तथा असङ्ख्य-जीवात्मकस्य समष्टि-जीवस्य प्रबोधं वक्तुं पुनः कारणार्णोनिधि-शायिनस् तृतीय-स्कन्धोक्तानुसारिणीं सृष्टि-प्रक्रियां विवृत्याह - तत्त्वानीति त्रयेण । तत्र द्वयम् आह - मायया स्व-शक्त्या परस्परं तत्त्वानि योजयन्न् इति योजनानन्तरम् एव निरीहतया योग-निद्राम् एव स्वीकृतवान् इत्य् अर्थः ॥ १९ ॥ योजयित्वा तु तान्य् एव प्रविवेश स्वयं गुहाम् । गुहां प्रविष्टे तस्मिंस् तु जीवात्मा प्रतिबुध्यते ॥२०॥
tathā asaṅkhya-jīvātmakasya samaṣṭi-jīvasya prabodhaṃ vaktuṃ punaḥ kāraṇārṇonidhi-śāyinas tṛtīya-skandhoktānusāriṇīṃ sṛṣṭi-prakriyāṃ vivṛtyāha - tattvānīti trayeṇa | tatra dvayam āha - māyayā sva-śaktyā parasparaṃ tattvāni yojayann iti yojanānantaram eva nirīhatayā yoga-nidrām eva svīkṛtavān ity arthaḥ || 19 || yojayitvā tu tāny eva praviveśa svayaṃ guhām | guhāṃ praviṣṭe tasmiṃs tu jīvātmā pratibudhyate ||20||
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.