Brahma-Purana 35

स देवदेवः परमेश्वरः स्वयं ब्र्प् ३४।१००अ स्वयंभुर् आयास्यति देवि ते ऽन्तिकम् ब्र्प् ३४।१००ब् उदाररूपो विकृतादिरूपः ब्र्प् ३४।१००च् समानरूपो ऽपि न यस्य कस्यचित् ब्र्प् ३४।१००द् महेश्वरः पर्वतलोकवासी ब्र्प् ३४।१०१अ चराचरेशः प्रथमो ऽप्रमेयः ब्र्प् ३४।१०१ब् विनेन्दुना हीन्द्रसमानवर्चसा ब्र्प् ३४।१०१च् विभीषणं रूपम् इवास्थितो यः ब्र्प् ३४।१०१द् ब्रह्मोवाच: ततस् ताम् अब्रुवन् देवास् तदा गत्वा तु सुन्दरीम् । देवि शीघ्रेण कालेन धूर्जटिर् नीललोहितः

sa devadevaḥ parameśvaraḥ svayaṃ BrP 34.100a svayaṃbhur āyāsyati devi te 'ntikam BrP 34.100b udārarūpo vikṛtādirūpaḥ BrP 34.100c samānarūpo 'pi na yasya kasyacit BrP 34.100d maheśvaraḥ parvatalokavāsī BrP 34.101a carācareśaḥ prathamo 'prameyaḥ BrP 34.101b vinendunā hīndrasamānavarcasā BrP 34.101c vibhīṣaṇaṃ rūpam ivāsthito yaḥ BrP 34.101d brahmovāca: tatas tām abruvan devās tadā gatvā tu sundarīm / devi śīghreṇa kālena dhūrjaṭir nīlalohitaḥ

Sanskrit only: no published translation is held for this verse.

स भर्ता तव देवेशो भविता मा तपः कृथाः । ततः प्रदक्षिणीकृत्य देवा विप्रा गिरेः सुताम्

sa bhartā tava deveśo bhavitā mā tapaḥ kṛthāḥ / tataḥ pradakṣiṇīkṛtya devā viprā gireḥ sutām

Sanskrit only: no published translation is held for this verse.

जग्मुश् चादर्शनं तस्याः सा चापि विरराम ह । सा देवी सूक्तम् इत्य् एवम् उक्त्वा स्वस्याश्रमे शुभे

jagmuś cādarśanaṃ tasyāḥ sā cāpi virarāma ha / sā devī sūktam ity evam uktvā svasyāśrame śubhe

Sanskrit only: no published translation is held for this verse.

द्वारि जातम् अशोकं च समुपाश्रित्य चास्थिता । अथागाच् चन्द्रतिलकस् त्रिदशार्तिहरो हरः

dvāri jātam aśokaṃ ca samupāśritya cāsthitā / athāgāc candratilakas tridaśārtiharo haraḥ

Sanskrit only: no published translation is held for this verse.

विकृतं रूपम् आस्थाय ह्रस्वो बाहुक एव च । विभग्ननासिको भूत्वा कुब्जः केशान्तपिङ्गलः

vikṛtaṃ rūpam āsthāya hrasvo bāhuka eva ca / vibhagnanāsiko bhūtvā kubjaḥ keśāntapiṅgalaḥ

Sanskrit only: no published translation is held for this verse.

उवाच विकृतास्यश् च देवि त्वां वरयाम्य् अहम् । अथोमा योगसंसिद्धा ज्ञात्वा शंकरम् आगतम्

uvāca vikṛtāsyaś ca devi tvāṃ varayāmy aham / athomā yogasaṃsiddhā jñātvā śaṃkaram āgatam

Sanskrit only: no published translation is held for this verse.

