Brahma-Purana 175

नारद उवाच: त्रिदैवत्यां सुरेशान गङ्गां ब्रूषे सुरेश्वर । ब्राह्मणेनाहृतां पुण्यां जगतः पावनीं शुभाम्

nārada uvāca: tridaivatyāṃ sureśāna gaṅgāṃ brūṣe sureśvara / brāhmaṇenāhṛtāṃ puṇyāṃ jagataḥ pāvanīṃ śubhām

Sanskrit only: no published translation is held for this verse.

आदिमध्यावसाने च उभयोस् तीरयोर् अपि । या व्याप्ता विष्णुनेशेन त्वया च सुरसत्तम । पुनः संक्षेपतो ब्रूहि न मे तृप्तिः प्रजायते

ādimadhyāvasāne ca ubhayos tīrayor api / yā vyāptā viṣṇuneśena tvayā ca surasattama / punaḥ saṃkṣepato brūhi na me tṛptiḥ prajāyate

Sanskrit only: no published translation is held for this verse.

ब्रह्मोवाच: कमण्डलुस्थिता पूर्वं ततो विष्णुपदानुगा । महेश्वरजटाजूटे स्थिता सैव नमस्कृता

brahmovāca: kamaṇḍalusthitā pūrvaṃ tato viṣṇupadānugā / maheśvarajaṭājūṭe sthitā saiva namaskṛtā

Sanskrit only: no published translation is held for this verse.

ब्रह्मतेजःप्रभावेण शिवम् आराध्य यत्नतः । ततः प्राप्ता गिरिं पुण्यं ततः पूर्वार्णवं प्रति

brahmatejaḥprabhāveṇa śivam ārādhya yatnataḥ / tataḥ prāptā giriṃ puṇyaṃ tataḥ pūrvārṇavaṃ prati

Sanskrit only: no published translation is held for this verse.

आगत्य संगता देवी सर्वतीर्थमयी नृणाम् । ईप्सितानां तथा दात्री प्रभावो ऽस्या विशिष्यते

āgatya saṃgatā devī sarvatīrthamayī nṛṇām / īpsitānāṃ tathā dātrī prabhāvo 'syā viśiṣyate

Sanskrit only: no published translation is held for this verse.

एतस्या नाधिकं मन्ये किंचित् तीर्थं जगत्त्रये । अस्याश् चैव प्रभावेण भाव्यं यच् च मनःस्थितम्

etasyā nādhikaṃ manye kiṃcit tīrthaṃ jagattraye / asyāś caiva prabhāveṇa bhāvyaṃ yac ca manaḥsthitam

Sanskrit only: no published translation is held for this verse.

अद्याप्य् अस्या हि माहात्म्यं वक्तुं कैश्चिन् न शक्यते । भक्तितो वक्ष्यते नित्यं या ब्रह्म परमार्थतः

adyāpy asyā hi māhātmyaṃ vaktuṃ kaiścin na śakyate / bhaktito vakṣyate nityaṃ yā brahma paramārthataḥ

Sanskrit only: no published translation is held for this verse.

तस्याः परतरं तीर्थं न स्याद् इति मतिर् मम । अन्यतीर्थेन साधर्म्यं न युज्येत कथंचन

tasyāḥ parataraṃ tīrthaṃ na syād iti matir mama / anyatīrthena sādharmyaṃ na yujyeta kathaṃcana

Sanskrit only: no published translation is held for this verse.

श्रुत्वा मद्वाक्यपीयूषैर् गङ्गाया गुणकीर्तनम् । सर्वेषां न मतिः कस्मात् तत्रैवोपरतिं गता । इति भाति विचित्रं मे मुने खलु जगत्त्रये

śrutvā madvākyapīyūṣair gaṅgāyā guṇakīrtanam / sarveṣāṃ na matiḥ kasmāt tatraivoparatiṃ gatā / iti bhāti vicitraṃ me mune khalu jagattraye

Sanskrit only: no published translation is held for this verse.

नारद उवाच: धर्मार्थकाममोक्षाणां त्वं वेत्ता चोपदेशकः । छन्दांसि सरहस्यानि पुराणस्मृतयो ऽपि च

nārada uvāca: dharmārthakāmamokṣāṇāṃ tvaṃ vettā copadeśakaḥ / chandāṃsi sarahasyāni purāṇasmṛtayo 'pi ca

Sanskrit only: no published translation is held for this verse.

