Library·Brahmavaivarta Purāṇa·2·2.30
2.30 यम उवाच ।। हरिसेवारतः शुद्धो योगी सिद्धो व्रतो सति ।। तपस्वी ब्रह्मचारी च न याति नरकं यतिः
2.30 yama uvāca || harisevārataḥ śuddho yogī siddho vrato sati || tapasvī brahmacārī ca na yāti narakaṃ yatiḥ
Sanskrit only: no published translation is held for this verse.
कटुवाचा बान्धवांश्च खलत्वेन च यो नरः ।। दग्धान्करोति बलवान्वह्निकुण्डं प्रयाति सः
kaṭuvācā bāndhavāṃśca khalatvena ca yo naraḥ || dagdhānkaroti balavānvahnikuṇḍaṃ prayāti saḥ
Sanskrit only: no published translation is held for this verse.
गात्रलोमप्रमाणाब्दं तत्र स्थित्वा हुताशने ।। पशुयोनिमवाप्नोति रौद्रे दग्धस्त्रिजन्मनि
gātralomapramāṇābdaṃ tatra sthitvā hutāśane || paśuyonimavāpnoti raudre dagdhastrijanmani
Sanskrit only: no published translation is held for this verse.
ब्राह्मणं तृषितं क्षुब्धं प्रतप्तं गृहमागतम् ।। न भोजयति यो मूढस्तप्तकुण्डं प्रयाति सः
brāhmaṇaṃ tṛṣitaṃ kṣubdhaṃ prataptaṃ gṛhamāgatam || na bhojayati yo mūḍhastaptakuṇḍaṃ prayāti saḥ
Sanskrit only: no published translation is held for this verse.
तत्र लोमप्रमाणाब्दं स्थित्वा तत्र च दुःखितः ।। तप्तस्थले वह्निकुण्डे पक्षी च सप्तजन्मसु
tatra lomapramāṇābdaṃ sthitvā tatra ca duḥkhitaḥ || taptasthale vahnikuṇḍe pakṣī ca saptajanmasu
Sanskrit only: no published translation is held for this verse.
रविवारार्कसंक्रान्त्याममायां श्राद्धवासरे ।। वस्त्राणां क्षारसंयोगं करोति यो हि मानवः
ravivārārkasaṃkrāntyāmamāyāṃ śrāddhavāsare || vastrāṇāṃ kṣārasaṃyogaṃ karoti yo hi mānavaḥ
Sanskrit only: no published translation is held for this verse.
स याति क्षारकुण्डं च सूत्रमानाब्दमेव च ।। स व्रजेद्राजकीं योनिं सप्तजन्मसु भारते
sa yāti kṣārakuṇḍaṃ ca sūtramānābdameva ca || sa vrajedrājakīṃ yoniṃ saptajanmasu bhārate
Sanskrit only: no published translation is held for this verse.
स्वदत्तां परदत्तां वा ब्रह्मवृत्तिं हरेत्तु यः ।। षष्टिवर्षसहस्राणि विट्कुण्डं च प्रयाति सः
svadattāṃ paradattāṃ vā brahmavṛttiṃ harettu yaḥ || ṣaṣṭivarṣasahasrāṇi viṭkuṇḍaṃ ca prayāti saḥ
Sanskrit only: no published translation is held for this verse.
षष्टिवर्षसहस्राणि विड्भोजी तत्र तिष्ठति ।। षष्टिवर्षसहस्राणि विट्कृमिश्च पुनर्भुवि
ṣaṣṭivarṣasahasrāṇi viḍbhojī tatra tiṣṭhati || ṣaṣṭivarṣasahasrāṇi viṭkṛmiśca punarbhuvi
Sanskrit only: no published translation is held for this verse.
परकीयतडागे च तडागं यः करोति च ।। उत्सृजेद्दैवदोषेण मूत्रकुण्डं प्रयाति सः
parakīyataḍāge ca taḍāgaṃ yaḥ karoti ca || utsṛjeddaivadoṣeṇa mūtrakuṇḍaṃ prayāti saḥ
Sanskrit only: no published translation is held for this verse.
तद्रेणुमानवर्षं च तद्भोजी तत्र तिष्ठति ।। भारते गोधिका चैव स भवेत्सप्तजन्मसु
tadreṇumānavarṣaṃ ca tadbhojī tatra tiṣṭhati || bhārate godhikā caiva sa bhavetsaptajanmasu
Sanskrit only: no published translation is held for this verse.
एकाकी मिष्टमश्नाति श्लेष्मकुण्डं प्रयाति सः ।। पूर्णमब्दशतं चैव तद्भोजी तत्र तिष्ठति
ekākī miṣṭamaśnāti śleṣmakuṇḍaṃ prayāti saḥ || pūrṇamabdaśataṃ caiva tadbhojī tatra tiṣṭhati
Sanskrit only: no published translation is held for this verse.
पूर्णमब्दशतं चैव स प्रेतो भारते भवेत् ।। श्लेष्ममूत्रगरं चैव पूयं भुङ्क्ते ततः शुचिः
pūrṇamabdaśataṃ caiva sa preto bhārate bhavet || śleṣmamūtragaraṃ caiva pūyaṃ bhuṅkte tataḥ śuciḥ
Sanskrit only: no published translation is held for this verse.
पितरं मातरं चैव गुरुं भार्य्यां सुतं सुताम् ।। यो न पुष्णात्यनाथं च गरकुण्डं प्रयाति सः
pitaraṃ mātaraṃ caiva guruṃ bhāryyāṃ sutaṃ sutām || yo na puṣṇātyanāthaṃ ca garakuṇḍaṃ prayāti saḥ
Sanskrit only: no published translation is held for this verse.
पूर्णमब्दसहस्रं च तद्भोजी तत्र तिष्ठति ।। ततो व्रजेद्भूतयोनिं शतवर्षं ततः शुचिः
pūrṇamabdasahasraṃ ca tadbhojī tatra tiṣṭhati || tato vrajedbhūtayoniṃ śatavarṣaṃ tataḥ śuciḥ
Sanskrit only: no published translation is held for this verse.
