Library·Brahmavaivarta Purāṇa·2·2.10
नारद उवाच ।। श्रुतं पृथिव्युपाख्यानमतीव सुमनोहरम् ।। गङ्गोपाख्यानमधुना वद वेदविदां वर
nārada uvāca || śrutaṃ pṛthivyupākhyānamatīva sumanoharam || gaṅgopākhyānamadhunā vada vedavidāṃ vara
Sanskrit only: no published translation is held for this verse.
भारतं भारतीशा पादाजगाम सुरेश्वरी ।। विष्णुस्वरूपा परमा स्वयं विष्णुपदी सती
bhārataṃ bhāratīśā pādājagāma sureśvarī || viṣṇusvarūpā paramā svayaṃ viṣṇupadī satī
Sanskrit only: no published translation is held for this verse.
कथं कुत्र युगे केन प्रार्थिता प्रेरिता पुरा ।। तत्क्रमं श्रोतुमिच्छामि पापघ्नं पुण्यदं शुभम्
kathaṃ kutra yuge kena prārthitā preritā purā || tatkramaṃ śrotumicchāmi pāpaghnaṃ puṇyadaṃ śubham
Sanskrit only: no published translation is held for this verse.
।। नारायण उवाच ।। राजराजेश्वरः श्रीमन्सगरः सृर्य्यवंशजः ।। तस्य भार्या च वैदर्भी शैब्या च द्वे मनोहरे
|| nārāyaṇa uvāca || rājarājeśvaraḥ śrīmansagaraḥ sṛryyavaṃśajaḥ || tasya bhāryā ca vaidarbhī śaibyā ca dve manohare
Sanskrit only: no published translation is held for this verse.
सत्यस्वरूपः सत्येष्टः सत्यवाक्सत्यभावनः ।। सत्यधर्मविचारज्ञः परं सत्ययुगोद्भवः
satyasvarūpaḥ satyeṣṭaḥ satyavāksatyabhāvanaḥ || satyadharmavicārajñaḥ paraṃ satyayugodbhavaḥ
Sanskrit only: no published translation is held for this verse.
एककन्यश्चैकपुत्रो बभूव सुमनोहरः ।। असमञ्ज इति ख्यातः शैब्यायां कुलवर्द्धनः
ekakanyaścaikaputro babhūva sumanoharaḥ || asamañja iti khyātaḥ śaibyāyāṃ kulavarddhanaḥ
Sanskrit only: no published translation is held for this verse.
अन्या चाराधयामास शङ्करं पुत्रकामुकी ।। बभूव गर्भस्तस्याश्च शिवस्य तु वरेण च
anyā cārādhayāmāsa śaṅkaraṃ putrakāmukī || babhūva garbhastasyāśca śivasya tu vareṇa ca
Sanskrit only: no published translation is held for this verse.
गते शताब्दे पूर्णे च मांसपिण्डं सुषाव सा ।। तद्दृष्ट्वा च शिवं ध्यात्वा रुरोदोच्चैः पुनः पुनः
gate śatābde pūrṇe ca māṃsapiṇḍaṃ suṣāva sā || taddṛṣṭvā ca śivaṃ dhyātvā rurodoccaiḥ punaḥ punaḥ
Sanskrit only: no published translation is held for this verse.
शम्भुर्ब्राह्मणरूपेण तत्समीपं जगाम ह ।। चकार संविभज्यैतत्पिण्डं षष्टिसहस्रधा
śambhurbrāhmaṇarūpeṇa tatsamīpaṃ jagāma ha || cakāra saṃvibhajyaitatpiṇḍaṃ ṣaṣṭisahasradhā
Sanskrit only: no published translation is held for this verse.
सर्वे बभूवुः पुत्राश्च महाबलपराक्रमा ।। ग्रीष्ममध्याह्नमार्त्तण्डप्रभाजुष्टकलेवराः
sarve babhūvuḥ putrāśca mahābalaparākramā || grīṣmamadhyāhnamārttaṇḍaprabhājuṣṭakalevarāḥ
Sanskrit only: no published translation is held for this verse.
कपिलर्षेः कोपदृष्ट्या बभूवुर्भस्मसाच्च ते ।। राजा रुरोद तच्छ्रुत्वा जगाम मरणं शुचा
kapilarṣeḥ kopadṛṣṭyā babhūvurbhasmasācca te || rājā ruroda tacchrutvā jagāma maraṇaṃ śucā
Sanskrit only: no published translation is held for this verse.
तपश्चकारासमंजो गङ्गानयनकारणात् ।। तपः कृत्वा लक्षवर्षं म्रियते कालयोगतः
tapaścakārāsamaṃjo gaṅgānayanakāraṇāt || tapaḥ kṛtvā lakṣavarṣaṃ mriyate kālayogataḥ
Sanskrit only: no published translation is held for this verse.
दिलीपस्तस्य तनयो गङ्गानयनकारणात ।। तपः कृत्वा लक्षवर्ष ययौ लोकान्तरं नृपः
dilīpastasya tanayo gaṅgānayanakāraṇāta || tapaḥ kṛtvā lakṣavarṣa yayau lokāntaraṃ nṛpaḥ
Sanskrit only: no published translation is held for this verse.
अंशुमाँस्तस्य पुत्रश्च गङ्गानयनकारणात् ।। तपः कृत्वा लक्षवर्षं मृतश्च कालयोगतः
aṃśumā~stasya putraśca gaṅgānayanakāraṇāt || tapaḥ kṛtvā lakṣavarṣaṃ mṛtaśca kālayogataḥ
Sanskrit only: no published translation is held for this verse.
भगीरथस्तस्य पुत्रो महाभागवतः सुधीः ।। वैष्णवो विष्णुभक्तश्च गुणवानजरामरः
bhagīrathastasya putro mahābhāgavataḥ sudhīḥ || vaiṣṇavo viṣṇubhaktaśca guṇavānajarāmaraḥ
Sanskrit only: no published translation is held for this verse.