अन्तर्भावविशुद्धात्मा कृपानुष्ठानलिप्सया । तम् उवाचार्घपाद्याभ्यां मधुपर्केण चैव ह

antarbhāvaviśuddhātmā kṛpānuṣṭhānalipsayā / tam uvācārghapādyābhyāṃ madhuparkeṇa caiva ha

Sanskrit only: no published translation is held for this verse.

संपूज्य सुमनोभिस् तं ब्राह्मणं ब्राह्मणप्रिया ॥* ब्र्प् ३५।८ ॥ देव्य् उवाच: भगवन् न स्वतन्त्राहं पिता मे त्व् अग्रणीर् गृहे । स प्रभुर् मम दाने वै कन्याहं द्विजपुंगव

saṃpūjya sumanobhis taṃ brāhmaṇaṃ brāhmaṇapriyā //* BrP 35.8 // devy uvāca: bhagavan na svatantrāhaṃ pitā me tv agraṇīr gṛhe / sa prabhur mama dāne vai kanyāhaṃ dvijapuṃgava

Sanskrit only: no published translation is held for this verse.

गत्वा याचस्व पितरं मम शैलेन्द्रम् अव्ययम् । स चेद् ददाति मां विप्र तुभ्यं तद् उचितं मम

gatvā yācasva pitaraṃ mama śailendram avyayam / sa ced dadāti māṃ vipra tubhyaṃ tad ucitaṃ mama

Sanskrit only: no published translation is held for this verse.

ब्रह्मोवाच: ततः स भगवान् देवस् तथैव विकृतः प्रभुः । उवाच शैलराजानं सुतां मे यच्छ शैलराट्

brahmovāca: tataḥ sa bhagavān devas tathaiva vikṛtaḥ prabhuḥ / uvāca śailarājānaṃ sutāṃ me yaccha śailarāṭ

Sanskrit only: no published translation is held for this verse.

स तं विकृतरूपेण ज्ञात्वा रुद्रम् अथाव्ययम् । भीतः शापाच् च विमना इदं वचनम् अब्रवीत्

sa taṃ vikṛtarūpeṇa jñātvā rudram athāvyayam / bhītaḥ śāpāc ca vimanā idaṃ vacanam abravīt

Sanskrit only: no published translation is held for this verse.

शैलेन्द्र उवाच: भगवन् नावमन्ये ऽहं ब्राह्मणान् भुवि देवताः । मनीषितं तु यत् पूर्वं तच् छृणुष्व महामते

śailendra uvāca: bhagavan nāvamanye 'haṃ brāhmaṇān bhuvi devatāḥ / manīṣitaṃ tu yat pūrvaṃ tac chṛṇuṣva mahāmate

Sanskrit only: no published translation is held for this verse.

स्वयंवरो मे दुहितुर् भविता विप्रपूजितः । वरयेद् यं स्वयं तत्र स भर्तास्या भविष्यति

svayaṃvaro me duhitur bhavitā viprapūjitaḥ / varayed yaṃ svayaṃ tatra sa bhartāsyā bhaviṣyati

Sanskrit only: no published translation is held for this verse.

तच् छ्रुत्वा शैलवचनं भगवान् वृषभध्वजः । देव्याः समीपम् आगत्य इदम् आह महामनाः

tac chrutvā śailavacanaṃ bhagavān vṛṣabhadhvajaḥ / devyāḥ samīpam āgatya idam āha mahāmanāḥ

Sanskrit only: no published translation is held for this verse.

शिव उवाच: देवि पित्रा त्व् अनुज्ञातः स्वयंवर इति श्रुतिः । तत्र त्वं वरयित्री यं स ते भर्ता भवेद् इति

śiva uvāca: devi pitrā tv anujñātaḥ svayaṃvara iti śrutiḥ / tatra tvaṃ varayitrī yaṃ sa te bhartā bhaved iti

Sanskrit only: no published translation is held for this verse.

