भूषितां भूषणैः सर्वैरतीव सुमनोहराम् ।। सुरतेर्विरतिर्नास्ति तयोः सुरतविज्ञयोः
bhūṣitāṃ bhūṣaṇaiḥ sarvairatīva sumanoharām || suraterviratirnāsti tayoḥ suratavijñayoḥ
Sanskrit only: no published translation is held for this verse.
Library·Brahmavaivarta Purāṇa·2·2.16
Brahmavaivarta Purāṇa 2.16
जहार मानसं भर्तुर्लीलया तुलसी सती ।। चेतनां रसिकायाश्च जहार रसभाववित्
jahāra mānasaṃ bharturlīlayā tulasī satī || cetanāṃ rasikāyāśca jahāra rasabhāvavit
Sanskrit only: no published translation is held for this verse.
वक्षसश्चन्दनं बाह्वोस्तिलकं विजहार सा ।। स च जग्राह तस्याश्च सिन्दूरबिन्दुपत्रकम्
vakṣasaścandanaṃ bāhvostilakaṃ vijahāra sā || sa ca jagrāha tasyāśca sindūrabindupatrakam
Sanskrit only: no published translation is held for this verse.
स तद्वक्षसि तस्याश्च नखरेखां ददौ मुदा।। सा ददौ तद्वामपार्श्वे करभूषणलक्षणम्
sa tadvakṣasi tasyāśca nakharekhāṃ dadau mudā|| sā dadau tadvāmapārśve karabhūṣaṇalakṣaṇam
Sanskrit only: no published translation is held for this verse.
सुरतेर्विरतौ तौ च समुत्थाय परस्परम् ।। सुवेशं चक्रतुस्तत्र यत्तन्मनसि वाञ्छितम्
suraterviratau tau ca samutthāya parasparam || suveśaṃ cakratustatra yattanmanasi vāñchitam
Sanskrit only: no published translation is held for this verse.
कुङ्कुमाक्तचन्दनेन सा तस्मै तिलकं ददौ ।। सर्वाङ्गे सुन्दरे रम्ये चकार चानुलेपनम्
kuṅkumāktacandanena sā tasmai tilakaṃ dadau || sarvāṅge sundare ramye cakāra cānulepanam
Sanskrit only: no published translation is held for this verse.
सुवासितं च ताम्बूलं वह्निशुद्धे च वाससी ।। पारिजातस्य कुसुमं माल्यं चैव सुशोभनम्
suvāsitaṃ ca tāmbūlaṃ vahniśuddhe ca vāsasī || pārijātasya kusumaṃ mālyaṃ caiva suśobhanam
Sanskrit only: no published translation is held for this verse.
अमूल्यरत्ननिर्माणमंगुलीयकमुत्तमम् ।। सुन्दरं च मणिवरं त्रिषु लोकेषु दुर्लभम्
amūlyaratnanirmāṇamaṃgulīyakamuttamam || sundaraṃ ca maṇivaraṃ triṣu lokeṣu durlabham
Sanskrit only: no published translation is held for this verse.
दासी तवाहमित्येवं समुच्चार्य पुनः पुनः ।। ननाम परया भक्त्या स्वामिनं गुणशालिनम्
dāsī tavāhamityevaṃ samuccārya punaḥ punaḥ || nanāma parayā bhaktyā svāminaṃ guṇaśālinam
Sanskrit only: no published translation is held for this verse.
सस्मिता तन्मुखांभोजं लोचनाभ्यां पपौ पुनः ।। निमेषरहिताभ्यां च सकटाक्षं च सुन्दरम्
sasmitā tanmukhāṃbhojaṃ locanābhyāṃ papau punaḥ || nimeṣarahitābhyāṃ ca sakaṭākṣaṃ ca sundaram
Sanskrit only: no published translation is held for this verse.
स च तां च समाकृष्य चकार वक्षसि प्रियाम् ।। सस्मितं वाससाऽऽच्छन्नं ददर्श मुखपङ्कजम्
sa ca tāṃ ca samākṛṣya cakāra vakṣasi priyām || sasmitaṃ vāsasā''cchannaṃ dadarśa mukhapaṅkajam
Sanskrit only: no published translation is held for this verse.
