अथातः प्राणकामीयं रसायनपादं व्याख्यास्यामः
athātaḥ prāṇakāmīyaṃ rasāyanapādaṃ vyākhyāsyāmaḥ
Sanskrit only: no published translation is held for this verse.
Library·Caraka-saṃhitā (the text alone)·6·6.2
Caraka-saṃhitā (the text alone) 6.2
अथातः संयोगशरमूलीयं वाजीकरणपादं व्याख्यास्यामः
athātaḥ saṃyogaśaramūlīyaṃ vājīkaraṇapādaṃ vyākhyāsyāmaḥ
Sanskrit only: no published translation is held for this verse.
इति ह स्माह भगवानात्रेयः
iti ha smāha bhagavānātreyaḥ
Sanskrit only: no published translation is held for this verse.
वाजीकरणम् अन्विच्छेत् पुरुषो नित्यमात्मवान् तदायत्तौ हि धर्मार्थौ प्रीतिश्च यश एव च
vājīkaraṇam anvicchet puruṣo nityamātmavān tadāyattau hi dharmārthau prītiśca yaśa eva ca
Sanskrit only: no published translation is held for this verse.
पुत्रस्यायतनं ह्य् एतद्गुणाश्चैते सुताश्रयाः वाजीकरणम् अग्र्यं च क्षेत्रं स्त्री या प्रहर्षिणी
putrasyāyatanaṃ hy etadguṇāścaite sutāśrayāḥ vājīkaraṇam agryaṃ ca kṣetraṃ strī yā praharṣiṇī
Sanskrit only: no published translation is held for this verse.
इष्टा ह्य् एकैकशो ऽप्य् अर्थाः परं प्रीतिकराः स्मृताः किं पुनः स्त्रीशरीरे ये संघातेन प्रतिष्ठिताः
iṣṭā hy ekaikaśo 'py arthāḥ paraṃ prītikarāḥ smṛtāḥ kiṃ punaḥ strīśarīre ye saṃghātena pratiṣṭhitāḥ
Sanskrit only: no published translation is held for this verse.
संघातो हीन्द्रियार्थानां स्त्रीषु नान्यत्र विद्यते स्त्र्याश्रयो हीन्द्रियार्थो यः स प्रीतिजननोऽधिकम् स्त्रीषु प्रीतिर्विशेषेण स्त्रीष्व् अपत्यं प्रतिष्ठितम्
saṃghāto hīndriyārthānāṃ strīṣu nānyatra vidyate stryāśrayo hīndriyārtho yaḥ sa prītijanano'dhikam strīṣu prītirviśeṣeṇa strīṣv apatyaṃ pratiṣṭhitam
Sanskrit only: no published translation is held for this verse.
धर्मार्थौ स्त्रीषु लक्ष्मीश्च स्त्रीषु लोकाः प्रतिष्ठिताः सुरूपा यौवनस्था या लक्षणैर्या विभूषिता
dharmārthau strīṣu lakṣmīśca strīṣu lokāḥ pratiṣṭhitāḥ surūpā yauvanasthā yā lakṣaṇairyā vibhūṣitā
Sanskrit only: no published translation is held for this verse.
या वश्या शिक्षिता या च सा स्त्री वृष्यतमा मता नानाभक्त्या तु लोकस्य दैवयोगाच्च योषिताम्
yā vaśyā śikṣitā yā ca sā strī vṛṣyatamā matā nānābhaktyā tu lokasya daivayogācca yoṣitām
Sanskrit only: no published translation is held for this verse.
तं तं प्राप्य विवर्धन्ते नरं रूपादयो गुणाः वयोरूपवचोहावैर् या यस्य परमाङ्गना
taṃ taṃ prāpya vivardhante naraṃ rūpādayo guṇāḥ vayorūpavacohāvair yā yasya paramāṅganā
Sanskrit only: no published translation is held for this verse.
प्रविशत्याशु हृदयं दैवाद् वा कर्मणो ऽपि वा हृदयोत्सवरूपा या या समानमनःशया
praviśatyāśu hṛdayaṃ daivād vā karmaṇo 'pi vā hṛdayotsavarūpā yā yā samānamanaḥśayā
Sanskrit only: no published translation is held for this verse.
समानसत्त्वा या वश्या या यस्य प्रीयते प्रियैः या पाशभूता सर्वेषाम् इन्द्रियाणां परैर्गुणैः
samānasattvā yā vaśyā yā yasya prīyate priyaiḥ yā pāśabhūtā sarveṣām indriyāṇāṃ parairguṇaiḥ
Sanskrit only: no published translation is held for this verse.
यया वियुक्तो निस्त्रीकम् अरतिर् मन्यते जगत् यस्या ऋते शरीरं ना धत्ते शून्यम् इवेन्द्रियैः
yayā viyukto nistrīkam aratir manyate jagat yasyā ṛte śarīraṃ nā dhatte śūnyam ivendriyaiḥ
Sanskrit only: no published translation is held for this verse.
शोकोद्वेगारतिभयैर् यां दृष्ट्वा नाभिभूयते याति यां प्राप्य विस्रम्भं दृष्ट्वा हृष्यत्यतीव याम्
śokodvegāratibhayair yāṃ dṛṣṭvā nābhibhūyate yāti yāṃ prāpya visrambhaṃ dṛṣṭvā hṛṣyatyatīva yām
Sanskrit only: no published translation is held for this verse.
अपूर्वामिव यां याति नित्यं हर्षातिवेगतः गत्वा गत्वापि बहुशो यां तृप्तिं नैव गच्छति
apūrvāmiva yāṃ yāti nityaṃ harṣātivegataḥ gatvā gatvāpi bahuśo yāṃ tṛptiṃ naiva gacchati
Sanskrit only: no published translation is held for this verse.
सा स्त्री वृष्यतमा तस्य नानाभावा हि मानवाः अतुल्यगोत्रां वृष्यां च प्रहृष्टां निरुपद्रवाम्
sā strī vṛṣyatamā tasya nānābhāvā hi mānavāḥ atulyagotrāṃ vṛṣyāṃ ca prahṛṣṭāṃ nirupadravām
Sanskrit only: no published translation is held for this verse.
शुद्धस्नातां व्रजेन्नारीमपत्यार्थी निरामयः अच्छायश् चैकशाखश् च निष्फलश्च यथा द्रुमः
śuddhasnātāṃ vrajennārīmapatyārthī nirāmayaḥ acchāyaś caikaśākhaś ca niṣphalaśca yathā drumaḥ
Sanskrit only: no published translation is held for this verse.