तद् आपृच्छ्य गमिष्यामि दुर्लभां त्वां वरानने । रूपवन्तं समुत्सृज्य वृणोष्य् असदृशं कथम्

tad āpṛcchya gamiṣyāmi durlabhāṃ tvāṃ varānane / rūpavantaṃ samutsṛjya vṛṇoṣy asadṛśaṃ katham

Sanskrit only: no published translation is held for this verse.

ब्रह्मोवाच: तेनोक्ता सा तदा तत्र भावयन्ती तदीरितम् । भावं च रुद्रनिहितं प्रसादं मनसस् तथा

brahmovāca: tenoktā sā tadā tatra bhāvayantī tadīritam / bhāvaṃ ca rudranihitaṃ prasādaṃ manasas tathā

Sanskrit only: no published translation is held for this verse.

संप्राप्योवाच देवेशं मा ते ऽभूद् बुद्धिर् अन्यथा । अहं त्वां वरयिष्यामि नाद्भुतं तु कथंचन

saṃprāpyovāca deveśaṃ mā te 'bhūd buddhir anyathā / ahaṃ tvāṃ varayiṣyāmi nādbhutaṃ tu kathaṃcana

Sanskrit only: no published translation is held for this verse.

अथवा ते ऽस्ति संदेहो मयि विप्र कथंचन । इहैव त्वां महाभाग वरयामि मनोगतम्

athavā te 'sti saṃdeho mayi vipra kathaṃcana / ihaiva tvāṃ mahābhāga varayāmi manogatam

Sanskrit only: no published translation is held for this verse.

ब्रह्मोवाच: गृहीत्वा स्तबकं सा तु हस्ताभ्यां तत्र संस्थिता । स्कन्धे शंभोः समाधाय देवी प्राह वृतो ऽसि मे

brahmovāca: gṛhītvā stabakaṃ sā tu hastābhyāṃ tatra saṃsthitā / skandhe śaṃbhoḥ samādhāya devī prāha vṛto 'si me

Sanskrit only: no published translation is held for this verse.

ततः स भगवान् देवस् तया देव्या वृतस् तदा । उवाच तम् अशोकं वै वाचा संजीवयन्न् इव

tataḥ sa bhagavān devas tayā devyā vṛtas tadā / uvāca tam aśokaṃ vai vācā saṃjīvayann iva

Sanskrit only: no published translation is held for this verse.

शिव उवाच: यस्मात् तव सुपुण्येन स्तबकेन वृतो ऽस्म्य् अहम् । तस्मात् त्वं जरया त्यक्तस् त्व् अमरः संभविष्यसि

śiva uvāca: yasmāt tava supuṇyena stabakena vṛto 'smy aham / tasmāt tvaṃ jarayā tyaktas tv amaraḥ saṃbhaviṣyasi

Sanskrit only: no published translation is held for this verse.

कामरूपी कामपुष्पः कामदो दयितो मम । सर्वाभरणपुष्पाढ्यः सर्वपुष्पफलोपगः

kāmarūpī kāmapuṣpaḥ kāmado dayito mama / sarvābharaṇapuṣpāḍhyaḥ sarvapuṣpaphalopagaḥ

Sanskrit only: no published translation is held for this verse.

सर्वान्नभक्षकश् चैव अमृतस्वाद एव च । सर्वगन्धश् च देवानां भविष्यसि दृढप्रियः

sarvānnabhakṣakaś caiva amṛtasvāda eva ca / sarvagandhaś ca devānāṃ bhaviṣyasi dṛḍhapriyaḥ

Sanskrit only: no published translation is held for this verse.

निर्भयः सर्वलोकेषु भविष्यसि सुनिर्वृतः । आश्रमं वेदम् अत्यर्थं चित्रकूटेति विश्रुतम्

nirbhayaḥ sarvalokeṣu bhaviṣyasi sunirvṛtaḥ / āśramaṃ vedam atyarthaṃ citrakūṭeti viśrutam

Sanskrit only: no published translation is held for this verse.