धर्मशास्त्राणि यच् चान्यत् तव वाक्ये प्रतिष्ठितम् । तीर्थानाम् अथ दानानां यज्ञानां तपसां तथा

dharmaśāstrāṇi yac cānyat tava vākye pratiṣṭhitam / tīrthānām atha dānānāṃ yajñānāṃ tapasāṃ tathā

Sanskrit only: no published translation is held for this verse.

देवतामन्त्रसेवानाम् अधिकं किं वद प्रभो । यद् ब्रूषे भगवन् भक्त्या तथा भाव्यं न चान्यथा

devatāmantrasevānām adhikaṃ kiṃ vada prabho / yad brūṣe bhagavan bhaktyā tathā bhāvyaṃ na cānyathā

Sanskrit only: no published translation is held for this verse.

एतं मे संशयं ब्रह्मन् वाक्यात् त्वं छेत्तुम् अर्हसि । इष्टं मनोगतं श्रुत्वा तस्माद् विस्मयम् आगतः

etaṃ me saṃśayaṃ brahman vākyāt tvaṃ chettum arhasi / iṣṭaṃ manogataṃ śrutvā tasmād vismayam āgataḥ

Sanskrit only: no published translation is held for this verse.

ब्रह्मोवाच: शृणु नारद वक्ष्यामि रहस्यं धर्मम् उत्तमम् । चतुर्विधानि तीर्थानि तावन्त्य् एव युगानि च

brahmovāca: śṛṇu nārada vakṣyāmi rahasyaṃ dharmam uttamam / caturvidhāni tīrthāni tāvanty eva yugāni ca

Sanskrit only: no published translation is held for this verse.

गुणास् त्रयश् च पुरुषास् त्रयो देवाः सनातनाः । वेदाश् च स्मृतिभिर् युक्ताश् चत्वारस् ते प्रकीर्तिताः

guṇās trayaś ca puruṣās trayo devāḥ sanātanāḥ / vedāś ca smṛtibhir yuktāś catvāras te prakīrtitāḥ

Sanskrit only: no published translation is held for this verse.

पुरुषार्थाश् च चत्वारो वाणी चापि चतुर्विधा । गुणा ह्य् अपि तु चत्वारः समत्वेनेति नारद

puruṣārthāś ca catvāro vāṇī cāpi caturvidhā / guṇā hy api tu catvāraḥ samatveneti nārada

Sanskrit only: no published translation is held for this verse.

सर्वत्र धर्मः सामान्यो यतो धर्मः सनातनः । साध्यसाधनभावेन स एव बहुधा मतः

sarvatra dharmaḥ sāmānyo yato dharmaḥ sanātanaḥ / sādhyasādhanabhāvena sa eva bahudhā mataḥ

Sanskrit only: no published translation is held for this verse.

तस्याश्रयश् च द्विविधो देशः कालश् च सर्वदा । कालाश्रयश् च यो धर्मो हीयते वर्धते सदा

tasyāśrayaś ca dvividho deśaḥ kālaś ca sarvadā / kālāśrayaś ca yo dharmo hīyate vardhate sadā

Sanskrit only: no published translation is held for this verse.

युगानाम् अनुरूपेण पादः पादो ऽस्य हीयते । धर्मस्येति महाप्राज्ञ देशापेक्षा तथोभयम्

yugānām anurūpeṇa pādaḥ pādo 'sya hīyate / dharmasyeti mahāprājña deśāpekṣā tathobhayam

Sanskrit only: no published translation is held for this verse.

कालेन चाश्रितो धर्मो देशे नित्यं प्रतिष्ठितः । युगेषु क्षीयमाणेषु न देशेषु स हीयते

kālena cāśrito dharmo deśe nityaṃ pratiṣṭhitaḥ / yugeṣu kṣīyamāṇeṣu na deśeṣu sa hīyate

Sanskrit only: no published translation is held for this verse.

उभयत्र विहीने च धर्मस्य स्याद् अभावता । तस्माद् देशाश्रितो धर्मश् चतुष्पात् सुप्रतिष्ठितः

ubhayatra vihīne ca dharmasya syād abhāvatā / tasmād deśāśrito dharmaś catuṣpāt supratiṣṭhitaḥ

Sanskrit only: no published translation is held for this verse.

स चापि धर्मो देशेषु तीर्थरूपेण तिष्ठति । कृते देशं च कालं च धर्मो ऽवष्टभ्य तिष्ठति

sa cāpi dharmo deśeṣu tīrtharūpeṇa tiṣṭhati / kṛte deśaṃ ca kālaṃ ca dharmo 'vaṣṭabhya tiṣṭhati

Sanskrit only: no published translation is held for this verse.

