Library·Chāndogya Upaniṣad·4·4.14
ते होचुः । उपकोसलैषा सोम्य ते ऽस्मद्विद्यात्मविद्या च । आचार्यस् तु ते गतिं वक्तेति । आजगाम हास्याचार्यः । तम् आचार्यो ऽभ्युवादोपकोसल ३ इति
te hocuḥ | upakosalaiṣā somya te 'smadvidyātmavidyā ca | ācāryas tu te gatiṃ vakteti | ājagāma hāsyācāryaḥ | tam ācāryo 'bhyuvādopakosala 3 iti
Then they all said: 'Upakosala, this is our knowledge, our friend, and the knowledge of the Self, but the teacher will tell you the way (to another life).'
Translated by F. Max Müller
भगव इति ह प्रतिशुश्राव । ब्रह्मविद इव सोम्य मुखं भाति । को नु त्वानुशशासेति । को नु मानुशिश्याद् भो इतीहापेव निह्नुते । इमे नूनम् ईदृशा अन्यादृशा इतीहाग्नीन् अभ्यूदे । किं नु सोम्य किल ते ऽवोचन्न् इति
bhagava iti ha pratiśuśrāva | brahmavida iva somya mukhaṃ bhāti | ko nu tvānuśaśāseti | ko nu mānuśiśyād bho itīhāpeva nihnute | ime nūnam īdṛśā anyādṛśā itīhāgnīn abhyūde | kiṃ nu somya kila te 'vocann iti
Sanskrit only: no published translation is held for this verse.
इदम् इति ह प्रतिजज्ञे । लोकान् वाव किल सोम्य ते ऽवोचन् । अहं तु ते तद् वक्ष्यामि यथा पुष्करपलाश आपो न श्लिष्यन्त एवम् एवंविदि पापं कर्म न श्लिष्यत इति । ब्रवीतु मे भगवान् इति । तस्मै होवाच
idam iti ha pratijajñe | lokān vāva kila somya te 'vocan | ahaṃ tu te tad vakṣyāmi yathā puṣkarapalāśa āpo na śliṣyanta evam evaṃvidi pāpaṃ karma na śliṣyata iti | bravītu me bhagavān iti | tasmai hovāca
He answered: 'This' (repeating some of what they had told him). The teacher said: 'My friend, they have taught you about the worlds, but I shall tell you this; and as water does not cling to a lotus leaf, so no evil deed clings to one who knows it.' He said: 'Sir, tell it me.'
Translated by F. Max Müller