Library·Brahma-Purana·213
मुनय ऊचुः: अहो कृष्णस्य माहात्म्यम् अद्भुतं चातिमानुषम् । रामस्य च मुनिश्रेष्ठ त्वयोक्तं भुवि दुर्लभम्
munaya ūcuḥ: aho kṛṣṇasya māhātmyam adbhutaṃ cātimānuṣam / rāmasya ca muniśreṣṭha tvayoktaṃ bhuvi durlabham
Sanskrit only: no published translation is held for this verse.
न तृप्तिम् अधिगच्छामः शृण्वन्तो भगवत्कथाम् । तस्माद् ब्रूहि महाभाग भूयो देवस्य चेष्टितम्
na tṛptim adhigacchāmaḥ śṛṇvanto bhagavatkathām / tasmād brūhi mahābhāga bhūyo devasya ceṣṭitam
Sanskrit only: no published translation is held for this verse.
प्रादुर्भावः पुराणेषु विष्णोर् अमिततेजसः । सतां कथयताम् एव वराह इति नः श्रुतम्
prādurbhāvaḥ purāṇeṣu viṣṇor amitatejasaḥ / satāṃ kathayatām eva varāha iti naḥ śrutam
Sanskrit only: no published translation is held for this verse.
न जानीमो ऽस्य चरितं न विधिं न च विस्तरम् । न कर्मगुणसद्भावं न हेतुत्वमनीषितम्
na jānīmo 'sya caritaṃ na vidhiṃ na ca vistaram / na karmaguṇasadbhāvaṃ na hetutvamanīṣitam
Sanskrit only: no published translation is held for this verse.
किमात्मको वराहो ऽसौ का मूर्तिः का च देवता । किमाचारप्रभावो वा किं वा तेन तदा कृतम्
kimātmako varāho 'sau kā mūrtiḥ kā ca devatā / kimācāraprabhāvo vā kiṃ vā tena tadā kṛtam
Sanskrit only: no published translation is held for this verse.
यज्ञार्थे समवेतानां मिषतां च द्विजन्मनाम् । महावराहचरितं सर्वलोकसुखावहम्
yajñārthe samavetānāṃ miṣatāṃ ca dvijanmanām / mahāvarāhacaritaṃ sarvalokasukhāvaham
Sanskrit only: no published translation is held for this verse.
यथा नारायणो ब्रह्मन् वाराहं रूपम् आस्थितः । दंष्ट्रया गां समुद्रस्थाम् उज्जहारारिमर्दनः
yathā nārāyaṇo brahman vārāhaṃ rūpam āsthitaḥ / daṃṣṭrayā gāṃ samudrasthām ujjahārārimardanaḥ
Sanskrit only: no published translation is held for this verse.
विस्तरेणैव कर्माणि सर्वाणि रिपुघातिनः । श्रोतुं नो वर्तते बुद्धिर् हरेः कृष्णस्य धीमतः
vistareṇaiva karmāṇi sarvāṇi ripughātinaḥ / śrotuṃ no vartate buddhir hareḥ kṛṣṇasya dhīmataḥ
Sanskrit only: no published translation is held for this verse.
कर्मणाम् आनुपूर्व्या च प्रादुर्भावाश् च ये विभो । या वास्य प्रकृतिर् ब्रह्मंस् ताश् चाख्यातुं त्वम् अर्हसि
karmaṇām ānupūrvyā ca prādurbhāvāś ca ye vibho / yā vāsya prakṛtir brahmaṃs tāś cākhyātuṃ tvam arhasi
Sanskrit only: no published translation is held for this verse.
व्यास उवाच: प्रश्नभारो महान् एष भवद्भिः समुदाहृतः । यथाशक्त्या तु वक्ष्यामि श्रूयतां वैष्णवं यशः
vyāsa uvāca: praśnabhāro mahān eṣa bhavadbhiḥ samudāhṛtaḥ / yathāśaktyā tu vakṣyāmi śrūyatāṃ vaiṣṇavaṃ yaśaḥ
Sanskrit only: no published translation is held for this verse.
विष्णोः प्रभावश्रवणे दिष्ट्या वो मतिर् उत्थिता । तस्माद् विष्णोः समस्ता वै शृणुध्वं याः प्रवृत्तयः
viṣṇoḥ prabhāvaśravaṇe diṣṭyā vo matir utthitā / tasmād viṣṇoḥ samastā vai śṛṇudhvaṃ yāḥ pravṛttayaḥ
Sanskrit only: no published translation is held for this verse.
सहस्रास्यं सहस्राक्षं सहस्रचरणं च यम् । सहस्रशिरसं देवं सहस्रकरम् अव्ययम्
sahasrāsyaṃ sahasrākṣaṃ sahasracaraṇaṃ ca yam / sahasraśirasaṃ devaṃ sahasrakaram avyayam
Sanskrit only: no published translation is held for this verse.
सहस्रजिह्वं भास्वन्तं सहस्रमुकुटं प्रभुम् । सहस्रदं सहस्रादिं सहस्रभुजम् अव्ययम्
sahasrajihvaṃ bhāsvantaṃ sahasramukuṭaṃ prabhum / sahasradaṃ sahasrādiṃ sahasrabhujam avyayam
Sanskrit only: no published translation is held for this verse.
हवनं सवनं चैव होतारं हव्यम् एव च । पात्राणि च पवित्राणि वेदिं दीक्षां समित् स्रुवम्
havanaṃ savanaṃ caiva hotāraṃ havyam eva ca / pātrāṇi ca pavitrāṇi vediṃ dīkṣāṃ samit sruvam
Sanskrit only: no published translation is held for this verse.
स्रुक्सोमसूर्यमुशलं प्रोक्षणीं दक्षिणायनम् । अध्वर्युं सामगं विप्रं सदस्यं सदनं सदः
sruksomasūryamuśalaṃ prokṣaṇīṃ dakṣiṇāyanam / adhvaryuṃ sāmagaṃ vipraṃ sadasyaṃ sadanaṃ sadaḥ
Sanskrit only: no published translation is held for this verse.