तपः कृत्वा लक्षवर्षं गङ्गानयनकारणात् ।। ददर्श कृष्णं हृष्टास्यं सूर्य्यकोटिसमप्रभम्
tapaḥ kṛtvā lakṣavarṣaṃ gaṅgānayanakāraṇāt || dadarśa kṛṣṇaṃ hṛṣṭāsyaṃ sūryyakoṭisamaprabham
Sanskrit only: no published translation is held for this verse.
द्विभुजं मुरलीहस्तं किशोरं गोपवेषकम् ।। परमात्मानमीशं च भक्तानुग्रहविग्रहम्
dvibhujaṃ muralīhastaṃ kiśoraṃ gopaveṣakam || paramātmānamīśaṃ ca bhaktānugrahavigraham
Sanskrit only: no published translation is held for this verse.
स्वेच्छामयं परं ब्रह्म परिपूर्णतमं विभुम् ।। ब्रह्मविष्णुशिवाद्यैश्च स्तुतं मुनिगणैर्युतम्
svecchāmayaṃ paraṃ brahma paripūrṇatamaṃ vibhum || brahmaviṣṇuśivādyaiśca stutaṃ munigaṇairyutam
Sanskrit only: no published translation is held for this verse.
निर्लिप्तं साक्षिरूपं च निर्गुणं प्रकृतेः परम् ।। ईषद्धास्यं प्रसन्नास्यं भक्तानुग्रहकारकम्
nirliptaṃ sākṣirūpaṃ ca nirguṇaṃ prakṛteḥ param || īṣaddhāsyaṃ prasannāsyaṃ bhaktānugrahakārakam
Sanskrit only: no published translation is held for this verse.
वह्निशुद्धां शुकाधानं रत्नभूषणभूषितम् ।। तुष्टाव दृष्ट्वा नृपतिः प्रणम्य च पुनःपुनः
vahniśuddhāṃ śukādhānaṃ ratnabhūṣaṇabhūṣitam || tuṣṭāva dṛṣṭvā nṛpatiḥ praṇamya ca punaḥpunaḥ
Sanskrit only: no published translation is held for this verse.
लीलया च वरं प्राप्य वाञ्छितं वंशतारकम् ।। तत्राजगाम गंगा सा स्मरणात्परमात्मनः ।।
līlayā ca varaṃ prāpya vāñchitaṃ vaṃśatārakam || tatrājagāma gaṃgā sā smaraṇātparamātmanaḥ ||
Sanskrit only: no published translation is held for this verse.
तं प्रणम्य प्रतस्थौ च तत्पुरः संपुटाञ्जलिः ।। उवाच भगवांस्तत्र तां दृष्ट्वा सुमनोहरम् ।। कुर्वतीं स्तवनं दिव्यं पुलकाञ्चितविग्रहाम्
taṃ praṇamya pratasthau ca tatpuraḥ saṃpuṭāñjaliḥ || uvāca bhagavāṃstatra tāṃ dṛṣṭvā sumanoharam || kurvatīṃ stavanaṃ divyaṃ pulakāñcitavigrahām
Sanskrit only: no published translation is held for this verse.
।। श्रीकृष्ण उवाच ।। भारतं भारतीशापाद्गच्छ शीघ्रं सुरेश्वरि
|| śrīkṛṣṇa uvāca || bhārataṃ bhāratīśāpādgaccha śīghraṃ sureśvari
Sanskrit only: no published translation is held for this verse.
सगरस्य सुतान्सर्वान्पूतान्कुरु ममाज्ञया ।। त्वत्स्पर्शवायुना पूता यास्यन्ति मम मन्दिरम्
sagarasya sutānsarvānpūtānkuru mamājñayā || tvatsparśavāyunā pūtā yāsyanti mama mandiram
Sanskrit only: no published translation is held for this verse.
बिभ्रतो दिव्यमूर्त्तिं ते दिव्यस्यन्दनगामिनः ।। मत्पार्षदा भविष्यन्ति सर्वकालं निरामयाः
bibhrato divyamūrttiṃ te divyasyandanagāminaḥ || matpārṣadā bhaviṣyanti sarvakālaṃ nirāmayāḥ
Sanskrit only: no published translation is held for this verse.
कर्मभोगं समुच्छिद्य कृतं जन्मनि जन्मनि ।। नानाविधं महत्स्वल्पं पापं स्याद्भारते नृभिः
karmabhogaṃ samucchidya kṛtaṃ janmani janmani || nānāvidhaṃ mahatsvalpaṃ pāpaṃ syādbhārate nṛbhiḥ
Sanskrit only: no published translation is held for this verse.
गंगायाः स्पर्शवातेन नश्यतीति श्रुतौ श्रुतम् ।। स्पर्शनं दर्शनाद्देव्याः पुण्यं दशगुणं ततः
gaṃgāyāḥ sparśavātena naśyatīti śrutau śrutam || sparśanaṃ darśanāddevyāḥ puṇyaṃ daśaguṇaṃ tataḥ
Sanskrit only: no published translation is held for this verse.
मौसलस्नानमात्रेण सामान्यदिवसे नृणाम्।। कोटिजन्मार्जितं पापं नश्यतीति श्रुतौ श्रुतम्
mausalasnānamātreṇa sāmānyadivase nṛṇām|| koṭijanmārjitaṃ pāpaṃ naśyatīti śrutau śrutam
Sanskrit only: no published translation is held for this verse.
यानि कानि च पापानि ब्रह्महत्यादिकानि च।। नानाजन्मार्जितान्येव कामतोऽपि कृतानि च
yāni kāni ca pāpāni brahmahatyādikāni ca|| nānājanmārjitānyeva kāmato'pi kṛtāni ca
Sanskrit only: no published translation is held for this verse.
तानि सर्वाणि नश्यन्ति मौसलस्नानतो नृणाम् ।। पुण्याहस्नानजं पुण्यं वेदा नैव वदन्ति च
tāni sarvāṇi naśyanti mausalasnānato nṛṇām || puṇyāhasnānajaṃ puṇyaṃ vedā naiva vadanti ca
Sanskrit only: no published translation is held for this verse.
