabhīkaro budhnaḥ kapilomā prahāsakaḥ
Sanskrit only: no published translation is held for this verse.
पीडापरस्त्रिनाभश्च वक्राक्षश्च निशाचरः । त्रिशिराः शतदंष्ट्रश्च तुण्डकोशश्च राक्षसः
pīḍāparastrinābhaśca vakrākṣaśca niśācaraḥ / triśirāḥ śatadaṃṣṭraśca tuṇḍakośaśca rākṣasaḥ
Sanskrit only: no published translation is held for this verse.
अश्वश्चाकंपनश्चैव दुर्मुखश्च निशाचरः । इत्येते राक्षसवारा विक्रान्ता गणरूपिमः
aśvaścākaṃpanaścaiva durmukhaśca niśācaraḥ / ityete rākṣasavārā vikrāntā gaṇarūpimaḥ
Sanskrit only: no published translation is held for this verse.
सर्वलोकचरास्ते तु त्रिदशानां समक्रमाः । सप्त चान्या दुहितरस्ताः शृणुध्वं यथाक्रमम्
sarvalokacarāste tu tridaśānāṃ samakramāḥ / sapta cānyā duhitarastāḥ śṛṇudhvaṃ yathākramam
Sanskrit only: no published translation is held for this verse.
यासां च यः प्रजासर्गो येन चोत्पादिता गणाः । आलंबा उत्कचोत्कृष्टा निरृता कपिला शिवा
yāsāṃ ca yaḥ prajāsargo yena cotpāditā gaṇāḥ / ālaṃbā utkacotkṛṣṭā nirṛtā kapilā śivā
Sanskrit only: no published translation is held for this verse.
केशिनी च महाभागा भगिन्यः सप्त याः स्मृताः । ताभ्यो लोकनिकायस्य हन्तारो युद्धदुर्मदाः
keśinī ca mahābhāgā bhaginyaḥ sapta yāḥ smṛtāḥ / tābhyo lokanikāyasya hantāro yuddhadurmadāḥ
Sanskrit only: no published translation is held for this verse.
उदीर्णा राक्षसगणा इमे चोत्पादिताः शुभाः । आलंबेयो गणः क्रूर औत्कचेयो गणस्तथा
udīrṇā rākṣasagaṇā ime cotpāditāḥ śubhāḥ / ālaṃbeyo gaṇaḥ krūra autkaceyo gaṇastathā
Sanskrit only: no published translation is held for this verse.
तथौ त्कार्ष्टेयशैवेयौ रक्षसां ह्युत्तमा गणाः । तथैव नैरृतो नाम त्र्यंबकानुचरेण ह
tathau tkārṣṭeyaśaiveyau rakṣasāṃ hyuttamā gaṇāḥ / tathaiva nairṛto nāma tryaṃbakānucareṇa ha
Sanskrit only: no published translation is held for this verse.
उत्पादितः प्रजाकर्गे गणेश्वरवरेण तु । विक्रान्ताः शौर्यसंपन्ना नैरृता देवराक्षसाः
utpāditaḥ prajākarge gaṇeśvaravareṇa tu / vikrāntāḥ śauryasaṃpannā nairṛtā devarākṣasāḥ
Sanskrit only: no published translation is held for this verse.
येषामधिपतिर्युक्तो नाम्ना ख्यातो विरूपकः । तेषां गणशतानीका उद्धतानां महात्मनाम्
yeṣāmadhipatiryukto nāmnā khyāto virūpakaḥ / teṣāṃ gaṇaśatānīkā uddhatānāṃ mahātmanām
Sanskrit only: no published translation is held for this verse.
प्रायेणानुचरन्त्येते शङ्करं जगतः प्रभुम् । दैत्यराजेन कुम्भेन महाकाया महात्मना
prāyeṇānucarantyete śaṅkaraṃ jagataḥ prabhum / daityarājena kumbhena mahākāyā mahātmanā
Sanskrit only: no published translation is held for this verse.
उत्पादिता महावीर्या महाबलपराक्रमाः । कापिलेया महावीर्या उदीर्णा दैत्यराक्षसाः
utpāditā mahāvīryā mahābalaparākramāḥ / kāpileyā mahāvīryā udīrṇā daityarākṣasāḥ
Sanskrit only: no published translation is held for this verse.
कपिलेन च यक्षेण केशिन्यां ह्यपरे जनाः । उत्पादिता बलावता उदीर्णा यक्षराक्षसाः
kapilena ca yakṣeṇa keśinyāṃ hyapare janāḥ / utpāditā balāvatā udīrṇā yakṣarākṣasāḥ
Sanskrit only: no published translation is held for this verse.
केशिनी दुहिता चैव नीला या श्रुद्रराक्षसी । आलंबेयेन जनिता नैकाः सुरसिकेन हि
keśinī duhitā caiva nīlā yā śrudrarākṣasī / ālaṃbeyena janitā naikāḥ surasikena hi
Sanskrit only: no published translation is held for this verse.