दृष्ट्वातिथिं वक्रचक्षुः करोति यो हि मानवः ।। पितृदेवास्तस्य जलं न गृह्णन्ति च पापिनः
dṛṣṭvātithiṃ vakracakṣuḥ karoti yo hi mānavaḥ || pitṛdevāstasya jalaṃ na gṛhṇanti ca pāpinaḥ
Sanskrit only: no published translation is held for this verse.
यानि कानि च पापानि ब्रह्महत्यादिकानि च ।। इहैव लभते चान्ते दूषिकाकुण्डमाव्रजेत्
yāni kāni ca pāpāni brahmahatyādikāni ca || ihaiva labhate cānte dūṣikākuṇḍamāvrajet
Sanskrit only: no published translation is held for this verse.
पूर्णमब्दशतं चैव तद्भोजी तत्र तिष्ठति ।। ततो नरो भवेद्भूमौ दरिद्रः सप्तजन्मसु
pūrṇamabdaśataṃ caiva tadbhojī tatra tiṣṭhati || tato naro bhavedbhūmau daridraḥ saptajanmasu
Sanskrit only: no published translation is held for this verse.
दत्त्वा द्रव्यं च विप्राय चान्यस्मै दीयते यदि।। स तिष्ठति वसाकुण्डे तद्भोजी शतवत्सरम्
dattvā dravyaṃ ca viprāya cānyasmai dīyate yadi|| sa tiṣṭhati vasākuṇḍe tadbhojī śatavatsaram
Sanskrit only: no published translation is held for this verse.
ततो भवेत्स चण्डालस्त्रिजन्मनि ततः शुचिः ।। कृकलासो भवेत्सोऽपि भारते सप्तजन्मसु ।। ततो भवेन्मानवश्च दरिद्रोऽल्पायुरेव च
tato bhavetsa caṇḍālastrijanmani tataḥ śuciḥ || kṛkalāso bhavetso'pi bhārate saptajanmasu || tato bhavenmānavaśca daridro'lpāyureva ca
Sanskrit only: no published translation is held for this verse.
पुमांसं कामिनी वाऽपि कामिनीं वा पुमानथ ।। यः शुक्रं पाययत्येव शुक्रकुण्डं प्रयाति सः
pumāṃsaṃ kāminī vā'pi kāminīṃ vā pumānatha || yaḥ śukraṃ pāyayatyeva śukrakuṇḍaṃ prayāti saḥ
Sanskrit only: no published translation is held for this verse.
पूर्णमब्दशतं चैव तद्भोजी तत्र तिष्ठति ।। योनिकृमिः शताब्दं च भवेद्भुवि ततः शुचिः
pūrṇamabdaśataṃ caiva tadbhojī tatra tiṣṭhati || yonikṛmiḥ śatābdaṃ ca bhavedbhuvi tataḥ śuciḥ
Sanskrit only: no published translation is held for this verse.
सन्ताड्य च गुरुं विप्रं रक्तपातं च कारयेत् ।। स च तिष्ठत्यसृक्कुण्डे तद्भोजी शतवत्सरम्
santāḍya ca guruṃ vipraṃ raktapātaṃ ca kārayet || sa ca tiṣṭhatyasṛkkuṇḍe tadbhojī śatavatsaram
Sanskrit only: no published translation is held for this verse.
ततो भवेद्व्याधजन्म सप्तजन्मसु भारते ।। ततः शुद्धिमवाप्नोति मानवश्च क्रमेण च
tato bhavedvyādhajanma saptajanmasu bhārate || tataḥ śuddhimavāpnoti mānavaśca krameṇa ca
Sanskrit only: no published translation is held for this verse.
अश्रु स्रवन्तं गायन्तं भक्तं दृष्ट्वा च गद्गदम् ।। श्रीकृष्णगुणसंगीते हसत्येव हि यो नरः
aśru sravantaṃ gāyantaṃ bhaktaṃ dṛṣṭvā ca gadgadam || śrīkṛṣṇaguṇasaṃgīte hasatyeva hi yo naraḥ
Sanskrit only: no published translation is held for this verse.
स वसेदश्रुकुण्डे च तद्भोजी शतवत्सरम् ।। ततो भवेत्स चण्डालस्त्रिजन्मनि ततः शुचिः
sa vasedaśrukuṇḍe ca tadbhojī śatavatsaram || tato bhavetsa caṇḍālastrijanmani tataḥ śuciḥ
Sanskrit only: no published translation is held for this verse.
करोति खलतां शश्वदशुद्धहृदयो नरः ।। कुण्डं गात्रमलानां च स च याति दशाब्दकम्
karoti khalatāṃ śaśvadaśuddhahṛdayo naraḥ || kuṇḍaṃ gātramalānāṃ ca sa ca yāti daśābdakam
Sanskrit only: no published translation is held for this verse.
ततः स गार्दभीं योनिमवाप्नोति त्रिजन्मनि ।। त्रिजन्मनि च शार्गालीं ततः शुद्धो भवेद्ध्रुवम्
tataḥ sa gārdabhīṃ yonimavāpnoti trijanmani || trijanmani ca śārgālīṃ tataḥ śuddho bhaveddhruvam
Sanskrit only: no published translation is held for this verse.
बधिरं यो हसत्येव निन्दत्येव हि मानवः ।। स वसेत्कर्णविट्कुण्डे तद्भोजी शतवत्सरम्
badhiraṃ yo hasatyeva nindatyeva hi mānavaḥ || sa vasetkarṇaviṭkuṇḍe tadbhojī śatavatsaram
Sanskrit only: no published translation is held for this verse.
ततो भवेत्स बधिरो दरिद्रः सप्तजन्मसु ।। सप्तजन्मस्वङ्गहीनस्ततः शुद्धिं लभेद्ध्रुवम् ।।
tato bhavetsa badhiro daridraḥ saptajanmasu || saptajanmasvaṅgahīnastataḥ śuddhiṃ labheddhruvam ||
Sanskrit only: no published translation is held for this verse.
