Brahma-Purana 207

मुनय ऊचुः: चक्रे कर्म महच् छौरिर् बिभ्रद् यो मानुषीं तनुम् । जिगाय शक्रं शर्वं च सर्वदेवांश् च लीलया

munaya ūcuḥ: cakre karma mahac chaurir bibhrad yo mānuṣīṃ tanum / jigāya śakraṃ śarvaṃ ca sarvadevāṃś ca līlayā

Sanskrit only: no published translation is held for this verse.

यच् चान्यद् अकरोत् कर्म दिव्यचेष्टाविघातकृत् । कथ्यतां तन् मुनिश्रेष्ठ परं कौतूहलं हि नः

yac cānyad akarot karma divyaceṣṭāvighātakṛt / kathyatāṃ tan muniśreṣṭha paraṃ kautūhalaṃ hi naḥ

Sanskrit only: no published translation is held for this verse.

व्यास उवाच: गदतो मे मुनिश्रेष्ठाः श्रूयताम् इदम् आदरात् । नरावतारे कृष्णेन दग्धा वाराणसी यथा

vyāsa uvāca: gadato me muniśreṣṭhāḥ śrūyatām idam ādarāt / narāvatāre kṛṣṇena dagdhā vārāṇasī yathā

Sanskrit only: no published translation is held for this verse.

पौण्ड्रको वासुदेवश् च वासुदेवो ऽभवद् भुवि । अवतीर्णस् त्वम् इत्य् उक्तो जनैर् अज्ञानमोहितैः

pauṇḍrako vāsudevaś ca vāsudevo 'bhavad bhuvi / avatīrṇas tvam ity ukto janair ajñānamohitaiḥ

Sanskrit only: no published translation is held for this verse.

स मेने वासुदेवो ऽहम् अवतीर्णो महीतले । नष्टस्मृतिस् ततः सर्वं विष्णुचिह्नम् अचीकरत् । दूतं च प्रेषयाम् आस स कृष्णाय द्विजोत्तमाः

sa mene vāsudevo 'ham avatīrṇo mahītale / naṣṭasmṛtis tataḥ sarvaṃ viṣṇucihnam acīkarat / dūtaṃ ca preṣayām āsa sa kṛṣṇāya dvijottamāḥ

Sanskrit only: no published translation is held for this verse.

दूत उवाच: त्यक्त्वा चक्रादिकं चिह्नं मदीयं नाम मात्मनः । वासुदेवात्मकं मूढ मुक्त्वा सर्वम् अशेषतः

dūta uvāca: tyaktvā cakrādikaṃ cihnaṃ madīyaṃ nāma mātmanaḥ / vāsudevātmakaṃ mūḍha muktvā sarvam aśeṣataḥ

Sanskrit only: no published translation is held for this verse.

आत्मनो जीवितार्थं च तथा मे प्रणतिं व्रज ॥* ब्र्प् २०७।७ ॥ व्यास उवाच: इत्य् उक्तः स प्रहस्यैव दूतं प्राह जनार्दनः ॥* ब्र्प् २०७।८ ॥ श्रीभगवान् उवाच: निजचिह्नम् अहं चक्रं समुत्स्रक्ष्ये त्वयीति वै । वाच्यश् च पौण्ड्रको गत्वा त्वया दूत वचो मम

ātmano jīvitārthaṃ ca tathā me praṇatiṃ vraja //* BrP 207.7 // vyāsa uvāca: ity uktaḥ sa prahasyaiva dūtaṃ prāha janārdanaḥ //* BrP 207.8 // śrībhagavān uvāca: nijacihnam ahaṃ cakraṃ samutsrakṣye tvayīti vai / vācyaś ca pauṇḍrako gatvā tvayā dūta vaco mama

Sanskrit only: no published translation is held for this verse.

ज्ञातस् त्वद्वाक्यसद्भावो यत् कार्यं तद् विधीयताम् । गृहीतचिह्न एवाहम् आगमिष्यामि ते पुरम्

jñātas tvadvākyasadbhāvo yat kāryaṃ tad vidhīyatām / gṛhītacihna evāham āgamiṣyāmi te puram

Sanskrit only: no published translation is held for this verse.

उत्स्रक्ष्यामि च ते चक्रं निजचिह्नम् असंशयम् । आज्ञापूर्वं च यद् इदम् आगच्छेति त्वयोदितम्

utsrakṣyāmi ca te cakraṃ nijacihnam asaṃśayam / ājñāpūrvaṃ ca yad idam āgaccheti tvayoditam

Sanskrit only: no published translation is held for this verse.