नैला इति समाख्याता दुर्जया घोरविक्रमाः । चरन्ति पृथिवीं कृत्स्नां तत्र ते देवलौकिकाः
nailā iti samākhyātā durjayā ghoravikramāḥ / caranti pṛthivīṃ kṛtsnāṃ tatra te devalaukikāḥ
Sanskrit only: no published translation is held for this verse.
बहुत्वाच्चैवसर्गस्य तेषां वक्तुं न शक्यते । तस्यास्त्वपि च नीलाया विकचा नाम राक्षसी
bahutvāccaivasargasya teṣāṃ vaktuṃ na śakyate / tasyāstvapi ca nīlāyā vikacā nāma rākṣasī
Sanskrit only: no published translation is held for this verse.
दुहिता सुताश्च विकया महा सत्त्वपराक्रमाः । विरूपकेन तस्यां वै नैरृतेन इह प्रजाः
duhitā sutāśca vikayā mahā sattvaparākramāḥ / virūpakena tasyāṃ vai nairṛtena iha prajāḥ
Sanskrit only: no published translation is held for this verse.
उत्पादिताः सुघोराश्च शृणु तास्त्वनुपूर्वशः । दंष्ट्राकराला विकृता महाकर्णा महोदराः
utpāditāḥ sughorāśca śṛṇu tāstvanupūrvaśaḥ / daṃṣṭrākarālā vikṛtā mahākarṇā mahodarāḥ
Sanskrit only: no published translation is held for this verse.
हारका भीषकाश्चैव तथैव क्लामकाः परे । रेरवाकाः पिशाचाश्च वाहकास्त्रासकाः परे
hārakā bhīṣakāścaiva tathaiva klāmakāḥ pare / reravākāḥ piśācāśca vāhakāstrāsakāḥ pare
Sanskrit only: no published translation is held for this verse.
भूमिराक्षसका ह्येते मन्दाः परुपविक्रमाः । चरन्त्यदृष्टपूर्वास्तु नानाकारा ह्यनेकशः
bhūmirākṣasakā hyete mandāḥ parupavikramāḥ / carantyadṛṣṭapūrvāstu nānākārā hyanekaśaḥ
Sanskrit only: no published translation is held for this verse.
उत्कृष्टबलसत्त्वा ये तेषां वैखेचराः स्मृताः । लक्षमात्रेण चाकाशं स्वल्पात्स्वल्पं चरन्ति वै
utkṛṣṭabalasattvā ye teṣāṃ vaikhecarāḥ smṛtāḥ / lakṣamātreṇa cākāśaṃ svalpātsvalpaṃ caranti vai
Sanskrit only: no published translation is held for this verse.
एतैर्व्याप्तमिदं विश्वं शतशो ऽथ सहस्रशः । भूमिराक्षसकैः सर्वैरनेकैः क्षुद्रराक्षसैः
etairvyāptamidaṃ viśvaṃ śataśo 'tha sahasraśaḥ / bhūmirākṣasakaiḥ sarvairanekaiḥ kṣudrarākṣasaiḥ
Sanskrit only: no published translation is held for this verse.
नानाप्रकारैराक्रान्ता नाना देशाः समन्ततः । समासाभिहिताश्चैवह्यष्टौ राक्षसमातरः
nānāprakārairākrāntā nānā deśāḥ samantataḥ / samāsābhihitāścaivahyaṣṭau rākṣasamātaraḥ
Sanskrit only: no published translation is held for this verse.
अष्टौ विभागा ह्येषां हि व्याख्याता अनुपूर्वशः । भद्रका निकराः केचिदज्ञनिष्पत्तिहेतुकाः
aṣṭau vibhāgā hyeṣāṃ hi vyākhyātā anupūrvaśaḥ / bhadrakā nikarāḥ kecidajñaniṣpattihetukāḥ
Sanskrit only: no published translation is held for this verse.
सहस्रशतसंख्याता मर्त्य लोकविचारिणः । पूतरा मातृसामान्यास्तथा भूतभयङ्कराः
sahasraśatasaṃkhyātā martya lokavicāriṇaḥ / pūtarā mātṛsāmānyāstathā bhūtabhayaṅkarāḥ
Sanskrit only: no published translation is held for this verse.
बालानां मानुषे लोके ग्रहा मरणहेतुकाः । स्कन्दग्रहादयो हास्या आपकास्त्रासकादयः
bālānāṃ mānuṣe loke grahā maraṇahetukāḥ / skandagrahādayo hāsyā āpakāstrāsakādayaḥ
Sanskrit only: no published translation is held for this verse.
कौमारास्ते तु विज्ञेया बालानां गृहवृत्तयः । स्कन्दग्रहविशेषाणां मायिकानां तथैव च
kaumārāste tu vijñeyā bālānāṃ gṛhavṛttayaḥ / skandagrahaviśeṣāṇāṃ māyikānāṃ tathaiva ca
Sanskrit only: no published translation is held for this verse.
पूतना नाम भूतानां ये च लोकविनायकाः । एवं गणसहस्राणि चरन्ति पृथिवीमिमाम्
pūtanā nāma bhūtānāṃ ye ca lokavināyakāḥ / evaṃ gaṇasahasrāṇi caranti pṛthivīmimām
Sanskrit only: no published translation is held for this verse.
