Chāndogya Upaniṣad 3.11

अथ तत ऊर्ध्व उदेत्य नैवोदेता नास्तम् एतैकल एव मध्ये स्थाता । तद् एष श्लोकः

atha tata ūrdhva udetya naivodetā nāstam etaikala eva madhye sthātā | tad eṣa ślokaḥ

Sanskrit only: no published translation is held for this verse.

न वै तत्र न निम्लोच । नोदियाय कदाचन । देवास् तेनाहं सत्येन । मा विराधिषि ब्रह्मणेति

na vai tatra na nimloca | nodiyāya kadācana | devās tenāhaṃ satyena | mā virādhiṣi brahmaṇeti

Sanskrit only: no published translation is held for this verse.

न ह वा अस्मा उदेति न निम्लोचति । सकृद् दिवा हैवास्मै भवति । य एताम् एवं ब्रह्मोपनिषदं वेद

na ha vā asmā udeti na nimlocati | sakṛd divā haivāsmai bhavati | ya etām evaṃ brahmopaniṣadaṃ veda

Sanskrit only: no published translation is held for this verse.

तद् धैतद् ब्रह्मा प्रजापतय उवाच । प्रजापतिर् मनवे । मनुः प्रजाभ्यः । तद् धैतद् उद्दालकायारुणये ज्येष्ठाय पुत्राय पिता ब्रह्म प्रोवाच

tad dhaitad brahmā prajāpataya uvāca | prajāpatir manave | manuḥ prajābhyaḥ | tad dhaitad uddālakāyāruṇaye jyeṣṭhāya putrāya pitā brahma provāca

Sanskrit only: no published translation is held for this verse.

इदं वाव तज् ज्येष्ठाय पुत्राय पिता ब्रह्म प्रब्रूयात् प्रणाय्याय वान्तेवासिने

idaṃ vāva taj jyeṣṭhāya putrāya pitā brahma prabrūyāt praṇāyyāya vāntevāsine

Sanskrit only: no published translation is held for this verse.

नान्यस्मै कस्मैचन । यद्य् अप्य् अस्मा इमाम् अद्भिः परिगृहीतां धनस्य पूर्णां दद्याद् एतद् एव ततो भूय इति

nānyasmai kasmaicana | yady apy asmā imām adbhiḥ parigṛhītāṃ dhanasya pūrṇāṃ dadyād etad eva tato bhūya iti

Sanskrit only: no published translation is held for this verse.