ब्राह्मणा ऊचुः: पुरोर् वंशं वयं सूत श्रोतुम् इच्छाम तत्त्वतः । द्रुह्यस्यानोर् यदोश् चैव तुर्वसोश् च पृथक् पृथक्
brāhmaṇā ūcuḥ: puror vaṃśaṃ vayaṃ sūta śrotum icchāma tattvataḥ / druhyasyānor yadoś caiva turvasoś ca pṛthak pṛthak
Sanskrit only: no published translation is held for this verse.
लोमहर्षण उवाच: शृणुध्वं मुनिशार्दूलाः पुरोर् वंशं महात्मनः । विस्तरेणानुपूर्व्या च प्रथमं वदतो मम
lomaharṣaṇa uvāca: śṛṇudhvaṃ muniśārdūlāḥ puror vaṃśaṃ mahātmanaḥ / vistareṇānupūrvyā ca prathamaṃ vadato mama
Sanskrit only: no published translation is held for this verse.
पुरोः पुत्रः सुवीरो ऽभून् मनस्युस् तस्य चात्मजः । राजा चाभयदो नाम मनस्योर् अभवत् सुतः
puroḥ putraḥ suvīro 'bhūn manasyus tasya cātmajaḥ / rājā cābhayado nāma manasyor abhavat sutaḥ
Sanskrit only: no published translation is held for this verse.
तथैवाभयदस्यासीत् सुधन्वा नाम पार्थिवः । सुधन्वनः सुबाहुश् च रौद्राश्वस् तस्य चात्मजः
tathaivābhayadasyāsīt sudhanvā nāma pārthivaḥ / sudhanvanaḥ subāhuś ca raudrāśvas tasya cātmajaḥ
Sanskrit only: no published translation is held for this verse.
रौद्राश्वस्य दशार्णेयुः कृकणेयुस् तथैव च । कक्षेयुस्थण्डिलेयुश् च सन्नतेयुस् तथैव च
raudrāśvasya daśārṇeyuḥ kṛkaṇeyus tathaiva ca / kakṣeyusthaṇḍileyuś ca sannateyus tathaiva ca
Sanskrit only: no published translation is held for this verse.
ऋचेयुश् च जलेयुश् च स्थलेयुश् च महाबलः । धनेयुश् च वनेयुश् च पुत्रकाश् च दश स्त्रियः
ṛceyuś ca jaleyuś ca sthaleyuś ca mahābalaḥ / dhaneyuś ca vaneyuś ca putrakāś ca daśa striyaḥ
Sanskrit only: no published translation is held for this verse.
भद्रा शूद्रा च मद्रा च शलदा मलदा तथा । खलदा च ततो विप्रा नलदा सुरसापि च
bhadrā śūdrā ca madrā ca śaladā maladā tathā / khaladā ca tato viprā naladā surasāpi ca
Sanskrit only: no published translation is held for this verse.
तथा गोचपला च स्त्री- रत्नकूटा च ता दश । ऋषिर् जातो ऽत्रिवंशे च तासां भर्ता प्रभाकरः
tathā gocapalā ca strī- ratnakūṭā ca tā daśa / ṛṣir jāto 'trivaṃśe ca tāsāṃ bhartā prabhākaraḥ
Sanskrit only: no published translation is held for this verse.
भद्रायां जनयाम् आस सुतं सोमं यशस्विनम् । स्वर्भानुना हते सूर्ये पतमाने दिवो महीम्
bhadrāyāṃ janayām āsa sutaṃ somaṃ yaśasvinam / svarbhānunā hate sūrye patamāne divo mahīm
Sanskrit only: no published translation is held for this verse.
तमोभिभूते लोके च प्रभा येन प्रवर्तिता । स्वस्ति ते ऽस्त्व् इति चोक्त्वा वै पतमानो दिवाकरः
tamobhibhūte loke ca prabhā yena pravartitā / svasti te 'stv iti coktvā vai patamāno divākaraḥ
Sanskrit only: no published translation is held for this verse.
वचनात् तस्य विप्रर्षेर् न पपात दिवो महीम् । अत्रिश्रेष्ठानि गोत्राणि यश् चकार महातपाः
vacanāt tasya viprarṣer na papāta divo mahīm / atriśreṣṭhāni gotrāṇi yaś cakāra mahātapāḥ
Sanskrit only: no published translation is held for this verse.
यज्ञेष्व् अत्रेर् बलं चैव देवैर् यस्य प्रतिष्ठितम् । स तासु जनयाम् आस पुत्रिकास्व् आत्मकामजान्
yajñeṣv atrer balaṃ caiva devair yasya pratiṣṭhitam / sa tāsu janayām āsa putrikāsv ātmakāmajān
Sanskrit only: no published translation is held for this verse.
दश पुत्रान् महासत्त्वांस् तपस्य् उग्रे रतांस् तथा । ते तु गोत्रकरा विप्रा ऋषयो वेदपारगाः
daśa putrān mahāsattvāṃs tapasy ugre ratāṃs tathā / te tu gotrakarā viprā ṛṣayo vedapāragāḥ
Sanskrit only: no published translation is held for this verse.
स्वस्त्यात्रेया इति ख्याताः किंच त्रिधनवर्जिताः । कक्षेयोस् तनयास् त्व् आसंस् त्रय एव महारथाः
svastyātreyā iti khyātāḥ kiṃca tridhanavarjitāḥ / kakṣeyos tanayās tv āsaṃs traya eva mahārathāḥ
Sanskrit only: no published translation is held for this verse.
सभानरश् चाक्षुषश् च परमन्युस् तथैव च । सभानरस्य पुत्रस् तु विद्वान् कालानलो नृपः
sabhānaraś cākṣuṣaś ca paramanyus tathaiva ca / sabhānarasya putras tu vidvān kālānalo nṛpaḥ
Sanskrit only: no published translation is held for this verse.