यक्षाः पुण्यजना नामपूर्णभद्राश्च ये स्मृताः । यक्षाणां राक्षसानां च पौलस्त्यागस्तयश्च ये
yakṣāḥ puṇyajanā nāmapūrṇabhadrāśca ye smṛtāḥ / yakṣāṇāṃ rākṣasānāṃ ca paulastyāgastayaśca ye
Sanskrit only: no published translation is held for this verse.
नैरृतानां च सर्वेषां राजभूदलकाधिपः । यक्षादृष्ट्या पिबन्तीह नॄणां मांसमसृग्वसे
nairṛtānāṃ ca sarveṣāṃ rājabhūdalakādhipaḥ / yakṣādṛṣṭyā pibantīha nṝṇāṃ māṃsamasṛgvase
Sanskrit only: no published translation is held for this verse.
रक्षांस्यनुप्रवेशेन पिशाचैः परिपीडनैः । सर्वलक्षणसंपन्नाः समामैश्चापि दैवतैः
rakṣāṃsyanupraveśena piśācaiḥ paripīḍanaiḥ / sarvalakṣaṇasaṃpannāḥ samāmaiścāpi daivataiḥ
Sanskrit only: no published translation is held for this verse.
भास्वरा बलवन्तश्च ईश्वराः कामरूपिणः । अनाभिभाव्या विक्रान्ताः सर्वलोकनमस्कृताः
bhāsvarā balavantaśca īśvarāḥ kāmarūpiṇaḥ / anābhibhāvyā vikrāntāḥ sarvalokanamaskṛtāḥ
Sanskrit only: no published translation is held for this verse.
सूक्ष्माश्चौजस्विनोमेध्या वरदा याज्ञिकाश्च वै । देवानां लक्षणं ह्येतदसुराणां तथैव च
sūkṣmāścaujasvinomedhyā varadā yājñikāśca vai / devānāṃ lakṣaṇaṃ hyetadasurāṇāṃ tathaiva ca
Sanskrit only: no published translation is held for this verse.
हीना देवैस्त्रिभिः पादैर्गन्धर्वाप्सरसः स्मृताः । गन्धर्वेभ्यस्त्रिभिः पादैर्हीना गुह्यकराक्षसाः
hīnā devaistribhiḥ pādairgandharvāpsarasaḥ smṛtāḥ / gandharvebhyastribhiḥ pādairhīnā guhyakarākṣasāḥ
Sanskrit only: no published translation is held for this verse.
ऐश्वर्यहीना रक्षोभ्यः पिशाचास्त्रिगुणां पुनः । एवन्धनेन रूपेण आयुषा च बलेन च
aiśvaryahīnā rakṣobhyaḥ piśācāstriguṇāṃ punaḥ / evandhanena rūpeṇa āyuṣā ca balena ca
Sanskrit only: no published translation is held for this verse.
धर्मैश्वर्येण बुद्ध्या च तपःश्रुतपराक्रमैः । देवासुरेभ्यो हीयन्ते त्रींस्त्रीन्पादान्परस्परम्
dharmaiśvaryeṇa buddhyā ca tapaḥśrutaparākramaiḥ / devāsurebhyo hīyante trīṃstrīnpādānparasparam
Sanskrit only: no published translation is held for this verse.
गन्धर्वाद्याः पिशाचान्ताश्चतस्रो देवयोनयः । अतः शृणुत भद्रं वः प्रजाः क्रोधवशान्वयाः
gandharvādyāḥ piśācāntāścatasro devayonayaḥ / ataḥ śṛṇuta bhadraṃ vaḥ prajāḥ krodhavaśānvayāḥ
Sanskrit only: no published translation is held for this verse.
क्रोधायाः कन्यका जज्ञे द्वादशैवात्मसंभवाः । ता भार्या पुलहस्यासन्नामतो मे निबोधत
krodhāyāḥ kanyakā jajñe dvādaśaivātmasaṃbhavāḥ / tā bhāryā pulahasyāsannāmato me nibodhata
Sanskrit only: no published translation is held for this verse.
मृगी च मृगमन्दा च हरिभद्रा त्विरावती । भूता च कपिशा दंष्ट्रा ऋषा तिर्या तथैव च
mṛgī ca mṛgamandā ca haribhadrā tvirāvatī / bhūtā ca kapiśā daṃṣṭrā ṛṣā tiryā tathaiva ca
Sanskrit only: no published translation is held for this verse.
श्वेता च सरमा चैव सुरसा चेति विश्रुता । मृग्यास्तु हरिगाः पुत्रा मृगश्चान्ये शशास्तथा
śvetā ca saramā caiva surasā ceti viśrutā / mṛgyāstu harigāḥ putrā mṛgaścānye śaśāstathā
Sanskrit only: no published translation is held for this verse.