चुचुम्ब कठिने गण्डे बिम्बोष्ठे पुनरेव च ।। ददौ तस्यै वस्त्रयुग्मं वरुणादाहृतं च यत् ।। तदाहृतां रत्नमालां त्रिषु लोकेषु विश्रुताम्
cucumba kaṭhine gaṇḍe bimboṣṭhe punareva ca || dadau tasyai vastrayugmaṃ varuṇādāhṛtaṃ ca yat || tadāhṛtāṃ ratnamālāṃ triṣu lokeṣu viśrutām
Sanskrit only: no published translation is held for this verse.
ददौ मञ्जीरयुग्मं च स्वाहायाश्च हृतं च यत् ।। केयूरयुग्मं छायाया रोहिण्याश्चैव कुण्डलम्
dadau mañjīrayugmaṃ ca svāhāyāśca hṛtaṃ ca yat || keyūrayugmaṃ chāyāyā rohiṇyāścaiva kuṇḍalam
Sanskrit only: no published translation is held for this verse.
अंगुलीयकरत्नानि रत्याश्च वरभूषणम् ।। शङ्खं सुरुचिरं चित्रं यद्दत्तं विश्वकर्मणा
aṃgulīyakaratnāni ratyāśca varabhūṣaṇam || śaṅkhaṃ suruciraṃ citraṃ yaddattaṃ viśvakarmaṇā
Sanskrit only: no published translation is held for this verse.
विचित्रपीठकश्रेणीं शय्यां चापि सुदुर्लभाम् ।। भूषणानि च दत्त्वा च परीहारं चकार ह
vicitrapīṭhakaśreṇīṃ śayyāṃ cāpi sudurlabhām || bhūṣaṇāni ca dattvā ca parīhāraṃ cakāra ha
Sanskrit only: no published translation is held for this verse.
निर्माय कबरीभारं तस्याश्च माल्यसंयुतम् ।। सुचित्रं पत्रकं गण्डे जयलेखसमं तथा
nirmāya kabarībhāraṃ tasyāśca mālyasaṃyutam || sucitraṃ patrakaṃ gaṇḍe jayalekhasamaṃ tathā
Sanskrit only: no published translation is held for this verse.
चन्द्रलेखात्रिभिर्युक्तं चन्दनेन सुगन्धिना ।। परितः परितश्चित्रैः सार्द्धं कुंकुमबिन्दुभिः
candralekhātribhiryuktaṃ candanena sugandhinā || paritaḥ paritaścitraiḥ sārddhaṃ kuṃkumabindubhiḥ
Sanskrit only: no published translation is held for this verse.
ज्वलत्प्रदीपाकारं च सिन्दूरतिलकं ददौ ।। तत्पादपद्मयुगले स्थलपद्मविनिन्दिते
jvalatpradīpākāraṃ ca sindūratilakaṃ dadau || tatpādapadmayugale sthalapadmavinindite
Sanskrit only: no published translation is held for this verse.
चित्रालक्तकरागं च नखरेषु ददौ मुदा ।। स्ववक्षसि मुहुर्न्यस्तं सरागं चरणाम्बुजम्
citrālaktakarāgaṃ ca nakhareṣu dadau mudā || svavakṣasi muhurnyastaṃ sarāgaṃ caraṇāmbujam
Sanskrit only: no published translation is held for this verse.
हे देवि तव दासोऽहमित्युच्चार्य्य पुनः पुनः ।। रत्ननिर्माणयानेन तां च कृत्वा स्ववक्षसि
he devi tava dāso'hamityuccāryya punaḥ punaḥ || ratnanirmāṇayānena tāṃ ca kṛtvā svavakṣasi
Sanskrit only: no published translation is held for this verse.
तपोवनं परित्यज्य राजास्थानान्तरं ययौ।। मलये देवनिलये शैले शैले वने वने
tapovanaṃ parityajya rājāsthānāntaraṃ yayau|| malaye devanilaye śaile śaile vane vane
Sanskrit only: no published translation is held for this verse.