केचिद्वदन्ति ते देवि फलमेव यथागमम् ।। ब्रह्मविष्णुशिवायाश्च सर्वे नैव विदन्ति च
kecidvadanti te devi phalameva yathāgamam || brahmaviṣṇuśivāyāśca sarve naiva vidanti ca
Sanskrit only: no published translation is held for this verse.
सामान्यदिवसस्नानसङ्कल्पं शृणु सुन्दरि ।। पुण्यं दशगुणं चैव मौसलस्नानतः परम्
sāmānyadivasasnānasaṅkalpaṃ śṛṇu sundari || puṇyaṃ daśaguṇaṃ caiva mausalasnānataḥ param
Sanskrit only: no published translation is held for this verse.
ततस्त्रिंशद्गुणं पुण्यं रविसंक्रमणे दिने ।। अमायां चापि तत्तुल्यं द्विगुणं दक्षिणायने
tatastriṃśadguṇaṃ puṇyaṃ ravisaṃkramaṇe dine || amāyāṃ cāpi tattulyaṃ dviguṇaṃ dakṣiṇāyane
Sanskrit only: no published translation is held for this verse.
ततो दशगुणं पुण्यं नराणामुत्तरायणे ।। चातुर्मास्यां पौर्णमास्यामनन्तं पुण्य मेव च
tato daśaguṇaṃ puṇyaṃ narāṇāmuttarāyaṇe || cāturmāsyāṃ paurṇamāsyāmanantaṃ puṇya meva ca
Sanskrit only: no published translation is held for this verse.
अक्षयायां च तत्तुल्यं नैतद्वेदे निरूपितम् ।। असंख्यपुण्यफलदमेतेषु स्नानदानकम्
akṣayāyāṃ ca tattulyaṃ naitadvede nirūpitam || asaṃkhyapuṇyaphaladameteṣu snānadānakam
Sanskrit only: no published translation is held for this verse.
सामान्यदिवसे स्नानं ध्यानाच्छतगुणं फलम् ।। मन्वन्तरेषु देवेशि युगादिषु तथैव च
sāmānyadivase snānaṃ dhyānācchataguṇaṃ phalam || manvantareṣu deveśi yugādiṣu tathaiva ca
Sanskrit only: no published translation is held for this verse.
माघस्य सितसप्तम्यां भीष्माष्टम्यांतथैव च ।। तथा ऽशोकाष्टमीतिथ्यां नवम्यां च तथा हरेः
māghasya sitasaptamyāṃ bhīṣmāṣṭamyāṃtathaiva ca || tathā 'śokāṣṭamītithyāṃ navamyāṃ ca tathā hareḥ
Sanskrit only: no published translation is held for this verse.
ततोऽपि द्विगुणं पुण्यं नन्दायां तव दुर्लभम् ।। दशपापहरायां तु दशम्यां सुमहत्फलम्
tato'pi dviguṇaṃ puṇyaṃ nandāyāṃ tava durlabham || daśapāpaharāyāṃ tu daśamyāṃ sumahatphalam
Sanskrit only: no published translation is held for this verse.
नन्दासमं च वारुण्यां महत्पूर्वं चतुर्गुणम् ।। ततश्चतुर्गुणं पुण्यं द्विमहत्पूर्वके सति
nandāsamaṃ ca vāruṇyāṃ mahatpūrvaṃ caturguṇam || tataścaturguṇaṃ puṇyaṃ dvimahatpūrvake sati
Sanskrit only: no published translation is held for this verse.
पुण्यं कोटिगुणं चैव सामान्यस्नानतो भवेत् ।। चन्द्रसूर्योपरागेषु स्मृतं दशगुणं ततः
puṇyaṃ koṭiguṇaṃ caiva sāmānyasnānato bhavet || candrasūryoparāgeṣu smṛtaṃ daśaguṇaṃ tataḥ
Sanskrit only: no published translation is held for this verse.
पुण्येऽप्यर्द्धोदये काले ततः शतगुणं फलम् ।। सर्वेषामेव सङ्कल्पो वैष्णवानां विपर्य्ययः
puṇye'pyarddhodaye kāle tataḥ śataguṇaṃ phalam || sarveṣāmeva saṅkalpo vaiṣṇavānāṃ viparyyayaḥ
Sanskrit only: no published translation is held for this verse.
फलसन्धानरहिता जीवन्मुक्ताश्च वैष्णवाः ।। मत्प्रीतिभक्तिकामास्ते सर्वदा सर्वकर्मसु
phalasandhānarahitā jīvanmuktāśca vaiṣṇavāḥ || matprītibhaktikāmāste sarvadā sarvakarmasu
Sanskrit only: no published translation is held for this verse.
गुरुवक्त्राद्विष्णुमन्त्रो यस्य कर्णे विशेत्परः ।। जीवन्मुक्तं वैष्णवं तं वेदाः सर्वे वदन्ति च
guruvaktrādviṣṇumantro yasya karṇe viśetparaḥ || jīvanmuktaṃ vaiṣṇavaṃ taṃ vedāḥ sarve vadanti ca
Sanskrit only: no published translation is held for this verse.
पुरुषाणां शतं पूर्वं पैतृकं च परं शतम् ।। मातामहस्य च शतं मातरं मातृमातरम्
puruṣāṇāṃ śataṃ pūrvaṃ paitṛkaṃ ca paraṃ śatam || mātāmahasya ca śataṃ mātaraṃ mātṛmātaram
Sanskrit only: no published translation is held for this verse.
भगिनीं भ्रातरं चैव भागिनेयं च मातुलम् ।। श्वश्रुं च श्वशुरं चैव गुरुपत्नीं गुरोः सुतम्
bhaginīṃ bhrātaraṃ caiva bhāgineyaṃ ca mātulam || śvaśruṃ ca śvaśuraṃ caiva gurupatnīṃ guroḥ sutam
Sanskrit only: no published translation is held for this verse.