यूपं चक्रं ध्रुवां दर्वीं चरूंश् चोलूखलानि च । प्राग्वंशं यज्ञभूमिं च होतारं च परं च यत्
yūpaṃ cakraṃ dhruvāṃ darvīṃ carūṃś colūkhalāni ca / prāgvaṃśaṃ yajñabhūmiṃ ca hotāraṃ ca paraṃ ca yat
Sanskrit only: no published translation is held for this verse.
ह्रस्वाण्य् अतिप्रमाणानि स्थावराणि चराणि च । प्रायश्चित्तानि वार्घ्यं च स्थण्डिलानि कुशास् तथा
hrasvāṇy atipramāṇāni sthāvarāṇi carāṇi ca / prāyaścittāni vārghyaṃ ca sthaṇḍilāni kuśās tathā
Sanskrit only: no published translation is held for this verse.
मन्त्रयज्ञवहं वह्निं भागं भागवहं च यत् । अग्रासिनं सोमभुजं हुतार्चिषम् उदायुधम्
mantrayajñavahaṃ vahniṃ bhāgaṃ bhāgavahaṃ ca yat / agrāsinaṃ somabhujaṃ hutārciṣam udāyudham
Sanskrit only: no published translation is held for this verse.
आहुर् वेदविदो विप्रा यं यज्ञे शाश्वतं प्रभुम् । तस्य विष्णोः सुरेशस्य श्रीवत्साङ्कस्य धीमतः
āhur vedavido viprā yaṃ yajñe śāśvataṃ prabhum / tasya viṣṇoḥ sureśasya śrīvatsāṅkasya dhīmataḥ
Sanskrit only: no published translation is held for this verse.
प्रादुर्भावसहस्राणि समतीतान्य् अनेकशः । भूयश् चैव भविष्यन्ति ह्य् एवम् आह पितामहः
prādurbhāvasahasrāṇi samatītāny anekaśaḥ / bhūyaś caiva bhaviṣyanti hy evam āha pitāmahaḥ
Sanskrit only: no published translation is held for this verse.
यत् पृच्छध्वं महाभागा दिव्यां पुण्याम् इमां कथाम् । प्रादुर्भावाश्रितां विष्णोः सर्वपापहरां शिवाम्
yat pṛcchadhvaṃ mahābhāgā divyāṃ puṇyām imāṃ kathām / prādurbhāvāśritāṃ viṣṇoḥ sarvapāpaharāṃ śivām
Sanskrit only: no published translation is held for this verse.
शृणुध्वं तां महाभागास् तद्गतेनान्तरात्मना । प्रवक्ष्याम्य् आनुपूर्व्येण यत् पृच्छध्वं ममानघाः
śṛṇudhvaṃ tāṃ mahābhāgās tadgatenāntarātmanā / pravakṣyāmy ānupūrvyeṇa yat pṛcchadhvaṃ mamānaghāḥ
Sanskrit only: no published translation is held for this verse.
वासुदेवस्य माहात्म्यं चरितं च महामतेः । हितार्थं सुरमर्त्यानां लोकानां प्रभवाय च
vāsudevasya māhātmyaṃ caritaṃ ca mahāmateḥ / hitārthaṃ suramartyānāṃ lokānāṃ prabhavāya ca
Sanskrit only: no published translation is held for this verse.
बहुशः सर्वभूतात्मा प्रादुर्भवति वीर्यवान् । प्रादुर्भावांश् च वक्ष्यामि पुण्यान् दिव्यान् गुणान्वितान्
bahuśaḥ sarvabhūtātmā prādurbhavati vīryavān / prādurbhāvāṃś ca vakṣyāmi puṇyān divyān guṇānvitān
Sanskrit only: no published translation is held for this verse.
सुप्तो युगसहस्रं यः प्रादुर्भवति कार्यतः । पूर्णे युगसहस्रे ऽथ देवदेवो जगत्पतिः
supto yugasahasraṃ yaḥ prādurbhavati kāryataḥ / pūrṇe yugasahasre 'tha devadevo jagatpatiḥ
Sanskrit only: no published translation is held for this verse.
ब्रह्मा च कपिलश् चैव त्र्यम्बकस् त्रिदशास् तथा । देवाः सप्तर्षयश् चैव नागाश् चाप्सरसस् तथा
brahmā ca kapilaś caiva tryambakas tridaśās tathā / devāḥ saptarṣayaś caiva nāgāś cāpsarasas tathā
Sanskrit only: no published translation is held for this verse.
सनत्कुमारश् च महानुभावो ब्र्प् २१३।२७अ मनुर् महात्मा भगवान् प्रजाकरः ब्र्प् २१३।२७ब् पुराणदेवो ऽथ पुराणि चक्रे ब्र्प् २१३।२७च् प्रदीप्तवैश्वानरतुल्यतेजाः ब्र्प् २१३।२७द् यो ऽसौ चार्णवमध्यस्थो नष्टे स्थावरजङ्गमे । नष्टे देवासुरनरे प्रनष्टोरगराक्षसे
sanatkumāraś ca mahānubhāvo BrP 213.27a manur mahātmā bhagavān prajākaraḥ BrP 213.27b purāṇadevo 'tha purāṇi cakre BrP 213.27c pradīptavaiśvānaratulyatejāḥ BrP 213.27d yo 'sau cārṇavamadhyastho naṣṭe sthāvarajaṅgame / naṣṭe devāsuranare pranaṣṭoragarākṣase
Sanskrit only: no published translation is held for this verse.
योद्धुकामौ दुराधर्षौ ताव् उभौ मधुकैटभौ । हतौ भगवता तेन तयोर् दत्त्वामितं वरम्
yoddhukāmau durādharṣau tāv ubhau madhukaiṭabhau / hatau bhagavatā tena tayor dattvāmitaṃ varam
Sanskrit only: no published translation is held for this verse.
पुरा कमलनाभस्य स्वपतः सागराम्भसि । पुष्करे तत्र संभूता देवाः सर्षिगणास् तथा
purā kamalanābhasya svapataḥ sāgarāmbhasi / puṣkare tatra saṃbhūtā devāḥ sarṣigaṇās tathā
Sanskrit only: no published translation is held for this verse.
