Library·Brahmavaivarta Purāṇa·2·2.11
नारद उवाच।। कलेः पञ्चसहस्रे सा समतीते सुरेश्वरी ।। क्व गता सा महाभागा तन्मे व्याख्यातुमर्हसि
nārada uvāca|| kaleḥ pañcasahasre sā samatīte sureśvarī || kva gatā sā mahābhāgā tanme vyākhyātumarhasi
Sanskrit only: no published translation is held for this verse.
नारायण उवाच ।। भारतं भारतीशापात्समागत्येश्वरेच्छया ।। जगाम तं च वैकुण्ठं शापान्ते पुनरेव सा
nārāyaṇa uvāca || bhārataṃ bhāratīśāpātsamāgatyeśvarecchayā || jagāma taṃ ca vaikuṇṭhaṃ śāpānte punareva sā
Sanskrit only: no published translation is held for this verse.
भारतं भारती त्यक्त्वा चागमत्तद्धरेः पदम् ।। पद्मावती च शापान्ते गंगायाश्चैव नारद
bhārataṃ bhāratī tyaktvā cāgamattaddhareḥ padam || padmāvatī ca śāpānte gaṃgāyāścaiva nārada
Sanskrit only: no published translation is held for this verse.
गङ्गा सरस्वती लक्ष्मीश्चैतास्तिस्रः प्रिया हरेः।। तुलसीसहिता ब्रह्मंश्चतस्रः कीर्त्तिताः श्रुतौ
gaṅgā sarasvatī lakṣmīścaitāstisraḥ priyā hareḥ|| tulasīsahitā brahmaṃścatasraḥ kīrttitāḥ śrutau
Sanskrit only: no published translation is held for this verse.
नारद उवाच ।। हेतुना केन देवी वै विष्णुपादाब्जसंभवा ।। धातुः कमण्डलुस्था च शङ्करस्य शिरोगता
nārada uvāca || hetunā kena devī vai viṣṇupādābjasaṃbhavā || dhātuḥ kamaṇḍalusthā ca śaṅkarasya śirogatā
Sanskrit only: no published translation is held for this verse.
बभूव सा मुनिश्रेष्ठ गंगा नारायणप्रिया ।। अहो केन प्रकारेण तन्मे व्याख्यातुमर्हसि
babhūva sā muniśreṣṭha gaṃgā nārāyaṇapriyā || aho kena prakāreṇa tanme vyākhyātumarhasi
Sanskrit only: no published translation is held for this verse.
।। श्रीनारायण उवाच ।। पुरा बभूव गोलोके सा गंगा द्रवरूपिणी ।। राधाकृष्णांगसंभूता तदंशा तत्स्वरूपिणी
|| śrīnārāyaṇa uvāca || purā babhūva goloke sā gaṃgā dravarūpiṇī || rādhākṛṣṇāṃgasaṃbhūtā tadaṃśā tatsvarūpiṇī
Sanskrit only: no published translation is held for this verse.
द्रवाधिष्ठातृरूपा या रूपेणाप्रतिमा भुवि ।। नवयौवनसम्पन्ना रत्नाभरणभूषिता
dravādhiṣṭhātṛrūpā yā rūpeṇāpratimā bhuvi || navayauvanasampannā ratnābharaṇabhūṣitā
Sanskrit only: no published translation is held for this verse.
शरन्मध्याह्नपद्मास्या सस्मिता सुमनोहरा ।। तप्तकाञ्चनवर्णाभा शरच्चन्द्रसमप्रभा
śaranmadhyāhnapadmāsyā sasmitā sumanoharā || taptakāñcanavarṇābhā śaraccandrasamaprabhā
Sanskrit only: no published translation is held for this verse.
स्निग्धप्रभाऽतिसुस्निग्धा शुद्धसत्त्वस्वरूपिणी ।। सुपीनकठिनश्रोणी सुनितम्बयुगं वरम्
snigdhaprabhā'tisusnigdhā śuddhasattvasvarūpiṇī || supīnakaṭhinaśroṇī sunitambayugaṃ varam
Sanskrit only: no published translation is held for this verse.
पीनोन्नतं सुकठिनं स्तनयुग्मं सुवर्तुलम् ।। सुचारु नेत्रयुगलं सुकटाक्षं सुवक्रिमम् ।।
pīnonnataṃ sukaṭhinaṃ stanayugmaṃ suvartulam || sucāru netrayugalaṃ sukaṭākṣaṃ suvakrimam ||
Sanskrit only: no published translation is held for this verse.
वक्रिमं कबरीभारं मालतीमाल्यसंयुतम् ।। सिन्दूरबिन्दुललितं सार्द्धं चन्दनबिन्दुभिः
vakrimaṃ kabarībhāraṃ mālatīmālyasaṃyutam || sindūrabindulalitaṃ sārddhaṃ candanabindubhiḥ
Sanskrit only: no published translation is held for this verse.
कस्तूरीपत्रिकायुक्तं गण्डयुग्मं मनोहरम् ।। बन्धूककुसुमाकारमधरोष्ठं च सुंदरम्
kastūrīpatrikāyuktaṃ gaṇḍayugmaṃ manoharam || bandhūkakusumākāramadharoṣṭhaṃ ca suṃdaram
Sanskrit only: no published translation is held for this verse.
पक्वदाडिमबीजाभदन्तपंक्तिसमुज्ज्वला ।। वाससी वह्निशुद्धे च नीवीयुक्ते च बिभ्रती
pakvadāḍimabījābhadantapaṃktisamujjvalā || vāsasī vahniśuddhe ca nīvīyukte ca bibhratī
Sanskrit only: no published translation is held for this verse.
सा सकामा कृष्णपार्श्वे समुत्तस्थे सुलज्जिता ।। पद्मपत्रसमानाभ्यां लोचनाभ्यां विभो मुखम्
sā sakāmā kṛṣṇapārśve samuttasthe sulajjitā || padmapatrasamānābhyāṃ locanābhyāṃ vibho mukham
Sanskrit only: no published translation is held for this verse.