स्थाने स्थानेऽतिरम्ये च पुष्पोद्यानेऽतिनिर्जने ।। कन्दरे कन्दरे सिन्धुतीरे च सुन्दरे वने
sthāne sthāne'tiramye ca puṣpodyāne'tinirjane || kandare kandare sindhutīre ca sundare vane
Sanskrit only: no published translation is held for this verse.
पुष्पभद्रानदीतीरे नीरवातमनोहरे ।। पुलिने पुलिने दिव्ये नद्यां नद्यां नदे नदे
puṣpabhadrānadītīre nīravātamanohare || puline puline divye nadyāṃ nadyāṃ nade nade
Sanskrit only: no published translation is held for this verse.
मधौ मधुकराणां च मधुरध्वनिनादिते ।। विनिस्यन्दे सुपवने नन्दने गन्धमादने
madhau madhukarāṇāṃ ca madhuradhvaninādite || vinisyande supavane nandane gandhamādane
Sanskrit only: no published translation is held for this verse.
देवोद्याने देववने चित्रे चन्दनकानने ।। चम्पकानां केतकीनां माधवीनां च माधवे
devodyāne devavane citre candanakānane || campakānāṃ ketakīnāṃ mādhavīnāṃ ca mādhave
Sanskrit only: no published translation is held for this verse.
कुन्दानां मालतीनां च कुमुदाम्भोजकानने ।। कल्पवृक्षे कल्पवृक्षे पारिजातवने वने
kundānāṃ mālatīnāṃ ca kumudāmbhojakānane || kalpavṛkṣe kalpavṛkṣe pārijātavane vane
Sanskrit only: no published translation is held for this verse.
निर्जने काञ्चनीस्थाने धन्ये काञ्चनपर्वते ।। काञ्चीवने किञ्चनके कञ्चके काञ्चनाकरे
nirjane kāñcanīsthāne dhanye kāñcanaparvate || kāñcīvane kiñcanake kañcake kāñcanākare
Sanskrit only: no published translation is held for this verse.
पुष्पचन्दनतल्पे च पुंस्कोकिलरुतश्रुते ।। पुष्पचन्दनसंयुक्तः पुष्पचन्दनवायुना
puṣpacandanatalpe ca puṃskokilarutaśrute || puṣpacandanasaṃyuktaḥ puṣpacandanavāyunā
Sanskrit only: no published translation is held for this verse.
कामुक्या कामुकः कामात्स रेमे रामया सह ।। न तृप्तो दानवेन्द्रश्च तृप्तिं नैव जगाम सा
kāmukyā kāmukaḥ kāmātsa reme rāmayā saha || na tṛpto dānavendraśca tṛptiṃ naiva jagāma sā
Sanskrit only: no published translation is held for this verse.
हविषा कृष्णवर्त्मेव ववृधे मदनस्तयोः ।। तया सह समागत्य स्वाश्रमं दानवस्ततः
haviṣā kṛṣṇavartmeva vavṛdhe madanastayoḥ || tayā saha samāgatya svāśramaṃ dānavastataḥ
Sanskrit only: no published translation is held for this verse.
रम्यं क्रीडालयं कृत्वा विजहार पुनस्ततः ।। एवं संबुभुजे राज्यं शङ्खचूडः प्रतापवान्
ramyaṃ krīḍālayaṃ kṛtvā vijahāra punastataḥ || evaṃ saṃbubhuje rājyaṃ śaṅkhacūḍaḥ pratāpavān
Sanskrit only: no published translation is held for this verse.
एकमन्वन्तरं पूर्णं राजराजेश्वरो बली ।। देवानामसुराणां च दानवानां च सन्ततम्
ekamanvantaraṃ pūrṇaṃ rājarājeśvaro balī || devānāmasurāṇāṃ ca dānavānāṃ ca santatam
Sanskrit only: no published translation is held for this verse.