गुरुं च ज्ञानदातारं मित्रं च सहचारिणम् ।। भृत्यं शिष्य तथा चेटीं प्रजाः स्वाश्रमसन्निधौ
guruṃ ca jñānadātāraṃ mitraṃ ca sahacāriṇam || bhṛtyaṃ śiṣya tathā ceṭīṃ prajāḥ svāśramasannidhau
Sanskrit only: no published translation is held for this verse.
उद्धरेदात्मना सार्द्धं मन्त्रग्रहणमात्रतः ।। मन्त्रग्रहणमात्रेण जीवन्मुक्तो भवेन्नरः
uddharedātmanā sārddhaṃ mantragrahaṇamātrataḥ || mantragrahaṇamātreṇa jīvanmukto bhavennaraḥ
Sanskrit only: no published translation is held for this verse.
तस्य संस्पर्शनात्पूतं तीर्थं च भुवि भारते ।। तस्यैव पादरजसा सद्यः पूता वसुन्धरा
tasya saṃsparśanātpūtaṃ tīrthaṃ ca bhuvi bhārate || tasyaiva pādarajasā sadyaḥ pūtā vasundharā
Sanskrit only: no published translation is held for this verse.
पादोदकस्थानमिदं तीर्थमेव भवेद्ध्रुवम् ।। अन्नं विष्ठा जलं मूत्रं यद्विष्णोरनिवेदितम्
pādodakasthānamidaṃ tīrthameva bhaveddhruvam || annaṃ viṣṭhā jalaṃ mūtraṃ yadviṣṇoraniveditam
Sanskrit only: no published translation is held for this verse.
खादन्ति नो वैष्णवाश्च सदा नैवेद्यभोजिनः ।। विष्णोर्निवेदितान्नं च नित्यं ये भुञ्जते नराः
khādanti no vaiṣṇavāśca sadā naivedyabhojinaḥ || viṣṇorniveditānnaṃ ca nityaṃ ye bhuñjate narāḥ
Sanskrit only: no published translation is held for this verse.
पूतानि सर्वतीर्थानि तेषां च स्पर्शनादहो ।। विष्णोः पादोदकं पुण्यं नित्यं ये भुञ्जते नराः
pūtāni sarvatīrthāni teṣāṃ ca sparśanādaho || viṣṇoḥ pādodakaṃ puṇyaṃ nityaṃ ye bhuñjate narāḥ
Sanskrit only: no published translation is held for this verse.
तत्पापानि पलायन्ते वैनतेयादिवोरगाः ।। तेषां दर्शनमात्रेण पूतं च भुवनत्रयम्
tatpāpāni palāyante vainateyādivoragāḥ || teṣāṃ darśanamātreṇa pūtaṃ ca bhuvanatrayam
Sanskrit only: no published translation is held for this verse.
विष्णोः सुदर्शनं चक्रं सन्ततं तांश्च रक्षति ।। मद्गुणश्रवणाद्ये च पुलकाङ्कितविग्रहाः।।
viṣṇoḥ sudarśanaṃ cakraṃ santataṃ tāṃśca rakṣati || madguṇaśravaṇādye ca pulakāṅkitavigrahāḥ||
Sanskrit only: no published translation is held for this verse.
गद्गदाः साश्रुनेत्राश्च नरास्ते वैष्णवोत्तमाः ।। पुत्रादपि परः स्नेहो मयि येषां निरन्तरम् ।। गृहाद्याश्च मयि न्यस्तास्ते नराः वैष्णवोत्तमाः
gadgadāḥ sāśrunetrāśca narāste vaiṣṇavottamāḥ || putrādapi paraḥ sneho mayi yeṣāṃ nirantaram || gṛhādyāśca mayi nyastāste narāḥ vaiṣṇavottamāḥ
Sanskrit only: no published translation is held for this verse.
आब्रह्मस्तम्बपर्यन्तं मत्तः सर्वं चराचरम् ।। सर्वेषामहमेवेश इतिज्ञा वैष्णवोत्तमाः
ābrahmastambaparyantaṃ mattaḥ sarvaṃ carācaram || sarveṣāmahameveśa itijñā vaiṣṇavottamāḥ
Sanskrit only: no published translation is held for this verse.
असंख्यकोटिब्रह्माण्डं ब्रह्मविष्णुशिवादयः ।। प्रलये मयि लीयन्ते चेतिज्ञा वैष्णवोत्तमाः
asaṃkhyakoṭibrahmāṇḍaṃ brahmaviṣṇuśivādayaḥ || pralaye mayi līyante cetijñā vaiṣṇavottamāḥ
Sanskrit only: no published translation is held for this verse.
तेजःस्वरूपं परमं भक्तानुग्रहविग्रहम् ।। स्वेच्छामयं निर्गुणं च निरीहं प्रकृतेः परम्
tejaḥsvarūpaṃ paramaṃ bhaktānugrahavigraham || svecchāmayaṃ nirguṇaṃ ca nirīhaṃ prakṛteḥ param
Sanskrit only: no published translation is held for this verse.
सर्वे प्राकृतिका मत्त आविर्भूतास्तिरोहिताः।। इति जानन्ति ये देवि ते नरा वैष्णवोत्तमाः
sarve prākṛtikā matta āvirbhūtāstirohitāḥ|| iti jānanti ye devi te narā vaiṣṇavottamāḥ
Sanskrit only: no published translation is held for this verse.
इत्येवमुक्त्वा देवेशो विरराम तयोः पुरः ।। उवाच तं त्रिपथगा भक्तिनम्रात्मकन्धरा
ityevamuktvā deveśo virarāma tayoḥ puraḥ || uvāca taṃ tripathagā bhaktinamrātmakandharā
Sanskrit only: no published translation is held for this verse.
गङ्गोवाच ।। यामि चेद्भारतं नाथ भारतीशापतः पुरा ।। तवाज्ञया च राजेन्द्र तपसा चैव साम्प्रतम्
gaṅgovāca || yāmi cedbhārataṃ nātha bhāratīśāpataḥ purā || tavājñayā ca rājendra tapasā caiva sāmpratam
Sanskrit only: no published translation is held for this verse.
