Brahmāṇḍa Purāṇa 3.2

हृष्टैः शब्दादिभिर्भोगैर्ये भविष्यानुसारिणः । प्रासादवरपृष्ठेषु तेषु मोदन्ति सुव्रताः

hṛṣṭaiḥ śabdādibhirbhogairye bhaviṣyānusāriṇaḥ / prāsādavarapṛṣṭheṣu teṣu modanti suvratāḥ

Sanskrit only: no published translation is held for this verse.

ब्रह्मघोषैरविरताः कथाश्च विविधाः शुभाः । गीतवादित्रघोषाश्च संस्रवाश्च समन्ततः

brahmaghoṣairaviratāḥ kathāśca vividhāḥ śubhāḥ / gītavāditraghoṣāśca saṃsravāśca samantataḥ

Sanskrit only: no published translation is held for this verse.

संहताश्चैवमतुला जनाश्रयकृतस्तथा । एवमादीनि वर्तन्ते तेषां प्रासादमूर्द्धनि

saṃhatāścaivamatulā janāśrayakṛtastathā / evamādīni vartante teṣāṃ prāsādamūrddhani

Sanskrit only: no published translation is held for this verse.

सहस्रपादः प्रासादस्तपनीयमयः शुभः । अनौपम्यैर्वरै रत्नैः सर्वतः संविभूषितः

sahasrapādaḥ prāsādastapanīyamayaḥ śubhaḥ / anaupamyairvarai ratnaiḥ sarvataḥ saṃvibhūṣitaḥ

Sanskrit only: no published translation is held for this verse.

स्फाटिकैश्चन्द्रसंकाशैर्वैडूर्यमणिसप्रभैः । बालसुर्यमयैश्चापि सौवर्णैश्चाग्निसप्रभैः

sphāṭikaiścandrasaṃkāśairvaiḍūryamaṇisaprabhaiḥ / bālasuryamayaiścāpi sauvarṇaiścāgnisaprabhaiḥ

Sanskrit only: no published translation is held for this verse.

चुक्रुशुर्मुनयः श्रुत्वा नैमिषेयास्तपस्विनः । आपन्नसंशयाश्चेमं वाक्यमूचुः समीरणम्

cukruśurmunayaḥ śrutvā naimiṣeyāstapasvinaḥ / āpannasaṃśayāścemaṃ vākyamūcuḥ samīraṇam

Sanskrit only: no published translation is held for this verse.

ऋषय ऊचुः के तु तत्र महात्मानो ये भवस्यानुसारिणः । अनुग्राह्यतमाः सम्यक्प्रमोदन्ते पुरोत्तमे

ṛṣaya ūcuḥ ke tu tatra mahātmāno ye bhavasyānusāriṇaḥ / anugrāhyatamāḥ samyakpramodante purottame

Sanskrit only: no published translation is held for this verse.

ऋषीणां वचनं श्रुत्वा वायुर्वाक्यमुदैरयत् । वायुरुवाच श्रूयतां देवदेवस्य भक्तिर्यैरनुकल्पिता

ṛṣīṇāṃ vacanaṃ śrutvā vāyurvākyamudairayat / vāyuruvāca śrūyatāṃ devadevasya bhaktiryairanukalpitā

Sanskrit only: no published translation is held for this verse.

ह्रीमन्तस्फूर्जिता दान्ताः शौर्ययुक्ता ह्यलोलुपाः । कर्मणा मनसा वाचा विशुद्धेनान्तरात्मना

hrīmantasphūrjitā dāntāḥ śauryayuktā hyalolupāḥ / karmaṇā manasā vācā viśuddhenāntarātmanā

Sanskrit only: no published translation is held for this verse.

अनन्यमनसो भूत्वा प्रपन्ना ये महेश्वरम् । तैर्लब्धं रुद्रसालोक्यं शाश्वतं पदमव्ययम्

ananyamanaso bhūtvā prapannā ye maheśvaram / tairlabdhaṃ rudrasālokyaṃ śāśvataṃ padamavyayam

Sanskrit only: no published translation is held for this verse.

भवस्य रूपसादृश्यं गताश्चैव ह्यनुत्तमम् । वैश्वानारमुखाः सर्वे विश्वरूपाः कपर्दिनः

bhavasya rūpasādṛśyaṃ gatāścaiva hyanuttamam / vaiśvānāramukhāḥ sarve viśvarūpāḥ kapardinaḥ

Sanskrit only: no published translation is held for this verse.