अनिष्टगन्धश्चैकश्च निरपत्यस्तथा नरः चित्रदीपः सरः शुष्कम् अधातुर् धातुसंनिभः
aniṣṭagandhaścaikaśca nirapatyastathā naraḥ citradīpaḥ saraḥ śuṣkam adhātur dhātusaṃnibhaḥ
Sanskrit only: no published translation is held for this verse.
निष्प्रजस् तृणपूलीति मन्तव्यः पुरुषाकृतिः अप्रतिष्ठश्च नग्नश्च शून्यश्चैकेन्द्रियश्च ना
niṣprajas tṛṇapūlīti mantavyaḥ puruṣākṛtiḥ apratiṣṭhaśca nagnaśca śūnyaścaikendriyaśca nā
Sanskrit only: no published translation is held for this verse.
मन्तव्यो निष्क्रियश्चैव यस्यापत्यं न विद्यते बहुमूर्तिर् बहुमुखो बहुव्यूहो बहुक्रियः
mantavyo niṣkriyaścaiva yasyāpatyaṃ na vidyate bahumūrtir bahumukho bahuvyūho bahukriyaḥ
Sanskrit only: no published translation is held for this verse.
बहुचक्षुर् बहुज्ञानो बह्वात्मा च बहुप्रजः मङ्गल्योऽयं प्रशस्योऽयं धन्योऽयं वीर्यवान् अयम्
bahucakṣur bahujñāno bahvātmā ca bahuprajaḥ maṅgalyo'yaṃ praśasyo'yaṃ dhanyo'yaṃ vīryavān ayam
Sanskrit only: no published translation is held for this verse.
बहुशाखोऽयमिति च स्तूयते ना बहुप्रजः प्रीतिर्बलं सुखं वृत्तिर् विस्तारो विपुलं कुलम्
bahuśākho'yamiti ca stūyate nā bahuprajaḥ prītirbalaṃ sukhaṃ vṛttir vistāro vipulaṃ kulam
Sanskrit only: no published translation is held for this verse.
यशो लोकाः सुखोदर्कास्तुष्टिश् चापत्यसंश्रिताः तस्मादपत्यमन्विच्छन् गुणांश्चापत्यसंश्रितान्
yaśo lokāḥ sukhodarkāstuṣṭiś cāpatyasaṃśritāḥ tasmādapatyamanvicchan guṇāṃścāpatyasaṃśritān
Sanskrit only: no published translation is held for this verse.
वाजीकरणनित्यः स्यादिच्छन् कामसुखानि च उपभोगसुखान् सिद्धान् वीर्यापत्यविवर्धनान्
vājīkaraṇanityaḥ syādicchan kāmasukhāni ca upabhogasukhān siddhān vīryāpatyavivardhanān
Sanskrit only: no published translation is held for this verse.
वाजीकरणसंयोगान् प्रवक्ष्याम्यत उत्तरम् शरमूलेक्षुमूलानि काण्डेक्षुः सेक्षुबालिका
vājīkaraṇasaṃyogān pravakṣyāmyata uttaram śaramūlekṣumūlāni kāṇḍekṣuḥ sekṣubālikā
Sanskrit only: no published translation is held for this verse.
शतावरी पयस्या च विदारी कण्टकारिका जीवन्ती जीवको मेदा वीरा चर्षभको बला
śatāvarī payasyā ca vidārī kaṇṭakārikā jīvantī jīvako medā vīrā carṣabhako balā
Sanskrit only: no published translation is held for this verse.
ऋद्धिर् गोक्षुरकं रास्ना सात्मगुप्ता पुनर्नवा एषां त्रिपलिकान् भागान् माषाणाम् आढकं नवम्
ṛddhir gokṣurakaṃ rāsnā sātmaguptā punarnavā eṣāṃ tripalikān bhāgān māṣāṇām āḍhakaṃ navam
Sanskrit only: no published translation is held for this verse.
विपाचयेज्जलद्रोणे चतुर्भागं च शेषयेत् तत्र पेष्याणि मधुकं द्राक्षा फल्गूनि पिप्पली
vipācayejjaladroṇe caturbhāgaṃ ca śeṣayet tatra peṣyāṇi madhukaṃ drākṣā phalgūni pippalī
Sanskrit only: no published translation is held for this verse.
आत्मगुप्ता मधूकानि खर्जूराणि शतावरी विदार्यामलकेक्षूणां रसस्य च पृथक् पृथक्
ātmaguptā madhūkāni kharjūrāṇi śatāvarī vidāryāmalakekṣūṇāṃ rasasya ca pṛthak pṛthak
Sanskrit only: no published translation is held for this verse.
सर्पिषश् चाढकं दद्यात् क्षीरद्रोणं च तद्भिषक् साधयेद्घृतशेषं च सुपूतं योजयेत् पुनः
sarpiṣaś cāḍhakaṃ dadyāt kṣīradroṇaṃ ca tadbhiṣak sādhayedghṛtaśeṣaṃ ca supūtaṃ yojayet punaḥ
Sanskrit only: no published translation is held for this verse.
शर्करायास्तुगाक्षीर्याश् चूर्णैः प्रस्थोन्मितैः पृथक् पलैश् चतुर्भिर् मागध्याः पलेन मरिचस्य च
śarkarāyāstugākṣīryāś cūrṇaiḥ prasthonmitaiḥ pṛthak palaiś caturbhir māgadhyāḥ palena maricasya ca
Sanskrit only: no published translation is held for this verse.
त्वगेलाकेसराणां च चूर्णैर् अर्धपलोन्मितैः मधुनः कुडवाभ्यां च द्वाभ्यां तत्कारयेद्भिषक्
tvagelākesarāṇāṃ ca cūrṇair ardhapalonmitaiḥ madhunaḥ kuḍavābhyāṃ ca dvābhyāṃ tatkārayedbhiṣak
Sanskrit only: no published translation is held for this verse.
पलिका गुलिकास्त्यानास्ता यथाग्नि प्रयोजयेत् एष वृष्यः परं योगो बृंहणो बलवर्धनः
palikā gulikāstyānāstā yathāgni prayojayet eṣa vṛṣyaḥ paraṃ yogo bṛṃhaṇo balavardhanaḥ
Sanskrit only: no published translation is held for this verse.
अनेनाश्व इवोदीर्णो बली लिङ्गं समर्पयेत् माषाणामात्मगुप्ताया बीजानामाढकं नवम्
anenāśva ivodīrṇo balī liṅgaṃ samarpayet māṣāṇāmātmaguptāyā bījānāmāḍhakaṃ navam
Sanskrit only: no published translation is held for this verse.