मूर्च्छिता प्रभुरूपेण पुलकाङ्कितविग्रहा ।। एतस्मिन्नन्तरे तत्र विद्यमाना च राधिका
mūrcchitā prabhurūpeṇa pulakāṅkitavigrahā || etasminnantare tatra vidyamānā ca rādhikā
Sanskrit only: no published translation is held for this verse.
गोपीत्रिंशत्कोटियुक्ता कोटिचन्द्रसमप्रभा ।। कोपेन रक्तपद्मास्या रक्तपङ्कजलोचना
gopītriṃśatkoṭiyuktā koṭicandrasamaprabhā || kopena raktapadmāsyā raktapaṅkajalocanā
Sanskrit only: no published translation is held for this verse.
श्वेतचम्पकवर्णाभा मत्तवारणगामिनी।। अमूल्यरत्नखचितनानाभरणभूषिता
śvetacampakavarṇābhā mattavāraṇagāminī|| amūlyaratnakhacitanānābharaṇabhūṣitā
Sanskrit only: no published translation is held for this verse.
माणिक्यखचितं हारममूल्यं वह्निशौचकम् ।। पीताभवस्त्रयुगलं नीवीयुक्तं च बिभ्रती
māṇikyakhacitaṃ hāramamūlyaṃ vahniśaucakam || pītābhavastrayugalaṃ nīvīyuktaṃ ca bibhratī
Sanskrit only: no published translation is held for this verse.
स्थलपद्मप्रभाजुष्टं कोमलं च सुरञ्जितम् ।। कृष्णदत्तार्घ्यसंयुक्तं विन्यस्यन्ती पदाम्बुजम्
sthalapadmaprabhājuṣṭaṃ komalaṃ ca surañjitam || kṛṣṇadattārghyasaṃyuktaṃ vinyasyantī padāmbujam
Sanskrit only: no published translation is held for this verse.
रत्नेन्द्रराजखचितविमानादवरुह्य च ।। सेव्यमाना च सखिभिः श्वेत चामरवायुना
ratnendrarājakhacitavimānādavaruhya ca || sevyamānā ca sakhibhiḥ śveta cāmaravāyunā
Sanskrit only: no published translation is held for this verse.
कस्तूरीबिन्दुतिलकं चन्दनेन्दुसमन्वितम् ।। दीप्तदीपप्रभाकारं सिन्दूरारुणसुन्दरम्
kastūrībindutilakaṃ candanendusamanvitam || dīptadīpaprabhākāraṃ sindūrāruṇasundaram
Sanskrit only: no published translation is held for this verse.
दधती भालमध्ये च सीमन्ताधस्तदुज्ज्वलम् ।। पारिजातप्रसूनादिमालायुक्तं सुवक्रिमम्
dadhatī bhālamadhye ca sīmantādhastadujjvalam || pārijātaprasūnādimālāyuktaṃ suvakrimam
Sanskrit only: no published translation is held for this verse.
सुचारुकबरीभारं कम्पयन्ती च कम्पिता ।। सुचारुनासासंयुक्तमोष्ठं कम्पयती रुषा
sucārukabarībhāraṃ kampayantī ca kampitā || sucārunāsāsaṃyuktamoṣṭhaṃ kampayatī ruṣā
Sanskrit only: no published translation is held for this verse.
गत्वा तस्थौ कृष्णपार्श्वे रत्नसिंहासने वरे ।। सखीनां च समूहैश्च परिपूर्णा विभोः सभा
gatvā tasthau kṛṣṇapārśve ratnasiṃhāsane vare || sakhīnāṃ ca samūhaiśca paripūrṇā vibhoḥ sabhā
Sanskrit only: no published translation is held for this verse.
तां च दृष्ट्वा समुत्तस्थौ कृष्णः सादरमच्युतः ।। संभाष्य मधुरालापैः सस्मितश्च ससंभ्रमः
tāṃ ca dṛṣṭvā samuttasthau kṛṣṇaḥ sādaramacyutaḥ || saṃbhāṣya madhurālāpaiḥ sasmitaśca sasaṃbhramaḥ
Sanskrit only: no published translation is held for this verse.
प्रणेमुरभि संत्रस्ता गोपा नम्रात्मकन्धराः ।। तुष्टुवुस्ते च भक्त्या तं तुष्टाव परमेश्वरम्
praṇemurabhi saṃtrastā gopā namrātmakandharāḥ || tuṣṭuvuste ca bhaktyā taṃ tuṣṭāva parameśvaram
Sanskrit only: no published translation is held for this verse.
उत्थाय गंगा सहसा सम्भाषां च चकार सा ।। कुशलं परिपप्रच्छ भीताऽतिविनयेन च
utthāya gaṃgā sahasā sambhāṣāṃ ca cakāra sā || kuśalaṃ paripapraccha bhītā'tivinayena ca
Sanskrit only: no published translation is held for this verse.
नम्रभावस्थिता त्रस्ता शुष्ककण्ठौष्ठतालुका ।। ध्यानेन शरणापन्ना श्री कृष्णचरणम्बुजे
namrabhāvasthitā trastā śuṣkakaṇṭhauṣṭhatālukā || dhyānena śaraṇāpannā śrī kṛṣṇacaraṇambuje
Sanskrit only: no published translation is held for this verse.
तद्धृत्पद्मे स्थितः कृष्णो भीतायै चाभयं ददौ ।। बभूव स्थिरचित्ता सा सर्वेश्वरवरेण च
taddhṛtpadme sthitaḥ kṛṣṇo bhītāyai cābhayaṃ dadau || babhūva sthiracittā sā sarveśvaravareṇa ca
Sanskrit only: no published translation is held for this verse.
ऊर्ध्वं सिंहासनस्थां च राधां गङ्गा ददर्श सा ।। सुस्निग्धां सुखदृश्यां च ज्वलन्तीं ब्रह्मतेजसा
ūrdhvaṃ siṃhāsanasthāṃ ca rādhāṃ gaṅgā dadarśa sā || susnigdhāṃ sukhadṛśyāṃ ca jvalantīṃ brahmatejasā
Sanskrit only: no published translation is held for this verse.