नीलकण्ठाः शितग्रीवास्तीक्ष्णदंष्टास्त्रिलोचनाः । अर्द्धचन्द्रकृतोष्णीषा जटामुकुट धारिणः

nīlakaṇṭhāḥ śitagrīvāstīkṣṇadaṃṣṭāstrilocanāḥ / arddhacandrakṛtoṣṇīṣā jaṭāmukuṭa dhāriṇaḥ

Sanskrit only: no published translation is held for this verse.

सर्वे दशभुजा वीराः पद्मान्तरसुगन्धिनः । तरुणादित्यसंकाशाः सर्वे ते पीतवाससः

sarve daśabhujā vīrāḥ padmāntarasugandhinaḥ / taruṇādityasaṃkāśāḥ sarve te pītavāsasaḥ

Sanskrit only: no published translation is held for this verse.

पिनाकपाणयः सर्वेश्वेत गोवृषवाहनाः । श्रियान्विताः कुण्डलिनो मुक्ताहारविभूषिताः

pinākapāṇayaḥ sarveśveta govṛṣavāhanāḥ / śriyānvitāḥ kuṇḍalino muktāhāravibhūṣitāḥ

Sanskrit only: no published translation is held for this verse.

तेजसाभ्यधिकैर्दहैः सर्वज्ञाः सर्वदर्शिनः । विभज्य बहुधात्मानं जरामृत्युविवर्जिताः

tejasābhyadhikairdahaiḥ sarvajñāḥ sarvadarśinaḥ / vibhajya bahudhātmānaṃ jarāmṛtyuvivarjitāḥ

Sanskrit only: no published translation is held for this verse.

क्रीडन्ते विविधैर्भावैर्भोगान्प्राप्य सुदुर्लभान् । स्वच्छन्दगतयः सिद्धाः सिद्धैश्चन्यैर्विबोधिताः

krīḍante vividhairbhāvairbhogānprāpya sudurlabhān / svacchandagatayaḥ siddhāḥ siddhaiścanyairvibodhitāḥ

Sanskrit only: no published translation is held for this verse.

एकादशानां रुद्राणां कोट्यो नैका महात्मनाम् । एभिः सह महात्मा वै देवदेवो महेश्वरः

ekādaśānāṃ rudrāṇāṃ koṭyo naikā mahātmanām / ebhiḥ saha mahātmā vai devadevo maheśvaraḥ

Sanskrit only: no published translation is held for this verse.

भक्तानुकंपी भगवान्मोदते पार्वतीप्रियः । नाहं तेषां तु रुद्राणां भवस्य च महात्मनः

bhaktānukaṃpī bhagavānmodate pārvatīpriyaḥ / nāhaṃ teṣāṃ tu rudrāṇāṃ bhavasya ca mahātmanaḥ

Sanskrit only: no published translation is held for this verse.

नानात्वमनुपश्यामि सत्यमेतद्ब्रवीमि वः । मातारिश्वाब्रवीत्पुण्यमित्येतामीश्वराच्छ्रुताम्

nānātvamanupaśyāmi satyametadbravīmi vaḥ / mātāriśvābravītpuṇyamityetāmīśvarācchrutām

Sanskrit only: no published translation is held for this verse.

अथ ते ऋषयः सर्वे दिवाकरसमप्रभाः । श्रुत्वेमां परमां पुण्यां कथां त्रैयंबकीन्ततः

atha te ṛṣayaḥ sarve divākarasamaprabhāḥ / śrutvemāṃ paramāṃ puṇyāṃ kathāṃ traiyaṃbakīntataḥ

Sanskrit only: no published translation is held for this verse.

भृशं चानुग्रहं प्राप्य हर्षं चैवाप्यनुत्तमम् । संभाजयित्वा चाप्येनं वायुमूचुर्महाबलम्

bhṛśaṃ cānugrahaṃ prāpya harṣaṃ caivāpyanuttamam / saṃbhājayitvā cāpyenaṃ vāyumūcurmahābalam

Sanskrit only: no published translation is held for this verse.