लोभात्स्वपालनार्थाय जीविनं हन्ति यो नरः ।। मज्जाकुण्डे वसेत्सोऽपि तद्भोजी लक्षवर्षकम्
lobhātsvapālanārthāya jīvinaṃ hanti yo naraḥ || majjākuṇḍe vasetso'pi tadbhojī lakṣavarṣakam
Sanskrit only: no published translation is held for this verse.
ततो भवेत्स शशको मीनश्च सप्तजन्मसु ।। एणादयश्च कर्म्मभ्यस्ततः शुद्धिं लभेद्ध्रुवम्
tato bhavetsa śaśako mīnaśca saptajanmasu || eṇādayaśca karmmabhyastataḥ śuddhiṃ labheddhruvam
Sanskrit only: no published translation is held for this verse.
स्वकन्यापालनं कृत्वा विक्रीणाति हि यो नरः ।। अर्थलोभान्महामूढो मांसकुण्डं प्रयाति सः
svakanyāpālanaṃ kṛtvā vikrīṇāti hi yo naraḥ || arthalobhānmahāmūḍho māṃsakuṇḍaṃ prayāti saḥ
Sanskrit only: no published translation is held for this verse.
कन्यालोमप्रमाणाब्दं तद्भोजी तत्र तिष्ठति ।। तं च कुण्डे प्रहारं च करोति यमकिङ्करः
kanyālomapramāṇābdaṃ tadbhojī tatra tiṣṭhati || taṃ ca kuṇḍe prahāraṃ ca karoti yamakiṅkaraḥ
Sanskrit only: no published translation is held for this verse.
मांसभारं मूर्ध्नि कृत्वा रक्तधारां लिहेत्क्षुधा ।। ततो हि भारते पापी कन्याविट्सु कृमिर्भवेत्
māṃsabhāraṃ mūrdhni kṛtvā raktadhārāṃ lihetkṣudhā || tato hi bhārate pāpī kanyāviṭsu kṛmirbhavet
Sanskrit only: no published translation is held for this verse.
षष्टिवर्षसहस्राणि व्याधश्च सप्तजन्मसु ।। त्रिजन्मनि वराहश्च कुक्कुरस्सप्तजन्मसु
ṣaṣṭivarṣasahasrāṇi vyādhaśca saptajanmasu || trijanmani varāhaśca kukkurassaptajanmasu
Sanskrit only: no published translation is held for this verse.
सप्तजन्मसु मण्डूको जलौकाः सप्तजन्मसु ।। सप्तजन्मसु काकश्च ततः शुद्धिं लभेद्ध्रुवम्
saptajanmasu maṇḍūko jalaukāḥ saptajanmasu || saptajanmasu kākaśca tataḥ śuddhiṃ labheddhruvam
Sanskrit only: no published translation is held for this verse.
व्रतानामुपवासानां श्राद्धादीनां च संयमे ।। न करोति क्षौरकर्म सोऽशुचिः सर्वकर्मसु
vratānāmupavāsānāṃ śrāddhādīnāṃ ca saṃyame || na karoti kṣaurakarma so'śuciḥ sarvakarmasu
Sanskrit only: no published translation is held for this verse.
स च तिष्ठति कुण्डेषु नखादीनां च सुन्दरि ।। तदेव दिनमानाब्दं तद्भोजी दण्डताडितः
sa ca tiṣṭhati kuṇḍeṣu nakhādīnāṃ ca sundari || tadeva dinamānābdaṃ tadbhojī daṇḍatāḍitaḥ
Sanskrit only: no published translation is held for this verse.
सकेशं पार्थिवं लिङ्गं यो वाऽर्चयति भारते ।। स तिष्ठति केशकुण्डे मृद्रेणुमानवर्षकम्
sakeśaṃ pārthivaṃ liṅgaṃ yo vā'rcayati bhārate || sa tiṣṭhati keśakuṇḍe mṛdreṇumānavarṣakam
Sanskrit only: no published translation is held for this verse.
तदन्ते यावनीं योनिं प्रयाति हरकोपतः ।। शताब्दाच्छुद्धिमाप्नोति स्वकुलं लभते ध्रुवम्
tadante yāvanīṃ yoniṃ prayāti harakopataḥ || śatābdācchuddhimāpnoti svakulaṃ labhate dhruvam
Sanskrit only: no published translation is held for this verse.
पितॄणां यो विष्णुपदे पिण्डं नैव ददाति च ।। स तिष्ठत्यस्थिकुण्डे च स्वलोमाब्दं महोल्बणे
pitṝṇāṃ yo viṣṇupade piṇḍaṃ naiva dadāti ca || sa tiṣṭhatyasthikuṇḍe ca svalomābdaṃ maholbaṇe
Sanskrit only: no published translation is held for this verse.
ततः स्वयोनिं संप्राप्य खञ्जः सप्तसु जन्मसु ।। भवेन्महादरिद्रश्च ततः शुद्धो हि दण्डतः
tataḥ svayoniṃ saṃprāpya khañjaḥ saptasu janmasu || bhavenmahādaridraśca tataḥ śuddho hi daṇḍataḥ
Sanskrit only: no published translation is held for this verse.
यः सेवते महामूढो गुर्विणीं च स्वकामिनीम् ।। प्रतप्तताम्रकुण्डे च शतवर्षं स तिष्ठति।।
yaḥ sevate mahāmūḍho gurviṇīṃ ca svakāminīm || prataptatāmrakuṇḍe ca śatavarṣaṃ sa tiṣṭhati||
Sanskrit only: no published translation is held for this verse.
स व्रजेद्राजकीं योनिं कर्मकारीं च सप्तसु ।। महाव्रणी दरिद्रश्च ततः शुद्धो भवेन्नरः ।।
sa vrajedrājakīṃ yoniṃ karmakārīṃ ca saptasu || mahāvraṇī daridraśca tataḥ śuddho bhavennaraḥ ||
Sanskrit only: no published translation is held for this verse.