असंख्यब्रह्मणामाद्यां चादिसृष्टिं सनातनीम् ।। यथा द्वादशवर्षीयां कन्यां च नवयौवनाम्
asaṃkhyabrahmaṇāmādyāṃ cādisṛṣṭiṃ sanātanīm || yathā dvādaśavarṣīyāṃ kanyāṃ ca navayauvanām
Sanskrit only: no published translation is held for this verse.
विश्ववृन्दे निरुपमां रूपेण च गुणेन च ।। शान्त कान्तामनन्तां तामाद्यन्तरहितां सतीम्
viśvavṛnde nirupamāṃ rūpeṇa ca guṇena ca || śānta kāntāmanantāṃ tāmādyantarahitāṃ satīm
Sanskrit only: no published translation is held for this verse.
कृष्णार्द्धाङ्गी कृष्णसमां तेजसा वयसा त्विषा ।। पूजितां च महालक्ष्मीं महालक्ष्मीश्वरेण च
kṛṣṇārddhāṅgī kṛṣṇasamāṃ tejasā vayasā tviṣā || pūjitāṃ ca mahālakṣmīṃ mahālakṣmīśvareṇa ca
Sanskrit only: no published translation is held for this verse.
प्रच्छाद्यमानां प्रभया सभामीशस्य सुप्रभाम् ।। सखीदत्तं च ताम्बूलं गृह्णतीमन्यदुर्लभम्
pracchādyamānāṃ prabhayā sabhāmīśasya suprabhām || sakhīdattaṃ ca tāmbūlaṃ gṛhṇatīmanyadurlabham
Sanskrit only: no published translation is held for this verse.
अजन्यां सर्वजननीं धन्यां मान्यां च मानिनीम् ।। कृष्णप्राणाधिदेवीं च प्राणप्रियतमां रमाम्
ajanyāṃ sarvajananīṃ dhanyāṃ mānyāṃ ca māninīm || kṛṣṇaprāṇādhidevīṃ ca prāṇapriyatamāṃ ramām
Sanskrit only: no published translation is held for this verse.
शुभां सुभद्रां सुभगां स्वामिसौभाग्यसंयुताम् ।। सौन्दर्यसुन्दरीं श्रेष्ठां सुन्दरीष्वखिलासु च
śubhāṃ subhadrāṃ subhagāṃ svāmisaubhāgyasaṃyutām || saundaryasundarīṃ śreṣṭhāṃ sundarīṣvakhilāsu ca
Sanskrit only: no published translation is held for this verse.
एतस्मिन्नन्तरे राधा जगदीशमुवाच सा।। वाचा मधुरया शान्ता विनीता सस्मिता मुने
etasminnantare rādhā jagadīśamuvāca sā|| vācā madhurayā śāntā vinītā sasmitā mune
Sanskrit only: no published translation is held for this verse.
राधिकोवाच।। केयं प्राणेश कल्याणी सस्मिता त्वन्मुखाम्बुजम् ।। पश्यन्ती सततं पार्श्वे सकामा रक्तलोचना
rādhikovāca|| keyaṃ prāṇeśa kalyāṇī sasmitā tvanmukhāmbujam || paśyantī satataṃ pārśve sakāmā raktalocanā
Sanskrit only: no published translation is held for this verse.
मूर्च्छां प्राप्नोति रूपेण पुलकाङ्कितविग्रहा ।। वस्त्रेण मुखमाच्छाद्य निरीक्षन्ती पुनः पुनः
mūrcchāṃ prāpnoti rūpeṇa pulakāṅkitavigrahā || vastreṇa mukhamācchādya nirīkṣantī punaḥ punaḥ
Sanskrit only: no published translation is held for this verse.
त्वं चापि मां सन्निरीक्ष्य सकामः सस्मितः सदा ।। मयि जीवति गोलोके भूता दुर्वृत्तिरीदृशी
tvaṃ cāpi māṃ sannirīkṣya sakāmaḥ sasmitaḥ sadā || mayi jīvati goloke bhūtā durvṛttirīdṛśī
Sanskrit only: no published translation is held for this verse.
त्वमेव चैवं दुर्वृत्तं वारंवारं करोषि च ।। क्षमां करोमि ते प्रेम्णा स्त्रीजातिः स्निग्धमानसा
tvameva caivaṃ durvṛttaṃ vāraṃvāraṃ karoṣi ca || kṣamāṃ karomi te premṇā strījātiḥ snigdhamānasā
Sanskrit only: no published translation is held for this verse.
संगृह्येमां प्रियामिष्टां गोलोकाद्गच्छ लम्पट ।। अन्यथा नहि ते भद्रं भविष्यति सुरेश्वर
saṃgṛhyemāṃ priyāmiṣṭāṃ golokādgaccha lampaṭa || anyathā nahi te bhadraṃ bhaviṣyati sureśvara
Sanskrit only: no published translation is held for this verse.
दृष्टस्त्वं विरजायुक्तो मया चन्दनकानने ।। क्षमा कृता मया पूर्वं सखीनां वचनादहो
dṛṣṭastvaṃ virajāyukto mayā candanakānane || kṣamā kṛtā mayā pūrvaṃ sakhīnāṃ vacanādaho
Sanskrit only: no published translation is held for this verse.
त्वया मच्छब्दमात्रेण तिरोधानं कृतं पुरा ।। देहं सन्त्यज्य विरजा नदीरूपा बभूव सा
tvayā macchabdamātreṇa tirodhānaṃ kṛtaṃ purā || dehaṃ santyajya virajā nadīrūpā babhūva sā
Sanskrit only: no published translation is held for this verse.
कोटियोजनविस्तीर्णा ततो दैर्घ्ये चतुर्गुणा ।। अद्यापि विद्यमाना सा तव सत्की र्तिरूपिणी
koṭiyojanavistīrṇā tato dairghye caturguṇā || adyāpi vidyamānā sā tava satkī rtirūpiṇī
Sanskrit only: no published translation is held for this verse.