यो हि यास्यति पुण्यार्थी सो ऽश्वमेधम् अवाप्स्यति । यस् तु तत्र मृतश् चापि ब्रह्मलोकं स गच्छति

yo hi yāsyati puṇyārthī so 'śvamedham avāpsyati / yas tu tatra mṛtaś cāpi brahmalokaṃ sa gacchati

Sanskrit only: no published translation is held for this verse.

यश् चात्र नियमैर् युक्तः प्राणान् सम्यक् परित्यजेत् । स देव्यास् तपसा युक्तो महागणपतिर् भवेत्

yaś cātra niyamair yuktaḥ prāṇān samyak parityajet / sa devyās tapasā yukto mahāgaṇapatir bhavet

Sanskrit only: no published translation is held for this verse.

ब्रह्मोवाच: एवम् उक्त्वा तदा देव आपृच्छ्य हिमवत्सुताम् । अन्तर्दधे जगत्स्रष्टा सर्वभूतप ईश्वरः

brahmovāca: evam uktvā tadā deva āpṛcchya himavatsutām / antardadhe jagatsraṣṭā sarvabhūtapa īśvaraḥ

Sanskrit only: no published translation is held for this verse.

सापि देवी गते तस्मिन् भगवत्य् अमितात्मनि । तत एवोन्मुखी भूत्वा शिलायां संबभूव ह

sāpi devī gate tasmin bhagavaty amitātmani / tata evonmukhī bhūtvā śilāyāṃ saṃbabhūva ha

Sanskrit only: no published translation is held for this verse.

उन्मुखी सा भवे तस्मिन् महेशे जगतां प्रभौ । निशेव चन्द्ररहिता न बभौ विमनास् तदा

unmukhī sā bhave tasmin maheśe jagatāṃ prabhau / niśeva candrarahitā na babhau vimanās tadā

Sanskrit only: no published translation is held for this verse.

अथ शुश्राव शब्दं च बालस्यार्तस्य शैलजा । सरस्य् उदकसंपूर्णे समीपे चाश्रमस्य च

atha śuśrāva śabdaṃ ca bālasyārtasya śailajā / sarasy udakasaṃpūrṇe samīpe cāśramasya ca

Sanskrit only: no published translation is held for this verse.

स कृत्वा बालरूपं तु देवदेवः स्वयं शिवः । क्रीडाहेतोः सरोमध्ये ग्राहग्रस्तो ऽभवत् तदा

sa kṛtvā bālarūpaṃ tu devadevaḥ svayaṃ śivaḥ / krīḍāhetoḥ saromadhye grāhagrasto 'bhavat tadā

Sanskrit only: no published translation is held for this verse.

योगमायां समास्थाय प्रपञ्चोद्भवकारणम् । तद् रूपं सरसो मध्ये कृत्वैवं समभाषत

yogamāyāṃ samāsthāya prapañcodbhavakāraṇam / tad rūpaṃ saraso madhye kṛtvaivaṃ samabhāṣata

Sanskrit only: no published translation is held for this verse.

बाल उवाच: त्रातु मां कश्चिद् इत्य् आह ग्राहेण हृतचेतसम् । धिक् कष्टं बाल एवाहम् अप्राप्तार्थमनोरथः

bāla uvāca: trātu māṃ kaścid ity āha grāheṇa hṛtacetasam / dhik kaṣṭaṃ bāla evāham aprāptārthamanorathaḥ

Sanskrit only: no published translation is held for this verse.

प्रयामि निधनं वक्त्रे ग्राहस्यास्य दुरात्मनः । शोचामि न स्वकं देहं ग्राहग्रस्तः सुदुःखितः

prayāmi nidhanaṃ vaktre grāhasyāsya durātmanaḥ / śocāmi na svakaṃ dehaṃ grāhagrastaḥ suduḥkhitaḥ

Sanskrit only: no published translation is held for this verse.