त्रेतायां पादहीनेन स तु पादः प्रदेशतः । द्वापरे चार्धतः काले धर्मो देशे समास्थितः

tretāyāṃ pādahīnena sa tu pādaḥ pradeśataḥ / dvāpare cārdhataḥ kāle dharmo deśe samāsthitaḥ

Sanskrit only: no published translation is held for this verse.

कलौ पादेन चैकेन धर्मश् चलति संकटम् । एवंविधं तु यो धर्मं वेत्ति तस्य न हीयते

kalau pādena caikena dharmaś calati saṃkaṭam / evaṃvidhaṃ tu yo dharmaṃ vetti tasya na hīyate

Sanskrit only: no published translation is held for this verse.

युगानाम् अनुभावेन जातिभेदाश् च संस्थिताः । गुणेभ्यो गुणकर्तृभ्यो विचित्रा धर्मसंस्थितिः

yugānām anubhāvena jātibhedāś ca saṃsthitāḥ / guṇebhyo guṇakartṛbhyo vicitrā dharmasaṃsthitiḥ

Sanskrit only: no published translation is held for this verse.

गुणानाम् अनुभावेन उद्भवाभिभवौ तथा । तीर्थानाम् अपि वर्णानां वेदानां स्वर्गमोक्षयोः

guṇānām anubhāvena udbhavābhibhavau tathā / tīrthānām api varṇānāṃ vedānāṃ svargamokṣayoḥ

Sanskrit only: no published translation is held for this verse.

तादृग्रूपप्रवृत्त्या तु तद् एव च विशिष्यते । कालो ऽभिव्यञ्जकः प्रोक्तो देशो ऽभिव्यङ्ग्य उच्यते

tādṛgrūpapravṛttyā tu tad eva ca viśiṣyate / kālo 'bhivyañjakaḥ prokto deśo 'bhivyaṅgya ucyate

Sanskrit only: no published translation is held for this verse.

यदा यदा अभिव्यक्तिं कालो धत्ते तदा तदा । तद् एव व्यञ्जनं ब्रह्मंस् तस्मान् नास्त्य् अत्र संशयः

yadā yadā abhivyaktiṃ kālo dhatte tadā tadā / tad eva vyañjanaṃ brahmaṃs tasmān nāsty atra saṃśayaḥ

Sanskrit only: no published translation is held for this verse.

युगानुरूपा मूर्तिः स्याद् देवानां वैदिकी तथा । कर्मणाम् अपि तीर्थानां जातीनाम् आश्रमस्य तु

yugānurūpā mūrtiḥ syād devānāṃ vaidikī tathā / karmaṇām api tīrthānāṃ jātīnām āśramasya tu

Sanskrit only: no published translation is held for this verse.

त्रिदैवत्यं सत्ययुगे तीर्थं लोकेषु पूज्यते । द्विदैवत्यं युगे ऽन्यस्मिन् द्वापरे चैकदैविकम्

tridaivatyaṃ satyayuge tīrthaṃ lokeṣu pūjyate / dvidaivatyaṃ yuge 'nyasmin dvāpare caikadaivikam

Sanskrit only: no published translation is held for this verse.

कलौ न किंचिद् विज्ञेयम् अथान्यद् अपि तच् छृणु । दैवं कृतयुगे तीर्थं त्रेतायाम् आसुरं विदुः

kalau na kiṃcid vijñeyam athānyad api tac chṛṇu / daivaṃ kṛtayuge tīrthaṃ tretāyām āsuraṃ viduḥ

Sanskrit only: no published translation is held for this verse.

आर्षं च द्वापरे प्रोक्तं कलौ मानुषम् उच्यते । अथान्यद् अपि वक्ष्यामि शृणु नारद कारणम्

ārṣaṃ ca dvāpare proktaṃ kalau mānuṣam ucyate / athānyad api vakṣyāmi śṛṇu nārada kāraṇam

Sanskrit only: no published translation is held for this verse.

गौतम्यां यत् त्वया पृष्टं तत् ते वक्ष्यामि विस्तरात् । यदा चेयं हरशिरः प्राप्ता गङ्गा महामुने

gautamyāṃ yat tvayā pṛṣṭaṃ tat te vakṣyāmi vistarāt / yadā ceyaṃ haraśiraḥ prāptā gaṅgā mahāmune

Sanskrit only: no published translation is held for this verse.

तदा प्रभृति सा गङ्गा शंभोः प्रियतराभवत् । तद् देवस्य मतं ज्ञात्वा गजवक्त्रम् उवाच सा

tadā prabhṛti sā gaṅgā śaṃbhoḥ priyatarābhavat / tad devasya mataṃ jñātvā gajavaktram uvāca sā

Sanskrit only: no published translation is held for this verse.