न्यङ्कवःशरभा ये च रुरवः पृषताश्च ये । ऋक्षाश्च मृगमन्दाया गवयाश्चापरे तथा
nyaṅkavaḥśarabhā ye ca ruravaḥ pṛṣatāśca ye / ṛkṣāśca mṛgamandāyā gavayāścāpare tathā
Sanskrit only: no published translation is held for this verse.
महिषोष्ट्रवराहश्च खड्गा गौरमुखास्तथा । हर्य्या स्तु हरयः पुत्रा गोलाङ्गूलास्तरक्षवः
mahiṣoṣṭravarāhaśca khaḍgā gauramukhāstathā / haryyā stu harayaḥ putrā golāṅgūlāstarakṣavaḥ
Sanskrit only: no published translation is held for this verse.
वानराः किन्नराश्चैव मायुः किंपुरुषास्तथा । सिंहाव्याघ्राश्च नीलाश्चद्वीपिनः क्रोधिताधराः
vānarāḥ kinnarāścaiva māyuḥ kiṃpuruṣāstathā / siṃhāvyāghrāśca nīlāścadvīpinaḥ krodhitādharāḥ
Sanskrit only: no published translation is held for this verse.
सर्पाश्चाजगरा ग्राहा मार्जारा मूषिकाः परे । मण्डूका नकुलाश्चैव वल्कका वनगोचराः
sarpāścājagarā grāhā mārjārā mūṣikāḥ pare / maṇḍūkā nakulāścaiva valkakā vanagocarāḥ
Sanskrit only: no published translation is held for this verse.
हंसं तु प्रथमं जज्ञे पुलहस्य वरं शुभा । रणचन्द्रं शतमुखं दरीमुखमथापि च
haṃsaṃ tu prathamaṃ jajñe pulahasya varaṃ śubhā / raṇacandraṃ śatamukhaṃ darīmukhamathāpi ca
Sanskrit only: no published translation is held for this verse.
हरितं हरिवर्माणं भीषणं शुभलक्षणम् । प्रथितं मथितं चैव हरिणं लाङ्गलिं तथा
haritaṃ harivarmāṇaṃ bhīṣaṇaṃ śubhalakṣaṇam / prathitaṃ mathitaṃ caiva hariṇaṃ lāṅgaliṃ tathā
Sanskrit only: no published translation is held for this verse.
श्वेताया जज्ञिरे वीरा दश वानरपुङ्गवाः । ऊर्द्ध्वदृष्टिः कृताहारः सुव्रतो विनतो बुधः
śvetāyā jajñire vīrā daśa vānarapuṅgavāḥ / ūrddhvadṛṣṭiḥ kṛtāhāraḥ suvrato vinato budhaḥ
Sanskrit only: no published translation is held for this verse.
पारिजातः सुजातश्च हरिदासो गुणाकरः । क्षेममूर्तिश्च बलवान् राजानः सर्व एव ते
pārijātaḥ sujātaśca haridāso guṇākaraḥ / kṣemamūrtiśca balavān rājānaḥ sarva eva te
Sanskrit only: no published translation is held for this verse.
तेषां पुत्राश्च पौत्राश्च बलवन्तः सुदुःसहाः । अशक्याः समरेजेतुं देवदानवमानवैः
teṣāṃ putrāśca pautrāśca balavantaḥ suduḥsahāḥ / aśakyāḥ samarejetuṃ devadānavamānavaiḥ
Sanskrit only: no published translation is held for this verse.
यक्षभूतपिशाचैश्च राक्षसैः सुभुजङ्गमैः । नाग्निशस्त्रविषैरन्यैर्मृत्युरेषां विधीयते
yakṣabhūtapiśācaiśca rākṣasaiḥ subhujaṅgamaiḥ / nāgniśastraviṣairanyairmṛtyureṣāṃ vidhīyate
Sanskrit only: no published translation is held for this verse.
असंगगतयः सर्वे पृथिव्यां व्योम्नि चैव हि । पाताले च जले वायौ ह्यविनाशिन एव ते
asaṃgagatayaḥ sarve pṛthivyāṃ vyomni caiva hi / pātāle ca jale vāyau hyavināśina eva te
Sanskrit only: no published translation is held for this verse.
दशकोटिसहस्राणि दशार्बुदशतानि च । महापद्मसहस्राणि महापद्मशतानि च
daśakoṭisahasrāṇi daśārbudaśatāni ca / mahāpadmasahasrāṇi mahāpadmaśatāni ca
Sanskrit only: no published translation is held for this verse.
दशार्बुदानि कोटीनां सहस्राणां शतं शतम् । नियुतानां सहस्राणि निखर्वाणां तथै व च
daśārbudāni koṭīnāṃ sahasrāṇāṃ śataṃ śatam / niyutānāṃ sahasrāṇi nikharvāṇāṃ tathai va ca
Sanskrit only: no published translation is held for this verse.
दशार्बुदानि कोटीनां षष्टिकोटिस्तथैव च । अर्बुदानां च लक्षं तु कोटीशतमथापरम्
daśārbudāni koṭīnāṃ ṣaṣṭikoṭistathaiva ca / arbudānāṃ ca lakṣaṃ tu koṭīśatamathāparam
Sanskrit only: no published translation is held for this verse.