एष पौष्करको नाम प्रादुर्भावो महात्मनः । पुराणं कथ्यते यत्र देवश्रुतिसमाहितम्
eṣa pauṣkarako nāma prādurbhāvo mahātmanaḥ / purāṇaṃ kathyate yatra devaśrutisamāhitam
Sanskrit only: no published translation is held for this verse.
वाराहस् तु श्रुतिमुखः प्रादुर्भावो महात्मनः । यत्र विष्णुः सुरश्रेष्ठो वाराहं रूपम् आस्थितः
vārāhas tu śrutimukhaḥ prādurbhāvo mahātmanaḥ / yatra viṣṇuḥ suraśreṣṭho vārāhaṃ rūpam āsthitaḥ
Sanskrit only: no published translation is held for this verse.
वेदपादो यूपदंष्ट्रः क्रतुदन्तश् चितीमुखः । अग्निजिह्वो दर्भरोमा ब्रह्मशीर्षो महातपाः
vedapādo yūpadaṃṣṭraḥ kratudantaś citīmukhaḥ / agnijihvo darbharomā brahmaśīrṣo mahātapāḥ
Sanskrit only: no published translation is held for this verse.
अहोरात्रेक्षणो दिव्यो वेदाङ्गः श्रुतिभूषणः । आज्यनासः स्रुवतुण्डः सामघोषस्वरो महान्
ahorātrekṣaṇo divyo vedāṅgaḥ śrutibhūṣaṇaḥ / ājyanāsaḥ sruvatuṇḍaḥ sāmaghoṣasvaro mahān
Sanskrit only: no published translation is held for this verse.
सत्यधर्ममयः श्रीमान् क्रमविक्रमसत्कृतः । प्रायश्चित्तनखो घोरः पशुजानुर् मुखाकृतिः
satyadharmamayaḥ śrīmān kramavikramasatkṛtaḥ / prāyaścittanakho ghoraḥ paśujānur mukhākṛtiḥ
Sanskrit only: no published translation is held for this verse.
उद्गतान्त्रो होमलिङ्गो बीजौषधिमहाफलः । वाद्यन्तरात्मा मन्त्रस्फिग् विकृतः सोमशोणितः
udgatāntro homaliṅgo bījauṣadhimahāphalaḥ / vādyantarātmā mantrasphig vikṛtaḥ somaśoṇitaḥ
Sanskrit only: no published translation is held for this verse.
वेदिस्कन्धो हविर्गन्धो हव्यकव्यातिवेगवान् । प्राग्वंशकायो द्युतिमान् नानादीक्षाभिर् अन्वितः
vediskandho havirgandho havyakavyātivegavān / prāgvaṃśakāyo dyutimān nānādīkṣābhir anvitaḥ
Sanskrit only: no published translation is held for this verse.
दक्षिणाहृदयो योगी महासत्त्रमयो महान् । उपाकर्माष्टरुचकः प्रवर्गावर्तभूषणः
dakṣiṇāhṛdayo yogī mahāsattramayo mahān / upākarmāṣṭarucakaḥ pravargāvartabhūṣaṇaḥ
Sanskrit only: no published translation is held for this verse.
नानाच्छन्दोगतिपथो गुह्योपनिषदासनः । छायापत्नीसहायो ऽसौ मणिशृङ्ग इवोत्थितः
nānācchandogatipatho guhyopaniṣadāsanaḥ / chāyāpatnīsahāyo 'sau maṇiśṛṅga ivotthitaḥ
Sanskrit only: no published translation is held for this verse.
महीं सागरपर्यन्तां सशैलवनकाननाम् । एकार्णवजलभ्रष्टाम् एकार्णवगतः प्रभुः
mahīṃ sāgaraparyantāṃ saśailavanakānanām / ekārṇavajalabhraṣṭām ekārṇavagataḥ prabhuḥ
Sanskrit only: no published translation is held for this verse.
दंष्ट्रया यः समुद्धृत्य लोकानां हितकाम्यया । सहस्रशीर्षो लोकादिश् चकार जगतीं पुनः
daṃṣṭrayā yaḥ samuddhṛtya lokānāṃ hitakāmyayā / sahasraśīrṣo lokādiś cakāra jagatīṃ punaḥ
Sanskrit only: no published translation is held for this verse.
एवं यज्ञवराहेण भूत्वा भूतहितार्थिना । उद्धृता पृथिवी देवी सागराम्बुधरा पुरा
evaṃ yajñavarāheṇa bhūtvā bhūtahitārthinā / uddhṛtā pṛthivī devī sāgarāmbudharā purā
Sanskrit only: no published translation is held for this verse.
वाराह एष कथितो नारसिंहस् ततो द्विजाः । यत्र भूत्वा मृगेन्द्रेण हिरण्यकशिपुर् हतः
vārāha eṣa kathito nārasiṃhas tato dvijāḥ / yatra bhūtvā mṛgendreṇa hiraṇyakaśipur hataḥ
Sanskrit only: no published translation is held for this verse.
पुरा कृतयुगे नाम सुरारिर् बलदर्पितः । दैत्यानाम् आदिपुरुषश् चकार सुमहत् तपः
purā kṛtayuge nāma surārir baladarpitaḥ / daityānām ādipuruṣaś cakāra sumahat tapaḥ
Sanskrit only: no published translation is held for this verse.
दश वर्षसहस्राणि शतानि दश पञ्च च । जपोपवासनिरतस् तस्थौ मौनव्रतस्थितः
daśa varṣasahasrāṇi śatāni daśa pañca ca / japopavāsaniratas tasthau maunavratasthitaḥ
Sanskrit only: no published translation is held for this verse.
ततः शमदमाभ्यां च ब्रह्मचर्येण चैव हि । प्रीतो ऽभवत् ततस् तस्य तपसा नियमेन च
tataḥ śamadamābhyāṃ ca brahmacaryeṇa caiva hi / prīto 'bhavat tatas tasya tapasā niyamena ca
Sanskrit only: no published translation is held for this verse.