यथा शोचामि पितरं मातरं च तपस्विनीम् । ग्राहगृहीतं मां श्रुत्वा प्राप्तं निधनम् उत्सुकौ

yathā śocāmi pitaraṃ mātaraṃ ca tapasvinīm / grāhagṛhītaṃ māṃ śrutvā prāptaṃ nidhanam utsukau

Sanskrit only: no published translation is held for this verse.

प्रियपुत्राव् एकपुत्रौ प्राणान् नूनं त्यजिष्यतः । अहो बत सुकष्टं वै यो ऽहं बालो ऽकृताश्रमः । अन्तर्ग्राहेण ग्रस्तस् तु यास्यामि निधनं किल

priyaputrāv ekaputrau prāṇān nūnaṃ tyajiṣyataḥ / aho bata sukaṣṭaṃ vai yo 'haṃ bālo 'kṛtāśramaḥ / antargrāheṇa grastas tu yāsyāmi nidhanaṃ kila

Sanskrit only: no published translation is held for this verse.

ब्रह्मोवाच: श्रुत्वा तु देवी तं नादं विप्रस्यार्तस्य शोभना । उत्थाय प्रस्थिता तत्र यत्र तिष्ठत्य् असौ द्विजः

brahmovāca: śrutvā tu devī taṃ nādaṃ viprasyārtasya śobhanā / utthāya prasthitā tatra yatra tiṣṭhaty asau dvijaḥ

Sanskrit only: no published translation is held for this verse.

सापश्यद् इन्दुवदना बालकं चारुरूपिणम् । ग्राहस्य मुखम् आपन्नं वेपमानम् अवस्थितम्

sāpaśyad induvadanā bālakaṃ cārurūpiṇam / grāhasya mukham āpannaṃ vepamānam avasthitam

Sanskrit only: no published translation is held for this verse.

सो ऽपि ग्राहवरः श्रीमान् दृष्ट्वा देवीम् उपागताम् । तं गृहीत्वा द्रुतं यातो मध्यं सरस एव हि

so 'pi grāhavaraḥ śrīmān dṛṣṭvā devīm upāgatām / taṃ gṛhītvā drutaṃ yāto madhyaṃ sarasa eva hi

Sanskrit only: no published translation is held for this verse.

स कृष्यमाणस् तेजस्वी नादम् आर्तं तदाकरोत् । अथाह देवी दुःखार्ता बालं दृष्ट्वा ग्रहावृतम्

sa kṛṣyamāṇas tejasvī nādam ārtaṃ tadākarot / athāha devī duḥkhārtā bālaṃ dṛṣṭvā grahāvṛtam

Sanskrit only: no published translation is held for this verse.

पार्वत्य् उवाच: ग्राहराज महासत्त्व बालकं ह्य् एकपुत्रकम् । विमुञ्चेमं महादंष्ट्र क्षिप्रं भीमपराक्रम

pārvaty uvāca: grāharāja mahāsattva bālakaṃ hy ekaputrakam / vimuñcemaṃ mahādaṃṣṭra kṣipraṃ bhīmaparākrama

Sanskrit only: no published translation is held for this verse.

ग्राह उवाच: यो देवि दिवसे षष्ठे प्रथमं समुपैति माम् । स आहारो मम पुरा विहितो लोककर्तृभिः

grāha uvāca: yo devi divase ṣaṣṭhe prathamaṃ samupaiti mām / sa āhāro mama purā vihito lokakartṛbhiḥ

Sanskrit only: no published translation is held for this verse.

सो ऽयं मम महाभागे षष्ठे ऽहनि गिरीन्द्रजे । ब्रह्मणा प्रेरितो नूनं नैनं मोक्ष्ये कथंचन

so 'yaṃ mama mahābhāge ṣaṣṭhe 'hani girīndraje / brahmaṇā prerito nūnaṃ nainaṃ mokṣye kathaṃcana

Sanskrit only: no published translation is held for this verse.