गृहं मयि गतायां च पुनर्गत्वा तदन्तिकम् ।। उच्चैररौषीर्विरजे विरजे चेति संस्मरन्
gṛhaṃ mayi gatāyāṃ ca punargatvā tadantikam || uccairarauṣīrviraje viraje ceti saṃsmaran
Sanskrit only: no published translation is held for this verse.
तदा तोयात्समुत्थाय सा योगात्सिद्धयोगिनी ।। सालङ्कारा मूर्तिमती ददौ तुभ्यं च दर्शनम्
tadā toyātsamutthāya sā yogātsiddhayoginī || sālaṅkārā mūrtimatī dadau tubhyaṃ ca darśanam
Sanskrit only: no published translation is held for this verse.
ततस्तां च समाश्लिष्य वीर्य्याधानं कृतं त्वया ।। ततो बभूवुस्तस्यां च समुद्राः सप्त चैव हि
tatastāṃ ca samāśliṣya vīryyādhānaṃ kṛtaṃ tvayā || tato babhūvustasyāṃ ca samudrāḥ sapta caiva hi
Sanskrit only: no published translation is held for this verse.
दृष्टस्त्वं शोभया गोप्या युक्तश्चम्पककानने ।। सद्यो मच्छब्दमात्रेण तिरोधानं कृतं त्वया
dṛṣṭastvaṃ śobhayā gopyā yuktaścampakakānane || sadyo macchabdamātreṇa tirodhānaṃ kṛtaṃ tvayā
Sanskrit only: no published translation is held for this verse.
शोभा देहं परित्यज्य प्राविशच्चन्द्रमण्डलम् ।। ततस्तस्याः शरीरं च स्निग्धं तेजो बभूव ह
śobhā dehaṃ parityajya prāviśaccandramaṇḍalam || tatastasyāḥ śarīraṃ ca snigdhaṃ tejo babhūva ha
Sanskrit only: no published translation is held for this verse.
संविभज्य त्वया दत्तं हृदयेन विदूयता ।। रत्नाय किञ्चित्स्वर्णाय किञ्चिन्मतिवराय च
saṃvibhajya tvayā dattaṃ hṛdayena vidūyatā || ratnāya kiñcitsvarṇāya kiñcinmativarāya ca
Sanskrit only: no published translation is held for this verse.
किञ्चित्स्त्रीणां मुखाब्जेभ्यः किञ्चिद्राज्ञे च किञ्चन ।। किञ्चित्प्रकृष्टवस्त्रेभ्यो रौप्येभ्यश्चापि किञ्चन
kiñcitstrīṇāṃ mukhābjebhyaḥ kiñcidrājñe ca kiñcana || kiñcitprakṛṣṭavastrebhyo raupyebhyaścāpi kiñcana
Sanskrit only: no published translation is held for this verse.
किञ्चिच्चन्दनपङ्केभ्यस्तोयेभ्यश्चापि किञ्चन ।। किञ्चित्किसलयेभ्यश्च पुष्पेभ्यश्चापि किंचन
kiñciccandanapaṅkebhyastoyebhyaścāpi kiñcana || kiñcitkisalayebhyaśca puṣpebhyaścāpi kiṃcana
Sanskrit only: no published translation is held for this verse.
किञ्चित्फलेभ्यः सस्येभ्यः सुपक्वेभ्यश्च किञ्चन ।। नृपदेवगृहेभ्यश्च संस्कृतेभ्यश्च किंचन
kiñcitphalebhyaḥ sasyebhyaḥ supakvebhyaśca kiñcana || nṛpadevagṛhebhyaśca saṃskṛtebhyaśca kiṃcana
Sanskrit only: no published translation is held for this verse.
दृष्टस्त्वं प्रभया गोप्या युक्तो वृन्दावने वने ।। सद्यो मच्छब्दमात्रेण तिरोधानं कृतं त्वया ।।
dṛṣṭastvaṃ prabhayā gopyā yukto vṛndāvane vane || sadyo macchabdamātreṇa tirodhānaṃ kṛtaṃ tvayā ||
Sanskrit only: no published translation is held for this verse.
प्रभा देहं परित्यज्य प्राविशत्सूर्य्यमण्डलम् ।। ततस्तस्याः शरीरं च तीक्ष्णं तेजो बभूव ह
prabhā dehaṃ parityajya prāviśatsūryyamaṇḍalam || tatastasyāḥ śarīraṃ ca tīkṣṇaṃ tejo babhūva ha
Sanskrit only: no published translation is held for this verse.
संविभज्य त्वया दत्तं प्रेम्णा च रुदता पुरा ।। विभज्य चक्षुषोर्दत्तं लज्जया तद्भयेन च
saṃvibhajya tvayā dattaṃ premṇā ca rudatā purā || vibhajya cakṣuṣordattaṃ lajjayā tadbhayena ca
Sanskrit only: no published translation is held for this verse.
हुताशनाय किंचिच्च नृपेभ्यश्चापि किञ्चन ।। किंचित्पुरुषसंघेभ्यो देवेभ्यश्चापि किंचन
hutāśanāya kiṃcicca nṛpebhyaścāpi kiñcana || kiṃcitpuruṣasaṃghebhyo devebhyaścāpi kiṃcana
Sanskrit only: no published translation is held for this verse.
किंचिद्दस्युगणेभ्यश्च नागेभ्यश्चापि किंचन ।। ब्राह्मणेभ्यो मुनिभ्यश्च तपस्विभ्यश्च किंचन
kiṃciddasyugaṇebhyaśca nāgebhyaścāpi kiṃcana || brāhmaṇebhyo munibhyaśca tapasvibhyaśca kiṃcana
Sanskrit only: no published translation is held for this verse.