उमा लोकत्रयेशाना माता च जगतो हिता । शान्ता श्रुतिर् इति ख्याता भुक्तिमुक्तिप्रदायिनी

umā lokatrayeśānā mātā ca jagato hitā / śāntā śrutir iti khyātā bhuktimuktipradāyinī

Sanskrit only: no published translation is held for this verse.

ब्रह्मोवाच: तन् मातुर् वचनं श्रुत्वा गजवक्त्रो ऽभ्यभाषत ॥* ब्र्प् १७५।३६ ॥ गजवक्त्र उवाच: किं कृत्यं शाधि मां मातस् तत्कर्ताहम् असंशयम् ॥* ब्र्प् १७५।३७ ॥ ब्रह्मोवाच: उमा सुतम् उवाचेदं महेश्वरजटास्थिता । त्वयावतार्यतां गङ्गा सत्यम् ईशप्रिया सती

brahmovāca: tan mātur vacanaṃ śrutvā gajavaktro 'bhyabhāṣata //* BrP 175.36 // gajavaktra uvāca: kiṃ kṛtyaṃ śādhi māṃ mātas tatkartāham asaṃśayam //* BrP 175.37 // brahmovāca: umā sutam uvācedaṃ maheśvarajaṭāsthitā / tvayāvatāryatāṃ gaṅgā satyam īśapriyā satī

Sanskrit only: no published translation is held for this verse.

पुनश् चेशस् तत्र चित्रम् अध्यास्ते सर्वदा सुत । शिवो यत्र सुरास् तत्र तत्र वेदाः सनातनाः

punaś ceśas tatra citram adhyāste sarvadā suta / śivo yatra surās tatra tatra vedāḥ sanātanāḥ

Sanskrit only: no published translation is held for this verse.

तत्रैव ऋषयः सर्वे मनुष्याः पितरस् तथा । तस्मान् निवर्तयेशानं देवदेवं महेश्वरम्

tatraiva ṛṣayaḥ sarve manuṣyāḥ pitaras tathā / tasmān nivartayeśānaṃ devadevaṃ maheśvaram

Sanskrit only: no published translation is held for this verse.

तस्या निवर्तिते देवे गङ्गायाः सर्व एव हि । निवृत्तास् ते भविष्यन्ति शृणु चेदं वचो मम । निवर्तय ततस् तस्याः सर्वभावेन शंकरम्

tasyā nivartite deve gaṅgāyāḥ sarva eva hi / nivṛttās te bhaviṣyanti śṛṇu cedaṃ vaco mama / nivartaya tatas tasyāḥ sarvabhāvena śaṃkaram

Sanskrit only: no published translation is held for this verse.

ब्रह्मोवाच: मातुस् तद् वचनं श्रुत्वा पुनर् आह गणेश्वरः ॥* ब्र्प् १७५।४२ ॥ गणेश्वर उवाच: नैव शक्यः शिवो देवो मया तस्या निवर्तितुम् । अनिवृत्ते शिवे तस्या देवा अपि निवर्तितुम्

brahmovāca: mātus tad vacanaṃ śrutvā punar āha gaṇeśvaraḥ //* BrP 175.42 // gaṇeśvara uvāca: naiva śakyaḥ śivo devo mayā tasyā nivartitum / anivṛtte śive tasyā devā api nivartitum

Sanskrit only: no published translation is held for this verse.

न शक्या जगतां मातर् अथान्यच् चापि कारणम् । गङ्गावतारिता पूर्वं गौतमेन महात्मना

na śakyā jagatāṃ mātar athānyac cāpi kāraṇam / gaṅgāvatāritā pūrvaṃ gautamena mahātmanā

Sanskrit only: no published translation is held for this verse.

ऋषिणा लोकपूज्येन त्रैलोक्यहितकारिणा । सामोपायेन तद्वाक्यात् पूज्येन ब्रह्मतेजसा

ṛṣiṇā lokapūjyena trailokyahitakāriṇā / sāmopāyena tadvākyāt pūjyena brahmatejasā

Sanskrit only: no published translation is held for this verse.

आराधयित्वा देवेशं तपोभिः स्तुतिभिर् भवम् । तुष्टेन शंकरेणेदम् उक्तो ऽसौ गौतमस् तदा

ārādhayitvā deveśaṃ tapobhiḥ stutibhir bhavam / tuṣṭena śaṃkareṇedam ukto 'sau gautamas tadā

Sanskrit only: no published translation is held for this verse.