जीवकर्षभकौ वीरां मेदाम् ऋद्धिं शतावरीम् मधुकं चाश्वगन्धां च साधयेत् कुडवोन्मिताम्
jīvakarṣabhakau vīrāṃ medām ṛddhiṃ śatāvarīm madhukaṃ cāśvagandhāṃ ca sādhayet kuḍavonmitām
Sanskrit only: no published translation is held for this verse.
रसे तस्मिन् घृतप्रस्थं गव्यं दशगुणं पयः विदारीणां रसप्रस्थं प्रस्थमिक्षुरसस्य च
rase tasmin ghṛtaprasthaṃ gavyaṃ daśaguṇaṃ payaḥ vidārīṇāṃ rasaprasthaṃ prasthamikṣurasasya ca
Sanskrit only: no published translation is held for this verse.
दत्त्वा मृद्वग्निना साध्यं सिद्धं सर्पिर्निधापयेत् शर्करायास्तुगाक्षीर्याः क्षौद्रस्य च पृथक् पृथक्
dattvā mṛdvagninā sādhyaṃ siddhaṃ sarpirnidhāpayet śarkarāyāstugākṣīryāḥ kṣaudrasya ca pṛthak pṛthak
Sanskrit only: no published translation is held for this verse.
भागांश्चतुष्पलांस् तत्र पिप्पल्याश्चावपेत् पलम् पलं पूर्वमतो लीढ्वा ततोऽन्नम् उपयोजयेत्
bhāgāṃścatuṣpalāṃs tatra pippalyāścāvapet palam palaṃ pūrvamato līḍhvā tato'nnam upayojayet
Sanskrit only: no published translation is held for this verse.
य इच्छेदक्षयं शुक्रं शेफसश् चोत्तमं बलम् शर्करा माषविदलास्तुगाक्षीरी पयो घृतम्
ya icchedakṣayaṃ śukraṃ śephasaś cottamaṃ balam śarkarā māṣavidalāstugākṣīrī payo ghṛtam
Sanskrit only: no published translation is held for this verse.
गोधूमचूर्णषष्ठानि सर्पिष्य् उत्कारिकां पचेत् तां नातिपक्वां मृदितां कौक्कुटे मधुरे रसे
godhūmacūrṇaṣaṣṭhāni sarpiṣy utkārikāṃ pacet tāṃ nātipakvāṃ mṛditāṃ kaukkuṭe madhure rase
Sanskrit only: no published translation is held for this verse.
सुगन्धे प्रक्षिपेद् उष्णे यथा सान्द्रीभवेद् रसः एष पिण्डरसो वृष्यः पौष्टिको बलवर्धनः
sugandhe prakṣiped uṣṇe yathā sāndrībhaved rasaḥ eṣa piṇḍaraso vṛṣyaḥ pauṣṭiko balavardhanaḥ
Sanskrit only: no published translation is held for this verse.
अनेनाश्व इवोदीर्णो बली लिङ्गं समर्पयेत् शिखितित्तिरिहंसानामेवं पिण्डरसो मतः बलवर्णस्वरकरः पुमांस्तेन वृषायते
anenāśva ivodīrṇo balī liṅgaṃ samarpayet śikhitittirihaṃsānāmevaṃ piṇḍaraso mataḥ balavarṇasvarakaraḥ pumāṃstena vṛṣāyate
Sanskrit only: no published translation is held for this verse.
घृतं माषान् सबस्ताण्डान् साधयेन्माहिषे रसे भर्जयेत्तं रसं पूतं फलाम्लं नवसर्पिषि
ghṛtaṃ māṣān sabastāṇḍān sādhayenmāhiṣe rase bharjayettaṃ rasaṃ pūtaṃ phalāmlaṃ navasarpiṣi
Sanskrit only: no published translation is held for this verse.
ईषत् सलवणं युक्तं धान्यजीरकनागरैः एष वृष्यश्च बल्यश्च बृंहणश्च रसोत्तमः
īṣat salavaṇaṃ yuktaṃ dhānyajīrakanāgaraiḥ eṣa vṛṣyaśca balyaśca bṛṃhaṇaśca rasottamaḥ
Sanskrit only: no published translation is held for this verse.
चटकांस्तित्तिरिरसे तित्तिरीन् कौक्कुटे रसे कुक्कुटान् बार्हिणरसे हांसे बार्हिणमेव च
caṭakāṃstittirirase tittirīn kaukkuṭe rase kukkuṭān bārhiṇarase hāṃse bārhiṇameva ca
Sanskrit only: no published translation is held for this verse.
नवसर्पिषि संतप्तान् फलाम्लान् कारयेद् रसान् मधुरान्वा यथासात्म्यं गन्धाढ्यान् बलवर्धनान्
navasarpiṣi saṃtaptān phalāmlān kārayed rasān madhurānvā yathāsātmyaṃ gandhāḍhyān balavardhanān
Sanskrit only: no published translation is held for this verse.
तृप्तिं चटकमांसानां गत्वा यो ऽनुपिबेत् पयः न तस्य लिङ्गशैथिल्यं स्यान्न शुक्रक्षयो निशि
tṛptiṃ caṭakamāṃsānāṃ gatvā yo 'nupibet payaḥ na tasya liṅgaśaithilyaṃ syānna śukrakṣayo niśi
Sanskrit only: no published translation is held for this verse.
माषसूपेण यो भुक्त्वा घृताढ्यं षष्टिकौदनम् पयः पिबति रात्रिं स कृत्स्नां जागर्ति वेगवान् न ना स्वपिति रात्रिषु नित्यस्तब्धेन शेफसा तृप्तः कुक्कुटमांसानां भृष्टानां नक्ररेतसि
māṣasūpeṇa yo bhuktvā ghṛtāḍhyaṃ ṣaṣṭikaudanam payaḥ pibati rātriṃ sa kṛtsnāṃ jāgarti vegavān na nā svapiti rātriṣu nityastabdhena śephasā tṛptaḥ kukkuṭamāṃsānāṃ bhṛṣṭānāṃ nakraretasi
Sanskrit only: no published translation is held for this verse.
निःस्राव्य मत्स्याण्डरसं भृष्टं सर्पिषि भक्षयेत्
niḥsrāvya matsyāṇḍarasaṃ bhṛṣṭaṃ sarpiṣi bhakṣayet
Sanskrit only: no published translation is held for this verse.