ऋषय ऊचुः समीरण महाभाग त्वस्माकं च त्वया विभो । ईश्वरस्योत्तमं पुण्यमष्टमं त्वौपसार्गिकम्

ṛṣaya ūcuḥ samīraṇa mahābhāga tvasmākaṃ ca tvayā vibho / īśvarasyottamaṃ puṇyamaṣṭamaṃ tvaupasārgikam

Sanskrit only: no published translation is held for this verse.

तस्य स्थानं प्रमाणं च चथावत्परिकीर्तितम् । योगधर्मसमृद्धं वै परमं परमात्मनः

tasya sthānaṃ pramāṇaṃ ca cathāvatparikīrtitam / yogadharmasamṛddhaṃ vai paramaṃ paramātmanaḥ

Sanskrit only: no published translation is held for this verse.

महादेवस्य माहात्म्यं दुर्विज्ञेयं सुरैरपि । स्वेन माहात्म्ययोगेन सहस्रस्यामितौजसः

mahādevasya māhātmyaṃ durvijñeyaṃ surairapi / svena māhātmyayogena sahasrasyāmitaujasaḥ

Sanskrit only: no published translation is held for this verse.

यस्य भक्तंषु संमोहो ह्यनुकंपार्थमेव च । ब्राह्मी लक्ष्म्या स्वयं जुष्टा या साप्रतिमशालिनी

yasya bhaktaṃṣu saṃmoho hyanukaṃpārthameva ca / brāhmī lakṣmyā svayaṃ juṣṭā yā sāpratimaśālinī

Sanskrit only: no published translation is held for this verse.

व्याप्यज्योत्स्नेव चन्द्रस्य विन्यस्ता विश्वरूपिणः । विभूतिर्भ्राजते ऽत्यर्थं देवदेवस्य वेश्मनि

vyāpyajyotsneva candrasya vinyastā viśvarūpiṇaḥ / vibhūtirbhrājate 'tyarthaṃ devadevasya veśmani

Sanskrit only: no published translation is held for this verse.

महादेवस्य तुल्यानां रुद्राणां तु महात्मनाम् । तत्सर्वं निखिलेनेदं वक्त्रादमृतनिस्रवः

mahādevasya tulyānāṃ rudrāṇāṃ tu mahātmanām / tatsarvaṃ nikhilenedaṃ vaktrādamṛtanisravaḥ

Sanskrit only: no published translation is held for this verse.

आपीतं खलु शर्वस्य भक्त्यास्माभिस्तु सुव्रत । नास्ति किञ्चिदविज्ञेय मन्यच्चैवानुगामिनः । प्रश्नं देववरप्राण यथावद्वक्तुमर्हसि

āpītaṃ khalu śarvasya bhaktyāsmābhistu suvrata / nāsti kiñcidavijñeya manyaccaivānugāminaḥ / praśnaṃ devavaraprāṇa yathāvadvaktumarhasi

Sanskrit only: no published translation is held for this verse.

सूत उवाच स खलूवाच भगवान्किं भूयो वर्त्तयाम्यहम् । यन्मया चैव वक्तव्यं तद्वदिष्यामि सुव्रताः

sūta uvāca sa khalūvāca bhagavānkiṃ bhūyo varttayāmyaham / yanmayā caiva vaktavyaṃ tadvadiṣyāmi suvratāḥ

Sanskrit only: no published translation is held for this verse.

ऋषय ऊचुः आदित्याः परिपार्श्वे ये सिंहा वै क्रोधविक्रमाः । वैश्वानरा भूतगण व्याघ्रास्चैवानुगामिनः

ṛṣaya ūcuḥ ādityāḥ paripārśve ye siṃhā vai krodhavikramāḥ / vaiśvānarā bhūtagaṇa vyāghrāscaivānugāminaḥ

Sanskrit only: no published translation is held for this verse.

आभुतसंप्लवे घोरे सर्वप्राणिभृतां क्षये । किमावस्था भवन्त्येते तन्नो ब्रूहि यथार्थवत्

ābhutasaṃplave ghore sarvaprāṇibhṛtāṃ kṣaye / kimāvasthā bhavantyete tanno brūhi yathārthavat

Sanskrit only: no published translation is held for this verse.

विज्ञायेश्वरसद्भावमव्यक्तं प्रभवं तथा । वायुरुवाच यत्र पूर्वं गतास्ते तु कुमारा ब्रह्मणः सुताः

vijñāyeśvarasadbhāvamavyaktaṃ prabhavaṃ tathā / vāyuruvāca yatra pūrvaṃ gatāste tu kumārā brahmaṇaḥ sutāḥ

Sanskrit only: no published translation is held for this verse.