यानि कानि च पापानि मह्यं दास्यन्ति पापिनः ।। तानि मे केन नश्यन्ति तदुपायं वद प्रभो
yāni kāni ca pāpāni mahyaṃ dāsyanti pāpinaḥ || tāni me kena naśyanti tadupāyaṃ vada prabho
Sanskrit only: no published translation is held for this verse.
कतिकालं परिमितं स्थितिर्मे तत्र भारते ।। कदा यास्यामि सर्वेश त्वद्विष्णोः परमं पदम्
katikālaṃ parimitaṃ sthitirme tatra bhārate || kadā yāsyāmi sarveśa tvadviṣṇoḥ paramaṃ padam
Sanskrit only: no published translation is held for this verse.
ममान्यद्वाच्छितं यद्यत्सर्वं जानासि सर्ववित् ।। सर्वान्तरात्मन्त्सर्वज्ञ तदुपायं वद प्रभो
mamānyadvācchitaṃ yadyatsarvaṃ jānāsi sarvavit || sarvāntarātmantsarvajña tadupāyaṃ vada prabho
Sanskrit only: no published translation is held for this verse.
श्रीकृष्ण उवाच ।। जानामि वाञ्छितं गङ्गे तव सर्वं सुरेश्वरि ।। पतिस्ते रुद्ररूपोऽयं लवणोदो भविष्यति
śrīkṛṣṇa uvāca || jānāmi vāñchitaṃ gaṅge tava sarvaṃ sureśvari || patiste rudrarūpo'yaṃ lavaṇodo bhaviṣyati
Sanskrit only: no published translation is held for this verse.
ममैवांशः समुद्रश्च त्वं च लक्ष्मीस्वरूपिणी ।। विदग्धाया विदग्धेन सङ्गमो गुणवान्भुवि
mamaivāṃśaḥ samudraśca tvaṃ ca lakṣmīsvarūpiṇī || vidagdhāyā vidagdhena saṅgamo guṇavānbhuvi
Sanskrit only: no published translation is held for this verse.
यावत्त्यः सन्ति नद्यश्च भारत्याद्याश्च भारते ।। सौभाग्यं तव तास्वेव लवणोदस्य सौरते
yāvattyaḥ santi nadyaśca bhāratyādyāśca bhārate || saubhāgyaṃ tava tāsveva lavaṇodasya saurate
Sanskrit only: no published translation is held for this verse.
अद्यप्रभृति देवेशि कलेः पञ्च सहस्रकम् ।। वर्षं स्थितिस्ते भारत्या भुवि शापेन भारते
adyaprabhṛti deveśi kaleḥ pañca sahasrakam || varṣaṃ sthitiste bhāratyā bhuvi śāpena bhārate
Sanskrit only: no published translation is held for this verse.
नित्यं वारिधिना सार्द्धं करिष्यसि रहो रतिम् ।। त्वमेव रसिका देवी रसिकेन्द्रेण संयुता
nityaṃ vāridhinā sārddhaṃ kariṣyasi raho ratim || tvameva rasikā devī rasikendreṇa saṃyutā
Sanskrit only: no published translation is held for this verse.
त्वां तोषयन्ति स्तोत्रेण भगीरथकृतेन च ।। भारतस्था जनाः सर्वे पूजयिष्यन्ति भक्तितः
tvāṃ toṣayanti stotreṇa bhagīrathakṛtena ca || bhāratasthā janāḥ sarve pūjayiṣyanti bhaktitaḥ
Sanskrit only: no published translation is held for this verse.
ध्यानेन कौथुमोक्तेन ध्यात्वा त्वां पूजयिष्यति ।। यः स्तौति प्रणमेन्नित्यं सोऽश्वमेधफलं लभेत्
dhyānena kauthumoktena dhyātvā tvāṃ pūjayiṣyati || yaḥ stauti praṇamennityaṃ so'śvamedhaphalaṃ labhet
Sanskrit only: no published translation is held for this verse.
गङ्गा गङ्गेति यो ब्रूयाद्यो जनानां शतैरपि ।। मुच्यते सर्वपापेभ्यो विष्णुलोकं स गच्छति
gaṅgā gaṅgeti yo brūyādyo janānāṃ śatairapi || mucyate sarvapāpebhyo viṣṇulokaṃ sa gacchati
Sanskrit only: no published translation is held for this verse.
सहस्रपापिनां स्नानाद्यत्पापं ते भविष्यति ।। मद्भक्तदर्शने तावत्तदैव हि विनश्यति
sahasrapāpināṃ snānādyatpāpaṃ te bhaviṣyati || madbhaktadarśane tāvattadaiva hi vinaśyati
Sanskrit only: no published translation is held for this verse.
पापिनां तु सहस्राणां शवस्पर्शेन यत्तव ।। मन्मन्त्रोपासकस्नानात्तदघं च विनश्यति
pāpināṃ tu sahasrāṇāṃ śavasparśena yattava || manmantropāsakasnānāttadaghaṃ ca vinaśyati
Sanskrit only: no published translation is held for this verse.
यत्र यत्र भवेद्गङ्गे मन्नामगुणकीर्त्तनम् ।। तत्रैव त्वमधिष्ठानं करिष्यस्यघमोचनात्
yatra yatra bhavedgaṅge mannāmaguṇakīrttanam || tatraiva tvamadhiṣṭhānaṃ kariṣyasyaghamocanāt
Sanskrit only: no published translation is held for this verse.
सार्द्धं सरिद्भिः श्रेष्ठाभिः सरस्वत्या दिभिः शुभे ।। तत्तु तीर्थं भवेत्सद्यो यत्र मद्गुणकीर्त्तनम्
sārddhaṃ saridbhiḥ śreṣṭhābhiḥ sarasvatyā dibhiḥ śubhe || tattu tīrthaṃ bhavetsadyo yatra madguṇakīrttanam
Sanskrit only: no published translation is held for this verse.
यद्रेणुस्पर्शमात्रेण पूतो भवति पातकी ।। रेणुप्रमाणं वर्षं च स वैकुण्ठे वसेद् ध्रुवम्
yadreṇusparśamātreṇa pūto bhavati pātakī || reṇupramāṇaṃ varṣaṃ ca sa vaikuṇṭhe vased dhruvam
Sanskrit only: no published translation is held for this verse.