कालानलस्य धर्मज्ञः सृञ्जयो नाम वै सुतः । सृञ्जयस्याभवत् पुत्रो वीरो राजा पुरंजयः
kālānalasya dharmajñaḥ sṛñjayo nāma vai sutaḥ / sṛñjayasyābhavat putro vīro rājā puraṃjayaḥ
Sanskrit only: no published translation is held for this verse.
जनमेजयो मुनिश्रेष्ठाः पुरंजयसुतो ऽभवत् । जनमेजयस्य राजर्षेर् महाशालो ऽभवत् सुतः
janamejayo muniśreṣṭhāḥ puraṃjayasuto 'bhavat / janamejayasya rājarṣer mahāśālo 'bhavat sutaḥ
Sanskrit only: no published translation is held for this verse.
देवेषु स परिज्ञातः प्रतिष्ठितयशा भुवि । महामना नाम सुतो महाशालस्य विश्रुतः
deveṣu sa parijñātaḥ pratiṣṭhitayaśā bhuvi / mahāmanā nāma suto mahāśālasya viśrutaḥ
Sanskrit only: no published translation is held for this verse.
जज्ञे वीरः सुरगणैः पूजितः सुमहामनाः । महामनास् तु पुत्रौ द्वौ जनयाम् आस भो द्विजाः
jajñe vīraḥ suragaṇaiḥ pūjitaḥ sumahāmanāḥ / mahāmanās tu putrau dvau janayām āsa bho dvijāḥ
Sanskrit only: no published translation is held for this verse.
उशीनरं च धर्मज्ञं तितिक्षुं च महाबलम् । उशीनरस्य पत्न्यस् तु पञ्च राजर्षिवंशजाः
uśīnaraṃ ca dharmajñaṃ titikṣuṃ ca mahābalam / uśīnarasya patnyas tu pañca rājarṣivaṃśajāḥ
Sanskrit only: no published translation is held for this verse.
नृगा कृमिर् नवा दर्वा पञ्चमी च दृषद्वती । उशीनरस्य पुत्रास् तु पञ्च तासु कुलोद्वहाः
nṛgā kṛmir navā darvā pañcamī ca dṛṣadvatī / uśīnarasya putrās tu pañca tāsu kulodvahāḥ
Sanskrit only: no published translation is held for this verse.
तपसा चैव महता जाता वृद्धस्य चात्मजाः । नृगायास् तु नृगः पुत्रः कृम्यां कृमिर् अजायत
tapasā caiva mahatā jātā vṛddhasya cātmajāḥ / nṛgāyās tu nṛgaḥ putraḥ kṛmyāṃ kṛmir ajāyata
Sanskrit only: no published translation is held for this verse.
नवायास् तु नवः पुत्रो दर्वायाः सुव्रतो ऽभवत् । दृषद्वत्यास् तु संजज्ञे शिबिर् औशीनरो नृपः
navāyās tu navaḥ putro darvāyāḥ suvrato 'bhavat / dṛṣadvatyās tu saṃjajñe śibir auśīnaro nṛpaḥ
Sanskrit only: no published translation is held for this verse.
शिबेस् तु शिबयो विप्रा यौधेयास् तु नृगस्य ह । नवस्य नवराष्ट्रं तु कृमेस् तु कृमिला पुरी
śibes tu śibayo viprā yaudheyās tu nṛgasya ha / navasya navarāṣṭraṃ tu kṛmes tu kṛmilā purī
Sanskrit only: no published translation is held for this verse.
सुव्रतस्य तथाम्बष्ठाः शिबिपुत्रान् निबोधत । शिबेस् तु शिबयः पुत्राश् चत्वारो लोकविश्रुताः
suvratasya tathāmbaṣṭhāḥ śibiputrān nibodhata / śibes tu śibayaḥ putrāś catvāro lokaviśrutāḥ
Sanskrit only: no published translation is held for this verse.
वृषदर्भः सुवीरश् च केकयो मद्रकस् तथा । तेषां जनपदाः स्फीता केकया मद्रकास् तथा
vṛṣadarbhaḥ suvīraś ca kekayo madrakas tathā / teṣāṃ janapadāḥ sphītā kekayā madrakās tathā
Sanskrit only: no published translation is held for this verse.
वृषदर्भाः सुवीराश् च तितिक्षोस् तु प्रजास् त्व् इमाः । तितिक्षुर् अभवद् राजा पूर्वस्यां दिशि भो द्विजाः
vṛṣadarbhāḥ suvīrāś ca titikṣos tu prajās tv imāḥ / titikṣur abhavad rājā pūrvasyāṃ diśi bho dvijāḥ
Sanskrit only: no published translation is held for this verse.
उषद्रथो महावीर्यः फेनस् तस्य सुतो ऽभवत् । फेनस्य सुतपा जज्ञे ततः सुतपसो बलिः
uṣadratho mahāvīryaḥ phenas tasya suto 'bhavat / phenasya sutapā jajñe tataḥ sutapaso baliḥ
Sanskrit only: no published translation is held for this verse.
जातो मानुषयोनौ तु स राजा काञ्चनेषुधिः । महायोगी स तु बलिर् बभूव नृपतिः पुरा
jāto mānuṣayonau tu sa rājā kāñcaneṣudhiḥ / mahāyogī sa tu balir babhūva nṛpatiḥ purā
Sanskrit only: no published translation is held for this verse.
पुत्रान् उत्पादयाम् आस पञ्च वंशकरान् भुवि । अङ्गः प्रथमतो जज्ञे वङ्गः सुह्मस् तथैव च
putrān utpādayām āsa pañca vaṃśakarān bhuvi / aṅgaḥ prathamato jajñe vaṅgaḥ suhmas tathaiva ca
Sanskrit only: no published translation is held for this verse.