दश पद्मानि चान्यानि महापद्मानि वै नव । संख्यातानि कुलीनानां वानराणां तरस्विनाम्
daśa padmāni cānyāni mahāpadmāni vai nava / saṃkhyātāni kulīnānāṃ vānarāṇāṃ tarasvinām
Sanskrit only: no published translation is held for this verse.
सर्वे तेजस्विनः शूराः कामरूपा महा बलाः । दिव्याभरणवेषाश्च ब्रह्मण्याश्चाहितग्नयः
sarve tejasvinaḥ śūrāḥ kāmarūpā mahā balāḥ / divyābharaṇaveṣāśca brahmaṇyāścāhitagnayaḥ
Sanskrit only: no published translation is held for this verse.
यष्टारः सर्वयज्ञानां सहस्रशतदक्षिणाः । मुकुटैः कुण्डलैर्हारैः केयूरैः समलङ्कृताः
yaṣṭāraḥ sarvayajñānāṃ sahasraśatadakṣiṇāḥ / mukuṭaiḥ kuṇḍalairhāraiḥ keyūraiḥ samalaṅkṛtāḥ
Sanskrit only: no published translation is held for this verse.
वेदवेदाङ्गविद्वांसो नीतिशास्त्रविचक्षणाः । अस्त्राणां मोचने चापि तथा संहारकर्मणि
vedavedāṅgavidvāṃso nītiśāstravicakṣaṇāḥ / astrāṇāṃ mocane cāpi tathā saṃhārakarmaṇi
Sanskrit only: no published translation is held for this verse.
दिव्यमं त्रपुरस्कारा दिव्यमन्त्रपुरस्कृताः । समर्था बलिनः शूराः सर्वशस्त्रप्रहारिणः
divyamaṃ trapuraskārā divyamantrapuraskṛtāḥ / samarthā balinaḥ śūrāḥ sarvaśastraprahāriṇaḥ
Sanskrit only: no published translation is held for this verse.
दिव्यरूपधराः सौम्या जरामरणवर्जिताः । कुलानां च सहस्राणि दश तेषां महात्मनाम्
divyarūpadharāḥ saumyā jarāmaraṇavarjitāḥ / kulānāṃ ca sahasrāṇi daśa teṣāṃ mahātmanām
Sanskrit only: no published translation is held for this verse.
चतुर्षु मेरुपार्श्वेषु हेमकूटे हिमाह्वये । नीले श्वेतनगे चैव निषधे गन्धमादने
caturṣu merupārśveṣu hemakūṭe himāhvaye / nīle śvetanage caiva niṣadhe gandhamādane
Sanskrit only: no published translation is held for this verse.
द्वीपेषु सप्तसु तथा या गुहा ते च पर्वताः । निलयास्तेषु ते प्रोक्ता विश्वकर्मकृता स्वयम्
dvīpeṣu saptasu tathā yā guhā te ca parvatāḥ / nilayāsteṣu te proktā viśvakarmakṛtā svayam
Sanskrit only: no published translation is held for this verse.
पुरैश्च विविधाकारैः प्रकारैश्च विभूषिताः । सर्वर्तुरमणीयास्ते ह्युद्यानानि च सर्वशः
puraiśca vividhākāraiḥ prakāraiśca vibhūṣitāḥ / sarvarturamaṇīyāste hyudyānāni ca sarvaśaḥ
Sanskrit only: no published translation is held for this verse.
गृहभूमिषु शय्यासु पुष्पगन्धसुखोदिताः । आलेपनैश्च विविधैर्दिव्यभक्तिकृतैस्तथा
gṛhabhūmiṣu śayyāsu puṣpagandhasukhoditāḥ / ālepanaiśca vividhairdivyabhaktikṛtaistathā
Sanskrit only: no published translation is held for this verse.
सर्वरत्नसमाकीर्णा मानसीं सिद्धिमास्थिताः । वानरा वानरीभिस्ते दिव्याभरणभूषिताः
sarvaratnasamākīrṇā mānasīṃ siddhimāsthitāḥ / vānarā vānarībhiste divyābharaṇabhūṣitāḥ
Sanskrit only: no published translation is held for this verse.
पिबन्तो मधु माध्वीकं सुधाभक्षानुमिश्रितम् । क्रियामयाः समुदिता दिवि देवगणा इव
pibanto madhu mādhvīkaṃ sudhābhakṣānumiśritam / kriyāmayāḥ samuditā divi devagaṇā iva
Sanskrit only: no published translation is held for this verse.
देवगन्धर्वमुख्यानां पुत्रास्ते वै सुखे रताः । धार्मिकाश्च वरोत्सिक्ता युद्धशैण्डा महाबलाः
devagandharvamukhyānāṃ putrāste vai sukhe ratāḥ / dhārmikāśca varotsiktā yuddhaśaiṇḍā mahābalāḥ
Sanskrit only: no published translation is held for this verse.