स्त्रीभ्यः सौभाग्ययुक्ताभ्यो यशस्विभ्यश्च किंचन ।। तच्च दत्त्वा च सर्वेभ्यः पूर्वं रोदितुमुद्यतः
strībhyaḥ saubhāgyayuktābhyo yaśasvibhyaśca kiṃcana || tacca dattvā ca sarvebhyaḥ pūrvaṃ roditumudyataḥ
Sanskrit only: no published translation is held for this verse.
शान्त्या गोप्या युतस्त्वं च दृष्टो वै रासमण्डले ।। वसन्ते पुष्पशय्यायां माल्यवांश्चन्दनोक्षितः
śāntyā gopyā yutastvaṃ ca dṛṣṭo vai rāsamaṇḍale || vasante puṣpaśayyāyāṃ mālyavāṃścandanokṣitaḥ
Sanskrit only: no published translation is held for this verse.
त्वया दत्तं च ताम्बूलं भुक्तवत्यै सुवासितम् ।। तया दत्तं च ताम्बूलं भुक्तवांस्त्वं पुरा विभो
tvayā dattaṃ ca tāmbūlaṃ bhuktavatyai suvāsitam || tayā dattaṃ ca tāmbūlaṃ bhuktavāṃstvaṃ purā vibho
Sanskrit only: no published translation is held for this verse.
सद्यो मच्छब्दमात्रेण तिरोधानं कृतं त्वया ।। शान्तिर्देहं परित्यज्य भिया लीना त्वयि प्रभो
sadyo macchabdamātreṇa tirodhānaṃ kṛtaṃ tvayā || śāntirdehaṃ parityajya bhiyā līnā tvayi prabho
Sanskrit only: no published translation is held for this verse.
ततस्तस्याः शरीरं च गुणश्रेष्ठं बभूव ह ।। संविभज्य त्वया दत्तं प्रेम्णा च रुदता पुरा
tatastasyāḥ śarīraṃ ca guṇaśreṣṭhaṃ babhūva ha || saṃvibhajya tvayā dattaṃ premṇā ca rudatā purā
Sanskrit only: no published translation is held for this verse.
रत्नप्रदीपैर्युक्तश्च रत्ननिर्मितमन्दिरे ।। रत्नभूषणभूषाढ्यो रत्नभूषितया सह
ratnapradīpairyuktaśca ratnanirmitamandire || ratnabhūṣaṇabhūṣāḍhyo ratnabhūṣitayā saha
Sanskrit only: no published translation is held for this verse.
त्वन्मन्त्रोपासकेभ्यश्च वैष्णवेभ्यश्च किंचन ।। तपस्विभ्यश्च धर्माय धर्मिष्ठेभ्यश्च किंचन
tvanmantropāsakebhyaśca vaiṣṇavebhyaśca kiṃcana || tapasvibhyaśca dharmāya dharmiṣṭhebhyaśca kiṃcana
Sanskrit only: no published translation is held for this verse.
मया पूर्वं हि दृष्टस्त्वं गोप्या च क्षमया सह ।। सुवेषवान्माल्यवांश्च गन्धचन्दनसंयुतः।।
mayā pūrvaṃ hi dṛṣṭastvaṃ gopyā ca kṣamayā saha || suveṣavānmālyavāṃśca gandhacandanasaṃyutaḥ||
Sanskrit only: no published translation is held for this verse.
रत्नभूषितया चारुचन्दनोक्षितया तया ।। सुखेन मूर्छितस्तल्पे पुष्पचन्दनसंयुते
ratnabhūṣitayā cārucandanokṣitayā tayā || sukhena mūrchitastalpe puṣpacandanasaṃyute
Sanskrit only: no published translation is held for this verse.
श्लिष्टोऽभून्निद्रया सद्यः सुखेन नवसङ्गमात् ।। मया प्रबोधितौ सा च भवांश्च स्मरणं कुरु
śliṣṭo'bhūnnidrayā sadyaḥ sukhena navasaṅgamāt || mayā prabodhitau sā ca bhavāṃśca smaraṇaṃ kuru
Sanskrit only: no published translation is held for this verse.
गृहीतं पीतवस्त्रं ते मुरली च मनोहरा ।। वनमाला कौस्तुभश्चाप्यमूल्यं रत्नकुण्डलम्
gṛhītaṃ pītavastraṃ te muralī ca manoharā || vanamālā kaustubhaścāpyamūlyaṃ ratnakuṇḍalam
Sanskrit only: no published translation is held for this verse.
पश्चात्प्रदत्तं प्रेम्णा च सखीनां वचनादहो ।। लज्जया कृष्णवर्णोऽभूदद्यापि च भवान्प्रभो
paścātpradattaṃ premṇā ca sakhīnāṃ vacanādaho || lajjayā kṛṣṇavarṇo'bhūdadyāpi ca bhavānprabho
Sanskrit only: no published translation is held for this verse.
क्षमा देहं परित्यज्य लज्जया पृथिवीं गता ।। ततस्तस्याः शरीरं च गुणश्रेष्ठं बभूव ह
kṣamā dehaṃ parityajya lajjayā pṛthivīṃ gatā || tatastasyāḥ śarīraṃ ca guṇaśreṣṭhaṃ babhūva ha
Sanskrit only: no published translation is held for this verse.
संविभज्य त्वया दत्तं प्रेम्णा च रुदता पुरा ।। किंचिद्दत्तं विष्णवे च वैष्णवेभ्यश्च किंचन
saṃvibhajya tvayā dattaṃ premṇā ca rudatā purā || kiṃciddattaṃ viṣṇave ca vaiṣṇavebhyaśca kiṃcana
Sanskrit only: no published translation is held for this verse.
धर्मिष्ठेभ्यश्च धर्माय दुर्बलेभ्यश्च किंचन ।। तपस्विभ्योऽपि देवेभ्यः पंडितेभ्यश्च किंचन
dharmiṣṭhebhyaśca dharmāya durbalebhyaśca kiṃcana || tapasvibhyo'pi devebhyaḥ paṃḍitebhyaśca kiṃcana
Sanskrit only: no published translation is held for this verse.