यो हि घर्माक्तहस्तेन देवद्रव्यमुपस्पृशेत् ।। शतवर्षप्रमाणं च घर्मकुण्डे स तिष्ठति
yo hi gharmāktahastena devadravyamupaspṛśet || śatavarṣapramāṇaṃ ca gharmakuṇḍe sa tiṣṭhati
Sanskrit only: no published translation is held for this verse.
यः शूद्रेणाभ्यनुज्ञातो भुङ्क्ते शूद्रान्नमेव च ।। स च तप्तसुराकुण्डे शताब्दं तिष्ठति द्विजः
yaḥ śūdreṇābhyanujñāto bhuṅkte śūdrānnameva ca || sa ca taptasurākuṇḍe śatābdaṃ tiṣṭhati dvijaḥ
Sanskrit only: no published translation is held for this verse.
अवीरान्नं च यो भुङ्क्ते ऋतुस्नातान्नमेव च ।। लौहकुण्डे शताब्दं च स च तिष्ठति तप्तके
avīrānnaṃ ca yo bhuṅkte ṛtusnātānnameva ca || lauhakuṇḍe śatābdaṃ ca sa ca tiṣṭhati taptake
Sanskrit only: no published translation is held for this verse.
वाग्दुष्टा कटुवाचा या ताडयेत्स्वामिनं सदा ।। तीक्ष्णकण्टककुण्डे सा तद्भोजी तत्र तिष्ठति
vāgduṣṭā kaṭuvācā yā tāḍayetsvāminaṃ sadā || tīkṣṇakaṇṭakakuṇḍe sā tadbhojī tatra tiṣṭhati
Sanskrit only: no published translation is held for this verse.
ताडिता यमदूतेन दण्डेन च चतुर्युगम् ।। तत उच्चैःश्रवाः सप्तजन्मस्वेव ततः शुचिः
tāḍitā yamadūtena daṇḍena ca caturyugam || tata uccaiḥśravāḥ saptajanmasveva tataḥ śuciḥ
Sanskrit only: no published translation is held for this verse.
विषेण जीविनं हन्ति निर्दयो यो हि पामरः ।। विषकुंडे च तद्भोजी सहस्राब्दं च तिष्ठति।।
viṣeṇa jīvinaṃ hanti nirdayo yo hi pāmaraḥ || viṣakuṃḍe ca tadbhojī sahasrābdaṃ ca tiṣṭhati||
Sanskrit only: no published translation is held for this verse.
ततो भवेन्नृघाती च व्रणी स्यात्सप्तजन्मसु ।। सप्तजन्मसु कुष्ठी च ततः शुद्धो भवेद्ध्रुवम्
tato bhavennṛghātī ca vraṇī syātsaptajanmasu || saptajanmasu kuṣṭhī ca tataḥ śuddho bhaveddhruvam
Sanskrit only: no published translation is held for this verse.
दण्डेन ताडयेद्यो हि वृषं च वृषवाहकः ।। भृत्यद्वारा स्वतन्त्रो वा पुण्यक्षेत्रे च भारते
daṇḍena tāḍayedyo hi vṛṣaṃ ca vṛṣavāhakaḥ || bhṛtyadvārā svatantro vā puṇyakṣetre ca bhārate
Sanskrit only: no published translation is held for this verse.
प्रतप्ततैलकुण्डे च स तिष्ठति चतुर्युगम् ।। गवां लोमप्रमाणाब्दं वृषो भवति तत्परम्
prataptatailakuṇḍe ca sa tiṣṭhati caturyugam || gavāṃ lomapramāṇābdaṃ vṛṣo bhavati tatparam
Sanskrit only: no published translation is held for this verse.
दन्तेन हन्ति जीवं यो लौहेन बडिशेन वा ।। दन्तकुण्डे वसेत्सोऽपि वर्षाणामयुतं सति
dantena hanti jīvaṃ yo lauhena baḍiśena vā || dantakuṇḍe vasetso'pi varṣāṇāmayutaṃ sati
Sanskrit only: no published translation is held for this verse.
ततः स्वयोनिं संप्राप्य चोदरव्याधिसंयुतः।। क्लिष्टेन जन्मनैकेन ततः शुद्धो भवेन्नरः
tataḥ svayoniṃ saṃprāpya codaravyādhisaṃyutaḥ|| kliṣṭena janmanaikena tataḥ śuddho bhavennaraḥ
Sanskrit only: no published translation is held for this verse.
यो भुंक्ते च वृथा मांसं मत्स्यभोजी च ब्राह्मणः ।। हरेरनैवेद्यभोजी कृमिकुण्डं प्रयाति सः
yo bhuṃkte ca vṛthā māṃsaṃ matsyabhojī ca brāhmaṇaḥ || hareranaivedyabhojī kṛmikuṇḍaṃ prayāti saḥ
Sanskrit only: no published translation is held for this verse.
स्वलोममानवर्षं च तद्भोजी तत्र तिष्ठति ।। ततो भवेन्म्लेच्छजातिस्त्रिजन्मनि ततो द्विजः
svalomamānavarṣaṃ ca tadbhojī tatra tiṣṭhati || tato bhavenmlecchajātistrijanmani tato dvijaḥ
Sanskrit only: no published translation is held for this verse.
ब्राह्मणः शूद्रयाजी यः शूद्रश्राद्धान्नभोजकः ।। शूद्राणां शवदाही च पूयकुण्डं व्रजेद्ध्रुवम्
brāhmaṇaḥ śūdrayājī yaḥ śūdraśrāddhānnabhojakaḥ || śūdrāṇāṃ śavadāhī ca pūyakuṇḍaṃ vrajeddhruvam
Sanskrit only: no published translation is held for this verse.
यावल्लोमप्रमाणाब्दं यजमानस्य सुव्रते ।। ताडितो यमदूतेन तद्भोजी तत्र तिष्ठति
yāvallomapramāṇābdaṃ yajamānasya suvrate || tāḍito yamadūtena tadbhojī tatra tiṣṭhati
Sanskrit only: no published translation is held for this verse.