सनन्दनश्च सनकस्तृतीयश्च सनातनः । वोढुश्च कपिलस्तेषामासुरिश्च महायशाः

sanandanaśca sanakastṛtīyaśca sanātanaḥ / voḍhuśca kapilasteṣāmāsuriśca mahāyaśāḥ

Sanskrit only: no published translation is held for this verse.

मुनिः पञ्जशिखश्चैव ये चान्ये ऽप्येवमादयः । ततः काले व्यतिक्रान्ते कल्पानां पर्यये गते

muniḥ pañjaśikhaścaiva ye cānye 'pyevamādayaḥ / tataḥ kāle vyatikrānte kalpānāṃ paryaye gate

Sanskrit only: no published translation is held for this verse.

महाभूतविनाशान्ते प्रलये प्रत्युपस्थिते । अनेकरुद्रकोट्यस्तु या प्रसन्ना महेश्वरीम्

mahābhūtavināśānte pralaye pratyupasthite / anekarudrakoṭyastu yā prasannā maheśvarīm

Sanskrit only: no published translation is held for this verse.

शब्दादीन्विषयान्भोगान्संत्यज्याष्टविधाश्रयात् । प्रविश्य सर्वभूतानि ज्ञानयुक्तेन तेजसा

śabdādīnviṣayānbhogānsaṃtyajyāṣṭavidhāśrayāt / praviśya sarvabhūtāni jñānayuktena tejasā

Sanskrit only: no published translation is held for this verse.

विहाय पदमव्यग्रं भूतानाम नुकंपया । तत्र यान्ति महात्मानः परमाणुं महेश्वरम्

vihāya padamavyagraṃ bhūtānāma nukaṃpayā / tatra yānti mahātmānaḥ paramāṇuṃ maheśvaram

Sanskrit only: no published translation is held for this verse.

तरन्ति सुमहावर्त्तां जन्ममृत्यूदकां नदीम् । ततः पश्यन्त्यपर्वाणं परं ब्रह्माणामेव च

taranti sumahāvarttāṃ janmamṛtyūdakāṃ nadīm / tataḥ paśyantyaparvāṇaṃ paraṃ brahmāṇāmeva ca

Sanskrit only: no published translation is held for this verse.

देव्या वै सहिताः सप्त या देव्यः परिकीर्त्तिताः । यत्तत्सहस्रं सिंहानामादित्यानां तथैव च

devyā vai sahitāḥ sapta yā devyaḥ parikīrttitāḥ / yattatsahasraṃ siṃhānāmādityānāṃ tathaiva ca

Sanskrit only: no published translation is held for this verse.

वैश्वानरा भूतगणा व्याघ्राश्चैवानुगामिनः । आवेश्यात्मनि तान्सर्वान् संख्यायोग्यभवांस्तथा

vaiśvānarā bhūtagaṇā vyāghrāścaivānugāminaḥ / āveśyātmani tānsarvān saṃkhyāyogyabhavāṃstathā

Sanskrit only: no published translation is held for this verse.

लोकान्सप्त इमान्भूयो महाभूतानि पञ्च च । विष्णुना सह संयुक्तः करोति विकरोति च

lokānsapta imānbhūyo mahābhūtāni pañca ca / viṣṇunā saha saṃyuktaḥ karoti vikaroti ca

Sanskrit only: no published translation is held for this verse.

स रुद्रो यः साममयस्तथैव च यजुर्मयः । स एष ओतः प्रोतश्च बहिरन्तश्च निश्चयात्

sa rudro yaḥ sāmamayastathaiva ca yajurmayaḥ / sa eṣa otaḥ protaśca bahirantaśca niścayāt

Sanskrit only: no published translation is held for this verse.

एको हि भगवान्नाथः प्रभवश्चान्तकृद्द्विजाः । ततस्ते ऋषयः सर्वे दिवाकरसमप्रभाः

eko hi bhagavānnāthaḥ prabhavaścāntakṛddvijāḥ / tataste ṛṣayaḥ sarve divākarasamaprabhāḥ

Sanskrit only: no published translation is held for this verse.