पुण्ड्रः कलिङ्गश् च तथा बालेयं क्षत्रम् उच्यते । बालेया ब्राह्मणाश् चैव तस्य वंशकरा भुवि
puṇḍraḥ kaliṅgaś ca tathā bāleyaṃ kṣatram ucyate / bāleyā brāhmaṇāś caiva tasya vaṃśakarā bhuvi
Sanskrit only: no published translation is held for this verse.
बलेश् च ब्रह्मणा दत्तो वरः प्रीतेन भो द्विजाः । महायोगित्वम् आयुश् च कल्पस्य परिमाणतः
baleś ca brahmaṇā datto varaḥ prītena bho dvijāḥ / mahāyogitvam āyuś ca kalpasya parimāṇataḥ
Sanskrit only: no published translation is held for this verse.
बले चाप्रतिमत्वं वै धर्मतत्त्वार्थदर्शनम् । संग्रामे चाप्य् अजेयत्वं धर्मे चैव प्रधानताम्
bale cāpratimatvaṃ vai dharmatattvārthadarśanam / saṃgrāme cāpy ajeyatvaṃ dharme caiva pradhānatām
Sanskrit only: no published translation is held for this verse.
त्रैलोक्यदर्शनं चापि प्राधान्यं प्रसवे तथा । चतुरो नियतान् वर्णांस् त्वं च स्थापयितेति च
trailokyadarśanaṃ cāpi prādhānyaṃ prasave tathā / caturo niyatān varṇāṃs tvaṃ ca sthāpayiteti ca
Sanskrit only: no published translation is held for this verse.
इत्य् उक्तो विभुना राजा बलिः शान्तिं परां ययौ । कालेन महता विप्राः स्वं च स्थानम् उपागमत्
ity ukto vibhunā rājā baliḥ śāntiṃ parāṃ yayau / kālena mahatā viprāḥ svaṃ ca sthānam upāgamat
Sanskrit only: no published translation is held for this verse.
तेषां जनपदाः पञ्च अङ्गा वङ्गाः ससुह्मकाः । कलिङ्गाः पुण्ड्रकाश् चैव प्रजास् त्व् अङ्गस्य सांप्रतम्
teṣāṃ janapadāḥ pañca aṅgā vaṅgāḥ sasuhmakāḥ / kaliṅgāḥ puṇḍrakāś caiva prajās tv aṅgasya sāṃpratam
Sanskrit only: no published translation is held for this verse.
अङ्गपुत्रो महान् आसीद् राजेन्द्रो दधिवाहनः । दधिवाहनपुत्रस् तु राजा दिविरथो ऽभवत्
aṅgaputro mahān āsīd rājendro dadhivāhanaḥ / dadhivāhanaputras tu rājā diviratho 'bhavat
Sanskrit only: no published translation is held for this verse.
पुत्रो दिविरथस्यासीच् छक्रतुल्यपराक्रमः । विद्वान् धर्मरथो नाम तस्य चित्ररथः सुतः
putro divirathasyāsīc chakratulyaparākramaḥ / vidvān dharmaratho nāma tasya citrarathaḥ sutaḥ
Sanskrit only: no published translation is held for this verse.
तेन धर्मरथेनाथ तदा कालञ्जरे गिरौ । यजता सह शक्रेण सोमः पीतो महात्मना
tena dharmarathenātha tadā kālañjare girau / yajatā saha śakreṇa somaḥ pīto mahātmanā
Sanskrit only: no published translation is held for this verse.
अथ चित्ररथस्यापि पुत्रो दशरथो ऽभवत् । लोमपाद इति ख्यातो यस्य शान्ता सुताभवत्
atha citrarathasyāpi putro daśaratho 'bhavat / lomapāda iti khyāto yasya śāntā sutābhavat
Sanskrit only: no published translation is held for this verse.
तस्य दाशरथिर् वीरश् चतुरङ्गो महायशाः । ऋष्यशृङ्गप्रसादेन जज्ञे वंशविवर्धनः
tasya dāśarathir vīraś caturaṅgo mahāyaśāḥ / ṛṣyaśṛṅgaprasādena jajñe vaṃśavivardhanaḥ
Sanskrit only: no published translation is held for this verse.
चतुरङ्गस्य पुत्रस् तु पृथुलाक्ष इति स्मृतः । पृथुलाक्षसुतो राजा चम्पो नाम महायशाः
caturaṅgasya putras tu pṛthulākṣa iti smṛtaḥ / pṛthulākṣasuto rājā campo nāma mahāyaśāḥ
Sanskrit only: no published translation is held for this verse.
चम्पस्य तु पुरी चम्पा या मालिन्य् अभवत् पुरा । पूर्णभद्रप्रसादेन हर्यङ्गो ऽस्य सुतो ऽभवत्
campasya tu purī campā yā māliny abhavat purā / pūrṇabhadraprasādena haryaṅgo 'sya suto 'bhavat
Sanskrit only: no published translation is held for this verse.
ततो वैभाण्डकिस् तस्य वारणं शक्रवारणम् । अवतारयाम् आस महीं मन्त्रैर् वाहनम् उत्तमम्
tato vaibhāṇḍakis tasya vāraṇaṃ śakravāraṇam / avatārayām āsa mahīṃ mantrair vāhanam uttamam
Sanskrit only: no published translation is held for this verse.
हर्यङ्गस्य सुतस् तत्र राजा भद्ररथः स्मृतः । पुत्रो भद्ररथस्यासीद् बृहत्कर्मा प्रजेश्वरः
haryaṅgasya sutas tatra rājā bhadrarathaḥ smṛtaḥ / putro bhadrarathasyāsīd bṛhatkarmā prajeśvaraḥ
Sanskrit only: no published translation is held for this verse.