हंसबर्हिणदक्षाणाम् एवमण्डानि भक्षयेत्
haṃsabarhiṇadakṣāṇām evamaṇḍāni bhakṣayet
Sanskrit only: no published translation is held for this verse.
स्रोतःसु शुद्धेष्वमले शरीरे वृष्यं यदा ना मितमत्ति काले वृषायते तेन परं मनुष्यस् तद्बृंहणं चैव बलप्रदं च
srotaḥsu śuddheṣvamale śarīre vṛṣyaṃ yadā nā mitamatti kāle vṛṣāyate tena paraṃ manuṣyas tadbṛṃhaṇaṃ caiva balapradaṃ ca
Sanskrit only: no published translation is held for this verse.
तस्मात् पुरा शोधनमेव कार्यं बलानुरूपं न हि वृष्ययोगाः सिध्यन्ति देहे मलिने प्रयुक्ताः क्लिष्टे यथा वाससि रागयोगाः
tasmāt purā śodhanameva kāryaṃ balānurūpaṃ na hi vṛṣyayogāḥ sidhyanti dehe maline prayuktāḥ kliṣṭe yathā vāsasi rāgayogāḥ
Sanskrit only: no published translation is held for this verse.
वाजीकरणसामर्थ्यं क्षेत्रं स्त्री यस्य चैव या ये दोषा निरपत्यानां गुणाः पुत्रवतां च ये
vājīkaraṇasāmarthyaṃ kṣetraṃ strī yasya caiva yā ye doṣā nirapatyānāṃ guṇāḥ putravatāṃ ca ye
Sanskrit only: no published translation is held for this verse.
दश पञ्च च संयोगा वीर्यापत्यविवर्धनाः उक्तास्ते शरमूलीये पादे पुष्टिबलप्रदाः
daśa pañca ca saṃyogā vīryāpatyavivardhanāḥ uktāste śaramūlīye pāde puṣṭibalapradāḥ
Sanskrit only: no published translation is held for this verse.
इत्यग्निवेशकृते तन्त्रे चरकप्रतिसंस्कृते चिकित्सास्थाने वाजीकरणाध्याये संयोगशरमूलीयो नाम वाजीकरणपादः प्रथमः
ityagniveśakṛte tantre carakapratisaṃskṛte cikitsāsthāne vājīkaraṇādhyāye saṃyogaśaramūlīyo nāma vājīkaraṇapādaḥ prathamaḥ
Sanskrit only: no published translation is held for this verse.
इति ह स्माह भगवान् आत्रेयः
iti ha smāha bhagavān ātreyaḥ
Sanskrit only: no published translation is held for this verse.
अथात आसिक्तक्षीरिकं वाजीकरणपादं व्याख्यास्यामः
athāta āsiktakṣīrikaṃ vājīkaraṇapādaṃ vyākhyāsyāmaḥ
Sanskrit only: no published translation is held for this verse.
इति ह स्माह भगवानात्रेयः
iti ha smāha bhagavānātreyaḥ
Sanskrit only: no published translation is held for this verse.
आसिक्तक्षीरम् आपूर्णम् अशुष्कं शुद्धषष्टिकम् उदूखले समापोथ्य पीडयेत् क्षीरमर्दितम्
āsiktakṣīram āpūrṇam aśuṣkaṃ śuddhaṣaṣṭikam udūkhale samāpothya pīḍayet kṣīramarditam
Sanskrit only: no published translation is held for this verse.
गृहीत्वा तं रसं पूतं गव्येन पयसा सह बीजानामात्मगुप्ताया धान्यमाषरसेन च
gṛhītvā taṃ rasaṃ pūtaṃ gavyena payasā saha bījānāmātmaguptāyā dhānyamāṣarasena ca
Sanskrit only: no published translation is held for this verse.
बलायाः शूर्पपर्ण्याश्च जीवन्त्या जीवकस्य च ऋद्ध्यर्षभककाकोलीश्वदंष्ट्रामधुकस्य च
balāyāḥ śūrpaparṇyāśca jīvantyā jīvakasya ca ṛddhyarṣabhakakākolīśvadaṃṣṭrāmadhukasya ca
Sanskrit only: no published translation is held for this verse.
शतावर्या विदार्याश्च द्राक्षाखर्जूरयोर् अपि संयुक्तं मात्रया वैद्यः साधयेत्तत्र चावपेत्
śatāvaryā vidāryāśca drākṣākharjūrayor api saṃyuktaṃ mātrayā vaidyaḥ sādhayettatra cāvapet
Sanskrit only: no published translation is held for this verse.
तुगाक्षीर्याः समाषाणां शालीनां षष्टिकस्य च गोधूमानां च चूर्णानि यैः स सान्द्रीभवेद्रसः
tugākṣīryāḥ samāṣāṇāṃ śālīnāṃ ṣaṣṭikasya ca godhūmānāṃ ca cūrṇāni yaiḥ sa sāndrībhavedrasaḥ
Sanskrit only: no published translation is held for this verse.
सान्द्रीभूतं च कुर्यात् प्रभूतमधुशर्करम् गुटिका बदरैस्तुल्यास्ताश् च सर्पिषि भर्जयेत्
sāndrībhūtaṃ ca kuryāt prabhūtamadhuśarkaram guṭikā badaraistulyāstāś ca sarpiṣi bharjayet
Sanskrit only: no published translation is held for this verse.
ता यथाग्नि प्रयुञ्जानः क्षीरमांसरसाशनः पश्यत्यपत्यं विपुलं वृद्धो ऽप्यात्मजमक्षयम्
tā yathāgni prayuñjānaḥ kṣīramāṃsarasāśanaḥ paśyatyapatyaṃ vipulaṃ vṛddho 'pyātmajamakṣayam
Sanskrit only: no published translation is held for this verse.
चटकानां सहंसानां दक्षाणां शिखिनां तथा शिशुमारस्य नक्रस्य भिषक्शुक्राणि संहरेत्
caṭakānāṃ sahaṃsānāṃ dakṣāṇāṃ śikhināṃ tathā śiśumārasya nakrasya bhiṣakśukrāṇi saṃharet
Sanskrit only: no published translation is held for this verse.
गव्यं सर्पिर् वराहस्य कुलिङ्गस्य वसामपि षष्टिकानां च चूर्णानि चूर्णं गोधूमकस्य च
gavyaṃ sarpir varāhasya kuliṅgasya vasāmapi ṣaṣṭikānāṃ ca cūrṇāni cūrṇaṃ godhūmakasya ca
Sanskrit only: no published translation is held for this verse.