तं वै स्वयंभूर् भगवान् स्वयम् आगम्य भो द्विजाः । विमानेनार्कवर्णेन हंसयुक्तेन भास्वता
taṃ vai svayaṃbhūr bhagavān svayam āgamya bho dvijāḥ / vimānenārkavarṇena haṃsayuktena bhāsvatā
Sanskrit only: no published translation is held for this verse.
आदित्यैर् वसुभिः सार्धं मरुद्भिर् दैवतैस् तथा । रुद्रैर् विश्वसहायैश् च यक्षराक्षसकिंनरैः
ādityair vasubhiḥ sārdhaṃ marudbhir daivatais tathā / rudrair viśvasahāyaiś ca yakṣarākṣasakiṃnaraiḥ
Sanskrit only: no published translation is held for this verse.
दिशाभिः प्रदिशाभिश् च नदीभिः सागरैस् तथा । नक्षत्रैश् च मुहूर्तैश् च खेचरैश् च महाग्रहैः
diśābhiḥ pradiśābhiś ca nadībhiḥ sāgarais tathā / nakṣatraiś ca muhūrtaiś ca khecaraiś ca mahāgrahaiḥ
Sanskrit only: no published translation is held for this verse.
देवर्षिभिस् तपोवृद्धैः सिद्धैर् विद्वद्भिर् एव च । राजर्षिभिः पुण्यतमैर् गन्धर्वैर् अप्सरोगणैः
devarṣibhis tapovṛddhaiḥ siddhair vidvadbhir eva ca / rājarṣibhiḥ puṇyatamair gandharvair apsarogaṇaiḥ
Sanskrit only: no published translation is held for this verse.
चराचरगुरुः श्रीमान् वृतः सर्वैः सुरैस् तथा । ब्रह्मा ब्रह्मविदां श्रेष्ठो दैत्यं वचनम् अब्रवीत्
carācaraguruḥ śrīmān vṛtaḥ sarvaiḥ surais tathā / brahmā brahmavidāṃ śreṣṭho daityaṃ vacanam abravīt
Sanskrit only: no published translation is held for this verse.
ब्रह्मोवाच: प्रीतो ऽस्मि तव भक्तस्य तपसानेन सुव्रत । वरं वरय भद्रं ते यथेष्टं कामम् आप्नुहि
brahmovāca: prīto 'smi tava bhaktasya tapasānena suvrata / varaṃ varaya bhadraṃ te yatheṣṭaṃ kāmam āpnuhi
Sanskrit only: no published translation is held for this verse.
हिरण्यकशिपुर् उवाच: न देवासुरगन्धर्वा न यक्षोरगराक्षसाः । ऋषयो वाथ मां शापैः क्रुद्धा लोकपितामह
hiraṇyakaśipur uvāca: na devāsuragandharvā na yakṣoragarākṣasāḥ / ṛṣayo vātha māṃ śāpaiḥ kruddhā lokapitāmaha
Sanskrit only: no published translation is held for this verse.
शपेयुस् तपसा युक्ता वर एष वृतो मया । न शस्त्रेण न वास्त्रेण गिरिणा पादपेन वा
śapeyus tapasā yuktā vara eṣa vṛto mayā / na śastreṇa na vāstreṇa giriṇā pādapena vā
Sanskrit only: no published translation is held for this verse.
न शुष्केण न चार्द्रेण न चैवोर्ध्वं न चाप्य् अधः । पाणिप्रहारेणैकेन सभृत्यबलवाहनम्
na śuṣkeṇa na cārdreṇa na caivordhvaṃ na cāpy adhaḥ / pāṇiprahāreṇaikena sabhṛtyabalavāhanam
Sanskrit only: no published translation is held for this verse.
यो मां नाशयितुं शक्तः स मे मृत्युर् भविष्यति । भवेयम् अहम् एवार्कः सोमो वायुर् हुताशनः
yo māṃ nāśayituṃ śaktaḥ sa me mṛtyur bhaviṣyati / bhaveyam aham evārkaḥ somo vāyur hutāśanaḥ
Sanskrit only: no published translation is held for this verse.
सलिलं चान्तरिक्षं च आकाशं चैव सर्वशः । अहं क्रोधश् च कामश् च वरुणो वासवो यमः । धनदश् च धनाध्यक्षो यक्षः किंपुरुषाधिपः
salilaṃ cāntarikṣaṃ ca ākāśaṃ caiva sarvaśaḥ / ahaṃ krodhaś ca kāmaś ca varuṇo vāsavo yamaḥ / dhanadaś ca dhanādhyakṣo yakṣaḥ kiṃpuruṣādhipaḥ
Sanskrit only: no published translation is held for this verse.
ब्रह्मोवाच: एते दिव्या वरास् तात मया दत्तास् तवाद्भुताः । सर्वान् कामान् इमांस् तात प्राप्स्यसि त्वं न संशयः
brahmovāca: ete divyā varās tāta mayā dattās tavādbhutāḥ / sarvān kāmān imāṃs tāta prāpsyasi tvaṃ na saṃśayaḥ
Sanskrit only: no published translation is held for this verse.
व्यास उवाच: एवम् उक्त्वा तु भगवाञ् जगामाशु पितामहः । वैराजं ब्रह्मसदनं ब्रह्मर्षिगणसेवितम्
vyāsa uvāca: evam uktvā tu bhagavāñ jagāmāśu pitāmahaḥ / vairājaṃ brahmasadanaṃ brahmarṣigaṇasevitam
Sanskrit only: no published translation is held for this verse.
ततो देवाश् च नागाश् च गन्धर्वा मुनयस् तथा । वरप्रदानं श्रुत्वैव पितामहम् उपस्थिताः
tato devāś ca nāgāś ca gandharvā munayas tathā / varapradānaṃ śrutvaiva pitāmaham upasthitāḥ
Sanskrit only: no published translation is held for this verse.