बृहद्दर्भः सुतस् तस्य यस्माज् जज्ञे बृहन्मनाः । बृहन्मनास् तु राजेन्द्रो जनयाम् आस वै सुतम्
bṛhaddarbhaḥ sutas tasya yasmāj jajñe bṛhanmanāḥ / bṛhanmanās tu rājendro janayām āsa vai sutam
Sanskrit only: no published translation is held for this verse.
नाम्ना जयद्रथं नाम यस्माद् दृढरथो नृपः । आसीद् दृढरथस्यापि विश्वजिज् जनमेजयी
nāmnā jayadrathaṃ nāma yasmād dṛḍharatho nṛpaḥ / āsīd dṛḍharathasyāpi viśvajij janamejayī
Sanskrit only: no published translation is held for this verse.
दायादस् तस्य वैकर्णो विकर्णस् तस्य चात्मजः । तस्य पुत्रशतं त्व् आसीद् अङ्गानां कुलवर्धनम्
dāyādas tasya vaikarṇo vikarṇas tasya cātmajaḥ / tasya putraśataṃ tv āsīd aṅgānāṃ kulavardhanam
Sanskrit only: no published translation is held for this verse.
एते ऽङ्गवंशजाः सर्वे राजानः कीर्तिता मया । सत्यव्रता महात्मानः प्रजावन्तो महारथाः
ete 'ṅgavaṃśajāḥ sarve rājānaḥ kīrtitā mayā / satyavratā mahātmānaḥ prajāvanto mahārathāḥ
Sanskrit only: no published translation is held for this verse.
ऋचेयोस् तु मुनिश्रेष्ठा रौद्राश्वतनयस्य वै । शृणुध्वं संप्रवक्ष्यामि वंशं राज्ञस् तु भो द्विजाः
ṛceyos tu muniśreṣṭhā raudrāśvatanayasya vai / śṛṇudhvaṃ saṃpravakṣyāmi vaṃśaṃ rājñas tu bho dvijāḥ
Sanskrit only: no published translation is held for this verse.
ऋचेयोस् तनयो राजा मतिनारो महीपतिः । मतिनारसुतास् त्व् आसंस् त्रयः परमधार्मिकाः
ṛceyos tanayo rājā matināro mahīpatiḥ / matinārasutās tv āsaṃs trayaḥ paramadhārmikāḥ
Sanskrit only: no published translation is held for this verse.
वसुरोधः प्रतिरथः सुबाहुश् चैव धार्मिकः । सर्वे वेदविदश् चैव ब्रह्मण्याः सत्यवादिनः
vasurodhaḥ pratirathaḥ subāhuś caiva dhārmikaḥ / sarve vedavidaś caiva brahmaṇyāḥ satyavādinaḥ
Sanskrit only: no published translation is held for this verse.
इला नाम तु यस्यासीत् कन्या वै मुनिसत्तमाः । ब्रह्मवादिन्य् अधिस्त्री सा तंसुस् ताम् अभ्यगच्छत
ilā nāma tu yasyāsīt kanyā vai munisattamāḥ / brahmavādiny adhistrī sā taṃsus tām abhyagacchata
Sanskrit only: no published translation is held for this verse.
तंसोः सुतो ऽथ राजर्षिर् धर्मनेत्रः प्रतापवान् । ब्रह्मवादी पराक्रान्तस् तस्य भार्योपदानवी
taṃsoḥ suto 'tha rājarṣir dharmanetraḥ pratāpavān / brahmavādī parākrāntas tasya bhāryopadānavī
Sanskrit only: no published translation is held for this verse.
उपदानवी ततः पुत्रांश् चतुरो ऽजनयच् छुबान् । दुष्यन्तम् अथ सुष्मन्तं प्रवीरम् अनघं तथा
upadānavī tataḥ putrāṃś caturo 'janayac chubān / duṣyantam atha suṣmantaṃ pravīram anaghaṃ tathā
Sanskrit only: no published translation is held for this verse.
दुष्यन्तस्य तु दायादो भरतो नाम वीर्यवान् । स सर्वदमनो नाम नागायुतबलो महान्
duṣyantasya tu dāyādo bharato nāma vīryavān / sa sarvadamano nāma nāgāyutabalo mahān
Sanskrit only: no published translation is held for this verse.
चक्रवर्ती सुतो जज्ञे दुष्यन्तस्य महात्मनः । शकुन्तलायां भरतो यस्य नाम्ना तु भारताः
cakravartī suto jajñe duṣyantasya mahātmanaḥ / śakuntalāyāṃ bharato yasya nāmnā tu bhāratāḥ
Sanskrit only: no published translation is held for this verse.
भरतस्य विनष्टेषु तनयेषु महीपतेः । मातॄणां तु प्रकोपेण मया तत् कथितं पुरा
bharatasya vinaṣṭeṣu tanayeṣu mahīpateḥ / mātṝṇāṃ tu prakopeṇa mayā tat kathitaṃ purā
Sanskrit only: no published translation is held for this verse.
बृहस्पतेर् अङ्गिरसः पुत्रो विप्रो महामुनिः । अयाजयद् भरद्वाजो महद्भिः क्रतुभिर् विभुः
bṛhaspater aṅgirasaḥ putro vipro mahāmuniḥ / ayājayad bharadvājo mahadbhiḥ kratubhir vibhuḥ
Sanskrit only: no published translation is held for this verse.
पूर्वं तु वितथे तस्य कृते वै पुत्रजन्मनि । ततो ऽथ वितथो नाम भरद्वाजात् सुतो ऽभवत्
pūrvaṃ tu vitathe tasya kṛte vai putrajanmani / tato 'tha vitatho nāma bharadvājāt suto 'bhavat
Sanskrit only: no published translation is held for this verse.