ततो भारतमागत्य स शूद्रः सप्तजन्मसु ।। महाशूली दरिद्रश्च ततः शुद्धः पुनर्द्विजः
tato bhāratamāgatya sa śūdraḥ saptajanmasu || mahāśūlī daridraśca tataḥ śuddhaḥ punardvijaḥ
Sanskrit only: no published translation is held for this verse.
लघुं कूरं महान्तं वा सर्पं हन्ति च यो नरः ।। स्वात्मलोमप्रमाणाब्दं सर्पकुण्डं प्रयाति सः
laghuṃ kūraṃ mahāntaṃ vā sarpaṃ hanti ca yo naraḥ || svātmalomapramāṇābdaṃ sarpakuṇḍaṃ prayāti saḥ
Sanskrit only: no published translation is held for this verse.
सर्पेण भक्षितः सोऽपि यमदूतेन ताडितः ।। वसेच्च सर्पविट्जीवी ततः सर्पो भवेद्ध्रुवम्
sarpeṇa bhakṣitaḥ so'pi yamadūtena tāḍitaḥ || vasecca sarpaviṭjīvī tataḥ sarpo bhaveddhruvam
Sanskrit only: no published translation is held for this verse.
ततो भवेन्मानवश्चाप्यल्पायुर्दद्रुसंयुतः ।। महाक्लेशेन तन्मृत्युः सर्पेण भक्षणं ध्रुवम्
tato bhavenmānavaścāpyalpāyurdadrusaṃyutaḥ || mahākleśena tanmṛtyuḥ sarpeṇa bhakṣaṇaṃ dhruvam
Sanskrit only: no published translation is held for this verse.
विधिं प्रकल्प्य जीवांश्च क्षुद्रजन्तूंश्च हन्ति यः ।। सदंशमशके कुण्डे जन्ममानदिनाब्दकम्
vidhiṃ prakalpya jīvāṃśca kṣudrajantūṃśca hanti yaḥ || sadaṃśamaśake kuṇḍe janmamānadinābdakam
Sanskrit only: no published translation is held for this verse.
दिवानिशं भक्षितस्तैरनाहारश्च शब्दकृत् ।। बद्धहस्तपदादिश्च यमदूतेन ताडितः
divāniśaṃ bhakṣitastairanāhāraśca śabdakṛt || baddhahastapadādiśca yamadūtena tāḍitaḥ
Sanskrit only: no published translation is held for this verse.
ततो भवेत्क्षुद्रजन्तुर्जातिर्वै यावती स्मृता ।। ततो भवेन्मानवश्च सोऽङ्गहीनस्ततः शुचिः
tato bhavetkṣudrajanturjātirvai yāvatī smṛtā || tato bhavenmānavaśca so'ṅgahīnastataḥ śuciḥ
Sanskrit only: no published translation is held for this verse.
यो मूढो मधु गृह्णाति हत्वा च मधुमक्षिकाः ।। स एव गरले कुंडे जीवमानदिनाब्दकम्
yo mūḍho madhu gṛhṇāti hatvā ca madhumakṣikāḥ || sa eva garale kuṃḍe jīvamānadinābdakam
Sanskrit only: no published translation is held for this verse.
भक्षितो गरलैर्दग्धो यमदूतेन ताडितः ।। ततो हि मक्षिकाजातिस्ततः शुद्धो भवेन्नरः
bhakṣito garalairdagdho yamadūtena tāḍitaḥ || tato hi makṣikājātistataḥ śuddho bhavennaraḥ
Sanskrit only: no published translation is held for this verse.
दण्डं करोत्यदंड्ये च विप्रे दण्डं करोति च ।। स कुण्डं वज्रदंष्ट्राणां कीटानां वै प्रयाति च
daṇḍaṃ karotyadaṃḍye ca vipre daṇḍaṃ karoti ca || sa kuṇḍaṃ vajradaṃṣṭrāṇāṃ kīṭānāṃ vai prayāti ca
Sanskrit only: no published translation is held for this verse.
तल्लोममानवर्षं च तत्र तिष्ठत्यहर्निशम् ।। शब्दकृद्भक्षितस्तैश्च ततः शुद्धो भवेन्नरः
tallomamānavarṣaṃ ca tatra tiṣṭhatyaharniśam || śabdakṛdbhakṣitastaiśca tataḥ śuddho bhavennaraḥ
Sanskrit only: no published translation is held for this verse.
अर्थलोभेन यो भूपः प्रजादण्डं करोति च ।। वृश्चिकानां च कुण्डेषु तल्लोमाब्दं वसेद्ध्रुवम्
arthalobhena yo bhūpaḥ prajādaṇḍaṃ karoti ca || vṛścikānāṃ ca kuṇḍeṣu tallomābdaṃ vaseddhruvam
Sanskrit only: no published translation is held for this verse.
ततो वृश्चिकजातिश्च सप्तजन्मसु जायते ।। ततो नरश्चाङ्गहीनो व्याधियुक्तो भवेद्ध्रुवम्
tato vṛścikajātiśca saptajanmasu jāyate || tato naraścāṅgahīno vyādhiyukto bhaveddhruvam
Sanskrit only: no published translation is held for this verse.
ब्राह्मणः शस्त्रधारी यो ह्यन्येषां धावको भवेत् ।। सन्ध्याहीनश्च मूढश्च हरिभक्तिविहीनकः
brāhmaṇaḥ śastradhārī yo hyanyeṣāṃ dhāvako bhavet || sandhyāhīnaśca mūḍhaśca haribhaktivihīnakaḥ
Sanskrit only: no published translation is held for this verse.
स तिष्ठति स्वलोमाब्दं कुण्डादिषु शरादिषु ।। विद्धः शरादिभिः शश्वत्ततः शुद्धो भवेन्नरः
sa tiṣṭhati svalomābdaṃ kuṇḍādiṣu śarādiṣu || viddhaḥ śarādibhiḥ śaśvattataḥ śuddho bhavennaraḥ
Sanskrit only: no published translation is held for this verse.