संपादयिष्ये श्वस् तुभ्यं तद् अप्य् एषो ऽविलम्बितम् । शरणं ते समभ्येत्य कर्तास्मि नृपते तथा । यथा त्वत्तो भयं भूयो नैव किंचिद् भविष्यति

saṃpādayiṣye śvas tubhyaṃ tad apy eṣo 'vilambitam / śaraṇaṃ te samabhyetya kartāsmi nṛpate tathā / yathā tvatto bhayaṃ bhūyo naiva kiṃcid bhaviṣyati

Sanskrit only: no published translation is held for this verse.

व्यास उवाच: इत्य् उक्ते ऽपगते दूते संस्मृत्याभ्यागतं हरिः । गरुत्मन्तं समारुह्य त्वरितं तत्पुरं ययौ

vyāsa uvāca: ity ukte 'pagate dūte saṃsmṛtyābhyāgataṃ hariḥ / garutmantaṃ samāruhya tvaritaṃ tatpuraṃ yayau

Sanskrit only: no published translation is held for this verse.

तस्यापि केशवोद्योगं श्रुत्वा काशिपतिस् तदा । सर्वसैन्यपरीवार- पार्ष्णिग्राहम् उपाययौ

tasyāpi keśavodyogaṃ śrutvā kāśipatis tadā / sarvasainyaparīvāra- pārṣṇigrāham upāyayau

Sanskrit only: no published translation is held for this verse.

ततो बलेन महता काशिराजबलेन च । पौण्ड्रको वासुदेवो ऽसौ केशवाभिमुखं ययौ

tato balena mahatā kāśirājabalena ca / pauṇḍrako vāsudevo 'sau keśavābhimukhaṃ yayau

Sanskrit only: no published translation is held for this verse.

तं ददर्श हरिर् दूराद् उदारस्यन्दने स्थितम् । चक्रशङ्खगदापाणिं पाणिना विधृताम्बुजम्

taṃ dadarśa harir dūrād udārasyandane sthitam / cakraśaṅkhagadāpāṇiṃ pāṇinā vidhṛtāmbujam

Sanskrit only: no published translation is held for this verse.

स्रग्धरं धृतशार्ङ्गं च सुपर्णरचनाध्वजम् । वक्षस्थलकृतं चास्य श्रीवत्सं ददृशे हरिः

sragdharaṃ dhṛtaśārṅgaṃ ca suparṇaracanādhvajam / vakṣasthalakṛtaṃ cāsya śrīvatsaṃ dadṛśe hariḥ

Sanskrit only: no published translation is held for this verse.

किरीटकुण्डलधरं पीतवासःसमन्वितम् । दृष्ट्वा तं भावगम्भीरं जहास मधुसूदनः

kirīṭakuṇḍaladharaṃ pītavāsaḥsamanvitam / dṛṣṭvā taṃ bhāvagambhīraṃ jahāsa madhusūdanaḥ

Sanskrit only: no published translation is held for this verse.

युयुधे च बलेनास्य हस्त्यश्वबलिना द्विजाः । निस्त्रिंशर्ष्टिगदाशूल- शक्तिकार्मुकशालिना

yuyudhe ca balenāsya hastyaśvabalinā dvijāḥ / nistriṃśarṣṭigadāśūla- śaktikārmukaśālinā

Sanskrit only: no published translation is held for this verse.

क्षणेन शार्ङ्गनिर्मुक्तैः शरैर् अग्निविदारणैः । गदाचक्रातिपातैश् च सूदयाम् आस तद्बलम्

kṣaṇena śārṅganirmuktaiḥ śarair agnividāraṇaiḥ / gadācakrātipātaiś ca sūdayām āsa tadbalam

Sanskrit only: no published translation is held for this verse.

काशिराजबलं चैव क्षयं नीत्वा जनार्दनः । उवाच पौण्ड्रकं मूढम् आत्मचिह्नोपलक्षणम्

kāśirājabalaṃ caiva kṣayaṃ nītvā janārdanaḥ / uvāca pauṇḍrakaṃ mūḍham ātmacihnopalakṣaṇam

Sanskrit only: no published translation is held for this verse.