देवा ऊचुः: वरेणानेन भगवन् बाधिष्यति स नो ऽसुरः । तत् प्रसीदाशु भगवन् वधो ऽप्य् अस्य विचिन्त्यताम्
devā ūcuḥ: vareṇānena bhagavan bādhiṣyati sa no 'suraḥ / tat prasīdāśu bhagavan vadho 'py asya vicintyatām
Sanskrit only: no published translation is held for this verse.
भगवन् सर्वभूतानां स्वयंभूर् आदिकृत् प्रभुः । स्रष्टा च हव्यकव्यानाम् अव्यक्तं प्रकृतिर् ध्रुवम्
bhagavan sarvabhūtānāṃ svayaṃbhūr ādikṛt prabhuḥ / sraṣṭā ca havyakavyānām avyaktaṃ prakṛtir dhruvam
Sanskrit only: no published translation is held for this verse.
व्यास उवाच: ततो लोकहितं वाक्यं श्रुत्वा देवः प्रजापतिः । प्रोवाच भगवान् वाक्यं सर्वदेवगणांस् तथा
vyāsa uvāca: tato lokahitaṃ vākyaṃ śrutvā devaḥ prajāpatiḥ / provāca bhagavān vākyaṃ sarvadevagaṇāṃs tathā
Sanskrit only: no published translation is held for this verse.
ब्रह्मोवाच: अवश्यं त्रिदशास् तेन प्राप्तव्यं तपसः फलम् । तपसो ऽन्ते च भगवान् वधं विष्णुः करिष्यति
brahmovāca: avaśyaṃ tridaśās tena prāptavyaṃ tapasaḥ phalam / tapaso 'nte ca bhagavān vadhaṃ viṣṇuḥ kariṣyati
Sanskrit only: no published translation is held for this verse.
व्यास उवाच: एतच् छ्रुत्वा सुराः सर्वे वाक्यं पङ्कजजन्मनः । स्वानि स्थानानि दिव्यानि जग्मुस् ते वै मुदान्विताः
vyāsa uvāca: etac chrutvā surāḥ sarve vākyaṃ paṅkajajanmanaḥ / svāni sthānāni divyāni jagmus te vai mudānvitāḥ
Sanskrit only: no published translation is held for this verse.
लब्धमात्रे वरे चापि सर्वाः सो ऽबाधत प्रजाः । हिरण्यकशिपुर् दैत्यो वरदानेन दर्पितः
labdhamātre vare cāpi sarvāḥ so 'bādhata prajāḥ / hiraṇyakaśipur daityo varadānena darpitaḥ
Sanskrit only: no published translation is held for this verse.
आश्रमेषु महाभागान् मुनीन् वै संशितव्रतान् । सत्यधर्मरतान् दान्तांस् तदा धर्षितवांस् तथा
āśrameṣu mahābhāgān munīn vai saṃśitavratān / satyadharmaratān dāntāṃs tadā dharṣitavāṃs tathā
Sanskrit only: no published translation is held for this verse.
त्रिदिवस्थांस् तथा देवान् पराजित्य महाबलः । त्रैलोक्यं वशम् आनीय स्वर्गे वसति सो ऽसुरः
tridivasthāṃs tathā devān parājitya mahābalaḥ / trailokyaṃ vaśam ānīya svarge vasati so 'suraḥ
Sanskrit only: no published translation is held for this verse.
यदा वरमदोन्मत्तो विचरन् दानवो भुवि । यज्ञीयान् अकरोद् दैत्यान् अयज्ञीयाश् च देवताः
yadā varamadonmatto vicaran dānavo bhuvi / yajñīyān akarod daityān ayajñīyāś ca devatāḥ
Sanskrit only: no published translation is held for this verse.
आदित्या वसवः साध्या विश्वे च मरुतस् तथा । शरण्यं शरणं विष्णुम् उपतस्थुर् महाबलम्
ādityā vasavaḥ sādhyā viśve ca marutas tathā / śaraṇyaṃ śaraṇaṃ viṣṇum upatasthur mahābalam
Sanskrit only: no published translation is held for this verse.
देवब्रह्ममयं यज्ञं ब्रह्मदेवं सनातनम् । भूतं भव्यं भविष्यं च प्रभुं लोकनमस्कृतम् । नारायणं विभुं देवं शरण्यं शरणं गताः
devabrahmamayaṃ yajñaṃ brahmadevaṃ sanātanam / bhūtaṃ bhavyaṃ bhaviṣyaṃ ca prabhuṃ lokanamaskṛtam / nārāyaṇaṃ vibhuṃ devaṃ śaraṇyaṃ śaraṇaṃ gatāḥ
Sanskrit only: no published translation is held for this verse.
देवा ऊचुः: त्रायस्व नो ऽद्य देवेश हिरण्यकशिपोर् भयात् । त्वं हि नः परमो देवस् त्वं हि नः परमो गुरुः
devā ūcuḥ: trāyasva no 'dya deveśa hiraṇyakaśipor bhayāt / tvaṃ hi naḥ paramo devas tvaṃ hi naḥ paramo guruḥ
Sanskrit only: no published translation is held for this verse.
त्वं हि नः परमो धाता ब्रह्मादीनां सुरोत्तम । उत्फुल्लामलपत्त्राक्ष शत्रुपक्षक्षयंकर । क्षयाय दितिवंशस्य शरणं त्वं भवस्व नः
tvaṃ hi naḥ paramo dhātā brahmādīnāṃ surottama / utphullāmalapattrākṣa śatrupakṣakṣayaṃkara / kṣayāya ditivaṃśasya śaraṇaṃ tvaṃ bhavasva naḥ
Sanskrit only: no published translation is held for this verse.
वासुदेव उवाच: भयं त्यजध्वम् अमरा अभयं वो ददाम्य् अहम् । तथैव त्रिदिवं देवाः प्रतिलप्स्यथ मा चिरम्
vāsudeva uvāca: bhayaṃ tyajadhvam amarā abhayaṃ vo dadāmy aham / tathaiva tridivaṃ devāḥ pratilapsyatha mā ciram
Sanskrit only: no published translation is held for this verse.