एतत्ते कथितं सर्वं किं भूयः श्रोतुमिच्छसि ।। त्वद्गुणं बहुविस्तारं जानामि च परं प्रभो
etatte kathitaṃ sarvaṃ kiṃ bhūyaḥ śrotumicchasi || tvadguṇaṃ bahuvistāraṃ jānāmi ca paraṃ prabho
Sanskrit only: no published translation is held for this verse.
इत्येवमुक्त्वा सा राधा रक्तपङ्कजलोचना ।। गङ्गां वक्तुं समारेभे नम्रास्यां लज्जितां सतीम्
ityevamuktvā sā rādhā raktapaṅkajalocanā || gaṅgāṃ vaktuṃ samārebhe namrāsyāṃ lajjitāṃ satīm
Sanskrit only: no published translation is held for this verse.
गङ्गा रहस्यं योगेन ज्ञात्वा वै सिद्धयोगिनी ।। तिरोभूय सभामध्यात्स्वजलं प्रविवेश सा
gaṅgā rahasyaṃ yogena jñātvā vai siddhayoginī || tirobhūya sabhāmadhyātsvajalaṃ praviveśa sā
Sanskrit only: no published translation is held for this verse.
राधा योगेन विज्ञाय सर्वत्रावस्थितां च ताम् ।। पानं कर्तुं समारेभे गण्डूषात्सिद्धयोगिनी
rādhā yogena vijñāya sarvatrāvasthitāṃ ca tām || pānaṃ kartuṃ samārebhe gaṇḍūṣātsiddhayoginī
Sanskrit only: no published translation is held for this verse.
गंगा रहस्यं योगेन ज्ञात्वा वै सिद्धयोगिनी ।। श्रीकृष्णचरणाम्भोजं परमं शरणं ययौ
gaṃgā rahasyaṃ yogena jñātvā vai siddhayoginī || śrīkṛṣṇacaraṇāmbhojaṃ paramaṃ śaraṇaṃ yayau
Sanskrit only: no published translation is held for this verse.
गोलोकं चैव वैकुण्ठं ब्रह्मलोकादिकं तथा ।। ददर्श राधा सर्वत्र नैव गङ्गां ददर्श सा
golokaṃ caiva vaikuṇṭhaṃ brahmalokādikaṃ tathā || dadarśa rādhā sarvatra naiva gaṅgāṃ dadarśa sā
Sanskrit only: no published translation is held for this verse.
सर्वतो जलशून्यं च शुष्कपङ्कजगोलकम् ।। जलजन्तुसमूहैश्च मृतदेहैः समन्वितम्
sarvato jalaśūnyaṃ ca śuṣkapaṅkajagolakam || jalajantusamūhaiśca mṛtadehaiḥ samanvitam
Sanskrit only: no published translation is held for this verse.
ब्रह्मविष्णुशिवानन्तधर्मेन्द्रेन्दुदिवाकराः ।। मनवो मानवाः सर्वे देवाः सिद्धास्तपस्विनः
brahmaviṣṇuśivānantadharmendrendudivākarāḥ || manavo mānavāḥ sarve devāḥ siddhāstapasvinaḥ
Sanskrit only: no published translation is held for this verse.
गोलोकं च समाजग्मुः शुष्ककण्ठौष्ठतालुकाः ।। सर्वे प्रणेमुर्गोविन्दं सर्वेशं प्रकृतेः परम्
golokaṃ ca samājagmuḥ śuṣkakaṇṭhauṣṭhatālukāḥ || sarve praṇemurgovindaṃ sarveśaṃ prakṛteḥ param
Sanskrit only: no published translation is held for this verse.
वरं वरेण्यं वरदं वरिष्ठं वरकारणम् ।। वरेशं च वरार्हं च सर्वेषां प्रवरं प्रभुम्
varaṃ vareṇyaṃ varadaṃ variṣṭhaṃ varakāraṇam || vareśaṃ ca varārhaṃ ca sarveṣāṃ pravaraṃ prabhum
Sanskrit only: no published translation is held for this verse.
निरीहं च निराकारं निर्लिप्तं च निराश्रयम् ।। निर्गुणं च निरुत्साहं निर्व्यूहं च निरञ्जनम्
nirīhaṃ ca nirākāraṃ nirliptaṃ ca nirāśrayam || nirguṇaṃ ca nirutsāhaṃ nirvyūhaṃ ca nirañjanam
Sanskrit only: no published translation is held for this verse.
स्वेच्छामयं च साकारं भक्तानुग्रहविग्रहम् ।। सत्यस्वरूपं सत्येशं साक्षिरूपं सनातनम् ।।
svecchāmayaṃ ca sākāraṃ bhaktānugrahavigraham || satyasvarūpaṃ satyeśaṃ sākṣirūpaṃ sanātanam ||
Sanskrit only: no published translation is held for this verse.
परं परेशं परमं परमात्मानमीश्वरम् ।। प्रणम्य तुष्टुवुः सर्वे भक्तिनम्रात्मकन्धराः
paraṃ pareśaṃ paramaṃ paramātmānamīśvaram || praṇamya tuṣṭuvuḥ sarve bhaktinamrātmakandharāḥ
Sanskrit only: no published translation is held for this verse.
सगद्गदा साश्रुनेत्राः पुलकाङ्कितविग्रहाः ।। सर्वे संस्तूय सर्वेशं भगवन्तं परं हरिम्
sagadgadā sāśrunetrāḥ pulakāṅkitavigrahāḥ || sarve saṃstūya sarveśaṃ bhagavantaṃ paraṃ harim
Sanskrit only: no published translation is held for this verse.
ज्योतिर्मयं परं ब्रह्म सर्वकारणकारणम् ।। अमूल्यरत्नखचितचित्रसिंहासनस्थितम्
jyotirmayaṃ paraṃ brahma sarvakāraṇakāraṇam || amūlyaratnakhacitacitrasiṃhāsanasthitam
Sanskrit only: no published translation is held for this verse.