श्रीभगवान् उवाच: पौण्ड्रकोक्तं त्वया यत् तद् दूतवक्त्रेण मां प्रति । समुत्सृजेति चिह्नानि तत् ते संपादयाम्य् अहम्

śrībhagavān uvāca: pauṇḍrakoktaṃ tvayā yat tad dūtavaktreṇa māṃ prati / samutsṛjeti cihnāni tat te saṃpādayāmy aham

Sanskrit only: no published translation is held for this verse.

चक्रम् एतत् समुत्सृष्टं गदेयं ते विसर्जिता । गरुत्मान् एष निर्दिष्टः समारोहतु ते ध्वजम्

cakram etat samutsṛṣṭaṃ gadeyaṃ te visarjitā / garutmān eṣa nirdiṣṭaḥ samārohatu te dhvajam

Sanskrit only: no published translation is held for this verse.

इत्य् उच्चार्य विमुक्तेन चक्रेणासौ विदारितः । पोथितो गदया भग्नो गरुत्मांश् च गरुत्मता

ity uccārya vimuktena cakreṇāsau vidāritaḥ / pothito gadayā bhagno garutmāṃś ca garutmatā

Sanskrit only: no published translation is held for this verse.

ततो हाहाकृते लोके काशीनाम् अधिपस् तदा । युयुधे वासुदेवेन मित्रस्यापचितौ स्थितः

tato hāhākṛte loke kāśīnām adhipas tadā / yuyudhe vāsudevena mitrasyāpacitau sthitaḥ

Sanskrit only: no published translation is held for this verse.

ततः शार्ङ्गविनिर्मुक्तैश् छित्त्वा तस्य शरैः शिरः । काशिपुर्यां स चिक्षेप कुर्वंल् लोकस्य विस्मयम्

tataḥ śārṅgavinirmuktaiś chittvā tasya śaraiḥ śiraḥ / kāśipuryāṃ sa cikṣepa kurvaṃl lokasya vismayam

Sanskrit only: no published translation is held for this verse.

हत्वा तु पौण्ड्रकं शौरिः काशिराजं च सानुगम् । रेमे द्वारवतीं प्राप्तो ऽमरः स्वर्गगतो यथा

hatvā tu pauṇḍrakaṃ śauriḥ kāśirājaṃ ca sānugam / reme dvāravatīṃ prāpto 'maraḥ svargagato yathā

Sanskrit only: no published translation is held for this verse.

तच्छिरः पतितं तत्र दृष्ट्वा काशिपतेः पुरे । जनः किम् एतद् इत्य् आह केनेत्य् अत्यन्तविस्मितः

tacchiraḥ patitaṃ tatra dṛṣṭvā kāśipateḥ pure / janaḥ kim etad ity āha kenety atyantavismitaḥ

Sanskrit only: no published translation is held for this verse.

ज्ञात्वा तं वासुदेवेन हतं तस्य सुतस् ततः । पुरोहितेन सहितस् तोषयाम् आस शंकरम्

jñātvā taṃ vāsudevena hataṃ tasya sutas tataḥ / purohitena sahitas toṣayām āsa śaṃkaram

Sanskrit only: no published translation is held for this verse.

अविमुक्ते महाक्षेत्रे तोषितस् तेन शंकरः । वरं वृणीष्वेति तदा तं प्रोवाच नृपात्मजम्

avimukte mahākṣetre toṣitas tena śaṃkaraḥ / varaṃ vṛṇīṣveti tadā taṃ provāca nṛpātmajam

Sanskrit only: no published translation is held for this verse.

स वव्रे भगवन् कृत्या पितुर् हन्तुर् वधाय मे । समुत्तिष्ठतु कृष्णस्य त्वत्प्रसादान् महेश्वर

sa vavre bhagavan kṛtyā pitur hantur vadhāya me / samuttiṣṭhatu kṛṣṇasya tvatprasādān maheśvara

Sanskrit only: no published translation is held for this verse.

व्यास उवाच: एवं भविष्यतीत्य् उक्ते दक्षिणाग्नेर् अनन्तरम् । महाकृत्या समुत्तस्थौ तस्यैवाग्निनिवेशनात्

vyāsa uvāca: evaṃ bhaviṣyatīty ukte dakṣiṇāgner anantaram / mahākṛtyā samuttasthau tasyaivāgniniveśanāt

Sanskrit only: no published translation is held for this verse.

ततो ज्वालाकरालास्या ज्वलत्केशकलापिका । कृष्ण कृष्णेति कुपिता कृत्वा द्वारवतीं ययौ

tato jvālākarālāsyā jvalatkeśakalāpikā / kṛṣṇa kṛṣṇeti kupitā kṛtvā dvāravatīṃ yayau

Sanskrit only: no published translation is held for this verse.