एभिः पूपलिकाः कार्याः शष्कुल्यो वर्तिकास्तथा पूपा धानाश् च विविधा भक्ष्याश्चान्ये पृथग्विधाः
ebhiḥ pūpalikāḥ kāryāḥ śaṣkulyo vartikāstathā pūpā dhānāś ca vividhā bhakṣyāścānye pṛthagvidhāḥ
Sanskrit only: no published translation is held for this verse.
एषां प्रयोगाद्भक्ष्याणां स्तब्धेनापूर्णरेतसा शेफसा वाजिवद्याति यावदिच्छं स्त्रियो नरः
eṣāṃ prayogādbhakṣyāṇāṃ stabdhenāpūrṇaretasā śephasā vājivadyāti yāvadicchaṃ striyo naraḥ
Sanskrit only: no published translation is held for this verse.
आत्मगुप्ताफलं माषान् खर्जूराणि शतावरीम् शृङ्गाटकानि मृद्वीकां साधयेत्प्रसृतोन्मितम्
ātmaguptāphalaṃ māṣān kharjūrāṇi śatāvarīm śṛṅgāṭakāni mṛdvīkāṃ sādhayetprasṛtonmitam
Sanskrit only: no published translation is held for this verse.
क्षीरप्रस्थं जलप्रस्थमेतत् प्रस्थावशेषितम् शुद्धेन वाससा पूतं योजयेत् प्रसृतैस् त्रिभिः
kṣīraprasthaṃ jalaprasthametat prasthāvaśeṣitam śuddhena vāsasā pūtaṃ yojayet prasṛtais tribhiḥ
Sanskrit only: no published translation is held for this verse.
शर्करायास्तुगाक्षीर्याः सर्पिषो ऽभिनवस्य च तत् पाययेत् सक्षौद्रं षष्टिकान्नं च भोजयेत्
śarkarāyāstugākṣīryāḥ sarpiṣo 'bhinavasya ca tat pāyayet sakṣaudraṃ ṣaṣṭikānnaṃ ca bhojayet
Sanskrit only: no published translation is held for this verse.
जरापरीतोऽप्यबलो योगेनानेन विन्दति नरोऽपत्यं सुविपुलं युवेव च स हृष्यति
jarāparīto'pyabalo yogenānena vindati naro'patyaṃ suvipulaṃ yuveva ca sa hṛṣyati
Sanskrit only: no published translation is held for this verse.
खर्जूरीमस्तकं माषान् पयस्यां च शतावरीम् खर्जूराणि मधूकानि मृद्वीकामजडाफलम्
kharjūrīmastakaṃ māṣān payasyāṃ ca śatāvarīm kharjūrāṇi madhūkāni mṛdvīkāmajaḍāphalam
Sanskrit only: no published translation is held for this verse.
पलोन्मितानि मतिमान् साधयेत् सलिलाढके तेन पादावशेषेण क्षीरप्रस्थं विपाचयेत्
palonmitāni matimān sādhayet salilāḍhake tena pādāvaśeṣeṇa kṣīraprasthaṃ vipācayet
Sanskrit only: no published translation is held for this verse.
क्षीरशेषेण तेनाद्याद् घृताढ्यं षष्टिकौदनम् सशर्करेण संयोग एष वृष्यः परं स्मृतः
kṣīraśeṣeṇa tenādyād ghṛtāḍhyaṃ ṣaṣṭikaudanam saśarkareṇa saṃyoga eṣa vṛṣyaḥ paraṃ smṛtaḥ
Sanskrit only: no published translation is held for this verse.
जीवकर्षभकौ मेदां जीवन्तीं श्रावणीद्वयम् खर्जूरं मधुकं द्राक्षां पिप्पलीं विश्वभेषजम्
jīvakarṣabhakau medāṃ jīvantīṃ śrāvaṇīdvayam kharjūraṃ madhukaṃ drākṣāṃ pippalīṃ viśvabheṣajam
Sanskrit only: no published translation is held for this verse.
शृङ्गाटकं विदारीं च नवं सर्पिः पयो जलम् सिद्धं घृतावशेषं तच्छर्कराक्षौद्रपादिकम्
śṛṅgāṭakaṃ vidārīṃ ca navaṃ sarpiḥ payo jalam siddhaṃ ghṛtāvaśeṣaṃ taccharkarākṣaudrapādikam
Sanskrit only: no published translation is held for this verse.
षष्टिकान्नेन संयुक्तमुपयोज्यं यथाबलम् वृष्यं बल्यं च वर्ण्यं च कण्ठ्यं बृंहणम् उत्तमम्
ṣaṣṭikānnena saṃyuktamupayojyaṃ yathābalam vṛṣyaṃ balyaṃ ca varṇyaṃ ca kaṇṭhyaṃ bṛṃhaṇam uttamam
Sanskrit only: no published translation is held for this verse.
दध्नः सरं शरच्चन्द्रसंनिभं दोषवर्जितम् शर्कराक्षौद्रमरिचैस् तुगाक्षीर्या च बुद्धिमान्
dadhnaḥ saraṃ śaraccandrasaṃnibhaṃ doṣavarjitam śarkarākṣaudramaricais tugākṣīryā ca buddhimān
Sanskrit only: no published translation is held for this verse.
युक्त्या युक्तं ससूक्ष्मैलं नवे कुम्भे शुचौ पटे मार्जितं प्रक्षिपेच्छीते घृताढ्ये षष्टिकौदने
yuktyā yuktaṃ sasūkṣmailaṃ nave kumbhe śucau paṭe mārjitaṃ prakṣipecchīte ghṛtāḍhye ṣaṣṭikaudane
Sanskrit only: no published translation is held for this verse.
पिबेन्मात्रां रसालायास्तं भुक्त्वा षष्टिकौदनम् वर्णस्वरबलोपेतः पुमांस्तेन वृषायते
pibenmātrāṃ rasālāyāstaṃ bhuktvā ṣaṣṭikaudanam varṇasvarabalopetaḥ pumāṃstena vṛṣāyate
Sanskrit only: no published translation is held for this verse.
चन्द्रांशुकल्पं पयसा घृताढ्यं षष्टिकौदनम् शर्करामधुसंयुक्तं प्रयुञ्जानो वृषायते
candrāṃśukalpaṃ payasā ghṛtāḍhyaṃ ṣaṣṭikaudanam śarkarāmadhusaṃyuktaṃ prayuñjāno vṛṣāyate
Sanskrit only: no published translation is held for this verse.