कारागारे सान्धकारे निबध्नाति प्रजाश्च यः ।। प्रमत्तः स्वल्पदोषेण गोलकुण्डं प्रयाति सः ।।
kārāgāre sāndhakāre nibadhnāti prajāśca yaḥ || pramattaḥ svalpadoṣeṇa golakuṇḍaṃ prayāti saḥ ||
Sanskrit only: no published translation is held for this verse.
कीटैर्विद्धो वसेत्तत्र प्रजालोमाब्दमेव च ।। ततो भवेन्नीचभृत्यस्ततः शुद्धो नरो भुवि
kīṭairviddho vasettatra prajālomābdameva ca || tato bhavennīcabhṛtyastataḥ śuddho naro bhuvi
Sanskrit only: no published translation is held for this verse.
सरोवरादुत्थितांश्च नक्रादीन्हन्ति यः सति ।। नक्रकण्टकमानाब्दं नक्रकुण्डं प्रयाति सः १
sarovarādutthitāṃśca nakrādīnhanti yaḥ sati || nakrakaṇṭakamānābdaṃ nakrakuṇḍaṃ prayāti saḥ 1
Sanskrit only: no published translation is held for this verse.
ततो नक्रादिजातिश्च भवेन्नद्यादिषु ध्रुवम् ।। ततः सद्यो विशुद्धो हि दण्डेनैव नरः पुनः
tato nakrādijātiśca bhavennadyādiṣu dhruvam || tataḥ sadyo viśuddho hi daṇḍenaiva naraḥ punaḥ
Sanskrit only: no published translation is held for this verse.
वक्षः श्रोणीस्तनास्यं च यः पश्यति परस्त्रियाः ।। कामेन कामुको यो हि पुण्यक्षेत्रे च भारते
vakṣaḥ śroṇīstanāsyaṃ ca yaḥ paśyati parastriyāḥ || kāmena kāmuko yo hi puṇyakṣetre ca bhārate
Sanskrit only: no published translation is held for this verse.
स वसेत्काककुण्डं च काकैश्च क्षुण्णलोचनः ।। ततः स्वलोममानाब्दं ततश्चान्धस्त्रिजन्मनि
sa vasetkākakuṇḍaṃ ca kākaiśca kṣuṇṇalocanaḥ || tataḥ svalomamānābdaṃ tataścāndhastrijanmani
Sanskrit only: no published translation is held for this verse.
सप्तजन्मदरिद्रश्च महाक्रूरश्च पातकी ।। भारते स्वर्णकारश्च स च स्वर्णवणिक्ततः
saptajanmadaridraśca mahākrūraśca pātakī || bhārate svarṇakāraśca sa ca svarṇavaṇiktataḥ
Sanskrit only: no published translation is held for this verse.
तत्रैव वज्रविड्भोजी वज्रैश्च क्षुण्णलोचनः ।। ताडितो यमदूतेन ततः शुद्धो भवेन्नरः
tatraiva vajraviḍbhojī vajraiśca kṣuṇṇalocanaḥ || tāḍito yamadūtena tataḥ śuddho bhavennaraḥ
Sanskrit only: no published translation is held for this verse.
भारते देवचौरश्च देवद्रव्यादिहारकः ।। सुदुष्करे वज्रकुण्डे स्वलोमाब्दं वसेद्ध्रुवम्
bhārate devacauraśca devadravyādihārakaḥ || suduṣkare vajrakuṇḍe svalomābdaṃ vaseddhruvam
Sanskrit only: no published translation is held for this verse.
देहदग्धो हि तद्वज्रैरनाहारश्च शब्दकृत् ।। ताडितो यमदूतेन ततः शुद्धो भवेन्नरः ।।
dehadagdho hi tadvajrairanāhāraśca śabdakṛt || tāḍito yamadūtena tataḥ śuddho bhavennaraḥ ||
Sanskrit only: no published translation is held for this verse.
यो भारते ताम्रचौरो लौहचौरश्च सुन्दरि ।। स स्वलोमप्रमाणाब्दं वज्रकुण्डं प्रयाति वै
yo bhārate tāmracauro lauhacauraśca sundari || sa svalomapramāṇābdaṃ vajrakuṇḍaṃ prayāti vai
Sanskrit only: no published translation is held for this verse.
त्रिजन्मनि बकः सोऽपि श्वेतहंसस्त्रिजन्मनि ।। जन्मैकं शङ्खचिल्लश्च ततोऽन्ये श्वेतपक्षिणः
trijanmani bakaḥ so'pi śvetahaṃsastrijanmani || janmaikaṃ śaṅkhacillaśca tato'nye śvetapakṣiṇaḥ
Sanskrit only: no published translation is held for this verse.
ततो रक्तविकारी च शूली वै मानवो भवेत् ।। सप्तजन्मसु चाल्पायुस्ततः शुद्धो भवेन्नरः
tato raktavikārī ca śūlī vai mānavo bhavet || saptajanmasu cālpāyustataḥ śuddho bhavennaraḥ
Sanskrit only: no published translation is held for this verse.
रैत्यकांस्यादिपात्रं च यो हरेत्सुरविप्रयोः ।। तीक्ष्णपाषाणकुण्डे च स्वलोमाब्दं वसेद्ध्रुवम्
raityakāṃsyādipātraṃ ca yo haretsuraviprayoḥ || tīkṣṇapāṣāṇakuṇḍe ca svalomābdaṃ vaseddhruvam
Sanskrit only: no published translation is held for this verse.
स भवेदश्वजातिश्च भारते सप्तजन्मसु ।। ततोऽ धिकाङ्गयुक्तश्च पादरोगी ततः शुचिः
sa bhavedaśvajātiśca bhārate saptajanmasu || tato' dhikāṅgayuktaśca pādarogī tataḥ śuciḥ
Sanskrit only: no published translation is held for this verse.