गन्धर्वाणां किन्नराणां राक्षसानां च शास्तिदः ।। हताधिकारा देवाश्च चरन्ति भिक्षुका यथा
gandharvāṇāṃ kinnarāṇāṃ rākṣasānāṃ ca śāstidaḥ || hatādhikārā devāśca caranti bhikṣukā yathā
Sanskrit only: no published translation is held for this verse.
निरुद्यमाः सुराः सर्वे चित्रपुत्तलिका यथा ।। ते च सर्वे विषण्णाश्च प्रजग्मुर्ब्रह्मणः सभाम्।।
nirudyamāḥ surāḥ sarve citraputtalikā yathā || te ca sarve viṣaṇṇāśca prajagmurbrahmaṇaḥ sabhām||
Sanskrit only: no published translation is held for this verse.
वृत्तान्तं कथयामासू रुरुदुश्च भृशं मुहुः ।। तदा ब्रह्मा सुरैः सार्द्धं जगाम शङ्करालयम्
vṛttāntaṃ kathayāmāsū ruruduśca bhṛśaṃ muhuḥ || tadā brahmā suraiḥ sārddhaṃ jagāma śaṅkarālayam
Sanskrit only: no published translation is held for this verse.
सर्वं संकथयामास विधाता चन्द्रशेखरम् ।। ब्रह्मा शिवश्च तैः सार्द्धं वैकुण्ठं च जगाम ह
sarvaṃ saṃkathayāmāsa vidhātā candraśekharam || brahmā śivaśca taiḥ sārddhaṃ vaikuṇṭhaṃ ca jagāma ha
Sanskrit only: no published translation is held for this verse.
सुदुर्लभं परं धाम जरामृत्युहरं परम् ।। सम्प्राप च वरं द्वारमाश्रमाणां हरेरहो
sudurlabhaṃ paraṃ dhāma jarāmṛtyuharaṃ param || samprāpa ca varaṃ dvāramāśramāṇāṃ hareraho
Sanskrit only: no published translation is held for this verse.
ददर्श द्वारपालांश्च रत्नसिंहासनस्थितान् ।। शोभितान्पीतवस्त्रैश्च रत्नभूषणभूषितान्।।
dadarśa dvārapālāṃśca ratnasiṃhāsanasthitān || śobhitānpītavastraiśca ratnabhūṣaṇabhūṣitān||
Sanskrit only: no published translation is held for this verse.
वनमालान्वितान्सर्वान्श्यामसुन्दरविग्रहान् ।। शंखचक्रगदापद्मधरांश्चैव चतुर्भुजान्
vanamālānvitānsarvānśyāmasundaravigrahān || śaṃkhacakragadāpadmadharāṃścaiva caturbhujān
Sanskrit only: no published translation is held for this verse.
सस्मितान्पद्मवक्त्रांश्च पद्मनेत्रान्मनोहरान् ।। ब्रह्मा तान्कथयामास वृत्तान्तं गमनार्थकम्
sasmitānpadmavaktrāṃśca padmanetrānmanoharān || brahmā tānkathayāmāsa vṛttāntaṃ gamanārthakam
Sanskrit only: no published translation is held for this verse.
तेऽनुज्ञां च ददुस्तस्मै प्रविवेश तदाज्ञया ।। एवं च षोडश द्वारान्निरीक्ष्य कमलोद्भवः
te'nujñāṃ ca dadustasmai praviveśa tadājñayā || evaṃ ca ṣoḍaśa dvārānnirīkṣya kamalodbhavaḥ
Sanskrit only: no published translation is held for this verse.
देवः सार्द्धं तानतीत्य प्रविवेश हरेः सभाम् ।। देवर्षिभिः परिवृतां पार्षदैश्च चतुर्भुजैः
devaḥ sārddhaṃ tānatītya praviveśa hareḥ sabhām || devarṣibhiḥ parivṛtāṃ pārṣadaiśca caturbhujaiḥ
Sanskrit only: no published translation is held for this verse.
नारायणस्वरूपैश्च सर्वैः कौस्तुभभूषितैः ।। पूर्णेन्दुमण्डलाकारां चतुरस्रां मनोहराम्
nārāyaṇasvarūpaiśca sarvaiḥ kaustubhabhūṣitaiḥ || pūrṇendumaṇḍalākārāṃ caturasrāṃ manoharām
Sanskrit only: no published translation is held for this verse.
