रूपादिव्यतिरेकेणापि काचित् कस्यचित् कर्मवशाद्वृष्या स्त्री भवतीति दर्शयन्नाह नानेत्यादि ॥ १ दैवयोगादिति प्राक्तनकर्मवशात् ॥ २ विवर्धन्त इति वृष्यत्वं सम्पादयन्ति ॥ ३ हावो नरं प्रति स्त्रीणां शृङ्गारचेष्टाविशेषः ॥ ४ उक्तं च भरतेन प्रकाशरूपकं सत्त्वं सत्त्वोत्प्लवाः समुद्गताः ॥ ५ तेभ्यो हावादिनिष्पत्तिरित्याहुः परमर्षयः इति ॥ ६ दैवाद् इति प्राक्तनकर्मणः ॥ ७ कर्मण इति ऐहिकाद्वशीकरणादिकर्मणः ॥ ८ मनःशयः कामः ॥ ९ पाशभूतेति मनैन्द्रियबन्धहेतुत्वात् ॥ १० नानाभावा हि मानवाः इत्यनेन रूपादिगुणयोगेन सर्वपुरुषान् प्रति स्त्रीणां प्रियत्वमिति दर्शयति ॥ ११] अच्छायश् चैकशाखश् च निष्फलश्च यथा द्रुमः
rūpādivyatirekeṇāpi kācit kasyacit karmavaśādvṛṣyā strī bhavatīti darśayannāha nānetyādi // 1 daivayogāditi prāktanakarmavaśāt // 2 vivardhanta iti vṛṣyatvaṃ sampādayanti // 3 hāvo naraṃ prati strīṇāṃ śṛṅgāraceṣṭāviśeṣaḥ // 4 uktaṃ ca bharatena prakāśarūpakaṃ sattvaṃ sattvotplavāḥ samudgatāḥ // 5 tebhyo hāvādiniṣpattirityāhuḥ paramarṣayaḥ iti // 6 daivād iti prāktanakarmaṇaḥ // 7 karmaṇa iti aihikādvaśīkaraṇādikarmaṇaḥ // 8 manaḥśayaḥ kāmaḥ // 9 pāśabhūteti manaindriyabandhahetutvāt // 10 nānābhāvā hi mānavāḥ ityanena rūpādiguṇayogena sarvapuruṣān prati strīṇāṃ priyatvamiti darśayati // 11] acchāyaś caikaśākhaś ca niṣphalaśca yathā drumaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.