पुरुषं सोम्योत हस्तगृहीतम् आनयन्ति । अपहार्षीत् स्तेयम् अकार्षीत् परशुम् अस्मै तपतेति । स यदि तस्य कर्ता भवति तत एवानृतम् आत्मानं कुरुते । सो ऽनृताभिसंधो ऽनृतेनात्मानम् अन्तर्धाय परशुं तप्तं प्रतिगृह्णाति । स दह्यते । अथ हन्यते
puruṣaṃ somyota hastagṛhītam ānayanti | apahārṣīt steyam akārṣīt paraśum asmai tapateti | sa yadi tasya kartā bhavati tata evānṛtam ātmānaṃ kurute | so 'nṛtābhisaṃdho 'nṛtenātmānam antardhāya paraśuṃ taptaṃ pratigṛhṇāti | sa dahyate | atha hanyate
Sanskrit only: no published translation is held for this verse.
अथ यदि तस्याकर्ता भवति । तत एव सत्यम् आत्मानं कुरुते । स सत्याभिसन्धः सत्येनात्मानम् अन्तर्धाय परशुं तप्तं प्रतिगृह्णाति । स न दह्यते । अथ मुच्यते
atha yadi tasyākartā bhavati | tata eva satyam ātmānaṃ kurute | sa satyābhisandhaḥ satyenātmānam antardhāya paraśuṃ taptaṃ pratigṛhṇāti | sa na dahyate | atha mucyate
Sanskrit only: no published translation is held for this verse.
स यथा तत्र नादाह्येत । एतद् आत्म्यम् इदं सर्वम् । तत् सत्यम् । स आत्मा । तत् त्वम् असि श्वेतकेतो इति । तद् धास्य विजज्ञाव् इति विजज्ञाव् इति
sa yathā tatra nādāhyeta | etad ātmyam idaṃ sarvam | tat satyam | sa ātmā | tat tvam asi śvetaketo iti | tad dhāsya vijajñāv iti vijajñāv iti
Sanskrit only: no published translation is held for this verse.