शंकर उवाच: वरान् वरय पुण्यांश् च प्रियांश् च मनसेप्सितान् । यद् यद् इच्छसि तत् सर्वं दाता ते ऽद्य महामते

śaṃkara uvāca: varān varaya puṇyāṃś ca priyāṃś ca manasepsitān / yad yad icchasi tat sarvaṃ dātā te 'dya mahāmate

Sanskrit only: no published translation is held for this verse.

ब्रह्मोवाच: एवम् उक्तः शिवेनासौ गौतमो मयि शृण्वति । इदम् एव तदोवाच सजटां देहि शंकर । गङ्गां मे याचते पुण्यां किम् अन्येन वरेण मे

brahmovāca: evam uktaḥ śivenāsau gautamo mayi śṛṇvati / idam eva tadovāca sajaṭāṃ dehi śaṃkara / gaṅgāṃ me yācate puṇyāṃ kim anyena vareṇa me

Sanskrit only: no published translation is held for this verse.

ब्रह्मोवाच: पुनः प्रोवाच तं शंभुः सर्वलोकोपकारकः ॥* ब्र्प् १७५।४९ ॥ शंभुर् उवाच: उक्तं न चात्मनः किंचित् तस्माद् याचस्व दुष्करम् ॥* ब्र्प् १७५।५० ॥ ब्रह्मोवाच: गौतमो ऽदीनसत्त्वस् तं भवम् आह कृताञ्जलिः ॥* ब्र्प् १७५।५१ ॥ गौतम उवाच: एतद् एव च सर्वेषां दुष्करं तव दर्शनम् । मया तद् अद्य संप्राप्तं कृपया तव शंकर

brahmovāca: punaḥ provāca taṃ śaṃbhuḥ sarvalokopakārakaḥ //* BrP 175.49 // śaṃbhur uvāca: uktaṃ na cātmanaḥ kiṃcit tasmād yācasva duṣkaram //* BrP 175.50 // brahmovāca: gautamo 'dīnasattvas taṃ bhavam āha kṛtāñjaliḥ //* BrP 175.51 // gautama uvāca: etad eva ca sarveṣāṃ duṣkaraṃ tava darśanam / mayā tad adya saṃprāptaṃ kṛpayā tava śaṃkara

Sanskrit only: no published translation is held for this verse.

स्मरणाद् एव ते पद्भ्यां कृतकृत्या मनीषिणः । भवन्ति किं पुनः साक्षात् त्वयि दृष्टे महेश्वरे

smaraṇād eva te padbhyāṃ kṛtakṛtyā manīṣiṇaḥ / bhavanti kiṃ punaḥ sākṣāt tvayi dṛṣṭe maheśvare

Sanskrit only: no published translation is held for this verse.

ब्रह्मोवाच: एवम् उक्ते गौतमेन भवो हर्षसमन्वितः । त्रयाणाम् उपकारार्थं लोकानां याचितं त्वया

brahmovāca: evam ukte gautamena bhavo harṣasamanvitaḥ / trayāṇām upakārārthaṃ lokānāṃ yācitaṃ tvayā

Sanskrit only: no published translation is held for this verse.

न चात्मनो महाबुद्धे याचेत्य् आह शिवो द्विजम् । एवं प्रोक्तः पुनर् विप्रो ध्यात्वा प्राह शिवं तथा

na cātmano mahābuddhe yācety āha śivo dvijam / evaṃ proktaḥ punar vipro dhyātvā prāha śivaṃ tathā

Sanskrit only: no published translation is held for this verse.

विनीतवद् अदीनात्मा शिवभक्तिसमन्वितः । सर्वलोकोपकाराय पुनर् याचितवान् इदम् । शृण्वत्सु लोकपालेषु जगादेदं स गौतमः

vinītavad adīnātmā śivabhaktisamanvitaḥ / sarvalokopakārāya punar yācitavān idam / śṛṇvatsu lokapāleṣu jagādedaṃ sa gautamaḥ

Sanskrit only: no published translation is held for this verse.

गौतम उवाच: यावत् सागरगा देवी निसृष्टा ब्रह्मणो गिरेः । सर्वत्र सर्वदा तस्यां स्थातव्यं वृषभध्वज

gautama uvāca: yāvat sāgaragā devī nisṛṣṭā brahmaṇo gireḥ / sarvatra sarvadā tasyāṃ sthātavyaṃ vṛṣabhadhvaja

Sanskrit only: no published translation is held for this verse.

