ब्रह्मोवाच: प्रविष्टे भवनं देवे सूपविष्टे वरासने । स वक्रो मन्मथः क्रूरो देवं वेद्धुमना भवत्
brahmovāca: praviṣṭe bhavanaṃ deve sūpaviṣṭe varāsane / sa vakro manmathaḥ krūro devaṃ veddhumanā bhavat
Sanskrit only: no published translation is held for this verse.
तम् अनाचारसंयुक्तं दुरात्मानं कुलाधमम् । लोकान् सर्वान् पीडयन्तं सर्वाङ्गावरणात्मकम्
tam anācārasaṃyuktaṃ durātmānaṃ kulādhamam / lokān sarvān pīḍayantaṃ sarvāṅgāvaraṇātmakam
Sanskrit only: no published translation is held for this verse.
ऋषीणां विघ्नकर्तारं नियमानां व्रतैः सह । चक्राह्वयस्य रूपेण रत्या सह समागतम्
ṛṣīṇāṃ vighnakartāraṃ niyamānāṃ vrataiḥ saha / cakrāhvayasya rūpeṇa ratyā saha samāgatam
Sanskrit only: no published translation is held for this verse.
अथाततायिनं विप्रा वेद्धुकामं सुरेश्वरः । नयनेन तृतीयेन सावज्ञं समवैक्षत
athātatāyinaṃ viprā veddhukāmaṃ sureśvaraḥ / nayanena tṛtīyena sāvajñaṃ samavaikṣata
Sanskrit only: no published translation is held for this verse.
ततो ऽस्य नेत्रजो वह्निर् ज्वालामालासहस्रवान् । सहसा रतिभर्तारम् अदहत् सपरिच्छदम्
tato 'sya netrajo vahnir jvālāmālāsahasravān / sahasā ratibhartāram adahat saparicchadam
Sanskrit only: no published translation is held for this verse.
स दह्यमानः करुणम् आर्तो ऽक्रोशत विस्वरम् । प्रसादयंश् च तं देवं पपात धरणीतले
sa dahyamānaḥ karuṇam ārto 'krośata visvaram / prasādayaṃś ca taṃ devaṃ papāta dharaṇītale
Sanskrit only: no published translation is held for this verse.
अथ सो ऽग्निपरीताङ्गो मन्मथो लोकतापनः । पपात सहसा मूर्छां क्षणेन समपद्यत
atha so 'gniparītāṅgo manmatho lokatāpanaḥ / papāta sahasā mūrchāṃ kṣaṇena samapadyata
Sanskrit only: no published translation is held for this verse.
पत्नी तु करुणं तस्य विललाप सुदुःखिता । देवीं देवं च दुःखार्ता अयाचत् करुणावती
patnī tu karuṇaṃ tasya vilalāpa suduḥkhitā / devīṃ devaṃ ca duḥkhārtā ayācat karuṇāvatī
Sanskrit only: no published translation is held for this verse.
तस्याश् च करुणां ज्ञात्वा देवौ तौ करुणात्मकौ । ऊचतुस् तां समालोक्य समाश्वास्य च दुःखिताम्
tasyāś ca karuṇāṃ jñātvā devau tau karuṇātmakau / ūcatus tāṃ samālokya samāśvāsya ca duḥkhitām
Sanskrit only: no published translation is held for this verse.
उमामहेश्वराव् ऊचतुः: दग्ध एव ध्रुवं भद्रे नास्योत्पत्तिर् इहेष्यते । अशरीरो ऽपि ते भद्रे कार्यं सर्वं करिष्यति
umāmaheśvarāv ūcatuḥ: dagdha eva dhruvaṃ bhadre nāsyotpattir iheṣyate / aśarīro 'pi te bhadre kāryaṃ sarvaṃ kariṣyati
Sanskrit only: no published translation is held for this verse.
यदा तु विष्णुर् भगवान् वसुदेवसुतः शुभे । तदा तस्य सुतो यश् च पतिस् ते संभविष्यति
yadā tu viṣṇur bhagavān vasudevasutaḥ śubhe / tadā tasya suto yaś ca patis te saṃbhaviṣyati
Sanskrit only: no published translation is held for this verse.