अक्षुद्राः सर्वसत्त्वानां देवद्विजपरायणाः । अम्लानिनः सत्यसंधा नानार्थे बहुजल्पिनः
akṣudrāḥ sarvasattvānāṃ devadvijaparāyaṇāḥ / amlāninaḥ satyasaṃdhā nānārthe bahujalpinaḥ
Sanskrit only: no published translation is held for this verse.
मितभाषाः क्षमावन्तो ह्याचारपरिनिष्ठिताः । वनालङ्कारभूतो हि सृष्टा वै ब्रह्मणा स्वयम्
mitabhāṣāḥ kṣamāvanto hyācārapariniṣṭhitāḥ / vanālaṅkārabhūto hi sṛṣṭā vai brahmaṇā svayam
Sanskrit only: no published translation is held for this verse.
भक्त्या निमित्तं लोकेषु रामस्यार्थे गुणाकरः । कपीनामवतारो ऽयं सर्वपापविनाशनः
bhaktyā nimittaṃ lokeṣu rāmasyārthe guṇākaraḥ / kapīnāmavatāro 'yaṃ sarvapāpavināśanaḥ
Sanskrit only: no published translation is held for this verse.
धन्यः पुण्यो यशस्यश्च रमणीयः सुखावहः । तदेव कीर्तयिष्यामि तच्छृणुध्वमतन्द्रिताः
dhanyaḥ puṇyo yaśasyaśca ramaṇīyaḥ sukhāvahaḥ / tadeva kīrtayiṣyāmi tacchṛṇudhvamatandritāḥ
Sanskrit only: no published translation is held for this verse.
ऊर्द्ध्वदृष्टेश्च तनयो प्याघ्रो नामाभवद्भली । व्याघ्रस्य भ्रातरः पञ्च स्वसारश्च तथास्य वै
ūrddhvadṛṣṭeśca tanayo pyāghro nāmābhavadbhalī / vyāghrasya bhrātaraḥ pañca svasāraśca tathāsya vai
Sanskrit only: no published translation is held for this verse.
तांस्तथा स्वानुरूपेषु वानरेषु कृतात्मसु । प्रतिपादिता स्वयं भ्रात्रा भातृदारास्तथैव च
tāṃstathā svānurūpeṣu vānareṣu kṛtātmasu / pratipāditā svayaṃ bhrātrā bhātṛdārāstathaiva ca
Sanskrit only: no published translation is held for this verse.
व्याघ्रस्य तु सुतो जज्ञे शरभोलोकविश्रुतः । शरभस्यापि विद्धांसो भ्रातरो वीर्यसंमताः
vyāghrasya tu suto jajñe śarabholokaviśrutaḥ / śarabhasyāpi viddhāṃso bhrātaro vīryasaṃmatāḥ
Sanskrit only: no published translation is held for this verse.
राजानो वानराणां च सर्वधर्मप्रतिष्ठिताः । शरभस्य सुतो धीमाञ्शुको नाम महाबलः
rājāno vānarāṇāṃ ca sarvadharmapratiṣṭhitāḥ / śarabhasya suto dhīmāñśuko nāma mahābalaḥ
Sanskrit only: no published translation is held for this verse.
तस्यापि पुत्रो बलवान्व्यघ्री जठरसंभवः । संमतः सर्वशूराणां चक्रवर्ति दुरासदः
tasyāpi putro balavānvyaghrī jaṭharasaṃbhavaḥ / saṃmataḥ sarvaśūrāṇāṃ cakravarti durāsadaḥ
Sanskrit only: no published translation is held for this verse.
ऋक्षोनाम महातेजाः सर्ववानरयूथपः । इन्ता सदैव शत्रूणां सर्वास्त्रविधिपारगः
ṛkṣonāma mahātejāḥ sarvavānarayūthapaḥ / intā sadaiva śatrūṇāṃ sarvāstravidhipāragaḥ
Sanskrit only: no published translation is held for this verse.
तस्मै तादृग्विशिष्टाय सुतां गुणगणैर्युताम् । प्रजापतिरुपादाय कन्यां हेमविभूषिताम्
tasmai tādṛgviśiṣṭāya sutāṃ guṇagaṇairyutām / prajāpatirupādāya kanyāṃ hemavibhūṣitām
Sanskrit only: no published translation is held for this verse.
विरजौ विरजां तस्मै प्रत्यपादयदं जसा । पाणिं जग्राह तस्यास्तु ऋक्षो वानरयूथपः
virajau virajāṃ tasmai pratyapādayadaṃ jasā / pāṇiṃ jagrāha tasyāstu ṛkṣo vānarayūthapaḥ
Sanskrit only: no published translation is held for this verse.
दर्शनीयानवद्याङ्गी सा कन्या चारुहासिनी । चकमे तां महेन्द्रस्तु दृष्ट्वा वै प्रियदर्शनाम्
darśanīyānavadyāṅgī sā kanyā cāruhāsinī / cakame tāṃ mahendrastu dṛṣṭvā vai priyadarśanām
Sanskrit only: no published translation is held for this verse.