फलेप्सूनां फलं दाता त्वम् एव जगतः प्रभो । तीर्थान्य् अन्यानि देवेश क्वापि क्वापि शुभानि च

phalepsūnāṃ phalaṃ dātā tvam eva jagataḥ prabho / tīrthāny anyāni deveśa kvāpi kvāpi śubhāni ca

Sanskrit only: no published translation is held for this verse.

यत्र ते संनिधिर् नित्यं तद् एव शुभदं विदुः । यत्र गङ्गा त्वया दत्ता जटामुकुटसंस्थिता । सर्वत्र तव सांनिध्यात् सर्वतीर्थानि शंकर

yatra te saṃnidhir nityaṃ tad eva śubhadaṃ viduḥ / yatra gaṅgā tvayā dattā jaṭāmukuṭasaṃsthitā / sarvatra tava sāṃnidhyāt sarvatīrthāni śaṃkara

Sanskrit only: no published translation is held for this verse.

ब्रह्मोवाच: तद् गौतमवचः श्रुत्वा पुनर् हर्षाच् छिवो ऽब्रवीत् ॥* ब्र्प् १७५।६० ॥ शिव उवाच: यत्र क्वापि च यत् किंचिद् यो वा भवति भक्तितः । यात्रां स्नानम् अथो दानं पितॄणां वापि तर्पणम्

brahmovāca: tad gautamavacaḥ śrutvā punar harṣāc chivo 'bravīt //* BrP 175.60 // śiva uvāca: yatra kvāpi ca yat kiṃcid yo vā bhavati bhaktitaḥ / yātrāṃ snānam atho dānaṃ pitṝṇāṃ vāpi tarpaṇam

Sanskrit only: no published translation is held for this verse.

श्रवणं पठनं वापि स्मरणं वापि गौतम । यः करोति नरो भक्त्या गोदावर्या यतव्रतः

śravaṇaṃ paṭhanaṃ vāpi smaraṇaṃ vāpi gautama / yaḥ karoti naro bhaktyā godāvaryā yatavrataḥ

Sanskrit only: no published translation is held for this verse.

सप्तद्वीपवती पृथ्वी सशैलवनकानना । सरत्ना सौषधी रम्या सार्णवा धर्मभूषिता

saptadvīpavatī pṛthvī saśailavanakānanā / saratnā sauṣadhī ramyā sārṇavā dharmabhūṣitā

Sanskrit only: no published translation is held for this verse.

दत्त्वा भवति यो धर्मः स भवेद् गौतमीस्मृतेः । एवंविधा इला विप्र गोदानाद् याभिधीयते

dattvā bhavati yo dharmaḥ sa bhaved gautamīsmṛteḥ / evaṃvidhā ilā vipra godānād yābhidhīyate

Sanskrit only: no published translation is held for this verse.

चन्द्रसूर्यग्रहे काले मत्सांनिध्ये यतव्रतः । भूभृते विष्णवे भक्त्या सर्वकालं कृता सुधीः

candrasūryagrahe kāle matsāṃnidhye yatavrataḥ / bhūbhṛte viṣṇave bhaktyā sarvakālaṃ kṛtā sudhīḥ

Sanskrit only: no published translation is held for this verse.

गाः सुन्दराः सवत्साश् च संगमे लोकविश्रुते । यो ददाति द्विजश्रेष्ठ तत्र यत् पुण्यम् आप्नुयात्

gāḥ sundarāḥ savatsāś ca saṃgame lokaviśrute / yo dadāti dvijaśreṣṭha tatra yat puṇyam āpnuyāt

Sanskrit only: no published translation is held for this verse.

तस्माद् वरं पुण्यम् एति स्नानदानादिना नरः । गौतम्यां विश्ववन्द्यायां महानद्यां तु भक्तितः

tasmād varaṃ puṇyam eti snānadānādinā naraḥ / gautamyāṃ viśvavandyāyāṃ mahānadyāṃ tu bhaktitaḥ

Sanskrit only: no published translation is held for this verse.

तस्माद् गोदावरी गङ्गा त्वया नीता भविष्यति । सर्वपापक्षयकरी सर्वाभीष्टप्रदायिनी

tasmād godāvarī gaṅgā tvayā nītā bhaviṣyati / sarvapāpakṣayakarī sarvābhīṣṭapradāyinī

Sanskrit only: no published translation is held for this verse.

गणेश्वर उवाच: एतच् छ्रुतं मया मातर् वदतो गौतमं शिवात् । एतस्मात् कारणाच् छंभुर् गङ्गायां नियतः स्थितः

gaṇeśvara uvāca: etac chrutaṃ mayā mātar vadato gautamaṃ śivāt / etasmāt kāraṇāc chaṃbhur gaṅgāyāṃ niyataḥ sthitaḥ

Sanskrit only: no published translation is held for this verse.