सुसत्यं श्रवसः सम्यगारोप्याग्निं तथात्मनि । कर्मणा मनसा वाचा विशुद्धेनान्तरात्मना

susatyaṃ śravasaḥ samyagāropyāgniṃ tathātmani / karmaṇā manasā vācā viśuddhenāntarātmanā

Sanskrit only: no published translation is held for this verse.

अनन्यमनसो भूत्वा प्रपद्यन्ते महेश्वरम् । व्रतोपवासनिरताः सर्वभूतदयापराः

ananyamanaso bhūtvā prapadyante maheśvaram / vratopavāsaniratāḥ sarvabhūtadayāparāḥ

Sanskrit only: no published translation is held for this verse.

योगं त्वनुयमं दिव्यं प्राप्तन्तैश्छिन्नसंशयैः । प्रपद्य परया भक्त्याज्ञानयुक्तेन तेजसा

yogaṃ tvanuyamaṃ divyaṃ prāptantaiśchinnasaṃśayaiḥ / prapadya parayā bhaktyājñānayuktena tejasā

Sanskrit only: no published translation is held for this verse.

तैर्लब्धं रुद्रसालोक्यं शाश्वतं पदमव्ययम् । यः पठेत्तपसा युक्तो वायुप्रोक्तामिमां श्रुतिम्

tairlabdhaṃ rudrasālokyaṃ śāśvataṃ padamavyayam / yaḥ paṭhettapasā yukto vāyuproktāmimāṃ śrutim

Sanskrit only: no published translation is held for this verse.

ब्राह्मणः क्षत्रियो वापिवैश्यो वा स्वक्रियापरः । लभते रुद्रलोकं वै कारणं लोककारणम्

brāhmaṇaḥ kṣatriyo vāpivaiśyo vā svakriyāparaḥ / labhate rudralokaṃ vai kāraṇaṃ lokakāraṇam

Sanskrit only: no published translation is held for this verse.

विनिवृत्ते तदा सर्गे प्रकृत्या वस्थितेन वै । तदात्यन्तपरोक्षत्वाददृष्टत्वाच्च कस्यचित्

vinivṛtte tadā sarge prakṛtyā vasthitena vai / tadātyantaparokṣatvādadṛṣṭatvācca kasyacit

Sanskrit only: no published translation is held for this verse.

अनाख्यानादबोध्यत्वादज्ञानाज्ज्ञानिनामपि । आगतागतिकत्वाच्च ग्रहणं तन्न विद्यते

anākhyānādabodhyatvādajñānājjñānināmapi / āgatāgatikatvācca grahaṇaṃ tanna vidyate

Sanskrit only: no published translation is held for this verse.

भावग्राह्यानुमानाच्च चिन्तयित्वेदमुच्यते । स्थिते तु कारणे तस्मिन्नित्ये सदसदात्मके

bhāvagrāhyānumānācca cintayitvedamucyate / sthite tu kāraṇe tasminnitye sadasadātmake

Sanskrit only: no published translation is held for this verse.

अनिर्देश्ये प्रवृत्तिर्वै स्वात्मिकाकारणेन तु । एवं सप्तद्विरभ्यस्ताः क्रमात्प्रकृतयस्तु वै

anirdeśye pravṛttirvai svātmikākāraṇena tu / evaṃ saptadvirabhyastāḥ kramātprakṛtayastu vai

Sanskrit only: no published translation is held for this verse.

प्रत्याहारे तदा सर्गे प्रविशन्ति परस्परम् । येनेदमावृतं सर्वमण्डमप्सु प्रलीयते

pratyāhāre tadā sarge praviśanti parasparam / yenedamāvṛtaṃ sarvamaṇḍamapsu pralīyate

Sanskrit only: no published translation is held for this verse.

सप्तद्वीपसमुद्रान्तं सप्तलोकं सपर्वतम् । उदकावरणं यच्च ज्योतिष्यालीयते तु यत्

saptadvīpasamudrāntaṃ saptalokaṃ saparvatam / udakāvaraṇaṃ yacca jyotiṣyālīyate tu yat

Sanskrit only: no published translation is held for this verse.

यत्तेजसं चावरणं मारुतो ग्रसते नु यत् । यद्वायव्यं चावरणमाकाशग्रसते तु तत्

yattejasaṃ cāvaraṇaṃ māruto grasate nu yat / yadvāyavyaṃ cāvaraṇamākāśagrasate tu tat

Sanskrit only: no published translation is held for this verse.