एषो ऽहं सगणं दैत्यं वरदानेन दर्पितम् । अवध्यम् अमरेन्द्राणां दानवेन्द्रं निहन्मि तम्
eṣo 'haṃ sagaṇaṃ daityaṃ varadānena darpitam / avadhyam amarendrāṇāṃ dānavendraṃ nihanmi tam
Sanskrit only: no published translation is held for this verse.
व्यास उवाच: एवम् उक्त्वा तु भगवान् विसृज्य त्रिदशेश्वरान् । हिरण्यकशिपोः स्थानम् आजगाम महाबलः
vyāsa uvāca: evam uktvā tu bhagavān visṛjya tridaśeśvarān / hiraṇyakaśipoḥ sthānam ājagāma mahābalaḥ
Sanskrit only: no published translation is held for this verse.
नरस्यार्धतनुं कृत्वा सिंहस्यार्धतनुं प्रभुः । नारसिंहेन वपुषा पाणिं संस्पृश्य पाणिना
narasyārdhatanuṃ kṛtvā siṃhasyārdhatanuṃ prabhuḥ / nārasiṃhena vapuṣā pāṇiṃ saṃspṛśya pāṇinā
Sanskrit only: no published translation is held for this verse.
घनजीमूतसंकाशो घनजीमूतनिस्वनः । घनजीमूतदीप्तौजा जीमूत इव वेगवान्
ghanajīmūtasaṃkāśo ghanajīmūtanisvanaḥ / ghanajīmūtadīptaujā jīmūta iva vegavān
Sanskrit only: no published translation is held for this verse.
दैत्यं सो ऽतिबलं दृष्ट्वा दृप्तशार्दूलविक्रमः । दृप्तैर् दैत्यगणैर् गुप्तं हतवान् एकपाणिना
daityaṃ so 'tibalaṃ dṛṣṭvā dṛptaśārdūlavikramaḥ / dṛptair daityagaṇair guptaṃ hatavān ekapāṇinā
Sanskrit only: no published translation is held for this verse.
नृसिंह एष कथितो भूयो ऽयं वामनः परः । यत्र वामनम् आस्थाय रूपं दैत्यविनाशनम्
nṛsiṃha eṣa kathito bhūyo 'yaṃ vāmanaḥ paraḥ / yatra vāmanam āsthāya rūpaṃ daityavināśanam
Sanskrit only: no published translation is held for this verse.
बलेर् बलवतो यज्ञे बलिना विष्णुना पुरा । विक्रमैस् त्रिभिर् अक्षोभ्याः क्षोभितास् ते महासुराः
baler balavato yajñe balinā viṣṇunā purā / vikramais tribhir akṣobhyāḥ kṣobhitās te mahāsurāḥ
Sanskrit only: no published translation is held for this verse.
विप्रचित्तिः शिवः शङ्कुर् अयःशङ्कुस् तथैव च । अयःशिरा अश्वशिरा हयग्रीवश् च वीर्यवान्
vipracittiḥ śivaḥ śaṅkur ayaḥśaṅkus tathaiva ca / ayaḥśirā aśvaśirā hayagrīvaś ca vīryavān
Sanskrit only: no published translation is held for this verse.
वेगवान् केतुमान् उग्रः सोग्रव्यग्रो महासुरः । पुष्करः पुष्कलश् चैव शाश्वो ऽश्वपतिर् एव च
vegavān ketumān ugraḥ sogravyagro mahāsuraḥ / puṣkaraḥ puṣkalaś caiva śāśvo 'śvapatir eva ca
Sanskrit only: no published translation is held for this verse.
प्रह्लादो ऽश्वपतिः कुम्भः संह्रादो गमनप्रियः । अनुह्रादो हरिहयो वाराहः संहरो ऽनुजः
prahlādo 'śvapatiḥ kumbhaḥ saṃhrādo gamanapriyaḥ / anuhrādo harihayo vārāhaḥ saṃharo 'nujaḥ
Sanskrit only: no published translation is held for this verse.
शरभः शलभश् चैव कुपथः क्रोधनः क्रथः । बृहत्कीर्तिर् महाजिह्वः शङ्कुकर्णो महास्वनः
śarabhaḥ śalabhaś caiva kupathaḥ krodhanaḥ krathaḥ / bṛhatkīrtir mahājihvaḥ śaṅkukarṇo mahāsvanaḥ
Sanskrit only: no published translation is held for this verse.
दीप्तजिह्वो ऽर्कनयनो मृगपादो मृगप्रियः । वायुर् गरिष्ठो नमुचिः सम्बरो विस्करो महान्
dīptajihvo 'rkanayano mṛgapādo mṛgapriyaḥ / vāyur gariṣṭho namuciḥ sambaro viskaro mahān
Sanskrit only: no published translation is held for this verse.
चन्द्रहन्ता क्रोधहन्ता क्रोधवर्धन एव च । कालकः कालकोपश् च वृत्रः क्रोधो विरोचनः
candrahantā krodhahantā krodhavardhana eva ca / kālakaḥ kālakopaś ca vṛtraḥ krodho virocanaḥ
Sanskrit only: no published translation is held for this verse.
गरिष्ठश् च वरिष्ठश् च प्रलम्बनरकाव् उभौ । इन्द्रतापनवातापी केतुमान् बलदर्पितः
gariṣṭhaś ca variṣṭhaś ca pralambanarakāv ubhau / indratāpanavātāpī ketumān baladarpitaḥ
Sanskrit only: no published translation is held for this verse.
असिलोमा पुलोमा च बाष्कलः प्रमदो मदः । स्वमिश्रः कालवदनः करालः केशिर् एव च
asilomā pulomā ca bāṣkalaḥ pramado madaḥ / svamiśraḥ kālavadanaḥ karālaḥ keśir eva ca
Sanskrit only: no published translation is held for this verse.
एकाक्षश् चन्द्रमा राहुः संह्रादः सम्बरः स्वनः । शतघ्नीचक्रहस्ताश् च तथा मुशलपाणयः
ekākṣaś candramā rāhuḥ saṃhrādaḥ sambaraḥ svanaḥ / śataghnīcakrahastāś ca tathā muśalapāṇayaḥ
Sanskrit only: no published translation is held for this verse.