ततो ऽथ वितथे जाते भरतस् तु दिवं ययौ । वितथं चाभिषिच्याथ भरद्वाजो वनं ययौ
tato 'tha vitathe jāte bharatas tu divaṃ yayau / vitathaṃ cābhiṣicyātha bharadvājo vanaṃ yayau
Sanskrit only: no published translation is held for this verse.
स चापि वितथः पुत्राञ् जनयाम् आस पञ्च वै । सुहोत्रं च सुहोतारं गयं गर्गं तथैव च
sa cāpi vitathaḥ putrāñ janayām āsa pañca vai / suhotraṃ ca suhotāraṃ gayaṃ gargaṃ tathaiva ca
Sanskrit only: no published translation is held for this verse.
कपिलं च महात्मानं सुहोत्रस्य सुतद्वयम् । काशिकं च महासत्यं तथा गृत्समतिं नृपम्
kapilaṃ ca mahātmānaṃ suhotrasya sutadvayam / kāśikaṃ ca mahāsatyaṃ tathā gṛtsamatiṃ nṛpam
Sanskrit only: no published translation is held for this verse.
तथा गृत्समतेः पुत्रा ब्राह्मणाः क्षत्रिया विशः । काशिकस्य तु काशेयः पुत्रो दीर्घतपास् तथा
tathā gṛtsamateḥ putrā brāhmaṇāḥ kṣatriyā viśaḥ / kāśikasya tu kāśeyaḥ putro dīrghatapās tathā
Sanskrit only: no published translation is held for this verse.
बभूव दीर्घतपसो विद्वान् धन्वन्तरिः सुतः । धन्वन्तरेस् तु तनयः केतुमान् इति विश्रुतः
babhūva dīrghatapaso vidvān dhanvantariḥ sutaḥ / dhanvantares tu tanayaḥ ketumān iti viśrutaḥ
Sanskrit only: no published translation is held for this verse.
तथा केतुमतः पुत्रो विद्वान् भीमरथः स्मृतः । पुत्रो भीमरथस्यापि वाराणस्यधिपो ऽभवत्
tathā ketumataḥ putro vidvān bhīmarathaḥ smṛtaḥ / putro bhīmarathasyāpi vārāṇasyadhipo 'bhavat
Sanskrit only: no published translation is held for this verse.
दिवोदास इति ख्यातः सर्वक्षत्रप्रणाशनः । दिवोदासस्य पुत्रस् तु वीरो राजा प्रतर्दनः
divodāsa iti khyātaḥ sarvakṣatrapraṇāśanaḥ / divodāsasya putras tu vīro rājā pratardanaḥ
Sanskrit only: no published translation is held for this verse.
प्रतर्दनस्य पुत्रौ द्वौ वत्सो भार्गव एव च । अलर्को राजपुत्रस् तु राजा सन्मतिमान् भुवि
pratardanasya putrau dvau vatso bhārgava eva ca / alarko rājaputras tu rājā sanmatimān bhuvi
Sanskrit only: no published translation is held for this verse.
हैहयस्य तु दायाद्यं हृतवान् वै महीपतिः । आजह्रे पितृदायाद्यं दिवोदासहृतं बलात्
haihayasya tu dāyādyaṃ hṛtavān vai mahīpatiḥ / ājahre pitṛdāyādyaṃ divodāsahṛtaṃ balāt
Sanskrit only: no published translation is held for this verse.
भद्रश्रेण्यस्य पुत्रेण दुर्दमेन महात्मना । दिवोदासेन बालेति घृणयासौ विसर्जितः
bhadraśreṇyasya putreṇa durdamena mahātmanā / divodāsena bāleti ghṛṇayāsau visarjitaḥ
Sanskrit only: no published translation is held for this verse.
अष्टारथो नाम नृपः सुतो भीमरथस्य वै । तेन पुत्रेण बालस्य प्रहृतं तस्य भो द्विजाः
aṣṭāratho nāma nṛpaḥ suto bhīmarathasya vai / tena putreṇa bālasya prahṛtaṃ tasya bho dvijāḥ
Sanskrit only: no published translation is held for this verse.
वैरस्यान्तं मुनिश्रेष्ठाः क्षत्रियेण विधित्सता । अलर्कः काशिराजस् तु ब्रह्मण्यः सत्यसंगरः
vairasyāntaṃ muniśreṣṭhāḥ kṣatriyeṇa vidhitsatā / alarkaḥ kāśirājas tu brahmaṇyaḥ satyasaṃgaraḥ
Sanskrit only: no published translation is held for this verse.
षष्टिं वर्षसहस्राणि षष्टिं वर्षशतानि च । युवा रूपेण संपन्न आसीत् काशिकुलोद्वहः
ṣaṣṭiṃ varṣasahasrāṇi ṣaṣṭiṃ varṣaśatāni ca / yuvā rūpeṇa saṃpanna āsīt kāśikulodvahaḥ
Sanskrit only: no published translation is held for this verse.
लोपामुद्राप्रसादेन परमायुर् अवाप सः । वयसो ऽन्ते मुनिश्रेष्ठा हत्वा क्षेमकराक्षसम्
lopāmudrāprasādena paramāyur avāpa saḥ / vayaso 'nte muniśreṣṭhā hatvā kṣemakarākṣasam
Sanskrit only: no published translation is held for this verse.
रम्यां निवेशयाम् आस पुरीं वाराणसीं नृपः । अलर्कस्य तु दायादः क्षेमको नाम पार्थिवः
ramyāṃ niveśayām āsa purīṃ vārāṇasīṃ nṛpaḥ / alarkasya tu dāyādaḥ kṣemako nāma pārthivaḥ
Sanskrit only: no published translation is held for this verse.
क्षेमकस्य तु पुत्रो वै वर्षकेतुस् ततो ऽभवत् । वर्षकेतोश् च दायादो विभुर् नाम प्रजेश्वरः
kṣemakasya tu putro vai varṣaketus tato 'bhavat / varṣaketoś ca dāyādo vibhur nāma prajeśvaraḥ
Sanskrit only: no published translation is held for this verse.