आकाशावरणं यच्च भूतादिर्ग्रसते तु तत् । भूतादिं ग्रसते चापि महान्वै बुद्धिलक्षमः

ākāśāvaraṇaṃ yacca bhūtādirgrasate tu tat / bhūtādiṃ grasate cāpi mahānvai buddhilakṣamaḥ

Sanskrit only: no published translation is held for this verse.

महान्तं ग्रसते ऽव्यक्तं गुणसाम्यं ततः परम् । एतौ संहारविस्तारौ ब्रह्मा व्यक्तौ ततः पुनः

mahāntaṃ grasate 'vyaktaṃ guṇasāmyaṃ tataḥ param / etau saṃhāravistārau brahmā vyaktau tataḥ punaḥ

Sanskrit only: no published translation is held for this verse.

सृजते ग्रसते चैव विकारात्सर्गसंयमे । संसिद्धकार्यकरणाः संसिद्धा ज्ञानिनस्तु ये

sṛjate grasate caiva vikārātsargasaṃyame / saṃsiddhakāryakaraṇāḥ saṃsiddhā jñāninastu ye

Sanskrit only: no published translation is held for this verse.

गत्वा जवं जवीभावे स्थाने स्वेषु प्रसंयमात् । प्रत्याहारे ऽधियुज्यन्ते क्षेत्रज्ञाः करणैः पुनः

gatvā javaṃ javībhāve sthāne sveṣu prasaṃyamāt / pratyāhāre 'dhiyujyante kṣetrajñāḥ karaṇaiḥ punaḥ

Sanskrit only: no published translation is held for this verse.

अव्यक्तं क्षेत्रमित्याहुर्ब्रह्मा क्षेत्रज्ञ उच्यते । साधर्म्यवैधर्म्यकृतः संयोगो नादिमास्तयोः

avyaktaṃ kṣetramityāhurbrahmā kṣetrajña ucyate / sādharmyavaidharmyakṛtaḥ saṃyogo nādimāstayoḥ

Sanskrit only: no published translation is held for this verse.

एवं सर्गेषु विज्ञेयः क्षेत्रज्ञेष्विह ब्राह्मणाः । ब्रह्मविच्चैव विज्ञेयः क्षेत्रज्ञानात्पृथक्

evaṃ sargeṣu vijñeyaḥ kṣetrajñeṣviha brāhmaṇāḥ / brahmaviccaiva vijñeyaḥ kṣetrajñānātpṛthak

Sanskrit only: no published translation is held for this verse.

विषयाविषयत्वं च क्षेत्रक्षेत्रज्ञयोः स्मृतम् । ब्रह्मा त्वविषयो ज्ञेयो विषयः क्षेत्रमुच्यते

viṣayāviṣayatvaṃ ca kṣetrakṣetrajñayoḥ smṛtam / brahmā tvaviṣayo jñeyo viṣayaḥ kṣetramucyate

Sanskrit only: no published translation is held for this verse.

क्षेत्रज्ञाधिष्ठितं क्षेत्रं क्षेत्रज्ञार्थं प्रचक्षते । बहुत्वाच्च शरीराणां शरीरी बहुधा स्मृतः

kṣetrajñādhiṣṭhitaṃ kṣetraṃ kṣetrajñārthaṃ pracakṣate / bahutvācca śarīrāṇāṃ śarīrī bahudhā smṛtaḥ

Sanskrit only: no published translation is held for this verse.

अव्यूहाशङ्कराच्चैव ज्योतिर्यच्च व्यवस्थितम् । यस्मात्प्रतिशरीरं हि सुखदुःखो पलब्धिता

avyūhāśaṅkarāccaiva jyotiryacca vyavasthitam / yasmātpratiśarīraṃ hi sukhaduḥkho palabdhitā

Sanskrit only: no published translation is held for this verse.

तस्मात्पुरुषनानात्वं विज्ञेयं तु विजानता । यदा प्रवर्त्तते चैषां भेदानां चैव संयमः

tasmātpuruṣanānātvaṃ vijñeyaṃ tu vijānatā / yadā pravarttate caiṣāṃ bhedānāṃ caiva saṃyamaḥ

Sanskrit only: no published translation is held for this verse.