ब्रह्मोवाच: ततः सा तु वरं लब्ध्वा कामपत्नी शुभानना । जगामेष्टं तदा देशं प्रीतियुक्ता गतक्लमा
brahmovāca: tataḥ sā tu varaṃ labdhvā kāmapatnī śubhānanā / jagāmeṣṭaṃ tadā deśaṃ prītiyuktā gataklamā
Sanskrit only: no published translation is held for this verse.
दग्ध्वा कामं ततो विप्राः स तु देवो वृषध्वजः । रेमे तत्रोमया सार्धं प्रहृष्टस् तु हिमाचले
dagdhvā kāmaṃ tato viprāḥ sa tu devo vṛṣadhvajaḥ / reme tatromayā sārdhaṃ prahṛṣṭas tu himācale
Sanskrit only: no published translation is held for this verse.
कन्दरेषु च रम्येषु पद्मिनीषु गुहासु च । निर्झरेषु च रम्येषु कर्णिकारवनेषु च
kandareṣu ca ramyeṣu padminīṣu guhāsu ca / nirjhareṣu ca ramyeṣu karṇikāravaneṣu ca
Sanskrit only: no published translation is held for this verse.
नदीतीरेषु कान्तेषु किंनराचरितेषु च । शृङ्गेषु शैलराजस्य तडागेषु सरःसु च
nadītīreṣu kānteṣu kiṃnarācariteṣu ca / śṛṅgeṣu śailarājasya taḍāgeṣu saraḥsu ca
Sanskrit only: no published translation is held for this verse.
वनराजिषु रम्यासु नानापक्षिरुतेषु च । तीर्थेषु पुण्यतोयेषु मुनीनाम् आश्रमेषु च
vanarājiṣu ramyāsu nānāpakṣiruteṣu ca / tīrtheṣu puṇyatoyeṣu munīnām āśrameṣu ca
Sanskrit only: no published translation is held for this verse.
एतेषु पुण्येषु मनोहरेषु ब्र्प् ३८।१७अ देशेषु विद्याधरभूषितेषु ब्र्प् ३८।१७ब् गन्धर्वयक्षामरसेवितेषु ब्र्प् ३८।१७च् रेमे स देव्या सहितस् त्रिनेत्रः ब्र्प् ३८।१७द् देवैः सहेन्द्रैर् मुनियक्षसिद्धैर् ब्र्प् ३८।१८अ गन्धर्वविद्याधरदैत्यमुख्यैः ब्र्प् ३८।१८ब् अन्यैश् च सर्वैर् विविधैर् वृतो ऽसौ ब्र्प् ३८।१८च् तस्मिन् नगे हर्षम् अवाप शंभुः ब्र्प् ३८।१८द् नृत्यन्ति तत्राप्सरसः सुरेशा ब्र्प् ३८।१९अ गायन्ति गन्धर्वगणाः प्रहृष्टाः ब्र्प् ३८।१९ब् दिव्यानि वाद्यान्य् अथ वादयन्ति ब्र्प् ३८।१९च् केचिद् द्रुतं देववरं स्तुवन्ति ब्र्प् ३८।१९द् एवं स देवः स्वगणैर् उपेतो ब्र्प् ३८।२०अ महाबलैः शक्रयमाग्नितुल्यैः ब्र्प् ३८।२०ब् देव्याः प्रियार्थं भगनेत्रहन्ता ब्र्प् ३८।२०च् गिरिं न तत्याज तदा महात्मा ब्र्प् ३८।२०द् ऋषय ऊचुः: देव्याः समं तु भगवांस् तिष्ठंस् तत्र स कामहा । अकरोत् किं महादेव एतद् इच्छाम वेदितुम्
eteṣu puṇyeṣu manohareṣu BrP 38.17a deśeṣu vidyādharabhūṣiteṣu BrP 38.17b gandharvayakṣāmaraseviteṣu BrP 38.17c reme sa devyā sahitas trinetraḥ BrP 38.17d devaiḥ sahendrair muniyakṣasiddhair BrP 38.18a gandharvavidyādharadaityamukhyaiḥ BrP 38.18b anyaiś ca sarvair vividhair vṛto 'sau BrP 38.18c tasmin nage harṣam avāpa śaṃbhuḥ BrP 38.18d nṛtyanti tatrāpsarasaḥ sureśā BrP 38.19a gāyanti gandharvagaṇāḥ prahṛṣṭāḥ BrP 38.19b divyāni vādyāny atha vādayanti BrP 38.19c kecid drutaṃ devavaraṃ stuvanti BrP 38.19d evaṃ sa devaḥ svagaṇair upeto BrP 38.20a mahābalaiḥ śakrayamāgnitulyaiḥ BrP 38.20b devyāḥ priyārthaṃ bhaganetrahantā BrP 38.20c giriṃ na tatyāja tadā mahātmā BrP 38.20d ṛṣaya ūcuḥ: devyāḥ samaṃ tu bhagavāṃs tiṣṭhaṃs tatra sa kāmahā / akarot kiṃ mahādeva etad icchāma veditum
Sanskrit only: no published translation is held for this verse.