मणीन्द्रसारनिर्माणां हीरासारसुशोभिताम् ।। अमूल्यरत्नखचितां रचितां स्वेच्छया हरेः
maṇīndrasāranirmāṇāṃ hīrāsārasuśobhitām || amūlyaratnakhacitāṃ racitāṃ svecchayā hareḥ
Sanskrit only: no published translation is held for this verse.
माणिक्यमालाजालाढ्यां मुक्तापंक्तिविभूषिताम् ।। मण्डितां मण्डलाकारै रत्नदर्पणकोटिभिः
māṇikyamālājālāḍhyāṃ muktāpaṃktivibhūṣitām || maṇḍitāṃ maṇḍalākārai ratnadarpaṇakoṭibhiḥ
Sanskrit only: no published translation is held for this verse.
विचित्रैश्चित्ररेखाभिर्नानाचित्रविचित्रिताम्।। पद्मरागेन्द्ररचितै रचितां पद्मकृत्रिमैः ।।
vicitraiścitrarekhābhirnānācitravicitritām|| padmarāgendraracitai racitāṃ padmakṛtrimaiḥ ||
Sanskrit only: no published translation is held for this verse.
सोपानशतकैर्युक्तां स्यमन्तकविनिर्मितैः।। पट्टसूत्रग्रन्थियुतैश्चारुचन्दनपल्लवैः
sopānaśatakairyuktāṃ syamantakavinirmitaiḥ|| paṭṭasūtragranthiyutaiścārucandanapallavaiḥ
Sanskrit only: no published translation is held for this verse.
इन्द्रनीलमणिस्तम्भैर्वेष्टितां सुमनोरमाम्।। सद्रत्नपूर्णकुम्भानां समूहैश्च समन्विताम्
indranīlamaṇistambhairveṣṭitāṃ sumanoramām|| sadratnapūrṇakumbhānāṃ samūhaiśca samanvitām
Sanskrit only: no published translation is held for this verse.
पारिजातप्रसूनानां मालाजालैर्विराजिताम् ।। कस्तूरीकुङ्कुमाक्तैश्च सुगन्धिचन्दनद्रवैः
pārijātaprasūnānāṃ mālājālairvirājitām || kastūrīkuṅkumāktaiśca sugandhicandanadravaiḥ
Sanskrit only: no published translation is held for this verse.
सुसंस्कृतां तु सर्वत्र वासिता गन्धवायुना ।। विद्याधरीसमूहानां सङ्गीतैश्च मनोहरम्
susaṃskṛtāṃ tu sarvatra vāsitā gandhavāyunā || vidyādharīsamūhānāṃ saṅgītaiśca manoharam
Sanskrit only: no published translation is held for this verse.
सहस्रयोजनायामां परिपूर्णां च किंकरैः ।। ददर्श श्रीहरिं ब्रह्मा शङ्करैश्च सुरैः सह
sahasrayojanāyāmāṃ paripūrṇāṃ ca kiṃkaraiḥ || dadarśa śrīhariṃ brahmā śaṅkaraiśca suraiḥ saha
Sanskrit only: no published translation is held for this verse.
किरीटिनं कुण्डलिनं वनमालाविभूषितम् ।। शङ्खचक्रगदापद्मधारिणं च चतुर्भुजम् ।।
kirīṭinaṃ kuṇḍalinaṃ vanamālāvibhūṣitam || śaṅkhacakragadāpadmadhāriṇaṃ ca caturbhujam ||
Sanskrit only: no published translation is held for this verse.
नवीननीरदश्यामं सुन्दरं सुमनोहरम् ।। अमूल्यरत्ननिर्माणसर्वाभरणभूषितम्
navīnanīradaśyāmaṃ sundaraṃ sumanoharam || amūlyaratnanirmāṇasarvābharaṇabhūṣitam
Sanskrit only: no published translation is held for this verse.