देव्य् उवाच: यन् मया हिमवच्छृङ्गे चरितं तप उत्तमम् । तेन बालम् इमं मुञ्च ग्राहराज नमो ऽस्तु ते

devy uvāca: yan mayā himavacchṛṅge caritaṃ tapa uttamam / tena bālam imaṃ muñca grāharāja namo 'stu te

Sanskrit only: no published translation is held for this verse.

ग्राह उवाच: मा व्ययस् तपसो देवि भृशं बाले शुभानने । यद् ब्रवीमि कुरु श्रेष्ठे तथा मोक्षम् अवाप्स्यति

grāha uvāca: mā vyayas tapaso devi bhṛśaṃ bāle śubhānane / yad bravīmi kuru śreṣṭhe tathā mokṣam avāpsyati

Sanskrit only: no published translation is held for this verse.

देव्य् उवाच: ग्राहाधिप वदस्वाशु यत् सताम् अविगर्हितम् । तत् कृतं नात्र संदेहो यतो मे ब्राह्मणाः प्रियाः

devy uvāca: grāhādhipa vadasvāśu yat satām avigarhitam / tat kṛtaṃ nātra saṃdeho yato me brāhmaṇāḥ priyāḥ

Sanskrit only: no published translation is held for this verse.

ग्राह उवाच: यत् कृतं वै तपः किंचिद् भवत्या स्वल्पम् उत्तमम् । तत् सर्वं मे प्रयच्छाशु ततो मोक्षम् अवाप्स्यति

grāha uvāca: yat kṛtaṃ vai tapaḥ kiṃcid bhavatyā svalpam uttamam / tat sarvaṃ me prayacchāśu tato mokṣam avāpsyati

Sanskrit only: no published translation is held for this verse.

देव्य् उवाच: जन्मप्रभृति यत् पुण्यं महाग्राह कृतं मया । तत् ते सर्वं मया दत्तं बालं मुञ्च महाग्रह

devy uvāca: janmaprabhṛti yat puṇyaṃ mahāgrāha kṛtaṃ mayā / tat te sarvaṃ mayā dattaṃ bālaṃ muñca mahāgraha

Sanskrit only: no published translation is held for this verse.

ब्रह्मोवाच: प्रजज्वाल ततो ग्राहस् तपसा तेन भूषितः । आदित्य इव मध्याह्ने दुर्निरीक्षस् तदाभवत् । उवाच चैवं तुष्टात्मा देवीं लोकस्य धारिणीम्

brahmovāca: prajajvāla tato grāhas tapasā tena bhūṣitaḥ / āditya iva madhyāhne durnirīkṣas tadābhavat / uvāca caivaṃ tuṣṭātmā devīṃ lokasya dhāriṇīm

Sanskrit only: no published translation is held for this verse.

ग्राह उवाच: देवि किं कृत्यम् एतत् ते सुनिश्चित्य महाव्रते । तपसो ऽप्य् अर्जनं दुःखं तस्य त्यागो न शस्यते

grāha uvāca: devi kiṃ kṛtyam etat te suniścitya mahāvrate / tapaso 'py arjanaṃ duḥkhaṃ tasya tyāgo na śasyate

Sanskrit only: no published translation is held for this verse.

गृहाण तप एव त्वं बालं चेमं सुमध्यमे । तुष्टो ऽस्मि ते विप्रभक्त्या वरं तस्माद् ददामि ते । सा त्व् एवम् उक्ता ग्राहेण उवाचेदं महाव्रता

gṛhāṇa tapa eva tvaṃ bālaṃ cemaṃ sumadhyame / tuṣṭo 'smi te viprabhaktyā varaṃ tasmād dadāmi te / sā tv evam uktā grāheṇa uvācedaṃ mahāvratā

Sanskrit only: no published translation is held for this verse.