तप्ते सर्पिषि नक्राण्डं ताम्रचूडाण्डमिश्रितम् युक्तं षष्टिकचूर्णेन सर्पिषाभिनवेन च
tapte sarpiṣi nakrāṇḍaṃ tāmracūḍāṇḍamiśritam yuktaṃ ṣaṣṭikacūrṇena sarpiṣābhinavena ca
Sanskrit only: no published translation is held for this verse.
पक्त्वा पूपलिकाः खादेद्वारुणीमण्डपो नरः य इच्छेदश्ववद् गन्तुं प्रसेक्तुं गजवच् च यः
paktvā pūpalikāḥ khādedvāruṇīmaṇḍapo naraḥ ya icchedaśvavad gantuṃ prasektuṃ gajavac ca yaḥ
Sanskrit only: no published translation is held for this verse.
एतैः प्रयोगैर्विधिवद्वपुष्मान् वीर्योपपन्नो बलवर्णयुक्तः हर्षान्वितो वाजिवद् अष्टवर्षो भवेत् समर्थश्च वराङ्गनासु
etaiḥ prayogairvidhivadvapuṣmān vīryopapanno balavarṇayuktaḥ harṣānvito vājivad aṣṭavarṣo bhavet samarthaśca varāṅganāsu
Sanskrit only: no published translation is held for this verse.
यद्यच्च किंचिन् मनसः प्रियं स्याद्रम्या वनान्ताः पुलिनानि शैलाः इष्टाः स्त्रियो भूषणगन्धमाल्यं प्रिया वयस्याश्च तदत्र योग्यम्
yadyacca kiṃcin manasaḥ priyaṃ syādramyā vanāntāḥ pulināni śailāḥ iṣṭāḥ striyo bhūṣaṇagandhamālyaṃ priyā vayasyāśca tadatra yogyam
Sanskrit only: no published translation is held for this verse.
आसिक्तक्षीरिके पादे ये योगाः परिकीर्तिताः अष्टाव् अपत्यकामैस्ते प्रयोज्याः पौरुषार्थिभिः
āsiktakṣīrike pāde ye yogāḥ parikīrtitāḥ aṣṭāv apatyakāmaiste prayojyāḥ pauruṣārthibhiḥ
Sanskrit only: no published translation is held for this verse.
इत्यग्निवेशकृते तन्त्रे चरकप्रतिसंस्कृते चिकित्सास्थाने वाजीकरणाध्याये आसिक्तक्षीरिको नाम वाजीकरणपादो द्वितीयः
ityagniveśakṛte tantre carakapratisaṃskṛte cikitsāsthāne vājīkaraṇādhyāye āsiktakṣīriko nāma vājīkaraṇapādo dvitīyaḥ
Sanskrit only: no published translation is held for this verse.
प्राणकामाः शुश्रूषध्वम् इदम् उच्यमानम् अमृतम् इवापरम् अदितिसुतहितकरम् अचिन्त्याद्भुतप्रभावम् आयुष्यम् आरोग्यकरं वयसः स्थापनं निद्रातन्द्राश्रमक्लमालस्यदौर्बल्यापहरम् अनिलकफपित्तसाम्यकरं स्थैर्यकरम् अबद्धमांसहरम् अन्तरग्निसंधुक्षणं प्रभावर्णस्वरोत्तमकरं रसायनविधानम् अनेन च्यवनादयो महर्षयः पुनर्युवत्वम् आपुर् नारीणां चेष्टतमा बभूवुः स्थिरसमसुविभक्तमांसाः सुसंहतस्थिरशरीराः सुप्रसन्नबलवर्णेन्द्रियाः सर्वत्राप्रतिहतपराक्रमाः क्लेशसहाश् च सर्वे शरीरदोषा भवन्ति ग्राम्याहाराद् अम्लत्वलवणकटुकक्षारशुक्रशाकमांसतिलपललपिष्टान्नभोजिनां विरूढनवशूकशमीधान्यविरुद्धासात्म्यरूक्षक्षाराभिष्यन्दिभोजिनां क्लिन्नगुरुपूतिपर्युषितभोजिनां विषमाध्यशनप्रायाणां दिवास्वप्नस्त्रीमद्यनित्यानां विषमातिमात्रव्यायामसंक्षोभितशरीराणां भयक्रोधशोकलोभमोहायासबहुलानाम् अतोनिमित्तं हि शिथिलीभवन्ति मांसानि विमुच्यन्ते संधयः विदह्यते रक्तं विष्यन्दते चानल्पं मेदः न संधीयते ऽस्थिषु मज्जा शुक्रं न प्रवर्तते क्षयमुपैत्योजः स एवंभूते ग्लायति सीदति निद्रातन्द्रालस्यसमन्वितो निरुत्साहः श्वसिति असमर्थश्चेष्टानां शारीरमानसीनां नष्टस्मृतिबुद्धिच्छायो रोगाणाम् अधिष्ठानभूतो न सर्वमायुरवाप्नोति तस्मादेतान्दोषानवेक्षमाणः सर्वान् यथोक्तान् अहितान् अपास्याहारविहारान् रसायनानि प्रयोक्तुमर्हतीत्युक्त्वा भगवान् पुनर्वसुर् आत्रेय उवाच
prāṇakāmāḥ śuśrūṣadhvam idam ucyamānam amṛtam ivāparam aditisutahitakaram acintyādbhutaprabhāvam āyuṣyam ārogyakaraṃ vayasaḥ sthāpanaṃ nidrātandrāśramaklamālasyadaurbalyāpaharam anilakaphapittasāmyakaraṃ sthairyakaram abaddhamāṃsaharam antaragnisaṃdhukṣaṇaṃ prabhāvarṇasvarottamakaraṃ rasāyanavidhānam anena cyavanādayo maharṣayaḥ punaryuvatvam āpur nārīṇāṃ ceṣṭatamā babhūvuḥ sthirasamasuvibhaktamāṃsāḥ susaṃhatasthiraśarīrāḥ suprasannabalavarṇendriyāḥ sarvatrāpratihataparākramāḥ kleśasahāś ca sarve śarīradoṣā bhavanti grāmyāhārād amlatvalavaṇakaṭukakṣāraśukraśākamāṃsatilapalalapiṣṭānnabhojināṃ virūḍhanavaśūkaśamīdhānyaviruddhāsātmyarūkṣakṣārābhiṣyandibhojināṃ klinnagurupūtiparyuṣitabhojināṃ viṣamādhyaśanaprāyāṇāṃ divāsvapnastrīmadyanityānāṃ viṣamātimātravyāyāmasaṃkṣobhitaśarīrāṇāṃ bhayakrodhaśokalobhamohāyāsabahulānām atonimittaṃ hi śithilībhavanti māṃsāni vimucyante saṃdhayaḥ vidahyate raktaṃ viṣyandate cānalpaṃ medaḥ na saṃdhīyate 'sthiṣu majjā śukraṃ na pravartate kṣayamupaityojaḥ sa evaṃbhūte glāyati sīdati nidrātandrālasyasamanvito nirutsāhaḥ śvasiti asamarthaśceṣṭānāṃ śārīramānasīnāṃ naṣṭasmṛtibuddhicchāyo rogāṇām adhiṣṭhānabhūto na sarvamāyuravāpnoti tasmādetāndoṣānavekṣamāṇaḥ sarvān yathoktān ahitān apāsyāhāravihārān rasāyanāni prayoktumarhatītyuktvā bhagavān punarvasur ātreya uvāca
Sanskrit only: no published translation is held for this verse.