आनर्तस् तु विभोः पुत्रः सुकुमारस् ततो ऽभवत् । सुकुमारस्य पुत्रस् तु सत्यकेतुर् महारथः
ānartas tu vibhoḥ putraḥ sukumāras tato 'bhavat / sukumārasya putras tu satyaketur mahārathaḥ
Sanskrit only: no published translation is held for this verse.
सुतो ऽभवन् महातेजा राजा परमधार्मिकः । वत्सस्य वत्सभूमिस् तु भर्गभूमिस् तु भार्गवात्
suto 'bhavan mahātejā rājā paramadhārmikaḥ / vatsasya vatsabhūmis tu bhargabhūmis tu bhārgavāt
Sanskrit only: no published translation is held for this verse.
एते त्व् अङ्गिरसः पुत्रा जाता वंशे ऽथ भार्गवे । ब्राह्मणाः क्षत्रिया वैश्याः शूद्राश् च मुनिसत्तमाः
ete tv aṅgirasaḥ putrā jātā vaṃśe 'tha bhārgave / brāhmaṇāḥ kṣatriyā vaiśyāḥ śūdrāś ca munisattamāḥ
Sanskrit only: no published translation is held for this verse.
आजमीढो ऽपरो वंशः श्रूयतां द्विजसत्तमाः । सुहोत्रस्य बृहत् पुत्रो बृहतस् तनयास् त्रयः
ājamīḍho 'paro vaṃśaḥ śrūyatāṃ dvijasattamāḥ / suhotrasya bṛhat putro bṛhatas tanayās trayaḥ
Sanskrit only: no published translation is held for this verse.
अजमीढो द्विमीढश् च पुरुमीढश् च वीर्यवान् । अजमीढस्य पत्न्यस् तु तिस्रो वै यशसान्विताः
ajamīḍho dvimīḍhaś ca purumīḍhaś ca vīryavān / ajamīḍhasya patnyas tu tisro vai yaśasānvitāḥ
Sanskrit only: no published translation is held for this verse.
नीली च केशिनी चैव धूमिनी च वराङ्गनाः । अजमीढस्य केशिन्यां जज्ञे जह्नुः प्रतापवान्
nīlī ca keśinī caiva dhūminī ca varāṅganāḥ / ajamīḍhasya keśinyāṃ jajñe jahnuḥ pratāpavān
Sanskrit only: no published translation is held for this verse.
आजह्रे यो महासत्त्रं सर्वमेधमखं विभुम् । पतिलोभेन यं गङ्गा विनीतेव ससार ह
ājahre yo mahāsattraṃ sarvamedhamakhaṃ vibhum / patilobhena yaṃ gaṅgā vinīteva sasāra ha
Sanskrit only: no published translation is held for this verse.
नेच्छतः प्लावयाम् आस तस्य गङ्गा च तत् सदः । तत् तया प्लावितं दृष्ट्वा यज्ञवाटं समन्ततः
necchataḥ plāvayām āsa tasya gaṅgā ca tat sadaḥ / tat tayā plāvitaṃ dṛṣṭvā yajñavāṭaṃ samantataḥ
Sanskrit only: no published translation is held for this verse.
जह्नुर् अप्य् अब्रवीद् गङ्गां क्रुद्धो विप्रास् तदा नृपः । एष ते त्रिषु लोकेषु संक्षिप्यापः पिबाम्य् अहम् । अस्य गङ्गे ऽवलेपस्य सद्यः फलम् अवाप्नुहि
jahnur apy abravīd gaṅgāṃ kruddho viprās tadā nṛpaḥ / eṣa te triṣu lokeṣu saṃkṣipyāpaḥ pibāmy aham / asya gaṅge 'valepasya sadyaḥ phalam avāpnuhi
Sanskrit only: no published translation is held for this verse.
ततः पीतां महात्मानो दृष्ट्वा गङ्गां महर्षयः । उपनिन्युर् महाभागा दुहितृत्वेन जाह्नवीम्
tataḥ pītāṃ mahātmāno dṛṣṭvā gaṅgāṃ maharṣayaḥ / upaninyur mahābhāgā duhitṛtvena jāhnavīm
Sanskrit only: no published translation is held for this verse.
युवनाश्वस्य पुत्रीं तु कावेरीं जह्नुर् आवहत् । गङ्गाशापेन देहार्धं यस्याः पश्चान् नदीकृतम्
yuvanāśvasya putrīṃ tu kāverīṃ jahnur āvahat / gaṅgāśāpena dehārdhaṃ yasyāḥ paścān nadīkṛtam
Sanskrit only: no published translation is held for this verse.
जह्नोस् तु दयितः पुत्रो अजको नाम वीर्यवान् । अजकस्य तु दायादो बलाकाश्वो महीपतिः
jahnos tu dayitaḥ putro ajako nāma vīryavān / ajakasya tu dāyādo balākāśvo mahīpatiḥ
Sanskrit only: no published translation is held for this verse.
बभूव मृगयाशीलः कुशिकस् तस्य चात्मजः । पह्नवैः सह संवृद्धो राजा वनचरैः सह
babhūva mṛgayāśīlaḥ kuśikas tasya cātmajaḥ / pahnavaiḥ saha saṃvṛddho rājā vanacaraiḥ saha
Sanskrit only: no published translation is held for this verse.
कुशिकस् तु तपस् तेपे पुत्रम् इन्द्रसमं विभुम् । लभेयम् इति तं शक्रस् त्रासाद् अभ्येत्य जज्ञिवान्
kuśikas tu tapas tepe putram indrasamaṃ vibhum / labheyam iti taṃ śakras trāsād abhyetya jajñivān
Sanskrit only: no published translation is held for this verse.