स्वभावकारिताः सर्वे कालेन महता तदा । निवर्त्तन्ते तदा तस्मिन्स्थितरागाः स्वयंभुवः

svabhāvakāritāḥ sarve kālena mahatā tadā / nivarttante tadā tasminsthitarāgāḥ svayaṃbhuvaḥ

Sanskrit only: no published translation is held for this verse.

सह सायुज्यकैः सर्वैर्ब्रह्मलोकनिवासिभिः । विनिवृत्तेस्तदा तेषां स्थितेरात्मनिवासिनाम्

saha sāyujyakaiḥ sarvairbrahmalokanivāsibhiḥ / vinivṛttestadā teṣāṃ sthiterātmanivāsinām

Sanskrit only: no published translation is held for this verse.

तत्कालवासिनां तेषां तत्र वै दोषदर्शिनाम् । उत्पद्यते ऽथ वैराग्यमात्मवाद प्रणाशनम्

tatkālavāsināṃ teṣāṃ tatra vai doṣadarśinām / utpadyate 'tha vairāgyamātmavāda praṇāśanam

Sanskrit only: no published translation is held for this verse.

भोज्यभोक्तृत्वनानात्वैस्तेषां तद्भावदर्शिनाम् । पृथग्ज्ञानेन क्षेत्रज्ञास्ततस्ते ब्रह्मलौकिकाः

bhojyabhoktṛtvanānātvaisteṣāṃ tadbhāvadarśinām / pṛthagjñānena kṣetrajñāstataste brahmalaukikāḥ

Sanskrit only: no published translation is held for this verse.

प्रकृतौ कारणातीताः सर्वे नानाप्रदर्शिनः । स्वात्मन्येवावतिष्ठन्ते प्रशान्तादर्शनात्मकाः

prakṛtau kāraṇātītāḥ sarve nānāpradarśinaḥ / svātmanyevāvatiṣṭhante praśāntādarśanātmakāḥ

Sanskrit only: no published translation is held for this verse.

शुद्धा निरञ्जनाः सर्वे चेतनाचेतनास्तथा । तत्रैव परिनिर्वाणाः स्मृतानागामिनस्तु ते

śuddhā nirañjanāḥ sarve cetanācetanāstathā / tatraiva parinirvāṇāḥ smṛtānāgāminastu te

Sanskrit only: no published translation is held for this verse.

निर्गुणत्वाग्निरात्मानः प्रकृत्यन्ते व्यतिक्रमात् । इत्येवं प्राकृतः प्रोक्तः प्रतिसर्गः स्वयंभुवा

nirguṇatvāgnirātmānaḥ prakṛtyante vyatikramāt / ityevaṃ prākṛtaḥ proktaḥ pratisargaḥ svayaṃbhuvā

Sanskrit only: no published translation is held for this verse.

वर्णाश्रमाचारयुतः प्रतिसर्गं शृणोति यः । स व्रजेच्छिवसालोक्यं भक्तिमान्विगतज्वरः

varṇāśramācārayutaḥ pratisargaṃ śṛṇoti yaḥ / sa vrajecchivasālokyaṃ bhaktimānvigatajvaraḥ

Sanskrit only: no published translation is held for this verse.

अमद्यपश्च य शूद्रो भवभक्तो जितेद्रियः । आभूतसंप्लवस्थायी अप्रतीघातलक्षणः

amadyapaśca ya śūdro bhavabhakto jitedriyaḥ / ābhūtasaṃplavasthāyī apratīghātalakṣaṇaḥ

Sanskrit only: no published translation is held for this verse.

गाणपत्यं स लभते स्थानं वा सार्वकालिकम् । मद्यपो मद्यपैः सार्द्धं भूतसंघैश्च मोदते

gāṇapatyaṃ sa labhate sthānaṃ vā sārvakālikam / madyapo madyapaiḥ sārddhaṃ bhūtasaṃghaiśca modate

Sanskrit only: no published translation is held for this verse.

सेव्यमानो महीपृष्ठे मर्त्यानां वरदो भवः । इति होवाच भगवान्वायुर्वाक्यमिदवरम्

sevyamāno mahīpṛṣṭhe martyānāṃ varado bhavaḥ / iti hovāca bhagavānvāyurvākyamidavaram

Sanskrit only: no published translation is held for this verse.