ब्रह्मोवाच: भगवान् हिमवच्छृङ्गे स हि देव्याः प्रियेच्छया । गणेशैर् विविधाकारैर् हासं संजनयन् मुहुः
brahmovāca: bhagavān himavacchṛṅge sa hi devyāḥ priyecchayā / gaṇeśair vividhākārair hāsaṃ saṃjanayan muhuḥ
Sanskrit only: no published translation is held for this verse.
देवीं बालेन्दुतिलको रमयंश् च रराम च । महानुभावैः सर्वज्ञैः कामरूपधरैः शुभैः
devīṃ bālendutilako ramayaṃś ca rarāma ca / mahānubhāvaiḥ sarvajñaiḥ kāmarūpadharaiḥ śubhaiḥ
Sanskrit only: no published translation is held for this verse.
अथ देव्य् आससादैका मातरं परमेश्वरी । आसीनां काञ्चने शुभ्र आसने परमाद्भुते
atha devy āsasādaikā mātaraṃ parameśvarī / āsīnāṃ kāñcane śubhra āsane paramādbhute
Sanskrit only: no published translation is held for this verse.
अथ दृष्ट्वा सतीं देवीम् आगतां सुररूपिणीम् । आसनेन महार्हेण शंपादयद् अनिन्दिताम् । आसीनां ताम् अथोवाच मेना हिमवतः प्रिया
atha dṛṣṭvā satīṃ devīm āgatāṃ surarūpiṇīm / āsanena mahārheṇa śaṃpādayad aninditām / āsīnāṃ tām athovāca menā himavataḥ priyā
Sanskrit only: no published translation is held for this verse.
मेनोवाच: चिरस्यागमनं ते ऽद्य वद पुत्रि शुभेक्षणे । दरिद्रा क्रीडनैस् त्वं हि भर्त्रा क्रीडसि संगता
menovāca: cirasyāgamanaṃ te 'dya vada putri śubhekṣaṇe / daridrā krīḍanais tvaṃ hi bhartrā krīḍasi saṃgatā
Sanskrit only: no published translation is held for this verse.
ये दरिद्रा भवन्ति स्म तथैव च निराश्रयाः । उमे त एवं क्रीडन्ति यथा तव पतिः शुभे
ye daridrā bhavanti sma tathaiva ca nirāśrayāḥ / ume ta evaṃ krīḍanti yathā tava patiḥ śubhe
Sanskrit only: no published translation is held for this verse.
ब्रह्मोवाच: सैवम् उक्ताथ मात्रा तु नातिहृष्टमना भवत् । महत्या क्षमया युक्ता न किंचित् ताम् उवाच ह । विसृष्टा च तदा मात्रा गत्वा देवम् उवाच ह
brahmovāca: saivam uktātha mātrā tu nātihṛṣṭamanā bhavat / mahatyā kṣamayā yuktā na kiṃcit tām uvāca ha / visṛṣṭā ca tadā mātrā gatvā devam uvāca ha
Sanskrit only: no published translation is held for this verse.