तेन तस्यां सुतो जातो वाली विक्रमपौरुषः । विरजायां महेन्द्रेण महेन्द्रसमविक्रमः
tena tasyāṃ suto jāto vālī vikramapauruṣaḥ / virajāyāṃ mahendreṇa mahendrasamavikramaḥ
Sanskrit only: no published translation is held for this verse.
तथा स्वांशो भानुना वै तस्यामेव यधाविधि । रहस्युत्पादितः पुत्रः सुग्रीवो हरियूथपः
tathā svāṃśo bhānunā vai tasyāmeva yadhāvidhi / rahasyutpāditaḥ putraḥ sugrīvo hariyūthapaḥ
Sanskrit only: no published translation is held for this verse.
ऋक्षो दृष्ट्वा तु तनयौ बलरूपश्रिया युतौ । हर्ष चक्रे सुविपुलं सर्ववानरयूथपः
ṛkṣo dṛṣṭvā tu tanayau balarūpaśriyā yutau / harṣa cakre suvipulaṃ sarvavānarayūthapaḥ
Sanskrit only: no published translation is held for this verse.
सो ऽब्यषिञ्चत्सुतं ज्येष्ठं वालिनं हेममालिनम् । अभिषिक्तस्ततो वाली सुग्रीवानुगतो बली
so 'byaṣiñcatsutaṃ jyeṣṭhaṃ vālinaṃ hemamālinam / abhiṣiktastato vālī sugrīvānugato balī
Sanskrit only: no published translation is held for this verse.
कारयामास राज्यं च दिवि देवेश्वरो यथा । सुषेणास्य सुता चापि भार्या तस्य महात्मनः
kārayāmāsa rājyaṃ ca divi deveśvaro yathā / suṣeṇāsya sutā cāpi bhāryā tasya mahātmanaḥ
Sanskrit only: no published translation is held for this verse.
तारा नाम महाप्राज्ञा ताराधिपनिभानना । सुषुवे सापि तनयमङ्गदं कनकाङ्गदम्
tārā nāma mahāprājñā tārādhipanibhānanā / suṣuve sāpi tanayamaṅgadaṃ kanakāṅgadam
Sanskrit only: no published translation is held for this verse.
अङ्गदस्यापि तनयो जातो भीमपरा क्रमः । मैन्दस्य च्येष्ठकन्यायां ध्रुवो नाम महायशाः
aṅgadasyāpi tanayo jāto bhīmaparā kramaḥ / maindasya cyeṣṭhakanyāyāṃ dhruvo nāma mahāyaśāḥ
Sanskrit only: no published translation is held for this verse.
सुग्रीवस्य रुमा भार्या पनसस्य सुता शुभा । तस्यापि च सुता जातास्त्रयः परमकीर्त्तयः
sugrīvasya rumā bhāryā panasasya sutā śubhā / tasyāpi ca sutā jātāstrayaḥ paramakīrttayaḥ
Sanskrit only: no published translation is held for this verse.
तेषां दारांस्तथासाद्य सुस्वरूपान्बली ततः । वालिनः पार्श्वतो ऽतिष्ठत्सुग्रीवः सह वानरैः
teṣāṃ dārāṃstathāsādya susvarūpānbalī tataḥ / vālinaḥ pārśvato 'tiṣṭhatsugrīvaḥ saha vānaraiḥ
Sanskrit only: no published translation is held for this verse.
बहून्वर्षगणानग्रो भ्रात्रा सह यथामरः । केसरी कुञ्जरस्याथ सुतां भार्यामविन्दत
bahūnvarṣagaṇānagro bhrātrā saha yathāmaraḥ / kesarī kuñjarasyātha sutāṃ bhāryāmavindata
Sanskrit only: no published translation is held for this verse.
अञ्जना नाम सुभागा गत्वा पुंसवने शुचिः । पर्युपास्ते च तां वायुर्यौंवनादेव गर्विताम्
añjanā nāma subhāgā gatvā puṃsavane śuciḥ / paryupāste ca tāṃ vāyuryauṃvanādeva garvitām
Sanskrit only: no published translation is held for this verse.
तस्यां जातस्तु हनुमान्वायुना जगदायुना । ये ह्यन्ये केसरिसुता विख्याता दिवि चेह वै
tasyāṃ jātastu hanumānvāyunā jagadāyunā / ye hyanye kesarisutā vikhyātā divi ceha vai
Sanskrit only: no published translation is held for this verse.
ज्येष्ठस्तु हनुमांस्तेषां मतिमांस्तु ततः स्मृतः । श्रुतिमान्केतुमांश्चैव मतिमान्धृतिमानपि
jyeṣṭhastu hanumāṃsteṣāṃ matimāṃstu tataḥ smṛtaḥ / śrutimānketumāṃścaiva matimāndhṛtimānapi
Sanskrit only: no published translation is held for this verse.
हनुमद्भ्रातरो ये वै ते दारैः सुप्रतिष्ठताः । स्वानरूपैः सुताः पित्रा पुत्रपौत्रसमन्विताः
hanumadbhrātaro ye vai te dāraiḥ supratiṣṭhatāḥ / svānarūpaiḥ sutāḥ pitrā putrapautrasamanvitāḥ
Sanskrit only: no published translation is held for this verse.
