आपस्तम्ब उवाच: काष्ठेषु वह्निः कुसुमेषु गन्धो ब्र्प् १३०।२३अ बीजेषु वृक्षादि दृषत्सु हेम ब्र्प् १३०।२३ब् भूतेषु सर्वेषु तथास्ति यो वै ब्र्प् १३०।२३च् तं सोमनाथं शरणं व्रजामि ब्र्प् १३०।२३द् यो लीलया विश्वम् इदं चकार ब्र्प् १३०।२४अ धाता विधाता भुवनत्रयस्य ब्र्प् १३०।२४ब् यो विश्वरूपः सदसत्परो यः ब्र्प् १३०।२४च् सोमेश्वरं तं शरणं व्रजामि ब्र्प् १३०।२४द् यं स्मृत्य दारिद्र्यमहाभिशाप ब्र्प् १३०।२५अ रोगादिभिर् न स्पृश्यते शरीरी ब्र्प् १३०।२५ब् यम् आश्रिताश् चेप्सितम् आप्नुवन्ति ब्र्प् १३०।२५च् सोमेश्वरं तं शरणं व्रजामि ब्र्प् १३०।२५द् येन त्रयीधर्मम् अवेक्ष्य पूर्वं ब्र्प् १३०।२६अ ब्रह्मादयस् तत्र समीहिताश् च ब्र्प् १३०।२६ब् एवं द्विधा येन कृतं शरीरं ब्र्प् १३०।२६च् सोमेश्वरं तं शरणं व्रजामि ब्र्प् १३०।२६द् यस्मै नमो गच्छति मन्त्रपूतं ब्र्प् १३०।२७अ हुतं हविर् या च कृता च पूजा ब्र्प् १३०।२७ब् दत्तं हविर् येन सुरा भजन्ते ब्र्प् १३०।२७च् सोमेश्वरं तं शरणं व्रजामि ब्र्प् १३०।२७द् यस्मात् परं नान्यद् अस्ति प्रशस्तं ब्र्प् १३०।२८अ यस्मात् परं नैव सुसूक्ष्मम् अन्यत् ब्र्प् १३०।२८ब् यस्मात् परं नो महतां महच् च ब्र्प् १३०।२८च् सोमेश्वरं तं शरणं व्रजामि ब्र्प् १३०।२८द् यस्याज्ञया विश्वम् इदं विचित्रम् ब्र्प् १३०।२९अ अचिन्त्यरूपं विविधं महच् च ब्र्प् १३०।२९ब् एकक्रियं यद्वद् अनुप्रयाति ब्र्प् १३०।२९च् सोमेश्वरं तं शरणं व्रजामि ब्र्प् १३०।२९द् यस्मिन् विभूतिः सकलाधिपत्यं ब्र्प् १३०।३०अ कर्तृत्वदातृत्वमहत्त्वम् एव ब्र्प् १३०।३०ब् प्रीतिर् यशः सौख्यम् अनादिधर्मः ब्र्प् १३०।३०च् सोमेश्वरं तं शरणं व्रजामि ब्र्प् १३०।३०द् नित्यं शरण्यः सकलस्य पूज्यो ब्र्प् १३०।३१अ नित्यं प्रियो यः शरणागतस्य ब्र्प् १३०।३१ब् नित्यं शिवो यः सकलस्य रूपं ब्र्प् १३०।३१च् सोमेश्वरं तं शरणं व्रजामि ब्र्प् १३०।३१द् ब्रह्मोवाच: ततः प्रसन्नो भगवान् आह नारद तं मुनिम् । आत्मार्थं च परार्थं च आपस्तम्बो ऽब्रवीच् छिवम्
āpastamba uvāca: kāṣṭheṣu vahniḥ kusumeṣu gandho BrP 130.23a bījeṣu vṛkṣādi dṛṣatsu hema BrP 130.23b bhūteṣu sarveṣu tathāsti yo vai BrP 130.23c taṃ somanāthaṃ śaraṇaṃ vrajāmi BrP 130.23d yo līlayā viśvam idaṃ cakāra BrP 130.24a dhātā vidhātā bhuvanatrayasya BrP 130.24b yo viśvarūpaḥ sadasatparo yaḥ BrP 130.24c someśvaraṃ taṃ śaraṇaṃ vrajāmi BrP 130.24d yaṃ smṛtya dāridryamahābhiśāpa BrP 130.25a rogādibhir na spṛśyate śarīrī BrP 130.25b yam āśritāś cepsitam āpnuvanti BrP 130.25c someśvaraṃ taṃ śaraṇaṃ vrajāmi BrP 130.25d yena trayīdharmam avekṣya pūrvaṃ BrP 130.26a brahmādayas tatra samīhitāś ca BrP 130.26b evaṃ dvidhā yena kṛtaṃ śarīraṃ BrP 130.26c someśvaraṃ taṃ śaraṇaṃ vrajāmi BrP 130.26d yasmai namo gacchati mantrapūtaṃ BrP 130.27a hutaṃ havir yā ca kṛtā ca pūjā BrP 130.27b dattaṃ havir yena surā bhajante BrP 130.27c someśvaraṃ taṃ śaraṇaṃ vrajāmi BrP 130.27d yasmāt paraṃ nānyad asti praśastaṃ BrP 130.28a yasmāt paraṃ naiva susūkṣmam anyat BrP 130.28b yasmāt paraṃ no mahatāṃ mahac ca BrP 130.28c someśvaraṃ taṃ śaraṇaṃ vrajāmi BrP 130.28d yasyājñayā viśvam idaṃ vicitram BrP 130.29a acintyarūpaṃ vividhaṃ mahac ca BrP 130.29b ekakriyaṃ yadvad anuprayāti BrP 130.29c someśvaraṃ taṃ śaraṇaṃ vrajāmi BrP 130.29d yasmin vibhūtiḥ sakalādhipatyaṃ BrP 130.30a kartṛtvadātṛtvamahattvam eva BrP 130.30b prītir yaśaḥ saukhyam anādidharmaḥ BrP 130.30c someśvaraṃ taṃ śaraṇaṃ vrajāmi BrP 130.30d nityaṃ śaraṇyaḥ sakalasya pūjyo BrP 130.31a nityaṃ priyo yaḥ śaraṇāgatasya BrP 130.31b nityaṃ śivo yaḥ sakalasya rūpaṃ BrP 130.31c someśvaraṃ taṃ śaraṇaṃ vrajāmi BrP 130.31d brahmovāca: tataḥ prasanno bhagavān āha nārada taṃ munim / ātmārthaṃ ca parārthaṃ ca āpastambo 'bravīc chivam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.