चन्दनोक्षितसर्वाङ्गं बिभ्रतं केलिपङ्कजम् ।। पुरतो नृत्यगीतं च पश्यन्तं सस्मितं मुदा
candanokṣitasarvāṅgaṃ bibhrataṃ kelipaṅkajam || purato nṛtyagītaṃ ca paśyantaṃ sasmitaṃ mudā
Sanskrit only: no published translation is held for this verse.
वसन्तं तन्मध्यदेशे यथेन्द्रं तारकावृतम् ।। अमूल्यरत्ननिर्माणचित्रसिंहासनस्थितम्
vasantaṃ tanmadhyadeśe yathendraṃ tārakāvṛtam || amūlyaratnanirmāṇacitrasiṃhāsanasthitam
Sanskrit only: no published translation is held for this verse.
गङ्गया परया भक्त्या सेवितं श्वेतचामरैः ।। सर्वैश्च स्तूयमानं च भक्तिनम्रात्मकन्धरैः
gaṅgayā parayā bhaktyā sevitaṃ śvetacāmaraiḥ || sarvaiśca stūyamānaṃ ca bhaktinamrātmakandharaiḥ
Sanskrit only: no published translation is held for this verse.
एवं विशिष्टं तं दृष्ट्वा परिपूर्णतमं विभुम् ।। ब्रह्मादयः सुराः सर्वे प्रणम्य तुष्टुवुस्तदा
evaṃ viśiṣṭaṃ taṃ dṛṣṭvā paripūrṇatamaṃ vibhum || brahmādayaḥ surāḥ sarve praṇamya tuṣṭuvustadā
Sanskrit only: no published translation is held for this verse.
पुलकाङ्कितसर्वाङ्गाः साश्रुनेत्राः सगद्गदाः ।। भक्त्या परमया भक्ता भीता नम्रात्मकन्धराः
pulakāṅkitasarvāṅgāḥ sāśrunetrāḥ sagadgadāḥ || bhaktyā paramayā bhaktā bhītā namrātmakandharāḥ
Sanskrit only: no published translation is held for this verse.
पुटाञ्जलियुतो भूत्वा विधाता जगतामपि ।। वृत्तान्तं कथयामास विनयेन हरेः पुरः
puṭāñjaliyuto bhūtvā vidhātā jagatāmapi || vṛttāntaṃ kathayāmāsa vinayena hareḥ puraḥ
Sanskrit only: no published translation is held for this verse.
हरिस्तद्वचनं श्रुत्वा सर्वज्ञः सर्वभाववित् ।। प्रहस्योवाच ब्रह्माणं रहस्यं च मनोहरम्
haristadvacanaṃ śrutvā sarvajñaḥ sarvabhāvavit || prahasyovāca brahmāṇaṃ rahasyaṃ ca manoharam
Sanskrit only: no published translation is held for this verse.
श्रीभगवानुवाच ।। शङ्खचूडस्य वृत्तान्तं सर्वं जानामि पद्मज ।। मद्भक्तस्य च गोपस्य महातेजस्विनः पुरा
śrībhagavānuvāca || śaṅkhacūḍasya vṛttāntaṃ sarvaṃ jānāmi padmaja || madbhaktasya ca gopasya mahātejasvinaḥ purā
Sanskrit only: no published translation is held for this verse.
सुराः शृणुत तत्सर्वमितिहासं पुरातनम् ।। गोलोकस्यैव चरितं पापघ्नं पुण्यकारणम्
surāḥ śṛṇuta tatsarvamitihāsaṃ purātanam || golokasyaiva caritaṃ pāpaghnaṃ puṇyakāraṇam
Sanskrit only: no published translation is held for this verse.
सुदामा नाम गोपश्च पार्षदप्रवरो मम ।। स प्राप दानवीं योनिं राधाशापात्सुदारुणात्
sudāmā nāma gopaśca pārṣadapravaro mama || sa prāpa dānavīṃ yoniṃ rādhāśāpātsudāruṇāt
Sanskrit only: no published translation is held for this verse.