सेव्यमानं च गोपालैः श्वेतचामरवायुना ।। गोपालिकानृत्यगीतं पश्यन्तं सस्मितं मुदा
sevyamānaṃ ca gopālaiḥ śvetacāmaravāyunā || gopālikānṛtyagītaṃ paśyantaṃ sasmitaṃ mudā
Sanskrit only: no published translation is held for this verse.
वल्गुवेषैः परिवृतं गोपैश्च शतकोटिभिः ।। चन्दनोक्षितसर्वांगं रत्नभूषणभूषितम्
valguveṣaiḥ parivṛtaṃ gopaiśca śatakoṭibhiḥ || candanokṣitasarvāṃgaṃ ratnabhūṣaṇabhūṣitam
Sanskrit only: no published translation is held for this verse.
नवीननीरदश्यामं किशोरं पीतवाससम् ।। यथा द्वादशवर्षीयं बालं गोपालरूपिणम्
navīnanīradaśyāmaṃ kiśoraṃ pītavāsasam || yathā dvādaśavarṣīyaṃ bālaṃ gopālarūpiṇam
Sanskrit only: no published translation is held for this verse.
कोटिचन्द्रप्रभाजुष्टपुष्टश्रीयुक्तविग्रहम् ।। स्वतेजसा परिवृतं सुसादृश्यं मनोहरम्।।
koṭicandraprabhājuṣṭapuṣṭaśrīyuktavigraham || svatejasā parivṛtaṃ susādṛśyaṃ manoharam||
Sanskrit only: no published translation is held for this verse.
कोटिकन्दर्पसौन्दर्य्यलीलालावण्यविग्रहम् ।। दृश्यमानं च गोपीभिः सस्मिताभिश्च सन्ततम्
koṭikandarpasaundaryyalīlālāvaṇyavigraham || dṛśyamānaṃ ca gopībhiḥ sasmitābhiśca santatam
Sanskrit only: no published translation is held for this verse.
भूषणैर्भूषिताभिश्च महारत्नविनिर्मितैः ।। पिबन्तीभिर्लोचनाभ्यां मुखचन्द्रं प्रभोर्मुदा
bhūṣaṇairbhūṣitābhiśca mahāratnavinirmitaiḥ || pibantībhirlocanābhyāṃ mukhacandraṃ prabhormudā
Sanskrit only: no published translation is held for this verse.
प्राणाधिकप्रियतमाराधावक्षःस्थलस्थितम् ।। तया प्रदत्तं ताम्बूलं भुक्तवन्तं सुवासितम् ।। परिपूर्णतमं रासे ददृशुः सर्वतः सुराः
prāṇādhikapriyatamārādhāvakṣaḥsthalasthitam || tayā pradattaṃ tāmbūlaṃ bhuktavantaṃ suvāsitam || paripūrṇatamaṃ rāse dadṛśuḥ sarvataḥ surāḥ
Sanskrit only: no published translation is held for this verse.
मुनयो मानवाः सिद्धास्तपसा च तपस्विनः ।। प्रहृष्टमानसाः सर्वे जग्मुः परमविस्मयम्
munayo mānavāḥ siddhāstapasā ca tapasvinaḥ || prahṛṣṭamānasāḥ sarve jagmuḥ paramavismayam
Sanskrit only: no published translation is held for this verse.
परस्परं समालोच्य ते तमूचुश्चतुर्मुखम् ।। निवेदितुं जगन्नाथं स्वाभिप्रायमभीप्सितम्
parasparaṃ samālocya te tamūcuścaturmukham || nivedituṃ jagannāthaṃ svābhiprāyamabhīpsitam
Sanskrit only: no published translation is held for this verse.
ब्रह्मा तद्वचनं श्रुत्वा स्थितं विष्णोस्तु दक्षिणे ।। वामतो वामदेवस्य चागमत्कृष्णमुत्तमम्
brahmā tadvacanaṃ śrutvā sthitaṃ viṣṇostu dakṣiṇe || vāmato vāmadevasya cāgamatkṛṣṇamuttamam
Sanskrit only: no published translation is held for this verse.
परमानन्दयुक्तं च परमानन्दरूपकम् ।। सर्वं कृष्णमयं धाता चापश्यद्रासमण्डले
paramānandayuktaṃ ca paramānandarūpakam || sarvaṃ kṛṣṇamayaṃ dhātā cāpaśyadrāsamaṇḍale
Sanskrit only: no published translation is held for this verse.
सर्वं समानवेषं च सभानासनसंस्थितम्
sarvaṃ samānaveṣaṃ ca sabhānāsanasaṃsthitam
Sanskrit only: no published translation is held for this verse.
द्विभुजं मुरलीहस्तं वनमालाविभूषितम् ।। मयूरपुच्छचूडं च कौस्तुभेन विराजितम्
dvibhujaṃ muralīhastaṃ vanamālāvibhūṣitam || mayūrapucchacūḍaṃ ca kaustubhena virājitam
Sanskrit only: no published translation is held for this verse.
अतीव कमनीयं च सुन्दरं शान्तविग्रहम् ।। गुणभूषणरूपेण तेजसा वयसा त्विषा
atīva kamanīyaṃ ca sundaraṃ śāntavigraham || guṇabhūṣaṇarūpeṇa tejasā vayasā tviṣā
Sanskrit only: no published translation is held for this verse.
वाससा यशसाऽऽकृत्या मूर्त्या सुन्दरया समम् ।। परिपूर्णतमं सर्वं सर्वैश्वर्य्यसमन्वितम्
vāsasā yaśasā''kṛtyā mūrtyā sundarayā samam || paripūrṇatamaṃ sarvaṃ sarvaiśvaryyasamanvitam
Sanskrit only: no published translation is held for this verse.
कः सेव्यस्सेवको वेति दृष्ट्वा निर्वक्तुमक्षमः ।। क्षणं तेजः स्वरूपं च रूपराशियुतं क्षणम्
kaḥ sevyassevako veti dṛṣṭvā nirvaktumakṣamaḥ || kṣaṇaṃ tejaḥ svarūpaṃ ca rūparāśiyutaṃ kṣaṇam
Sanskrit only: no published translation is held for this verse.