ज्ञानेन त्वयि ये भक्त्या मन्नामस्मृतिपूर्वकम् ।। समुत्सृजन्ति प्राणांश्च ते गच्छन्ति हरेः पदम्
jñānena tvayi ye bhaktyā mannāmasmṛtipūrvakam || samutsṛjanti prāṇāṃśca te gacchanti hareḥ padam
Sanskrit only: no published translation is held for this verse.
पार्षदप्रवरास्ते च भविष्यन्ति हरेश्चिरम् ।। असंख्यकं प्राकृतिकं लयं द्रक्ष्यन्ति ते नराः
pārṣadapravarāste ca bhaviṣyanti hareściram || asaṃkhyakaṃ prākṛtikaṃ layaṃ drakṣyanti te narāḥ
Sanskrit only: no published translation is held for this verse.
मृतस्य बहुपुण्येन तच्छवं त्वयि विन्यसेत् ।। प्रयाति स च वैकुण्ठं यावदस्थ्नां स्थितिस्त्वयि
mṛtasya bahupuṇyena tacchavaṃ tvayi vinyaset || prayāti sa ca vaikuṇṭhaṃ yāvadasthnāṃ sthitistvayi
Sanskrit only: no published translation is held for this verse.
कायव्यूहं ततः कृत्वा भोजयित्वा स्वकर्मकम् ।। तस्मै ददामि सारूप्यं तं करोमि च पार्षदम्
kāyavyūhaṃ tataḥ kṛtvā bhojayitvā svakarmakam || tasmai dadāmi sārūpyaṃ taṃ karomi ca pārṣadam
Sanskrit only: no published translation is held for this verse.
अज्ञानी त्वज्जलस्पर्शाद्यदि प्राणान्समुत्सृजेत् ।। तस्मै ददामि सारूप्यं तं करोमि पार्षदम्
ajñānī tvajjalasparśādyadi prāṇānsamutsṛjet || tasmai dadāmi sārūpyaṃ taṃ karomi pārṣadam
Sanskrit only: no published translation is held for this verse.
अन्यत्र वा त्यजेत्प्राणांस्त्वन्नामस्मृतिपूर्वकम् ।। तस्मै ददामि सालोक्यमसंख्यप्रलयालयम्
anyatra vā tyajetprāṇāṃstvannāmasmṛtipūrvakam || tasmai dadāmi sālokyamasaṃkhyapralayālayam
Sanskrit only: no published translation is held for this verse.
अन्यत्र वा त्यजेत्प्राणान्मन्नामस्मृतिपूर्वकम् ।। तस्मै ददामि सालोक्यं यावद्वै ब्रह्मणो वयः
anyatra vā tyajetprāṇānmannāmasmṛtipūrvakam || tasmai dadāmi sālokyaṃ yāvadvai brahmaṇo vayaḥ
Sanskrit only: no published translation is held for this verse.
तीर्थेऽप्यतीर्थे मरणे विशेषो नास्ति कश्चन ।। मन्मन्त्रोपासकानां च नित्यं नैवेद्यभोजिनाम्
tīrthe'pyatīrthe maraṇe viśeṣo nāsti kaścana || manmantropāsakānāṃ ca nityaṃ naivedyabhojinām
Sanskrit only: no published translation is held for this verse.
पूतं कर्तुं स शक्तो हि लीलया भुवनत्रयम् ।। रत्नेन्द्रसारयानेन लोकं स प्रयाति च
pūtaṃ kartuṃ sa śakto hi līlayā bhuvanatrayam || ratnendrasārayānena lokaṃ sa prayāti ca
Sanskrit only: no published translation is held for this verse.
मद्भक्तबान्धवा ये ये ते ते पुण्यधियः शुभे ।। ते यान्ति रत्नयानेन गोलोकं च सुदुर्लभम्
madbhaktabāndhavā ye ye te te puṇyadhiyaḥ śubhe || te yānti ratnayānena golokaṃ ca sudurlabham
Sanskrit only: no published translation is held for this verse.
यत्र तत्र मृता ये च ज्ञानाज्ञानेन वा सति ।। जीवन्मुक्ताश्च ते पूता भक्तसन्निधिमात्रतः
yatra tatra mṛtā ye ca jñānājñānena vā sati || jīvanmuktāśca te pūtā bhaktasannidhimātrataḥ
Sanskrit only: no published translation is held for this verse.
इत्युक्त्वा श्रीहरिस्तां च तमुवाच भगीरथम् ।। स्तुहि गङ्गामिमां भक्त्या पूजां कुरु च साम्प्रतम्
ityuktvā śrīharistāṃ ca tamuvāca bhagīratham || stuhi gaṅgāmimāṃ bhaktyā pūjāṃ kuru ca sāmpratam
Sanskrit only: no published translation is held for this verse.
भगीरथस्तां तुष्टाव पूजयामास भक्तितः ।। ध्यानेन कौथुमोक्तेन स्तोत्रेण च पुनः पुन.
bhagīrathastāṃ tuṣṭāva pūjayāmāsa bhaktitaḥ || dhyānena kauthumoktena stotreṇa ca punaḥ puna.
Sanskrit only: no published translation is held for this verse.
श्रीकृष्णं प्रणनामाथ परमात्मानमीश्वरम् ।। भगीरथश्च गङ्गां च सोऽन्तर्द्धाय गतो हरिः
śrīkṛṣṇaṃ praṇanāmātha paramātmānamīśvaram || bhagīrathaśca gaṅgāṃ ca so'ntarddhāya gato hariḥ
Sanskrit only: no published translation is held for this verse.
नारद उवाच ।। स्तोत्रेण केन ध्यानेन केन पूजाक्रमेण च ।। पूजां चकार नृपतिर्वद वेदविदां वर
nārada uvāca || stotreṇa kena dhyānena kena pūjākrameṇa ca || pūjāṃ cakāra nṛpatirvada vedavidāṃ vara
Sanskrit only: no published translation is held for this verse.