को निवर्तयितुं शक्तस् तम् अम्ब करुणोदधिम् । अथापि मातर् एतत् स्यान् मानुषा विघ्नपाशकैः

ko nivartayituṃ śaktas tam amba karuṇodadhim / athāpi mātar etat syān mānuṣā vighnapāśakaiḥ

Sanskrit only: no published translation is held for this verse.

विनिबद्धा न गच्छन्ति गोदाम् अप्य् अन्तिकस्थिताम् । न नमन्ति शिवं देवं न स्मरन्ति स्तुवन्ति न

vinibaddhā na gacchanti godām apy antikasthitām / na namanti śivaṃ devaṃ na smaranti stuvanti na

Sanskrit only: no published translation is held for this verse.

तथा मातः करिष्यामि तव संतोषहेतवे । संनिरोद्धुम् अथो क्लेशस् तव वाक्यं क्षमस्व मे

tathā mātaḥ kariṣyāmi tava saṃtoṣahetave / saṃniroddhum atho kleśas tava vākyaṃ kṣamasva me

Sanskrit only: no published translation is held for this verse.

ब्रह्मोवाच: ततः प्रभृति विघ्नेशो मानुषान् प्रति किंचन । विघ्नम् आचरते यस् तु तम् उपास्य प्रवर्तते

brahmovāca: tataḥ prabhṛti vighneśo mānuṣān prati kiṃcana / vighnam ācarate yas tu tam upāsya pravartate

Sanskrit only: no published translation is held for this verse.

अथो विघ्नम् अनादृत्य गौतमीं याति भक्तितः । स कृतार्थो भवेल् लोके न कृत्यम् अवशिष्यते

atho vighnam anādṛtya gautamīṃ yāti bhaktitaḥ / sa kṛtārtho bhavel loke na kṛtyam avaśiṣyate

Sanskrit only: no published translation is held for this verse.

विघ्नान्य् अनेकानि भवन्ति गेहान् ब्र्प् १७५।७५अ निर्गन्तुकामस्य नराधमस्य ब्र्प् १७५।७५ब् निधाय तन्मूर्ध्नि पदं प्रयाति ब्र्प् १७५।७५च् गङ्गां न किं तेन फलं प्रलब्धम् ब्र्प् १७५।७५द् अस्याः प्रभावं को ब्रूयाद् अपि साक्षात् सदाशिवः । संक्षेपेण मया प्रोक्तम् इतिहासपदानुगम्

vighnāny anekāni bhavanti gehān BrP 175.75a nirgantukāmasya narādhamasya BrP 175.75b nidhāya tanmūrdhni padaṃ prayāti BrP 175.75c gaṅgāṃ na kiṃ tena phalaṃ pralabdham BrP 175.75d asyāḥ prabhāvaṃ ko brūyād api sākṣāt sadāśivaḥ / saṃkṣepeṇa mayā proktam itihāsapadānugam

Sanskrit only: no published translation is held for this verse.

धर्मार्थकाममोक्षाणां साधनं यच् चराचरे । तद् अत्र विद्यते सर्वम् इतिहासे सविस्तरे

dharmārthakāmamokṣāṇāṃ sādhanaṃ yac carācare / tad atra vidyate sarvam itihāse savistare

Sanskrit only: no published translation is held for this verse.

वेदोदितं श्रुतिसकलरहस्यम् उक्तं ब्र्प् १७५।७८अ सत्कारणं समभिधानम् इदं सदैव ब्र्प् १७५।७८ब् सम्यक् च दृष्टं जगतां हिताय ब्र्प् १७५।७८च् प्रोक्तं पुराणं बहुधर्मयुक्तम् ब्र्प् १७५।७८द् अस्य श्लोकं पदं वापि भक्तितः शृणुयात् पठेत् । गङ्गा गङ्गेति वा वाक्यं स तु पुण्यम् अवाप्नुयात्

vedoditaṃ śrutisakalarahasyam uktaṃ BrP 175.78a satkāraṇaṃ samabhidhānam idaṃ sadaiva BrP 175.78b samyak ca dṛṣṭaṃ jagatāṃ hitāya BrP 175.78c proktaṃ purāṇaṃ bahudharmayuktam BrP 175.78d asya ślokaṃ padaṃ vāpi bhaktitaḥ śṛṇuyāt paṭhet / gaṅgā gaṅgeti vā vākyaṃ sa tu puṇyam avāpnuyāt

Sanskrit only: no published translation is held for this verse.