तत्रैकदाऽहमगमं स्वालयाद्रासमण्डलम् ।। विहाय मानिनीं राधां मम प्राणाधिकां पराम्
tatraikadā'hamagamaṃ svālayādrāsamaṇḍalam || vihāya māninīṃ rādhāṃ mama prāṇādhikāṃ parām
Sanskrit only: no published translation is held for this verse.
सा मां विरजया सार्द्धं विज्ञाय किंकरीमुखात् ।। पश्चात्क्रुधा साऽऽजगाम मां ददर्श च तत्र च
sā māṃ virajayā sārddhaṃ vijñāya kiṃkarīmukhāt || paścātkrudhā sā''jagāma māṃ dadarśa ca tatra ca
Sanskrit only: no published translation is held for this verse.
विरजां च नदीरूपां मां ज्ञात्वा च तिरोहितम् ।। पुनर्जगाम सा रुष्टा स्वालयं सखिभिः सह
virajāṃ ca nadīrūpāṃ māṃ jñātvā ca tirohitam || punarjagāma sā ruṣṭā svālayaṃ sakhibhiḥ saha
Sanskrit only: no published translation is held for this verse.
मां दृष्ट्वा मन्दिरे देवी सुदाम सहितं पुरा ।। भृशं मां भर्त्सयामास मौनीभूतं च सुस्थिरम्
māṃ dṛṣṭvā mandire devī sudāma sahitaṃ purā || bhṛśaṃ māṃ bhartsayāmāsa maunībhūtaṃ ca susthiram
Sanskrit only: no published translation is held for this verse.
तच् त्वा च सुमहांश्च सुदामा तां चुकोप ह।। स च तां भर्त्सयामास कोपेन मम सन्निधौ
tac tvā ca sumahāṃśca sudāmā tāṃ cukopa ha|| sa ca tāṃ bhartsayāmāsa kopena mama sannidhau
Sanskrit only: no published translation is held for this verse.
तच्छ्रुत्वा सा कोपयुक्ता रक्तपङ्कजलोचना ।। बहिष्कर्तुं चकाराज्ञां संत्रस्ता मम संसदि
tacchrutvā sā kopayuktā raktapaṅkajalocanā || bahiṣkartuṃ cakārājñāṃ saṃtrastā mama saṃsadi
Sanskrit only: no published translation is held for this verse.
सखीलक्षं समुत्तस्थौ दुर्वारं तेजसोज्ज्वलम् ।। बहिश्चकार तं तूर्णं जल्पन्तं च पुनः पुनः
sakhīlakṣaṃ samuttasthau durvāraṃ tejasojjvalam || bahiścakāra taṃ tūrṇaṃ jalpantaṃ ca punaḥ punaḥ
Sanskrit only: no published translation is held for this verse.
सा च तद्वचनं श्रुत्वा समारुष्टा शशाप तम् ।। याहि रे दानवीं योनिमित्येवं दारुणं वचः
sā ca tadvacanaṃ śrutvā samāruṣṭā śaśāpa tam || yāhi re dānavīṃ yonimityevaṃ dāruṇaṃ vacaḥ
Sanskrit only: no published translation is held for this verse.
पूजाहोमादिकं तेषां जहार विषयं बलात् ।। आश्रयं चाधिकारं च शस्त्रास्त्रभूषणादिकम्
pūjāhomādikaṃ teṣāṃ jahāra viṣayaṃ balāt || āśrayaṃ cādhikāraṃ ca śastrāstrabhūṣaṇādikam
Sanskrit only: no published translation is held for this verse.
हे वत्स तिष्ठ मा गच्छ क्व यासीति पुनः पुनः ।। समुच्चार्य्य च तत्पश्चाज्जगाम सा च विस्मिता
he vatsa tiṣṭha mā gaccha kva yāsīti punaḥ punaḥ || samuccāryya ca tatpaścājjagāma sā ca vismitā
Sanskrit only: no published translation is held for this verse.
गोप्यश्च रुरुदुः सर्वा गोपाश्चेति सुदुःखिताः ।। ते सर्वे राधिका चापि तत्पश्चाद्बोधिता मया
gopyaśca ruruduḥ sarvā gopāśceti suduḥkhitāḥ || te sarve rādhikā cāpi tatpaścādbodhitā mayā
Sanskrit only: no published translation is held for this verse.