अथातो माषपर्णभृतीयं वाजीकरणपादं व्याख्यास्यामः
athāto māṣaparṇabhṛtīyaṃ vājīkaraṇapādaṃ vyākhyāsyāmaḥ
Sanskrit only: no published translation is held for this verse.
इति ह स्माह भगवानात्रेयः
iti ha smāha bhagavānātreyaḥ
Sanskrit only: no published translation is held for this verse.
माषपर्णभृतां धेनुं गृष्टिं पुष्टां चतुःस्तनीम् समानवर्णवत्सां च जीवद्वत्सां च बुद्धिमान्
māṣaparṇabhṛtāṃ dhenuṃ gṛṣṭiṃ puṣṭāṃ catuḥstanīm samānavarṇavatsāṃ ca jīvadvatsāṃ ca buddhimān
Sanskrit only: no published translation is held for this verse.
रोहिणीमथवा कृष्णाम् ऊर्ध्वशृङ्गीम् अदारुणाम् इक्ष्वादाम् अर्जुनादां वा सान्द्रक्षीरां च धारयेत्
rohiṇīmathavā kṛṣṇām ūrdhvaśṛṅgīm adāruṇām ikṣvādām arjunādāṃ vā sāndrakṣīrāṃ ca dhārayet
Sanskrit only: no published translation is held for this verse.
केवलं तु पयस्तस्याः शृतं वाशृतमेव वा शर्कराक्षौद्रसर्पिर्भिर्युक्तं तद्वृष्यमुत्तमम्
kevalaṃ tu payastasyāḥ śṛtaṃ vāśṛtameva vā śarkarākṣaudrasarpirbhiryuktaṃ tadvṛṣyamuttamam
Sanskrit only: no published translation is held for this verse.
शुक्रलैर् जीवनीयैश्च बृंहणैर् बलवर्धनैः क्षीरसंजननैश्चैव पयः सिद्धं पृथक् पृथक्
śukralair jīvanīyaiśca bṛṃhaṇair balavardhanaiḥ kṣīrasaṃjananaiścaiva payaḥ siddhaṃ pṛthak pṛthak
Sanskrit only: no published translation is held for this verse.
युक्तं गोधूमचूर्णेन सघृतक्षौद्रशर्करम् पर्यायेण प्रयोक्तव्यमिच्छता शुक्रमक्षयम्
yuktaṃ godhūmacūrṇena saghṛtakṣaudraśarkaram paryāyeṇa prayoktavyamicchatā śukramakṣayam
Sanskrit only: no published translation is held for this verse.
मेदां पयस्यां जीवन्तीं विदारीं कण्टकारिकाम् श्वदंष्ट्रां क्षीरिकां माषान् गोधूमाञ्छालिषष्टिकान्
medāṃ payasyāṃ jīvantīṃ vidārīṃ kaṇṭakārikām śvadaṃṣṭrāṃ kṣīrikāṃ māṣān godhūmāñchāliṣaṣṭikān
Sanskrit only: no published translation is held for this verse.
पयस्यर्धोदके पक्त्वा कार्षिकान् आढकोन्मिते विवर्जयेत् पयःशेषं तत्पूतं क्षौद्रसर्पिषा
payasyardhodake paktvā kārṣikān āḍhakonmite vivarjayet payaḥśeṣaṃ tatpūtaṃ kṣaudrasarpiṣā
Sanskrit only: no published translation is held for this verse.
युक्तं सशर्करं पीत्वा वृद्धः सप्ततिको ऽपि वा विपुलं लभतेऽपत्यं युवेव च स हृष्यति
yuktaṃ saśarkaraṃ pītvā vṛddhaḥ saptatiko 'pi vā vipulaṃ labhate'patyaṃ yuveva ca sa hṛṣyati
Sanskrit only: no published translation is held for this verse.
मण्डलैर्जातरूपस्य तस्या एव पयः शृतम् अपत्यजननं सिद्धं सघृतक्षौद्रशर्करम्
maṇḍalairjātarūpasya tasyā eva payaḥ śṛtam apatyajananaṃ siddhaṃ saghṛtakṣaudraśarkaram
Sanskrit only: no published translation is held for this verse.
त्रिंशत् सुपिष्टाः पिप्पल्यः प्रकुञ्चे तैलसर्पिषोः भृष्टाः सशर्करक्षौद्राः क्षीरधारावदोहिताः
triṃśat supiṣṭāḥ pippalyaḥ prakuñce tailasarpiṣoḥ bhṛṣṭāḥ saśarkarakṣaudrāḥ kṣīradhārāvadohitāḥ
Sanskrit only: no published translation is held for this verse.
पीत्वा यथाबलं चोर्ध्वं षष्टिकं क्षीरसर्पिषा भुक्त्वा न रात्रिम् अस्तब्धं लिङ्गं पश्यति ना क्षरत्
pītvā yathābalaṃ cordhvaṃ ṣaṣṭikaṃ kṣīrasarpiṣā bhuktvā na rātrim astabdhaṃ liṅgaṃ paśyati nā kṣarat
Sanskrit only: no published translation is held for this verse.
श्वदंष्ट्राया विदार्याश्च रसे क्षीरचतुर्गुणे घृताढ्यः साधितो वृष्यो माषषष्टिकपायसः
śvadaṃṣṭrāyā vidāryāśca rase kṣīracaturguṇe ghṛtāḍhyaḥ sādhito vṛṣyo māṣaṣaṣṭikapāyasaḥ
Sanskrit only: no published translation is held for this verse.
