Library·Chāndogya Upaniṣad·2·2.20
अग्निर् हिङ्कारः । वायुः प्रस्तावः । आदित्य उद्गीथः । नक्षत्राणि प्रतिहारः । चन्द्रमा निधनम् । एतद् राजनं देवतासु प्रोतम्
agnir hiṅkāraḥ | vāyuḥ prastāvaḥ | āditya udgīthaḥ | nakṣatrāṇi pratihāraḥ | candramā nidhanam | etad rājanaṃ devatāsu protam
The hinkâra is fire, the prastâva air, the udgîtha the sun, the pratihâra the stars, the nidhana the moon. That is the Râgana Sâman, as interwoven in the deities.
Translated by F. Max Müller
स य एवम् एतद् राजनं देवतासु प्रोतं वेद । एतासाम् एव देवतानां सलोकतां सर्ष्टितां सायुज्यं गच्छति । सर्वम् आयुर् एति । ज्योग् जीवति । महान् प्रजया पशुभिर् भवति । महान् कीर्त्या । ब्राह्मणान् न निन्देत् । तद् व्रतम्
sa ya evam etad rājanaṃ devatāsu protaṃ veda | etāsām eva devatānāṃ salokatāṃ sarṣṭitāṃ sāyujyaṃ gacchati | sarvam āyur eti | jyog jīvati | mahān prajayā paśubhir bhavati | mahān kīrtyā | brāhmaṇān na nindet | tad vratam
He who thus knows the Râgana, as interwoven in the deities, obtains the same world, the same happiness, the same company as the gods, he reaches the full life, he lives long, becomes great with children and cattle, great by fame. His rule is, 'Do not speak evil of the Brâhmanas.'
Translated by F. Max Müller