अश्वयन्त्रायुधोपेता भिन्दिपालायुधास् तथा । शूलोलूखलहस्ताश् च परश्वधधरास् तथा
aśvayantrāyudhopetā bhindipālāyudhās tathā / śūlolūkhalahastāś ca paraśvadhadharās tathā
Sanskrit only: no published translation is held for this verse.
पाशमुद्गरहस्ताश् च तथा परिघपाणयः । महाशिलाप्रहरणाः शूलहस्ताश् च दानवाः
pāśamudgarahastāś ca tathā parighapāṇayaḥ / mahāśilāpraharaṇāḥ śūlahastāś ca dānavāḥ
Sanskrit only: no published translation is held for this verse.
नानाप्रहरणा घोरा नानावेशा महाबलाः । कूर्मकुक्कुटवक्त्राश् च शशोलूकमुखास् तथा
nānāpraharaṇā ghorā nānāveśā mahābalāḥ / kūrmakukkuṭavaktrāś ca śaśolūkamukhās tathā
Sanskrit only: no published translation is held for this verse.
खरोष्ट्रवदनाश् चैव वराहवदनास् तथा । मार्जारशिखिवक्त्राश् च महावक्त्रास् तथा परे
kharoṣṭravadanāś caiva varāhavadanās tathā / mārjāraśikhivaktrāś ca mahāvaktrās tathā pare
Sanskrit only: no published translation is held for this verse.
नक्रमेषाननाः शूरा गोजाविमहिषाननाः । गोधाशल्लकिवक्त्राश् च क्रोष्टुवक्त्राश् च दानवाः
nakrameṣānanāḥ śūrā gojāvimahiṣānanāḥ / godhāśallakivaktrāś ca kroṣṭuvaktrāś ca dānavāḥ
Sanskrit only: no published translation is held for this verse.
आखुदर्दुरवक्त्राश् च घोरा वृकमुखास् तथा । भीमा मकरवक्त्राश् च क्रौञ्चवक्त्राश् च दानवाः
ākhudarduravaktrāś ca ghorā vṛkamukhās tathā / bhīmā makaravaktrāś ca krauñcavaktrāś ca dānavāḥ
Sanskrit only: no published translation is held for this verse.
अश्वाननाः खरमुखा मयूरवदनास् तथा । गजेन्द्रचर्मवसनास् तथा कृष्णाजिनाम्बराः
aśvānanāḥ kharamukhā mayūravadanās tathā / gajendracarmavasanās tathā kṛṣṇājināmbarāḥ
Sanskrit only: no published translation is held for this verse.
चीरसंवृतगात्राश् च तथा नीलकवाससः । उष्णीषिणो मुकुटिनस् तथा कुण्डलिनो ऽसुराः
cīrasaṃvṛtagātrāś ca tathā nīlakavāsasaḥ / uṣṇīṣiṇo mukuṭinas tathā kuṇḍalino 'surāḥ
Sanskrit only: no published translation is held for this verse.
किरीटिनो लम्बशिखाः कम्बुग्रीवाः सुवर्चसः । नानावेशधरा दैत्या नानामाल्यानुलेपनाः
kirīṭino lambaśikhāḥ kambugrīvāḥ suvarcasaḥ / nānāveśadharā daityā nānāmālyānulepanāḥ
Sanskrit only: no published translation is held for this verse.
स्वान्य् आयुधानि संगृह्य प्रदीप्तानि च तेजसा । क्रममाणं हृषीकेशम् उपावर्तन्त सर्वशः
svāny āyudhāni saṃgṛhya pradīptāni ca tejasā / kramamāṇaṃ hṛṣīkeśam upāvartanta sarvaśaḥ
Sanskrit only: no published translation is held for this verse.
प्रमथ्य सर्वान् दैतेयान् पादहस्ततलैर् विभुः । रूपं कृत्वा महाभीमं जहाराशु स मेदिनीम्
pramathya sarvān daiteyān pādahastatalair vibhuḥ / rūpaṃ kṛtvā mahābhīmaṃ jahārāśu sa medinīm
Sanskrit only: no published translation is held for this verse.
तस्य विक्रमतो भूमिं चन्द्रादित्यौ स्तनान्तरे । नभः प्रक्रममाणस्य नाभ्यां किल तथा स्थितौ
tasya vikramato bhūmiṃ candrādityau stanāntare / nabhaḥ prakramamāṇasya nābhyāṃ kila tathā sthitau
Sanskrit only: no published translation is held for this verse.
परम् आक्रममाणस्य जानुदेशे व्यवस्थितौ । विष्णोर् अमितवीर्यस्य वदन्त्य् एवं द्विजातयः
param ākramamāṇasya jānudeśe vyavasthitau / viṣṇor amitavīryasya vadanty evaṃ dvijātayaḥ
Sanskrit only: no published translation is held for this verse.
हृत्वा स मेदिनीं कृत्स्नां हत्वा चासुरपुंगवान् । ददौ शक्राय वसुधां विष्णुर् बलवतां वरः
hṛtvā sa medinīṃ kṛtsnāṃ hatvā cāsurapuṃgavān / dadau śakrāya vasudhāṃ viṣṇur balavatāṃ varaḥ
Sanskrit only: no published translation is held for this verse.
एष वो वामनो नाम प्रादुर्भावो महात्मनः । वेदविद्भिर् द्विजैर् एतत् कथ्यते वैष्णवं यशः
eṣa vo vāmano nāma prādurbhāvo mahātmanaḥ / vedavidbhir dvijair etat kathyate vaiṣṇavaṃ yaśaḥ
Sanskrit only: no published translation is held for this verse.
भूयो भूतात्मनो विष्णोः प्रादुर्भावो महात्मनः । दत्तात्रेय इति ख्यातः क्षमया परया युतः
bhūyo bhūtātmano viṣṇoḥ prādurbhāvo mahātmanaḥ / dattātreya iti khyātaḥ kṣamayā parayā yutaḥ
Sanskrit only: no published translation is held for this verse.