एकमेव क्षणं कृष्णं राधया सहितं परम्।। प्रत्येकासनसंस्थं च तया च सहितं क्षणम्
ekameva kṣaṇaṃ kṛṣṇaṃ rādhayā sahitaṃ param|| pratyekāsanasaṃsthaṃ ca tayā ca sahitaṃ kṣaṇam
Sanskrit only: no published translation is held for this verse.
राधारूपधरं कृष्णं कृष्णरूपकलत्रकम् ।। किं स्त्रीरूपं च पुंरूपं विधाता ध्यातुमक्षमः
rādhārūpadharaṃ kṛṣṇaṃ kṛṣṇarūpakalatrakam || kiṃ strīrūpaṃ ca puṃrūpaṃ vidhātā dhyātumakṣamaḥ
Sanskrit only: no published translation is held for this verse.
हृत्पद्मस्थं च श्रीकृष्णं धाता ध्यानेन चेतसा ।। चकार स्तवनं भक्त्या प्रणम्याथ त्वनेकधा
hṛtpadmasthaṃ ca śrīkṛṣṇaṃ dhātā dhyānena cetasā || cakāra stavanaṃ bhaktyā praṇamyātha tvanekadhā
Sanskrit only: no published translation is held for this verse.
ततः स चक्षुरुन्मील्य पुनश्च तदनुज्ञया ।। अपश्यत्कृष्णमेकं च राधावक्षस्थलस्थितम्
tataḥ sa cakṣurunmīlya punaśca tadanujñayā || apaśyatkṛṣṇamekaṃ ca rādhāvakṣasthalasthitam
Sanskrit only: no published translation is held for this verse.
स्वपार्षदैः परिवृतं गोपीमण्डलमण्डितम् ।। पुनः प्रणेमुस्तं दृष्ट्वा तुष्टुवुश्च पुनश्च ते
svapārṣadaiḥ parivṛtaṃ gopīmaṇḍalamaṇḍitam || punaḥ praṇemustaṃ dṛṣṭvā tuṣṭuvuśca punaśca te
Sanskrit only: no published translation is held for this verse.
विज्ञाय तदभिप्रायं तानुवाच सुरेश्वरः ।। सर्वात्मा सर्वयज्ञेशः सर्वेशः सर्वभावनः
vijñāya tadabhiprāyaṃ tānuvāca sureśvaraḥ || sarvātmā sarvayajñeśaḥ sarveśaḥ sarvabhāvanaḥ
Sanskrit only: no published translation is held for this verse.
श्रीभगवानुवाच ।। आगच्छ कुशलं ब्रह्मन्नागच्छ कमलापते ।। इहागच्छ महादेव शश्वत्कुशलमस्तु वः
śrībhagavānuvāca || āgaccha kuśalaṃ brahmannāgaccha kamalāpate || ihāgaccha mahādeva śaśvatkuśalamastu vaḥ
Sanskrit only: no published translation is held for this verse.
आगताः स्थ महाभागा गङ्गानयनकारणात् ।। गंगा मच्चरणत्म्भोजे भयेन शरणं गता
āgatāḥ stha mahābhāgā gaṅgānayanakāraṇāt || gaṃgā maccaraṇatmbhoje bhayena śaraṇaṃ gatā
Sanskrit only: no published translation is held for this verse.
राधेमां पातुमिच्छन्ती दृष्ट्वा मत्सन्निधानतः ।। दास्यामीमां बहिः कृत्वा यूयं कुरुत निर्भयाम्
rādhemāṃ pātumicchantī dṛṣṭvā matsannidhānataḥ || dāsyāmīmāṃ bahiḥ kṛtvā yūyaṃ kuruta nirbhayām
Sanskrit only: no published translation is held for this verse.
श्रीकृष्णस्य वचः श्रुत्वा सस्मितः कमलोद्भवः ।। तुष्टाव सर्वाराध्यां तां राधां श्रीकृष्णपूजिताम् ।।
śrīkṛṣṇasya vacaḥ śrutvā sasmitaḥ kamalodbhavaḥ || tuṣṭāva sarvārādhyāṃ tāṃ rādhāṃ śrīkṛṣṇapūjitām ||
Sanskrit only: no published translation is held for this verse.
वक्त्रैश्चतुर्भिः संस्तूय भक्तिनम्रात्मकन्धरः ।। धाता चतुर्णां वेदानामुवाच चतुराननः
vaktraiścaturbhiḥ saṃstūya bhaktinamrātmakandharaḥ || dhātā caturṇāṃ vedānāmuvāca caturānanaḥ
Sanskrit only: no published translation is held for this verse.
गङ्गा त्वदङ्गसम्भूता प्रभोर्वै रासमण्डले।। द्रवरूपा च सा जाता मुग्धया शङ्करस्वरात्
gaṅgā tvadaṅgasambhūtā prabhorvai rāsamaṇḍale|| dravarūpā ca sā jātā mugdhayā śaṅkarasvarāt
Sanskrit only: no published translation is held for this verse.
कृष्णांशा च त्वदंशा च त्वत्कन्यासदृशी प्रिया।। तन्मन्त्रग्रहणं कृत्वा करोतु तव पूजनम्
kṛṣṇāṃśā ca tvadaṃśā ca tvatkanyāsadṛśī priyā|| tanmantragrahaṇaṃ kṛtvā karotu tava pūjanam
Sanskrit only: no published translation is held for this verse.
भविष्यति पतिस्तस्या वैकुण्ठे च चतुर्भुजः।। भूगतायाः कलायाश्च लवणोदश्च वारिधिः
bhaviṣyati patistasyā vaikuṇṭhe ca caturbhujaḥ|| bhūgatāyāḥ kalāyāśca lavaṇodaśca vāridhiḥ
Sanskrit only: no published translation is held for this verse.