पुंश्चल्यन्नं च यो भुंक्ते पुंश्चलीजीव्यजीवनः ।। स्वलोममानवर्षं च लालाकुण्डे वसेद्ध्रुवम्
puṃścalyannaṃ ca yo bhuṃkte puṃścalījīvyajīvanaḥ || svalomamānavarṣaṃ ca lālākuṇḍe vaseddhruvam
Sanskrit only: no published translation is held for this verse.
ताडितो यमदूतेन तद्भोजी तत्र तिष्ठति ।। ततश्चक्षुश्शूलरोगी ततः शुद्धः क्रमेण सः ।। ९५ ।। । म्लेच्छसेवी मषीजीवी यो विप्रो भारते भुवि ।। स च तप्तमषीकुण्डे स्वलोमाब्दं वसेद्ध्रुवम्
tāḍito yamadūtena tadbhojī tatra tiṣṭhati || tataścakṣuśśūlarogī tataḥ śuddhaḥ krameṇa saḥ || 95 || | mlecchasevī maṣījīvī yo vipro bhārate bhuvi || sa ca taptamaṣīkuṇḍe svalomābdaṃ vaseddhruvam
Sanskrit only: no published translation is held for this verse.
ताडितो यमदूतेन तद्भोजी तत्र तिष्ठति ।। ततस्त्रिजन्मनि भवेत्कृष्णवर्णः पशुः सति
tāḍito yamadūtena tadbhojī tatra tiṣṭhati || tatastrijanmani bhavetkṛṣṇavarṇaḥ paśuḥ sati
Sanskrit only: no published translation is held for this verse.
त्रिजन्मनि भवेच्छागः कृष्णसर्पस्त्रिजन्मनि ।। ततश्च तालवृक्षश्च ततः शुद्धो भवेन्नरः
trijanmani bhavecchāgaḥ kṛṣṇasarpastrijanmani || tataśca tālavṛkṣaśca tataḥ śuddho bhavennaraḥ
Sanskrit only: no published translation is held for this verse.
धान्यादि सस्यं ताम्बूलं यो हरेत्सुरविप्रयोः ।। आसनं च तथा तल्पं चूर्णकुण्डं प्रयाति सः
dhānyādi sasyaṃ tāmbūlaṃ yo haretsuraviprayoḥ || āsanaṃ ca tathā talpaṃ cūrṇakuṇḍaṃ prayāti saḥ
Sanskrit only: no published translation is held for this verse.
शताब्दं तत्र निवसेद्यमदूतेन ताडितः ।। ततो भवेन्मेषजातिः कुक्कुटश्च त्रिजन्मनि
śatābdaṃ tatra nivasedyamadūtena tāḍitaḥ || tato bhavenmeṣajātiḥ kukkuṭaśca trijanmani
Sanskrit only: no published translation is held for this verse.
ततो भवेन्मानवश्च कासव्याधियुतो भुवि ।। वंशहीनो दरिद्रश्चाप्यल्पायुश्च ततः शुचिः
tato bhavenmānavaśca kāsavyādhiyuto bhuvi || vaṃśahīno daridraścāpyalpāyuśca tataḥ śuciḥ
Sanskrit only: no published translation is held for this verse.
चक्रं करोति विप्राणां हृत्वा द्रव्यं च यो नरः ।। स वसेच्चक्रकुण्डे च शताब्दं दंडताडितः
cakraṃ karoti viprāṇāṃ hṛtvā dravyaṃ ca yo naraḥ || sa vaseccakrakuṇḍe ca śatābdaṃ daṃḍatāḍitaḥ
Sanskrit only: no published translation is held for this verse.
ततो भवेन्मानवश्च तैलकारस्त्रिजन्मनि ।। व्याधियुक्तो भवेद्रोगी वंशहीनस्ततः शुचिः
tato bhavenmānavaśca tailakārastrijanmani || vyādhiyukto bhavedrogī vaṃśahīnastataḥ śuciḥ
Sanskrit only: no published translation is held for this verse.
बान्धवेषु च विप्रेषु कुरुते वक्रतां नरः।। प्रयाति वज्रकुण्डं च वसेत्तत्र युगं सति
bāndhaveṣu ca vipreṣu kurute vakratāṃ naraḥ|| prayāti vajrakuṇḍaṃ ca vasettatra yugaṃ sati
Sanskrit only: no published translation is held for this verse.
ततो भवेत्स वक्रांगो हीनाङ्गः सप्तजन्मसु ।। दरिद्रो वंशहीनश्च भार्य्याहीनस्ततः शुचिः
tato bhavetsa vakrāṃgo hīnāṅgaḥ saptajanmasu || daridro vaṃśahīnaśca bhāryyāhīnastataḥ śuciḥ
Sanskrit only: no published translation is held for this verse.
शयने कूर्ममांसं च ब्राह्मणो यो हि भक्षति ।। कूर्म्मकुण्डे वसेत्सोऽपि शताब्दं कूर्म्मभक्षितः
śayane kūrmamāṃsaṃ ca brāhmaṇo yo hi bhakṣati || kūrmmakuṇḍe vasetso'pi śatābdaṃ kūrmmabhakṣitaḥ
Sanskrit only: no published translation is held for this verse.
ततो भवेत्कूर्म्मजन्म त्रिजन्मनि च सूकरः।। त्रिजन्मनि बिडालश्च मयूरश्च त्रिजन्मनि
tato bhavetkūrmmajanma trijanmani ca sūkaraḥ|| trijanmani biḍālaśca mayūraśca trijanmani
Sanskrit only: no published translation is held for this verse.
घृततैलादिकं चैव यो हरेत्सुरविप्रयोः ।। ज्वालकुण्डं स वै याति भस्मकुण्डं च पातकी
ghṛtatailādikaṃ caiva yo haretsuraviprayoḥ || jvālakuṇḍaṃ sa vai yāti bhasmakuṇḍaṃ ca pātakī
Sanskrit only: no published translation is held for this verse.