पार्वत्य् उवाच: भगवन् देवदेवेश नेह वत्स्यामि भूधरे । अन्यं कुरु ममावासं भुवनेषु महाद्युते
pārvaty uvāca: bhagavan devadeveśa neha vatsyāmi bhūdhare / anyaṃ kuru mamāvāsaṃ bhuvaneṣu mahādyute
Sanskrit only: no published translation is held for this verse.
देव उवाच: सदा त्वम् उच्यमाना वै मया वासार्थम् ईश्वरि । अन्यं न रोचितवती वासं वै देवि कर्हिचित्
deva uvāca: sadā tvam ucyamānā vai mayā vāsārtham īśvari / anyaṃ na rocitavatī vāsaṃ vai devi karhicit
Sanskrit only: no published translation is held for this verse.
इदानीं स्वयम् एव त्वं वासम् अन्यत्र शोभने । कस्मान् मृगयसे देवि ब्रूहि तन् मे शुचिस्मिते
idānīṃ svayam eva tvaṃ vāsam anyatra śobhane / kasmān mṛgayase devi brūhi tan me śucismite
Sanskrit only: no published translation is held for this verse.
देव्य् उवाच: गृहं गतास्मि देवेश पितुर् अद्य महात्मनः । दृष्ट्वा च तत्र मे माता विजने लोकभावने
devy uvāca: gṛhaṃ gatāsmi deveśa pitur adya mahātmanaḥ / dṛṣṭvā ca tatra me mātā vijane lokabhāvane
Sanskrit only: no published translation is held for this verse.
आसनादिभिर् अभ्यर्च्य सा माम् एवम् अभाषत । उमे तव सदा भर्ता दरिद्रः क्रीडनैः शुभे
āsanādibhir abhyarcya sā mām evam abhāṣata / ume tava sadā bhartā daridraḥ krīḍanaiḥ śubhe
Sanskrit only: no published translation is held for this verse.
क्रीडते नहि देवानां क्रीडा भवति तादृशी । यत् किल त्वं महादेव गणैश् च विविधैस् तथा । रमसे तद् अनिष्टं हि मम मातुर् वृषध्वज
krīḍate nahi devānāṃ krīḍā bhavati tādṛśī / yat kila tvaṃ mahādeva gaṇaiś ca vividhais tathā / ramase tad aniṣṭaṃ hi mama mātur vṛṣadhvaja
Sanskrit only: no published translation is held for this verse.
ब्रह्मोवाच: ततो देवः प्रहस्याह देवीं हासयितुं प्रभुः ॥* ब्र्प् ३८।३५ ॥ देव उवाच: एवम् एव न संदेहः कस्मान् मन्युर् अभूत् तव । कृत्तिवासा ह्य् अवासाश् च श्मशाननिलयश् च ह
brahmovāca: tato devaḥ prahasyāha devīṃ hāsayituṃ prabhuḥ //* BrP 38.35 // deva uvāca: evam eva na saṃdehaḥ kasmān manyur abhūt tava / kṛttivāsā hy avāsāś ca śmaśānanilayaś ca ha
Sanskrit only: no published translation is held for this verse.
अनिकेतो ह्य् अरण्येषु पर्वतानां गुहासु च । विचरामि गणैर् नग्नैर् वृतो ऽम्भोजविलोचने
aniketo hy araṇyeṣu parvatānāṃ guhāsu ca / vicarāmi gaṇair nagnair vṛto 'mbhojavilocane
Sanskrit only: no published translation is held for this verse.
मा क्रुधो देवि मात्रे त्वं तथ्यं मातावदत् तव । नहि मातृसमो बन्धुर् जन्तूनाम् अस्ति भूतले
mā krudho devi mātre tvaṃ tathyaṃ mātāvadat tava / nahi mātṛsamo bandhur jantūnām asti bhūtale
Sanskrit only: no published translation is held for this verse.
देव्य् उवाच: न मे ऽस्ति बन्धुभिः किंचित् कृत्यं सुरवरेश्वर । तथा कुरु महादेव यथाहं सुखम् आप्नुयाम्
devy uvāca: na me 'sti bandhubhiḥ kiṃcit kṛtyaṃ suravareśvara / tathā kuru mahādeva yathāhaṃ sukham āpnuyām
Sanskrit only: no published translation is held for this verse.