श्रीनारायण उवाच ।। स्नात्वा नित्यक्रियां कृत्वा धृत्वा धौते च वाससी ।। पादौ प्रक्षाल्य चाचम्य संयतो भक्तिपूर्वकम्
śrīnārāyaṇa uvāca || snātvā nityakriyāṃ kṛtvā dhṛtvā dhaute ca vāsasī || pādau prakṣālya cācamya saṃyato bhaktipūrvakam
Sanskrit only: no published translation is held for this verse.
गणेशं च दिनेशं च वह्निं विष्णुं शिवं शिवाम् ।। सम्पूजयेन्नरश्शुद्धः सोऽधिकारी च पूजने
gaṇeśaṃ ca dineśaṃ ca vahniṃ viṣṇuṃ śivaṃ śivām || sampūjayennaraśśuddhaḥ so'dhikārī ca pūjane
Sanskrit only: no published translation is held for this verse.
गणेशं विघ्ननाशाय निष्पापाय दिवाकरम् ।। वह्निं स्वशुद्धये विष्णुं मुक्तये पूजयेन्नरः
gaṇeśaṃ vighnanāśāya niṣpāpāya divākaram || vahniṃ svaśuddhaye viṣṇuṃ muktaye pūjayennaraḥ
Sanskrit only: no published translation is held for this verse.
शिवं ज्ञानाय तदिनां शिवां बुद्धिविवृद्धये ।। सम्पूज्यैतल्लभेत्प्राज्ञो विपरीतमतोऽन्यथा
śivaṃ jñānāya tadināṃ śivāṃ buddhivivṛddhaye || sampūjyaitallabhetprājño viparītamato'nyathā
Sanskrit only: no published translation is held for this verse.
दध्यावनेन तद्ध्यानं शृणु नारद तत्त्वतः ।। ध्यानं च कौथुमोक्तं वै सर्वपापप्रणाशनम्
dadhyāvanena taddhyānaṃ śṛṇu nārada tattvataḥ || dhyānaṃ ca kauthumoktaṃ vai sarvapāpapraṇāśanam
Sanskrit only: no published translation is held for this verse.
श्वेतचम्पकवर्णाभां गङ्गां पापप्रणाशिनीम् ।। कृष्णविग्रहसम्भूतां कृष्णतुल्यां परां सतीम्
śvetacampakavarṇābhāṃ gaṅgāṃ pāpapraṇāśinīm || kṛṣṇavigrahasambhūtāṃ kṛṣṇatulyāṃ parāṃ satīm
Sanskrit only: no published translation is held for this verse.
वह्निशुद्धांशुकाधानां रत्नभूषणभूषिताम् ।। शरत्पूर्णेन्दुशतकप्रभाजुष्टकलेवराम्
vahniśuddhāṃśukādhānāṃ ratnabhūṣaṇabhūṣitām || śaratpūrṇenduśatakaprabhājuṣṭakalevarām
Sanskrit only: no published translation is held for this verse.
ईषद्धासप्रसन्नास्यां शश्वत्सुस्थिरयौवनाम् ।। नारायणप्रियां शान्तां सत्सौभाग्यसमन्विताम
īṣaddhāsaprasannāsyāṃ śaśvatsusthirayauvanām || nārāyaṇapriyāṃ śāntāṃ satsaubhāgyasamanvitāma
Sanskrit only: no published translation is held for this verse.
बिभ्रतीं कबरीभारं मालतीमाल्यसंयुताम् ।। सिन्दूरबिन्दुललितां सार्द्धं चन्दनबिन्दुभिः
bibhratīṃ kabarībhāraṃ mālatīmālyasaṃyutām || sindūrabindulalitāṃ sārddhaṃ candanabindubhiḥ
Sanskrit only: no published translation is held for this verse.
कस्तूरीपत्रकं गण्डे नानाचित्रसमन्वितम् ।। पक्वबिम्बसमानैकचार्वोष्ठपुटमुत्तमम्
kastūrīpatrakaṃ gaṇḍe nānācitrasamanvitam || pakvabimbasamānaikacārvoṣṭhapuṭamuttamam
Sanskrit only: no published translation is held for this verse.
मुक्तापंक्तिप्रभाजुष्टदन्तपंक्तिमनोहराम् ।। सुचारुवक्रनयनां सकटाक्षमनोरमाम्
muktāpaṃktiprabhājuṣṭadantapaṃktimanoharām || sucāruvakranayanāṃ sakaṭākṣamanoramām
Sanskrit only: no published translation is held for this verse.
कठिनं श्रीफलाकारं स्तनयुग्मं च बिभ्रतीम् ।। बृहच्छ्रोणीं सुकठिनां रम्भास्तम्भपरिष्कृताम्
kaṭhinaṃ śrīphalākāraṃ stanayugmaṃ ca bibhratīm || bṛhacchroṇīṃ sukaṭhināṃ rambhāstambhapariṣkṛtām
Sanskrit only: no published translation is held for this verse.
स्थलपद्मप्रभाजुष्टपादपद्मयुगंधराम् ।। रत्नाभरणसंयुक्तं कुंकुमाक्तं सयावकम्
sthalapadmaprabhājuṣṭapādapadmayugaṃdharām || ratnābharaṇasaṃyuktaṃ kuṃkumāktaṃ sayāvakam
Sanskrit only: no published translation is held for this verse.
देवेन्द्रमौलिमन्दारमकरन्दकणारुणम् ।। सुरसिद्धमुनीन्द्रादिदत्तार्घ्यैस्संयुतं सदा
devendramaulimandāramakarandakaṇāruṇam || surasiddhamunīndrādidattārghyaissaṃyutaṃ sadā
Sanskrit only: no published translation is held for this verse.
तपस्विमौलिनिकरभ्रमरश्रेणिसंयुतम् ।। मुक्तिप्रदं मुमुक्षूणां कामिनां स्वर्गभोगदम्
tapasvimaulinikarabhramaraśreṇisaṃyutam || muktipradaṃ mumukṣūṇāṃ kāmināṃ svargabhogadam
Sanskrit only: no published translation is held for this verse.