आयास्यति क्षणार्धेन कृत्वा शापस्य पालनम् ।। सुदामंस्त्वमिहागच्छेत्युवाच सा निवारिता
āyāsyati kṣaṇārdhena kṛtvā śāpasya pālanam || sudāmaṃstvamihāgacchetyuvāca sā nivāritā
Sanskrit only: no published translation is held for this verse.
गोलोकस्य क्षणार्द्धेन चैकमन्वन्तरं भवेत् ।। पृथिव्यां जगतां धातरित्येवं वचनं ध्रुवम्
golokasya kṣaṇārddhena caikamanvantaraṃ bhavet || pṛthivyāṃ jagatāṃ dhātarityevaṃ vacanaṃ dhruvam
Sanskrit only: no published translation is held for this verse.
स एव शंखचूडश्च पुनस्तत्रैव यास्यति ।। महाबलिष्ठो योगीशः सर्वमायाविशारदः
sa eva śaṃkhacūḍaśca punastatraiva yāsyati || mahābaliṣṭho yogīśaḥ sarvamāyāviśāradaḥ
Sanskrit only: no published translation is held for this verse.
मम शूलं गृहीत्वा च शीघ्रं गच्छत भारतम् ।। शिवः करोतु संहारं मम शूलेन रक्षसः
mama śūlaṃ gṛhītvā ca śīghraṃ gacchata bhāratam || śivaḥ karotu saṃhāraṃ mama śūlena rakṣasaḥ
Sanskrit only: no published translation is held for this verse.
ममैव कवचं कण्ठे सर्वमङ्गलमङ्गलम् ।। बिभर्ति दानवः शश्वत्संपारविजयी ततः
mamaiva kavacaṃ kaṇṭhe sarvamaṅgalamaṅgalam || bibharti dānavaḥ śaśvatsaṃpāravijayī tataḥ
Sanskrit only: no published translation is held for this verse.
तत्र ब्रह्मन्स्थिते कण्ठे न कोऽपि हिंसितुं क्षमः ।। तद्याञ्चां च करिष्यामि विप्ररूपोऽहमेव च
tatra brahmansthite kaṇṭhe na ko'pi hiṃsituṃ kṣamaḥ || tadyāñcāṃ ca kariṣyāmi viprarūpo'hameva ca
Sanskrit only: no published translation is held for this verse.
सतीत्वभङ्गस्तत्पत्न्या यत्र काले भविष्यति ।। तत्रैव काले तन्मृत्युरिति दत्तो वरस्त्वया
satītvabhaṅgastatpatnyā yatra kāle bhaviṣyati || tatraiva kāle tanmṛtyuriti datto varastvayā
Sanskrit only: no published translation is held for this verse.
तत्पत्न्याश्चोदरे वीर्य्यमर्पयिष्यामि निश्चितम् ।। तत्क्षणेनैव तन्मृत्युर्भविष्यति न संशयः
tatpatnyāścodare vīryyamarpayiṣyāmi niścitam || tatkṣaṇenaiva tanmṛtyurbhaviṣyati na saṃśayaḥ
Sanskrit only: no published translation is held for this verse.
पश्चात्सा देहमुत्सृज्य भविष्यति प्रिया मम ।। इत्युक्त्वा जगतां नाथो ददौ शूलं हराय च
paścātsā dehamutsṛjya bhaviṣyati priyā mama || ityuktvā jagatāṃ nātho dadau śūlaṃ harāya ca
Sanskrit only: no published translation is held for this verse.
शूलं दत्त्वा ययौ शीघ्रं हरिरभ्यन्तरं मुदा ।। भारतं च ययुर्देवा ब्रह्मरुद्रपुरोगमाः
śūlaṃ dattvā yayau śīghraṃ harirabhyantaraṃ mudā || bhārataṃ ca yayurdevā brahmarudrapurogamāḥ
Sanskrit only: no published translation is held for this verse.