कलिकलङ्कविनाशनदक्षम् इदं ब्र्प् १७५।८०अ सकलसिद्धिकरं शुभदं शिवम् ब्र्प् १७५।८०ब् जगति पूज्यम् अभीष्टफलप्रदं ब्र्प् १७५।८०च् गाङ्गम् एतद् उदीरितम् उत्तमम् ब्र्प् १७५।८०द् साधु गौतम भद्रं ते को ऽन्यो ऽस्ति सदृशस् त्वया । य एनां गौतमीं गङ्गां दण्डकारण्यम् आप्नुयात्

kalikalaṅkavināśanadakṣam idaṃ BrP 175.80a sakalasiddhikaraṃ śubhadaṃ śivam BrP 175.80b jagati pūjyam abhīṣṭaphalapradaṃ BrP 175.80c gāṅgam etad udīritam uttamam BrP 175.80d sādhu gautama bhadraṃ te ko 'nyo 'sti sadṛśas tvayā / ya enāṃ gautamīṃ gaṅgāṃ daṇḍakāraṇyam āpnuyāt

Sanskrit only: no published translation is held for this verse.

गङ्गा गङ्गेति यो ब्रूयाद् योजनानां शतैर् अपि । मुच्यते सर्वपापेभ्यो विष्णुलोकं स गच्छति

gaṅgā gaṅgeti yo brūyād yojanānāṃ śatair api / mucyate sarvapāpebhyo viṣṇulokaṃ sa gacchati

Sanskrit only: no published translation is held for this verse.

तिस्रः कोट्यो ऽर्धकोटी च तीर्थानि भुवनत्रये । तानि स्नातुं समायान्ति गङ्गायां सिंहगे गुरौ

tisraḥ koṭyo 'rdhakoṭī ca tīrthāni bhuvanatraye / tāni snātuṃ samāyānti gaṅgāyāṃ siṃhage gurau

Sanskrit only: no published translation is held for this verse.

षष्टिर् वर्षसहस्राणि भागीरथ्यवगाहनम् । सकृद् गोदावरीस्नानं सिंहयुक्ते बृहस्पतौ

ṣaṣṭir varṣasahasrāṇi bhāgīrathyavagāhanam / sakṛd godāvarīsnānaṃ siṃhayukte bṛhaspatau

Sanskrit only: no published translation is held for this verse.

इयं तु गौतमी पुत्र यत्र क्वापि ममाज्ञया । सर्वेषां सर्वदा नॄणां स्नानान् मुक्तिं प्रदास्यति

iyaṃ tu gautamī putra yatra kvāpi mamājñayā / sarveṣāṃ sarvadā nṝṇāṃ snānān muktiṃ pradāsyati

Sanskrit only: no published translation is held for this verse.

अश्वमेधसहस्राणि वाजपेयशतानि च । कृत्वा यत् फलम् आप्नोति तद् अस्य श्रवणाद् भवेत्

aśvamedhasahasrāṇi vājapeyaśatāni ca / kṛtvā yat phalam āpnoti tad asya śravaṇād bhavet

Sanskrit only: no published translation is held for this verse.

यस्यैतत् तिष्ठति गृहे पुराणं ब्रह्मणोदितम् । न भयं विद्यते तस्य कलिकालस्य नारद

yasyaitat tiṣṭhati gṛhe purāṇaṃ brahmaṇoditam / na bhayaṃ vidyate tasya kalikālasya nārada

Sanskrit only: no published translation is held for this verse.

यस्य कस्यापि नाख्येयं पुराणम् इदम् उत्तमम् । श्रद्दधानाय शान्ताय वैष्णवाय महात्मने

yasya kasyāpi nākhyeyaṃ purāṇam idam uttamam / śraddadhānāya śāntāya vaiṣṇavāya mahātmane

Sanskrit only: no published translation is held for this verse.

इदं कीर्त्यं भुक्तिमुक्ति- दायकं पापनाशकम् । एतच्छ्रवणमात्रेण कृतकृत्यो भवेन् नरः

idaṃ kīrtyaṃ bhuktimukti- dāyakaṃ pāpanāśakam / etacchravaṇamātreṇa kṛtakṛtyo bhaven naraḥ

Sanskrit only: no published translation is held for this verse.

लिखित्वा पुस्तकम् इदं ब्राह्मणाय प्रयच्छति । सर्वपापविनिर्मुक्तः पुनर् गर्भं न संविशेत्

likhitvā pustakam idaṃ brāhmaṇāya prayacchati / sarvapāpavinirmuktaḥ punar garbhaṃ na saṃviśet

Sanskrit only: no published translation is held for this verse.