पिष्टस्वेदनविधिनेति यथा पिष्टकं तोयपरिपूरितपात्रोपरिदत्ततृणादिसंस्थितं स्वेद्यते तथा तत् स्वेदनीयम् इत्यर्थः ॥ १ स्वरसपरिपीतमिति स्वरसभावितम् ॥ २ ब्रह्मसुवर्चलाद्यौषधान्य् आयुर्वेदसमुत्थानीये वक्ष्यमाणानि ॥ ३ युवतिः नवमालिका ॥ ४ अष्टमो भागो ऽष्टभागः ॥ ५ क्षुद्रगुडाकृतिम् इति फाणिताकृतिम् ॥ ६ अर्धकर्षवृद्ध्येति अर्धकर्षात्प्रभृति वर्धयेत् ॥ ७ यथोक्तविधिनेति कुटीप्रावेशिकेन विधिना ॥ ८ यथोक्तान् गुणानिति पूर्वप्रयोगफलश्रुतिपठितान् ॥ ९ धरणीधरसार इति उष्ट्रमुखवत् तेन धरणीधराः पर्वतास् तेषां सारो लौहं तद्वत्सार इत्यर्थः ॥ १० अविषमिति विषम् अविकारि ॥ ११] बिल्वो ऽग्निमन्थः श्योनाकः काश्मर्यः पाटलिर्बला । पर्ण्यश् चतस्रः पिप्पल्यः श्वदंष्ट्रा बृहतीद्वयम्
piṣṭasvedanavidhineti yathā piṣṭakaṃ toyaparipūritapātroparidattatṛṇādisaṃsthitaṃ svedyate tathā tat svedanīyam ityarthaḥ // 1 svarasaparipītamiti svarasabhāvitam // 2 brahmasuvarcalādyauṣadhāny āyurvedasamutthānīye vakṣyamāṇāni // 3 yuvatiḥ navamālikā // 4 aṣṭamo bhāgo 'ṣṭabhāgaḥ // 5 kṣudraguḍākṛtim iti phāṇitākṛtim // 6 ardhakarṣavṛddhyeti ardhakarṣātprabhṛti vardhayet // 7 yathoktavidhineti kuṭīprāveśikena vidhinā // 8 yathoktān guṇāniti pūrvaprayogaphalaśrutipaṭhitān // 9 dharaṇīdharasāra iti uṣṭramukhavat tena dharaṇīdharāḥ parvatās teṣāṃ sāro lauhaṃ tadvatsāra ityarthaḥ // 10 aviṣamiti viṣam avikāri // 11] bilvo 'gnimanthaḥ śyonākaḥ kāśmaryaḥ pāṭalirbalā / parṇyaś catasraḥ pippalyaḥ śvadaṃṣṭrā bṛhatīdvayam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.