फलानां जीवनीयानां स्निग्धानां रुचिकारिणाम् कुडवश्चूर्णितानां स्यात् स्वयंगुप्ताफलस्य च
phalānāṃ jīvanīyānāṃ snigdhānāṃ rucikāriṇām kuḍavaścūrṇitānāṃ syāt svayaṃguptāphalasya ca
Sanskrit only: no published translation is held for this verse.
कुडवश्चैव माषाणां द्वौ द्वौ च तिलमुद्गयोः गोधूमशालिचूर्णानां कुडवः कुडवो भवेत्
kuḍavaścaiva māṣāṇāṃ dvau dvau ca tilamudgayoḥ godhūmaśālicūrṇānāṃ kuḍavaḥ kuḍavo bhavet
Sanskrit only: no published translation is held for this verse.
सर्पिषः कुडवश्चैकस्तत् सर्वं क्षीरमर्दितम् पक्त्वा पूपलिकाः खादेद् बह्व्यः स्युर् यस्य योषितः
sarpiṣaḥ kuḍavaścaikastat sarvaṃ kṣīramarditam paktvā pūpalikāḥ khāded bahvyaḥ syur yasya yoṣitaḥ
Sanskrit only: no published translation is held for this verse.
घृतं शतावरीगर्भं क्षीरे दशगुणे पचेत् शर्करापिप्पलीक्षौद्रयुक्तं तद्वृष्यमुत्तमम्
ghṛtaṃ śatāvarīgarbhaṃ kṣīre daśaguṇe pacet śarkarāpippalīkṣaudrayuktaṃ tadvṛṣyamuttamam
Sanskrit only: no published translation is held for this verse.
कर्षं मधुकचूर्णस्य घृतक्षौद्रसमांशिकम् प्रयुङ्क्ते यः पयश्चानु नित्यवेगः स ना भवेत्
karṣaṃ madhukacūrṇasya ghṛtakṣaudrasamāṃśikam prayuṅkte yaḥ payaścānu nityavegaḥ sa nā bhavet
Sanskrit only: no published translation is held for this verse.
घृतक्षीराशनो निर्भीर् निर्व्याधिर् नित्यगो युवा संकल्पप्रवणो नित्यं नरः स्त्रीषु वृषायते
ghṛtakṣīrāśano nirbhīr nirvyādhir nityago yuvā saṃkalpapravaṇo nityaṃ naraḥ strīṣu vṛṣāyate
Sanskrit only: no published translation is held for this verse.
कृतैककृत्याः सिद्धार्था ये चान्योन्यानुवर्तिनः कलासु कुशलास्तुल्याः सत्त्वेन वयसा च ये
kṛtaikakṛtyāḥ siddhārthā ye cānyonyānuvartinaḥ kalāsu kuśalāstulyāḥ sattvena vayasā ca ye
Sanskrit only: no published translation is held for this verse.
कुलमाहात्म्यदाक्षिण्यशीलशौचसमन्विताः ये कामनित्या ये हृष्टा ये विशोका गतव्यथाः
kulamāhātmyadākṣiṇyaśīlaśaucasamanvitāḥ ye kāmanityā ye hṛṣṭā ye viśokā gatavyathāḥ
Sanskrit only: no published translation is held for this verse.
ये तुल्यशीला ये भक्ता ये प्रिया ये प्रियंवदाः तैर् नरः सह विस्रब्धः सुवयस्यैर् वृषायते
ye tulyaśīlā ye bhaktā ye priyā ye priyaṃvadāḥ tair naraḥ saha visrabdhaḥ suvayasyair vṛṣāyate
Sanskrit only: no published translation is held for this verse.
अभ्यङ्गोत्सादनस्नानगन्धमाल्यविभूषणैः गृहशय्यासनसुखैर् वासोभिरहतैः प्रियैः
abhyaṅgotsādanasnānagandhamālyavibhūṣaṇaiḥ gṛhaśayyāsanasukhair vāsobhirahataiḥ priyaiḥ
Sanskrit only: no published translation is held for this verse.
विहंगानां रुतैरिष्टैः स्त्रीणां चाभरणस्वनैः संवाहनैर् वरस्त्रीणाम् इष्टानां च वृषायते
vihaṃgānāṃ rutairiṣṭaiḥ strīṇāṃ cābharaṇasvanaiḥ saṃvāhanair varastrīṇām iṣṭānāṃ ca vṛṣāyate
Sanskrit only: no published translation is held for this verse.
मत्तद्विरेफाचरिताः सपद्माः सलिलाशयाः जात्युत्पलसुगन्धीनि शीतगर्भगृहाणि च
mattadvirephācaritāḥ sapadmāḥ salilāśayāḥ jātyutpalasugandhīni śītagarbhagṛhāṇi ca
Sanskrit only: no published translation is held for this verse.
नद्यः फेनोत्तरीयाश्च गिरयो नीलसानवः उन्नतिर् नीलमेघानां रम्यचन्द्रोदया निशाः
nadyaḥ phenottarīyāśca girayo nīlasānavaḥ unnatir nīlameghānāṃ ramyacandrodayā niśāḥ
Sanskrit only: no published translation is held for this verse.
वायवः सुखसंस्पर्शाः कुमुदाकरगन्धिनः रतिभोगक्षमा रात्र्यः संकोचागुरुवल्लभाः
vāyavaḥ sukhasaṃsparśāḥ kumudākaragandhinaḥ ratibhogakṣamā rātryaḥ saṃkocāguruvallabhāḥ
Sanskrit only: no published translation is held for this verse.
सुखाः सहायाः परपुष्टघुष्टाः फुल्ला वनान्ता विशदान्नपानाः गान्धर्वशब्दाश्च सुगन्धयोगाः सत्त्वं विशालं निरुपद्रवं च
sukhāḥ sahāyāḥ parapuṣṭaghuṣṭāḥ phullā vanāntā viśadānnapānāḥ gāndharvaśabdāśca sugandhayogāḥ sattvaṃ viśālaṃ nirupadravaṃ ca
Sanskrit only: no published translation is held for this verse.
सिद्धार्थता चाभिनवश्च कामः स्त्री चायुधं सर्वमिहात्मजस्य वयो नवं जातमदश्च कालो हर्षस्य योनिः परमा नराणाम्
siddhārthatā cābhinavaśca kāmaḥ strī cāyudhaṃ sarvamihātmajasya vayo navaṃ jātamadaśca kālo harṣasya yoniḥ paramā narāṇām
Sanskrit only: no published translation is held for this verse.