ताम् अवेक्ष्य जनः सर्वो रौद्रां विकृतलोचनाम् । ययौ शरण्यं जगतां शरणं मधुसूदनम्

tām avekṣya janaḥ sarvo raudrāṃ vikṛtalocanām / yayau śaraṇyaṃ jagatāṃ śaraṇaṃ madhusūdanam

Sanskrit only: no published translation is held for this verse.

जना ऊचुः: काशिराजसुतेनेयम् आराध्य वृषभध्वजम् । उत्पादिता महाकृत्या वधाय तव चक्रिणः । जहि कृत्याम् इमाम् उग्रां वह्निज्वालाजटाकुलाम्

janā ūcuḥ: kāśirājasuteneyam ārādhya vṛṣabhadhvajam / utpāditā mahākṛtyā vadhāya tava cakriṇaḥ / jahi kṛtyām imām ugrāṃ vahnijvālājaṭākulām

Sanskrit only: no published translation is held for this verse.

व्यास उवाच: चक्रम् उत्सृष्टम् अक्षेषु क्रीडासक्तेन लीलया । तद् अग्निमालाजटिलं ज्वालोद्गारातिभीषणम्

vyāsa uvāca: cakram utsṛṣṭam akṣeṣu krīḍāsaktena līlayā / tad agnimālājaṭilaṃ jvālodgārātibhīṣaṇam

Sanskrit only: no published translation is held for this verse.

कृत्याम् अनुजगामाशु विष्णुचक्रं सुदर्शनम् । ततः सा चक्रविध्वस्ता कृत्या माहेश्वरी तदा

kṛtyām anujagāmāśu viṣṇucakraṃ sudarśanam / tataḥ sā cakravidhvastā kṛtyā māheśvarī tadā

Sanskrit only: no published translation is held for this verse.

जगाम वेगिनी वेगात् तद् अप्य् अनुजगाम ताम् । कृत्या वाराणसीम् एव प्रविवेश त्वरान्विता

jagāma veginī vegāt tad apy anujagāma tām / kṛtyā vārāṇasīm eva praviveśa tvarānvitā

Sanskrit only: no published translation is held for this verse.

विष्णुचक्रप्रतिहत- प्रभावा मुनिसत्तमाः । ततः काशिबलं भूरि प्रमथानां तथा बलम्

viṣṇucakrapratihata- prabhāvā munisattamāḥ / tataḥ kāśibalaṃ bhūri pramathānāṃ tathā balam

Sanskrit only: no published translation is held for this verse.

समस्तशस्त्रास्त्रयुतं चक्रस्याभिमुखं ययौ । शस्त्रास्त्रमोक्षबहुलं दग्ध्वा तद् बलम् ओजसा

samastaśastrāstrayutaṃ cakrasyābhimukhaṃ yayau / śastrāstramokṣabahulaṃ dagdhvā tad balam ojasā

Sanskrit only: no published translation is held for this verse.

कृत्वाक्षेमाम् अशेषां तां पुरीं वाराणसीं ययौ । प्रभूतभृत्यपौरां तां साश्वमातङ्गमानवाम्

kṛtvākṣemām aśeṣāṃ tāṃ purīṃ vārāṇasīṃ yayau / prabhūtabhṛtyapaurāṃ tāṃ sāśvamātaṅgamānavām

Sanskrit only: no published translation is held for this verse.

अशेषदुर्गकोष्ठां तां दुर्निरीक्ष्यां सुरैर् अपि । ज्वालापरिवृताशेष- गृहप्राकारतोरणाम्

aśeṣadurgakoṣṭhāṃ tāṃ durnirīkṣyāṃ surair api / jvālāparivṛtāśeṣa- gṛhaprākāratoraṇām

Sanskrit only: no published translation is held for this verse.

ददाह तां पुरीं चक्रं सकलाम् एव सत्वरम् । अक्षीणामर्षम् अत्यल्प- साध्यसाधननिस्पृहम् । तच् चक्रं प्रस्फुरद्दीप्ति विष्णोर् अभ्याययौ करम्

dadāha tāṃ purīṃ cakraṃ sakalām eva satvaram / akṣīṇāmarṣam atyalpa- sādhyasādhananispṛham / tac cakraṃ prasphuraddīpti viṣṇor abhyāyayau karam

Sanskrit only: no published translation is held for this verse.