स गाधिर् अभवद् राजा मघवा कौशिकः स्वयम् । विश्वामित्रस् तु गाधेयो विश्वामित्रात् तथाष्टकः
sa gādhir abhavad rājā maghavā kauśikaḥ svayam / viśvāmitras tu gādheyo viśvāmitrāt tathāṣṭakaḥ
Sanskrit only: no published translation is held for this verse.
अष्टकस्य सुतो लौहिः प्रोक्तो जह्नुगणो मया । आजमीढो ऽपरो वंशः श्रूयतां मुनिसत्तमाः
aṣṭakasya suto lauhiḥ prokto jahnugaṇo mayā / ājamīḍho 'paro vaṃśaḥ śrūyatāṃ munisattamāḥ
Sanskrit only: no published translation is held for this verse.
अजमीढात् तु नील्यां वै सुशान्तिर् उदपद्यत । पुरुजातिः सुशान्तेश् च बाह्याश्वः पुरुजातितः
ajamīḍhāt tu nīlyāṃ vai suśāntir udapadyata / purujātiḥ suśānteś ca bāhyāśvaḥ purujātitaḥ
Sanskrit only: no published translation is held for this verse.
बाह्याश्वतनयाः पञ्च स्फीता जनपदावृताः । मुद्गलः सृञ्जयश् चैव राजा बृहदिषुस् तदा
bāhyāśvatanayāḥ pañca sphītā janapadāvṛtāḥ / mudgalaḥ sṛñjayaś caiva rājā bṛhadiṣus tadā
Sanskrit only: no published translation is held for this verse.
यवीनरश् च विक्रान्तः कृमिलाश्वश् च पञ्चमः । पञ्चैते रक्षणायालं देशानाम् इति विश्रुताः
yavīnaraś ca vikrāntaḥ kṛmilāśvaś ca pañcamaḥ / pañcaite rakṣaṇāyālaṃ deśānām iti viśrutāḥ
Sanskrit only: no published translation is held for this verse.
पञ्चानां ते तु पञ्चालाः स्फीता जनपदावृताः । अलं संरक्षणे तेषां पञ्चाला इति विश्रुताः
pañcānāṃ te tu pañcālāḥ sphītā janapadāvṛtāḥ / alaṃ saṃrakṣaṇe teṣāṃ pañcālā iti viśrutāḥ
Sanskrit only: no published translation is held for this verse.
मुद्गलस्य तु दायादो मौद्गल्यः सुमहायशाः । इन्द्रसेना यतो गर्भं वध्न्यं च प्रत्यपद्यत
mudgalasya tu dāyādo maudgalyaḥ sumahāyaśāḥ / indrasenā yato garbhaṃ vadhnyaṃ ca pratyapadyata
Sanskrit only: no published translation is held for this verse.
आसीत् पञ्चजनः पुत्रः सृञ्जयस्य महात्मनः । सुतः पञ्चजनस्यापि सोमदत्तो महीपतिः
āsīt pañcajanaḥ putraḥ sṛñjayasya mahātmanaḥ / sutaḥ pañcajanasyāpi somadatto mahīpatiḥ
Sanskrit only: no published translation is held for this verse.
सोमदत्तस्य दायादः सहदेवो महायशाः । सहदेवसुतश् चापि सोमको नाम विश्रुतः
somadattasya dāyādaḥ sahadevo mahāyaśāḥ / sahadevasutaś cāpi somako nāma viśrutaḥ
Sanskrit only: no published translation is held for this verse.
अजमीढसुतो जातः क्षीणे वंशे तु सोमकः । सोमकस्य सुतो जन्तुर् यस्य पुत्रशतं बभौ
ajamīḍhasuto jātaḥ kṣīṇe vaṃśe tu somakaḥ / somakasya suto jantur yasya putraśataṃ babhau
Sanskrit only: no published translation is held for this verse.
तेषां यवीयान् पृषतो द्रुपदस्य पिता प्रभुः । आजमीढाः स्मृताश् चैते महात्मानस् तु सोमकाः
teṣāṃ yavīyān pṛṣato drupadasya pitā prabhuḥ / ājamīḍhāḥ smṛtāś caite mahātmānas tu somakāḥ
Sanskrit only: no published translation is held for this verse.
महिषी त्व् अजमीढस्य धूमिनी पुत्रगृद्धिनी । पतिव्रता महाभागा कुलजा मुनिसत्तमाः
mahiṣī tv ajamīḍhasya dhūminī putragṛddhinī / pativratā mahābhāgā kulajā munisattamāḥ
Sanskrit only: no published translation is held for this verse.
सा च पुत्रार्थिनी देवी व्रतचर्यासमन्विता । ततो वर्षायुतं तप्त्वा तपः परमदुश्चरम्
sā ca putrārthinī devī vratacaryāsamanvitā / tato varṣāyutaṃ taptvā tapaḥ paramaduścaram
Sanskrit only: no published translation is held for this verse.
हुत्वाग्निं विधिवत् सा तु पवित्रा मितभोजना । अग्निहोत्रकुशेष्व् एव सुष्वाप मुनिसत्तमाः
hutvāgniṃ vidhivat sā tu pavitrā mitabhojanā / agnihotrakuśeṣv eva suṣvāpa munisattamāḥ
Sanskrit only: no published translation is held for this verse.
धूमिन्या स तया देव्या त्व् अजमीढः समीयिवान् । ऋक्षं संजनयाम् आस धूम्रवर्णं सुदर्शनम्
dhūminyā sa tayā devyā tv ajamīḍhaḥ samīyivān / ṛkṣaṃ saṃjanayām āsa dhūmravarṇaṃ sudarśanam
Sanskrit only: no published translation is held for this verse.