तेन नष्टेषु वेदेषु प्रक्रियासु मखेषु च । चातुर्वर्ण्ये च संकीर्णे धर्मे शिथिलतां गते
tena naṣṭeṣu vedeṣu prakriyāsu makheṣu ca / cāturvarṇye ca saṃkīrṇe dharme śithilatāṃ gate
Sanskrit only: no published translation is held for this verse.
अतिवर्धति चाधर्मे सत्ये नष्टे ऽनृते स्थिते । प्रजासु शीर्यमाणासु धर्मे चाकुलतां गते
ativardhati cādharme satye naṣṭe 'nṛte sthite / prajāsu śīryamāṇāsu dharme cākulatāṃ gate
Sanskrit only: no published translation is held for this verse.
सयज्ञाः सक्रिया वेदाः प्रत्यानीता हि तेन वै । चातुर्वर्ण्यम् असंकीर्णं कृतं तेन महात्मना
sayajñāḥ sakriyā vedāḥ pratyānītā hi tena vai / cāturvarṇyam asaṃkīrṇaṃ kṛtaṃ tena mahātmanā
Sanskrit only: no published translation is held for this verse.
तेन हैहयराजस्य कार्तवीर्यस्य धीमतः । वरदेन वरो दत्तो दत्तात्रेयेण धीमता
tena haihayarājasya kārtavīryasya dhīmataḥ / varadena varo datto dattātreyeṇa dhīmatā
Sanskrit only: no published translation is held for this verse.
एतद् बाहुद्वयं यत् ते तत् ते मम कृते नृप । शतानि दश बाहूनां भविष्यन्ति न संशयः
etad bāhudvayaṃ yat te tat te mama kṛte nṛpa / śatāni daśa bāhūnāṃ bhaviṣyanti na saṃśayaḥ
Sanskrit only: no published translation is held for this verse.
पालयिष्यसि कृत्स्नां च वसुधां वसुधेश्वर । दुर्निरीक्ष्यो ऽरिवृन्दानां युद्धस्थश् च भविष्यसि
pālayiṣyasi kṛtsnāṃ ca vasudhāṃ vasudheśvara / durnirīkṣyo 'rivṛndānāṃ yuddhasthaś ca bhaviṣyasi
Sanskrit only: no published translation is held for this verse.
एष वो वैष्णवः श्रीमान् प्रादुर्भावो ऽद्भुतः शुभः । भूयश् च जामदग्न्यो ऽयं प्रादुर्भावो महात्मनः
eṣa vo vaiṣṇavaḥ śrīmān prādurbhāvo 'dbhutaḥ śubhaḥ / bhūyaś ca jāmadagnyo 'yaṃ prādurbhāvo mahātmanaḥ
Sanskrit only: no published translation is held for this verse.
यत्र बाहुसहस्रेण द्विषतां दुर्जयं रणे । रामो ऽर्जुनम् अनीकस्थं जघान नृपतिं प्रभुः
yatra bāhusahasreṇa dviṣatāṃ durjayaṃ raṇe / rāmo 'rjunam anīkasthaṃ jaghāna nṛpatiṃ prabhuḥ
Sanskrit only: no published translation is held for this verse.
रथस्थं पार्थिवं रामः पातयित्वार्जुनं भुवि । धर्षयित्वार्जुनं रामः क्रोशमानं च मेघवत्
rathasthaṃ pārthivaṃ rāmaḥ pātayitvārjunaṃ bhuvi / dharṣayitvārjunaṃ rāmaḥ krośamānaṃ ca meghavat
Sanskrit only: no published translation is held for this verse.
कृत्स्नं बाहुसहस्रं च चिच्छेद भृगुनन्दनः । परश्वधेन दीप्तेन ज्ञातिभिः सहितस्य वै
kṛtsnaṃ bāhusahasraṃ ca ciccheda bhṛgunandanaḥ / paraśvadhena dīptena jñātibhiḥ sahitasya vai
Sanskrit only: no published translation is held for this verse.
कीर्णा क्षत्रियकोटीभिर् मेरुमन्दरभूषणा । त्रिः सप्तकृत्वः पृथिवी तेन निःक्षत्रिया कृता
kīrṇā kṣatriyakoṭībhir merumandarabhūṣaṇā / triḥ saptakṛtvaḥ pṛthivī tena niḥkṣatriyā kṛtā
Sanskrit only: no published translation is held for this verse.
कृत्वा निःक्षत्रियां चैनां भार्गवः सुमहायशाः । सर्वपापविनाशाय वाजिमेधेन चेष्टवान्
kṛtvā niḥkṣatriyāṃ caināṃ bhārgavaḥ sumahāyaśāḥ / sarvapāpavināśāya vājimedhena ceṣṭavān
Sanskrit only: no published translation is held for this verse.
यस्मिन् यज्ञे महादाने दक्षिणां भृगुनन्दनः । मारीचाय ददौ प्रीतः कश्यपाय वसुंधराम्
yasmin yajñe mahādāne dakṣiṇāṃ bhṛgunandanaḥ / mārīcāya dadau prītaḥ kaśyapāya vasuṃdharām
Sanskrit only: no published translation is held for this verse.
वारणांस् तुरगाञ् शुभ्रान् रथांश् च रथिनां वरः । हिरण्यम् अक्षयं धेनुर् गजेन्द्रांश् च महीपतिः
vāraṇāṃs turagāñ śubhrān rathāṃś ca rathināṃ varaḥ / hiraṇyam akṣayaṃ dhenur gajendrāṃś ca mahīpatiḥ
Sanskrit only: no published translation is held for this verse.
ददौ तस्मिन् महायज्ञे वाजिमेधे महायशाः । अद्यापि च हितार्थाय लोकानां भृगुनन्दनः
dadau tasmin mahāyajñe vājimedhe mahāyaśāḥ / adyāpi ca hitārthāya lokānāṃ bhṛgunandanaḥ
Sanskrit only: no published translation is held for this verse.