तत्र स्थित्वा शताब्दं च स भवेत्तैलपायिकः ।। सप्तजन्मसु मत्स्यः स्यान्मूषकश्च ततः शुचिः
tatra sthitvā śatābdaṃ ca sa bhavettailapāyikaḥ || saptajanmasu matsyaḥ syānmūṣakaśca tataḥ śuciḥ
Sanskrit only: no published translation is held for this verse.
सुगन्धितैलं धात्रीं च गन्धद्रव्यं तथैव वा ।। भारते पुण्यवर्षे च यो हरेत्सुरविप्रयोः
sugandhitailaṃ dhātrīṃ ca gandhadravyaṃ tathaiva vā || bhārate puṇyavarṣe ca yo haretsuraviprayoḥ
Sanskrit only: no published translation is held for this verse.
वसेद्दुर्गन्धकुंडे च दुर्गन्धं च लभेत्सदा ।। स्वलोममानवर्षं च ततो दुर्गन्धिको भवेत्
vaseddurgandhakuṃḍe ca durgandhaṃ ca labhetsadā || svalomamānavarṣaṃ ca tato durgandhiko bhavet
Sanskrit only: no published translation is held for this verse.
दुर्गंधिकः सप्तजनौ मृगनाभिस्त्रिजन्मनि ।। सप्तजन्म सुगंधिश्च ततो वै मानवो भवेत्
durgaṃdhikaḥ saptajanau mṛganābhistrijanmani || saptajanma sugaṃdhiśca tato vai mānavo bhavet
Sanskrit only: no published translation is held for this verse.
बलेनैव खलत्वेन हिंसारूपेण वा सति ।। बली च यो हरेद्भूमिं भारते परपैतृकीम्
balenaiva khalatvena hiṃsārūpeṇa vā sati || balī ca yo haredbhūmiṃ bhārate parapaitṛkīm
Sanskrit only: no published translation is held for this verse.
स वसेत्तप्तशूले च भवेत्ततो दिवानिशम् ।। तप्ततैले यथा जीवो दग्धो भ्रमति सन्ततम्
sa vasettaptaśūle ca bhavettato divāniśam || taptataile yathā jīvo dagdho bhramati santatam
Sanskrit only: no published translation is held for this verse.
भस्मसान्न भवत्येव भोगदेहो न नश्यति ।। सप्तमन्वन्तरं पापी सन्तप्तस्तत्र तिष्ठति
bhasmasānna bhavatyeva bhogadeho na naśyati || saptamanvantaraṃ pāpī santaptastatra tiṣṭhati
Sanskrit only: no published translation is held for this verse.
शब्दं करोत्यनाहारो यमदूतेन ताडितः ।। षष्टिवर्षसहस्राणि विट्कृमिर्भारते ततः
śabdaṃ karotyanāhāro yamadūtena tāḍitaḥ || ṣaṣṭivarṣasahasrāṇi viṭkṛmirbhārate tataḥ
Sanskrit only: no published translation is held for this verse.
ततो भवेद्भूमिहीनो दरिद्रश्च ततः शुचिः ।। ततः स्वयोनिं संप्राप्य शुभकर्मा भवेत्पुनः
tato bhavedbhūmihīno daridraśca tataḥ śuciḥ || tataḥ svayoniṃ saṃprāpya śubhakarmā bhavetpunaḥ
Sanskrit only: no published translation is held for this verse.
छिनत्ति जीविनः खङ्गैर्दयाहीनः सुदारुणः ।। नरघाती हन्ति नरमर्थलोभेन भारते
chinatti jīvinaḥ khaṅgairdayāhīnaḥ sudāruṇaḥ || naraghātī hanti naramarthalobhena bhārate
Sanskrit only: no published translation is held for this verse.
असिपत्रे च स वसेद्यावदिन्द्राश्चतुर्दश ।। तेषु चेद्ब्राह्मणान्हन्ति शतमन्वन्तरं तदा
asipatre ca sa vasedyāvadindrāścaturdaśa || teṣu cedbrāhmaṇānhanti śatamanvantaraṃ tadā
Sanskrit only: no published translation is held for this verse.
छिन्नाङ्गश्च भवेत्पापी खङ्गधारेण सन्ततम् ।। अनाहारः शब्दकृच्च यमदूतेन ताडितः
chinnāṅgaśca bhavetpāpī khaṅgadhāreṇa santatam || anāhāraḥ śabdakṛcca yamadūtena tāḍitaḥ
Sanskrit only: no published translation is held for this verse.
चण्डालः शतजन्मानि भारते सूकरो भवेत् ।। कुक्कुरः शतजन्मानि सृगालः सप्तजन्मसु
caṇḍālaḥ śatajanmāni bhārate sūkaro bhavet || kukkuraḥ śatajanmāni sṛgālaḥ saptajanmasu
Sanskrit only: no published translation is held for this verse.
व्याघ्रश्च सप्तजन्मानि वृकश्चैव त्रिजन्मनि ।। जन्मसप्तसु गंडो स्यान्महिषश्च त्रिजन्मनि
vyāghraśca saptajanmāni vṛkaścaiva trijanmani || janmasaptasu gaṃḍo syānmahiṣaśca trijanmani
Sanskrit only: no published translation is held for this verse.
ग्रामं वा नगरं वाऽपि दाहनं यः करोति च ।। क्षुरधारे वसेत्सोऽपि च्छिन्नाङ्गस्त्रियुगं सति ।।
grāmaṃ vā nagaraṃ vā'pi dāhanaṃ yaḥ karoti ca || kṣuradhāre vasetso'pi cchinnāṅgastriyugaṃ sati ||
Sanskrit only: no published translation is held for this verse.
ततः प्रेतो भवेत्सद्यो वह्निवक्त्रो भ्रमेन्महीम् ।। सप्तजन्मामेध्यभोजी खद्योतः सप्तजन्मसु
tataḥ preto bhavetsadyo vahnivaktro bhramenmahīm || saptajanmāmedhyabhojī khadyotaḥ saptajanmasu
Sanskrit only: no published translation is held for this verse.