वरां वरेण्यां वरदां भक्तानुग्रहकातराम् ।। श्रीविष्णोः पददात्रीं च भजे विष्णुपदीं सतीम्
varāṃ vareṇyāṃ varadāṃ bhaktānugrahakātarām || śrīviṣṇoḥ padadātrīṃ ca bhaje viṣṇupadīṃ satīm
Sanskrit only: no published translation is held for this verse.
इति ध्यानेन चानेन ध्यात्वा त्रिपथगां शुभाम् ।। दत्त्वा संपूजयेद्ब्रह्मन्नुपहारांश्च षोडश
iti dhyānena cānena dhyātvā tripathagāṃ śubhām || dattvā saṃpūjayedbrahmannupahārāṃśca ṣoḍaśa
Sanskrit only: no published translation is held for this verse.
आसनं पाद्यमर्घ्यं च स्नानीयं चानुलेपनम् ।। धूपं दीपं च नैवेद्यं ताम्बूलं शीतलं जलम्
āsanaṃ pādyamarghyaṃ ca snānīyaṃ cānulepanam || dhūpaṃ dīpaṃ ca naivedyaṃ tāmbūlaṃ śītalaṃ jalam
Sanskrit only: no published translation is held for this verse.
वसनं भूषणं माल्यं गंधमाचमनीयकम् ।। मनोहरं सुतल्पं च देयान्येतानि षोडश
vasanaṃ bhūṣaṇaṃ mālyaṃ gaṃdhamācamanīyakam || manoharaṃ sutalpaṃ ca deyānyetāni ṣoḍaśa
Sanskrit only: no published translation is held for this verse.
दत्त्वा भक्त्या संप्रणमेत्स्तुत्वा तां संपुटाञ्जलिः ।। संपूज्यैवंप्रकारेण सोऽश्वमेधफलं लभेत्
dattvā bhaktyā saṃpraṇametstutvā tāṃ saṃpuṭāñjaliḥ || saṃpūjyaivaṃprakāreṇa so'śvamedhaphalaṃ labhet
Sanskrit only: no published translation is held for this verse.
स्तोत्रं वै कौथुमोक्तं च संवादं विष्णुवेधसोः ।। शृणु नारद वक्ष्यामि पापघ्नं च सुपुण्यदम्
stotraṃ vai kauthumoktaṃ ca saṃvādaṃ viṣṇuvedhasoḥ || śṛṇu nārada vakṣyāmi pāpaghnaṃ ca supuṇyadam
Sanskrit only: no published translation is held for this verse.
श्रीब्रह्मोवाच ।। श्रोतुमिच्छामि देवेश लक्ष्मीकान्त नमः प्रभो ।। विष्णो विष्णुपदीस्तोत्रं पापघ्नं पुण्यकारणम्
śrībrahmovāca || śrotumicchāmi deveśa lakṣmīkānta namaḥ prabho || viṣṇo viṣṇupadīstotraṃ pāpaghnaṃ puṇyakāraṇam
Sanskrit only: no published translation is held for this verse.
श्रीनारायण उवाच ।। शिवसंगीतसंमुग्धश्रीकृष्णाङ्गद्रवोद्भवाम् ।। राधांगद्रवसम्भूतां तां गङ्गां प्रणमाम्यहम्
śrīnārāyaṇa uvāca || śivasaṃgītasaṃmugdhaśrīkṛṣṇāṅgadravodbhavām || rādhāṃgadravasambhūtāṃ tāṃ gaṅgāṃ praṇamāmyaham
Sanskrit only: no published translation is held for this verse.
या जन्मसृष्टेरादौ च गोलोके रासमण्डले ।। सन्निधाने शङ्करस्य तां गङ्गां प्रणमाम्यहम् ।।
yā janmasṛṣṭerādau ca goloke rāsamaṇḍale || sannidhāne śaṅkarasya tāṃ gaṅgāṃ praṇamāmyaham ||
Sanskrit only: no published translation is held for this verse.
गोपैर्गोपीभिराकीर्णे शुभे राधामहोत्सवे ।। कार्तिकीपूर्णिमाजातां तां गंगां प्रणमाम्यहम्
gopairgopībhirākīrṇe śubhe rādhāmahotsave || kārtikīpūrṇimājātāṃ tāṃ gaṃgāṃ praṇamāmyaham
Sanskrit only: no published translation is held for this verse.
कोटियोजनविस्तीर्णा दैर्घ्ये लक्षगुणा ततः ।। समावृता या गोलोकं तां गंगां प्रणमाम्यहम्
koṭiyojanavistīrṇā dairghye lakṣaguṇā tataḥ || samāvṛtā yā golokaṃ tāṃ gaṃgāṃ praṇamāmyaham
Sanskrit only: no published translation is held for this verse.
षष्टिलक्षैर्योजनैर्या ततो दैर्घ्ये चतुर्गुणा।। समावृता या वैकुण्ठं तां गंगां प्रणमाम्यहम्
ṣaṣṭilakṣairyojanairyā tato dairghye caturguṇā|| samāvṛtā yā vaikuṇṭhaṃ tāṃ gaṃgāṃ praṇamāmyaham
Sanskrit only: no published translation is held for this verse.
विंशल्लक्षैर्योजनैर्या ततो दैर्घ्ये चतुर्गुणा ।। आवृता ब्रह्मलोकं या तां गंगां प्रणमाम्यहम्
viṃśallakṣairyojanairyā tato dairghye caturguṇā || āvṛtā brahmalokaṃ yā tāṃ gaṃgāṃ praṇamāmyaham
Sanskrit only: no published translation is held for this verse.
त्रिंशल्लक्षैर्योजनैर्या दैर्घ्ये पञ्चगुणा ततः ।। आवृता शिवलोकं या तां गंगां प्रणमाम्यहम्
triṃśallakṣairyojanairyā dairghye pañcaguṇā tataḥ || āvṛtā śivalokaṃ yā tāṃ gaṃgāṃ praṇamāmyaham
Sanskrit only: no published translation is held for this verse.