ऋक्षात् संवरणो जज्ञे कुरुः संवरणात् तथा । यः प्रयागाद् अतिक्रम्य कुरुक्षेत्रं चकार ह
ṛkṣāt saṃvaraṇo jajñe kuruḥ saṃvaraṇāt tathā / yaḥ prayāgād atikramya kurukṣetraṃ cakāra ha
Sanskrit only: no published translation is held for this verse.
पुण्यं च रमणीयं च पुण्यकृद्भिर् निषेवितम् । तस्यान्ववायः सुमहान् यस्य नाम्नाथ कौरवाः
puṇyaṃ ca ramaṇīyaṃ ca puṇyakṛdbhir niṣevitam / tasyānvavāyaḥ sumahān yasya nāmnātha kauravāḥ
Sanskrit only: no published translation is held for this verse.
कुरोश् च पुत्राश् चत्वारः सुधन्वा सुधनुस् तथा । परीक्षिच् च महाबाहुः प्रवरश् चारिमेजयः
kuroś ca putrāś catvāraḥ sudhanvā sudhanus tathā / parīkṣic ca mahābāhuḥ pravaraś cārimejayaḥ
Sanskrit only: no published translation is held for this verse.
परीक्षितस् तु दायादो धार्मिको जनमेजयः । श्रुतसेनो ऽग्रसेनश् च भीमसेनश् च नामतः
parīkṣitas tu dāyādo dhārmiko janamejayaḥ / śrutaseno 'grasenaś ca bhīmasenaś ca nāmataḥ
Sanskrit only: no published translation is held for this verse.
एते सर्वे महाभागा विक्रान्ता बलशालिनः । जनमेजयस्य पुत्रस् तु सुरथो मतिमांस् तथा
ete sarve mahābhāgā vikrāntā balaśālinaḥ / janamejayasya putras tu suratho matimāṃs tathā
Sanskrit only: no published translation is held for this verse.
सुरथस्य तु विक्रान्तः पुत्रो जज्ञे विदूरथः । विदूरथस्य दायाद ऋक्ष एव महारथः
surathasya tu vikrāntaḥ putro jajñe vidūrathaḥ / vidūrathasya dāyāda ṛkṣa eva mahārathaḥ
Sanskrit only: no published translation is held for this verse.
द्वितीयस् तु भरद्वाजान् नाम्ना तेनैव विश्रुतः । द्वाव् ऋक्षौ सोमवंशे ऽस्मिन् द्वाव् एव च परीक्षितौ
dvitīyas tu bharadvājān nāmnā tenaiva viśrutaḥ / dvāv ṛkṣau somavaṃśe 'smin dvāv eva ca parīkṣitau
Sanskrit only: no published translation is held for this verse.
भीमसेनास् त्रयो विप्रा द्वौ चापि जनमेजयौ । ऋक्षस्य तु द्वितीयस्य भीमसेनो ऽभवत् सुतः
bhīmasenās trayo viprā dvau cāpi janamejayau / ṛkṣasya tu dvitīyasya bhīmaseno 'bhavat sutaḥ
Sanskrit only: no published translation is held for this verse.
प्रतीपो भीमसेनात् तु प्रतीपस्य तु शांतनुः । देवापिर् बाह्लिकश् चैव त्रय एव महारथाः
pratīpo bhīmasenāt tu pratīpasya tu śāṃtanuḥ / devāpir bāhlikaś caiva traya eva mahārathāḥ
Sanskrit only: no published translation is held for this verse.
शांतनोस् त्व् अभवद् भीष्मस् तस्मिन् वंशे द्विजोत्तमाः । बाह्लिकस्य तु राजर्षेर् वंशं शृणुत भो द्विजाः
śāṃtanos tv abhavad bhīṣmas tasmin vaṃśe dvijottamāḥ / bāhlikasya tu rājarṣer vaṃśaṃ śṛṇuta bho dvijāḥ
Sanskrit only: no published translation is held for this verse.
बाह्लिकस्य सुतश् चैव सोमदत्तो महायशाः । जज्ञिरे सोमदत्तात् तु भूरिर् भूरिश्रवाः शलः
bāhlikasya sutaś caiva somadatto mahāyaśāḥ / jajñire somadattāt tu bhūrir bhūriśravāḥ śalaḥ
Sanskrit only: no published translation is held for this verse.
उपाध्यायस् तु देवानां देवापिर् अभवन् मुनिः । च्यवनपुत्रः कृतक इष्ट आसीन् महात्मनः
upādhyāyas tu devānāṃ devāpir abhavan muniḥ / cyavanaputraḥ kṛtaka iṣṭa āsīn mahātmanaḥ
Sanskrit only: no published translation is held for this verse.
शांतनुस् त्व् अभवद् राजा कौरवाणां धुरंधरः । शांतनोः संप्रवक्ष्यामि वंशं त्रैलोक्यविश्रुतम्
śāṃtanus tv abhavad rājā kauravāṇāṃ dhuraṃdharaḥ / śāṃtanoḥ saṃpravakṣyāmi vaṃśaṃ trailokyaviśrutam
Sanskrit only: no published translation is held for this verse.
गाङ्गं देवव्रतं नाम पुत्रं सो ऽजनयत् प्रभुः । स तु भीष्म इति ख्यातः पाण्डवानां पितामहः
gāṅgaṃ devavrataṃ nāma putraṃ so 'janayat prabhuḥ / sa tu bhīṣma iti khyātaḥ pāṇḍavānāṃ pitāmahaḥ
Sanskrit only: no published translation is held for this verse.
काली विचित्रवीर्यं तु जनयाम् आस भो द्विजाः । शांतनोर् दयितं पुत्रं धर्मात्मानम् अकल्मषम्
kālī vicitravīryaṃ tu janayām āsa bho dvijāḥ / śāṃtanor dayitaṃ putraṃ dharmātmānam akalmaṣam
Sanskrit only: no published translation is held for this verse.