ब्रह्मचारी च हनुमान्नासौदारैश्च योजितः । सर्वलोकानपि रणे यो योद्धुं च समुत्सहेत्
brahmacārī ca hanumānnāsaudāraiśca yojitaḥ / sarvalokānapi raṇe yo yoddhuṃ ca samutsahet
Sanskrit only: no published translation is held for this verse.
जवे जवे च वितते वैनतेय इवापरः । अग्निपुत्रश्च बलवान्नलः परमदुर्ज्जयः
jave jave ca vitate vainateya ivāparaḥ / agniputraśca balavānnalaḥ paramadurjjayaḥ
Sanskrit only: no published translation is held for this verse.
क्षेत्रे कनकबिन्दोस्तु जातो वानरपुङ्गवः । तथात्वन्ये महाभागा बलवन्तश्च वानराः
kṣetre kanakabindostu jāto vānarapuṅgavaḥ / tathātvanye mahābhāgā balavantaśca vānarāḥ
Sanskrit only: no published translation is held for this verse.
सप्रधानास्तु विज्ञेया हरियूथप यूथपाः । तारश्च कुसुमश्चैव पनसो गन्धमादनः
sapradhānāstu vijñeyā hariyūthapa yūthapāḥ / tāraśca kusumaścaiva panaso gandhamādanaḥ
Sanskrit only: no published translation is held for this verse.
रूपश्रीर्विभवश्चैव गवयो विकटः सरः । सुषेणः सुधनुश्चैव सुबन्धुः शतदुन्दुभिः
rūpaśrīrvibhavaścaiva gavayo vikaṭaḥ saraḥ / suṣeṇaḥ sudhanuścaiva subandhuḥ śatadundubhiḥ
Sanskrit only: no published translation is held for this verse.
विकचः कपिलो रौद्रः परियात्रः प्रभञ्जनः । कुञ्जरः शरभो दंष्ट्री कालमूर्तिर्महासुखः
vikacaḥ kapilo raudraḥ pariyātraḥ prabhañjanaḥ / kuñjaraḥ śarabho daṃṣṭrī kālamūrtirmahāsukhaḥ
Sanskrit only: no published translation is held for this verse.
नन्दः कन्दरसेनश्च नलो वारुणिरेव च । चिरवः करवस्ताम्रश्चित्रयोधी रथीतरः
nandaḥ kandarasenaśca nalo vāruṇireva ca / ciravaḥ karavastāmraścitrayodhī rathītaraḥ
Sanskrit only: no published translation is held for this verse.
भीमः शतबलिश्चैव कालचक्रो ऽनलो नलः । यक्षास्यो गहनश्चैव धूम्रः पञ्चरथस्तथा
bhīmaḥ śatabaliścaiva kālacakro 'nalo nalaḥ / yakṣāsyo gahanaścaiva dhūmraḥ pañcarathastathā
Sanskrit only: no published translation is held for this verse.
पारिजातो महादीप्तः सुतपा बलसागरः । श्रुतायुर्विजयाकाङ्क्षी गुरुसेवी यथार् थकः
pārijāto mahādīptaḥ sutapā balasāgaraḥ / śrutāyurvijayākāṅkṣī gurusevī yathār thakaḥ
Sanskrit only: no published translation is held for this verse.
धर्मचेतास्सुहोत्रश्च शालिहोत्रो ऽथ सर्पगः । पुण्ड्रश्चावरगात्रश्च चारुरूपश्च शतुजित्
dharmacetāssuhotraśca śālihotro 'tha sarpagaḥ / puṇḍraścāvaragātraśca cārurūpaśca śatujit
Sanskrit only: no published translation is held for this verse.
विकटः कवटो मैन्दो बिन्दुकारो ऽसुरान्तकः । मन्त्री भीमरथः संगो विभ्रान्तश्चारुहासवान्
vikaṭaḥ kavaṭo maindo bindukāro 'surāntakaḥ / mantrī bhīmarathaḥ saṃgo vibhrāntaścāruhāsavān
Sanskrit only: no published translation is held for this verse.
क्षणक्षणामताहारी दृढभक्तिः प्रमर्दनः । जाजलिः पञ्चमुकुटो बलबन्धुः समाहितः
kṣaṇakṣaṇāmatāhārī dṛḍhabhaktiḥ pramardanaḥ / jājaliḥ pañcamukuṭo balabandhuḥ samāhitaḥ
Sanskrit only: no published translation is held for this verse.
पयः कीर्त्तिः शुभः क्षेत्रो बिन्दुकेतुः सहस्रपात् । नवाक्षे हरिनेत्रश्च जीमूतो ऽथ बलाहकः
payaḥ kīrttiḥ śubhaḥ kṣetro binduketuḥ sahasrapāt / navākṣe harinetraśca jīmūto 'tha balāhakaḥ
Sanskrit only: no published translation is held for this verse.