देव्य् उवाच: देहेनापि मया ग्राह रक्ष्यो विप्रः प्रयत्नतः । तपः पुनर् मया प्राप्यं न प्राप्यो ब्राह्मणः पुनः

devy uvāca: dehenāpi mayā grāha rakṣyo vipraḥ prayatnataḥ / tapaḥ punar mayā prāpyaṃ na prāpyo brāhmaṇaḥ punaḥ

Sanskrit only: no published translation is held for this verse.

सुनिश्चित्य महाग्राह कृतं बालस्य मोक्षणम् । न विप्रेभ्यस् तपः श्रेष्ठं श्रेष्ठा मे ब्राह्मणा मताः

suniścitya mahāgrāha kṛtaṃ bālasya mokṣaṇam / na viprebhyas tapaḥ śreṣṭhaṃ śreṣṭhā me brāhmaṇā matāḥ

Sanskrit only: no published translation is held for this verse.

दत्त्वा चाहं न गृह्णामि ग्राहेन्द्र विहितं हि ते । नहि कश्चिन् नरो ग्राह प्रदत्तं पुनर् आहरेत्

dattvā cāhaṃ na gṛhṇāmi grāhendra vihitaṃ hi te / nahi kaścin naro grāha pradattaṃ punar āharet

Sanskrit only: no published translation is held for this verse.

दत्तम् एतन् मया तुभ्यं नाददानि हि तत् पुनः । त्वय्य् एव रमताम् एतद् बालश् चायं विमुच्यताम्

dattam etan mayā tubhyaṃ nādadāni hi tat punaḥ / tvayy eva ramatām etad bālaś cāyaṃ vimucyatām

Sanskrit only: no published translation is held for this verse.

ब्रह्मोवाच: तथोक्तस् तां प्रशस्याथ मुक्त्वा बालं नमस्य च । देवीम् आदित्यावभासस् तत्रैवान्तरधीयत

brahmovāca: tathoktas tāṃ praśasyātha muktvā bālaṃ namasya ca / devīm ādityāvabhāsas tatraivāntaradhīyata

Sanskrit only: no published translation is held for this verse.

बालो ऽपि सरसस् तीरे मुक्तो ग्राहेण वै तदा । स्वप्नलब्ध इवार्थौघस् तत्रैवान्तरधीयत

bālo 'pi sarasas tīre mukto grāheṇa vai tadā / svapnalabdha ivārthaughas tatraivāntaradhīyata

Sanskrit only: no published translation is held for this verse.

तपसो ऽपचयं मत्वा देवी हिमगिरीन्द्रजा । भूय एव तपः कर्तुम् आरेभे नियमस्थिता

tapaso 'pacayaṃ matvā devī himagirīndrajā / bhūya eva tapaḥ kartum ārebhe niyamasthitā

Sanskrit only: no published translation is held for this verse.

कर्तुकामां तपो भूयो ज्ञात्वा तां शंकरः स्वयम् । प्रोवाच वचनं विप्रा मा कृथास् तप इत्य् उत

kartukāmāṃ tapo bhūyo jñātvā tāṃ śaṃkaraḥ svayam / provāca vacanaṃ viprā mā kṛthās tapa ity uta

Sanskrit only: no published translation is held for this verse.

मह्यम् एतत् तपो देवि त्वया दत्तं महाव्रते । तत् तेनैवाक्षयं तुभ्यं भविष्यति सहस्रधा

mahyam etat tapo devi tvayā dattaṃ mahāvrate / tat tenaivākṣayaṃ tubhyaṃ bhaviṣyati sahasradhā

Sanskrit only: no published translation is held for this verse.

इति लब्ध्वा वरं देवी तपसो ऽक्षयम् उत्तमम् । स्वयंवरम् उदीक्षन्ती तस्थौ प्रीता मुदा युता

iti labdhvā varaṃ devī tapaso 'kṣayam uttamam / svayaṃvaram udīkṣantī tasthau prītā mudā yutā

Sanskrit only: no published translation is held for this verse.